Drejtori sportiv i Milanit ka mbyllur praktikisht marrëveshjen për kalimin e sulmuesit Andre Silva në huazim me të drejtë blerjeje te Sevilja, ndërsa sot është mbyllur marrëveshja e radhës.

Mesfushori Manuel Lokateli të hënën do të transferohet te Sasuolo, që e kërkon me ngulm prej qershorit.

20-vjeçari, i rritur te Milani, e ka kërkuar vetë largimin, sepse ndryshe nga dy sezone më parë, sezonin e shkuar nuk luajti shumë. Duke qenë në një moment të re të karrierës, ku i duhet të luajë, mesfushori qendror shkon te Sasuolo për 12 milionë euro, plus 2 milionë në bonuse.

Tifozët e Milanit e pëlqejnë shumë talentin e mesfushës, por në këtë pikë Leonardo është treguar shumë i shkathët, sepse ka bindur Sasuolon që të përfshije një klauzolë që e lejon Milanin ta riblejë Lokatelin, nëse ecuria e tij do të jetë e kënaqshme. Në këtë mënyrë, Milani nuk e humbet perfundimisht talentin e vet, por edhe Sasuolo ka interes ta aktivizojë sa më shumë, për t’ia rritur vlerën në treg.

Tani Juve bëhet gati për përforcime të tjera dhe një ide ka nisur të qarkullojë në mediat italiane: bardhezinjtë duan Manuel Lokatelin nga Milani, përveç Matia De Shilios.

Mesfushori i talentuar 19-vjeçar konsiderohet një futbollist me të ardhme të madhe dhe vetëm i duhet kohë që të rritet, ndaj Juventusi e sheh si lojtarin perfekt për ta rritur në një mesfushë klasi.

Milani ka refuzuar prerë çdo mundësi shitjeje, duke e deklaruar të pashitshëm, por kjo thjesht tregon që lëvizje ka në këtë drejtim dhe duket se Juve kërkon hakmarrje, sepse ka nisur kontaktet me agjentin e lojtarit.

Ndërkaq, vazhdon presioni i Juves për të marrë Matia De Shilion, që Alegri e do me çdo kusht dhe Milani e vlerëson 12 milionë euro, 4 më shumë nga sa ofron Juventusi, që kërkon urgjentisht pasardhësin e Dani Alveshit.