Mesfushori me shumë eksperiencë ishte ai që bëri diferencën në këtë takim, duke i dhënë fitoren Vllaznisë. Lika shihet si një lojtar i rëndësishëm për sezonin e ekipit shkodran në Superiore, pasi dhe kontrata i është rinovuar. Si Besëlidhja, ashtu dhe Vllaznia, vazhdojnë kështu përgatitjet e tyre për sezonin e ri futbollistik.

Miqësore

Besëlidhja – Vllaznia  0-1
G. Lika 20’

Pas afrimeve si Herald Marku dhe Dajan Shehi, Vllaznia ka rinovuar dhe me dy futbollistët aktualë të skuadrës, kapiteni Gilman Lika dhe mbrojtësi Renato Malota.

Të dy futbollistët kanë një eksperiencë shumë të madhe në Superiore dhe bashkëpunimi i tyre me Vllazninë është një plus për ekipin shkodran. Lajmi për rinovimin e dy futbollistëve e publikoi faqja zyrtare e Vllaznisë, që lajmëroi se në ditët e ardhshme do të ketë dhe rinovime të tjera.

Të dy mbrojtësit tashmë janë lojtarë të rinj dhe do u duhet ta vijojnë karrierën diku tjetër. Lika dhe Ajeti u bashkohen listës së legjionarëve shqiptarë të cilëve u ka mbaruar kontrata së fundmi.

Lista e legjionarëve pa ekip

Bekim Balaj

Arlind Ajeti

Bujar Lika

Naser Aliji

Ivan Balliu

Hysen Memolla

Migjen Basha

Sabien Lilaj

Enis Gavazaj

Shkëlzen Gashi

“Tirana problemet sot i ka me veten. Është një klub që duhet të reflektojë dhe ka reflektuar shumë vonë. Pse Ilion Lika që sot ishte lojtari më i mirë në fushë, ka qëndruar në stol për një periudhë të gjatë? Dihet që problemet kryesore Tirana i ka pasur në portë, me gjithë respektin për Abibin që është një portier me të ardhme, por jo stabël në lojën e tij. Pse duhet që Ilion Lika të hidhet në fushë në një moment mjaft kritik. Për mendimin tim ai i ka dhënë një pikë Tiranës sot, mund edhe të kishin humbur. Vetë Devolli e pranoi se lojtari më i mirë i Tiranës ishte portieri”.

“Pse nuk ka qenë më parë. Ai nuk luajti në 20 ndeshje dhe prapëseprapë tregoi siguri. Përse këtë eksperiencë që nuk mund të shfrytëzohej më parë dhe Tirana nuk do ishte këtu. Është një skuadër që nuk ka treguar asnjëherë stabilitet. Në Laç s’do ta kenë të lehtë, këtë sezon sa herë ka shkuar atje është mundur. Emrin e Ilionit e përmend është se është i vetmi lojtar atje që ka marrë titullin kampion, është i vetmi lojtar që mban peshën e përgjegjësisë, është një lojtar që di si të ndajë situatën dhe çfarë përgjegjësish duhet të marrë. Tani, a ka Tirana lojtarë me peshë të njëjtës cilësi si Lika është diçka që diskutuar. A ka Tirana lojtarë qe mund ta nxjerrin lojtarët në situatë kritike”.

EKIPET – “Skuadra më e fortë që kam drejtuar është Teuta në vitin 1999-2000. Kemi humbur kampionatin në javën e parafundit. Edhe Partizani 2007-2008. Kemi pasur edhe skuadra të dobëta, për arsye të ndryshme. Them kështu pasi ka momente që një president se ka situatën e mirë financiare dhe bën skuadër të qëndrojë. Këto skuadra i kemi pasur. Për emra, janë 2-3 skuadra që kam qenë”.

FUTBOLLISTËT – “Lojtari më i mirë… Kam pasur shumë. Në Shkodër futbollistët më kërkuan të bënim një lojë në fund. U thashë: “E di që keni shumë dëshirë të bëni një lojë, por nuk dua të iki të shoh disa që kanë humbur. Problematiku? Nga më të mirët dhe nga më problematikët, Bledar Mancaku. Për mirë, jo për keq”.

