Ligue 1

VIDEO | PSG “flakë”, Kilian Mbape është fenomenal!

Sport Ekspres — Tue, 30 Jul 2019 14:30:59 +0000

PSG ka arritur të fitojë bindshëm në miqësoren ndaj Sidnej. Australianët nuk arritën në asnjë moment t’i bënin ballë klasit dhe cilësisë së kundërshtarit. Djemtë e Tuhel treguan edhe një herë se janë një ndër skuadrat më të mira në planet. Ndeshja përfundoi me rezultatin e pastër 3-0.

Edhe pse Nejmar nuk ishte në fushë, ishte Kilian Mbape, që merr situatën në dorë. Sulmuesi tregoi një nivel të jashtëzakonshëm, duke i treguar kundërshtarëve për Topin e Artë se ai është rritur dhe tani është pretendent. Dy gola u shënuan në pjesën e parë me të zakonshmit Mbape dhe Kavani. Në të dytën kishte kohë edhe për të riun Metehan Gyçly për të shënuar.

ZYRTARE | PSG “blindon” mesfushën, prezantohet Gueje

Sport Ekspres — Tue, 30 Jul 2019 12:40:38 +0000

Tashmë është zyrtare: Idrisa Gana Gueje është lojtar i PSG-së. 29-vjeçari senegalez, u ka kushtuar 30 milionë euro kampionëve të Francës. Futbollistii ardhur nga Everton shihet si një përforcim shumë cilësor nga trajneri Tuhel, që ka bërë “luftë” me drejtuesit që ta sjellin mesfushorin në Paris.

???

Ici pour briller ! ?

?? #ICICESTPARIS pic.twitter.com/otaIx3u7t4

— Paris Saint-Germain (@PSG_inside) July 30, 2019

Gueje ka firmosur një kontratë 4-vjeçare me skuadrën parisiene. Senegalezi ka qenë një ndër lojtarë më të mirë të Evertoni në vitet e fundit, ku shquhej për aftësitë në rikuperimin e topave, statistikë me të cilën konkurronte shpesh me Ngolo Kanten e Çelësit.

Gueje është një njohës i mirë i kampionatit francez, ku ka luajtur për shtatë vite me skuadrën e Lilës.

“Nejmar? Kam respekt për PSG-në”, Bartomeu i habit të gjithë

Sport Ekspres — Sat, 27 Jul 2019 11:53:34 +0000

Nejmar është objektivi i radhës te Barcelona, por operacioni i tij është një labirint me të papritura. Problemet mes klubeve dhe situata e vështirë e brazilianit me drejtuesit e bën Barçën të qëndrojë disi e mënjanuar në këtë situatë.
Kampionët e Spanjës presin zgjidhjen mes klubit francez dhe lojtarit, në mënyrë që PSG të japë dritën jeshile të nxjerrjes së Nejmar në treg. Bartomeu në çdo dalje në shtyp pyetet për brazilianin.

Megjithatë, është gati e pamundur të nxjerrësh diçka nga presidenti. Ai mundohet vazhdimisht të tregohet i kujdesshëm. Çudit kur thotë se ka shumë respekt për klubin e PSG.

“Këtë verë kam lexuar shumë gazeta dhe ata thonë shumë gjëra. Këtu e vetmja gjë e qartë është se Nejmar është një lojtar i PSG dhe ne e respektojmë shumë atë klub. Në këtë rast nuk ka shumë për të thënë”, shprehet Bartomeu.

PSG ul kërkesat, ja sa kushton kartoni i Nejmar

Sport Ekspres — Fri, 26 Jul 2019 08:22:44 +0000

PSG dhe Nejmar duken se janë pajtuar midis tyre, por dëshira e brazilianit për t’u larguar nga kampionët e Francës është e qartë. Fillimisht mediet spanjolle raportuan se klubi francez kërkonte 300 milionë euro për kartonin e sulmuesit, por së fundmi kërkesat e tyre kanë ndryshuar ndjeshëm.
Sipas së përditshmes prestigjioze “Le Parisien”, PSG kërkon 220 milionë euro për të lënë të lirë brazilianin. Kjo është e njëjta shumë që PSG pagoi dy vite më parë për të aktivizuar klauzolën e largimit, që gjendej në kontratën e Nejmar me Barcelonën.

Ardhja e Leonardos si drejtor sportiv, ka sjellë një ulje të ashpërsisë së politikave të klubit ndaj lojtarëve që duan të largohen. Sigurisht, kjo është në interes të PSG, pasi në rast të kundërt çdo lojtar do e mendonte dy herë transferimin në një klub, ku nuk i respektohet mendimi. Pas kësaj, Barcelona është gati të përfitojë për të risjellë yllin brazilian në “Camp Nou”.

PSG bën çmenduri, ja paga faraonike për 16-vjeçarin

Sport Ekspres — Thu, 25 Jul 2019 14:37:33 +0000

Çmenduritë me pagat e futbollistëve duket se e kanë kaluar futbollin profesionist, duke kapërcyer edhe në talentet e moshave. Këtë risi e ka sjellë klubi i PSG. Francezët “rrëmbyen” Ksavi Simons nga Barcelona. Holandezi vlerësohet si një nga talentet më të mirë të gjeneratës së tij dhe ka një impakt mjaft të madh edhe në mediet sociale.
Parisi dhe Barcelona prej vitesh janë në një luftë të ashpër dhe këtë herë ka qenë radha e francezëve për të sulmuar. Barcelona pati ofruar një pagë që arrinte 200 mijë euro në sezon për 16-vjeçarin. Babai i tij e kishte refuzuar atë ofertë, me Barçen që nuk kishte pranuar ta rriste shifrën.

Agjenti i Simons, Mino Raiola ia ka propozuar atë Al Kelaifit. Ky i fundit me shumë kënaqësi ka dhënë ofertën e tij. Sa ishte kjo ofertë? 1 milionë euro në vit për një minoren. Duhet të themi se paratë do të shkojnë në xhepat e babait, pasi Simons nuk mund të firmosë kontratë si profesionis, pa mbushur 18 vite.

