Llapi

Falenderime për të gjithë, Alidema gati për aventurën kroate

Sport Ekspres — Wed, 17 Jul 2019 15:10:57 +0000

Një prej talenteve më të mëdhenj të futbollit shqiptar ka nisur rrugëtimin e tij në arenën evropiane. Festim Alidema është futbollisti më i ri i Slaven Belupo. Sulmuesi dardan ka mbyllur aventurën e tij me klubin e Llapit.

21-vjeçari do të firmosë kontratë dyvjeçare me opsionin për ta zgjatur bashkëpunimin edhe për dy sezone të tjerë në varësi të nivelit të tij.

Me skuadrën kosovare ai ishte një nga më të mirët, duke luajtur 30 takime dhe shënuar 12 herë. Cilësia e tij dhe golat e shumtë ishin “çertifikata” për të bërë hapin e madh në karrierë.

Pas zyrtarizimit me klubin kroat, Alidema postoi një foto në “Facebook” ku falenderoi të gjithë ata, të cilët i dhanë një dorë në arritjen e këtij suksesi.

“E Falenderoj Zotin qe ma dha këtë mundësi të luaj në Europë. Faleminderit familjes që më kanë motivuar dhe më kanë dhënë vullnet të madh. Ju dua shumë dhe të gjithë ata që më kan perkrah dhe që vazhdojnë me më perkrah gjithmonë dua t’i falenderoj: agjencinë Soçer 11 (Adrian Alia , Arber Abilaliaj , Genc Hyseni etj).
Po ashtu dua ti falenderoj të gjithë trajnerët, pa të cilët nuk do isha këtu ku jam (Tahir Batatina, Bylbyl Sokoli, Bekim Isufi , Bekim Shotani , Xhengiz Redjepi). Dua t’i falenderoj të gjithë bashkëlojtaret. Faleminderit shumë, ju dua të gjithëve”, shkruan talenti Kosovar.

Nga Kosova në Kroaci, sulmuesi shqiptar prezantohet te skuadra e re

Sport Ekspres — Wed, 17 Jul 2019 11:51:21 +0000

Ish-sulmuesi i Llapit, Festim Alidema, është prezantuar si lojtari më i ri i skuadrës së Slaven Belupos. Futbollisti nga Pozherani i bashkohet ekipit të ligës së parë kroate pas dy sezonesh në IPKO Superliga me skuadrën nga qyteti i Podujevës.

Menaxheri i cili ndërmjetësoi transferimin e 21-vjeçarit është ish-lojtari i kombëtares shqiptare Ardian Aliaj. Alidema i shtohet listës së shumë shqiptarëve nga Kosova të cilët vitet e fundit janë transferuar në kampionatin Kroat.

21-vjeçari aktivizohet si sulmues krahu dhe njihet për aftësitë në driblim dhe goditjen e saktë me të dyja këmbët. Krahas Alidemës në Kroaci ndodhen dhe tre talente të tjerë nga Kosova si Mirlind Daku i Osijek, Lumbardh Dellova i Hajduk Split dhe Lirim Kastrati i Lokomotivës së Zagrebit.

VIDEO | Supergol i Plakut, Llapi barazim spektakolar në miqësore

Sport Ekspres — Sat, 13 Jul 2019 17:54:44 +0000

Llapi dhe Ballkani kanë zhvilluar një takim miqësor sot, që është mbyllur në barazim 2-2. Plot 4 gola të shnëuar në këtë sfidë, por goli më i bukur, ishte padiskutim ai i Sebino Plakut. Ish-sulmuesi i Kamzës ekzekuton në mnëyrë të shkëlqyer një goditje dënimi në minutën e 78’.

Edhe pse në një distancë shumë të afërt dhe me një mur mbrojtës të lartë, Plaku nuk e ka aspak të vështirë të gjejë trekëndëshin e portës kundërshtare, duke lënë në vend portierin e Ballkanit dhe duke vendosur rezultatin final të sfidës në 2-2.Kjo ndeshje ishte shumë e luftuar mes dy skuadrave dhe ka pasur edhe një numër të konsiderueshëm tifozësh në stadium.

Ballkani – Llapi 2-2
Edvin Kuc, Arber Hoxha / Sebino Plaku 78’, Bujar Idrizi 34’

Llapi “e bën baltë”, një tjetër përforcim largohet

Sport Ekspres — Thu, 11 Jul 2019 10:51:53 +0000

Llapi do Europën dhe për këtë ka bërë disa përforcime. Disa prej afrimeve kanë qenë edhe nga Superiorja, ndërkohë që një lojtar e morën edhe nga Kategoria e Parë. Klodian Nuri la Elbasanin dhe do provonte një eksperiencë të re në Kosovë.

Ai u prezantua te Llapi, por sot ka ardhur edhe njoftimi për largimin e tij. Këtë verë ka ndodhur shpesh në klubin nga Podujevë që të bëhen zyrtarizime dhe më pas të bien poshtë. Ndodhi me portierin Eglant Haxho dhe më pas me sulmuesin Emran Ramadani. Tashmë ndodh me Nurin.

“Klubi njofton për ndërprerjen me konsensues të marrëveshjes me futbollistin Klodian Nuri. Pas një diskutimi të përbashkët mes klubit dhe futbollistit, vendosëm që mos ta pengojmë futbollistin për arsye të tij personale i cili do ta vazhdoj karrierën diku tjetër. Njëherit, pas përmbylljes së marrëveshjes së dyanshme, klubi falenderon Klodian Nurin për bashkëpunimin”, thuhet në njoftimin e Llapit.

Menaxheri i Muriqit përforcon Llapin, zyrtarizimi i fundit

Sport Ekspres — Thu, 04 Jul 2019 10:50:38 +0000

Llapi i kushton vëmendje lojtarëve të rinj dhe janë disa prej të rinjve të klubit që këtë verë kanë nënshkruar kontrata profesioniste. Veç tyre, ka edhe nga klube të tjera që kanë vendosur ta vijojnë karrierën në Podujevë dhe i fundit është Emir Umit, i cili luan si mesfushor qendre.

“Emir Umit është futbollisti i radhës që nënshkruan me KF Llapin. Umit, ka nënshkruar për 2 vitet e ardhshme të jetë pjesë e klubit tonë. Emir Umit, 19 vjeç, i lindur më 28.04.2000, vjen nga Belgjika, përkatësisht klubi i tij i fundit është SC Chatelet, kurse ka luajtur edhe për Namur. Është futbollist i Kosovës U19.

Për këtë transferim, e falënderojmë menaxherin Rahman Kice që njëherazi është edhe menaxher i futbollistit të Kosovës, Vedat Muriqi”, shkruhet në njoftimin e bërë nga klubi i Llapit në faqen zyrtare në Facebook.

Llapi shumë aktiv në merkato, tjetër zyrtarizim

Sport Ekspres — Mon, 01 Jul 2019 14:47:22 +0000

Llapi kërkon titullin kampion dhe gjatë merkatos ka bërë disa përforcime të rëndësishme, madje edhe lojtarë si Bruno Arrabal dhe Sebino Plaku nga Kategoria Superiore. Ditën e sotme ata kanë bërë një tjetër lëvizje dhe bëhet fjalë për një lojtar me perspektivë, sikurse Besfort Emini.

“Mesfushori me tipare defensive, Besfort Emini, ka nënshkruar kontratë 3-vjeçare me Llapin. Emini, njëkohësisht sot u prezantua si futbollisti më i ri i klubit bardhekaltër. Besfort Emini, 20 vjeç, i lindur më 27.01.1999, futbollist i ri mjaft perspektivës vjen nga FC Vitia. Ai është produkt i këtij klubi, teksa nga sot edhe zyrtarisht është futbollist i Llapit për 3 vitet e ardhshme”, njofton klubi nga Podujeva.

“Më duan Partizani e Kukësi”, sulmuesi akord me klubin kroat

Sport Ekspres — Sat, 22 Jun 2019 07:46:14 +0000

Festim Alidema, që prej janarit kërkohej me ngulm nga shumë klube. Sulmuesi anësor i Llapit, me formën e treguar në IPKO Superliga tërhoqi vëmendjen edhe të klubeve të Superiores, me Kukësin e Partizanin që tentuan ta merrnin. Gjithsesi për të duhej paguar dhe aty u stepën.

“Kam shumë oferta. Janë klubet si: Partizani, Prishtina, Drita, Feronikeli, Kukësi, Shkëndija, por njëherë i kam refuzuar dhe jam i interesuar për ofertat e klubeve më të mëdha evropiane”, tregonte Alidema para pak kohësh në “Gazetaolle.com”.

