Lionel Mesi

Mesi e nis keq, panik te Barcelona

Sport Ekspres — Mon, 05 Aug 2019 10:48:45 +0000

Barcelona në faqen e saj zyrtare raporton se Mesi nuk nuk do të udhëtojë me ekipin në Shtetet e Bashkuara. Kjo për shkak të një dëmtimi që “pleshti” argjentinas ka pësuar në stërvitjen e këtij mëngjesi.
Ai është parë duke mbajtur dorën në këmbën e djathtë. 32-vjeçari ka pësuar një tërheqje të shkallës së parë në pulpën e tij. Kështu nuk do të rrezikohet që ai të marrë pjesë në turneun “International Champions Cup”, por do të qëndrojë në Barcelonë për të punuar në rikuperimin e dëmtimit.

Nuk pritet një mungesë e gjatë, megjithatë akoma s’ka një afat të saktë rreth kohës së nevojshme të shërimit të plotë të lëndimit. Një nisje jo e mbarë kjo për yllin katalanas, i cili stërvitej për herë të parë me Barçën pas kthimit nga pushimet. Ai u bashkua vetëm ditën e djeshme me ekipin.

“Kur isha te Barça, Mesi s’më linte të luaja”

Sport Ekspres — Tue, 09 Jul 2019 11:44:17 +0000

Të kesh një lojtar të madh në skuadër është një privilegj i madh, por edhe një telash më shumë. Lojtarë si Mesi apo Ronaldo kanë nevojë për mbështetjen e gjithë skuadrës. Janë ata që e marrin peshën më të madhe, por i gjithë ekipi do të punojë që ta cojë topin aty ku ata duan.

Shumë veta e quajnë egoizëm, por Dani Alvesh nuk e ka aspak këtë mendim. Ai e sheh si gjënë e duhur. Mendon se skuadrat duhet të punojnë për lojtarë si Ronaldo, Mesi apo Nejmar. Përmend rastin e argjentinasit, ku thotë se me të në fushë nuk mund të bëjë asgjë tjetër përveçse të pasojë sepse “pleshti” i bën të gjitha vetë.

“Skuadrat luajnë për Mesin dhe Ronaldon. Kjo gjë duhet të ndodhë edhe me Nejmar. Ata janë lojtarë të ndryshëm. Sa më shumë t’i shërbejë ekipi, ata aq më shumë përgjigjen me gola. Ky nuk është aspak egoizëm. Për shembull, unë e bëja këtë me Mesin. Me të skuadër, nuk bëja asgjë përveçse pasoja topin. Ai driblonte, ai dukej, ai shënonte”, u shpreh 36-vjeçari.

“Respekto rezultatin”, CONMEBOL përgjigjet ndaj “shpërthimit” të Mesit

Sport Ekspres — Sun, 07 Jul 2019 09:33:07 +0000

Leo Mesi shpërtheu në akuza mbrëmjen e djeshme ndaj arbitrimit dhe jo vëtëm, pas atij kartoni të kuq në finalen për vendin e tretë të Kupës së Amerikës ndaj Kilit. Ndeshja u fitua 2-1 nga Argjentina, por ajo që kishte rëndësinë më të madhe ishte ai vendim diletant i arbitrit për të ndëshkuar Mesin me karton të kuq.
“Pleshti” pati një zënkë më Geri Medel, ku mbrojtësi e sulmoi fizikisht, duke e shtyrë forcërisht, me Leon që nuk bëri asnjë veprim. Egjithë kjo për arbitrin ishte jo e rregullt dhe i ndëshkoi të dy lojtarët me karton të kuq.

Mesi pas ndeshjes u shfaq më shumë se i zemëruar. Ai akuzoi direkt CONMEBOL për favore ndaj Brazilit. Nuk u paraqit për të marrë medaljen me argumentin se nuk dëshiron të jetë pjesë e korrupsionit të qeverisë latine të futbollit.

Ka ardhur edhe përgjigja e CONMEBOL ndaj Mesit. Ata shprehen se akuzat e tij janë të pabaza dhe ta papranueshme. Në lidhje me arbitrat shprehen se gabimet janë të pranishme dhe asnjëherë nuk do të jenë perfekte.