Çmenduria e PSG, prezanton portier nga kategoria e gjashtë italiane

Sport Ekspres — Thu, 25 Jul 2019 10:04:21 +0000

PSG ka bërë dy blerje sot. Kampionët e Francës kanë investuar te dy futbollistë të rinj. I pari është portieri italian, Denis Franki. Vetëm 17-vjeç, portieri është një emër surprizë dhe i panjohur. Ai ka luajtur në kategorinë e gjashtë italiane (Promozione regionale).

Franki është rekomanduar nga skautët e PSG-së në Itali, por për opinionin e gjërë, është një emër i panjohur. Ndërsa afrimi i dytë, është Husain Touati, një emër disi më i njohur në Francë, pasi ka dalë nga akademia e Lionit. 17-vjeçari ka vendosur të transferohet në Paris, aty ku ka nënshkuar për dy sezone me PSG-në.

“Klubi i PSG është i lumtur të njoftojë arritjen e marrëveshjeve me Husain Touati, që ka nënshkruar për dy sezone, dhe Denis Franki, që ka nënshkruar për tre sezone me klubin tonë.”

??

Paris Saint-Germain is happy to announce that Hussayn Touati has signed with the club for 2? seasons, while Denis Franchi inked a deal that will keep him at the club over the next 3? seasons ?

?? #ICICESTPARIS pic.twitter.com/kSv1PWpFS8

— Paris Saint-Germain (@PSG_English) July 23, 2019

Nejmar-PSG, një marrëdhënie e krisur që po çmend merkaton!

Sport Ekspres — Sat, 20 Jul 2019 16:23:48 +0000

Mediat franceze kanë raportuar se marrëdhëniet midis kampionëve të Francës, PSG dhe Nejmar, nuk mund të rregullohen kurrsesi. Ylli brazilian i kushtoi 222 milionë euro francezëve dy sezone më parë, por aventura e tij në Paris nuk ka shkuar ashtu siç mendohej.

Zënka me Kavanin, ish-trajnerin Unai Emeri dhe së fundmi me drejtuesit e klubit, kanë shkaktuar shumë trazira dhe durimi kundrejt tij duket se ka përfunduar. Barcelona dhe Juventus janë “çmendur”, gati të paguajë shifra stratesoferike për sulmuesin.

Kjo merkato vere, ka qenë ndër më aktivet e viteve të fundit dhe me Nejmar e Mbape që me shumë gjasa do të largohen nga kryeqyteti francez, duket se asgjë nuk ka filluar ende…

Mbyllet transferimi surprizë, Betis rrëmben yllin francez

Sport Ekspres — Thu, 18 Jul 2019 16:13:44 +0000

Nabil Fekir një vit më parë, por edhe këtë merkato kishte kërkesa të shumta nga klube gjigante të Evropës. Liverpul ishte një prej të interesuarve për të. Por zgjedhja e francezit është shumë surprizë për të gjithë. Ai do të transferohet te Real Betis. Klubi andaluzian ka gjetur akordin me Lionin, që nuk ka shumë krah të ngrejë çmimin e lojtarit sepse kontrata e tij skadon verën e ardhshme.
Sipas medieve franceze, Fekir do të transferohet ne Sevilje për 25 milionë euro. Një çmim “monstruoz”, duke parë që vlera e tij në merkato është plot 65 milionë euro. 26-vjeçari është një nga yjet e mëdhenj të këtij brezi të artë francez.

Është rritur te Lioni dhe largohet pas gjashtë vitesh nga ndeshja e parë si profesionist në klubin francez. Dilemë është se ku e kishin mendjen klubet e mëdha këtë merkato. Interi po jep 80 milionë për Lukakun, ndërkohë që mund të kapte një “okazion” të madh me Fekir. E çuditshme!

“Burg” për tre vite, PSG kërcënon ashpër Nejmarin

Sport Ekspres — Wed, 17 Jul 2019 11:04:09 +0000

Nejmar po tenton gjithnjë e më tepër të afrojë veten me Barcelonën, duke i kërkuar drejtuesve të pranojnë ofertat e katalanasve. Ai nuk ka ardhur në stërvitje për plot dy javë dhe me kthimin e tij, veprimi i parë që ka bërë ka qenë një bisedë me Leonardon.
Gjatë diskutimit, braziliani ka kërkuar me ngulm largimin. E gjithë kjo ka mërzitur familjen mbretërore të Katarit, që janë edhe pronarët e PSG. Siç raportojnë mediet evropiane, ata i kanë kërkuar Al Kelaifit të zgjidhë këtë çështje dhe të sjellë nderin e klubit në vend. Presidenti nga ana e tij njihet për kokfortësinë, dhe ka në mendje një zgjidhje aspak të hijshme për karrierën e Nejmar.

Ai mund ta mbajë me pahir brazilianin deri në vitin 2022, që është edhe përfundimi i kontratës. Mbetet për t’u parë reagimi i Leonardos, që është përgjegjësi më i madh i kësaj çështje. Gjithashtu babai i brazilianit do të ndërhyjë për të gjetur një rrugë të mesme.

Zyrtare | De Ligt iu mbylli derën, PSG firmos me një tjetër talent

Sport Ekspres — Tue, 16 Jul 2019 17:11:34 +0000

Abdu Dialo është zyrtarisht futbollist i PSG. Klubi parizien ka arritur marrëveshjen totale me Borusian e Dortmundit për të transferuar mbrojtësin në këmbim të 32 milionë eurove. Ndërkohë, francezi do të firmosë kontratë afatgjatë, që e mban atë në bashkëpunim me kampionët për 5 vitet e ardhshme, deri në vitin 2024. Do të mbajë numrin 22.
23-vjeçari ishte një nga më të rëndësishmit në Dortmund sezonin e kaluar, megjithatë ardhja e Humels e nxjerr jashtë loje. Ai erdhi verën e vitit 2018 në “Signal Iduna Parc” për 28 milionë euro, që shkuan në xhepat e klubit të Mainz 05. Dialo grumbullon 28 ndeshje në Bundesliga sezonin e shkuar. Gjatë kësaj kohe ka arritur ta dërgojë një herë topin në rrjetë dhe të dhurojë një asist për shokët. Pas dështimit në ardhjen e De Ligt ai pritet të jetë ngushëllimi i tifozëve parizienë.

