ligue 2

Një shembull nga Franca, merret vendimi për tifozët besnikë

Sport Ekspres — Fri, 17 May 2019 13:53:34 +0000

Në Francë kanë vendosur të marrin një nismë në favor të tifozëve. Çmimet e biletave ndryshojnë në varësi të transfertave, stadiumeve dhe kundërshtarëve. Kështu ndodh gjithkund, madje edhe në Shqipëri.

Liga e Futbollit Profesionist, organ që menaxhon dy ligat e mëdha të futbollit francez (Ligue 1 dhe Ligue 2) ka vendosur çmime fikse për biletat në transferta. Vendimi do të aplikohet duke nisur nga sezoni i ri, madje është vendosur edhe çmimi.

10 euro do të kushtojnë biletat për tifozët miq në elitë dhe 5 euro për ata në Ligue 2. Diçka e tillë bëhet për të mirën e ultrasve, të cilët sakrifikojnë në ndjekjen e skuadrave të zemrës nëpër Francë, por edhe për mbushjen e stadiumeve.

“Interi” francez bën mrekullinë, arrin ngjitjen historike

Sport Ekspres — Wed, 24 Apr 2019 12:42:12 +0000

Futbolli prandaj është edhe një ndër sportet më të bukur dhe më të dashur në planet, pasi të jep mundësinë edhe të arrish diçka që nuk e mendoje kurrë. Pikërisht diçka të tillë e ka arritur Chambly, një ekip në Francë.

Aktualisht, klubi që ka një ngjashmëri të frikshme me Interin, luan në National (liga e tretë franceze), ndërsa duke nisur nga sezoni i ardhshëm do të luajnë në Ligue 2 (kategoria e dytë franceze), për herë të parë në historinë e tyre 30-vjeçare.

Chambly ndoshta nuk është një ekip i panjohur, të paktën për tifozët zikaltër, pasi stema dhe ngjyrat e ekipit francez janë identike me ato të Interit, sa që disa kohë më parë, drejtues të italianëve bënë kërkesë që Chambly të ndryshonte disi stemën, pasi ishte thuajse e njëjtë me atë të Interit.

Stema e dikurshme e Chamblys (m) dhe aktualja (d)

Gjithsesi, klubi nga “San Siro” gjithmon ka shprehur simpati dhe mbështetje për “binjakët” e tyre francezë. Një përallë e vërtetë ajo e ekipit të Chamblys…

Momente nga festa

Disiplina gjobit Lensin, shihni çfarë bëjnë tifozët francezë!

Sport Ekspres — Sat, 06 Apr 2019 12:54:37 +0000

Tifozët e Lens, ekip që luan në Ligën e dytë franceze pritet të bëjnë një gjest të pazakontë. Do mbledhin 10 mijë monedha 1 euroshe për të paguar gjobën që federata e futbollit në Francë i ka vendosur klubit.

Tifozeria e Lens ishtë ndaluar të shkonte në transfertë për shkak të problemeve që kishte shkaktuar më parë. Megjithatë, ata kanë qenë të pranishëm në 3 ndeshje, kundër Parisit, Soshosë dhe Azhaksosë.

Kjo ka sjellë edhe dënimin me 10 mijë euro të klubit. Së fundmi, tifozët kanë bërë një thirrje në rrejtet sociale për të mbledhur shumën, që përkon me gjobën e vendosur. Paratë do të mblidhen të premten e ardhshme në ndeshjen kundër skuadrës së Valonsien.

Communiqué commun des supporters pour l’organisation d’une collecte afin de financier l’amende de 10 000 euros infligée par la LFP au #RCLens. Les modalités y sont précisées : pic.twitter.com/v2mYu1KjmP

— Lensois.com Live (@LensoisComLive) April 6, 2019

Më pas, përfaqësues të tyre do të udhëtojnë të shtunën në Paris për të depozituar 10 mijë monedha 1 euroshe në selinë e Komisionit të Disiplinës. E gjithë kjo bëhet në shenjë proteste ndaj vendimit të këtij autoriteti. Tifozët e Lens e shohin diçka absurde vendosjen e kësaj gjobe.