REAGIMI I ANDI LILËS

I nderuar z. Brace. Lexova me vëmendje reagimin tuaj në të cilin herë flisni si tifoz futbolli dhe herë nga pozita e një zyrtari shteti fatkeqësisht jashtë realiteti. Pa dashur të hyjë në replika pa vlerë jo vetëm me ju zoti Brace por me asnjë dashamires futbolli, por në cilësinë e Kryetarit të Sindikatës se Futbollistëve Profesionistë Shqiptare shpreh keqardhje për paragjykimin që i behet organizimit të sportit në ketë vend. Politika në Shqiperi dhe në veçanti Maxhoranca qeverisëse që tashmë është absolute në çdo nivel qeverisës e ka pasur të gjithë mundësinë qe të përmirësonte statusin e futbollistëve në vend nëpërmjet një ligji qe do të sillte zhvillim në ketë sport në tërësi e për rrjedhoje do e bënte edhe më atraktiv financiarisht dhe jo vetëm, por deri më sot nuk ka bere asgjë të tillë. Z.zv.kryeministër: A nuk ka qenë detyrë e administratës tatimore qe të kontrolloj klubet e futbollit jo vetëm për bilancet mizerabel por edhe për pagimin e kontributeve shoqërore e shëndetësore për futbollistët. Përse z.Braçe, politika kujtohet për futbollin vetëm kur shkojmë në Europian apo fushata elektorale ku premtimet asnjëherë nuk mbahen. A e dini se të humburit e përhershëm nga mungesa e vullnetit politik janë FUTBOLLISTËT. Është pikërisht mungesa e vullnetit politik qe te futbolli profesionist të ketë përmirësime thelbësore që na bëri ne si futbollistë që të angazhoheshim në themelimin e Sindikatës tonë. Do jemi ne Z. Brace, në opozitë me të gjithë politikanët, zëri i munguar i futbollistëve, që të gjithë ato të drejta të munguara të mos nëpërkëmben më apo të përdoren si “lëndë e parë” për statuse rrjetesh sociale. Këto të drejta të nëpërkëmbura do të bëhen patjetër realitet nëpërmjet trysnisë që ne vetë do ushtrojmë ndaj jush si klasë politike si dhe kujtdo tjetër që deri dje i ka shkelur si pa të keq. Premtimet se në “shtator” do behet ndryshimi nuk mund të jenë lajme vere. Së pari duhet të caktoni vitin se ndoshta kalon si “100 ditëshi” dhe së dyti këto draftligje duhet të jenë drafte ligjore të mirëmenduara dhe të debatuara me në futbollistët pasi përfaqësojmë grupin e interesit.

POSTIM I ERION BRAÇES

https://www.instagram.com/p/B0kxuHpHGpM/?utm_source=ig_web_copy_link

Presidenti Refik Halili e ka ndarë mendjen të ndërtojë një ekip pretendent për titulli kampion. Një trofe në kampin bardheblu pritet me padurim dhe do ishte edhe një mundësi për t’u pajtuar me tifozët. Ata nuk kanë tradhtuar, pasi në numër shpesh kanë qenë të shumtë. Gjithsesi, raporti mbetet i ngrirë.

DHURATA E KATËRT – Andi Lila do të jetë afrimi i radhës te Tirana. Lojtari polivalent e ka në zemër këtë klub dhe e ka thënë shpesh se do të donte shpesh ta mbyllte karrierën si bardheblu. Pas Janina ka rënë nga Superliga greke dhe kavajasi është gati për rikthimin e madh.

Tirana i ka bërë ftesë Lilës dhe ish-mesfushori i kombëtares po e mendon seriozisht kthimin në Superiore. Jo vetëm kaq, por brenda kësaj jave mund të vijë edhe firma mbi kontratë. Padyshim për trajnerin Ardian Mema kjo do ishte një dhuratë shumë e vlefshme dhe Tirana nuk do ishte pretendente vetëm në letër.