Së fundmi raportohet se ai do ta vijojë karrierën në Kroaci. Osijeku ka qenë një nga klubet e lakuara, por duket se Alidema ka arritur akordin me Slaven Belupo. “Insporti.com” në Kosovë raporton se sulmuesi po pret të pajiset me vizë dhe të udhëtojë drejt Kroacisë, për të nënshkruar kontratën me klubin e tij të ri.

Edhe kapiteni lë Flamurtarin, Kosova e pret

Sport Ekspres — Sat, 15 Jun 2019 14:09:25 +0000

Flamurtari njeh vetëm largime. Agustin Torasa dhe Elton kanë firmosur të Tirana dhe presin t’u bashkohet edhe Idriz Batha, kurse Emiljano Musta është prezantuar te Kukësi. Edhe një pjesë e mirë e lojtarëve të tjerë kanë oferta të rëndësishme dhe shumë shpejt do të vendosin për të ardhmen.

Njëri prej tyre është kapiteni Franc Veliu. Qendërmbrojtësi është tentuar fillimisht nga Gjilani, që drejtohet nga trajneri Gentian Mezani. Veç gjilanasve, në garë për të është edhe një klub tjetër. SportEkspres.com mëson se bëhet fjalë për Llapin.

Klubi nga Podujeva i ka bërë një ofertë të mirë dhe me shumë mundësi vlonjati do ta pranojë. Gjithsesi duhet pritur që të konkretizohet gjithçka. Veliu në Shqipëri është aktivizuar edhe me Kukësin e Partizanin, ndërkohë që në të shkuarën ka provuar të luajë edhe me kombëtaren.

“Do jetë risia e radhës”, prezantohet Sebino Plaku

Sport Ekspres — Sat, 15 Jun 2019 12:52:24 +0000

Sebino Plaku është lojtari i radhës që zgjedh ta vazhdojë karrierën në Kosovë. Sulmuesi, i cili dy sezonet e fundit është aktivizuar me Kamzën, ka pranuar ofertën e Llapit dhe sot është prezantuar te skuadra e re. Aty ai gjen edhe ish-shokun e skuadrës, brazilianin Bruno Arrabal.

Sebino Plaku dhe menaxheri Altin Ferat pas hedhjes së firmës

NJOFTIMI ZYRTAR – “Llapi ka arritur të siguroj shërbimet e njërit ndër sulmuesit më të mirë dhe më me përvojë në Shqipëri, i cili ka edhe karrierë ndërkombëtare. Sebino Plaku do jetë risia e radhës në klubin tonë për edicionin e ri 2019/20. Sebino ka firmosur kontratë 1 vjeçare me Llapin.

Sebino Plaku, 34 vjeç, i lindur më 20.05.1985 në Tiranë. Pozita e tij që luan është qendërsulmues. Pozitat tjera ku mund të luaj Sebino janë edhe sulmues i dytë apo edhe sulmues i krahut të majtë. Ka një karrierë shumë të ndritshme.

Ai ka luajtur për shumë skuadra në Shqipëri dhe disa të tjera edhe jashtë vendit. Së pari Sebino ka luajtur për Partizanin e Shqipërisë. Ai ka pasur paraqitje shumë të mira tek Apolonia e Fierit ku ka realizuar 21 gola, tek Dinamo Tiranë(27 gola), Skënderbeu (13 gola), Kamza(13 gola) etj.”, përfundoi njoftimi i Llapit.

Ofertë super për Sebino Plakun, zyrtarizimi pranë

Sport Ekspres — Fri, 14 Jun 2019 11:07:19 +0000

Sebino Plaku ka një ofertë konkrete dhe shumë shpejt mund të vendosë për të ardhmen e tij. Edhe pse prej muajsh vetëm stërvitet individualisht, për sulmuesin interesimi nuk mungon. Llapi në Kosovë e dëshiron sulmuesin dhe Telesport raporton se oferta është pëlqyer nga sulmuesi.

Thuhet se marrëveshja mund të konkretizohet javën e ardhshme dhe Plaku të vazhdojë karrierën te klubi nga Podujeva. Sulmuesi, i cili në Superiore ka një karrierë të pasur, po mendohet mirë dhe do të duhet të ndajë mendjen për të ardhmen e tij.

Plaku, tashmë 34 vjeç, dy sezonet e fundit është aktivizuar te Kamza, ku ka mbajtur edhe shiritin e kapitenit. Në Kosovë, nëse do të pranojë ofertën, do të gjejë shumë lojtarë e trajnerë që kanë lënë gjurmë në Superiore.

Llapi e ndan mendjen, i beson sërish portierit shqiptar

Sport Ekspres — Mon, 10 Jun 2019 18:41:35 +0000

Llapi, pasi rinovoi me mbrojtësin Elvis Prençi, ka arritur marrëveshjen për vazhdimin e bashkëpunimit edhe për një vit me portierin Eglant Haxho. Klubi nga Podujeva është i kënaqur me paraqitjet e bëra nga portieri shtatlartë, i cili në Shqipëri është aktivizuar me Apoloninë, Bylisin, Kukësin, Kamzën, Tomorin, Butrintin dhe Tërbunin.

“Portieri i skuadrës, Eglant Haxho ka vazhduar kontratën edhe për 1 vit me Llapin. Haxho i cili ka pasur paraqitje tejet të mira në stinorin e fundit do vazhdoj ti jap skuadrës sigurinë në portë edhe për një vit. Eglant Haxho në stinorin 2018/19 ka pasur 17 paraqitje, duke mbajtur portën e pa prekur 8 herë”, shkruhet në njoftimin e klubit të Llapit.

Haxho, para se të transferohej në Kosovë ishte pjesë e Partizanit, por nuk mundi të luante. Më herët ai ka luajtur edhe në Maqedoni, ku ka veshur fanellën e Renovës.

Drita fiton duelin me Laçin, gati firma me mbrojtësin

Sport Ekspres — Sun, 09 Jun 2019 13:55:05 +0000

Llapi ka njoftuar disa largime deri më tani, ndërkohë që drejtuesit e klubit nga Podujeva po punojnë edhe për ta përforcuar ekipin me lojtarët e duhur. Një prej lojtarëve qe e ka mbyllur bashkëpunimin me skuadrën e drejtuar nga Tahir Batatina, është edhe Ilir Blakçori.

Mbrojtësi anësor ka pasur disa oferta dhe zbulon se e kanë kërkuar edhe në Superiore. Në një deklaratë të dhënë për “Gazetaolle.com” ai tregon se Laçi e ka tentuar atë, por do të mbetet në Kosovë. Siç edhe është thënë edhe më parë, Drita është skuadra favoritë për të marrë shërbimet e tij.

Vetë Blakçori e thotë hapur diçka të tillë. “Kam pasur oferta të shumta nga ekipet e Superligës, po ashtu edhe nga Laçi. Mirëpo karrierën besoj se do ta vazhdoj te Drita”, është shprehur mbrojtësi i majtë, i cili në të shkuarën ka qenë edhe pjesë e Gjilanit dhe tanimë pritet të luajë me “armiqtë” e Skifterave.

Llapi e bind, firmos ish-mbrojtësi i Lushnjës

Sport Ekspres — Fri, 07 Jun 2019 14:14:18 +0000

Bruno Arrabal zgjodhi Kosovën për të vazhduar karrierën dhe konkretisht klubin e Llapit. Mesfushori braziliani pranoi ofertën, ndërkohë që klubi nga Podujeva vijon me punën në merkato dhe së fundmi ka ardhur edhe një rinovim i rëndësishëm.

Llapi ka njoftuar se është gjetur gjuha e përbashkët për të vazhduar edhe për një vit bashkëpunimin me qendërmbrojtësin Elvis Prençi. Ky i fundit është aktivizuar në Superiore me Korabin dhe Lushnjën në dy sezonet e fundit, ndërkohë që më parë ka veshur edhe fanellën e Kukësit, Partizanit dhe Teutës.

Mbrojtësi ka qenë edhe pjesë e kombëtareve të moshave në vendin tonë, teksa numëron 12 ndeshje me Shqipërinë U21. Tashmë ai e vazhdon karrierën në Kosovë te Llapi, ekipi që këtë sezon do të kërkojë me ngulm të fitojë titullin kampion.

NJOFTIMI – “Kontratën edhe për 1 vit me Llapin e ka vazhduar qendërmbrojtësi i ardhur në janar, Elvis Prençi i cili ka pasur paraqitje shumë të mira në edicionin pranveror. Edhe pse në drejtim të tij kishte shumë oferta, Elvisi zgjodhi Llapin dhe është i gatshëm të vazhdoj ti jap stabilitetin mbrojtjes edhe për edicionin e ri. Prençi në sezonin e fundit me Llapin ka zhvilluar 15 ndeshje si titullar i padiskutueshëm, teksa ka realizuar edhe një gol.