??
Le Paris Saint-Germain est heureux d’annoncer l’arrivée d’Abdou Diallo au sein du club !#WelcomeAbdou pic.twitter.com/wtgWZsf7nQ

— Paris Saint-Germain (@PSG_inside) July 16, 2019

VIDEO | Verrati dhuron spektakël, Mbape nuk i beson syve

Sport Ekspres — Mon, 15 Jul 2019 16:10:42 +0000

PSG është një nga ekipet më me klas në botë. Këtë na e tregojnë në çdo ndeshje, por edhe në stërvitje. Parizienët kanë nisur pregatitjet për sezonin e ri. Gjatë trajnimit duket qartë cilësia, që mbartin yjet e kësaj skuadre.

Sot ishte dita e Marko Verratit për të dhuruar spektakël. Mesfushori njihet për veprimet e tij instiktive. Në këtë rast “pre” e virtuozitetit të tij ka qenë Kurzaua. Verrati ja ka kaluar topin mes këmbëve mbrojtësit, ndërkohë që nuk po shikonte aspak se ku ishte ky i fundit.

Të gjithë kanë reaguar duke qeshur, ndërsa Mbape ka ngelur i shtangur nga lëvizja e italianit. Me siguri sulmuesi do praktikojë për ta mësuar këtë stil. Verratin aty e ka, mund t’i kërkojë disa mësime.

Kur të ikën “treni i fundit”…

Sport Ekspres — Fri, 12 Jul 2019 17:49:39 +0000

Sapo u hap merkato e kësaj vere disa javë më parë, e gjithë vëmendja ishte te ylli i Lilës, Nikolas Pepe. Bajerni i Mynihut, Arsenali, Liverpuli dhe PSG ishin vetëm disa nga skuadrat e interesuara për shërbimet e 23-vjeçarit.

Edhe pse Pepe ishte gati për t’u transferuar te një nga këto skuadra, nuk vendosi të nënshkruajë, pasi kërkesat e tij nuk u plotësuan. Sulmuesi kërkonte një rrogë faraonike dhe me vetëm një sezon të mirë në karrierën e tij, asnjë nga skuadrat e interesuara nuk preferoi të rrezikojë.

Si pasojë, Pepe është ende lojtar i Lilës. 23-vjeçari kërkon me doemos të largohet nga nënkampionët e Francës, por e vetmja skuadër e mbetur që interesohet për shërbimet e tij është Evertoni. Skuadra nga Liverpuli është gati të paguajë 35 milionë euro për të, por kjo ofertë është shumë larg 60 milionëve që kërkon Lilë. Gjithçka ka shkuar mbrapsht për Pepe gjatë kësaj merkato vere.

Nuk paraqitet në stërvitje, zbulohet destinacioni i Kosielni

Sport Ekspres — Fri, 12 Jul 2019 17:32:52 +0000

Laurent Koshielni ka kaluar nëntë vite me Arsenal dhe mendon se kaq mjafton. Mbrojtësi, i cili është edhe kapiteni i ekipit të Unai Emeri, nuk ka pranuar të paraqitet në stërvitje në shenjë proteste ndaj klubit. Këto të fundit nuk e lejojnë largimin e tij pa asnjë para në këmbim.
Kontrata e 33-vjeçarit skadon verën e ardhshme. “L’Eqiup” raporton se francezi dëshiron me patjetër të transferohet në atdheun e tij te klubi i Bordo. Arsenal e ka refuzuar këtë kërkesë të mbrojtësit dhe situata është ndërlikuar mjaft, me lojtarin, që e pret një gjobë e majme.

Përveç gjobës, francezi nuk do të lejohet të trajnohet me ekipin e parë, por do e bëjë këtë me të rinjtë. Shiriti i kapitenit as nuk mund të mendohet më. Granit Xhaka është kandidati kryesor për ta marrë atë. Tashmë Koshielni po kërkon në çdo mënyrë largimin, me Bordonë që është e hapur nëse lojtari zgjidh gjithçka me Arsenalin.

Totenhemi çmend Arsenalin, talenti francez ndërron destinacion

Sport Ekspres — Fri, 12 Jul 2019 13:24:18 +0000

Qendërmbrojtësit francez Uilliam Saliba i ka mjaftuar vetëm një gjysmë sezoni si profesionist për të tërhequr vëmendjen e klubeve më elitare të Europës. Lojtari i Sent-Etien është vetëm 18 vjeç dhe mbylli sezonin e kaluar duke marrë vlerësime për paraqitjet në qendër të mbrojtjes.

Klubi më i interesuar për 18-vjeçarin ishte Arsenali. Përfaqësuesit e “topçinve” negociuan për javë të tëra me skuadrën franceze, por këto biseda kanë rezultuar të kota, pasi së fundmi një ofertë e Totenhemit ndryshoi gjithçka.

Skuadra londineze ka ofruar 30 milionë euro në një këst të vetëm. Sipas medies franceze “RMC”, kjo ofertë është pranuar menjëherë nga Sent-Etien dhe ditën e nesërme do të nënshkruhet kontrata e transferimit.

Saliba u aktivizua në 16 ndeshje të kampionatit francez, ku më së shumti luajti në qendër të mbrojtjes. Sezoni që lamë pas ka qenë fantastik për futbollistin shtatlartë, i cili nga një i panjohur u kthye në një lojtar stabël të skuadrës së Sent-Etien dhe të grupmoshave të Francës, ku nuk ishte ftuar asnjëherë më parë të shkuarën.

Inter nis “pastrimin” e mesfushës, largohet një luzitan

Sport Ekspres — Tue, 09 Jul 2019 12:58:58 +0000

Inter po punon për ta rinovuar repartin e mesfushës. Përveç ardhjeve priten edhe largime. Zhoao Mario është një prej të zgjedhurve në dalje. Mediet italiane raportojnë se ai është në negociata të avancuara mbi një transferim në Monako.
Interi e vlerëson 25 milionë euro mesfushorin. Ai nuk është pjesë e planeve të Antonio Conte dhe paga e tij është gjithashtu një peshë në financat e klubit. Agjenti i Zhoao Mario dhe ndërmjetësit e tij ishin në selinë e klubit zikaltër këtë mëngjes për të diskutuar transferimin në principatën franceze.

Ishte një takim i gjatë dhe besohet se Interi ka kërkuar 25 milionë euro, ndërsa Monako ka tentuar të negociojë rreth kësaj. 26-vjeçari është blerë nga Sportingu për 40 milionë euro në verën e vitit 2016 pas një dueli me rivalët e Milanit. Përtej kësaj shifre, luzitani nuk i plotësoi kurrë pritshmëritë klubit.