I pari ishte futbollisti i kombëtares, Andi Lila, i cili ka ardhur për të ndjekur me interes skuadrën e Tiranës, për të cilën ka shprehur gjithmonë simpati. Përveç mbrojtësit kuqezi, në stadium ishte dhe mesfushori i Kukësit, Irakli Dzaria.

Ky i fundit nuk ka qenë në gjendjen e tij më të mirë shëndetësore dhe ka vetëm pak ditë që ka dalë nga spitali. Megjithatë, kjo gjë nuk e ka ndaluar që të ndjekë skuadrën e Kukësit në kryeqytet.

“Faleminderit zot që gjithçka shkoj mire! Shpresoj te rikthehem sa me shpejt dhe me i forte”, shkroi Lila në Instagramin e tij. Nuk dihet ende kur mund të rikthehet në fushat e lojës dhe sa gjatë do të jetë faza e rikuperimit, por operimi me sukses është lajmi i parë i mirë për mbrojtësin kuqezi.

 

View this post on Instagram

 

Thanks God everything went successfully good ?? I hope to come back stronger ?? Faleminderit zot që gjithçka shkoj mire! Shpresoj te rikthehem sa me shpejt dhe me i forte. ??

A post shared by Andi Lila (@andilila) on Apr 9, 2019 at 10:24am PDT

Lojtari i përfaqësueses sonë foli për “Supersport” në lidhje me dëmtimin dhe ndeshjen e ardhshme të kuqezinjve ndaj Turqisë.

“Normalisht që jam shumë i mërzitur. Është hera e parë që më dëmtim më largon nga grumbullimi i kombëtares. Bëra një rezonancë që zbuloi një dëmtim në menisk. Do të filloj nga nesër terapitë dhe më pas doktori i skuadrës sime do të vendosë kohën se kur do të rikthehem”.

“Në sezonet e fundit gjithmonë kemi pasur sukses në ndeshjet e parë. Si për shembull ndaj Portugalisë në “Euro 2016” dhe ndaj Izraelit në “Nations League”. Shpresoj që kjo traditë të vazhdojë. Ekipi ka cilësi dhe shpresojmë që të gëzojmë të gjithë shqiptarët”, përfundoi Lila.

NDESHJA – “Lojtari i ndeshjes nuk mund të jem, erdha në pjesë të dytë (qesh). Mua nuk më ndodh shpesh kjo. Pashë ndeshje të mirë, edhe terreni nuk i favorizon. Të dyja skuadrat kanë trajnerë të mirë. Daja, por edhe Juli që e kam pasur shok skuadre. Jam i kënaqur që brezi i ri i trajnerëve po futen në futbollin shqiptar dhe kjo më pëlqen.

SUPERIORJA – “Kampionati është në nivele shumë të mira. Nuk ka shumë polemika për gjyqtarët dhe kjo më pëlqen. E ndjek shumë Tiranën dhe u ndjeva mirë që e fitoi., Kukësi ka ekip të mirë, Partizani pretendon titullin. Nuk do e ketë të lehtë, pasi ka shumë rivalitet. Sa më i fortë kampionati, aq më e mirë fundjavë në Shqipëri në aspektin e motivit që kanë tifozët për të shkuar në stadium. Vij shpesh këtu, më pëlqen Gjirokastra dhe Luftëtari, këtu vijnë edhe femra shumë, pasi nuk ka shumë kore ofenduese. Kampionati ka nivel dhe shpresoj të shoh ndeshja sa më të bukura. Do e them edhe këtë, uroj që Tirana të fitojë derbin me Partizanin”

E ARDHMJA – “Pasnesër mbush 33 vjeç, e kam ende atë zjarrin brenda vetes. Kur të fiket, atëherë nuk do luaj më. Kam që 10 vjeç që merrem me futboll dhe normalisht nuk e shoh veten jashtë futbollit. Do jem trajner i jashtëm i një prej ekipeve të Pas Janinës. Nuk lejohet të jem trajner i parë atje”.