Firmos Bruno Arrabal, befason me skuadrën e re

Sport Ekspres — Thu, 06 Jun 2019 21:11:32 +0000

Bruno Arrabal u largua drejt Brazilit pas përjashtimit të Kamzës, por do të mbetet në trojet tona. Mesfushori ka në shkruar me skuadrën e Llapit në IPKO Superliga e Kosovës dhe klubi nga Podujeva i gëzohet kësaj lëvizjeje në merkato. Arrabal në Superiore ka qenë një nga më të mirët në rolin e tij dhe në fakt është e habitshme që asnjë klub nuk e tentoi dhe ta bindte të luante sërish në kampionatin tonë.

NJOFTIMI – “KF Llapi e përmbyll me sukses marrëveshjen me njërin nga mesfushorët defanzivë më të mirë në Shqipëri, brazilianin Bruno Arrabal i cili në sezonin e fundit ishte pjesë e Kamzës ku ka luajtur të gjitha ndeshjet dhe ishte titullar i padiskutueshëm. Arrabal do jetë pjesë e Llapit në edicionin e ri 2019/20!

Bruno Arrabal, brazilian, 27 vjeç i lindur më 22.02.1992 në Brazil. Pozita e tij që luan është mesfushor defanziv. Ai vjen nga Kamza, ku ka luajtur 24 ndeshje si titullar. Më parë, Arrabal ishte pjesë e skuadrave: Remo, Duque de Caxias, Tupi FC, Mogi Mirim, Ethnikos dhe Kamzës. I dëshirojmë mirëseardhje në familjen e madhe bardhekaltër!”, shkruan klubi i Llapit.

Llapi zyrtarizon afrimin e radhës, firmos ish-lojtari i Dinamos

Sport Ekspres — Mon, 03 Jun 2019 19:12:10 +0000

Skuadra e Llapit ka zyrtarizuar marrëveshjen me mesfushorin Klodian Nuri. Futbollisti 23-vjeçari i bashkohet klubit nga Podujeva pas një eksperience në Kategorinë e Pare me Elbasanin.

Në të shkuarën Nuri ka qenë pjesë e akademisë së shkollë së mjeshtërisë “Loro Boriçi”, ndërsa hapat e parë si profesionist i hodhi te skuadra e Besës së Kavajës e më pas te Kastrioti, Dinamo dhe Partizani B.

Kontrata midis futbollistit të lindur në Tiranë dhe Llapit është vlefshme për një sezon.

Festim Alidema “fiksim” në Superiore, dy klube në garë

Sport Ekspres — Thu, 30 May 2019 09:50:29 +0000

Festim Alidema është një nga lojtarët më të kërkuar në Kosovë dhe në Superiore. Sulmuesi 21-vjeçar i Llapit ka spikatur në dy sezonet e fundit dhe ofertat për të nuk kanë munguar edhe nga jashtë. Gjithsesi, ai ende nuk e ka ndarë mendjen se ku do të luajë sezonin e ardhshëm.

Së fundmi, Alidema edhe ka zbuluar emrat e disa klubeve që e duan dhe spikasin edhe Partizani e Kukësi në Superiore. Interesim për të ka pasur edhe nga Flamurtari i Vlorës, por edhe te Tirana është diskutuar për të. Gjithsesi për kartonin e tij duhet të paguhet dhe deri më tani asnjë klub nuk e ka bindur Llapin të lërë të lirë.

Sulmuesi anësor sezonin e fundit ia ka dalë të shënojë 12 gola, edhe pse luan në krah. Alidema ka disa cilësi dhe ajo çka bie në sy është goditja e mirë me të dyja këmbët. Më mirë se ai në Kosovë në aspektin e golave kanë bërë vetëm Kastriot Rexha dhe Ahmed Januzi, të cilët janë sulmues qendrore dhe normalisht dalin më shpesh para portave kundërshtare.

Kukësi sfidon Dritën, tenton “yllin” e Llapit

Sport Ekspres — Thu, 23 May 2019 20:20:55 +0000

Është një nga lojtarët më të kërkuar në merkato dhe në janar për të pati shumë oferta, por në fund u pa e udhës të vazhdonte të qëndronte te Llapi. Kuptohet që bëhet fjalë për Festim Alidemën, sulmuesin anësor që luan mirë me të dyja këmbët dhe që ka një goditje mjaft të mirë.

Sulmuesi është tentuar nga disa klube të Superiores në janar, por Llapi normalisht që kërkon të përfitojë në aspektin financiar. Edhe pse luan në krah, ai ka arritur të shënojë 12 herë dhe më mirë se ai kanë bërë vetëm Kastriot Rexha dhe Ahmed Januzi, të dy qendërsulmues.

Tashmë emri i tij lakohet sërish në merkato dhe sipas “gazetasheshi” Drita e Gjilanit e dëshiron sulmuesin, por ka konkurrencë edhe nga Kukësi. Verilindorët edhe në janar tentuan, por nuk ia dolën ta transferonin. Thuhet se kontrata i përfundon në fund të qershorit, por mbetet për t’u parë nëse është e vërtetë diçka e tillë.

Feronikeli “shkërmoq” Dritën, Prishtina ia del në fund me Llapin

Sport Ekspres — Sat, 11 May 2019 16:23:23 +0000

Titulli kampion në Kosovë është një çështje mes Prishtinës dhe Feronikelit. Këta të fundit ia dolën të kalonin me sukses Dritën kampione në fuqi dhe ishte Kastriot Rexha ai që realizoi dy herë në portën e ish-skuadrës së tij.

Zhan Karioka dhe Mendurim Hoti realizuan nga një gol, kurse për gjilanasit golin e vetëm e shënoi Filonit Shaqiri. Me shifrat 4-1 u mbyll gjithçka dhe tashmë Feronikeli vijon të kryesojë kampionatin, por me vetëm dy pikë më shumë se Prishtina.

Bardhekaltrit ia kanë dalë të mbeten në garë, pasi kanë mposhtur Llapin rival direkt. Ndeshja u vendos në fund, kur Mërgim Pefqeli gjeti rrugën e rrjetës dhe i dha tre pikë të arta Prishtinës. Java e ardhshme është shumë e rëndësishme, teksa Feronikeli ka transfertë me Llapin, kurse skuadra e Josës pret Trepçën ’89. Gara për titull është e hapur, pasi java e fundit mbyllet me Feronikeli-Prishtina.

Liria e rënë nga Ipko Superliga e Kosovës ka mundur me rezultatin 3-1 KEK-un, që këtë sezon ka marrë vetëm një pikë. Karahoda dhe Fetahaj i dhanë rrugë fitores së bardhezinjve nga Prizreni, ndërkohë që Guraziu shënoi edhe golin e tretë.

IPKO SUPERLIGA E KOSOVËS – Java 31
E premte, më 10 maj 2019, ora 16:00

Feronikeli-Drita 4-1
Shënues: Rexha 33’, 74’, Karioka 47’, Hoti 84’/ Shaqiri 63’
Liria-KEK-u 3-1
Shënues: Karahoda 15’, Fetahaj 20’, Guraziu 85’ / ?
Prishtina-Llapi 1-0
Shënues: Pefqeli 88’

Llapi u përgjigjet kryesuesve, Gjilani i Mezanit pikiatë

Sport Ekspres — Sun, 05 May 2019 16:19:26 +0000

Skuara e Llapit ka mundur me rezultatin 4 – 1 Trepçën 80 në takimin e zhvilluar sot në Podujevë. Klubi i drejtuar nga Tahir Batatina barazon Prishtinën e vendit të dytë dhe mban në dy pikë distancën me kryesuesit e Feronikelit. Protagonist absolut i ndeshjes ishte ish-sulmuesi i kombëtares shqiptare Ahmed Januzi, i cili realizoi tri gola në këtë takim.

Në dy ndeshjet e radhës, Llapi udhëton në kryeqytet për t’u përballur me Prishtinën dhe më pas pret Feronikelin. Dy fitore i garantojnë vendin e parë, ndërsa një hap fals mund të rezultojë fatal për objektivat e klubit.

Flamurtari i Prishtinës ka mundur 1 – 0 në transfertë Gjilanin. Kjo është humbja e katërt radhazi për ekipin e drejtuar nga Gentian Mezani.

Liria e Prizrenit duket se e ka vulosur rikthimin në ligën e parë së bashku me KEK-un e vendit të fundit. Prizrenasit u mundën 3 – 1 nga Ferizaj, ndërsa KEK-u pësoi humbjen e radhës, kësaj here nga Ballkani që mori tri pikë falë fitores me shifrat 3 – 0.

