Në takimin kundër Beitar Jerusalem, ish-mesfushori i Skënderbeut gjeti rrjetën në mënyrë të përkryer, duke shënuar një “perlë” në hyrje të zonës me të majtën. Nes Tziona u mposht 2-1 nga Beitar Jerusalem në ndeshjen e parë të Toto Cup.

“Rikthim te Skënderbeu? Tani jam lojtar i lirë, pres oferta. Kam pasur oferta por ende nuk janë të duhurat.Kurrë mos thuaj kurrë, nëse do jenë të njëjta çmime dhe kushte. Kam biseduar me Takajn më ka thënë se jam i mirëpritur, ku ka mirë, pranë familjes. Por, në radhë të parë duhet të fitojnë në KAS.

Titulli i Partizanit? I merituar “E kanë merituar, nuk e di pse ka çaluar Kukësi, ndoshta sepse ka ndërruar shumë trajnerë, Skënderbeu ka pasur problemet e veta dhe mendoj se Partizani e ka merituar”, tha Lilaj.

Lilaj e Adeniji nuk luajtën në finalen e fituar 1-0 ndaj Sumkajit, pasi ishin të pezulluar. Gjithsesi, kupa është edhe meritë e tyre, sepse kanë zhvilluar një sezon të shkëlqyer.

Zhvendosemi në Danimarkë, ku ekipi i Ylber Ramadanit, Vejle është mundur në takimin e fazës “play-out” 2-0 nga Hobro. Skuadra ku luan futbollisti shqiptar kishte fituar 1-0 në vajtje, por është befasuar në shtëpi dhe ka zhgënjyer totalisht, duke u mundur në shtesa.

Me këtë disfatë, Vejle është djegur përfundimisht, sepse zbret një kategori më poshtë, ndërsa Hobro ka edhe një shans tjetër për të mbijetuar, sepse do të luajë me një nga ekipet e divizionit 2 në finalen play-off.

Sabien Lilaj dhe Xhejms Adenij janë kualifikuar për në finalen e  Kupës së Azerbaixhanit. Gabala, kishte fituar 1 – 0 ndeshjen e parë dhe humbja e sotme 2 – 1 mjaftoi që ekipi i dy ish-lojtarëve të Skënderbeut të shkojë në finalen e këtij kompeticioni.

Kampionati ka rezultuar një dështim për ekipin azer, që tani ka mundësinë ta shlyejë çdo që me fitimin e Kupës, trofe që u mundëson një biletë për në raundet kualifikuese të “Europa League”.

Sulmuesi nigeriani shënoi golin e vetëm të ndeshjes në minutën 72-të, teksa finalizoi me sukses një kundërsulm të shpejtë të skuadrës së tij. Duhet përmendur se Xhejms ka bërë një sezon të shkëlqyer me Gabalën, duke qenë golashënuesi më i mirë i skuadrës, ndërsa Lilaj shpeshherë është aktivizuar nga stoli, kjo dhe për shkak se sezoni i mesfushorit korçar është shoqëruar me dëmtime të shumta.

Bëhet fjalë për dy futbollistët e kombëtares sonë, Ansi Agolli dhe Sabien Lilaj, që aktivizohen në kampionatin azer.

Në një postim në llogarinë zyrtare të Metës në “twitter”, ai ka postuar një foto të takimit me dy futbollistët ku shkruan:  Kënaqësi e veçantë që vizitën në Baku të Azerbajxhanit ?? ta nisja me një takim të ngrohtë me dy nga ambasadorët tanë më të mirë këtu, futbollistët e shquar Ansi Agolli dhe Sabien Lilaj.

