Momentalisht jashtë gjashtë futbollistë që janë nën urdhrat e stafit teknik. Myrto Uzuni dhe Lirim Kastrati vjet ishin ndër më të spikaturit, ndërkohë që tanimë i janë bashkuar edhe dyshja e huazuar te Laçi, Jon Mersinaj dhe Enis Çokaj.

Qendërmbrojtësi dhe mesfushori do të duhet të tregojnë vlerat e tyre në fazë, në mënyrë që të mbeten në ekip. Ndryshe do të huazoheshin sërish. Një tjetër lojtar që i është bashkuar ekipit të parë është Indrit Tuci.

Trekuartisti provoi të debutonte në ndeshjen e fundit të kampionatit dhe tanimë është marrë në fazë. Risia është sulmuesi Albion Marku, i cili prej disa kohësh po testohet dhe do të jetë edhe në fazë me Lokomotivë. Ai është produkt i Shkëndijës së Tiranës, sikurse Kastrati, Mersinaj dhe Çokaj.

Në të tjera, në emisionin “Interaktiv” në KTV, ai ka zbuluar se si e kanë larguar nga moshat e Shqipërisë.  “Para se të vendos për Kosovën kam pasur kontakte dhe me shtetin kroat e Shqipërinë. Isha te Shqipëria U17, por kam pasur disa probleme e më kanë hequr. Kam qëndruar 10 ditë e në ditën e ndeshjes më kanë hequr nga ekipi. Ka qenë trajner Alban Bushi.

Kemi pasur dy miqësore, më ka ftuar e nuk më ka futur në lojë. Por s’ka gjë. Kishin ardhur edhe familjarë të mi për të më parë në Durrës. Pesë minuta para ndeshjes më tha se nuk jam në 18-she dhe e kam parë ndeshjen nga tribuna. Isha i dëshpëruar”, tregon sulmuesi anësor.

Kastrati asokohe ka qenë pjesë e Shkëndijës së Tiranës, ndërkohë që ndodh shpesh që lojtarë të ndryshëm vijnë duke u rritur me kalimin e kohës. Asokohe është gjykuar se ka të tjerë më të mirë, kurse tani rritja dhe cilësitë e Kastratit evidentohen lehtësisht.

UZUNI – “Është një ndjenjë shumë e mirë kur ke një shqiptar afër, sidomos Uzuni që është një djalë dhe futbollist shumë i mirë. I uroj shumë suksese”.

SUKSESI ME U21 – “Është e vërtetë kemi pasur paraqitje shumë të mira me përfaqësuesen U21, kjo falë punës shumë të mirë të trajnerit Rafet Prekazi. Kemi pësuar një ndërrim brezash, por jemi përshtatur mjaft mirë. Kemi shënuar shtatë gola, pësuar vetëm 1, dhe kryesojmë grupin”.

MOTIVIMI –“Para ndeshjes me Turqinë pamë ekipin përfaqësueses teksa fitoi ndaj Bullgarisë. Ishte një motivim shumë i madh. Është e ndjenjë shumë e mirë kur fitojnë Shqipëria dhe Kosova. I ndjek gjithmonë dhe U21”.

E ARDHMJA – “Këtë javë do të ulem të diskutojmë menaxherin dhe me familjen time. Për momentin nuk kemi asgjë konkrete. Gjithsesi do të tregohemi të kujdesshëm me çdo vendim që do marrim për të ardhmen time”.

Amir Rrahmani dhe Ardian Ismajli kanë qenë disa herë pjesë e këtij formacioni. Gjithsesi është një shqiptar që ka spikatur këtë javë dhe ai është Lirim Kastrati i Lokomotivës së Zagrebit. Anësori e nisi si titullar ndeshjen e fundit kundër Rudes.

Sulmuesi është lojtari me më shumë driblime të bëra këtë javë. Ai ka arritur të përmbyllë me sukses nëntë driblime, nga 16 që ka ndërmarrë. Uzuni, edhe pse dha asist në fitoren e Lokomotivës në fundjavë, nuk është veçuar nga të tjerët.

