Duke parë sukseset e këtyrë lojtarëve shqiptarë, Lokomotiva duket se e ka gjetur çelësin për të ndërtuar një ekip të fortë dhe të mbushur me talente. Disa çaste më parë, me anë të faqes zyrtare të tyre në “Tëitter”, klubi kroat njoftoi se do të organizojë një kamp në Kosovë për futbollistët e rinj të grupmoshës 13-18 vjeç, për të piketuar talentet më të mirë. Në njoftimin e tyre, shkruhej:

“Jemi krenarë të njoftojmë se në datat 15-20 korrik, klubi i Lokomotivës do të organizojë një kamp për futbollistët e grupmoshave 13-18 vjeç, në Gjakovë, Kosovë”.

S ponosom objavljujemo kako ?e od 15.7, do 20.7.2019. NK Lokomotiva održati kamp za dje?ake ro?ene od 2005. do 2001. godine u ?akovicama u Kosovu.

??https://t.co/qigmQKOyDe#kosovo #gjakove #lokosi pic.twitter.com/ZFQ61jnCE7

— NK Lokomotiva Zagreb (@NKLokomotiva) July 14, 2019

Paraqitjet në kampionat (10 gola) dhe më pas në kupat e Europës, bindën Lokomotivën e Zagrebit të paguajë shumën e 350 mijë eurove. Laçi dhe Apolonia përfituan financiarisht, ndërkohë që kurbinasit kanë ende 20% të kartonit. Në të ardhmen bardhezinjtë mund të arkëtojnë sërish nëse kroatët e shesin Uzunin.

Por sa vlerësohej beratasi kur ishte pjesë e bardhezinjve? Pak muaj te Laçi dhe kartoni i sulmuesit anësor vlerësohej 250 mijë euro. Pas gjysmës së parë të sezonit 400 mijë euro shkoi vlera e kartonit sipas “transfermarkt”, ndërkohë që deri para shitjes te Lokomotiva ai vlerësohej me 425 mijë euro.

Kjo shifër është dyfishuar tanimë, pasi në muajin mars janë përditësuar të dhënat dhe aktualisht kartoni i Uzunit ka kapur vlerën e 850 mijë eurove, 600 mijë euro më shumë se sa kur iu bashkua Laçit.

Kampionët në fuqi të Kroacisë ishin dukshëm skuadra që luajti më mirë, por goli i futbollistit beratas në minutën e 79-të i mohoi atyre tri pikët. Pika e sotme vlen shumë për Lokomotivën pasi klubi nga kryeqyteti i Kroacisë po lufton për të siguruar një vend në kualifikueset e ardhshme të Europa League.

Ky është goli i shtatë i Uzunit në kampionatin kroat. Tani 23-vjeçari ndan vendin e golashënuesit të skuadrës së bashku me shqiptarin tjetër Lirim Kastrati.

Kastrati merr një top në mesin e fushës dhe shpërthen drejt zonës kundërshtare. Talenti kosovar pason topin te Uzuni dhe sulmuesi kuqezi kurrsesi nuk mund të gabonte, pasi është në formë të shkëlqyer.

23-vjeçari i dha avantazhin skuadrës së tij dhe rikonfirmoi dhe njëherë tjetër momentin e mirë që po kalon. Gjithsesi, ky gol i Uzunit nuk mjaftoi që skuadra e tij ta mbyllte këtë miqësore me triumf, pasi Gorica do të barazonte në sekondat e fundit të sfidës.

Miqësore

Lokomotiva e Zagrebit – Gorica   1-1
Shënues: Uzuni 7’ (Kastrati)

Beratasi u mundua të rikuperonte një top të humbur nga Lirim Kastrati, por ndërhyrja ka qenë tejet e rrezikshme dhe gjyqtari i takimit nuk ka hezituar të nxjerrë të kuqin.

Në momentin e daljes nga fusha 23-vjeçari nuk i ka mbajtur dot lotët. Në momentin e ndëshkimit të Uzunit ndeshje ishte me rezultatin 1 –  0. Ndërsa në pjesën e dytë mbas Rijeka përmbysi rezultatin.

Uzuni ndihmoi Lokomotivën e Zagrebit të shmangte humbjen, duke shënuar në minutën e 80 të ndeshjes. Miqtë ishin në avantazh të një goli, kur ai goditi bukur me kokë, duke barazuar ndeshjen.

