lo celso

Lëvizje në aksin “Londër – Sevilje”, gati transferimi 60 milionë eurosh

Sport Ekspres — Mon, 22 Jul 2019 08:56:27 +0000

Totenhemi theu rekordin e klubit duke blerë kartonin e mesfushorit francez Tangi Dembele nga Lioni për 60 milionë euro. Megjithatë, klubi londinez nuk ka ndërmend të ndalet. Mediet spanjolle raportojnë se Totenhem është shumë pranë akordit me Real Betis për argjentinasin Xhovani Lo Selso.

Ka mjaftuar vetëm një sezon në Spanjë që 23-vjeçari të spikasë me paraqitje e tij. Real Betis shpenzoi 22 milionë euro për të blerë kartonin e tij nga PSG një vit më parë. Në Andaluzi i kanë marrë të gjitha masat për këtë transferim.

Betis ka gjetur akordin financiar për francezin Nabil Fekir, i cili do të zëvendësojë argjentinasin në mesfushën e andaluzianëve. Transferimi i Fekir pritet të kushtojë rreth 30 milionë euro, ndërsa mëngjarashi do të firmosë një kontratë 5-vjeçare me pagë 4.5 milionë euro në sezon.

Vlerësohet 70 mln euro, Reali vihet pas “diamantit” të Betis

Sport Ekspres — Mon, 17 Jun 2019 07:00:01 +0000

Real Betis nuk është një nga skuadrat ku dalin emra të mëdhenj të futbollit, por sot, ekipi bardhejeshil ka në gjirin e tij një diamant të çmuar. Bëhet fjalë për Xhovani Lo Celso, mesfushori argjentinas i cili shëklqeu sezonin e shkuar.

Paraqitjet e tij perfekte, bënë që Totenhemi të vihej pas tij, pasi e shikonin si pasuesin ideal te Kristian Eriksen, duke parë që ky i fundit kërkohej me ngulm nga Real Madrid. Megjithatë, “Los Blancos” kanë vendosur të mos bëjnë ofertë për Eriksen.

Sipas mediave iberike, “Galaktikët” duan me doemos shëbimet e Lo Celson, me trajnerin Zidan që e sheh si lojtarin e duhur për të përfocuar mesfushën. Real Betis kërkon 70 milionë euro, por një akord mund të arrihet dhe për një shumë më të vogël.

Lo Selso, kush është talenti që po çmend Barçën dhe Realin?

Sport Ekspres — Thu, 28 Feb 2019 09:35:27 +0000

Xhovani Lo Selso po bën një sezon të shkëlqyer me fanellën e Real Betisit dhe ka qenë një nga lojtarët kryesorë të bardhejeshilëve. 22-vjeçari është dhe një nga lojtarët më të kërkuar, me Barcelonën dhe Realin e Madridit që janë gati të paguajnë për shërbimet e argjentinasit.

Lo Celso me fanellën e Argjentinës

Por kush është Lo Selso? Mesfushori ka dalë nga radhët e skuadrës argjentinase, Rosario. Pas paraqitjeve të shkëlqyera me këtë skuadër, PSG-ja vendosi të paguajë 10 milionë euro për të në sezonin 2016-17.

Vetëm një vit më vonë, talenti u transferua te Real Betis, në formulën e huazimit me opsion blerjeje. Huazimi i kushtoi 2 milionë euro skuadrës spanjolle, ndërsa në fund të sezonit mund ta sigurojnë kartonin e tij, për 30 milionë.

Lo Selso duke festuar një nga golat e tij këtë sezon

Interesimi nga Reali e Barcelona, që janë gati të paguajnë deri në 60 milionë euro, mund të bëjë që Betis të sigurojë shërbimet e tij, për ta shitur më pas te një nga gjigantët spanjollë për dyfishin e shumës që do t’i paguajnë PSG-së.