“Në futboll ndonjëherë fiton dhe ndonjëherë humbet. Një shtyllë themelore e lojës së drejtë është pranimi i rezultateve me besnikëri dhe respekt. E njëjta gjë vlen për vendimet e arbitrazhit, të cilat janë njerëzore dhe kurrë s’do të jenë të përsosura”, shkruhet në deklaratë.

Mesi s’po luan mirë? Di Maria ka versionin e tij

Sport Ekspres — Mon, 01 Jul 2019 20:53:49 +0000

Argjentina po paraqitet relativisht mirë në Kupën e Amerikës. Bardhekaltrit kanë arritur të shkojnë në gjysmëfinalet e këtij kompeticioni. Më interesantja, është ekipi i vetëm që është kualifikuar në kohën e rregullt, por edhe që ka shënuar të paktën një gol në çerekfinale.
Përtej gjithë kësaj, ajo që krijon më shumë debat është loja e Leo Mesit. Argjentinasi nuk është ai, që merr të gjithë manovrën sulmuese të skuadrës përsipër, por është shndërruar në një lojtar më difensiv. Qëndron pas sulmuesve dhe nuk heziton të bëjë detyra mbrojtëse.

Kjo e ka kushtëzuar në efikasitetin e tij para portës, çka e bën ta marrë kritika për formë të dobët. Angel Di Maria merr në mbrojtje yllin e Barcelonës. Mesfushori shprehet se Mesi është shumë i rëndësishëm për ekipin edhe pse golat nuk po vijnë.

“Për mendimin tim ai po luan shumë mirë edhe pse golat nuk po vijnë. Vrapon shumë dhe po jep gjithçka për ekipin. Mesi është shumë i rëndësishëm për ne. E njeh më mirë se çdokush këtë kompeticion. Puna e tij për skuadrën është thelbësore”, deklaroi ylli i PSG.

Rekord për t’u harruar, Argjentina “fajëson” Mesin

Sport Ekspres — Thu, 20 Jun 2019 20:40:11 +0000

Leo Mesi është i dëshpëruar të fitojë një trofe të madh me Argjentinën e tij. Megjithatë, duke parë këtë brez që bardhekaltrit kanë, është e vështirë ta mendojmë një triumf të tillë. Mesi i ka shkuar dy herë shumë afër fitimit të Kupës së Amerikës dhe Botërorit, por vështirë se i jepet më ai rast.

Që nga kthimi i tij në vitin 2016, pas humbjes me penallti ndaj Kilit, Argjentina ka një rekord tepër dëshpërues. Në gjashtë ndeshje në kompeticione të mëdha ata kanë fituar vetëm një, ndaj Nigerisë në fazën e grupeve të Botërorit. Pesë ndeshjet e tjera ndahen në dy barazime dhe tre humbje.

Edhe në kualifikuese, ku kundërshtarët nuk kanë seriozitet tepër të madh, numërojnë tetë fitore, nëntë barazime dhe shtatë humbje. Shifra që tregojnë se Mesi nuk mjafton dhe kjo Argjentinë nuk ka fuqinë të shkojë në fund të asnjë kompeticioni.

E thotë një legjendë e kuqe: Mesi meriton “Topin e Artë”

Sport Ekspres — Mon, 10 Jun 2019 18:51:58 +0000

Leo Mesi dhe Virxhil Van Dajk janë dy kandidatët kryesorë për të fituar çmimin më të madh individual, “Topin e Artë”. Të dy kanë bërë një sezon shumë të mirë dhe opinioni sportiv është ndarë në dy kampe.
Shumë personalitete kanë folur mbi këtë temë, ndoshta edhe duke mbrojtur interesat e veta. Por Xhejmi Karrager i vë vulën kësaj çështje. Legjenda e Liverpulit nuk mendon se Van Dajk nuk mund të dalë sipër Mesit dhe të fitojë atë çmim. Ai shprehet se Leo e meriton ”Topin e Artë”.