PRESIDENTËT – “Edmond Hasanbelliu më i miri, padyshim. Më i vështiri? Në përgjithësi nuk kam pasur vështirësi me presidentët, jam mirëkuptuar. Madje edhe me presidentin Gjici, që ju thoni se mund të jetë i vështirë. Kam kujtime shumë të mira. Ishte një periudhe që jetonte çdo moment me skuadrën, me shumë pasion e shumë përkushtim. Sigurisht kam pasur një periudhë, pavarësisht momenteve të vështira, edhe me ish-presidentin e Partizanit, Albert Xhanin. Tifozët mund të mos jenë dakord me këtë, por ka kontribuar shumë për Partizanin. Ka gabuar dhe këtë ia kanë thënë edhe miqtë më të afërt. Por kështu i erdhën punët”.

SFIDA KUNDËR DINAMOS – “Kjo është ndeshja e dytë e fazës së tretë dhe ka akoma ndeshje të tjera për të luajtur, kështu që ne përgatitemi me seriozitet ashtu si gjithmonë për ta kaluar me sukses çdo kundërshtar që kemi përballë, nuk ka rëndësi nëse luajmë brenda apo jashtë fushës sonë. Vllaznia-Dinamo gjithmonë ka qenë ndeshje e bukur, ndeshje me gola, e luftuar. Kështu që ne jemi përgatitur si duhet për këtë ndeshje, sepse për ne mbetet sërish Dinamo, pavarësisht se në çfarë pozicionesh jemi”.

NDËRPRERJA E KAMPIONATIT – “Ishim në atmosferën e ndeshjeve, megjithatë kjo ndërprerja na shërbeu në një aspekt tjetër. Ndonjë nga lojtarët që kemi pasur të dëmtuar, ka pasur më shumë kohë në dispozicion për t’u rikuperuar. Likës dhe Hajdarit u ka shërbyer pozitivisht kjo periudhë”.

PËRBALLJET – “Ne duhet të jemi të kujdesshëm dhe të mos mendojmë se do ta kemi të lehtë, sepse do kemi përballë një kundërshtar të fortë. Një kundërshtar i cili na ka vënë në vështirësi, sidomos në ndeshjen e dytë në Tiranë ku me vështirësi kemi fituar 1-0. Kemi të bëjmë me një skuadër e cila në fillimet e saj kishte problemet e organizimit, por tani është një skuadër që është forcuar, është plotësuar me futbollistë dhe ka zhvilluar një kampionat të mirë”, përfundoi trajneri i Vllaznisë.

“Dëshira ishte jo shumë e kontrolluar. I kemi thënë skuadrës që vendoset në Kamzë. Është pozitive që bëmë lojë të mirë dhe për më tepër fituam me disavantazh. U shpërblye mundi që skuadra dha në fushë”.

“Ne dhe Kamza kemi pasur probleme për stërvitjen. Këtu ka pasur borë, ata në plazh. Na ka munguar fusha të dyja ekipeve. Sa i takon rivënieve anësore nga Gurishta, është diçka që e përdorim shpesh. Ai i hedh mirë. Punojmë edhe në stërvitje për këtë pjesë. Gurishta e shfrytëzon këtë. Edhe goditjet standarde kërkojmë t’i shfrytëzojmë dhe patëm sukses. Fusha ishte e njëjtë, si për ne dhe për Kamzën. Ka të mirat dhe të këqijat. Me rëndësi është që luajmë mirë”.

“E përballon ky grup Superioren? Si çdo skuadër ka nevojë për përforcime, të jetë më e plotë dhe të ketë lojtarë gati për t;’u aktivizuar. Çdo ekip përforcohet. Ne kemi marrë Krujën dhe e aktivizuam, luajti mirë. Shpresojmë të përmirësohemi. Mendoj se jemi në rrugë të mbarë, edhe pse kemi vështirësi sërish”.

“Ne mbi të Parën? Kemi parë se këtu ka skuadra të mira, ka skuadra të forta. Ne kemi mundësi të luajmë edhe me ekipe të Superiore. Rezultati me Kamzën na jep shpresë, vendoset atje. Mos të harrojmë që kundërshtari kishte disa mungesa. Kupa nuk është objektivi ynë, por duam të shkojmë sa më larg. Fokusi ynë është te kampionati”.

