london

Natë e veçantë për Totenhem, sot inaugurohet “tempulli” 1 miliardë paundësh

Sport Ekspres — Wed, 03 Apr 2019 15:42:07 +0000

Pas më shumë se tri vitesh pritje, tifozët e Totenhemit do të inaugurojnë ditën e sotme shtëpinë tyre të re. Stadiumi i ri skuadrës londineze ka kushtuar mbi 1 miliardë paundë dhe ka një kapacitet prej 62,062 vendesh, që e rendit të dytin në rang kombëtar pas “Old Trafford”.

Një nga veçoritë më të mëdha të këtij stadiumi është tribuna pas portave, e cila nuk është e ndarë në kate dhe mund të mbajë 17 mijë tifozë, pra një tribunë e denjë të rivalizojë edhe “murin e verdhë” të Borusias së Dortmundit.

Fusha është e vendosur në një platformë të lëvizshme e cila e zhvendos tapetin në raste koncertesh dhe ndeshje “NFL” (futboll amerikan). Fansat do të jenë ngjitur me fushën, pasi distanca nga ulëset e rreshtit të parë është vetëm 7.9 metra. Ndërkohë, nëpër stadium do të jenë të montuar katër ekranë gjigantë.

Risitë ka dhe jashtë tribunave. Stadiume do të ketë një bar gjigant me një banak me gjatësi 65 metra, për t’i shërbyer të gjithë fansave që kanë dëshirë të shijojnë ndeshjen me një gotë birrë ose pije të ndryshme freskuese. Gjithashtu në ambientet e stadiumit ndodhet një hotel dhe një muze me trofetë e klubit londinez.

SCX will supply a world-first dividing retractable pitch for our new stadium ?
#SpursNewStadium pic.twitter.com/uXBBzHRumM

— Tottenham Hotspur (@SpursOfficial) September 7, 2017

VIDEO | Festë kuqezi në Londër, Florian Marku fiton me nokaut

Sport Ekspres — Sat, 23 Mar 2019 23:30:58 +0000

Florian Marku ka arritur suksesin e dytë radhazi në karrierën e tij të sapo nisur si boksier profesionist. Në mbrëmjen e së shtunës në duelin e zhvilluar në “York Hall” Londër, Marku u vë përballë boksierit sllovak Ivan Godor.

Kundërshtari duroi vetëm dy raunde në ring me Markun. Në raundin e parë boksieri sllovak u rrëzua dy herë në tokë , por ia doli të mbijetonte deri në raundin e dytë, ku bëri të njëjtën gjë çka detyroi gjyqtarin për t’i dhënë fund duelit duke i akorduar Markut një fitore me nokaut teknik.

After dropping Godor twice in round one & twice in round 2 the ref waves it off 1:01 of round 2. Marku is the winner #projectfear pic.twitter.com/7r2sfPmUjR

— Goodwin Boxing (@Goodwin_Boxing) March 23, 2019

Për t’u vlerësuar në këtë mbrëmje ishte dhe interesi i madh i treguar nga komuniteti shqiptar në Angli, që krijoi një atmosferë fantastike në mbështetje të boksierit, i cili që prej bokson në divizonin e peshës “welterweight” (deri në 66.6 kg). Ky ishte dueli i dytë i Markut si boksier profesionsit, pas ati të zhvilluar në maujin dhjetor, ku mundi me nokaut teknik që në raundin e parë serbin Nikola Janiçieviç.

https://www.instagram.com/p/BvXqFlHAoXF/?utm_source=ig_share_sheet&igshid=12m9kppgyt32n

Në përfundim të duelit, Marku falendori të pranishmit për mbështetjen dhe bëri të ditur se dueli i tij i radhës do të zhvillohet më datë 27 prill.

Florian Marku rikthehet në ring, fundjava e gjen në Londër

Sport Ekspres — Thu, 14 Mar 2019 17:33:04 +0000

Florian Marku la sportin e arteve marciale të kombinuara për të filluar një karrierë të re në sportin e boksit. Sportisti nga Lushnja bindi në debutimin e tij në këtë boksin profesionist, duke mundur me nokaut në raundin e parë kundërshtarin serb Nikola Janiçieviç.

Tre muaj pas asaj përballje është bërë i ditur dhe kundërshtari i dytë i 26-vjeçarit. Bëhet fjalë për boksierin sllovak Ivan Godor. 39-vjeçari nuk pritet t’i hapë shumë probleme Markut, gjithsesi eksperienca e Godor nuk duhet nënvlerësuar.

Dueli do të zhvillohet të dielën më datë 23 mars në arenën “York Hall” në Londër dhe do të ketë gjithsej katër raunde.