IPKO SUPERLIGA E KOSOVËS – Java 30
E diel, më 5 maj 2019, ora 16:00

Ferizaj – Liria 3-1
Shënues: Krasniqi 45’, Gashi 72′, Jonuzi 90+4′ / Beseni 15’
Gjilani – Flamurtari 0-1
Shënues: Kelmendi 62’
KEK-u – Ballkani 0-3
Shënues: Topalli 24’, 41’, Azdoviç 38’
Llapi-Trepça ’89 4-1
Shënues: Januzi 22’, 87′ 90+6′ Maliqi 45+2’/ Traore 17’

IPKO SUPERLIGA | Feronikeli nuk ndalet, Llapi i përgjigjet me Alidemën

Sport Ekspres — Sat, 27 Apr 2019 15:36:42 +0000

Feronikeli e Llapi ia kanë dalë të fitojnë, edhe pse Gjilani e Drita janë munduar t’i pengojnë në rrugën e tyre. Skuadra nga Drenasi e zhbllokoi ndeshjen shumë shpejt, teksa ishte sulmuesi Kastriot Rexha ai që shënoi ndaj ish-skuadrës së tij. Protagonist ishte edhe Zhan Karioka, i cili realizoi edhe golin e qetësisë.

Skuadra e drejtuar nga Gentian Mezani nuk mundi të bëjë diçka ndaj Feronikelit dhe e sheh veten në pozicion të vështirë. Nga ana tjetër për trajnerin Zekerija Ramadani shqetësimi kryesor është sulmuesi Rexha, i cili në pjesën e dytë pësoi një dëmtim dhe u zëvendësua.

Për t’u zhvendosur te Llapi, që me vështirësi ka mposhtur kampionët në fuqi të Dritës. Ka mjaftuar një gol i Festim Alidemës dhe skuadra e Batatinës ruan distancën prej dy pikësh me Feronikelin kryesues.

Fitore shumë e rëndësishme për skuadrën e Ferizajit, që mposhti me “poker” në transfertë Ballkanin rival për mbijetesë. Takimi përfundoi me shifrat 2-4 dhe Dren Gashi ishte ai që shënoi dy golat e parë për miqtë, kurse më pas Dautaj dhe Krasniqi bënë që goli i Topallit të kishte vetëm vlera statistikore.

IPKO SUPERLIGA E KOSOVËS – JAVA 29
E shtunë, më 27 prill 2019, ora 15:30

Ballkani-Ferizaj 2-4
Shënues: Topalli 39’, Nebija 93′ / Gashi 29’, 48’, Dautaj 64’, Krasniqi 91’
Feronikeli-Gjilani 2-0
Shënues: Rexha 8’, Karioka 35’
Llapi-Drita 1-0
Shënues: Alidema 72’

Standings provided by Sofascore LiveScore

Kampionat i çmendur në Kosovë: Bie Feronikeli, Prishtina e Llapi në sulm!

Sport Ekspres — Sat, 13 Apr 2019 15:35:12 +0000

Çfarë gare në IPKO Superliga e Kosovës, ku diferenca mes tre ekipeve të kreut është vetëm dy pikë. Feronikeli kryesues është mposhtur nga Ferizaj, ndërsa Prishtina dhe Llapi kanë marrë pikët e plota në shtëpi. Skuadra nga Drenasi e zhbllokoi ndeshjen që në pjesën e parë me Prekazin, por në fund ishte Krasniqi që shfrytëzoi një gabim të portierit Smakiqi dhe barazoi shifrat. I njëjti lojtar në shtesë realizoi edhe golin e dytë dhe i dha skuadrës së tij tre pikë shprese për mbijetesën. Tanimë Feronikeli e Prishtina ndajnë kreun me pikë të barabarta.

Bardhekaltrit bënë detyrën në shtëpi ndaj KEK-ut të vendit të fundit. Pritej ndonjë fitore me goleadë, por nuk ka ndodhur kështu. Prishtina i është falur një goli të shënuar nga Boshnjaku dhe ka marrë pikët e plota. Ato ishin me më shumë rëndësi.

Llapi, pas fitores me Gjilanin, e sheh veten në garë për titullin kampin. Diferenca prej dy pikësh me Feronikelin e Prishtinën ia jep këtë mundësi. Sa i takon ndeshjes, skuadra e drejtuar nga Tahir Batatina arriti të kalonte në avantazh me Mentor Zhdrellën. Pjesën e parë Llapi e mbylli në avantazh, ndërkohë që me nisjen e 45 minutave të dyta ishte Endrien Magani që shënoi dhe vendosi baraspeshën. Gjithsesi vendasit nuk u dorëzuan dhe me anë të Behar Maliqit shënuan golin e fitores.

IPKO SUPERLIGA – Java 27
E shtunë, më 13 prill, ora 15:30

Feronikeli-Ferizaj 1-2
Shënues: Prekazi 41’ / Krasniqi 78’, 93′
Llapi-Gjilani 2-1
Shënues: Zhdrella 21’, Maliqi 76’ / Magani 52’
Prishtina-KEK-u 1-0
Shënues: Boshnjaku 36’

IPKO Superliga | Llapi i falet një autogoli, Uka qetëson Drenicën

Sport Ekspres — Sat, 06 Apr 2019 14:56:37 +0000

Llapi nuk e pati aq të thjeshtë sa mendohej kundër KEK-ut. Ekipi nga Podujeva vuajti në transfertë përballë ekipit të vendit të fundit. Ndeshja u vendos nga një autogol i Vitisë në minutën e 72’.

Kjo fitore e ngjit Llapin në vendin e dytë me 57 pikë. Feronikeli kryesues ndodhet dy pikë më shumë dhe do të luajë të hënën në Prizren përballë Lirisë, sikurse Prishtina (56 pikë) udhëton në të njëjtën ditë në Ferizaj.

Drenica siguroi një fitore qetësie në shtëpi përballë Trepça ’89. Dygolëshi i Kreshnik Ukës, golashënuesit më të mirë të ekipit, vendosi ndeshjen. Ky ishte rezultati i gjashtë pozitiv për vendasit, ndërsa ekipi nga Mitrovica vazhdon të jetë afër zonës së rrezikut.

IPKO SUPERLIGA E KOSOVËS – Java 26

E shtunë, më 6 prill 2019, ora 15:00

Drenica-Trepça ’89 2-0
Shënues: Uka 10’, 55’

KEK-u-Llapi 0-1
Shënues: Vitija (aut) 73′

Llapi i Batatinës e nis me “poker”, Drita i falet Shabanit

Sport Ekspres — Fri, 29 Mar 2019 14:58:21 +0000

Llapi është treguar i pamëshirshëm kundër Lirisë, teksa ka fituar në Prizren me rezultatin 0-4. Fiton edhe Drita kampionë në fuqi dhe e bën në shtesë kundër Ferizajit me shifrat 1-2. Llapi rimerr pozicionin e dytë dhe shpreson që Prishtina të gabojë këtë javë, kurse gjilanasit “blindojnë” vendin e katërt në klasifikim.

Në Prizren Llapi bëri një ndeshje të mirë dhe me Tahir Batatinën në stol arritën të gjenin katër herë rrugën e rrjetës. Ahmed Januzi zhbllokoi sfidën në fraksionin e parë dhe kur kishin mbetur edhe 15 minuta lojë arriti të realizonte edhe golin e qetësisë. Selmani dhe Namani shfrytëzuan shthurjen e skuadrës vendase dhe shënuan edhe dy gola të tjerë.

Drita nuk mori një fitore të lehtë. Gjilanasit e panë veten në disavantazh, pasi Dautaj shënoi në portën e mbrojtësi nga bullgari Mario Kirev. Pjesa e parë u mbyll me avantazhin e Ferizajit. Dhjetë minuta nga nisja e pjesës së dytë ishte Nuabeze ai që vendosi baraspeshën. Golin trepikësh e realizoi Xhevdet Shabani, i cili befasoi me një goditje nga distanca. Vendasve do t’u bënte edhe një pikë punë, duke parë situatën në renditje.

IPKO SUPERLIGA E KOSOVËS – JAVA 24
E premte, më 29 mars, ora 14:00

Ferizaj-Drita 1-2
Shënues: Dautaj 26’ / Nuabeze 54’, Xh. Shabani 91’
Liria-Llapi 0-4
Shënues: Januzi 36’, 76’, Selmani 80’, Namani 84’

Shkarkohet Xhengis Rexhepi, Tahir Batatina “heq kostumin”

Sport Ekspres — Wed, 20 Mar 2019 11:47:25 +0000

Llapi ndryshon sërish trajnerin dhe në krye të skuadrës nga Podujeva rikthehet i zakonshmi Tahir Batatina. Këtë sezon ai mbajti pozicionin e Drejtorit Ekzekutiv, por tanimë ka ardhur koha që të zbresë sërish vetë në fushë. Barazimi i fundit me Ballkanin në shtëpi nuk është pritur mirë dhe kështu është shkarkuar Xhengis Rexhepi, i cili është edhe zëvendëstrajner i Maqedonisë.