Goli i katërt në kampionatin kroat për lojtarin ofensiv, i cili ka shënuar dhe një gol në kupë, ndërsa është zgjedhur 5 herë pjesë e formacionit më të mirë të javës. Kjo pikë e ngjit Lokomotivën në kuotën e 30 pikëve, duke vazhduar të mbajë vendin e dytë me 6 pikë më pak se Dinamo e Zagrebit e vendit të parë.

Një pjesë loje dhe për Lirim Kastratin, i cili u fut në fushë në fillimin e pjesës së dytë. Sulmuesi i Kosovës vazhdon të jetë golashënuesi më i mirë i Lokomotivës me 7 gola, ndërsa katër minuta përpara fundit u ndëshkua me karton të verdhë.

Gjithçka ka ndodhur shumë shpejt, por Uzuni nuk ka ndërmend të ndalet. Në fundjavë shënoi golin e tretë në kampionatin kroat, në barazimin 2-2 kundër Osijekut. Uzuni tundi rrjetën në minutën e 45 të pjesës së parë, ndërkohë që Lokomotiva e tij renditet në vendin e dytë, 7 pikë më pak se Dinamo kryesuese.

Lojtari i kombëtares zhvilloi një takim shumë të mirë dhe u vlerësua në formacionin më të mirë të javës të “1. HNL”. Kjo është hera e pestë që lojtari ofensiv bën pjesë në titullarët më të mirë të kampionatit kroat, ndërsa në vlerësimin për të shkruhet: “Çdo veprim i Lokomotivës nis nga Uzuni. Kundër Osijekut, Radonjiç ishte jashtë listës së Lokomotivës dhe shqiptari mori përsipër ndërtimin e lojës. Ai shënoi një gol dhe u shfaq dhe herë të tjera kërcënues përpara portës.”

Uzuni ka zhvilluar 799 minuta në 9 ndeshje me Lokomotivën, ka shënuar 3 gola në kampionat dhe 1 një kupë. I mbetet të vazhdojë të punojë fort e të shënojë, ndërsa Panuçi fërkon duart, pasi 23-vjeçari ndodhet në një moment të mrekullueshëm.

Në formacionin titullar të Lokomotivës nuk mund të mungonin Lirim Kastrati dhe Myrto Uzuni, të cilët luajtën mbuluan krahët e sulmit për vendasit. Beratasi luajti për 90 minuta, ndërsa Kastrati u zëvendësua në minutën e 67-të.

Paraqitjet e mira të Uzunit në Kroaci vazhdojnë, teksa në ndeshjen e fundit në Kupë me Zadarin shënoi golin e barazimit dhe asistoi në dy të tjerët që i dhanë fitoren dhe kualifikimin Lokomotivës së Zagrebit.

Vlerësimë maksimale për beratasin, madje edhe nga vetë klubi kroat, që ka bërë edhe një postim në faqen zyrtare në “Facebook”.

POSTIMI – Myrto Uzuni ishte brilant në Zadar, loja e tij e shkëlqyer u kurorëzua me golin e shënuar dhe dy asistet e dhëna. “Ishte një ndeshje e mirë, veçanërisht shijon kur ndodh me përmbysje, pasi kishim pësuar që në minutën e parë. Ishit të lodhur? Le të mos flasim për këtë, çdokush do të jetë gati dhe do të çlodhet për të shtunën kundër Istrias”. Urime edhe njëherë Myrtos dhe djemve të tjerë të ekipit.

https://www.facebook.com/NKLokomotivaZagreb/photos/a.133910333357700/1947958888619493/?type=3&theater

Pikërisht ish-tekniku i Laçit ka zbuluar për mediat kroate transferimin e Myrto Uzunit në Kroaci. Prenga ka deklaruar se është mahnitur nga aftësitë e beratasit që në ditën e dytë që e ka parë te Laçi. Gjithashtu 49-vjeçari ka shtuar se Myrto është një lojtar me potencial të jashtëzakonshëm.

ZBULIMI – “Në qershor, presidenti i Laçit, miku im Pashk Laska, më kërkoi që të  udhëhiqja ekipin e tij në kualifikueset e Europa Ligë dhe në të njëjtën kohë të bëjë një përzgjedhje në ekip për këtë sezon. Në marrëveshje me Lokomotivën unë shkova atje dhe mu deshën vetëm dy ditë stërvitje për të vënë re Uzunin. Nuk mund ta besoja se një lojtar i tillë i talentuar ende luante në kampionatin shqiptar, sepse ëndrra e lojtarëve shqiptarë është që të aktivizohen jashtë vendit.”