Në Angli vetëm Junajtid, Solskjaer bëri çmos të më mbante

Sport Ekspres — Mon, 08 Jul 2019 19:43:06 +0000

PSG pavarësisht largimit të Rabiot ka arritur të bëjë një afrim tjetër të madh me kosto zero. Ander Herrera është integruar tashmë në ekipin e ri dhe është gati për të nisur aventurën pariziene.
Spanjolli në një intervistë për mediet franceze tregon se përse zgjodhi Parisin. I shprehet mirënjohes Junajtid dhe në fund deklaron se ata u kujtuan vonë për ta mbajtur.

“Pse PSG? Sepse pasi të lija Junajtid, klubin më të madh në Angli duhej një klub si Parisi. Janë klubi më i madh në Francë. Nuk mund të luaja për një klub tjetër në Angli. Koha e kaluar atje ka qenë e mrekullueshme.”

“Kam luajtur 189 ndeshje dhe kam qenë i rëndësishëm për të gjithë trajnerët. Kam shijuar çdo moment atje. Solskjaer bëri shumë për të më mbajtur, por gjërat nuk ndodhën. Ata mbërritën vonë dhe atëherë kisha vendosur se do luaja me Parisin”, u shpreh Ander Herrera.

Bajern i paraprin të ardhmes, dy supertalente në orbitën e bavarezëve

Sport Ekspres — Mon, 08 Jul 2019 18:27:11 +0000

Bajerni i Mynihut këtë vit është detyruar të ndërrojë strategjinë e klubit mbi merkaton, duke bërë blerje të mëdha me harxhime kolosale. Kjo ndoshta ka ndodhur edhe me humbjen e aftësisë për të zbuluar yje të rinj që pritet të shpërthejnë. Në Bavari e kanë kuptuar këtë dhe po punojnë për të sjellë talentet më cilësorë.
Xhengiz Ynder i Romës është një emër që pëlqehet shumë nga Rumenige. Turku ka treguar aftësi shumë të mira te Roma. Paraqitjet pozitive kanë bërë që vlera e kartonit të tij të shkojë në 35 milionë euro. Bajern po nxiton ta marrë para se çmimi i 21-vjeçarit të “prekë” qiellin.

Një tjetër objektiv i drejtuesve të Bajern është edhe Benxhamin Henriks. Mbrojtësi ka spikatur shumë te Monako dhe Bajern synon të blejë shërbimet e tij. 22-vjeçari mbulon të dy krahët e repartit difensiv, por nuk e ka aspak problem edhe aktivizimin në mesfushë. Djaloshi spikati në Europianin e të rinjve me kombëtaren e Gjermanisë. Vlera e tij në merkato vërtitet rreth 20 milionë eurove.

Lumë ofertash për Bakajokon, vendimin final e jep Lampard

Sport Ekspres — Mon, 08 Jul 2019 17:14:59 +0000

Bakajoko është kthyer te Çelsi pas një huazimi njëvjeçar në Milano. Mesfushori ka treguar një nivel të kënaqshëm te kuqezinjtë, pavarësisht marrëdhënies jo të mirë me ish-trajnerin Gatuzo. Francezi nuk e ka vendin të sigurt te Çelsi, edhe pse këto të fundit nuk mund të bëjnë merkato këtë verë.
Mediet e mëdha evropiane raportojnë se PSG është futur në garë për të siguruar shërbimet e tij. Leonardo e njeh mjaft mirë 24-vjeçarin dhe ka besim se ai mund të jetë i suksesshëm në “Parc de Princes”. Kontrata aktuale e Bakajoko me Çelsin përfundon në vitin 2022.

Për ish-lojtarin e Monako interesohet edhe Mançester Junajtid. Djajtë e kuq janë treguar konkretë me atë çka kërkojnë dhe kanë telefonuar drejtuesit e Çelsit. Blutë e Londrës nga ana e tyre do duhet të vendosin bashkë me lojtarin. Në ditët në vijim mesfushori dhe Lampard do të kenë një takim, ku do vendoset përfundimisht e ardhmja e Bakajoko.

Karvajo vesh “kostumin e ri”, zyrtarisht i futet trajningut

Sport Ekspres — Sun, 07 Jul 2019 13:56:42 +0000

Rikardo Karvajo do të jetë ndihmësi i Andre Vijash-Boash te skuadra e Olimpikut të Marsejës. Ish-mbrojtësi i Real Madridit i futet kështu një aventure të re, si pjesë një stafi trajnerësh.

Klubi francez, bashkë me trajnerin kanë besuar në aftësitë e luzitanit për ta bërë pjesë të stafit. Lajmi është bërë i ditur nga Marseja, nëpërmjet rrjeteve sociale.

Kujtojmë se Karvajo ka pasur një karrierë mjaft të pasur si futbollist. 41-vjeçari është fryt i akademisë së Portos. Pas largimit nga Portugalia është aktivizuar me Çelsin, Realin dhe Monakon.

Në fund ka kaluar edhe një periudhë 1-vjeçare në Kinë me Shangai Shenua. Mbetet për t’u parë sesa aftësi do ketë në një fushë si ajo e trajningut.

? The right hand to the Boss. Welcome aboard, Ricardo Carvalho!pic.twitter.com/pppm0eTAps

— Olympique Marseille (@OM_English) July 6, 2019

Puç ndaj Barcelonës, PSG e çon Nejmarin në klub tjetër

Sport Ekspres — Sat, 06 Jul 2019 08:35:33 +0000

PSG i ka ofruar Nejmarin Realit të Madridit. Dëshira e brazilianit është të kthehet në Barcelonë dhe ka gati një muaj që insiston në klubin francez për të plotësuar këtë kërkesë. Megjithatë, kthimi i 27-vjeçarit sa vjen e ndërlikohet më shumë. Marrëdhëniet mes Al Kelaifit dhe drejtuesve të Barçës janë “të ndera”.
Negociatat e katalanasve me lojtarët nën kontratë të PSG dhe ikja e dhimbshme e Nejmar dy vite më parë ka sjellë një prishje totale të marrëdhënieve. Ardhja e Leonardos u duk se i zbuti pak marrëdhëniet, por ka ende mllef të grumbulluar nga të dyja palët. E gjithë kjo sjell kundërshtimin e klubit francez për të shitur Nejmar në Barcelonë.

