Klubi ka bërë disa afrime në merkato, ndërsa është përforcuar edhe porta. Sipas “Kruja Sport”, ekipi i Ligës së Parë ka arritur akordin me Elidon Selacin. 29-vjeçari nga Fushë Kruja ishte pjesë e Kamzës sezonin e kaluar.

Shtatlarti ka firmosur kontratën me Lirinë dhe sezonin e ardhshëm do të provojë emocionet e futbollit dardan me synimin e vetëm rikthimin e bardhezinjve nga Prizreni në elitë.

“Dëshira ishte që unë të qëndroja te Vllaznia, pasi isha në shtëpinë time dhe kisha vite që luaja këtu. Megjithatë, këtë vit pashë se situata nuk ishte dhe aq e këndshme për arsye zgjedhjesh e vonesash, me sa kam dëgjuar ka dhe probleme fondesh. Mu mundësia një ofertë në Kosovë. Ata më kanë vlerësuar dhe zgjodha të shkoja atje”.

“Samueli (Nikaj) është shumë i respektuar në Kosovë pasi ka arritur të çojë dy ekipe në Superligë. Mendoj se ata kanë bërë zgjedhjen e duhur, ai e njeh mirë këtë kategori. Jemi dy shkodranë, kemi punuar bashkë më parë. Mendoj se do ia kalojmë mirë andej. Janë njerëz që presin mirë dhe korrekt”.

“Dëshira normal është që të organizohen sa më shpejt e të mos mungojë menaxhimi i mirë. Të paktën të bëjnë një ekip për të paktën për mesin e tabelës. Me këto vonesa do të jetë e vështirë për merkaton”.

Nikaj, në një prononcim për RTSH Sport, është shprehur se i pëlqen më shumë të drejtojë ekip që nuk janë në elitë, por që kanë objektiva të rëndësishme. “Më erdhën 2-3 oferta, por zgjodha Lirinë e Prizrenit pasi është një nga klubet më të mira në Kosovë.

Në Shqipëri pak ndryshojnë gjërat. Kam preferuar ekipet e kategorisë së dytë, për vetë objektivat madhore që kanë për t’u ngjitur. Mund të vazhdoja në Superligë me Vushtrrinë, por objektivat nuk më bindën. Shqipëri-Kosovë i shoh si një, kemi shkëmbyer lojtarë e trajnerë prej kohësh”, është shprehur Nikaj mes të tjerave.

Në fund ai ka folur edhe për Vllazninë, që e sheh si ekipin më të rrezikuar për të lënë Superioren sezonin e ardhshëm. “Vllaznia e shoh edhe si tifoz. Është në gjendje të keqe, më keq se atë vit që ramë. Është shumë vonë në organizim. Nuk gjen ekip më kandidat se Vllaznia për të rënë. Nuk dihet kush është nën kontratë, sa lojtarë janë, kush është drejtor etj etj”, ka përfunduar Nikaj.

Klubi ballshiot ka dalë me një deklaratë dhe mohon që të kenë bërë bisedime me mesfushorin Musfta, e për më tepër të kenë një marrëveshje.  “Sqarojmë mediat se Bylisi nuk ka asnjë kontakt me Ilir Mustafën nga Kosova, siç edhe raportojnë mediat. Nuk kemi pasur dhe as nuk e kemi në planet tona lojtarin në fjalë, pa e paragjykuar aspak për vlerat që mbart”, njofton klubi ballshiot.

Bylisi po punon për t’u përforcuar gjatë kësaj periudhe. Më parë janë lakuar edhe emra të tjerë që lidhen me ballshiotët, por klubi ka dalë me deklaratë dhe ka mohuar gjithçka. Në klub janë të vendosur për të bërë pak ndryshime, pasi janë të kënaqur nga grupi i lojtarëve që e ngjitën Bylisin në Superiore.

Takimi tjetër midis Ferizajt dhe Prishtinës është mbyllur me shifrat  0 – 2 për ekipin nga kryeqyteti, i cili mban distancën me Feronikelin në tri pikë, teksa kanë mbetur edhe 7 ndeshje nga fundi i kampionatit.