DAJA – “Të flasim për Dajën nuk ka nevojë, flasin faktet. Është takticien shumë i mirë. E pyetja për të ardhmen, çfarë duhet të lexoj këtë periudhë që jam  më i lirë. Nga çdo trajner marrim mësime. Shpresoj që nga emri i mirë dhe nga pozitivitet që kam pasur, trajnerët disa gjëra edhe të mi tregojnë”.

TË MIRAT E SUPERIORES – “Mendoj se e mira e këtij sezoni janë trajnerët e rinj në shumë skuadra. Kjo është më e mira. Daja i sheh ndeshjet nga brenda. Kam biseduar me trajnerët e rinj, pasi kam luajtur me ta. Shpresoj që mentaliteti të ndryshojë dhe të mos i largojnë. Nuk i ndryshojnë dot gjërat me magji dhe nuk duhet t;i ndërhyrjen. Humbjet duhet t’i bëjnë me idetë e tyre. Nëse bëhem trajner nuk do pranoja ndërhyrje. Do vendosja vetë. Trajnerët e rinj do e ndryshojnë mentalitetin e kampionatit dhe do të sjellin më shumë tifozë. Në Shqipëri ka futbollistë, duhet punuar me akademitë”,- përfundoi Lila.

Në këtë takim, Durmishaj u vu përballë mesfushorit të kombëtares shqiptare Andi Lila. Të dy “legjionarët” tanë luajtën gjatë të gjithë ndeshjes. Skuadrat do të ndeshen sërish në 22 janar për të përcaktuar se kush prej tyre do të marrë biletën për në çerekfinalet e Kupës.

Ai është Nikolas Pepe, sulmuesi nga Bregu i Fildishtë i Lilës. 23-vjeçari është një nga zbulimet më të bukura të këtij sezoni në Francë, ndërsa ka shënuar 12 gola në kampionat deri më tani. Afrikani kryeson renditjen e golashënuesve, bashkë me Kilian Mbape dhe argjentinasin Sala të Nantës.

Arsenali ka gati 50 milionë euro për të bindur Lilën, që ka zhvilluar një kampionat fantastik dhe renditet e dyta në kampionat për momentin. Pepe ka dhe oferta të tjera nga Anglia, por Arsenali ndodhet në avantazh dhe dëshiron ta mbyllë sa më shpejt blerjen e zbulimit të këtij sezoni.

Janina e Andi Lilës ka marrë një fitore shumë të rëndësishme në garën për mbijetesë. Skuadra ku luan kavajasi mundi me rezultatin 2 – 0 “mysafirët” e Lavadiakos, duke marrë kështu tre pikë që e largojnë Janinën përkohësisht nga zona e ftohtë.

Aris i Migjen Bashës dhe Mërgim Mavrajt fitoi në mënyrë dramatike në transfertën e ishullit të Kretës, ku mundën OFI-in me përmbysje falë dy golave të tunizianit Junes në limitet e kohës shtesë.

“Fitore shumë domethënëse, treguam që jemi aty. Nuk luajtëm bukur, por ne jemi Shqipëria, duhet të luajmë fortë për të mos pësuar gol dhe të presim momentin për të goditur. Ishte një fitore morale, sepse gjendja ishte shumë e rënduar në ditët e fundit, duke nisur nga ne veteranët, imagjino të rinjtë. Kishim probleme psikologjike, treguam forcë karakteri. Ishte miqësore, por Uellsi nuk kishte ardhur për miqësore. Lojtarët e tyre luajnë të gjithë në Premier Ligë dhe luajtën shumë mirë, por ne luajtëm një ndeshje të mirë, serioze. Nëse ne luajmë pa eufori, si Shqipëria, mund të triumfojmë ndaj çdo kundërshtari.