“Klubi futbollistik “Llapi” njofton për përfundimin e bashkëpunimit me trajnerin Xhengis Rexhepi. Si pasojë e mungesës së pikëve të parapara në xhirot e luajtura, drejtuesit e klubit dhe Xhengis Rexhepi kanë ndërprerë bashkëpunimin me marrëveshje të dyanshme. KF Llapi e falënderon Rexhepin për punën profesionale të bërë me klubin gjatë kësaj periudhe dhe i dëshiron suksese në karrierë. Njëherazi klubi njofton se nga dita e sotme kryetrajner i Llapit do jetë Tahir Batatina, i cili sot do filloj stërvitjet me skuadrën”, njofton klubin nga Podujeva.

Llapi këtë sezon e ka nisur me Bylbyl Sokolin në krye, ndërkohë që më pas në vend të tij u emërua Bekim Shotani. Në fund të muajit dhjetor u emërua Rexhepi, i cili tashmë është larguar përfundimisht nga skuadra dardane.

VIDEO | Ballkani ndal Llapin, Drita “blindon” vendin e katërt

Sport Ekspres — Sat, 16 Mar 2019 14:58:54 +0000

Llapi nuk ia ka dalë të mposhtë Ballkanin në shtëpi. Ndeshja përfundoi në barazim 1-1dhe ekipi nga Podujeva numëron 4 pikë më pak se Feronikeli kryesues, që pret nesër ekipin e Trepça ’89 në shtëpi.

Pikë e mirë për miqtë, të cilët renditen në vendin e gjashtë me 29 pikë. Ballkani shënoi shumë shpejt. Jetmir Topalli gjeti golin që në minutën e pestë, ndërsa Llapi barazoi shumë vonë. Mentor Zhdrella u tregua i saktë nga pika e penalltisë, duke i dhuruar një pikë ekipit të tij me golin e shënuar në minutën e 84-t.

Drita nuk u ndal as kundër Lirisë. Fitorja e katërt rresht për kampionët në fuqi, të cilët mposhtën 2-0 ekipin nga Prizreni. Filonit Shaqiri gjeti golin e avantazhit 11-të minuta përpara fundit, ndërsa Betim Haxhimusa vulosi fitoren gjashtë minuta më vonë.

Ky trepikësh e ngjit Dritën në vendin e katërt me 38 pikë, ndërsa Liria qëndron e parafundit me 24 pikë. Ndeshja midis Drenicës dhe Ferizajt u mbyll ashtu si nisi. Pikë e rëndësishme për miqtë, të cilët e kanë marrë vetën pas rikthimit të Sokolit në stol.

IPKO SUPERLIGA E KOSOVËS – JAVA 23

E shtunë, më 16 mars, ora 14:00

Drenica-Ferizaj 0-0

Drita-Liria 2-0
Shënues: Shaqiri 79’, Haxhimusa 85’

Llapi-Ballkani 1-1
Shënues: Zhdrella 84’ (pen) / Topalli 5’

Llapi merr vendin e dytë me “tris”, Drita ia del me Ferizajin

Sport Ekspres — Sat, 09 Mar 2019 14:29:41 +0000

Llapi dhe Drita i gëzohen fitoreve, teksa kanë mundur sot respektivisht Trepçën ’89 dhe Ferizajin. Këto skuadra kanë përmbyllur fazën e dytë të kampionatit, ndërkohë që ekipi nga Podujeva është ngjitur në vendin e dytë në klasifikim. Kampionët në fuqi mbeten në vendin e katërt dhe ruajnë distancën me zonën e ftohtë.

Trepça ’89 e pa veten në disavantazh shumë shpejt, pasi Veliu kaloi Llapin në avantazh. Gjithsesi ishte Rusi ai që u kundërpërgjigj. Januzi, sulmuesi kryesor i skuadrës vendase, riktheu epërsinë. Në fund të pjesë së parë skuadrës nga Mitrovica iu anulua një gol.

Diauara kishte mundësinë të barazonte në fillim të pjesës së dytë,por goditi tranversën nga pika e bardhë e penalltisë. Llapi golin e qetësisë e shënoi vetëm në shtesë dhe ishte i zakonshmi Festim Alidema ai që gjeti rrugën e rrjetës.

Drita nuk bëri një ndeshje të mirë, por gjithsesi e mposhti Ferizajin. Një goli realizuar që në fillim nga Nuabeze vendosi gjithçka dhe skuadra nga Gjilani mori pikët e plota. Skuadra mike u përpoq shumë në pjesën e dytë të barazonte, por nuk e shfrytëzoi tërheqjen e Dritës.

IPKO SUPERLIGA E KOSOVËS – Java 22
E shtunë, më 9 mars, ora 13:30

Drita-Ferizaj 1-0
Shënues: Nuabeze 14’
Llapi-Trepca ’89 3-1
Shënues: Veliu 7’, Januzi 32’, Alidema 91’ / Rusi 20’

“Dhanë 38 mijë € për të na mundur”, vjen reagimi: Federata nuk është për pazare

Sport Ekspres — Sun, 03 Mar 2019 12:24:55 +0000

Llapi mundi një ditë më parë Prishtinën, ekip që synon titullin kampion. Klubi nga Podujeva, pas fitores ka shpërthyer në akuza ndaj Federatës Kosovare të Futbollit dhe presidentit të saj Agim Ademi. Sot ka ardhur edhe reagimi i qeverisë së futbollit në Kosovë.

“Sot (dje) nuk e kemi mposhtur vetëm Prishtinën, por edhe Federatën e Futbollit të Kosovës, që i ka dhënë premio 38000 euro për ta mposhtur Llapin. Të premten, një ditë para ndeshjes, presidenti i Federatës së Futbollit të Kosovës, Agim Ademi i pagoi FC Prishtinës premio në vlerë 38000€. Kjo nuk ndodh askund në botë, kjo është për hetuesi! Shtrohet pyetja për Komitetin ekzekutiv, a ka raste tjera kur ndodh e njëjta gjë dhe a ndodhin këto ndodhi me leje të tyre?”, ishte ky qëndrimi i Llapit, që zgjoi edhe Feroniklin, që gjithashtu akuzon.

Pamje nga ndeshja Llapi-Prishtina

SHPËRTHIMI I FERONIKELIT – “Sipas raportimeve në faqen e FC Llapit, Kryetari i Federatës së Futbollit të Kosovës, Agim Ademi, ka ndarë plot 38,000 euro për Prishtinën, vetëm e vetëm që të mposhtë Llapin, në ndeshjen e së dielës, të cilën e humbi 1-0. Sipas kësaj, Ademi shihet se e dëshironte shumë fitoren e Prishtinës, pasi që ky çmim, nuk është aspak i vogël.

Shtrohet pyetja zotëri, Ademi, si mund të ja dalim ne si klub edhe kundër juve? Apo mos dëshironi që Feronikeli të luftojë i vetëm, kundër të gjithëve? Apo mos keni ambicie, që klubin më profesional që keni në Superligë, ta fundosni me marrëveshje “pas shpine”?

Një rast tjetër që ndodhi në ndeshjen mes Llapit dhe Prishtinës, është goditja me grusht që bën sulmuesi i Prishtinës, Basid Khalid, në Bujar Idrizin. Përkundër faktit që gjyqtari e kishte para syve ngjarjen, “ai nuk e pa”, e si pasojë as nuk e ndëshkoi. Normalisht që nuk ndëshkohet sulmuesi kryesor, i një klubi që adhurohet aq shumë nga Kryetari i FFK-së.

Po ashtu në ndeshjen KEK-u–Feronikeli, sulmuesit tanë Kastriot Rexhës i ndodhi një incident, kur portieri i Kekut i hidhet sipër duke e goditur në fyt, pasi që loja ishte ndalur, duke heshtur gjyqtari edhe në këtë rast, si për të kompletuar këtë xhiro kundër Feronikelit.

Presidenti i FFK, Agim Ademi

FC Prishtinës sigurisht se do t’i kryente punë shuma prej 38,000 eurove, pasi që ka plot tre muaj që nuk janë në rregull me paga ndaj futbollistëve. Por, në anën tjetër, ata këto financa i përdorin për të shpërblyer futbollistët e KEK-ut, në rast të një fitoreje ndaj Feronikelit, gjë që nuk i ndodhi as këtu.

Si ka mundësi që të gjithë janë kundër një ekipi kaq profesional si Feronikeli FC, një ekipi që i jep aq shumë IPKO Superligës së Kosovës dhe një ekipi që po krijon atmosferë të futbollit evropian, brenda kushteve ekonomike kosovare?

