I riu aktivizohet si mesfushor dhe pritet të jetë një lojtar mjaft i vlefshëm për ekipin e tij të ri. Sipas klubit francez për të interesoheshin një sërë skuadrash të mëdha evropiane. Nise ishte zgjedhja e tij, për arsye se do të ketë më shumë hapësira. Kuqezinjtë njihen si një klub, ku i jepet shumë mundësi të rinjve.

Kështu Kefren vazhdon të trashëgojë profesionin e të atit bashkë me vëllain e tij. Ky i fundit, Markus Turam aktivizohet me Ginkamp po në Francë. 21-vjeçari aktivizohet si sulmues. Arrin të mbulojë të treja pozicionet e ofensivës dhe është një lojtar shumë i fortë ne ajër. Është pjesë e kombëtares U21
franceze. Shpresojmë t’i ngjajnë babait!

Leonardo Bonuçi i trazoi më shumë gjakrat pas ndeshjes. “Faji është 50 me 50. Ken e kërkoi vetë”, u shpreh mbrojtësi i Juves. Kundrejt kësaj deklarate ka reaguar një tjetër mbrojtjes juventin, më saktë ish-futbollist.

Lilian Turam sot lufton fort kundër racizmit dhe është treguar i ashpër kundër italianit. Ai shpjegon gjithçka, ka një mesazh për Ken dhe të gjithë lojtarët me ngjyrë dhe tregon se si zgjidhet kjo çështje tepër delikate.

REPLIKA – “Bonuçi thotë diçka që mendohet në masë: të zinjtë meritojnë atë që u ndodh. Pyetja e duhur që i duhet bërë atij është kjo: çfarë ka bërë Ken për të merituar aq shumë përbuzje? Bonuçi nuk thotë kurrë që tifozët kanë gabuar, por që e kërkoi Ken. Është njësoj si të përdhunosh një grua dhe t’ia vësh fajin veshjes së saj. Për shkak të këtyre lloj njerëzve nuk rregullohen gjërat.”

THIRRJA – “Leonardo nuk është idiot, por ka një ide të caktuar të shoqërisë dhe qëllimet e tij janë të turpshme. Duhet të jemi të qartë sa i përket racizmit. Thirrjet ‘buuu’ përfaqësojnë përbuzje për të gjithë njerëzit, përfshirë fëmijët me të njëjtën ngjyrë lëkure si Ken. Moizes dhe të gjithë njerëzve me ngjyrë dua t’u them që të ndihen krenar dhe të kërkojnë respekt nga njerëzit si Bonuçi, që dëshirojnë t’i përulin.”

ZGJIDHJA – “Gjithmonë thonë që ndeshja e radhës do të ndërpritet, por nuk ndodh kurrë. Kjo çështje nuk u intereson aspak institucioneve të futbollit. Nëse do të ishte me të vërtetë një problem, ndeshja do të ishte ndalur. Futbollistët që nuk pësojnë thirrje raciste duhet të tregohen solidarë me shokët e tyre. Duhet kuptuar se kur ndodh një gjë e tillë, nuk preket vetëm një person, por miliona të tillë. Duhet sqaruar se nuk vazhdohet kështu përpara, por futbolli është biznes. Asgjë nuk do të ndryshojnë institucionet e tij që nuk kanë marrë kurrë parasysh mundësinë e ndërprerjes së ndeshjes.”

Adoleshenti nuk e lëshoi më postin e titullarit dhe historia e Xhixhit të vogël dihet nga të gjithë se si shkoi. Gardiani i portës ka dhënë një prononcim interesant për “Eurosport”, duke u ndalur te përballja me djemtë e shokëve të tij si Enriko Kieza dhe Lilian Turam.

Bufon ka luajtur dhe fituar me të dy te Parma, ndërsa me francezin vazhdoi të luante me Juventusin. Italiani tregon emocionet e provuara kur u përball me Federiko Kiezën, yllin e Fiorentinës, aty ku mendoi realisht t’i jepte fund karrierës së tij.

“Kam luajtur kundër Federiko Kiezës dhe djemve të Turamit: Markus dhe Kefren. Ata janë fëmijët e djemve dhe shokëve, të cilët i kam dashur shumë dhe vazhdoj të jem i lidhur me ta. Përballja me ta ishte një dhuratë e jetës, por më duhet ta pranoj se kur u përballa për herë të parë mbeta i hutuar. Nuk kisha luajtur kurrë më parë me ndonjë fëmijë të shokëve të mi, derisa luajta kundër Federikos. Ndodhi përpara dy vitesh dhe në atë moment mendova se ndoshta duhej të tërhiqesha”, tregon Xhixhi Bufon.