“Është moment shumë i vështirë, vijmë nga një humbje e thellë në shtëpi, që nuk na ndodhte prej shumë vitesh. Kemi qenë të tronditur, është ndër momentet më të vështira në gjithë karrierën time me kombëtare. Kam debutuar në një 6-1 në Rumani, kam pasur plot momente të vështira e të bukura, ndaj e keqja dhe e mira nuk kanë fund. Na vjen keq për humbjet e fundit, na duhej kjo fitore edhe për anën psikologjike.

“Trajneri? Unë jam ndër më të vjetrit në skuadër dhe në ndeshjen me Skocinë dola në krah të Mavrajt sepse ekipi duhet mbrojtur edhe në ditë të këqija. Mavraj tha se do luajmë edhe për trajnerin, por ne luajmë së pari për Shqipërinë, edhe trajneri është pjesë e Shqipërisë. Jemi profesionistë dhe mundohemi të bëjmë më të mirën e mundshme.

“Formacioni, mos do duhej ky formacion ose kjo taktikë edhe ndaj Skocisë? Tani pas ndeshjeve është e lehtë të flasim, por duke parë që luajtëm në mënyrë spektakolare në Izrael, si asnjëherë jashtë fushe, me zotërim topi mbi 65%, me raste dhe me dy episode që nuk na ecën në favor. Kundër Skocisë ndeshja mbaroi pas 20 minutash. Ne jemi Shqipëria, në Europian shkuam me 4 gola dhe pa pësuar gola, me 0 nga pas. Është e qartë që në situata të tilla duhet të bëjmë Shqipërinë, por pas ndeshjes japim të gjithë mend, është e kotë të flasim Ndoshta kjo ishte ndeshja e kthesës, të shohim përpara”.

Agolli dihet se nuk është më në listën e Panuçit, kapiteni u mor në dy ndeshjet e muajit të shkuar, doli në konferencë, por nuk luajti asnjë minutë. Diçka e tillë ka ndodhur dhe me Lilën, i po ashtu u shfaq përkrah Panuçit në konferencë si kapiten, por nuk është se është se ka qenë ndër preferencat e trajnerit. Berisha ishte lojtari që pasoi shiritin pas Agollit, por dhe ai e humbi vendin e titullarit.

Rregulli i Panuçit ishte që shiritin ta mbante lojtari me më shumë prezenca në fushë, Roshi ishte lideri ndaj Norvegjisë, por më pas u dëmtua dhe për disa kohë duhet të qëndrojë jashtë fushës. Edhe Hykës i erdhi rasti për të qenë kapiten. Por, pas ndeshjes me Izraelin në shtëpi nuk u grumbullua më. Hysaj mund të thuhet se ka shpëtuar disi, i cili e ka mbajtur shiritin ndaj Skocisë,.Edhe shkodrani ka qenë jo pak i akuzuar për paraqitjet e tij jo në lartësinë që pritet.

Në fund Mavraj, i cili duket se tani është krisur dhe me Panuçin. Mbrojtësi i cili luan në Greqi u tradhtua nga nervat dhe la skuadrën me 10 lojtarë pas 23 minutash. Shiriti është bërë si makth! Na mungo një lider në fushë, na mungon një si… Lorik Cana!

Lila ishte i ftuar dhe për dy ndeshjet me Jordaninë dhe Izraelin, por siç mëson lojtari është larguar nga Kombëtarja, pasi ka një arsye madhore. 32-vjeçari është bërë për të dytën herë baba dhe ka kërkuar leje nga trajneri Kristian Panuçi, me këtë të fundit që e ka mirëkuptuar.

Mbrojtësi është bekuar me një vajzë dhe ka udhëtuar drejt bashkëshortes së tij, për të qenë me të në një moment kaq të lumtur për ta. Vetë Lila ka postuar pak minuta më parë një foto ku nodhdet me familjen e tij, tashmë me katër anëtar.