“Situata në Shkodër? Bashkia e ka financuar klubin, vjet dhe sivjet. Përpjekjet janë bërë nga bashkia dhe nga njerëzit që merren me drejtimin organizativ. Gjërat po shkojnë mirë, lojtarët po japin maksimumin. Janë të ndërgjegjshëm që i kemi një borxh qytetit dhe të rikthehemi në Superiore. Me të vërtetë ka pezmatim në Shkodër, pasi të gjithë e dinë se çfarë është futbolli për shkodranët”.

NDESHJA ME KAMZËN – “Është ndeshje kupe dhe kërkojmë të kualifikohemi e të japim maksimumin. Pavarësisht se jemi të përqendruar në kampionat duhet të japim maksimumin dhe në kupë. E njohim kundërshtarin dhe do të mundohemi të japim më të mirën. Mirë do të ishte të luanim në “Loro Boriçi”, por duke qenë se koha nuk ka qenë e mirë do të luajmë në “Reshit Rusi”.

MUNGESAT – “Përveç Dani Ignat, i cili mungon pasi nuk do të jetë pjesë e klubit. Kjo për arsyet e veta personale. Ne e kemi pritur, por ai do të jetë mungesë. Të tjerët janë të gatshëm dhe do të luajmë me formacionin më të mirë. Do ta marrim si kundërshtar të radhës dhe do të japim maksimumin në fushë”.

Në fjalën e tij, Lika u shpreh: “Ishte miqësorja e parë në këtë fillimviti, e duke qenë se luajtëm me Laçin, një nga skuadrat më të mira të Kategorisë Superiore, jam i kënaqur me skuadrën.

Pjesa e parë ishte më e fortë, pasi u aktivizuan lojtarët titullarë, ndërsa zëvendësimet në pjesën e dytë më bindën. Por kemi nevojë edhe për përforcime në çdo repart dhe deri me 2 shkurt që do të nisë kampionati, besoj se Vllaznia do të jetë e gatshme dhe e kompletuar”,- përfundoi Lika.

AGRON KAJA

Një konferencën e zakonshme për shtyp, trajneri Hasan Lika ka theksuar se skuadra e tij nuk ndyshon në asnjë sfidë objektiv. Tekniku i shkodranëve ka treguar dhe gjendjen e skuadrës para takimit me skuadrën nga periferia e kryeqytetit.

“Padyshim që nuk ka asnjë shenjë nënvlerësimi ndaj kundërshtarit sepse unë e kam thënë gjithmonë se secili takim duhet vlerësuar maksimalisht sepse ndryshe nuk kalohet me sukses. Edhe për takimin ndaj Vorës kemi sërish të njëjtin objektiv, fitoren. Ne edhe në ndeshjet jashtë Shkodre kemi gjithmonë këtë objektiv dhe jo më në fushën tonë që është detyrim kjo gjë”

“Kemi disa probleme me lojtarë të dëmtuar apo të pezulluar por kjo nuk është justifik. Secili që do të zbresë në fushën e lojës, e ka për detyrë të japë më të mirën e tij. Besoj se nuk do lëvizim shumë nga formacioni dhe skema. Në vend të Krymit do jetë Bilali ndërsa kapiteni Lika besoj se ta nisë ndeshjen ndaj minuta e parë në pozicionin e tij”.

Në një prononcim për mediat, tekniku i shkodranëve thekson se lojtari i ardhur së fundmi do ta ndihmojë skuadrën, por dëmtimet janë shqetësimi më i madh për të. ndeshja e radhës për Vllazninë do të jetë ajo me Erzenin, kuqenbultë e kanë të qartë se nuk pranohet asnjë rezultat tjetër veç fitores.

“Ne stërvitemi që çdo ndeshje ta kalojmë me sukses. Ditët e fundit kemi pasur rikuperime të disa lojtarëve që kishin probleme me dëmtimet, por nuk do të kemi me shumë gjasa për lojë, Gilman Likën dhe Bardullën në mesfushë. Luajmë një ndeshje delikate, pasi përballë kemi Erzenin që e ka nisur garën si pretendent, por ka kualitete në gjirin e vet. Mund të them se lojtarët kanë dhënë më të mirën e tyre në stërvitje gjatë këtyre ditëve dhe e kanë vlerësuar shumë këtë përballje. Unë kam besim se do të marrim fitoren e radhës.