Kënaqësi e veçantë që vizitën në #Baku të #Azerbajxhanit ?? ta nisja me një takim të ngrohtë me dy nga #ambasadorët tanë më të mirë këtu, futbollistët e shquar #AnsiAgolli dhe #SabienLilaj.?? pic.twitter.com/GAbgjqQfsg

— Ilir Meta (@ilirmetazyrtar) March 13, 2019

Në ndeshjen tjetër të kampionatit azer, skuadra e Sabien Lilajt dhe nigerianit Xhejms Adeniji, Gabala, u ndal në një barazim pa gola me Zirën e vendit fundit. Ndeshja mbaroi pas 33 minutash, pasi takimi kishte filluar që ditën e djeshme, por mjegulla e rënduar bëri që arbitri të ndërpriste takimin në minutën 57-të. Pushimi një ditor, mesa duket ka favorizuar ekipin e Keshlës, që arriti të merrte një pikë të vlefshme, me anë të së cilës kalon në vendin e parafundit të tabelës.

Kthim në fushë pas një periudhe të gjatë në stol, ka pasur dhe për mbrojtësin durrsak Renato Arapi, i cili aktivizohet në ligën e parë turke (divizioni i dytë) me skuadrën e Afjet Afjonsporit. Mëngjarashi luajti për 90 minuta në përballjen direkte për mbijetesë ndaj Eskishehirsporit, ku u ndëshkua me një karton të verdhë. Ndeshja përfundoi me fitoren 2 – 1 të Afjet, që me tri pikët e fituara sot e largohet përkohësisht nga zona e ftohtë.

Dy ish-lojtarët e Skënderbeut e kanë nisur titullar ndeshjen e sotme që Gabala po fiton ndaj Sabah Baku. E veçanta është se nigeriani ka mundur që të gjejë rrugine  rrjetës që në minutën e 5-të. Xhejms i dha avantazhin skuadrës së tij.

Goli i katërt për 25-vjeçarin, i cili është një titullar fiks si dhe Sabjen Lilaj. Pozitive që edhe lojtari kuqezi po aktivizohet, pasi i krijon mundësinë vetes për të marrë një ftesë për ndeshjet e muajit nëntor.

Protagonist absolut ish-sulmuesi i Skënderbeut, Xhejsm Adeni, i cili shënoi dy herë, nga një gol në secilën pjesë. Lilaj në anën tjetër e nisi këtë sfidë nga stoli.

Pas 8 javësh,  Nefçi Baku pëson humbjen e parë për këtë sezon, ndërsa skuadra e dy ish-lojtarëve që kanë luajtur në Superiore shkon në kuotën e 8 pikëve. Një fitore që shërben shumë për anën morale, aq më tepër që vjen përballë kryesuesve të kampionatit.

Prishen planet e trajnerit Kristian Panuçi, i cili i kishte në planet e tij si mbrojtësin ashtu dhe mesfushorin. Skuadra vijon përgatitjet për ndeshjen e radhës me Izraelin, e programuar për t’u zhvilluar këtë të diel në orën 20:45.

“Për shkak të probleme fizike dhe konkretisht tërheqjeve muskulore të pësuara gjatë ndeshjes miqësore ndaj Jordanisë futbollistët e ekipit kombëtar, Frederik Veseli dhe Ylber Ramadani janë larguar nga grumbullimi i ekipit kombëtar për të vijuar me fazën riaftësuese. Trajneri i skuadrës përfaqësuese Kristian Panuçi, ndërkohë ka kryer menjëherë zëvendësimet e duhura”.

“Kështu brenda ditës së sotme skuadrës do ti bashkohen mbrojtësi Ivan Balliu dhe mesfushori Sabien Lilaj, të cilët do të jenë në dispozicion të skuadrës kombëtare, në vigjilje të ndeshjes zyrtare të datës 14 tetor ora 20:45 në Izrael. Shqipëria sipas programit, sot ka zhvilluar seancën e parë stërvitore, teksa do të ketë edhe një të dytë pasdite, por me dyer të mbyllura”.

Në takimin e sotëm, si Lilaj dhe Xhejms kanë qenë titullarë, por pa mundur që të lënë gjurmë në këtë sfidë. Ecuria e Gabalës është mjaft negative, pasi nuk arrin të marrë fitore në të pestën ndeshje radhazi dhe me vetëm 5 pikë rrezikon kjo pak.