“E pashë që Van Dajk doli lart në kuotimin e basteve. Dua të jem i sinqertë që Mesi e meriton atë çmim. Shumë rrallë shohim ta marrë një mbrojtës. Kanavaro e mori atë pasi fitoi një troofe si Kupa e Botës. Ne kemi parë mbrojtës si Pike dhe Serxho Ramos që kanë performuar shumë më mirë se Van Dajk, por kanë vetëm medaljet”, u shpreh Karrager.

Ish-katalanasi mbron Mesin: Futbolli nuk është golf!

Sport Ekspres — Mon, 13 May 2019 07:32:25 +0000

Barcelona pësoi atë eliminim të turpshëm nga Liverpuli në Champions dhe ai që pësoi tronditjen më të madhe ishte Leo Mesi. Argjentinasi me ato dy gola në ndeshjen e parë u ngrit në qiell nga opinioni sportiv dhe më pas ra në “gropë” pas humbjes 4-0 ndaj në ndeshjen e dytë. Shumë figura me impakt në botën e sportit lëshuan deklarata negative kundrejt Leos. Ronaldo Nazario da Lima pas ndeshjes shprehej se nuk duhej fajësuar vetëm Kutinjo apo Valverde, por edhe Mesi.

Ai që del në mbrojtje të yllit argjentinas është Dani Alvesh. Braziliani shprehet se Leo Mesi është lojtari i fundit që duhet kritikuar për atë që jep në fushë, por edhe jasht saj. Ai e vë theksin se futbolli është një lojë kolektive dhe bën një krahasim me sporte individuale si tenisi apo golfi. Më pas Alvesh kujton një polemikë të vjetër me Krisiano Ronaldon dhe thotë edhe disa fjalë për Nejmar. Këtij të fundit i bën një krahasim me Leon.

Leo Mesi- “Pas ndeshjes së parë të gjithë qenë shprehur se Leo është stratosferik apo jashtëtokësor dhe tani ndryshoi situata në të kundërt. Nëse është dikush për të cilin nuk flitet keq është Leo. Për atë që jep brenda fushës dhe për mënyrën sesi jeton jashtë saj. Ka qenë në maksimumin e futbollit për shumë vite. Niveli i tij është më i larti. Gjithsesi ky është një sport ekipor, ku të gjithë duhet të japin 100%, që të funksionojë gjithçka. Vetëm në fushën e golfit ose të tenisit fiton i vetëm.”

Kristiano Ronaldo- “Ai u zemërua me mua se thashë që lojtarët si Kristiano, Leo dhe Nejmar janë gjithmonë në dukje kur çdo gjë shkon mirë, por ato ‘zhduken’ kur ekipi eliminohet. Lojtarë të këtij niveli mbajnë shumë peshë mbi supe.”

Nejmar- “Ai dhe Mesi janë të ndryshëm, por gjithmonë bëjnë dallimin. Gjithsesi ata nuk mund ta bëjnë të gjithë punën të vetëm. Duhet të jetë një mjedis i tërë për të bërë diferencën”, përfundoi Dani Alvesh.

Pagat | Mesi i mbuluar në ar, ja sa përfitojnë në muaj futbollistët më të paguar!

Sport Ekspres — Sun, 05 May 2019 07:35:13 +0000

Prej kohësh profesioni i futbollistit është shndërruar në një nga më të paguarit. Shumë djem e kanë ëndërr të luajnë këtë lojë jo vetëm nga pasioni, por edhe nga milionat. Klubeve të mëdha Evropiane u bëhet çdo ditë e më e vështirë të mbajnë lojtarët e tyre të mëdhenj në skuadër, pasi do i duhet të paguajnë paga të frikshme.

“Daily Mirror” bën një renditje me futbollistët më të paguar të planetit. Listën e kryeson Lionel Mesi dhe direkt pas tij është Kristiano Ronaldo. Normalisht paga e këtyre të dyve mund të justifikohet për nivelin e futbollit që na kanë dhuruar prej më shumë se një dekade.

