Së fundmi Lopetegu, është rikthyer të flasë për periudhën e tij te ekipi madrilen. 52-vjeçari, ka deklaruar se nuk pati kohë, në mënyrë që të arrinte të kalonte momentin e keq që ekipi i tij po përjetonte. Gjithashtu, spanjolli shtoi se ka respekt për Solarin dhe se nuk do të flasë keq asnjëherë për Realin.

“Nuk pata kohë, kjo është mënyra më e mirë që mund ta shpjegoj.Patëm një fillim të mirë, ekipi po luante mirë, por më vonë patëm tri javë të këqija. Shpresoja që mund të gjeja një zgjidhje dhe ta kalonim këtë situatë. Ishim të sigurt që do ta kalonim atë moment të keq, por diçka e tillë nuk ndodhi.

Kam shumë respekt për tranjerin e ri të ekipit, dhe stafin e tij të ri. Lojtarët i dashuroj pasi kishin një qëndrim fantastik ndaj meje.  Kurrë nuk do të shprehem keq për Realin e Madridit. Të drejtosh këtë klub është një eksperiencë fantastike për çdo tranjer. Shpresoja të kisha më shumë kohë, por tani duhet të shikoj për të ardhmen”, përfundoi ish-trajneri i Realit.

Spartaku i Moskës është ekipi që kërkon me ngulm teknikun bask. Klubi rus ndërpreu bashkëpunimin 3-vjeçar me italianin Masimo Karrera dhe është vënë në kërkim të një trajneri cilësor. Por, akordi me Lopeteguin s’do të jetë i lehtë për t’u arritur. Shkak për këtë është kontrata e tij me Real Madridin.

Lopetegui do të vazhdojë të paguhet me rrogën e tij të plotë (6 milionë Euro/sezon), pavarësisht se është shkarkuar. Në rast se klubi rus dëshiron të firmosë me trajnerin spanjoll, atyre do i duhet të gjejnë një marrëveshje me Realin, ku rroga e  teknikut të ndahet në mënyrë të barabartë midis dy klubeve.

“Humbja më e madhe për lojtarët është kur trajnerit i duhet të ikë. Sidomos në këtë rast, pasi ai është një trajner dhe person i madh. Faleminderit Julen”, shkroi Kros. Në tri muajt që punoi me Lopeteguin, vendi i Kros në formacionin titullar nuk u vu asnjëherë në dyshim.

The biggest defeat for players is when the coach has to go. Especially in this case because he is a great coach and great person. Thanks Julen! pic.twitter.com/VRhWVcfpKa

— Toni Kroos (@ToniKroos) October 30, 2018

“ Bordi drejtues e kupton se ka një diferencë të madhe midis kualiteti të skuadrës së Real Madridit, që ka në përbërje tetë lojtarë të dominuar për çmimin e “Topit të Artë”. Rezultatet e arritura deri më tani nga klubi janë të papreçedenta. I jemi mirënjohës Lopeteguit dhe stafit të tij dhe u urojmë më të mirat në karrierën e tyre”,  shkruhej në komunikatën e publikuar në sajtin e klubit madrilen.

Official Announcement.#RealMadrid https://t.co/DoBj8MKMrO

— Real Madrid C.F. ???? (@realmadriden) October 29, 2018

Pasuesi i Lopeteguit do të jetë trajneri i ekipit B, Santiago Solari. Argjentinasi është një zgjidhje e përkohshme, teksa pritet që në ditët në vazhdim të mbyllen negociatat me teknikun italian Antonio Konte.

Sipas burimeve të besueshme pranë klubit, Florentino Perez ka humbur krejtësisht besimin te trajneri që emëroi katër muaj më parë, pas dorheqjes së papritur të Zinedin Zidan. Ditën e nesërme pritet të shpërndahet komunikata zyrtare për shkarkimin e 52-vjeçarit, një vendim ky që vjen me një kosto shumë të lartë edhe për një klub me financa si të Realit, pasi Lopetegui do të përfitojë 18 milioën Euro mbas shkarkimit të tij.