Lilaj nuk u preferua nga trajneri Kristian Panuçi për dy ndeshjet e ardhshme me Jordaninë dhe Izraelin.

Mbrojtësi e ka nisur ndeshjen titullar, ashtu si dhe Lilaj e Xhejms, por në fund kampionët në fuqi kanë regjistruar një fitore 4-1. Skuadra e mesfushorit dhe sulmuesit ndodhen në një pozitë mjaft negative, pasi kanë vetëm 4 pikë pas katër javësh.

Karabaku në anën tjetër ndodhet 3 pikë pas vendit të parë, por me një ndeshje më pak se Nefcci kryesues. Skuadra e mbrojtësit kuqezi është një nga favoritët kryesor për të dalë kampion edhe këtë edicion.

I ka sjellë fat Connah’s Quay Bakajt, sepse brenda javës është ndeshur dy herë dhe ka shënuar 2 gola me këtë rival, si dhe shënoi në fushën e Dinamo Brestit, golin e parë sezonal në kampionat.

Ndërkaq, Sabien Lilaj ka dalë kokulur nga Europa League, sepse Gabala u eliminua nga Niderkorn i Luksemburgut, edhe pse fitoi 1-0 sot. Skuadra azere ishte mundur 2-0 në shtëpi, me Lilajn dhe Adenijin titullarë në të dy ndeshjet. Start i keq në Azerbajxhan, ndoshta në kampionat gjërat do ecin më mirë.

Ndërkaq, Grezda nuk ishte në fitoren Osijekut 2-1 ndaj Petrokubit moldav, pasi sulmuesi ynë mbetet i dëmtuar. Nga ana tjetër, sulmuesi Rubin Hebaj ishte në stol për Domzhalen, që ka kaluar në turin e ardhshëm pas 2 barazimesh ndaj Shiroki Brijegut.

MICI – Mbrojtës i majtë, 27 vjeç, eksperiencë pa fund në Superiore, tashmë edhe kampion Shqipërie, trofeu që i mungonte. Para pak muajsh vetë Mici deklaronte se nuk largohej nga Skënderbeu pa fituar titullin, objektiv që e ka përmbushur, ndërsa tashmë është gati për një hap përpara, duke u transferuar jashtë vendit. Mosha është perfekte, momenti është i duhuri, por natyrisht largimi nga Skënderbeu nuk do të bëhet me sherr. Së pari duhet pritur çfarë do të ndodhë me klubin korçar, sepse nëse Skënderbeu do të marrë pjesë në kualifikueset e Champions League këtë verë, Mici do të jetë një ndër lojtarët që do të kontaktohet për rinovim, duke qenë se kontrata i ka përfunduar. Këtu shpreson të futet në lojë Shkëndija, që natyrisht financiarisht nuk është inferiore ndaj Skënderbeut dhe ka ambicie po aq të mëdha sa kampionët e Shqipërisë. Mbrojtja dhe mesfusha janë repartet ku Shkëndija do të punojë më shumë këtë verë dhe një emër si Mici do të ishte një goditje e rëndësishme.

LILAJ – Nëse Mici nuk është shpërblyer ende me grumbullim në kombëtare për sezonet e tij të mira, Lilaj është rasti i kundërt, sepse ka vite që është pjesë e kuqezinjve, edhe pse asnjëherë titullar fiks. Mesfushori 29-vjeçar është pjesë e kombëtares në këtë moment, por natyrisht që mendon edhe për të ardhmen dhe pas 6 titujsh kampionë në Shqipëri, është gati të provojë sërish aventurën jashtë Shqipërie. Mosha e tij nuk e lejon që të synojë kampionate shumë cilësore, por ka shumë klube që mund t’i ofrojnë shifra të jashtëzakonshme, nga Shkëndija deri në klube kazake e ruse. Për afërsinë me Shqipërinë, Shkëndija do të ishte e preferuara dhe Lilaj natyrisht nuk do ta refuzonte një ofertë serioze nga Tetova, por ashtu si Mici, edhe Sabieni pret me qetësi fatin e Skënderbeut. Me Europë, zor se Lilaj do të lejohet të largohet dhe Takaj do t’i bënte një tjetër ofertë të parezistueshme. Gjithsesi, gjithçka është ende pezull dhe kjo është arsyeja pse Shkëndija nuk ka dalë hapur, duke pasur vetëm interesim dhe ngacmim në distancë, në pritje të së ardhmes së Skënderbeut.