“Kapiteni? – Të hapim kutitë (qesh). Hysaj është i dyti dhe Basha i treti”.

Goli – “Më mungon goli në kombëtare. Ishte ndeshja e 69 dhe nëse do të shënoja sot do të ishte diçka e jashtëzakonshme. Jam krenar që kam luajtur kaq shumë me Kombëtaren. E kam shijuar çdo minutë. Objektivi im është të thyej numrin e prezencave të Klod Duros”.

Nga Rusia në Belgjikë. Sindrit Guri e ndoqi nga stoli fitoren e skuadrës së tij Ostendes ndaj Eupen. Trajneri nuk i dha asnjë minutë lojtarit kuqezi në këtë ndeshje. Edhe Bakaj në Bjellorusi nuk ka mundur që të lërë gjurmë në humbjen që skuadra e tij Shaktjor Soligorskit pësoi në transfertë me Islosh Minsk.

Në Greqi, Andi Lila ka fituar derbin me Migjen Bashën. Kavajasi ishte në fushë për 90 minuta, ndërsa Basha u zëvendësua në të 80-ën. Aris u mund nga Janina nga një autogol, por në pjesën e parë nuk miqtë humbën një 11-metërsh. Mërgim Mavraj nuk ishte i gatshëm as për këtë sfidë.

Tani Lila ka nisur sezonin e tretë te Kastrioti dhe më në fund e shijon Superioren ashtu si duhet, i ulur në “tryezë” si i barabartë, pa halle pagash e probleme të tjera. Si kapiten tashmë, 28-vjeçari udhëhoqi Kastriotin drejt fitores së bukur në Gjirokastër, sukses i cili nuk ishte një befasi duke parë si shkoi ndeshja dhe Lila garanton se do të pasohet nga fitore të tjera, me kusht që të luhet futboll në fushë, pa asnjë faktor të jashtëm, duke parë që edhe javën e shkuar iu mohua një penallti e qartë. Para sfidës kundër Skënderbeut, Lila flet për “Sport Ekspres” dhe synimet e skuadrës së tij për ndeshjen e së dielës, por edhe për sezonin në tërësi…

– Vilson, e mendonit realisht fitoren në Gjirokastër, duke pasur parasysh cilësinë dhe eksperiencën e kundërshtarit?

– E prisnim dhe e kishim menduar shumë të vështirë ndeshjen në Gjirokastër, por kishim shumë besim si ekip se mund të merrnim rezultat pozitiv. Ishim përgatitur gjatë gjithë kohës në mënyrë shumë intensive dhe gjatë gjithë fazës përgatitore i kishim shumë kushtuar shumë rëndësi ndeshjes së parë. Edhe Luftëtari besoj se me kalimin e minutave na e thjeshtësoi disi punën, me nervozizmin që e përfshiu, ndërsa ne fituam besim nga minuta në minutë dhe morëm një fitore të merituar.

– Sa ju tremb emri i Skënderbeut në ndeshjen e radhës, rival që duket ende shumë i fortë, edhe pse janë larguar shumë emra të njohur?

– Është kundërshtar shumë i fortë, kampion në fuqi, por nuk do ta mblivlerësojmë. Kemi besim të madh te forcat tona, vijmë nga një ndeshje shumë e mirë dhe psikologjikisht jemi shumë lart.

– Ju kënaq një pikë kundër Skënderbeut?

– Ne do të futemi në fushë për fitore, por pa kaluar në aventurë, ndaj edhe barazimi do të ishte një rezultat i kënaqshëm për ne.

– Projekti i Kastriotit, me një miks lojtarësh me eksperiencë dhe me emra shumë të rinj, mendoni se mund të ketë sukses në Superiore, sidomos pas këtij fillimi shpresëdhënës?