Pasuesi i Lopeteguit do të jetë italiani Antonio Konte, i cili mund të mbërrijë nesër në Madrid, por nëse ardhja e Kontes shtyhet me disa ditë për shkak të negociatave të kontratës së re, trajneri i përkohshëm do të jetë Santiago Solari, tekniku aktual i skuadrës B të Realit, i cili me shumë gjasa do të jetë në stolin e madrilenëve ditën e mërkurë në përballjen e Kupës së Mbretit ndaj ekipit gjysmëprofesionist të Melijas.

NDESHJA – “Në pjesën e parë dominuam lojën. Ata vendosën të na prisnin në mbrojtje, ndërsa ne iu përshtatëm mirë kësaj situate.  Ata na rrezikuan vetëm me goditje nga distanca në pjesën e dytë Reali ndryshoi strategji dhe treguan se janë një ekip i madh duke shënuar e duke krijuar disa raste të rrezikshme. Fatmirësisht, me kalimin e lojës i ndëshkuam sërish”, përfundoi Valverde.

LOPETEGUI – “E di shumë mirë se si është të jesh në pozicionin e tij. Duket se gjithçka po shkon keq dhe kjo gjë ka efekt te trajeri. I tillë është futbolli i sotëm. Ajo që po i ndodh atij tani, mund të më ndodh mua pas tri javësh. Dëshiroj më të mirën për Lopeteguin. Nuk dua të komentoj nëse do të shkarkohet ose jo. Për mua të gjitha shkarkimet janë të padrejta”

GOLI I MARCELOS – “Kanë qenë 15 minuta të vështira në fillim të pjesës së dytë, por kemi bërë një ndeshje të mirë. Pjesa e parë ishte e gjitha e jona. Ata gjuanin nga larg dhe nuk afroheshin, ndërsa ne ishim më afër. Në pjesën e dytë kanë ndryshuar shumë, sidomos nga krahët. Për pak momente patëm një hutim, që erdhi dhe nga goli që pësuam. Gjithsesi, arritëm të reagonim dhe përfituam nga hapësirat që ata linin pas”.

“Kishim kohë dhe mundësi për të përmbysur rezultatin. Patëm shanse të pastra për të barazuar rezultatin, por nuk ishte e thënë. Në pjesën e parë ata luajtën më mirë se ne, megjithëse nuk patën shumë raste për gol”.

“Përgjegjësitë teknike bien gjithmonë mbi trajnerin. Por në fund humbim bashkë dhe fitojmë bashkë. Jam i bindur se në fund të sezonit në Madrid do të ketë festë. Duhet të ndihmojmë njëri-tjetrin dhe të insistojmë deri në fund”.

“Jemi të mërzitur, por është vetëm muaji tetor. Asgjë nuk është e pariparueshme, pasi kemi plot kohë dhe fuqi për të bërë kthesën si ekip. Rezultati nuk reflekton realitetin e ndeshjes, kishim raste për të barazuar takimin, por Suarez çoi ndeshjen në 3-1 gjithçka mbaroi”, përfundoi tekniku i bask.

Sa i rëndësishëm është kapiteni Ramos?
-Serxho Ramos është kapiteni ynë dhe gjithmonë bën një punë të shkëlqyeshme. Ne jemi shumë me fat që e kemi sepse është një nga më të mirët. Kemi opsione të ndryshme dhe të gjithë janë në gjendje që të luajnë, përveç Karvahal, i cili nuk është i disponueshëm”.

Si është situata me të dëmtuarit?
-Marcelo mori një goditje, por e rëndësishmë është se ai është stërvitur normalisht. Isko është mirë. Ka qenë jashtë për një muaj dhe dy ndeshjet e fundit ka marrë minuta. Mund të nisë nga fillimi nesër, do të shohim.

