Lloris

Përmbysja e madhe, Poçetino zbulon çfarë u tha në dhomat e zhveshjes

Sport Ekspres — Fri, 10 May 2019 17:10:13 +0000

Maurisio Poçetino fitoi shumë pikë të vyera në reputacionin e tij si një nga trajnerët më të mirë në botë, pas kualifikimit të Totenhemit të tij në finalen e madhe të Ligës së Kampionëve. Trajneri argjentinas e ka nisur nga hiçi, duke bërë emër vetëm te skuadra e Sauthempton. Më pas, Totenhemi i besoi dhe pa shpenzuar thuajse asnjë qindarkë, ndërtoi një nga stadiumet më të mëdha në botë dhe çoi Totenhemin në finalen e Champions League.

Por Poçetino zbuloi se kjo arritje nuk ishte vetëm për meritë të tij, por dhe të kapitenit Hugo Loris. Trajneri i “Gjelave” zbuloi për mediat britanike disa nga fjalët që u thanë në dhomat e zhveshjes në pushimin mes pjesëve:

“Nuk ishte një moment që kishte shumë nevojë për fjalë. Në fund të fundit, ne u munduam të motivonim sa më shumë lojtarët, por ai që ndikoi më shumë, ishte Hugo Loris. I mbaj mend fjalët e tij kur unë vetë po dilja nga dhoma. Ai po bërtiste: ‘Jemi shumë afër, një gol na duhet, vetëm një gol. Është ndeshja jonë, të dalim atje dhe ta fitojmë!’ Ai është një kapiten i vërtetë dhe për ne trajnerët, të kemi një lojtar të tillë është një fat i madh”, përfundoi Poçetino.

Son shkruan historinë: E merituam, fantastike të luash në këtë stadium

Sport Ekspres — Tue, 09 Apr 2019 21:10:00 +0000

Heung-min Son është kthyer në emblemën e stadiumit të ri të Totenhemit, sepse ka shënuar aty golin e parë në Premier Ligë dhe sot shënoi edhe golin e parë shënuar ndonjëherë në Champions League.

Koreano-jugori foli pas ndeshjes së fituan 1-0 ndaj Mançester Sitit, me golin e tij: “Nuk dorëzohemi kurrë, luftojmë për 90 minuta. E merituam fitoren, ishim më të saktë se Siti. Më pëlqen shumë ky stadium, është fantastike të luaj këtu, jam mirënjohës për mundësinë që më është dhënë duke luajtur këtu”.

LLORIS – Portieri francez Hugo Lloris ishte fenomenal, duke pritur penalltinë e Agueros në fillim të ndeshjes dhe duke i dhënë një motivim shtesë Totenhemit. Pas ndeshjes ai deklaroi: “Fitore e madhe, ushtruam presion deri në fund. Paraqitje e bukur dhe fitore e merituar.

“Dëmtimi i Herri Kejnit? Le të shpresojmë të mos jetë diçka e rëndë, nuk e di. Penalltia me VAR? Nuk e pashë, por është pjesë e lojës, duhet ta pranojmë. Për fat, nuk pësuam gol dhe kjo na shtoi energjitë“.

Portieri më i mirë në botë? Loris: Debat i mbyllur, nuk diskutohet

Sport Ekspres — Thu, 18 Oct 2018 10:35:02 +0000

Hugo Loris ishte një ndër protagonistët e takimit midis Francës dhe Gjermanisë, ku “gjelat” arritën të përmbysnin fqinjët falë dy golave të Grizman në pjesën e dytë të takimit. Në përfundim të takimit, Loris u intervistua nga media e njohur gjermane “Sport1”. Gjatë intervistës 31-vjeçari tha se debati mbi vendin e titullarit në kombëtaren gjermane është inekzistent, pasi gardiani i Bajernit është sipas tij portieri më i mirë në planet

“Nuk kam asnjë dyshim. Ai është një lojtar fantastik. Për mua, ai është thjesht më i miri. Nojer do të vazhdojë të na çudisë edhe për disa vite të tjera”, tha francezi për homologun e tij gjerman.

NOJER DHE TER SHTEGEN – “Po të marrim në konsideratë atë çfarë ai i ka dhënë Gjermanisë dhe Bajernit, ky debat nuk është aspak i drejtë. Nuk është aspak e lehtë të rikthehesh në formë optimale kur nuk ke luajtur për më shumë se një vit. Ai mbetet një portier i madh”, përfundoi francezi.