– Mendoj se është bërë një punë shumë e mirë, janë zgjedhur lojtarët më me eksperiencë nga sezoni i shkuar dhe javën e parë ishin 7 lojtarë nga sezoni i shkuar. Kanë ardhur lojtarë të rinj, duke përfshira disa lojtarë me moshë shumë të re, të cilët besoj se do të ambientohen shumë mirë dhe do të gërshetojmë eksperiencën me rininë. Vazhdimësia e kampionatit do ta tregojë sa mirë kemi punuar për këtë sezon.

– Sa do ndikojë fakti që nuk do luani në Krujë për ndeshjet shtëpiake dhe a prisni shumë tifozë në Fushë-Krujë?

– Fushë-Kruja është si shtëpia jonë e dytë, jemi pranë, dy qytete nga një bashki, ndaj besoj se do të kemi tifozë nga të dy qytetet. Shpresoj në një mbështetje sa më të madhe, të gjithë janë kuriozë për ekipin e ri dhe besoj se do të jetë një stadium i mbushur, shpresoj t’i gëzojmë tifozët nesër.

– Herën e fundit që keni luajtur në Superiore, ishte një sezon i zi me Tërbunin. A besoni se Kastrioti i ka mundësitë të zhvillojë një sezon serioz, në fushë e në aspektin financiar? 

– Sezoni te Tërbuni ishte shumë i vështirë, duke ditur problemet e presidencës. Ekipi mbeti vetëm, lojtarët nuk paguheshin dhe prisnin të largoheshin, ndërsa tani te Kastrioti është gjithçka ndryshe. Klubi është serioz, jemi të konsoliduar në çdo drejtim dhe projekti është serioz, ndaj besoj se do t’ia dalim mbanë me sukses të arrijmë synimin madhor, që është qëndrimi në Superiore.

– Shpesh ekipet e sapongjitura ankohen dhe javën e shkuar nuk morët një penallti neto në Gjirokastër. A keni frikë nga gjykimet dhe prapaskenat e futbollit shqiptar?

– E vërtetë, kjo është shumë e rëndësishme dhe bëjmë thirrje që Federata dhe arbitrat ta shohin Kastriotin njësoj si ekipet e tjera. Nuk duam të nëpërkëmbemi dhe duam thjesht drejtësi dhe pastaj verdikti të jetë i merituari. Besoj se në fund të sezonit, nëse do të kemi edhe gjykime korrekte, do të qëndrojmë në Superiore.

Mesfushori, i cili prej vitit 2016 është kthyer te PAS Janina në futbollin grek, kohët e fundit ka nisur studimet për trajner.

Futbollisti i kombëtares sonë, një ndër lojtarët më të aktivizuar me fanellën kuqezi, është në Tiranë, duke marrë licencën UEFA B, për të nisur karrierën e trajnerit kur ta mbyllë me futbollin e luajtur.

Nuk është i vetmi, sepse para tij shumë lojtarë të kombëtares kanë marrë një licencë të tillë, ndërkohë që Lila është mjaft i lidhur me Shqipërinë dhe në planet e tij është kthimi në atdhe, duke shpresuar të punojë në Superiore, ashtu si Bledi Shkëmbi e lojtarë të tjerë të njohur.

SPANJA – “Është fat i madh për ne që na ka qëlluar të luajmë ndaj ekipeve të tilla. Në ndeshjen e parë bëmë mirë deri në shënimin e golit. Spanja ka lojtarë që bëjnë diferencë në çdo moment. Do bëjmë lojën tonë, sepse çdo minutë në Kombëtare nuk përsëritet dhe të luash ndaj Spanjës dhe Italisë është fat dhe duhet të bëjmë gjera pozitive. Faktikisht ne duhet të japim jo vetëm me Spanjën më 200%, siç kemi bërë në ndeshjet e tjera. Spanja është ndër më të fortat. Duhen gjithë komponentët bashkë për të marrë një rezultat të mirë. Do bëjmë gjithçka për të dalë me kokën lart. Edhe Spanja vlen tre pikë, është një ndeshje e grupit. Edhe lojtarët vete e presin me dëshirë, pasi është ndeshje e madhe. Trajneri po e përgatitet i qetë dhe të gjithë po presim ditën e premte.”