“Sa i takon sulmuesit nigerian që është bashkuar së fundi me skuadrën, dua të them se ai është bërë pjesë e jona që në gusht, por për shkak të problemeve me dokumentacionin, ne nuk e kemi pasur në gjirin tonë në këto javët e para. Unë kam besim se do të na shërbejë shumë si lojtar”.

Në luftë me kohën do të jetë timonier i ri, i cili duhet të nisë përzgjedhjen e lojtarëve që do të ketë në dispozicion për sezonin që po vjen. Vllaznia është pas me përgatitjet dhe skuadra duhet të zbresë në fushë brenda javës që vjen, në mënyrë që të mos hasë vështirësi në javët e para.

Lika ka një mision shumë të vështirë, pasi duhet të ndërtojë skuadrën edhe duke qenë mjaft i kushtëzuar, por dhe me presionin për të mos e vënë në diskutim ngjitjen në elitë. Një punë kolosale për t’u bërë në shumë pak kohë. A do arrijë që t’ia dalë mbanë Hasan Lika?

Duke replikuar me tifozët, Lika ka akuzuar hapur arbitrin: “Gjithë Shqipëria është duke e parë se çfarë po ndodh. Vijnë disa plehra që shiten për 5 lekë dhe prishin terezinë e një qyteti që dihet sa i ka dhënë futbollit shqiptar”. Lika sqaron edhe një tifoz kuksian: “S’kam gjë me Kukësin, uroj të shkojë sa më lart. Për arbitrin e kisha, që e bëri baltë komplet. Faulli nga erdhi goli i parë nuk ishte faull, ndërsa penalltia për  Vllazninë është 100%. Penallti, 7 kartonë të verdhë, këto janë të qëllimshme”. Më pas, një premtim: “Ne do luftojmë deri në fund me gjak e me shpirt, por s’e di se çfarë të bëjmë që dikush t’i ndalë këta plehra, se e prishën kampionatin komplet”.

Trajneri Hasan Lika ka folur në prag të sfidës së nesërme në Laç dhe kërkon përqendrim maksimal, për të harruar euforinë e fitores ndaj Skënderbeut: “Fituam me Skënderbeun duke shfrytëzuar maksimalisht rastet, përballë një skuadre që na vendosi shumë në vështirësi. Por, tashmë jemi të përqendruar maksimalisht te ndeshja e Kupës me Laçin dhe do të synojmë të përmirësojmë gabimet që bëmë në fundjavë. Objektivi ynë sigurisht është edhe Kupa, që të shkojmë sa më larg. Nuk kemi lënë lojtarë pushim, por kemi vetëm dy të dëmtuar, Rapan dhe Lamçen. Do të luajmë me formacionin më të mirë, me qëllimin që të marrim një rezultat sa më pozitiv dhe që të jemi në pozita të mira në ndeshjen e dytë”.

“Karakteristikat e ndeshjeve të Kupës janë me sistem eliminimi dhe është e rëndësishme të mos pësojmë gol, por nga ana tjetër duhet të mundohemi që edhe të shënojmë. Kjo do të na ndihmonte të ishim më të qetë dhe më optimistë për ndeshjen e dytë, ky është qëllimi ynë. Do mundohemi që të vazhdojmë të luftojmë, si në Kupë ashtu edhe në kampionat”.

Imagjinoni pak sikur këtë dhjetor ta kishte bërë një trajner i huaj. Do nxitonim të flisnim për një strateg.  Për një revolucionar, për një që po na mëson tiki-takan. Nëse ai do quhej Mlladen Milinkoviç do flisnim për magjistarin që fsheh topin. Por ai quhet Hasan, e kemi mes nesh prej 25 vitesh si trajner dhe si gjithnjë tonin e harrojmë lehtë dhe te huajit jemi gati t’i ngremë një bust.