Sidoqoftë, pas gjithë kësaj rrëmuje, Feronikeli fiton te Keku, Llapi i merr tri pikë Prishtinës, e diferenca mes Feronikelit e Prishtinës është pesë pikë, sepse zotëri, Ademi, futbolli gjithmonë triumfon! Apo mos po kthehet FFK në FFP (Federata e Futbollit të Prishtinës)?”, shkruan Feronikeli në uebin zyrtar.

REAGIMI I FEDERATËS – Federata e Futbollit e Kosovës është thellësisht e befasuar dhe e habitur me shpifjen e publikuar, të shtunën në mbrëmje, në profilin zyrtar në ‘Facebook’ nga një klub me traditë siç është FC “Llapi” nga Podujeva. Ne, si FFK, kërkojmë nga kryesia e FC ‘Llapi’ që të distancohet dhe të bëjë kërkim falje për të pavërtetat e thëna dhe akuzat e turpshme në profilin zyrtar të klubit në ‘Facebook’ ndaj presidentit Agim Ademi dhe KE të FFK-së.

FFK–ja gjithmonë ka qenë, është dhe do të jetë e njëjtë dhe e drejtë për të gjitha klubet dhe do t’i ndihmojë ato njësoj e në mënyrë të barabartë për aq mundësi sa ka dhe aq mjete sa u takojnë nga kontrata e sponsorizimit me IPKO-n dhe nga të drejtat televizive, por asnjëherë nuk do të privilegjoj asnjë klub dhe kurrë nuk do të ketë ndihma apo premio dhe para që nuk u takojnë.

Shuma që përmendet në tekstin e FC “Llapi” është e pakuptimtë, tendencioze dhe qëllimkeqe. FFK-ja do të jetë gjithmonë përkrah klubeve dhe do të jetë maksimalisht transparente në çdo aspekt, është e hapur dhe i respekton edhe mendimet ndryshe, por asnjëherë nuk do t’i tolerojë shpifjet e tilla ndaj askujt. Prandaj, të gjithë duhet të kenë kujdes dhe përgjegjësi për fjalën publike dhe për të pavërtetat.

Deklarata e FC”Llapi” është tejet e ultë dhe shpifëse, por fatkeqësisht ky është niveli në të cilin gjendemi. Federata nuk është për të bërë pazare, por për të organizuar gara dhe për të pasur drejtësi për të gjitha klubet.

Ndaj të gjithë atyre që do të mundohen të bëjnë pazare, FFK-ja do të jetë e pakompromis dhe do t’i luftojë me këmbëngulësi me të gjitha mjetet, ashtu sikur çdo padrejtësi dhe parregullsi tjetër që mund të shfaqet në futbollin tonë.

Presidenti Ademi dhe organet e tjera të FFK-së janë zotuar që do ta nxjerrin gjithmonë më të mirën prej futbollit dhe se do të fitojë gjithmonë ai që është më i miri. FFK-ja do të ketë zero tolerancë për çdo klub dhe çdo njeri, i cili mundohet ta njollosë futbollin e Kosovës në këtë periudhë kur FFK-ja po etablohet në FIFA e UEFA si Federatë shumë serioze, aktive dhe me strategji të zhvillimit dhe kur e gjithë Evropa na e ka lakmi për organizimin dhe sukseset e arritura.

Kushdo që ka qëllime të këqija dhe mundohet që me shpifje të tilla ta hutojë opinionin, ju themi se nuk do t’ia dalin dhe nuk do t’ju realizohen skenarët sepse Federata do të ecë gjithmonë në hapa të sigurt dhe do të respektoj rregulloret për klubet në mënyrë të drejtë dhe të barabartë pa privilegj për asnjë klub.

Puna me përkushtim, me qëllim të zhvillimit të futbollit, për një cilësi, rivalitet e frymë sportive, paanësi dhe lartësim të vlerave të lojës magjike, është përgjigja që do ta kenë të gjithë ata që në një apo tjetër mënyrë orvaten të shpifin e ta ‘helmojnë’ opinionin me të pavërteta.

KE i FFK-së është duke i ndihmuar klubet e të gjitha rangjeve garuese dhe shkollat e futbollit nëpërmjet projekteve të shumta në infrastrukturë, pajisje sportive dhe mënyra tjera. KE i FFK-së dhe presidenti Ademi janë afër klubeve pa dallim, si asnjëherë më parë, e nuk do t’i lënë ato të ndihen të anashkaluara në asnjë rrethanë. Me respekt, Federata e Futbollit e Kosovës

Llapi presion kryesuesve, likuidon me “tris” KEK-un

Sport Ekspres — Fri, 15 Feb 2019 14:25:38 +0000

Llapi e ka nisur me fitore vitin, teksa ka fituar në transfertë me KEK-un. Skuadra nga Podujeva triumfoi me rezultatin 0-3 dhe kështu i dërgon një mesazh Prishtinës kryesuese dhe Feronikelit të vendit të dytë. Diferenca është ngushtuar në dy pikë.

Sa i takon ndeshjes, është dashur një penallti e kthyer në gol nga Mentor Zhdrella për t’u zhbllokuar gjithçka. Në fundin e pjesës së parë Llapi shënoi edhe golin e qetësisë dhe ishte Namani ai që e dërgoi topin në rrjetë.

Me këtë rezultat skuadra e drejtuar nga Xhengiz Rexhepi shkoi e qetë në dhomat e zhveshjes. KEK-u nga minuta e 39-të ishte me një lojtar më pak, çka nuk e rrezikonte fitoren e miqve. Në fund të takimit Llapi realizoi edhe golin e tretë me Arbnor Ramadanin. Një fitore e detyruar për skuadrën nga Podujeva, që pret rezultatet e rivalëve, të cilët luajnë të hënën.

IPKO SUPERLIGA E KOSOVËS – JAVA 18

KEK-u 0-3 Llapi
Shënues: Zhdrella 37’ (pen), Namani 45’, Ramadani 89’

E shtunë, më 16 shkurt, ora 13:00
Drita-Gjilani
Ferizaj-Trepça ‘89
Ballkani-Drenica

E hënë, më 18 shkurt, ora 13:00
Flamurtari-Prishtina
Liria-Feronikeli

Tërbuni mposhtet nga Llapi, paraqitje dinjitoze për pukjanët

Sport Ekspres — Thu, 31 Jan 2019 17:27:01 +0000

Tërbuni ka luajtur sot miqësoren e radhës në prag të pjesës së dytë të sezonit, që do të nisë në mesin e muajit shkurt.

Skuadra e drejtuar nga Oltijon Kërnaja ka sfiduar Llapin e Podujevës në Parkun Olimpik në Durrës, një rival superior në cilësi e emra, pasi lufton për titull në Kosovë.

Fitoi Llapi 2-1, në një ndeshje të luftuar e më lojë të bukur nga të dyja ekipet.

Llapi shënoi 2 gola në pjesën e parë, me Blakçorin e Maksutin, ndërsa në pjesën e dytë Tërbuni e shtoi presionin në portën kundërshtare dhe gjeti një gol me 11-metërsh, me autor Nezirin.

Ndeshja e sotme ishte e fundit për Llapin, që do të kthehet në Podujevë për të vijuar përgatitjet për rinisjen e kampionatit, ndërsa Tërbuni do të luajë të dielën miqësoren e radhës, kundër Vushtrrisë.

Pas ndeshjes së sotme trajneri Kërnaja deklaroi për “Sport Ekspres”: “Diferencat dihen mes ekipeve, por ekipi yne u paraqit shumë mirë. Mora përgjigje pozitive nga te gjithë lojtarët. I uroj suksese dhe titullin kampion Llapit për këtë sezon, sepse ka një ekip mjaft cilësor”.

MIQËSORE

Llapi – Tërbuni 2-1

Tërbuni: Baçi, Metani, Zagani, Myrta (Roshi 50′) , Doda, (Prendi 46′), Mezini (Neziri 46′), Saliaj, Kumanova (Kita 50′), Taku (Meshaj 60′), Merdini, Sejdini.

Luajti për moshat kuqezi dhe Dortmundin, mbrojtësi nënshkruan në Kosovë

Sport Ekspres — Thu, 17 Jan 2019 18:42:41 +0000

Mbrojtësi shqiptar, Lorik Aliu është lojtari më i ri i Llapit. Sot, me anë të platformës “Facebook”, klubi ka zyrtarizuar firmën me mbrojtësin 22-vjeçar, i cili në të kaluarën ka veshur fanellat e Shqipëri U-17 dhe U-19.

Aliu ka eksperienca të mëparshme edhe në klubin e njohur gjerman, Borusia Dortmund, por aventura e tij në Gjermani u ndërpre për shkak të dëmtimeve të shumta. Pasi ka lënë pas këto dëmtime, Aliu ka gjetur akordin me skuadrën e Llapit dhe ka nënshkruar një kontratë 2-vjeçare.