Spanjollja “AS” pretendon se drejtuesit e PSG e kanë propozuar kanditaturën e Nejmar në “Santiago Bernabeu”. Të dy klubet gëzojnë një raport shumë korrekt. Megjithatë, Nejmar nuk është prioritet në Madrid. Skuadra është e mbipopulluar me lojtarë ofensivë dhe synimi primar i Florentino Perez është të shesë.

Shitja përfundimtare e Bejl për një shifër të volitshme do të shtonte shancet që Reali të kërkonte Nejmar. Gjithsesi, mbetet për t’u parë nëse braziliani do të guxonte të tradhëtonte tifozët dhe shokët e tij në klubin katalanas.

“Ish”-i i Milanit lë Francën, kalim i bujshëm në La Liga

Sport Ekspres — Wed, 03 Jul 2019 19:43:17 +0000

Një nga lojtarët më të mirë të Olimpikut të Marsejës, Lukas Okampos ka lënë stadiumin “Velodrome” për t’u transferuar te Sevija. Argjentinasi ishte një lojtarët më të mirë të skuadrës nga Ligue 1 gjatë këtij sezoni. Problemet me ndershmërinë financiare e kanë çuar klubin francez të heqë dorë nga 24-vjeçari.
Okampos ka zbarkuar në Sevije në këmbim të 15 milionë eurove, plus bonuset, që kanë shkuar në xhepat e Marsejës. Argjentinasi, që më parë është aktivizuar edhe me Milanin, firmos kontratë 5-vjeçare, që e mban të lidhur deri në vitin 2024 me klubin spanjoll.

Ai është një ndër të vetmit që ka tërhequr vëmendjen e klubeve evropiane, me Marsejen që duhet të grumbullojë të paktën 40 milionë euro këtë merkato, në mënyrë që të evitojë penalizimet nga ana e qeverisë së futbollit evropian.

Fekir gati për ndarjen me Lionin, dy klube në balotazh

Sport Ekspres — Wed, 03 Jul 2019 16:42:51 +0000

Nabil Fekir është lojtari i radhës që mund të largohet nga Lioni. Francezi ka shfaqur interesin e një sërë klubesh të mëdha evropiane, që janë në radhë për të “rrëmbyer” shërbimet e tij. Së fundmi, mediet evropiane raportojnë se Roma dhe Arsenali kanë zhvilluar kontaktet e para me klubin francez në lidhje me yllin 36-vjeçar.
Italianët janë ato që kanë treguar seriozitetn më të madh. Negociatat me Zaniolon për rinovimin e kontratës kanë ngecur dhe drejtuesit mendojnë të marrin Fekir në vend të italianit. Gjithsesi, jo çdo gjë varet nga Zaniolo. Edhe nëse ai rinovon, Roma përsëri do të synojë shërbimet e një ylli të madh dhe i zgjedhuri është Fekir.

Ndërkohë, edhe Arsenali ka hedhur hapat e parë drejt lojtarit. Londinezët kanë kontaktuar me Lionin për të parë nëse francezi është i përshtatshëm për xhepat e klubit anglez. Moskualifikimi në Champions bën që “Topçinjtë” të kenë një buxhet të limituar në merkato. Ardhja e Fekir varet shumë nga qëndrimi ose jo i Ozil në “Emirates Stadium”. Nëse gjermani qëndron, Fekir nuk vjen.

Takim kokë më kokë, ja ç’u tha mes Nejmar dhe Mesit

Sport Ekspres — Wed, 03 Jul 2019 15:42:02 +0000

Argjentina, edhe pse ndoshta pa meritë të plotë, është eliminuar nga Brazili në gjysmëfinalet e Kupës së Amerikës. I munguari më i madh i këtij kompeticioni, Nejmar ishte i pranishëm në stadiumin Mineirao në mbështetje të kombëtares së tij, por edhe për diçka tjetër. Braziliani ka shfrytëzuar mundësinë për të takuar Leo Mesin.

Siç zbulon “Sport.es”, dy yjet e futbollit botëror janë takuar për të diskutuar rreth të ardhmes së Nejmar. 27-vjeçari ka konfirmuar dëshirën për të zbarkuar përsëri në Barcelonë. Ndërkohë, Mesi nga ana e tij është munduar t’i shpjegojë se të gjithë në “Camp Nou” e duan ardhjen e Nejmar dhe janë në pritje të tij.

Nëpërmjet kësaj bisede, Nejmar e ka kuptuar se në Barcelonë e duan ende dhe është bindur plotësisht për t’u kthyer. Një prej tridentëve më të frikshëm në histori, “MSN” është në proçes ribashkimi. Presim spektakël!

Të enjten zyrtarizimi, PSG “rrëmben” yllin e Junajtid

Sport Ekspres — Tue, 02 Jul 2019 19:59:25 +0000

Mançester Junajtid i është dashur të heqë dorë nga një yll si Ander Herrera, i cili do të largohet falas pas përfundimit të kontratës në fund të qershorit të kaluar. “RMC”, nëpërmjet gazetarit Muhamed Buhafsi zbulon se 29-vjeçari ka arritur marrëveshjen me PSG.

Ditën e enjte do të udhëtojë drejt Parisit për të zyrtarizuar gjithçka. Më pas, ditën e hënë do të jetë i gatshëm për grumbullimin e parë të skuadrës. Herrera vjen pa asnjë harxhim në “Parc de Princes”. Spanjolli pritet të mbulojë hapësirën e lënë bosh nga largimi i Rabiot, për të qenë partneri i Verratit në mesfushë.

Mesfushori lë Junajtid pas pesë vitesh. Në vitin 2014 “Djajtë e Kuq” e blenë për 36 milionë euro nga Atletik Bilbao dhe tani do i duhet të heqin dorë, duke e lënë të largohet me parametra zero. Ofertat për të ishin të shumta, me kampionët francezë që u treguan më këmbëngulësit.