Lojtarët që habisin më shumë në këtë listë janë emra si Aleksis Sançez, Kutinjo, Garet Bejl apo Mesut Ozil. Këto lojtarë e kanë ndihmuar fare pak, për të mos thënë aspak ekipin, gjithsesi kjo nuk i pengon të futen në 10-shen e më të paguarve. Ja lista me futbollistët më të paguar:

10. Mesut Ozil (1,6 mln euro në muaj)

9. Kilian Mbape (1,75 mln euro në muaj)

8. Aleksis Sançez (2,30 mln euro në muaj)

7. Filipe Kutinjo (2,35 mln në muaj)

6. Garet Bejl (2,6 mln në muaj)

5. Luis Suarez (3 mln euro në muaj)

4. Nejmar (3,15 mln euro në muaj)

3. Antuan Grizman (3,4 mln euro në muaj)

2. Kristiano Ronaldo (4,8 mln euro në muaj)

1. Lionel Mesi (8,5 mln euri në muaj)

Mesi i bind të gjithë, lëvdata nga “armiku” portugez

Sport Ekspres — Fri, 03 May 2019 18:52:42 +0000

Askush nuk arrin t’i rezistojë madhështisë së lojës së Leo Mesit. Argjentinasi, në ndeshjen ndaj Liverpulit, tregoi edhe një herë se është një “perëndi” e futbollit modern dhe jo vetëm. Këtë e kanë thënë shumë persona me reputacion në botën e sportit dhe së fundmi e thotë edhe dikush që më parë ka qenë armik i betuar i “pleshtit”, pikërisht Zhoze Murinjo.

Trajneri portugez, që aktualisht po kalon një moment pushimi pas shkarkimit nga Junajtid në mesin e sezonit aktual, e cilëson Leon si perëndia e futbollit. Ai nuk i ul as meritat e Liverpul për të cilat shprehet se kanë arritur diçka që asnjë ekip nuk e ka bërë në “Camp Nou”.

“Liverpul bëri një ndeshje të mirë. Nuk besoj se ka pasur ndonjë ekip në 20 vitet e fundit që e ka mbajtur topin më shumë se Barcelona në Champions League. Megjithatë ‘Perëndia’ e futbollit bëri diferencën. Sigurisht Barça është një ekip me një organikë cilësore, por ajo çka bën Leo Mesi është absolutisht e mrekullueshme”, përfundoi ish-trajneri i Real Madrid.

Mesin e thërrasin të votojë, në… Itali!

Sport Ekspres — Fri, 03 May 2019 16:25:01 +0000

Lionel Mesi është një burim krenarie për miliona argjentinas në mbarë botën. Megjithatë, me “pleshtin” mund të krenohet dhe një komunë e vogël pranë qytetit të Ankonës.

Bëhet fjalë për komunën e Rekanatit, vendi ku më shumë se më shumë se 155 vite më parë lindi stër-stërgjyshi i Leos, Anxhelo Mesi, i cili më pas mori rrugën e emigrimit për në Amerikën e Jugut si shumë italianë të tjerë të asaj kohe.

Drejtuesit e Komunës, ndoshta të shtyrë nga paraqitje fenomenale e 31-vjeçarit kundër Liverpulit menduan për një dhuratë të veçantë: Një certifikatë votimi!

Në postën e argjentinasit ka mbërritur ky dokument i nënshkruar nga komuna, që i lejon atij të votojë në zgjedhjet komunale të këtij vite, por edhe në zgjedhjet e vlefshme për parlamentin evropian.

Epoka Mesi, “pleshti” që ndryshoi historinë e Barcelonës

Sport Ekspres — Sun, 28 Apr 2019 10:23:59 +0000

Në nëntor të vitit 2004 në stadiumin “Camp Nou” debutoi një djalosh i destinuar për të ndryshuar historinë e një klubi dhe të futbollit të një vendi. Lionel Mesin dhe historinë e tij te Barcelona e dinë të gjithë. Argjentinasi, bashkë me “Tiki-Takan”, arriti ta ngjisë Barcelonën në skajin më të lartë të futbollit botëror.

Deri në atë periudhë, klubi që mbizotëronte futbollin spanjoll ishte Reali i Madridit, por jo më. Para debutimit të Leo Mesit me ekipin e parë, balanca e titujve ishte për Realin, me 72 të tillë, kundrejt 61 të blaugranave. Pas 15 vitesh historia ka ndryshuar. Barcelona nuk është më klubi nën hijen e Madridit, por është skuadra që e ngjyros futbollin.