Kështu, Myrto Uzuni do të jetë sërish nën urdhrat e trajnerit Kristian Panuçi. Beratasi po paraqitet mirë në Kroaci dhe italiani e ka ndër lojtarët e preferuar ish-anësorin e Laçit. Momentalisht Uzuni është një ndër lojtarët më në formë të kombëtares sonë.

Lirim Kastrati është ftuar sërish nga Bernard Shaland. Anësori i Lokomotivës do të jetë një nga sulmuesit e Kosovës për dy takimet e radhës. Konkurrenca te Dardanët është e madhe dhe shanset që të ketë hapësira janë të vogla për Kastratin.

Një rreshtim 3-4-3, me Rrahmanin të vendosur në krahun e majtë të katërshes së mesfushës. Të dhënat e marra nga Instat Sports e vlerësojnë mbrojtësin me 354 pikë, vlerësim i njëjtë me portierin e Inter Zapreshiç, Mladen Matkoviç, i cili është zgjedhur edhe lojtari më i mirë i javës.

SHIFRAT E RRAHMANIT– Në dy sulme ai ka arritur të shënojë një gol, ndërkohë që numëron edhe 46 pasime të sakta nga 49 që ka tentuar. Mbrojtësi, i pozicionuar në të majtë, ka fituar 9 nga 11 duele, si dhe tre nga pesë driblimet i ka kryer me sukses. Gjithashtu Rrahmani ka nxjerrë dy herë skuadrën e tij në sulm si dhe ka ndaluar dy herë kundërsulmet e Osijekut.

ISMAJLI DHE KASTRATI – Shqiptarët e tjerë që kanë spikatur këtë javë në Kroaci janë Ardian Ismajli dhe Lirim Kastrati. Mbrojtësi i kombëtares sonë ka arritur të japë pasa më shumë se çdo lojtar tjetër. Nga 93 pasime të nisura, 82 ai i ka dërguar në destinacion. Kastrati, i rikthyer në formacion me Lokomotivën, numëron krosimet më të shumta, teksa ka në katër tentativa ka shërbyer saktë për shokët e skuadrës së tij.

Megjithatë, sulmuesi 20-vjeçar hasi vështirësi për të mbajtur formën e shkëlqyer majde mund të thuhet se ka ngecur në vend. Kastrati nuk ka shënuar që prej pesë tetorit të vitit të kaluar, pra më shumë se katër muaj pa provuar shijen e golit.

Gjithsesi, lojtari i përfaqësues së Kosovës ende nuk e ka humbur besimin e trajnerit të Lokomotivës dhe vazhdon të jetë pjesë e padiskutueshme e formacionit titullar.

Buriç dyfishoi shifrat për bardheblutë, ndërsa Belupo gjeti golin në minutën e fundit të ndeshjes.

Kastrati dhe Uzuni ishin pjesë e formacionit të Lokomotivës, ndërsa ky ishte goli i parë në miqësore për sulmuesin e përfaqësueses së Kosovës.

|Kam menaxherin që merret me këto punë, detyra ime është vetëm të bëj stërvitje dhe pastaj kur të hapet merkato do të vendosim bashkërisht se çfarë do të bëjmë. Ka pasur nga Gjermania interesim nga klube serioze, por deri në verë nuk do të ndodh asgjë”, është shprehur Kastrati për “Sporti në KTV”.

Sulmuesi anësor zgjodhi të luajë për Kosovë dhe ndihet mirë për këtë, ashtu sikurse edhe për ato që ka bërë këtë vit. “Çdo lojtar e ka ëndërr të luajë për shtetin e vet. Që fëmijë e kam pasur ëndërr, është një ndjenjë shumë e mirë. Sidomos kur luan në Kosovë para Dardanëve”.

“Ka qenë një vit i mirë, kam debutuar me Lokomotivën e Zagrebit, jam ftuar nga Kosova u21, nga ekipi i parë. Kemi bërë paraqitje të mira me Kosovë dhe Lokomotivën, ndaj edhe e vlerësoj si ndër më të mirët këtë vit”.

Ndër lojtarët me ecurinë më të dobët të muajve të fundit është dhe talenti kosovar Lirim Kastrati, i cili nuk shënon prej më shumë se dy muash. Sulmuesi anësor kryesonte tabelën e golashënuesve në kampionatin kroat me shtatë golat e tij, por tashmë ai numër ka ngelur në vend dhe sulmuesit rivalë e ka kaluar.