Njoftimi i klubit

Zyrtare: Lorik Aliu nënshkruan kontratë 2 vjeçare me Llapin

Mesfushori Lorik Aliu gjatë ditës së sotme ka nënshkruar kontratë 2-vjeçare dhe zyrtarisht është pjesë e Llapit. Aliu është pjesë e klubit nga fillimi i edicionit por pasi është rikuperuar plotësisht nga lëndimi ka vendosur të nënshkruaj kontratë me klubin.

Lorik Aliu, 22-vjeç, i lindur më 07.05.1996 në Prishtinë është mesfushor defanziv dhe qendror. Aliu më parë ishte pjesë e Prishtinës dhe Kombëtares së Shqipërisë për grupmoshat U17 e U19. Ai ishte bërë pjesë e gjigantit gjerman, Borusia Dortmund ku kishte bindur drejtuesit e klubit me paraqitjet e tij por lëndimi ia kishte pa mundësuar qëndrimin atje. Loriku pasi ka kaluar plotësisht lëndimin është i gatshëm t’i ndihmoj klubit në rrugën drejt titullit kampion.

Zyrtare | E largoi Partizani, mbrojtësi firmos në Kosovë

Sport Ekspres — Sun, 06 Jan 2019 21:51:12 +0000

Ish-lojtari i Partizanit, Rron Statovci është zyrtarizuar si lojtari më i ri i Llapit. Mbrojtësi, i cili nuk arriti të gjente për asnjë moment hapësira në kryeqytet me Partizanin, është rikthyer në ekipin ku ka spikatur. 21-vjeçari ka firmosur një kontratë 2-vjeçare me klubin nga Podujeva.

Transferimi i Statovcit, konfirmon dhe një herë tjetër ambiciet e Llapit në këtë sezon, teksa momentalisht renditen në vendin e tretë në IPKO Superligën e Kosovës, me vetëm pesë pikë më pak se vendi i parë, që mbahet nga Prishtina.

Godet Llapi, firmosin dy “ish” të Superiores

Sport Ekspres — Sat, 05 Jan 2019 17:53:01 +0000

Klubi i Llapit ka zyrtarizuar dy afrimet e para të merkatos dimërore. Skuadra nga Podujeva ka siguruar firmat e qendërmbrojtësit Ergys Prençi dhe mesfushorit të krahut Flamur Bajrami.

Prençi së fundmi ka luajtur me Lushnjën, ndërsa më parë 25-vjeçari ka qenë pjesë e Korabit, Teutës, Kukësit dhe Partizanit. Në njoftimin e skuadrës së Llapit, bëhet e ditur se palët kanë arritur marrëveshjen deri në fund të sezonit.

Përforcimi i dytë, Flamur Bajrami, ka gjithashtu një eksperiencë në Superiore, pasi ka qenë pjesë e Tiranës në sezonin 2016/2017, ndërsa së fundmi ka luajtur për skuadrën e Vëllaznimit. 21-vjeçari ka firmosur një kontratë të vlefshme për dy vite e gjysmë.

Skuadra e Llapit renditet e tretë në tabelën e IPKO Superligës së Kosovës me 35 pikë, pesë më pak se Prishtina e vendit të parë dhe katër më pak se Ferronikeli.

FOTO/ Berisha “hero” në Kosovë, skuadra e Llapit e nderon me mirënjohje

Sport Ekspres — Fri, 04 Jan 2019 22:04:28 +0000

Mesfushori kosovar i Lacios, Valon Berisha ka qenë i pranishëm në ambientet e klubit të Llapit, skuadra e vendlindjes së tij. Berisha ka takuar drejtuesit e klubit kosovar, të cilët e kanë nderuar dhe me një çmim mirënjohjeje.

Skuadra e Llapit synon fitimin e titullit kampion në IPKO Superliga dhe në rast se arrijnë te titulli, Berisha beson se kjo do të jetë një arritje shumë e madhe për skuadrën e vendlindjes së tij.

Ai që e ka nderuar me mirënjohje mesfushorin e përfaqësueses së Kosovës ka qenë drejtori ekzekutiv i klubit, Tahir Batatina, i cili falënderoi Berishën për kontributin që ka dhënë për futbollin kosovar.

Llapi e lë të lirë, kampionët gati ta transferojnë

Sport Ekspres — Thu, 27 Dec 2018 13:02:47 +0000

Provoi Superioren, por nuk ia doli dot të tregonte vlerat e tij. Flasim për mesfushorin me tipare sulmuese, 24-vjeçarin Shend Kelmendi. Me Skënderbeun luajti në kampionat vetëm në një ndeshje në fund, kurse në Kupë u aktivizua në katër takime të plota. Duke parë mungesën e hapësirave, u rikthye në Kosovë.

Edhe atje gjërat nuk është se po shkojnë mirë, teksa sot është njoftuar largimi nga skuadra e Llapit. Klubi nga Podujeva nuk kursen as falënderimet për Kelmendin, i cili arriti të shënojë vetëm një gol me fanellën e Llapit. Tashmë që është lojtar i lirë, ai pret ofertën e duhur dhe momentalisht përflitet se Drita është klubi i interesuar për shërbimet e tij.

“KF Llapi falënderon lojtarin Shend Kelmendi. Me marrëveshje të dyanshme mes sulmuesit Shend Kelmendi dhe klubit tonë është arritur marrëveshja për shkëputjen e bashkëpunimit në mes dy palëve. Gjatë këtyre 6 muajve sa ishte pjesë e Llapit, Shend Kelmendi realizoj 1 gol dhe 2 asistime, kurse gjatë kësaj periudhe u përball edhe me lëndime, e ndërsa nga sot janë ndarë rrugët me të. KF LLAPI e falënderon Shendin për kontributin e dhënë për klubin gjatë kësaj periudhe duke i dëshiruar suksese në vazhdim”, shkruhet në njoftimin e bërë nga klubi i Llapit.

Zyrtare: Bekim Shotani pasohet nga Rexhepi në pankinën e Llapit

Sport Ekspres — Wed, 19 Dec 2018 15:39:34 +0000

Llapi ka ndryshuar trajner. Një ditë më parë klubi nga Podujeva ka njoftuar mbylljen e bashkëpunimit me Bekim Shotanin, i cili kishte zëvendësuar më parë Bylbyl Sokolin. Në njoftimin e bërë nga klubi i IPKO Superliga e Kosovës, thuhet se Shotanit i ka përfunduar kontrata.

E çuditshme në fakt, kur sot Llapi ka njoftuar edhe për prezantimin e trajnerit të ri. Xhengiz Rexhepi ka dalë para mediave dhe ka thënë fjalët e tij të para për detyrën e marrë. Momentalisht ai është pjesë e stafit teknik të Maqedonisë si zëvendëstrajner dhe do vijojë ta mbajë këtë post.

Rexhepi do të sfidojë kështu Prishtinën dhe Feronikelin, që janë mbi Llapin në klasifikim. Skuadra kryeqytetase ka pesë pikë më shumë dhe duke parë se është luajtur gjysma e parë e sezonit, gjithccka mbetet e hapur për titullin kampion.

NJOFTIMI I LLAPIT – Pas marrëveshjes së shkëputur me mirëkuptim me kryetrajnerin e deritanishëm, Bekim Shotani, Llapi ka arritur marrëveshje me trajnerin e mirënjohur nga Maqedonia, Xhengis Rexhepi i cili do ta drejtoj Llapin në pranverë.

Xhengis Rexhepi, 36 vjeç, i lindur më 08.07.1982 në Tetovë të Maqedonisë është trajner i licencuar me ‘UEFA A Pro Licence’. Para se të emërohej kryetrajner i Llapit, Rexhepi ishte ndihmës trajner tek skuadra e Sivassporit në Turqi, ndërsa mban postin po ashtu të ndihmës selektorit në Përfaqësueses së Maqedonisë.

Rexhepi premtoi punë profesionale, disiplinë dhe përkushtim për të arritur objektivat të cilat i ka Llapi dhe tha se ndihet i nderuar që do mbaj postin e kryetrajnerit të një klubi të madh siç është Llapi. Po ashtu ai kërkoi përkrahje maksimale nga simpatizuesit e klubit në të gjitha ndeshjet që rruga drejt titullit kampion të jetë më e lehtë dhe e arritshme.

Kualifikim dramatik për Dritën, edhe Feronikeli e Trepça ’89 në raundin tjetër

Sport Ekspres — Wed, 28 Nov 2018 14:16:19 +0000

Janë mbyllur 3 nga katër ndeshjet e Kupës së Kosovës, në raundin e dytë të këtij kompeticionin. Trepça 89’ ka arritur që të mundë në shtëpi skuadrën e Llapit. Fillimisht ishte Diuara që shënoi vetëm pas 18 minutash lojë, ndërsa për të vulosur kualifikimin mendoi Jashari që dyfishoi pak sekonda para fundit të ndeshjes.