Barcelona, bashkë me La Ligan e mbrëmshme arriti numrin e 95 trofeve. Reali ndalet në 92 kupa në muzeun e tyre. Pra, katalanasit në epokën e Leo Mesit kanë hedhur poshtë një disavantazh prej 11 trofesh. Por ky nuk është fundi për këtë sezon, pasi Mesi me shokë janë kualifikuar në finalen e kupës së Mbretit dhe në gjysmëfinale të Champions League. Të gjithë mund të largohen, por nëse “pleshti” është aty, trofetë vazhdojnë të shtohen.

Mesi më i miri i të gjitha kohërave? Shoku i skuadrës mendon ndryshe

Sport Ekspres — Sun, 28 Apr 2019 09:06:16 +0000

Mesi më i miri i historisë, po apo jo? Dilemë kjo, që bren mendjet e shumë tifozëve e specialistëve. Argjentinasi vijon të na mrekullojë sa herë zbret në fushë me vizionin, teknikën, zgjuarsinë apo pragmatizmin e tij. Gjithsesi, ka akoma njerëz që binden se Leo nuk është më i miri i historisë. Mes tyre është edhe shoku i skuadrës te Barcelona, Malkom.

Malkom

Braziliani shprehet se 31-vjeçari është një futbollist i jashtëzakonshëm dhe është i mrekulluar nga ajo çka Leo bën, por kjo nuk mjafton për të qenë më i miri i historisë. Për Malkom, futbollisti më i mirë i të gjitha kohërave është Pele. Ai shprehet se Leo është më lart se të gjithë, përveç legjendës braziliane.

“Mesi më befason çdo ditë. Është shumë i paparashikueshëm. Mund ta dish se do të godasë, por nuk mund ta ndalosh. Mesi e di se kur është momenti ideal për të vepruar. Ndjen diçka unike kur luan me një lojtar të tillë. Them se Mesi është më i miri i të gjithëve, pas Pele. Nuk e kisha menduar këtë më parë, por tani që e kam çdo ditë në stërvitje po e shoh se sa i mahnitshëm është”, u shpreh braziliani.

Mesi e Mbape s’kanë konkurrencë, 5 ndeshje vendosin fatin e “Këpucës së Artë”

Sport Ekspres — Mon, 22 Apr 2019 17:56:56 +0000

Lionel Mesi dhe Kilian Mbape janë dy lojtarët me numrin më të madh të golave gjatë këtij sezoni. Siç është bërë traditë prej vitesh, lojtari që ka shënuar më shumë gola në kampionatet elitare europiane shpallet fituesi i “Topit të Artë”.

Për momentin Mesi është në krye me 33 gola, ndërsa 20-vjeçari i PSG-së ka shënuar 30 gola. Të dy lojtarët kanë edhe pesë ndeshje në kampionatet përkatëse. Në rast se “pleshti” do mbetet në krye kjo do të jetë këpuca e tij e gjashtë, ndërsa Kristiano Ronaldo e ka fituar katër herë këtë trofe.

Interesante është dhe diferenca e madhe e Mesit dhe Mbapesë me pjesën tjetër të sulmueseve të Europës. Sulmuesi i tretë për nga numri i golave është 36-vjeçari Fabio Kualjarela, i cili ka shënuar tetë gola më pak se Mbape.

“Sakrilegj të thuash se Mesi është Zoti?”, Papa Françesku jep përgjigjen

Sport Ekspres — Mon, 01 Apr 2019 09:07:12 +0000

Papa Françesku është nga ata që e pëlqejnë futbollin. Argjentinasi së fundmi ka dhënë një intervistë, që është kthyer “virale”. Ai është pyetur nëse është pyetur nëse është mëkat të thuash që Mesi është Zoti dhe bashkëbisedimi ka vijuar dhe vlerësimet për sulmuesin e Barcelonës.

Intervistuesi: A është sakrilegj të thuash se Mesi është Zoti?
Papa Françesku: Në teori është një sakrilegj. Ti s’mund ta thuash këtë dhe unë nuk e besoj. Po ti?