Sigurisht që Luftëtari është një skuadër që ka një potencial teknik të jashtëzakonshëm, zbulime të vërteta të ardhura dy vite më parë nga kategoritë inferiore ose të nënvlerësuar diku tjetër. Ata e njohin njëri tjetrin symbyllazi dhe largqoftë nëse dikush është në ditë të keqe. Ata të shndërrojnë në një viktimë pa asnjë alibi. Jo më kot Bregu e Abazaj janë shndërruar në markat e këtij kampionati dhe janë dy emrat më të klikuar të këtij kampionati. Por trajneri është gjithnjë aty, për t’i thënë fjalën e mirë. Nuk quhet Mlladen, por Hasan. Bën qindra kilometra në javë mes ekipit dhe familjes, e mori Luftëtarin në një moment kur njerëzit thanë nuk ka më asnjë shpresë, rrezikoi emrin dhe karrierën dhe ia doli. Gëzuar ditëlindjen dhe vitin e ri! Njeriu i punës në fund fiton gjithnjë.

Gjergji Stefa

Gaspër Marku

Vllaznia luan sot transfertën e tretë në këtë kampionat, luan “derbin” e veriut me Laçin. Objektivi është fitorja,q ë mungon nga java e parë me Lushnjën, Mesfushori Gilman Lika nuk u aktivizua në mesjavë ndaj Kastriotit për ndeshjen e Kupës së Shqipërisë, por sigurisht që do të jetë në fushë nga minuta e parë sot. Bashkë me Bardullën dhe Markun, ai është parë pas ndeshjes në fjalë të zhvillojë një seancë individuale në fushën e “Reshit Rusit”, qëllimi i së cilës ishte që në përballjen e sotme me Laçin të jetë në formën e duhur sportive. Në një prononcim për “Sport Ekspres”, në cilësinë e kapitenit të skuadrës, Lika shprehet optimist për javën e katërt: “Normalisht, ishte zgjedhja e trajnerit për të qëndruar një pjesë e lojtarëve pa u aktivizuar dhe besoj se është brenda logjikës. Vllaznia nuk është se ka ndonjë gjë të madhe, por besoj se e ka atë luks që të paktën në momente të veçanta disa lojtarë që kanë nevojë, të pushojnë”, – shprehet Lika.

Morali në rritje

Për mesfushorin me përvojë, gjendja morale e skuadrës është në rritje. Madje, ai thotë se atë shok psikologjik të pësuar nga humbja në Shkodër ndaj Teutës, e ka kaluar plotësisht. Paraqitja pozitive e Vlalznisë në përballjen e javës së kaluar me Luftëtarin në Gjirokastër, sipas Likës, ishte një sinjal i qartë. “Mendoj se e kemi hedhur tej takimin me Teutën, që nuk ishte i mirë për ne. Kemi marrë një rezultat pozitiv në Gjirokastër, që na ka vlejtur për të rritur moralin para kësaj sfide me Laçin”, – thekson Lika. Për ndryshimet që kanë ndodhur në stafin teknik të skuadrës laçiane, ku pas dorëheqjes së Nicës është ulur në stol vlonjati Gentjan Mezani, Lika pranon se në kësi rastesh skuadrat përgjithësisht mobilizohen: “Kur vjen një trajner i ri, futbollistët mobilizohen, por, siç e thashë edhe më përpara, qëllimi ynë është i qartë, shkojmë në Laç për të marrë maksimumin e pikëve”.

Laçi i vështirë

Për kapitenin e kuqebluve, përballja e sotme me Laçin është jo pak e vështirë, por Vllaznia ka vetëm një objektiv, 3 pikët: “Ndeshja ndaj Laçit është e vështirë. Në radhë të parë, ata kanë treguar se luajnë mirë futboll në fushën e vet. Por ne kemi një synim të qartë për të marrë maksimumin e pikëve. Jemi përgatitur për një gjë të tillë. Kemi bërë maksimumin në stërvitje gjatë këtyre ditëve dhe këtë do ta reflektojmë më së miri në fushë. Personalisht, dëshiroj tri pikët në Laç dhe jo lojën e bukur. Kur merren tre pikët, vjen edhe loja e bukur”.