Cila është gjëja më e rëndësishme në “El Clasico”?
-Nuk duhet të bësh gabime, duhet të kesh besim te vetja dhe aftësitë e tua që të kesh mundësi të jesh mbi kundërshtarin. Të gjitha këto gjëra janë të rëndësishme. Ju shikoni ndeshjen në rrugën tuaj, ne e shikojmë atë një mënyrë tjetër. Të gjithë e shikojnë atë me interesat e tyre.

Po për gjendjen e skuadrës çfarë mund të na thoni?
-Situata është e mirë për ju, gazetarët. Kjo gjë nuk na ndihmon ne. Ajo që më bën të qetë është se ekipi im mund ta kthejë këtë moment në favorin e tij. Jemi në tetor dhe kemi luajtur disa ndeshje të mira. Pavarësisht se ata kanë bërë më mirë se ne, do të jemi gati për një ndeshje si kjo. Mendoj se ekipi është i gatshëm të luajë çdo lloj strategjie që kemi. Sipas këndvështrimit tim kemi bërë mirë në ndeshje të caktuara dhe nesër do të shohim se çfarë strategjie do të zgjedhim”.

Si jetoni me të gjithë këtë vëmendje të medias?
-Gjithçka që mund të bëj është të mendoj për punën time dhe nuk jam i shqetësuar për atë që njerëzit po thonë, por vetëm për ekipin tim. Nuk më shqetëson çfarë thonë njerëzit. Nuk ndikon tek unë ajo që njerëzit flasin. Ne mund të fitojmë në çdo fushë.

A është ndeshja më e rëndësishme e karrierës suaj?
-Është një ndeshje shumë e rëndësishme dhe duhet të përqendrohemi vetëm në sfidën e nesërme. Nuk ka përballje më të madhe se Barcelona-Real Madrid. Është ndeshja me nivelin më të madh, në të cilën jam përfshirë. Çdo sfidë është e rëndësishme, por “El Clasico” është krejtësisht diçka tjetër.

Lojtarët të mbështesin, a ju ndihmon kjo?
-Natyrisht, i besoj atyre dhe ata më besojnë mua. Ajo që ne mund të bëjmë është të vazhdojmë të punojmë mirë dhe këtë gjë t’ua tregojmë dhe tifozëve. Ne jemi të emocionuar dhe të gatshëm për këtë ndeshje”.

A mendoni se ka jetë për Lopetegui pas Clasico?
-Ne do të përqendrohemi, duke menduar për veten tonë. E dimë se kundër kujt luajmë dhe duhet të bëjmë maksimumin e asaj që kemi. Unë nuk mendoj se do të vdes, ka jetë edhe pas “El Clasico”, përfundoi fjalët e tij tekniku spanjoll.

Trajneri Lopeteguri është në fije të perit dhe në Spanjë janë të bindur se orët e tij në krye të galaktikave janë të numëruara, por një sukses në “El Clasico” mund t’i qetësojë ndjeshëm ujërat. Ish-timonieri i përfaqësueses spanjolle normalisht që dëshiron një skuadër të plotë për takimin me katalanasit, por shqetësime kishte paraqitur Marselo, i cili në ndeshjen e Ligës së Kampioneve doli i dëmtuar.

Gjithsesi, Lopetegui duhet të qetësohet, pasi braziliani është parë që të stërvitet normalisht me pjesën tjetër të skuadrës, duke mos shfaqur ndonjë problem, ndonëse frika pas takimit me Pëlzenin ishte evidente. Ndeshja me Barcelonën do të zhvillohet këtë të diel në orën 16:15.

Gazetarët nuk kanë nguruar që ta pyesin Lopeteguin nëse do të jetë ai trajner i realit dhe në fundjavë, por tekniku është shprehur se është personi i gabuar për t’u pyetur për këtë çështje: “Nuk më takon mua që të përgjigje. Unë po mendoj që të vijojmë përgatitjet për ndeshjen e së dielës. Duhet të zbresim në fushë ndaj Barcelonës me ambicie”.