Të veçanta nga ndeshja

– Më shumë se 2 mijë tifozë e kanë ndjekur takimin e djeshëm. Kjo pjesëmarrje e ulët lidhet me faktin se ndeshja konsiderohej e lehtë nga emri i kundërshtarit. Pak tifozë nga Laçi ishin vendosur në tribunën qendrore.

–  Në krah të presidentit Ardjan Takaj ka qëndruar dje presidenti i skuadrës kosovare të Trepçe 89’. Marrëdhëniet mes dy klubeve janë shumë të mira dhe shpesh edhe Takaj shkon në Kosovë.

– Mungonte presidenti i Laçit, Pashk Laska, i cili është zëvendësuar nga djali i tij.

– Ali Soue ka dalë me vonesë në fushë para nisjes së ndeshjes. Të gjithë lojtarët ishin rreshtuar dhe sulmuesi ka vrapuar për t’u futur në fushë.

– Tefik Osmani luajti 45 minutat e para në këtë kampionat. Ai mungonte në 4 javët e para për shkak dëmtimi, ndërkohë që dje u rikthye titullar edhe Radas po pas një dëmtimi.

– Me Laçin luante Ademir Souza, ish-i i Skënderbeut, madje në pjesën e parë ai shkaktoi autogol.

– Tri herë radhazi ka protestuar gjatë pjesës së parë Kristi Vangjeli ndaj njërit prej anësorëve për vendime të dyshimta. I njëjti gjyqtar ka dhënë vendime të dyshimta edhe në pjesën e dytë.

– Osmani u ndërrua me Jashanicën në pjesën e dytë, por kosovari u vonua pak. Gjyqtari Shahini vendosi ta fillonte lojën, por nuk është lejuar nga korçarët, të cilët i treguan se pa dalë në fushë Jashanica nuk duhej të fillonte loja.

– Dy gola erdhën nga stoli. Lushkja u hodh në fushë në pjesën e dytë, ashtu si dhe Jashanica. Të dy shënuan.

– Në minutën e 81-të pati protesta të mëdha nga tifozët për vendimet e gjyqtarit Shahini. Ky i fundit ndali lojën dhe i kërkoi Shehit të qetësojë tifozët.

– Tifozët i kërkonin trajnerit Daja të ndërronte Xhejmsin dhe në nerva e sipër ai u ktheu përgjigje se nuk do ta bënte këtë gjë.

“Luajtëm një ndeshje të shkëlqyer, pavarësisht nga lodhja, sepse kemi luajtur 3 ndeshje në javën e fundit. Kualifikimi për në grupet e Europa League na ka dhënë një shtysë më shumë në krahasim me ekipet e tjerë, sepse kemi luajtur gjithë verën dhe kemi ritëm tjetër në krahasim me rivalët”, deklaroi Lilaj pas ndeshjes në mikrofonin e Supersportit.

Shënuesi më i mirë i kampionatit së bashku me Bushiç, a është një objektiv Këpuca e Artë? “Jo, nuk bëhet fjalë për synime të tillë, unë nuk shënoj aq shumë, por sa herë më jepet rasti të shënoj, është një kënaqësi”.

“Kombëtarja? Nuk dua të diskutoj dhe paragjykoj vendimet e Panuçit, apo edhe të Dajës nëse do të bëhej fjalë për vendimet e tij. Unë duhet vetëm të bëj punën time dhe të respektoj vendimet e trajnerëve”.