TRANSFERIMI – “E telefonova menjëherë Shikiç (drejtori sportiv i Lokomotivës) dhe i thashë se e kam gjetur lojtarin që do të jetë përforcimi i duhur për Lokomotivën. Nuk ishte e lehtë për ta marrë, pasi për të bindur presidentin e Laçit ishte e vështirë. Ai ishte në dijeni për diamantin që kishte në dhomat e zhveshjes, ndërkohë për të interesohej dhe Hajduk Spliti dhe Osijek. Ne ishim më të shpejtë dhe më konkretë. Gjithashtu unë i shpjegova Uzunit, se te Lokomotiva do të kishte përparësi, pasi të rinjtë përkrahen shumë në ekipin tonë. Më pas ramë dakord dhe me presidentin, Pashk Laska, dhe tashmë Uzuni është pjesë e Lokomotivës së Zagrebit. Jam i lumtur për të, sepse është pritur mirë në ekip dhe po bën paraqitje mjaft të mira. Jam i sigurt që do të shkojë larg, pasi ka një potencial të pabesueshëm. Është tërësisht i dedikuar në punën që bën dhe nuk i intereson asgjë tjetër përveç futbollit.”

FJALËT E SOLSKJAER – “Humbëm ndeshjen e parë 2-1 në transfertë në Qipro, ndaj Anorthosis. Ndeshja e kthimit në Laç, u kualifikuam me golin e Uzunit në fund. Më pas në raundin tjetër luanim ndaj Moldes, që kanë si trajner një legjendë si Solskjaer, i cili pas ndeshjes më tha: “Lojtari yt me numër 10, mund të luajë në çdo klub!”.

“Ndihem mirë pas fitores kundër Hajdukut. Jam i gëzuar që jam zgjedhur lojtari i javës. Por pa ndihmën e shokëve nuk do të kisha bërë një ndeshje të mirë. U shfaqëm si ekip i madh dhe e kontrolluam ndeshjen ndaj Hajdukut”.

“Sekreti i përshtatjes? Isha me fat që të gjithë ne kemi qenë fantastikë që në ditën e parë. Gjithashtu dua të shtoj se kam ardhur në një ekip të shkëlqyer, me një trajner të shkëlqyer. Kemi lojtarë me cilësi të mira dhe vërtetë po e shijoj këtë eksperiencë të re që kam nisur te Lokomotiva”.

https://www.facebook.com/NKLokomotivaZagreb/photos/a.133910333357700/1936741373074578/?type=3&theater

Menjëherë pas shënimit të golit, Uzuni zgjodhi të festonte me shqiponjë një sinjal i qartë ky se objektivi i radhës për të është kombëtarja dhe të mendosh se para një viti e gjysmë luante në Kategorinë e Parë me Apoloninë.

Në një prononcim të shkurtër pas përfundimit të ndeshjes Uzuni tha se golin ia dedikonte familjes dhe se ëndrra e tij është një ftesë në kombëtaren shqiptare. “U ndjeva një çlirim i madh për mua, pasi në ndeshjet e kaluar kam qenë i pafat. Golin ia dedikoj familjes sime. Do të punoj fort dhe do jap 100% për skuadrën. Objektivi im është të marr një ftesë nga kombëtarja e Shqipërisë, besoj se nëse vazhdoj të luaj mirë do ta realizoj këtë ëndërr timen”

https://www.youtube.com/watch?v=nRJ7cjkvB6w&feature=youtu.be

Goli i gjashtë në kampionat për 19-vjeçarin e U21 të Kosovës, ndërsa ish-lojtari i Laçit ka gjetur golin e parë me ekipin e ri. Kastrati kaloi miqtë në avantazh në minutën e 42-të, ndërsa Uzuni vulosi fitoren me golin e shënuar në minutën e 70-të.

Pesë gola në tre ndeshjet e fundit për Kastratin, i cili është ngjitur në krye të renditjes së golashënuesve në kuotën e gjashtë golave, bashkë më Andriç (Zapreshiç) dhe Zuolinskin (Gorica).

Gol i rëndësishëm dhe për beratasin Uzuni, i cili është aktivizuar si titullar në tre ndeshjet e fundit në kampionat dhe tashmë gjen dhe golin e parë “kroat”.