Në avion për Francë, mesfushori katalanas drejt Parisit

Sport Ekspres — Tue, 02 Jul 2019 19:15:35 +0000

Barcelonë ka një mesfushë të mbipopulluar dhe në “Camp Nou” flitet shpesh për largimin e një lojtari të këtij reparti. Ivan Rakitiç është një prej kandidatëve kryesorë për një transferim të mundshëm. Ajo që i shton edhe më shumë dyshimet është veprimi i fundit i kroatit.
Ai është fotografuar duke udhëtuar drejt Parisit bashkë me gruan. Mediet spanjolle hedhin dyshimet se Rakitiç është nisur drejt Francës për të parë qytetin dhe studiuar mundësinë e një shpërngulje në skuadrën e PSG. Këto të fundit kanë një pëlqim shumë të madh për të.

Përfishirja e nënkampionit të botës në operacionin “Nejmar” është opsioni më i mundshëm. Ardhja e një talenti si De Jong e ul mundësine e Rakitiç për të qenë një lojtar stabël në formacion dhe largimi nuk ka pse të jetë “tabu”.

Priti 18 muaj, Totenhem tund themelet e merkatos me këtë blerje

Sport Ekspres — Tue, 02 Jul 2019 16:11:46 +0000

Më në fund Totenhem bën një blerje të madhe. Tangui Ndombele është lojtari më i ri i klubit londinez. 22-vjeçari do të zbresë në “Tottenham Stadium” për shifrën rekord të 73 milionë eurove, që shkojnë në arkat e Olimpikut të Lionit.
Mesfushori ka udhëtuar drejt Londrës, ku ka kryer vizitat paraprake. Para pak minutash Totenhem ka lançuar blerjen e talentit francez. Tangui firmos kontratë 6-vjeçare, që e mban të lidhur me anglezë deri nv citin 2025. Ndombele është blerja e dytë e “Spurs-ave”, pas 18-vjeçarit Xhek Klark.

Për francezin mund të themi se është afrimi i parë, pasi Klark do të vazhdojë si i huazuar te Lids Junajtid. Ndombele është operacioni më i shtrenjtë në historinë e skuadrës së drejtuar nga Poçetino. Ai pritet të jetë një pikat kryesore të londinezëve, duke formuar një treshe të frikshme me Eriksen dhe Dele Ali.

?? #WelcomeTanguy #COYS ?? #THFC pic.twitter.com/P0S9JJyfsV

— Tottenham Hotspur (@SpursOfficial) July 2, 2019

Zyrtare: Ylli spanjoll kalon te PSG, firmos për 5 vite

Sport Ekspres — Tue, 02 Jul 2019 08:03:05 +0000

PSG lëviz në merkato dhe ditën e sotme ka zyrtarizuar marrëveshjen me mesfushorin e avancuar, Pablo Sabia. Futbollisti u mor Sevilja dhe klubi francez bën me dije se ka nënshkruar me 27-vjeçarin një kontratë të vlefshme për pesë vitet e ardhshme.

Sarabia mbylli një sezon super në Spanjë, teksa ia ka dalë të shënojë 12 gola edhe pse nuk është një sulmues. Ky ishte sezoni i tij më i mirë në La Liga, çka bëri që edhe PSG t’i ofronte një kontratë dhe ai pranoi të nënshkruante.

???? @Pablosarabia92, le milieu offensif espagnol du @SevillaFC_FRA, 27 ans, s’est engagé pour 5 saisons avec le Paris Saint-Germain ??
Interview ? et photos ? à découvrir vendredi sur https://t.co/oDgvOgVNCY !#WelcomeSarabia pic.twitter.com/RcguM86gO8

— Paris Saint-Germain (@PSG_inside) July 2, 2019

ZYRTARE | Dy yje largohen nga Madridi, firmosin në Angli dhe Francë

Sport Ekspres — Mon, 01 Jul 2019 17:54:18 +0000

Dy skuadrave të Madridit sot i është dashur të lëshojnë dy yje nga gjiri i tyre. Gelson Martins i Atletiko Madrid dhe Mateo Kovaçiç i Realit i kanë dhënë përfundimisht lamtumirën klubeve të Madridit. Këto të fundit nuk mund të themi së kanë dalë bosh nga këto largime, por kanë përfituar shuma jo të vogla nga shitjet e dy lojtarëve.

.@Mateo_Kova23 is here to stay! ?

— Chelsea FC (@ChelseaFC) July 1, 2019

Mateo Kovaçiç është zyrtarizuar si blerja e parë dhe e vetme e kësaj vere për londinezët e Çelsit. Anglezët e kanë të ndaluar të bëjnë merkato. I vetmi përjashtim janë lojtarët që kanë kaluar sezonin në Londër si të huazuar. Ndryshe nga Higuain, Kovaçiç ja ka mbushur mendjen drejtuesve anglezë. Plot 50 milionë euro janë derdhur në arkat e Realit për të mbajtur yllin kroat. Nga kjo marrëveshje ka lumturi edhe për Kovaçiç, që ka gjetur veten në “Stamford Bridge”, pas vështirësive të hasura në Madrid.

Ndërkohë, Gelson Martins është zyrtarisht i klubit të Monakosë. 24-vjeçari ka firmosur kontratë për pesë vitet e ardhshme. Portugezit i janë dashur vetëm gjashtë muaj në Francë për të bindur klubin bardhekuq. Ai ishte i huazuar që nga janari te Monako, ku dha një ndihmë shumë të madhe për mbijetesën në Ligue 1. Atletiko Madrid mbush xhepat me plot 30 milionë nga shitja e portugezit.

??? L’AS Monaco est heureux d’annoncer la signature de @GelsonMartins_. Prêté en janvier par l’Atlético Madrid, le milieu offensif s’est engagé pour 5 saisons. Il est désormais lié avec le Club jusqu’en juin 2024.

?? https://t.co/XauTCocOkP pic.twitter.com/KiKV7oO8nY

— AS Monaco ?? (@AS_Monaco) July 1, 2019

Bonuçi drejt PSG-së? Veprimi i Sarrit flet qartë!

Sport Ekspres — Sun, 30 Jun 2019 15:54:34 +0000

Ditët e fundit lajmi se Leonardo Bonuçi mund të largohet drejt PSG-së ka pushtuar faqet e para të mediave sportive në Itali.

Mbrojtësi mund të largohet nga bardhezinjtë, teksa ardhja e De Ligt në ekip do t’i lëkundte jo pak pozitat e tij. Gjithsesi, ditën e sotme Gazzetta dello Sport, raporton se Mauricio Sarri ka telefonuar Bonuçin, me këtë të fundit që ndodhet me pushime me familjen.