Liria 0 – 4 Feronikeli
Shënues: Rexha 2x, Zeka, Dabiqaj

Ferizaj 0 – 2 Shënues
Shënues: Korenica 29’, Thaqi 79’

“Fenomen amator në Superliga e Kosovës. Kam heshtur më parë për shkak të profesionalizmit, duke i parë gjithmonë gabimet tek vetja dhe duke u stërvitur çdo ditë, por nuk mund të mbaj injorancën dhe amatorizmin e disa palo-trajnerëve që nuk e di kush ju jep të drejtën për të qenë trajnerë. Historia fillon në Prizren, me ekipin e Lirisë. Pas një komunikimi me drejtuesit e skuadrës, afrohem në skuadër dhe pas dy ditësh trajneri i skuadrës, Bedridin Gjinali, më jep konfirmimin që jam pjesë e skuadrës. Vazhdoj fazën përgatitore e 1 javë para se të fillojë kampionati nuk përfshihem në listën e skuadrës. Arsyen as sot nuk e di, normal ai shkarkohet për mungesë rezultatesh.

Historia përsëritet në Ferizaj, me ekipin e KF Ferizaj. Kthehem nga Ukraina dhe pas një komunikimi me trajnerin e skuadrës, Bylbyl Sokoli, dal në stërvitje. Zhvillojmë 3 miqësore, ku shënoj 4 gola dhe e dini çfarë më thotë trajneri i Ferizajt pas ndeshjes së parë ku shënova 2 gola? Duhet të shënoja 5 gola. Pesë gola nuk i ka shënuar sulmuesi më i mirë në Kosovë në gjithë kampionatin. Aty e kuptova që ky është psikopati i radhës. Ditët kalojnë dhe filluan justifikime të tipit: jo probleme dokumentesh. Mendon se po flet me një 12-vjeçar, që nuk kupton tregun e futbollit, jo me një lojtar profesionist.

Të jesh korrekt në fjalën që thua nuk është vetëm burrëri – fjalë të cilën ju nuk e njihni, se jeni këlyshë të pabesë, ordinerë të papërgjegjshëm, që nuk e di si drejtues të skuadrave ju besojnë menaxhimin e skuadrës – por është profesionalizëm në kuptimin e parë. Mos mendoni për mua, o njerëz që investoni, se më lini në rrugë, sepse ne futbollistët kemi mësuar të luajmë në rruge. Rruga është vendi që na çon drejt suksesit. Por mendoni për zhvillimin e futbollit, për të ardhmen e fëmijëve tuaj, për të rritur profesionalizmin. Largoni këto njerëz kancerozë nga futbolli”, shkruan Hasani. Sulmuesi 28-vjeçar në të shkuarën ka qenë pjesë e Burrelit, ndërkohë që ka luajtur edhe për Kevitanin, Partizanin B, Mamurrasin, Turbinën, Shënkollin, Shkumbinin dhe Besëlidhjen.

SportEkspres.com mëson se Mitraj dhe Liria kanë gjetur gjuhën e përbashkët për ndërprerjen e kontratës dhe kanë shtrënguar duart. Kjo ishte eksperienca e dytë jashtë vendit për sulmuesin, i cili në të shkuarën ka luajtur edhe në Greqi.

Për herë të fundit në Shqipëri ka qenë pjesë e Tomorit në Kategorinë e Parë, ndërkohë që ka luajtur edhe në Superiore me ekipe si Skënderbeu, Partizani, Apolonia dhe Laçi. Sulmuesi 31-vjeçar tanimë pret të mësojë stacionin e radhës në karrierë.

Bardhezinjtë që garojnë në IPKO Superliga luftojnë për mbijetesë në Kosovë dhe futbollistët e atij ekipi do tentojnë të tregojnë vlerat e tyre. Ka edhe disa lojtarë që në të shkuarën kanë luajtur në Superiore, si Aldo Mitraj. Ky i fundit do ketë përballë Armando Cungun, ish-trajnerin e tij te Laçi.

Kastrioti ndërkohë ka zgjedhur të mos bëjë kilometra. Në stadiumin e vet në Krujë do të përballet me Ilirinë. Një derbi që nis prej orës 14:30 dhe trajneri Nica do kërkojë të shohë gjendjen e skuadrës së tij para takimit me Laçin.

“Skuadra e Futboll Klub Kukësit, me date 16 nëntor 2018 ora 14:00, do të zhvillojë ndeshje miqësore me skuadrën e Ilirisë së Prizrenit.

Rreth një vit më parë, në ndeshjen e parë miqësore Iliria e Prizrenit – Kukësi, këta dy ekipe u ndanë në barazim ku skuadrat arritën të shënonin nga 3 gola.