“Ndeshja me Pëlzenin? Ne duhet ta kishim mbyllur ndeshjen. Kishim mjaftueshëm raste dhe duhej të shënonim më shumë. Bëmë një lojë të mirë, e kërkuam fitoren dhe them se e merituam. Ishte një ndeshje e vështirë, këtë gjë duhet ta pranojmë”

Braziliani Marselo ishte autori i golit të dytë ndaj Pëlzenit, por anësori u largua i dëmtuar nga fusha e lojës. Mjaft i shqetësuar si lojtari ashtu dhe trajneri e tifozët që urojnë mos të ketë asgjë serioze për një prej futbollistëve më të mirë të realit.

Vetë Marselo ishte mjaft i mërzitur teksa largohej nga fusha, duke u drejtuar nga tifozët dhe duke u treguar atyre stemën e klubit. Në një mënyrë a në një tjetër mbrojtësi u tregon dhe një herë dashurinë që ka për këtë klub, duke lëshuar një sinjal të fortë se nuk do të largohet nga Madridi. Ndeshja me Barcelonën është të dielën dhe Marselo do të bëjë çmos që të mos e humbasë një nga ndeshjet që askush nuk do donte ta humbiste.

Humbja turpëruese ndaj CSKA-së së Moskës më datë 2 tetor, ka qenë ndeshja që ka shtyrë presidentin e “Los Blancos” për të nisur kontaktet me përfaqësuesit e ish-trajnerit të Çelsit dhe Juventusit.

Ky lajm që ka bërë bujë në vendin iberik, shton ndjeshëm presionin mbi Lopeteguin, vazhdimësia e të cilit mund të vendoset në fundjavën e ardhshme, ku Real Madrid do të udhëtojë drejt “Camp Nou” për ndeshjen më të vështirë rivalëve të përjetshëm të Barcelonës.

Javën e ardhshme Reali pret Barcelonën në “Bernabeu” për “El Clasicon” e parë për këtë sezon. Pas humbjes së djeshme në media fillimisht u tha që Perez mund t’i japë dhe mundësinë e fundit Lopeteguit fundjavën e ardhshme. Gjithsesi, çdo gjë ende mbetet në pikëpyetje për të ardhmen e pankinës madrilene.

Ndërkohë, kompanitë e basteve duket se kanë dhënë një sinjal për sa i përket çështjes “Lopetegui”. Që nga dita e djeshme janë pezulluar të gjitha bastet e mundshme në lidhje me shkarkimin e trajnerit spanjoll dhe janë hapur kuotat për të parashikuar zëvendësuesin e mundshëm. Antonio Konte shihet si zëvendësuesi më i mundshëm dhe është më pak i kuotuari, me një koeficient 4.

Trajneri aktual i Totenhem, Mauricio Poçetino shihet gjithashtu si një pasues i mundshëm, teksa kuotohet afërsisht sa Konte, me një koeficient 4,5. Ndërkohë, Arsen Venger është në listë po ashtu, pavarësisht se francezi deklaroi më parë se do të rikthehet në futboll në vitin e ardhshëm, një ofertë e Florentino Perez mund ta tundojë. Pra, për sa i përket kompanive të basteve, shkarkimi i Hulen Lopeteguit është thuajse diçka e kryer.

We suspended betting yesterday on Julen Lopetegui being sacked as Real Madrid manager.

Here’s the latest market on a potential replacement:

3/1 Antonio Conte
7/2 Mauricio Pochettino
6/1 Arsene Wenger
7/1 Guti
10/1 Jose Mourinho
16/1 Massimiliano Allegri pic.twitter.com/UqLIprfRsa

— Coral (@Coral) October 21, 2018

Një Real që zbriste në fushë me synimin e vetëm, daljen nga kriza e rezultateve të ndeshjeve të fundit. Por fusha duket se tregoi tjetër gjë, teksa madrilenët u dukën shumë të paqartë në lojën e tyre dhe nuk arritën të konkretizonin rastet e tyre.