Sipas Gazzettas, trajneri italian ka telefonuar mbrojtësin, duke i bërë me dije se është shumë i rëndësishëm për ekipin. Vjen apo nuk vjen De Ligt, Bonuçi është i rëndësishëm shumë për Juventusin, brenda dhe jashtë fushe. Kështu thuhet të jetë shprehur Sarri në bisedën me Leonardo Bonuçin.

Rrezikon të përsëritet skenari i turkut, Milanit i duhet të nxitojë

Sport Ekspres — Sun, 30 Jun 2019 10:52:44 +0000

Milanit mund t’i ndodhë e njëjta histori me Ozan Kabak. Kuqezinjtë ishin shumë afër blerjes së mbrojtësit, por turku vendosi në fund të transferohej te Shalke 04.

Diçka e tillë po përsëritet edhe me Hoakim Andersen dhe Paolo Maldinit i duhet të nxitojë. Mbrojtësi danez është një nga objektivat e Milanit dhe dëshira e madhe e trajnerit Xhampaolo.

Garës për 23-vjeçarin i është bashkuar edhe Lioni. Francezët kanë vepruar shpejt dhe i kanë ofruar 30 milionë euro Sampdorias. Një ofertë që e tundon klubin dorian për ta lënë të lirë Andersen, ndërsa Milani duhet të veprojë shpejt, gjithmonë nëse vazhdon të jetë i interesuar për lojtarin viking.

Zyrtare | Transferim i goditur, një talent i madh për Lilën

Sport Ekspres — Sat, 29 Jun 2019 20:50:04 +0000

Skuadra franceze e Lilës ka siguruar shërbimet e Timonti Ueah, djali i ish-futbollistit legjendar dhe fituesit të “Topit të Artë”, Xhorxh Ueah. Timonti ka dalë nga akademia e PSG-së dhe ka treguar një talent të madh, duke ndjekur hapat e babait të tij.

Sezonin e shkuar, 19-vjeçari luajti si i huazuar te skuadra skoceze e Selltikut, ku tregoi cilësi shumë të mira dhe bëri paraqitje të shkëlqyera, faktorë që bënë Lilën të shpenzojë 10 milionë euro për shërbimet e tij.

Ueah nis kështu një aventurë të re, mbetet në Ligue 1 dhe duket gati për të marrë rolin e liderit te skuadra e Lilës, që sezonin e shkuar, u rendit të vend të dytë në kampionatin francez të futbollit, pas PSG-së.

E bujshme! Mbape refuzon kontratën e PSG-së

Sport Ekspres — Sat, 29 Jun 2019 16:50:04 +0000

Kilian Mbape nuk ka pranuar të rinovojë me PSG-në. Kampioni i Botës dhe një nga lojtarët më të mirë në botë ka vendosur të mos e vazhdojë karrierën e tij te ekipi kryeqytetas. Kontrata aktuale e Mbape skadon në 30 qershor, 2022 dhe drejtuesit e PSG-së pretendonin ta rinovonin këtë kontratë edhe për 3 sezone të tjera, deri ne 2025, por sulmuesi 20-vjeçar e ka refuzuar.

Lajmi menjëherë u shpërnda në të gjitha mediat europiane dhe tashmë, klubet më të mëdha në botë janë vënë pas firmës së yllit francez. Mbape, në 2 sezone te PSG, ka shënuar 60 gola në të gjitha kompeticionet, por në sezonin që sapo u mbyll, ishte i dyti në Europë për gola të shënuar, pas Lionel Mesit. Reali i Madridit shihet si ekipi i favorizuar për të nënshkruar me Mbape.

I pasuri pasurohet, PSG dhe Nike nënshkruajnë kontratën faraonike!

Sport Ekspres — Fri, 28 Jun 2019 21:19:57 +0000

Kampionët e Francës, PSG, janë një nga skuadrat më të pasura në botë dhe presidenti Naser Al-Khelaifi nuk e ka pasur asnjëherë problem të shpenzojë shifra të çmendura për të sjellë në Paris lojtarët më të mirë në botë.

Ibrahimoviç, Mbape, Nejmar, Kavani, Di Maria, Draksler, Lavezi, Pastore, Tiago Silva, David Luiz e shumë të tjerë kanë kushtuar miliona euro, por bordi drejtues i PSG-së nuk është shqetësuar shumë, por kanë synuar vetëm dominimin në futboll. Në Francë, ia kanë dalë, në Europë ende jo.

Edhe pse buxheti që PSG ka në dispozicion është shumë i majmë, drejtuesit e klubit vazhdojnë të punojnë me sponsor të shumtë, një nga ta është dhe Nike. Klubi francez kishte një kontratë me kompaninë e njohur deri në vitin 2021, ku përfitonte 25 milionë euro në sezon. Kjo kontratë, është rinovuar edhe me 10 vite (2031), kontratë nga e cila PSG do të përfitojë plot 80 milionë euro në sezon, në total (875 milionë euro).

“Marrëveshja më e madhe në histori”, feston PSG

Sport Ekspres — Fri, 28 Jun 2019 11:36:16 +0000

Nuk bëhet fjalë për ndonjë futbollist të madh, por PSG ka nënshkruar kontratën e verës. Kampionët e Francës kanë arritur një marrëveshje fantastike me firmën “Nike” deri në vitin 2032.

Plot 80 milionë euro në vit do të përfitojë PSG nga prodhuesi gjigant amerikan. Deri në vitin 2022 është aktive kontrata e vjetër me 25 milionë euro fitime në vit, ndërsa më pas fitimet do të shumëfishohen.

Ky akord ka të bëjë edhe me ekipin e femrave dhe atë të hendbollit, ndërsa PSG e cilësoi si marrëveshja më e madhe e sponsorizimit në historinë e klubit.

Bisedimet u udhëhoqën nga presidenti Naser Al-Khelaifi dhe një akord i tillë e fut PSG-në në 5 klubet me kontratat më të mëdha të nënshkruara me sponsorët sportive.

PSG e nis merkaton “zjarr”, francezët finalizojnë dy blerje!