Rikthehemi pas një periudhe të gjatë në “Zeqir Ymeri” dhe ju bëjmë thirrje të gjithë sportdashësve, në veçanti tifozëve kuksianë, të mbështesin skuadrën e zemrës pasi hyrja në stadium do të jetë pa pagesë.

Shpresojmë që shumë shpejt të arrijmë të zhvillojmë të gjitha ndeshjet e Kategorisë Superiore, Kupës së Shqipërisë si dhe ato të arenës ndërkombëtare në stadiumin e qytetit tonë pasi deri tani ka ndikuar shumë negativisht në vazhdimësinë e ekipit duke mos ju dhënë tifozëve mundësinë e mbështetjes së drejtpërdrejtë për skuadrën”, thuhet në njoftimin e klubit.

Skuadra nga qyteti i lashtë i Prizrenit, pas emërimit të trajnerit Blendi Shkëmbi zyrtarizoi shumë transferime nga Shqipëria. Disa prej tyre ishin shumë të njohur ku veçonte Endri Vrapi. Më pas, emra si Jetmir Sefa, Mikel Kaloshi Elton Bastriu dhe Artur Magani, futbollistë që vinë nga Superiorja, duket se i garantojnë Europën skuadrës prizrenase. Por Endri Vrapi, lojtari me përvojën më të madhe bëri lëvizjen surprizë. La Vllazninë e Shkodrës për Prizrenin. Një aventurë e re për ish-mbrojtësin kuqezi. Më herët, Vrapi ka luajtur me Skënderbeun, Partizanin dhe Tiranën, ndërsa ka zhvilluar shumë ndeshje edhe me kombëtaren shqiptare. Në një intervistë për “Sport Ekspres”, Vrapi kujton sezonin ku së bashku me djemtë e tjerë të skuadrës shpëtoi Tiranën. Vrapi pohoi se të shtunën, sfida me bardheblutë do të jetë speciale. Ja intervista e plotë me Endri Vrapin.

-Si po shkon aventura tek Liria. Diçka e re për një futbollist, që ka luajtur pothuajse me të gjitha skuadrat e Superiores?

-Të them të drejtën momentalisht gëzojmë formë të mirë dhe si aventurë e re më duket interesante.

-Përse vendose për kampionatin kosovar? Mund të ishe në Superiore?

Është e drejtë ajo që thoni ju, sepse mund të vazhdoja në Shqipëri, por duke menduar që më erdhi një ofertë nga Kosova nuk doja ta refuzoja. Tjetra është sepse mua më pëlqejnë sfidat. Dhe për mua, Liria është një sfidë.

-Çfarë ndryshimi ka mes Kosovës dhe Shqipërisë?

Të them të vërtetën akoma s’jemi përballur me ekipet e tjera, sepse kampionati fillon më vonë, por me sa kam parë, futbolli në Kosovë është në rritje.

-Liria, një “koloni” e vogël e Superiores?

Po, mund të themi “koloni”. Jemi disa lojtarë që ndoshta për shumë vite kemi mbajtur dhe “peshën” e Superiores.

-Si është Bledi Shkëmbi, si lojtar dhe si trajner?

Bledin e kam pasur për shumë vite kapiten dhe ndoshta po të flas, s’do të mbaroj asnjëherë, duke folur e rrëfyer. Ndërsa si trajner do ta shohim. Besoj se shumë shpejt do të radhitet tek ata trajnerë kualitativë.

-Ju vjen keq që Tirana, me të cilën luani të shtunën miqësore do të jetë në Kategorinë e Parë?

Sa për bardheblutë nuk di ç’të them, sepse një situatë të tillë e kam kaluar kur Tirana rrezikonte rënien vite më parë. Dhe me disa djem ja arritëm qëllimit dhe e shpëtuam skuadrën. Fundi është i hidhur për të gjithë ata që e shpëtuan, sepse këtë herë s’e di sesi ra në Kategorinë e Parë. Me keqardhje them, se askush nuk do ta shikojë Tiranën aty ku është. Në këto kushte, u mbetet drejtuesve të japin shpjegim, përse është Tirana në Kategorinë e Parë, sepse fanellën e kryeqytetit, qoftë të Tiranës, qoftë të Partizanin çdo futbollist e ka ëndërr ta veshë një herë në karrierë.