KUALIFIKIMI – “Të gjithë kemi një qëllim, të ecim përpara. Si me De Biazin, ashtu edhe me Panuçin ndihemi mirë, Kemi një ritëm të mirë. Nuk përfaqësohemi në mënyrë individuale, por përfaqësojmë një komb. Normalisht duke parë që edhe skuadrat në grup, apo ndeshjen me izraelin që ishte e çuditshme. Për të gjithë ne këto ditë nuk vijnë me. Duhet të vijmë në Kombëtare me këtë mentalitet, që të vijmë të bëjmë gjurmë. Do kisha dëshira të ishim pjesë e Botërorit. Europiani ishte gjëja më e mirë në karrierë. Do shohim përpara”.

ITALIA – “Unë them që në Shkodër mund të marrim tre pikë, por ne do futemi në fushë për të dhënë maksimumin. Kushdo që do luajë do japë më të mirën. Do jenë të vështira, por nuk do jemi inferiorë. Jam optimist dhe mendoj se ndaj Italisë mund të fitojmë”.

TIFOZËT – “Kemi tifozët më të mirë, e treguam edhe në Europian. Për tifozët mundohem të jap edhe më shumë në fushë. Ata na kanë mbështetur gjithmonë, në momente të mira, apo në momente jo të mira. Shpresojmë të vazhdojnë të jenë lojtari i 12-të”

Para disa ditësh Lila rrëfente: “Është pak e veçantë për mua, se sapo kthehem nga Janina. Unë përveç marrëdhënieve sportive, ndërtoj edhe marrëdhënie sentimentale me njerëzit. Me ofruan një kontratë tre-vjeçare dhe të gjithë filluan të përloteshin kur thashë jo, edhe presidenti apo edhe unë e familja ime, se ndahemi pas 5 vite e gjysmë atje, nuk ishte e lehtë. Dëshiroja një eksperiencë tjetër,  mendoj të provoj veten diku tjetër, shpresoj të bëj zgjedhjen e duhur. Unë fillimisht shoh anën sportive, pastaj atë financiare, tani shpresoj që të bëj më të mirën. Stërvitem si fëmijë, jam 31 vjeç dhe futbolli është jeta ime, kam investuar për të që fëmijë”.

Me sa duket, bisedimet e Lilës me disa klube nuk kanë shkuar sipas planeve, por pati edhe faktorë të tjerë që ndikuan në ndryshimin e planeve, sepse ka ndikuar shumë edhe vazhdimi te Janina i trajnerit Janis Petrakis.

Tani futbollisti i kombëtares shqiptare ka firmosur një kontratë 3-vjeçare, duke befasuar të gjithë, ndërsa pas firmës deklaroi shkurt: “Falënderoj presidentin dhe familjen e tij, drejtorin sportiv dhe trajnerin. I premtoj Janinës se do jap gjithmonë më të mirën time”.

Për Supersportin, futbollisti i kombëtares tregon ndarjen me Janinën, por edhe planet e së ardhmes: “Është pak e veçantë për mua, se sapo kthehem nga Janina. Unë përveç marrëdhënieve sportive, ndërtoj edhe marrëdhënie sentimentale me njerëzit. Me ofruan një kontratë tre-vjeçare dhe të gjithë filluan të përloteshin kur thashë jo, edhe presidenti apo edhe unë e familja ime, se ndahemi pas 5 vite e gjysmë atje, nuk ishte e lehtë.

“Dëshiroja një eksperiencë tjetër,  mendoj të provoj veten diku tjetër, shpresoj të bëj zgjedhjen e duhur. Unë fillimisht shoh anën sportive, pastaj atë financiare, tani shpresoj që të bëj më të mirën. Stërvitem si fëmijë, jam 31 vjeç dhe futbolli është jeta ime, kam investuar për të që fëmijë”.