Sport Ekspres — Thu, 27 Jun 2019 13:09:51 +0000

Në Paris merkatoja nis zjarr, me kampionët e Francës që duket se kanë siguruar dy blerje menjëherë. Ander Herrera dhe Pablo Sarabia do të jenë lojtar të PSG-së.

Pablo Sarrabia et Ander Herrera doivent officiellement devenir parisien la semaine prochaine. Les deux joueurs sont venus à Paris récemment conclure leur transfert #PSG #Mercato

— Loïc Tanzi (@Tanziloic) 27 juin 2019

Sipas “RMC Sport”, dyshja spanjolle do të prezantohet javën e ardhshme, me mesfushorin e Junajtid që do të vijë si lojtar i lirë, ndërsa anësori i Sevijas do të blihet për 18 milionë euro.

E bujshme | Alioski gati për hapin e madh, e kërkon gjiganti francez

Sport Ekspres — Wed, 26 Jun 2019 15:41:46 +0000

Marseja nuk ia doli që të kualifikohej për në Champions League, pasi u rendit në vend të 5 në Ligue 1. Si pasojë, drejtesit e klubit kanë planifikuar një revolucion në skuadër, ku priten shumë largime dhe fytyra të reja.

Një nga lojtarët për të cilët Marseja ka shfaqur interes, është Ezgjan Alioski. Sulmuesi i Lids Junajtid bëri një sezon shumë të mirë nën urdhrat e Marcelo Bielsës dhe ka tërhequr vëmendjen e disa ekipeve.

Marseja është një nga skuadrat e interesuar dhe Alioski vështirë se mund të refuzojë një ofertë nga klubi gjigant francez. Alisoki mund të luajë disa role në fazën sulmuese dhe shihet si përforcimi i duhur nga stafi teknik i Marsejës.

Jo vetëm afrime për Juventusin, ofertë për “motorin” e mesfushës

Sport Ekspres — Tue, 25 Jun 2019 20:22:57 +0000

Drejtuesit e Juventusit po punojnë fort për t’i dhuruar Mauricio Sarrit një skuadër sa më të fortë. Objektivi është gjithmonë i njëjti, fitimi i çdo trofeu të mundshëm, sidomos ai i Champions Ligës.

Kontingjenti i lojtarëve është shumë i pasur dhe i madh në numër, kështu që është i paevitueshëm largimi i disa prej tyre. Emri i fundit që po qarkullon është i ai Blez Matuidi.

“Xholi” i mesfushës pëlqehet shumë nga Leonardo Zhardim, i cili e kërkon te Monako e tij. Kontrata e 32-vjeçarit me Juventusin përfundon në verën e vitit të ardhshëm dhe ai mund të jetë i “sakrifikuari” i kampionëve të Italisë në merkato.

PSG nuk dorëzohet për De Ligt, Leonardo gati të befasojë Juven

Sport Ekspres — Tue, 25 Jun 2019 15:35:29 +0000

Matijs De Ligt është një hap larg akordit me Juventusin, por PSG nuk është dorëzuar ende. Leonardo beson akoma te blerja e mbrojtësit të talentuar holandez dhe po përgatit goditjen finale.

Braziliani ka gati një rrogë prej 15 milionë eurosh në sezon për 19-vjeçarin. Bardhezinjtë po nxitojnë, pasi ia kanë frikën francezëve. “Zonja e vjetër” ka marrëdhënie të mira me agjentin e lojtarit, por Mino Rajola njihet për surprizat e tij të pakëndshme dhe diçka e tillë “tremb” italianët.

Paratë nuk janë problem për PSG-në, sidomos pas lajmeve të fundit që flasin për një shitje të Nejmarit te Barcelona. Leonardo dëshiron me çdo kusht akordin me kapitenin e Ajaksit dhe është gati t’i dhurojë De Ligt një rrogë totalisht të çmendur, me synimin për ta transferuar lojtarin në kryeqytetin francez.

Nis epoka Leonardo, PSG bën blerjen e parë!

Sport Ekspres — Mon, 24 Jun 2019 13:39:32 +0000

PSG po zien momentalisht nga çështja Nejmar, me brazilianin që sipas gjasave do të kalojë te Barcelona. Gjithsesi, pavarësisht se vëmendja kryesore është te kjo çështje, drejtuesit e PSG-së, me Leonardon në krye, nuk e kanë lënë pas dore merkaton.

Përkundrazi, duket se francezët janë gati për të finalizuar blerjen e parë të këtij afati kalimtar. Sipas mediave spanjolle, Pablo Sarabia pritet që të jetë lojtari i ri i PSG.

Mesfushori i avancuar do të kalojë nga Sevija në Paris, me francezët që do të paguajnë klauzolën prej 18 milionë eurosh. 27-vjeçari ishte prej tri vitesh pjesë e andaluzianëve, me këta të fundit që e kishin blerë nga Getafe për vetëm 1 milion euro.

“Nejmar ka karizmën për ta kaluar këtë moment. Barça? Ai e di çfarë po bën”

Sport Ekspres — Sun, 23 Jun 2019 19:42:45 +0000

Marrëdhëniet midis Edinson Kavanit dhe Nejmar nuk kanë qenë kurrë të mira, madje “shkëndijat” mes dy sulmuesve latinë të PSG-së nuk kanë munguar.

Megjithatë, të dy janë profesionistë dhe qëllimi kryesor është që të bëjnë mirë për ekipin. Zërat e merkatos e lidhin brazilianin me një rikthim te Barcelona dhe “El Matador” është ndalur në këtë temë.

Situata e Nejmar nuk është aspak pozitive, pasi 27-vjeçari është dëmtuar përsëri dhe ndihet i lodhur nga akuzat për përdhunim të një modeleje braziliane.

“Kam biseduar me Nejmarin në lidhje me këtë temë kur ishim në Francë. Ditët e fundit nuk kam folur me të, por, duke parë ngjarjet e fundit, jam i idesë që ai është i qartë për të ardhmen e tij. E di që është një moment i vështirë për të, por Nejmar ka karizmin dhe aftësinë për të vazhduar përpara.

Shpresoj ta marrë veten sa më shpejt dhe i dërgoj urimet më të mira. Duhet të bëhet i fortë dhe të lërë pas krahëve gjithçka që ka ndodhur”, përfundon Kavani nga grumbullimi në Brazil, aty ku po tenton të fitojë Kupën e Amerikës me Uruguain e tij.