Gilman Lika, një nga emrat e spikatur të futbollit shkodran, që krahas Vllaznisë ka kontribuar edhe me skuadra të tjera, brenda dhe jashtë vendit, shprehet optimist për sezonin e ri futbollistik,  duke thënë se do të jetë një Vllazni krejt ndryshe nga ajo e viteve të fundit. “Kur kthehesh në shtëpinë tënde, natyrisht që është një gjë shumë e mirë. Por, normalisht që nuk kam ardhur thjeshtë për të parë shtëpinë time, por kam ardhur për të bërë diçka të bukur së bashku me shokët e ekipit. Pra, minimumi i minimumit, besoj se nuk do të jetë më ajo Vllazni siç ka qenë vitet e fundit për mbijetese. Shpresoj shumë dhe jam i bindur se një gjë e tillë do të realizohet në vitin që vjen, duke qenë i bindur se publiku shkodran ka për të parë një Vllazni të bukur në fushën e lojës”, shprehet Lika. Sipas mesfushorit, edhe pse kushtet nuk kanë qenë ideale, skuadra ka punuar me përkushtim dhe seriozitet maksimal gjatë përgatitjeve në Shkodër. “Kemi bërë hapa shumë pozitivë, duke parë këto ndeshjet e fundit. Normalisht që na duhet edhe një shtysë, apo një marsh tjetër për të ruajtur atë ritmin e duhur. Me fillimin e kampionatit, Vllaznia do të jetë gati”, vijon Lika deklaratën e tij. Në lidhje me ditët përgatitore malazeze, Lika thotë se nuk është shumë i sigurt se sa do të qëndrojnë, por pak a shumë thotë se do të jetë një kohë dhjetë ditore. ”Është diçka shumë pozitive, sepse të them të drejtën kemi vuajtur shumë këto ditë që jemi stërvitur në Shkodër, pasi siç e keni parë edhe vete temperaturat kanë qenë shumë të larta”, thotë Lika, që shpreson se me rikthimin nga Berane skuadra do të jetë shumë më e fortë dhe e konsoliduar.

GJENDJA
Forma sportive akoma nuk është aty ku duhet, si për Likën, ashtu edhe për pjesën tjetër të skuadrës, por në ditët në vazhdim parametrat do të përmirësohen. “Normalisht që nuk jam shumë i kënaqur me formën time sportive, por jam duke punuar fort. Në fazë përgatitore asnjë lojtar nuk është se ka formën maksimale, por duke parë edhe kohën që kemi në dispozicion, besoj se për dy-tre javë, si niveli im, po ashtu edhe i lojtarëve të tjerë, do të rritet shumë”, shprehet Lika. Duke folur për miqësoret e zhvilluara, mesfushori thotë: “Është normale dhe nuk ka dyshim që ne nuk jemi në atë ritmin e duhur, por besoj se ekipi është në rrugën e duhur për të arritur ato objektiva që drejtuesit do të na vënë ne. Mendoj se është një gjë normale, pavarësisht rezultatit të ndeshjes së fundit me Besëlidhjen. Ekipi ka zhvilluar ndeshje të mirë, ka dominuar ndeshjen totalisht, duke krijuar raste të shumta përpara portës, jo vetëm në këtë ndeshje, por në tre-katër ndeshjet e fundit. Kur krijon 3-4 raste për një pjese loje, besoj se është diçka pozitive”, thekson Gilman Lika.

SHIRITI

Largimi i kapitenit Ndriçim Shtubina te Kukësi, për momentin hapi një diskutim, më tepër mediatik se sa problematik për skuadrën. Gjithçka lidhej me atë që do të pasonte Shtubinën si kapiten. Në dy ndeshjet e fundit miqësore, atë me Tërbunin dhe Besëlidhjen, shiritin e ka mbajtur pikërisht Gilman Lika. “Është e vërtetë që në këto dy ndeshje, trajneri ma ka dhënë mua shiritin e kapitenit. Gjej rastin ta falënderoj, pasi më ka dhënë edhe një besim të madh. Por, në të njëjtën kohë më jep edhe një përgjegjësi shumë të madhe, ndaj do të mundohem të bëj maksimumin që t’ia shpërblej këtë gjë trajnerit, drejtuesve dhe të gjithë tifozëve shkodranë”, thotë Lika, duke mos e fshehur kënaqësinë që stafi me në krye teknikun Cungu ia ka besuar një detyrë të tillë. Ndërkohë, për një diskutim tjetër, atë që ka të bëjë me dendësinë e futbollistëve mesfushorë në gjirin e skuadrës kuqeblu, temë që vazhdon të lakohet jo pak edhe në opinionin sportiv, Lika nuk e sheh si problem një gjë të tillë, përkundrazi thotë se është avantazh për trajnerin. “Po, e drejtë është, janë shumë lojtarë në mesfushë, por besoj se është pozitive. Edhe kjo ka avantazhin e vet, sepse është edhe në shërbim të grupit kur ka një gjë të tillë. Çdo trajner në botë besoj se do të kërkonte që të kishte sa më shumë alternativa, pasi kampionati është shumë i gjatë. Siç e keni parë edhe vjet, ka dëmtime, ka kartonë dhe ka shumë lojtarë që mund të vijnë me probleme, ndaj skuadra ka nevojë për të gjithë”, përfundon Lika.