Pjesa e parë ishte më e mirë për të besuarit e Lopeteguit, ndërsa në fraksionin e dytë, ishin thuajse inekzistent në krijimin e rasteve. Atëherë kur të gjithë menduan një barazim të bardhë 0-0, në një goditje nga këndi, ishin vendasit e Alavesh që pak sekonda para fundit arritën të shënonin golin e fitores. Reali vijon krizën dhe paqartësinë para portës, teksa stoli i Lopeteguit duket se po fillon të lëkundet.

Më herët janë luajtur dhe dy sfida të tjera të vlefshme për javën e tetë. Eibari ka triumfuar në transfertën e vështirë të Gironës me shifrat 2-3, teksa një gol i Serxhi Enrik në minutën e 72 i dhuroi fitoren. Ndërkohë fitore dhe për Levanten e Armando Sadikut, me sulmuesin tonë që është ende i dëmtuar. Ishte një supergol i Enis Bardhit që i dha fitoren minimale Levantes në fushën e Getafes.

“Nuk arritëm do të të shënonim në rastet që patëm.  Goditëm shtyllin tri herë, ishim shumë të pafat. U përpoqëm të shënonim në çdo lloj mënyrë, por ishte një ndeshje shumë e rrëmujshme dhe goli që pësuam në minutat e para të takimit bëri që CSKA-ja të kishte një skenar ideal për pjesën tjetër të takimit dhe e përsëris ishim shumë të pafat.

“Futbolli kështu e ka. Duhet të mësojmë nga kritikat dhe të mendojmë për ndeshjen e radhës ndaj Alavesit. Ndaj Romës fituam me një rezultat të thellë, por loja e skuadrës nuk ishte perfekte edhe sot e njëjta gjë, nuk është se u zhgënjeva nga loja e djemve.

Sipas një artikulli të së përditshmes spanjolle “AS”, në arkat e klubit madrilen janë gati 372 milionë euro që mund të përdoren vetëm për përforcime, duke mos cenuar sektorët e tjerë të klubit. Vera e ardhshme do të jetë shumë zënë për drejtuesit madrilen, pasi skuadra pritet të përforcohet më të paktën tri blerje rekord.

Trajneri Hulien Lopetegui nuk e ka fshehur simpatinë e madhe që ka për futbollistin belg Eden Hazard. Sulmuesit i Çelsit do të ketë vetëm një vit kontratë në verën e vitit të ardhshëm dhe në Angli zor se do ta bllokojnë edhe për një vit.

Talenti i Vinisjus nuk diskutohet, por te Reali, ku kërkohet çdo vit Champions-i dhe titulli i La Ligas nuk mund të ketë mëshirë. 18-vjeçari nuk është ende gati. I gjendur para kësaj situate, trajneri i Hulen Lopetegui ka vendosur që Vinisjus të aktivohet me rezervat e Realit në kategorinë e tretë spanjolle.

Trajneri bask nuk ka pranuar që braziliani të huazohet, pasi ai beson se lojtari mund të  bëhet i vlefshëm për madrilenët, pasi kampionati është i gjatë dhe forma e talentit mund të vijë në rritje. Në muajt në vazhdim, Vinisjus është i detyruar të tregojë vlerat e tij përballë futbollistëve gjysmë-profesionistë.

1-vite e gjysmë nga transferimi, Vinisjus ka zbarkuar në tokën spanjolle, por ka një problem… Djaloshi 18-vjeçar është ende shumë larg nivelit të shokëve të skuadrës së tij të re. Për të zgjidhur këtë problem dhe për ta ndihmuar sulmuesin te talentuar të përmirësohet, drejtuesit e Realit kanë menduar t’a huazojnë.