Trepça është mundur në shtëpi nga skuadra e Feronikelit, që dominoi gjatë gjithë lojës. Lladrovci ishte autori i golit të parë. Ish-lojtari i Kukësit goditi saktë me kokë, duke shënuar golin e avantazhit. 5 minuta para fundit të pjesës së parë ishte një tjetër lojtar që ka luajtur në Superligën Shqiptare që gjeti rrugën e rrjetës. Ish-lojtari i Partizanit, Astrit Fazliu, dyfishoi rezultatin. Në të 81-ën ishte Lladrovci që në tentativë për të pastruar zonën e çoi topin në fundin rrjetës së tij, me ndeshjen që u bë mjaft emocionuese në minuta e mbetura.

Drita nuk mundi që në 90 minuta të arrinte të fitonte ndaj ekipit Vitia, duke barazuar në shifrat 1-1. As minuta shtesë nuk prodhuan një fitues dhe ishin 11-metërshat ata që përcaktuan skuadrën që do të kalonte më tej. Skuadra nga Gjilani u tregua më e saktë nga pika e bardhë e penalltisë, duke triumfuar me shifrat 1-3.

Ndeshja mes 2 Korrikut dhe Minatorit nuk u zhvillua pasi ekipi nga Prishtina është i angazhuar në “Kupën Pavarësia” e organizuar nga FSHF me rastin e fetave të nëntorit.

DIGITALB KUPA E KOSOVËS

Trepça ’89 – Llapi 2-0
Shënues: Diuara 18’ Jashari 90+6’

Trepça – Feronikeli 1-2
Shënues: Lladrovci 22’, Fazliu 40’/ Lladrovci 81’ (autogol)

Vitia 1-1 Drita (1-3 me penallti)
Shënues: Fazlija 78’

Minatori – 2 Korriku (e shtyrë)

REZULTATET E NDESHJEVE TË LUAJTURA DJE
Lugu i Baranit – Liria 0-11
Vllaznia P – Besa 1-2
Ferizaj – Vllazëria Zh. 6-2
Fushë Kosova – Onix 3-2
KEK-u – Flamurtari 0-1
Bashkimi – Vëllaznimi 0-4
Sharri – Gjilani 2-2 (2-6 pas shtesave)
Istogu – Ramiz Sadiku 3-1
Drenasi – Ballkani 0-1
Dukagjini – Arbëria 3-1
Kika – Vushtria 2-0
Drenica – Prishtina 0-0 (pas penalltive 4-5)

Triumfon Liria, Llapi i fortë për kampionët e Dritës

Sport Ekspres — Sat, 10 Nov 2018 14:37:59 +0000

Te Drita as që duhet ta çojnë nëpër mend titullin. Pas një serie të gjatë fitores, kampionët në fuqi të Kosovës janë mposhtur në takimin e dytë radhazi. Këtë herë skuadra e drejtuar nga Shpëtim Duro u thye në transfertë nga Llapi.

Një gol i shënuar në fund të pjesës së parë nga Festim Alidema vendosi fatet e këtij takimi dhe skuadra nga Podujeva përforcon pozitat e saj në vendin e tretë në klasifikim. Plot 7 pikë nga Drita është shkëputur Llapi.

Liria ka marrë tre pikë me vlera në shtëpi kundër Flamurtarit. Një gol e ka vendosur edhe këtë ndeshje. Karahoda realizoi golin e fitores për bardhezinjtë nga Prizreni, që për momentin lënë vendin e parafundit në renditje.

IPKO SUPERLIGA – Java 15

Llapi-Drita 1-0
Shënues: Alidema 41’

Liria-Flamurtari 1-0
Shënues: Karahoda 67’

Ekskluzive: Kukësi zbarkon në Kosovë, “piketon” sulmuesin

Sport Ekspres — Fri, 09 Nov 2018 21:20:39 +0000

Kukësi një ditë më parë zyrtarizoi largimin e Haris Harba, ndërkohë që po punohet për të tjera përforcime në janar. Synimi është afrimi i një lojtari që shënon dhe një pistë merkatoje tashmë është zbuluar. “SportEkspres.com” mëson se drejtuesit e Kukësit i kanë hedhur sytë nga Kosova.

Lojtari që preferohet është Festim Alidema, 21 vjeç. Sulmuesi luan në krah dhe është aktualisht pjesë e skuadrës së Llapit. Deri më tani ai ka arritur të realizojë 7 gola, asnjë prej tyre nga pika e bardhë e penalltisë.

Sikurse shihet, kemi të bëjmë me një lojtar cilësor dhe që do t’i bëne goxha punë verilindorëve. Ai do të pozicionohej në krahun e djathtë të sulmit, ku trajneri Cungu deri më tani ka aktivizuar herë Ethemin, e herë Çyrbjen.

Gjithsesi për ta bërë tyrin Kukësi duhet të paguajë. Alidemës thuhet se kontrata i përfundon në verë dhe te Llapi po tentojnë ta shesin që në janar. Veç Kukësit që ka shfaqur interes për sulmuesin, ka edhe një pistë jashtë vendit. Sigurisht prioriteti është që 21-vjeçari të shkojë në një kampion edhe më të fortë se Superiorja.

Feronikeli marshon me Rexhën, Llapi befasohet në shtëpi

Sport Ekspres — Wed, 31 Oct 2018 14:31:53 +0000

Feronikeli marshon dhe pret hapat falas të rivalëve. Skuadra nga Drenasi kaloi me sukses Drenicën, që e mposhti me rezultatin e ngushtë 2-1. Zhan Karioka, ish-mesfushori i Kukësit, ishte ai që shënoi golin e parë për skuadrën e drejtuar nga Zekerija Ramadani.

Gjithsesi Drenica nuk u dorëzua edhe me anë të Mëziut arriti të barazonte pak nga fundi i pjesës së parë. Me rezultatin 1-1 skuadrat iu drejtuan dhomave të zhveshjes. Feronikeli e kishte të qartë që duhet të fitonte dhe ia doli falë golit të shënuar nga Kastriot Rexha. Pikërisht për të zgjidhur “telashet” ia morën Dritës në verë goleadorin shtatlartë.

Llapi është befasuar në shtëpi nga Ballkani dhe ka humbur terren me Feronikelin kryesues. Një gol i shënuar nga Gashi i ka dhënë tre pikët skuadrës vendase dhe për skuadrën nga Podujeva ka marrë një goditje të rëndë.

Gjilani ka bërë detyrën ndaj KEK-ut të vendit të fundit, teksa ka fituar me rezultatin e pastër 2-0. Perez në pjesën e parë zhbllokoi ndeshjen, ndërkohë që Vilfor Hysa ishte ai që pak minuta para fundit të takimit i mbyll llogaritë e këtij takimi me golin e shënuar.

IPKO SUPERLIGA – JAVA 13

Gjilani-KEK-u 2-0
Shënues: Perez 33’, Hysa 86’

Feronikeli-Drenica 2-1
Shënues: Karioka 33’, Rexha 78’ / Mëziu 43’

Llapi-Ballkani 0-1
Shënues: Gashi 71’

Feronikeli bie në Gjilan, Trepça ’89 frenon Llapin

Sport Ekspres — Sun, 21 Oct 2018 14:56:55 +0000

Kampionati në Kosovë është hapur. Kryesuesit e Feronikelit kanë pësuar humbjen e parë sot ndaj Gjilanit dhe gjithçka është vendosur në pjesën e dytë nga braziliani Xheferson.

Mesfushori, i cili ka luajtur në Superiore me Kukësin, ka fituar “derbin” me Kariokën, madje duke qenë protagonisti absolut me golin e realizuar. Kështu Feronikeli ka vetëm dy pikë më pak se Prishtina e vendit të dytë.

Në Mitrovicë nuk kishte fitues. Trepça ’89 dhe Llapi shënuan nga një gol në pjesën e parë dhe ndanë nga një pikë. Guçev ishte ai që kaloi në avantazh skuadrën e drejtuar nga Gugash Magani, por epërsia zgjati vetëm 10 minuta.

Alidema ishte ai që shënoi për Llapin, ndërkohë që të dyja skuadrat e mbyllën ndeshjen me nga një lojtar më pak. Zhdrella fillimisht dhe më Guçev u ndëshkuan me kartonë të kuq. Pjesën e dytë të dyja ekipet e luajtën me nga 10 futbollistë.

IPKO SUPERLIGA – JAVA 11

Gjilani-Feronikeli 1-0
Shënues: Xheferson 66’
Trepça ’89-Llapi 1-1
Shënues: Guçev 18’ / Alidema 28’