Mesfushori shkodran kishte mbyllur gjithçka më parë, por sot ka hedhur edhe firmën në kontratë.

Anësori i majtë kërkon të ringjallet në shtëpi, pas një viti të errët te Tirana.

Ndërkaq, Arsid Kruja është futbollisti u radhës që rinovon me kuqeblutë.

Talenti shkodran nuk ka ndërmend të lëvizë më nga Shkodra, pas telasheve që kaloi kur u sorollat nga Azia deri në Vlorë, ndaj tani kërkon të kthehet në nivel të lartë te Vllaznia e tij.

Ilion Lika dhe Erando Karabeci ishin të fundit që kishin 8 muaj rroga pa marrë (gati 100 milionë leke në total të dy) për vitin 2011-2012. Bashkia ua dha të dyve paratë që kanë kaluar në llogarite e tyre. Tani Tirana nuk ka me borxhe lojtarësh nga e shkuara.

Ndërkohë, Lika firmosi kontratën e re, 2-vjeçare, me Tiranën, ndërsa Karabeci do firmosë të hënën kontratë 3-vjecare. Nën kontrate janë Hoxhallari, Kërçiku, Daja, Muça, Domgjoni e Turtulli.

Ndërkaq, “Rozafa TV” raporton se sot administratori Gjyrezi është takuar me mesfushorin Gilman Lika, të cilit i ka bërë ofertën për t’u kthyer te Vllaznia.

Anësori i majtë, i cili në dy sezonet e fundit ka luajtur te Tirana, mund të kthehet në Shkodër ndoshta edhe për të qëndruar në sezonet e fundit të karrierës, duke qenë se Shkodra është shtëpia e tij.

Një tjetër emër i lakuar ditët e fundit se mund të jetë në listën e merkatos së Vllaznisë, është edhe Gilman Lika. Mesfushori, që në kampionatin e kaluar luajti për Tiranën, ka mbyllur aventurën me bardheblutë dhe tashmë është një lojtar i lirë, në pritje të ekipit të ri. Nga burime pranë klubit të futbollit “Vllaznia”, emri i Gilman Likës nuk është cituar zyrtarisht si një propozim për t’u bërë pjesë e skuadrës sezonin e ri. Megjithatë, ai është një kandidat për t’u kthyer te skuadra e qytetit të tij. Duke gjykuar nga qëndrimi i drejtuesve të klubit kuqeblu, të cilët kanë deklaruar se fokusi do të jetë te futbollistët shkodranë, që luajnë me ekipet e tjera të Superligës, emri i Gilman Likës mund të jetë i dyti në radhë, pas Edon Hasanit. Me këtë të fundit kanë nisur tashmë bisedimet konkrete. “Sport Ekspres” ka kontaktuar me Gilman Likën, i cili ndodhet në Shkodër aktualisht. Mesfushori ka pohuar se me të nuk biseduar askush nga ana e klubit kuqeblu. Ndër të tjera, Lika bën të ditur se vazhdon të qëndrojë pranë familjes së tij dhe nuk ka marrë një vendim për të ardhmen, por pranon se Vllaznia mbetet zgjedhje e parë. Ai flet me respekt për skuadrën, ku u lind dhe u formua si futbollist, madje duke qenë protagonist në fitoren e disa trofeve kombëtarë. Dëshira për të qenë pjesë e Vllaznisë edhe më përpara nuk i ka munguar, por, sipas tij, duke qenë nën kontratë me Tiranën, mundësitë kanë qenë të pakta. Aktualisht, kur kontrata i ka përfunduar me Tiranën, ai e shikon Vllazninë si një opsion të mundshëm, pasi një transferim i tij te kuqeblutë do të ishte në parametrat zero.