Futbollisti i kombëtares sonë nuk iu përmbajt protokollit, duke mos lexuar, siç tha ai, fjalimin që i kishin përgatitur.

“Për të treguar për trajnerin duhet një natë dimri, por dua të tregoj vetëm dy gjëra personale.

E para, vjet në Francë në ndeshjen ndaj Zvicrës trajneri nuk më futi fare. Në ndeshjen e dytë përpara stërvitjeje, dy ditë para, trajneri bëri formacionin dhe ndau jelekët. Aty e kuptova që do isha në formacion dhe për herë të parë në jetën time doja të puthja një burrë.

E dyta, para ndeshjes me Izraelin, ose pas Luksemburgut, situata ishte shumë e vështirë, trajneri nuk qeshte fare, dhe po mendoja të bëja diçka për ta ç’tensionuar gjendjen. Në një nga mbledhjet trajneri na jep një fletë dhe na tha të bënim formacionin dhe taktikën.

Thashë me vetë: ‘Tani më erdhi në dorë, ose të bëj diçka mirë, ose trajneri të më thotë merr çantën edhe ik.’ Pasi bëra formacionin, veten time e vura në kllapa, në kuptimin që po të donte të më fuste e po të donte jo, dhe poshtë shkruajta emër mbiemër dhe futa firmën time. Në stërvitja trajnerin e pashë që po qeshte dhe tha: ‘Dy gjëra më pëlqyen: Një lojtar e bëri formacionin me 12 vetë dhe unë që firmosa poshtë.’ Situata sikur u rregullua disi.

Mister, ti po ikën por do jesh gjithnjë në zemrën e gjithë shqiptarëve dhe timen personalisht.”

Mesfushori i kombëtares nuk e fsheh dëshpërimin e tij për largimin e italianit nga stoli i Shqipërisë.

“Mister,nuk më vjen turp të them që më vjen për të qarë, nuk i kam pëlqyer asnjëherë ndarjet! Të falënderoj shumë për gjithçka ke bërë për mua,më ke ndihmuar të rritem si njeri dhe si lojtar!

Realizuat ëndrrën më të madhe të fëmijërisë sime, të luaja në Europian dhe të nderoja vendin tim.

Do jesh gjithmonë ne zemrën time.

Me shumë dashuri. Andi Lila!”.

Mister,nuk më vjen turp të them qe me vjen per te qare,nuk i kam pelqyer asnjehere ndarjet! Te falenderoj shume per gjithcka ke bere per mua,me ke ndihmuar te rritem si njeri dhe si lojtar ! Realizuat endrren me te madhe te femijerise time,te luaja ne Europian dhe te nderoja vendin tim. Do jesh gjithmone ne zemren time. Me shum dashuri Andi Lila! ?

A post shared by Andi Lila ?? (@andilila) on Jun 14, 2017 at 3:15am PDT

Mesfushori i kombëtares sonë mbyll kontratën me Janinën në fund të muajit dhe ka marrë oferta të shumta, aq sa u duk se e mbylli në Azerbajxhan, por tashmë e tundon një emër i madh: Panathinaikos.

Gjiganti grek po interesohet për shërbimet e futbollistit tonë, i cili përmbush parametrat ekonomikë të klubit dhe është i lirë, ndaj kanë nisur bisedimet e para, zbulon Tasos Nikolojanis, gazetar i njohur pranë Panathinaikosit.

Problemi i vetëm? Andi Lila është ekstrakomunitar dhe kjo vë paksa në siklet Panathinaikosin. Përveç kësaj, Lila kërkon edhe garanci teknike, pasi është ende në formë perfekte dhe nuk dëshiron të jetë thjesht një alternativë stoli për gjithë sezonin.