Krejt e kundërta po ndodh  me Hajdukun e Splitit, që nuk humb prej gjashtë ndeshjesh në kampionat dhe situata po i rikthehet normalitet. Sot, skuadra nga qyteti bregdetar, fitoi 3 -1 përballë Istrës. Në këtë takim pati minuta të plota për mbrojtësin e kombëtares Ardian Ismajli, i cili me ardhjen e trajnerit Sinisha Oreshçanin është bërë një titullar i përhershëm.

Uzuni qëndroi në lojë deri në fund dhe këtë herë nuk ia ka dalë të shënojë dot me kroatët, por sigurisht që i është gëzuar fitores.  Lokomotiva edhe këtë javë do të vijojë ta ruajë vendin e dytë në klasifikim. Me Istrën u aktivizua edhe një shqiptar i Maqedonisë, Agron Rufati. Mbrojtësi 19-vjeccar u fut në lojë në minutën e 13-të.

Besir Demiri i është gëzuar tre pikëve me Mariupolin, që triumfoi me rezultatin e ngushtë 1-0 ndaj Arsenal Kiev. Mbrojtësi i majtë i kombëtares ishte titullar në këtë takim dhe skuadra e tij me pikët e marra është ngjitur në vendin e katërt  në elitën e futbollit ukrainas. Demiri u zëvendësua në minutën e 90-të.

Goli i gjashtë në kampionat për 19-vjeçarin e U21 të Kosovës, ndërsa ish-lojtari i Laçit ka gjetur golin e parë me ekipin e ri. Kastrati kaloi miqtë në avantazh në minutën e 42-të, ndërsa Uzuni vulosi fitoren me golin e shënuar në minutën e 70-të.

Pesë gola në tre ndeshjet e fundit për Kastratin, i cili është ngjitur në krye të renditjes së golashënuesve në kuotën e gjashtë golave, bashkë më Andriç (Zapreshiç) dhe Zuolinskin (Gorica).

Gol i rëndësishëm dhe për beratasin Uzuni, i cili është aktivizuar si titullar në tre ndeshjet e fundit në kampionat dhe tashmë gjen dhe golin e parë “kroat”.

Gorica – Lok.Zagreb 0-3
(Kastrati 42’, Uzuni 70’, Haliloviç 81’)

Sot prej orës 15:30 do të luajnë kundër Primorac, ndërkohë që trajneri Tomicc nuk i ka kursyer as titullarët. Mes tyre edhe Myrto Uzuni dhe Lirim Kastrati, të cilët po paraqiten mirë. Beratasi i ka luajtur të plota dy ndeshjet e kampionatit deri më tani dhe vlerësimet për të kanë qenë pozitive.

Nga ana tjetër Kastrati është shënuesi më i mirë i skuadrës së tij në kampionat, teksa ka realizuar pesë gola në shtatë ndeshje. Uzuni nuk ka shënuar akoma, kjo edhe për shkak të pozicionit të tij të ri si mesfushor.

https://www.facebook.com/NKLokomotivaZagreb/photos/a.133910333357700/1902835496465166/?type=3&theater

Tetë gola të realizuar me Shkëndijën e Tiranës U17, ndërkohë që ishin disa klubet që ju vunë pas. Mes tyre Partizani dhe Drita e Gjilanit, qw vjet doli kampione në Kosovë. Por jo, lojtarit i ishte programuar një provë në Kroaci dhe e kaloi atë. Lokomotiva e Zagrebit e angazhoi fillimisht në ekipin e dytë dhe më pas direkt në ekipin e parë.

Sulmuesi në Kroaci po bën mirë, teksa ka shënuar pesë gola në 7 ndeshje. Momentalisht është shënuesi më i mirë te Lokomotiva, që renditet në vendin e dytë në kampionat pas Dinamos së Zagrebit.