Intervistuesi: Unë e besoj.
Papa Françesku: Unë jo (qesh). Njerëzit mund të thonë se ai është Zoti, ashtu siç mund të pranojnë që e duan atë, por vetëm Zoti mund të adhurohet. Ato janë thjesht shprehje që përdorin njerëzit. “Ai është Zoti me një top nëpër këmbë”, kjo është një diçka që përdoret shpesh si mënyrë shprehje për Mesin.

Intervistuesi: Por ai luan shumë mirë apo jo?
Papa Françesku: Sigurisht, është shumë i mirë, por nuk është Zoti.

Llegó el momento de hablar de D10S. #SalvadosPapa pic.twitter.com/08YI1zMtEO

— Salvados (@salvadostv) March 31, 2019

Skenari i pabesueshëm, në horizont finalja mitike midis Mesit e Ronaldos

Sport Ekspres — Fri, 15 Mar 2019 11:56:59 +0000

Shorti i hedhur sot në Nion të Zvicrës, pati një risi nga vitet e shkuara. Pasi nuk përcaktoi vetëm përballjet e çerekfinaleve të Champions-it, por edhe kombinimet për gjysmëfinalet.

Fituesi i çiftit Totenhemi – Mançester Siti do të ndeshjet në finale me fituesin e çiftit Ajaks – Juventus, ndërsa e anasjellta për përballjet midis Mançester Junajtid e Barcelonës dhe Liverpulit e Portos.

Kështu i hapet rrugë një skenari që të gjithë do të donim ta shihnim. Përballja në finale e Ronaldos dhe Mesit. Do të ishte e dyta herë pas finales së 2009-ës, kur “pleshti” ngriti trofeun me Barcelonën para syve të portugezit.

Gjithsesi për të shkuar deri në atë përballje “mitike”, skuadrat e të dy legjendave të këtij sporti dihet të kalojnë kundërshtarët e radhës në çerekfinale e më pas gjysmëfinale.

https://www.youtube.com/watch?v=PxluA6yNkwY

“Mesi s’më ka pëlqyer kurrë, uroj ta lërë futbollin para kohe!”

Sport Ekspres — Wed, 13 Feb 2019 10:09:32 +0000

Alvaro Arbeloa e ka mbyllur me futbollin e luajtur. Spanjolli, i cili është produkt i Realit të Madridit, është një nga ata që nuk e shijon lojën e Lionel Mesit. Diçka të tillë e ka thënë hapur në emisionin “El Chiringuito”, ku tanimë ai do të bëjë komentatorin. Por nuk është ndalur vetëm me kaq, pasi ka deklaruar se dëshiron që argjentinasi të tërhiqet sa më shpejt nga futbolli i luajtur.

“E respektoj shumë Barcelonën, ata janë një ekip i madh dhe me një lojtar të shkëlqyer si Lionel Mesi. Ai është shumë i mirë, por unë nuk kam qenë në gjendje të zbavitem duke e parë atë dhe mendoj se nuk do të jem në gjendje kurrë. Shpresoj të tërhiqet nga futbolli para kohe, unë po numëroj ditët”, është shprehur Arbeloa, i cili ka pasur edhe një përplasje me Mesin në vitin 2013.

Ish-mbrojtësi më pas deklaron se nuk është kundër Barcelonës, por humbjet e katalanasve i japin kënaqësi atij për shkak se kjo është diçka e mirë për Realin e Madridit. “Unë nuk jam anti-Barcelonë. Gjithmonë dëshiroj që ata të humbasin, pasi kjo është gjë e mirë për Realin e Madridit. A do doja të dështonin në Champions? Po, do të kishte një rival më pak për Realin. Barcelona ka qenë gjithmonë një ekip sfidues, ata janë një ekip i shkëlqyer. Gjithmonë doja t’i mundja”, shtoi 36-vjeçari.

Në fund ai ka bërë edhe një koment për situatën që po kalon Isko te madrilenët. “Isko ka përjetuar diçka që se ka provuar kurrë më parë. I është dashur të luajë në një pozicion që nuk është i tiji. Unë jam tifozi numër një i Iskos dhe shpresoj të qëndrojë në Madrid edhe për shumë vite të tjera”, përfundoi Arbeloa.