DEKLARATA – “Unë në Shkodër jam, madje një pjesë të mirë të ditës e kaloj në shëtitje me familjen, në pedonale dhe në pikat turistike të Liqenit të Shkodrës, por deri tani nuk më ka takuar dhe telefonuar askush nga Vllaznia”, – thotë Lika, duke shtuar më tej se nuk është aspak sekret se ai e dëshiron Vllazninë. Nëse drejtuesit e saj e shikojnë të arsyeshme sa mesfushori u shërben kuqebluve: “Jam i gatshëm të ulem në bisedime për të gjetur gjuhën e përbashkët, për vazhdimin e karrierës sportive në Shkodër. Vllaznia mbetet zgjedhja e parë për mua”.

PËRJETIMI – Në fund të bisedës për “Sport Ekspres”, Gilman Lika shprehet se fundin e kampionatit që shkoi e ka përjetuar në mënyrën më të keqe, qoftë për Tiranën, me të cilën ishte nën kontratë, por edhe për Vllazninë. I duhej të luante kundër Vllaznisë, skuadrës së qytetit të lindjes, që ishte në pozita të vështira mbijetese, ndaj dhe falënderon drejtuesit e Tiranës, që e mirëkuptuan dhe pranuan që ai të mos ishte pjesë e ndeshjes dramatike në stadiumin “Loro Boriçi”. “Do ta kisha jashtëzakonisht të vështirë ta përballoja emocionalisht ballafaqimin mes Vllaznisë dhe Tiranës. Natyrisht, më ka ardhur shumë keq, që Tirana zbriti nga kategoria”, – ka përfunduar Gilman Lika, i cili, nga ana tjetër, është ndjerë i lehtësuar që skuadra e zemrës, Vllaznia, i shpëtoi rënies.
Drejtuesit kuqeblu duan të kenë një skuadër më kompetitive për sezonin e ardhshëm dhe e kanë nisur punën nga rikthimi i disa prej shkodranëve për të spikatur në kampionatin tonë. Kontaktet e para zyrtare janë bërë me Edon Hasanin.

Ashtu si për shumicën e skuadrave flitet shumë për merkaton, edhe te kuqeblutë në këtë periudhë kanë nisur të qarkullojnë emra të shumtë. Ka emra që lakohen për largime të mundshme, por në të njëjtën kohë edhe për afrime te Vllaznia. Në pjesen e të larguarve më të lakuarit janë kontigjenti i futbollistëve të huaj, siç janë dy malazezët Agoviç dhe Cicmil, dyshe kjo e konfirmuar si e larguar shumë javë përpara mbylljes së kampionatit. Po kështu, të sigurta janë largimet e Bakajt dhe Pepës, ndërkohë që për dyshen tjetër Vrapi-Bicaj informacionet janë disi më të rezervuara, pasi mund të ketë sërish akord për vijimin e bashkëpunimit.

Në listën e afrimeve, edhe pse asgjë nuk është zyrtare, figurojnë emrat e futbollistëve shkodranë, të cilët luajtën në ekipe të tjera të kampionatit shqiptar, siç janë Gilman Lika, Edon Hasani, Erion Vucaj, Ansi Nika, Sidrit Guri etj. Një listë, që do të shihet me kujdes nga stafi teknik dhe drejtuesit e klubit menjëherë pas mbledhjes-analizë të ditëve të ardhshme. Por mësohet se disa prej tyre janë shumë pranë kthimit te Vllaznia dhe i pari është Gilman Lika. Mesfushori e ka mbyllur aventurën e tij te Tirana, pas rënies së kësaj skuadre në Katergorinë e Parë dhe të gjithat janë që ai ta mbyllë karrierën me fanellën kuqeblu, me të ciline dhe e nisi karrierën e tij futbollistike. Me kalimin e ditëve do të ketë detaje në këtë drejtim dhe Gilman Lika është ndër shkodranët e parë, që do të kthehen të luajnë në “Loro Boriçi”.