Gorica – Lok.Zagreb 0-3
(Kastrati 42’, Uzuni 70’, Haliloviç 81’)

Komentet ishin shumë pozitive për lojtarin 19-vjeçar, i cili këtë edicion ka luajtur në 6 ndeshje dhe ka shënuar 4 gola, duke e ndihmuar skuadrën e tij mjaftueshëm. Sot, vjen një tjetër vlerësim për sulmuesin, i cili është përfshirë në formacionin më të mirë të javës në Kroaci.

Po asht udhe notat që ai ka marrë është me larta në ekipin e tij, pasi është vlerësuar me 8.5. Kastratit shihet si një prej lojtarëve më premtues dh klubi i Lokomotivës po fërkon duart, pasi nëse vijon që të shkëlqejë atëherë do ta hedhë në ankand për të përfituar sa më shumë nga shitja e tij. Vetë Kastratin duket se e pret një e ardhme  e ndritur, por gjithçka është në dorën e tij, ose më saktë në këmbët e tij.

Sulmuesi anësor i U21 të Kosovës ka folur për tripletën e parë si profesionist në karrierë, ku bëhet futbollisti i dytë më i ri në historinë e klubit kroat, i cili shënon një tripletë, në moshën 19 vjeç e 8 muaj. Davor Vugrines shënoi tre gola në sezonin 1993/1994, kur ishte vetëm 18 vjeç e 11 muaj.

“Ndihem shkëlqyeshëm, sepse kjo është tripleta ime e parë në karrierë. Dua t’i falënderoj të gjithë te Lokomotiva e Zagrebit, trajnerin dhe shokët e skuadrës, të cilët e bënë të mundur diçka të tillë. Çdo ditë ne stërvitemi shumë dhe dje u shpërblyem. Shënuam pesë gola dhe shokët më ndihmuan të shënoja tre gola.

Gjithmonë ia dedikoj golat mamasë time, kështu që tripleta është për të. Si gjithmonë, e mbaj topin e ndeshjes si kujtim”, përfundon 19-vjeçari i talentuar i Lokomotivës së Zagrebit.

Sulmuesi anësor, i cili aktivizohet me ekipin U21 të Kosovës, shënoi një tripletë, të parën në karrierë si profesionist, duke ndihmuar ekipin e tij të merrte tre pikët. 19-vjeçari shënoi golin e parë të ndeshjes në minutën e 23-të, ndërsa gjeti golin e dytë personal dhe të tretin të ekipit në fillimin e pjesë së dytë.

Vendasit arritën të shënonin dy gola duke ngushtuar rezultatin, por ishte sërish Lirim Kastrati, i cili vulosi fitoren, duke shënuar në minutën e 83-të golin e tretë personal dhe të katërt të ekipit. Datkoviç dhe Kërstanoviç ishin autorët e dy golave të tjerë, ndërsa Kastrati u ngjit në kuotën e katër golave, pas shtatë javëve të para.

Një paraqitje fantastike e 19-vjeçarit të lindur në Kamenicë, i cili ngjitet në kuotën e katër golave në kampionat pas shtatë javëve të para. Debutim i mirë dhe për ish-lojtarin e Laçit, Myrto Uzuni, i cili u aktivizua gjatë gjithë ndeshjes dhe ndihmoi në fazën ofensive të skuadrës, duke dhënë dhe asist në një nga golat e shënuar. Lokomotiva ngjitet përkohësisht në vendin e tretë me 13 pikë, katër më pak se kryesuesit e Dinamos së Zagrebit.

Pas ndeshjes, për “Sport Ekspres”, trajner Besnik Prenga thuri elozhe për beratasit. “Kishim në fushë një lojtar super, pavarësisht se nuk më pëlqen të bëj diferencime, pasi ekipi ia doli së bashku dhe dha gjithçka në fushë, por Uzuni ishte në formë të shkëlqyer. Ai na mori përdore”,  tha kreu i pankinës kurbinase.

Në takimin me Anorthosis në tribunë kishte të pranishëm edhe përfaqësues të Lokomotivës së Zagrebit. Me përfundimin e ndeshjes, trajneri Prenga ka pasur një bisedë me ta për të lënë detajet e një takimi me presidentin Pashk Laska. Palët kanë biseduar dhe kroatët kanë paraqitur ofertën e tyre.

Shuma që mund të përfitojë Laçi nga transferimi i Myrto Uzunit mund të shkojë në 300 mijë euro. Gjithçka bëhet e ditur nga burime jo zyrtare. Mbetet për t’u parë nëse Laska do e pranojë ofertën për 23-vjeçarin. Zëvendësimi i beratasit është një problem më vete dhe duhet gjetur një zgjidhje në rast se e shesin.