VIDEO: Barcelona e ëndrrave është kthyer, shihni çfarë goli!

Sport Ekspres — Wed, 30 Jan 2019 22:58:58 +0000

Barcelona dha një provë karakteri, teksa mposhti me rezultatin 6-1 Sevijën, duke përmbysur kështu humbjen 2-0 në vajtje. Një ndër momentet më të veçanta të takimit ishte goli unik i Lionel Mesit në minutat e fundit të takimit.

Një kryevepër që na kujton golat e Barcelonës së Guardiolës, kur Tiki-Taka sundonte futbollin botëror. Kundërsulm “vrastar” dhe pasime të njëpasnjëshme, një aksion model që me siguri do të shërbejë si leksion për vite me radhë. Shijoni videon e mëposhtme…

Barcelona masuk Semi Final
Copa Del Rey ,Skor akhir Agregat 6 – 3

Man of The Match , @JasperCillessen ? Good Job bro

On the Way Tribel Winner ..
???
?????#CopaDelRey #ForçaBarça #ViscaBarca #Messi #Suarez #Coutinho @FCBarcelona @SevillaFC pic.twitter.com/6LW6q3QzsT

— Miladi Nurul Fahmi (@miladi_fahmi) January 31, 2019

Maradona apo Mesi? Legjenda Ferguson i vë “kapakun”

Sport Ekspres — Mon, 28 Jan 2019 09:18:05 +0000

Kush ishte më i miri? Maradona apo Lionel Mesi… Kjo pyetje del hera herës në çdo tavolinë ku mblidhen fansat e futbollit. Sigurisht, në Argjentinë anojnë nga Maradona, pasi “El Pibe de Oro” ka qenë protagonisti i dy triumfeve në Botërorët e vetëm të shtetit amerikano-jugor.

Megjithatë, jashtë Argjentinës bëmat e Mesit e kanë justifikuar statusin e tij si lojtari më i madh i të gjitha kohërave. Një koment për këtë çështje ka dhënë legjenda e trajningut Sir Aleks Ferguzon.

Në një intervistë për “The Times”, skocezi dha mendimin e tij në lidhje me këtë çështje. 77-vjeçari mban anën e “pleshtit”, i cili i ka shënuar në të dy finalet e Champion-it, ku Mançester Junajtid është vënë përballë Barcelonës në vitin 2009 dhe në vitin 2011.

Goli i Mesit në finalen e 2009-ës

“Do të thoja të njëjtën gjë si Souner (analist dhe ish-futbollist i njohur skocez), që Mesi është një lojtar më i mirë se Maradona për këtë fakt. Karriera e Maradonës në maja ka zgjatur shumë pak vite, ndërsa Mesi ka më shumë se një dekadë në këto nivele”, tha Ferguson.

Iliçiç si Mesi e Aguero, shifrat janë ato që flasin më së miri!

Sport Ekspres — Sun, 30 Dec 2018 10:41:54 +0000

Josip Iliçiç e ka shkruar emrin përkrah Lionel Mesit dhe Serxho Agueros, pasi së bashku janë lojtarët që kanë shëmuar më shumë tripleta në pesë ligat kryesore të Europës. Mesfushori i Atalantës, i cili luan për Slloveninë, në takimin e fundit që skuadra italiane fitoi 2-6 ndaj Sasuolos, ishte autor i tre golave. Përgjatë vitit 2018 ai ia ka dalë ta bëjë diçka të tillë edhe dy herë të tjera.

Iliçiç trigolësh këtë sezon i ka shënuar edhe Kievos së vendit të fundit dhe në atë takim Atalanta fitonte me rezultatin 3-1. Trigolëshin tjetër e ka realizuar kundër Hellas Verona në muajin mars. Skuadra nga Bergamo triumfonte me shifrat 0-5. Interesant fakti që të tria tripletat ai i ka shënuar në transferta.

SHIFRAT E MESIT DHE AGUEROS – Sulmuesi i Barcelonës këtë sezon ka realizuar vetëm një tripletë kundër Levantes në triumfin 0-5 në transfertë. Sezonin e shkuar, Leganes (fitonte Barcelona 3-1) dhe Deportivo La Korunja (triumfonte Barcelona 2-4) ishin “viktimat” e Lionel Mesit.