Sipas medies spanjolle “AS”, trajneri Lopetegui i ka sugjeruar agjentit të lojtarit, që klienti i tij të vazhdojë të luajë në Spanjë në një prej ekipeve të mesit të tabelës. Interesimi për brazilianin është i madh dhe një ndër ekipet që përflitet se dëshiron shërbimet e tij është Real Sociedad, klub ky që ka një marrëdhënie shumë të mirë me drejtuesit e skuadrën madrilene.

Para sfidës kundër Atletikos Lopetegi është shfaqur i qetë dhe plot besim: “Atletiko është skuadër e shkëlqyer dhe do na detyrojë të japim gjithçka. Pres një ndeshje mjaft të ekuilibruar dhe me tension, por jemi të vendosur për të luajtur një ndeshje të madhe. Ndjesitë janë pozitive dhe jemi gati”.

Barra e të qenit pasues i Zidan nuk e shqetëson Lopetegin: “Ai ka bërë një punë të jashtëzakonshme, nuk ka dyshime. Megjithatë, e shkuara nuk ka rëndësi dhe duhet të shohim përpara”.

Pa Ronaldon: “Por është Geret Bejl, lojtar i shkëlqyer dhe plot entuziazëm, jam i sigurt që do luajë një sezon të madh. Diskutimi vlen edhe për Benzemanë”.

SIMEONE – Nëse Lopetegi do debutim me trofe, Simeone synon një tjetër hap përpara për Atletikon e tij: “Tifozët presin gjithnjë e më shumë dhe është e drejtë, sepse procesi i rritjes kalon nga trofetë. Shumë lojtarë janë të lodhur nga Botërori, por jemi plot entuziazëm dhe gati, duam ta nisim me trofe”.

Si zakonisht, Simeone nuk ka frikë nga askush dhe beson te filozofia e Atletikos: “Nuk dua të flas për buxhete apo aftësi shpenzimesh në merkato. Them vetëm që nuk ndihemi inferiorë ndaj askujt dhe kundër Realit do të vlejë dëshira për të fituar dhe luftuar. Me Lopetegin Reali do jetë një Real më i shpejtë dhe do të ushtrojë me shumë presing, por ne kemi besim te armët dhe loja jonë. Edhe Franca doli kampione bote me një sistem loje të ngjashëm me tonin”.p

Pas ndeshjes Lopetegi nuk e fshehu emocionin për debutimin përballë tifozëve të rinj dhe ndërkohë preku tema të ndryshme në lidhje me lojtarët, ndryshimet dhe merkaton.

“Debutimi? Emocion i veçantë, sidomos si trajner. Ishte një pamje mahnitëse nga stoli, por kur nis ndeshja emocionet lihen mënjanë.

“Skuadra, e kompletuar? Të shohim, deri në fund të muajit do vazhdojmë duke parë mundësitë që mund të shfaqen. Ndoshta do të veprojmë sërish.

“Bejl? Nuk dua të flas për të shkuarën. Ai që kam takuar unë është i lumtur dhe i përkushtuar. Do t’i ndryshojmë pozicion në fushë, po stërvitet mirë dhe është ende fillimi.

“Benzema? Është në formë optimale, luan për skuadrën dhe jep kontribut të çmuar edh e pa shënuar. Jam i lumtur që gjeti golin, natyrisht, sepse për një sulmues goli është gjithçka në aspektin psikologjik.

“Kurtua e Kejlor Navas? Nuk është aspak problem, është një problem i mrekullueshëm për mua.  Në çdo rol ka konkurrencë të ashpër, edhe porta duhet të ketë dy portierë klasi”.

