Lokomotiva

Dy shqiptarë në fushë e 3 në stol, Lokomotiva thyhet në shtesë

Sport Ekspres — Sat, 27 Jul 2019 21:10:57 +0000

Lokomotiva u mposht edhe në javën e dytë të kampionatit kroat, kësaj radhe nga ekipi i Rijekës, që mori një fitore me shumë vlera në transfertë. Lokomotiva pati në 18-she plot 5 futbollistë shqiptarë. Uzuni dhe Kastrati e nisën takimin nga minuta e parë, ndërsa Çokaj, Mersinaj dhe Tuci qëndruan në stolin e rezervave, me Tucin që u fut në minutën e 76-të.

Ndeshja ishte shumë e luftuar dhe e barabartë për 90 minuta, me të dyja skuadrat që kishin mundësitë e tyre për të shënuar. Dy portierët e skuadrave ishin në një ditë të mirë, duke mbajtur rrjetat e tyre të paprekura, por në minutën e 90+3’, portieri i Lokomotivës u mposht nga një gjuajtje e Çolak, i cili i dha fitoren Rijekës. Vetëm dy minuta para golit ishte zëvendësuar Uzuni.

Kroaci, java 2

L. Zagreb – Rijeka 0-1
Colak 90+3′

Lokomotiva pushtohet nga shqiptarët, katër talente në formacion

Sport Ekspres — Wed, 03 Jul 2019 17:58:15 +0000

Lokomotiva e Zagrebit ka një raport të shkëlqyer me futbollistët shqiptarë. Skuadra nga kryeqyteti i Kroacisë prej disa vitesh ka vënë në fokusin e saj akademitë e klubeve shqiptare prej të cilave ka marrë një numër të lartë të rinjsh premtues.

Në miqësoren e zhvilluar ditën e sotme formacioni i parë i Lokomotivës kishte në të katër shqiptarë. Indrit Tuci, Jon Mersinaj, Enis Cokaj dhe Albion Marku ishin kuqezinjtë që veshën ditën e sotme fanellën e klubit kroat.

Krahas katërshes së lart përmendu, pjesë e Lokomotivës janë dhe dy futbollistë me emër si Lirim Kastrati dhe Myrto Uzuni, ndërsa pjesë e akademisë së klubit është edhe sulmuesi Arbër Mehmetllari. Pra, plot 7 shqiptarë në kontigjentin e klubit, shifër kjo që s’ka të dytë në rajon.

Ditë jo për Uzunin dhe Ismajlin, një talent kuqezi debuton në Kroaci

Sport Ekspres — Sun, 26 May 2019 19:55:46 +0000

Myrto Uzuni dhe Ardian Ismajli kanë pësuar humbje me skuadrat e tyre në takimet e sotme të kampionatit kroat. Lokomotiva e Uzunit u mund 3 – 2 nga Gorica, ndërsa Hajduku i Ismajlit u mund 3 – 1 nga kampionët e Dinamos. Qendërmbrojtësi shqiptar luajti për 90 minuta në këtë ndeshje, ndërsa sulmuesi Françesko Tahiraj nuk u aktivizua.

Në ndeshjen e Lokomotivës pati një risi në grumbullim. Mesfushori shqiptar Indrit Tuci debutoi në të parin grumbullim me ekipin e parë. Talenti 18-vjeçar u fut në fushë në minutën e 77-të. Lojtari i ekipeve të moshave të Shqipërisë u bë pjesë e akademisë së Lokomotivës gjatë muajit janar. Ecuria e mirë në kampionatin e moshave ka sjellë që i riu shqiptar të marrë vëmendjen e ekipit të parë.

https://www.instagram.com/p/Bx7_zLfAEm4/?utm_source=ig_web_copy_link

VIDEO | Uzuni i përgjigjet Ismajlit, gola shqiptarësh në Kroaci

Sport Ekspres — Sun, 10 Feb 2019 17:43:50 +0000

Po luhet derbi i shqiptarëve në Kroaci, teksa Hajduku i Splitit, ku luajnë Ardian Ismajli e Françesko Tahiraj, pret Lokomotivën e Zagrebit, ku aktivizohet Myrto Uzuni e Lirim Kastrati.

Aktualisht, është mbyllur pjesa e parë, ku vendasit e Hajdukut udhëheqin 1-0 dhe autor i golit është pikërisht mbrojtësi ynë i kombëtares, Ardian Isamjli. Në minutën e 42-të, pas një goditje nga këndi, mbrojtësi ynë kërceu mbi të gjithë dhe shënoi golin e avantazhin për ekipin e tij. Ky ishte goli i parë për Ismajlin për këtë sezon.

Pas golit të avantazhit që u shënua nga Ismajli, për të barazuar ka menduar Myrto Uzuni. Sulmuesi kuqezi po kalon një sezon shumë të mirë me fanellën e Lokomotivës dhe ka shënuar një tjetër gol në kampionat. Në minutën e 53’, Uzuni ndëshkon portierin e Hajdukut dhe vendos baraspeshën.

Hajduk Split – Lokomotiva e Zagrebit 2-1
Ismajli 42′ / Uzuni 53′