Argjentinasi Aguero, ashtu si Mesi, këtë sezon ka realizuar vetëm një trigolësh: atë ndaj Hadersfilld, ndeshje ku Siti fitoi 6-1. Sezonin e shkuar në janar i ka realizuar tre herë Njukasëllit (3-1 fitonte Siti) dhe Lesterit. Madje këtyre të fundit u realizonte katër herë.

Maradona pendohet, avokati: Ndihet keq, do telefonojë Mesin!

Sport Ekspres — Wed, 17 Oct 2018 10:29:54 +0000

Diego Armando Maradona trazoi Argjentinën pak ditë më parë. Ajo çka tha për Lionel Mesin bëri që tifozët t’i ktheheshin kundër. Por ai është ndjerë keq për këtë dhe vetë avokati i legjendës argjentinase ka zbuluar se Maradona do të flasë me Mesin dhe të sqarojë gjithçka.

Matias Morla, për “America 24” është shprehur: “Maradona do të telefonojë Mesin për të shpjeguar atë që donte të thoshte. Diego është i trishtuar, i ka ardhur shumë keq për atë që ka thënë Kempes. Ai gjithmonë e mbështet kombëtaren. Ajo që donte të thoshte ishte që të mos e ngarkojnë Mesin me më shumë përgjegjësi, pasi nuk është faji i tij për dështimin aktual”.

DEKLARATA E KEMPES – “Sa herë që Diego flet, krijon një problem, sepse nuk tregon respekt, ndërsa atë të gjithë e respektonin në epokën si futbollist. Atij nuk i thanë kurrë ndonjë gjë për humbjen në finalen e Botërorit 1990. Mesi është më i miri në botë dhe duhet të jemi të lumtur që është argjentinas. Koha e Diegos ka ikur dhe ai nuk është një shembull për të thënë gjëra të tilla. Ndonjëherë zgjedhja më e mirë është që të heshtim”.

ÇFARË THA MARADONA – Në një ndërhyrje që ka bërë në programin “L’ultima Parola” në “FOX”, Maradona është shprehur se Mesi nuk mund të jetë një lider. “Për mua është e vështirë të flas për këtë, por është e kotë që të konsiderohet lider një njeri që shkon 20 herë në tualet përpara një ndeshjeje futbolli. Mesi është Mesi kur luan me Barcelonën dhe është normal kur luan me Argjentinën”, është shprehur argjentinasi.

Maradona si “turma”: Mesi është Mesi veç te Barcelona!

Sport Ekspres — Sat, 13 Oct 2018 08:09:25 +0000

Diego Armando Maradona dikur driblonte në mënyrë spektakolare në fushë, ndërkohë që tani legjenda argjentinase “fintet” i bën jashtë fushës. Deklaratat e tij janë shpesh të forta dhe ai është nga ata njerëz që nuk kursehen.

Përgjithësisht i ka dalë në mbrojtje Lionel Mesit, kurse tanimë qëndrimi i tij i fundit është disi i çuditshëm. Në një ndërhyrje që ka bërë në programin “L’ultima Parola” në “FOX”, Maradona është shprehur se futbollisti i Barcelonës nuk mund të jetë lider.

“Për mua është e vështirë të flas për këtë, por është e kotë që të konsiderohet lider një njeri që shkon 20 herë në tualet përpara një ndeshjeje futbolli. Mesi është Mesi kur luan me Barcelonën dhe është normal kur luan me Argjentinën”, është shprehur argjentinasi.

Por nuk është ndalur me kaq: “Nëse do bëhesha sërish trajner i Argjentinës? Nuk do e merrja Mesin, edhe pse kurrë nuk i dihet, por duhet t’i heqim presionin, duhet të rigjejmë liderin që duam që Mesi të jetë”. Dëshira e Maradonës për të marrë drejtimin e Argjentinës nuk fshihet, ndërkohë që nuk do t’i thoshte jo as Meksikës. “Po, do më pëlqente ta drejtoja”, përfundoi trajneri i Dorados.