2 sezone ka luajtur Endri Vrapi me fanellën e Tiranës

Skuadrat e Endri Vrapit në karrierë

2002      Partizani

2003–2005  Lushnja

2005–2006  Elbasani

2006–2007  Teuta

2007–2008  Tirana

2008–2009  Elbasani

2009 Dinamo

2009–2010  Besa

2010–2013  Skënderbeu

2013–2014  Tirana

2014–2016  Partizani

2016–2017  Vllaznia

2017 Liria e Prizrenit

Tirana-Liria, një sfidë speciale për ish-bardheblutë

Të shtunën një nga skuadrat më simpatike të Kosovës, Liria e Prizrenit do të përballet me Tiranën në një miqësore. Bardheblutë do të kenë kundër shumë emra të njohur. Duke filluar që nga trajneri Bledi Shkëmbi, por edhe jo pak ish-bardheblu. Jetmir Sefa dhe Endri Vrapi janë dy prej tyre. Për të mos folur për Artur Maganin, të birin e Gugash Maganit, që për një kohë të gjatë ishte trajneri i Tiranës. Korçari Shkëmbi një dëshirë e vjetër bardheblu, që kurrë nuk u materializua tani është trajner me Lirinë e Prizrenit dhe ka afruar jo pak lojtarë nga Superliga. Të shtunën kundër Ze Marias dhe Tiranës së brazilianit do të shohim një sfidë të veçantë, të dy ekipeve që janë për t’u zbuluar. Dhe aventura e parë si trajner, deri në këto momente, duket pozitive për Bledi Shkëmbin, i cili pas ndeshjes me Kukësin, që u mbyll barazim 3-3, mbeti i kënaqur nga loja e ekipit të tij, Lirisë. “Objektivi është që të gjeja miqësore me ekipe të forta, ndoshta rastësisht dhe miqësisht doli me Kukësin dhe për këtë unë jam i kënaqur, pasi unë dua gjithmonë që të përballem me ekipe më të forta, pavarësisht se si del rezultati. “Liria është ekip i kompletuar pak a shumë”, tha Shkëmbi, që foli edhe për ndryshimet mes dy kampionateve. – “Kampionatet, si ai i Kosovës dhe ai shqiptar janë të ndryshëm, kuptohet që kampionati ynë është më i fortë, por dhe ai i Kosovës, mesa unë e kam parë vitin që shkoi, ka elementë mjaft të mirë dhe është në rritje. Shpresoj që çdo gjë të shkojë mirë, ne po punojmë fort, tani fusha dhe koha do tregojnë gjithçka”, mbylli Shkëmbi. Të shtunën, kampioni ka sfidën e radhës me Tiranën, por kjo miqësore është ndryshe nga përballjet në karrierën e tij sportive dikur në Superiore. Të gjithë janë të ftuar për të parë Tirana-Liria e Prizrenit.

Selimi nuk ka udhëtuar me korçarët në Slloveni dhe siç bëhet e ditur nuk ka ndonjë detyrim ndaj korçarëve, duke u larguar në mirëkuptim me ta.

Projekti i Shkëmbit në drejtimin e Lirisë është mjaft ambicioz, ndaj ish-kapiteni i Skënderbeut e ka parë të arsyeshme që të afrojë dikë që e njeh mirë dhe ka punuar për disa vite.

Granit Arifaj është blerja e parë e Lirisë në epokën “Shkëmbi”.

Sulmuesi shtatlartë dhe klubi i Prizrenit kanë arritur marrëveshjen, duke nënshkruan një kontratë 1-vjeçare. Arifaj ka folur për faqen zyrtare të Lirisë së Prizrenit duke premtuar se do të mundohet të justifikojë besimin e drejtuesve: “Jam i lumtur për arritjen e marrëveshjes. Liria është ekip me traditë. Besoj që t’ia shpaguaj besimin”.

Përveç lojtarit ka folur dhe drejtori Erxhan Dana, i cili ka vlerësim maksimal për 26 vjeçarin: “Njëri ndër sulmuesit qendër më të mirë në Kosovë. Jam i lumtur që arritëm ta sjellim këtë futbollistë me vlera”

ME nisjen e përgatitjeve, klubi i Lirisë pritet të bëjë dhe afrime të tjera, ku Blendi shkëmbi do të ketë dorë të lirë në përzgjedhjen e elementëve që do të afrojë.