I pyetur nëse ka pasur një bisedë me vetë Modriç, kreu i pankinës deklaron: “Kam biseduar me të pas paraqitjes së shkëlqyer në Kupën e Botës dhe i kemi dhënë detyrat deri kur të rikthehet, më 8 gusht, kur të vijë të punojë dhe të shohim nëse mund të jetë gati më 15 gusht, në objektivin e parë të madh të sezonit. Ua kam thënë që është një lojtar që jam i dashuruar pas tij, e adhuroj dhe ai e di këtë. Ai është i lumtur që luan futboll, sikurse ishte që luan me Realin”.

Lopetegui nuk ka frikë për të ardhmen e Modriç dhe këtë e thotë hapur: “ Luka është një lojtar i Madridit dhe do vazhdojë të jetë, nuk kam dyshime. Jemi argëtuar e do vazhdojmë të argëtohemi”.

Përgatitjet? “Po punojmë shumë, siç është normale në këtë periudhë të vitit. Nga intensiteti i madh kemi dhe lodhje, por po përgatitemi si fizikisht ashtu dhe taktikisht, duke forcuar lojën në grup. Po punojmë çdo ditë dhe jam i kënaqur që skuadra ka arritur një ekuilibër, që është shumë pozitiv. Disa lojtarë janë afruar këtë merkato dhe ne po mundohemi që t’ua bëjmë sa më të lehtë përshtatjen”.

Humbja me Mançester Junajtid? “Skuadra u paraqit mirë në ndeshjen e parë me Junajtid, pavarësisht se duhet të veçojmë që ne dhe ata kishim diferenca sa i përket përgatitjeve. Ekipi në pjesën e dytë tregoi shumë personalitet dhe bëri një lojë të mirë. U përpoqëm që të tregonim kualitetin tonë në fushë”.

Ndeshja me Juventusin? “Ne do të përballemi me një skuadër që ka shumë cilësi në sulm dhe do të përpiqemi që të bëjmë lojën tonë, për të treguar se jemi rritur nga takimi i parë. Synimi është të konsolidojmë grupin dhe të jemi gati për ndeshjen e Superkupës, që është dhe objektivi ynë në këtë fillim të sezonit”.

Tani Lopetegi ka një detyrë mjaft të vështirë, sepse trashëgon një Real të mbingopur me trofe dhe mbi të gjitha një Real pa Kristiano Ronaldon.

Gjithesi, edhe pse Reali nuk i ka bërë ende ndonjë dhuratë të madhe, Lopetegi shfaqet i qetë, duke folur nga Amerika, aty ku Reali po përgatitet për miqësoret në International Champions Cup.

“Po punojmë me entuziazëm, kemi kryer rreth 20 seanca stërvitore dhe po ecim me ritëm të lartë, pa dëmtime. Ronaldo? Mirënjohje të madhe për një prej lojtarëve më të rëndësishëm në historinë e Realit. Klubi e ka vlerësuar si duhet trashëgiminë e tij në fushë dhe ia ka lehtësuar largimin. Kur unë firmosa, ai ishte pjesë e Madridit, më pas shprehu dëshirën të largohej.

“Për një trajner është një sfidë emocionuese të bëjë kompetitive dhe fituese një skuadër pa Kristianon. Ka shkruar një histori fantastike në Madrid, i urojmë gjithë të mirat, por do ta vazhdojmë rrugëtimin tonë edhe pa të. Jam i kënaqur me ekipin aktual dhe jam i bindur që do të luftojë për objektiva madhorë.

“Jam i lumtur edhe nëse nuk do të kemi asnjë lëvizje tjetër, në hyrje e dalje. Kemi Bejlin, jam i sigurt që do të zhvillojë një sezon të madh, duke arritur maksimumin e vet. Është i lumtur që do të qëndrojë në Madrid dhe ka një mundësi të mrekullueshme për të treguar sa i zoti është, është i kënaqur me atë që po bëjmë dhe jemi të kënaqur me atë që po na ofron. Ai dhe Benzema kanë punuar në mënyrë fantastike, me impenjim dhe entuziazëm”.