Kastrati, tashmë 19 vjeç, luan me Shpresat e Kosovës. Shqipëria e ka ftuar, ndërkohë që dëshira e tij është të luajë me Kroacinë. E ka shprehur edhe në mediat kroate vetë diçka të tillë. “Nuk kam vendosur akoma. Dëshira ime është të luaj me Kroacinë. Është më e fortë se Kosova dhe Shqipëria dhe do dëshiroja të vishja fanellën e Kroacisë”, ka thënë mes të tjerash Kastrati, i cili duhet të presë për të marrë pasaportën kroate dhe një… ftesë. E vështirë do të jetë…

Mbrëmjen e së shtunës, Lokomotiva bëri një tjetër surprizë, duke fituar 2-0 përballë Rijekas. Datkoviç i dha avantazhin ekipit kryeqytetas pas zhvillimeve nga një goditje këndi, ndërsa ndeshja u lehtësua pasi Rijeka mbeti në inferioritet numerik në minutën e 53-të.

Ekipi nga Zagrebi shpërdoroi edhe 11-metërsh me Radonjiç, por për të hipotekuar fitoren mendoi Lirim Kastrati, në minutën e 71-të, me një perlë. Kontroll i topit nga e djathta, inkursion në qendër dhe goditje e shkëlqyer me të majtën, me topin që përfundoi në rrjetë. Goli i pestë në shtatë ndeshje për talentin 19-vjeçar, i cili po përjeton një formë të jashtëzakonshme.

Mjaft e mirë edhe paraqitja e Myrto Uzunit, i cili qëndroi gjatë gjithë ndeshjes në fushën e lojës. Me suksesin e regjistruar, Lokomotiva regjistroi fitoren e dytë me radhë në kampionatin kroat dhe ngjitet në vendin e dytë, në kuotën e 16 pikëve, pas tetë javëve, duke qenë ndjekësit më të afërt të kryesuesve të Dinamos së Zagrebit.

https://youtu.be/XPdm3cfQB8M?t=164

Sulmuesi anësor i U21 të Kosovës ka folur për tripletën e parë si profesionist në karrierë, ku bëhet futbollisti i dytë më i ri në historinë e klubit kroat, i cili shënon një tripletë, në moshën 19 vjeç e 8 muaj. Davor Vugrines shënoi tre gola në sezonin 1993/1994, kur ishte vetëm 18 vjeç e 11 muaj.

“Ndihem shkëlqyeshëm, sepse kjo është tripleta ime e parë në karrierë. Dua t’i falënderoj të gjithë te Lokomotiva e Zagrebit, trajnerin dhe shokët e skuadrës, të cilët e bënë të mundur diçka të tillë. Çdo ditë ne stërvitemi shumë dhe dje u shpërblyem. Shënuam pesë gola dhe shokët më ndihmuan të shënoja tre gola.

Gjithmonë ia dedikoj golat mamasë time, kështu që tripleta është për të. Si gjithmonë, e mbaj topin e ndeshjes si kujtim”, përfundon 19-vjeçari i talentuar i Lokomotivës së Zagrebit.

Sulmuesi anësor, i cili aktivizohet me ekipin U21 të Kosovës, shënoi një tripletë, të parën në karrierë si profesionist, duke ndihmuar ekipin e tij të merrte tre pikët. 19-vjeçari shënoi golin e parë të ndeshjes në minutën e 23-të, ndërsa gjeti golin e dytë personal dhe të tretin të ekipit në fillimin e pjesë së dytë.

Vendasit arritën të shënonin dy gola duke ngushtuar rezultatin, por ishte sërish Lirim Kastrati, i cili vulosi fitoren, duke shënuar në minutën e 83-të golin e tretë personal dhe të katërt të ekipit. Datkoviç dhe Kërstanoviç ishin autorët e dy golave të tjerë, ndërsa Kastrati u ngjit në kuotën e katër golave, pas shtatë javëve të para.

Një paraqitje fantastike e 19-vjeçarit të lindur në Kamenicë, i cili ngjitet në kuotën e katër golave në kampionat pas shtatë javëve të para. Debutim i mirë dhe për ish-lojtarin e Laçit, Myrto Uzuni, i cili u aktivizua gjatë gjithë ndeshjes dhe ndihmoi në fazën ofensive të skuadrës, duke dhënë dhe asist në një nga golat e shënuar. Lokomotiva ngjitet përkohësisht në vendin e tretë me 13 pikë, katër më pak se kryesuesit e Dinamos së Zagrebit.