liga e pare

Liria kërkon rikthimin, firmos ish-portieri i Kamzës

Sport Ekspres — Thu, 18 Jul 2019 10:07:26 +0000

Liria ka vetëm një objektiv: rikthimin në IPKO Superligën e Kosovës. Klubi nga Prizreni i ka besuar stolin një eksperti të ngjitjes një kategori më lart si Sumuel Nikaj dhe fillimi i sezonit të ri po pritet me entuziazëm.

Klubi ka bërë disa afrime në merkato, ndërsa është përforcuar edhe porta. Sipas “Kruja Sport”, ekipi i Ligës së Parë ka arritur akordin me Elidon Selacin. 29-vjeçari nga Fushë Kruja ishte pjesë e Kamzës sezonin e kaluar.

Shtatlarti ka firmosur kontratën me Lirinë dhe sezonin e ardhshëm do të provojë emocionet e futbollit dardan me synimin e vetëm rikthimin e bardhezinjve nga Prizreni në elitë.

Nikaj mbetet në Kosovë, klubi i ri zyrtarizon marrëveshjen

Sport Ekspres — Fri, 28 Jun 2019 19:06:20 +0000

Samuel Nikajt nuk i është dashur të presë shumë për të gjetur një ekip të ri pas tërheqjes nga detyra si trajner i Vushtrrisë. Tekniku shkodran do të vazhdojë të punojë në Kosovë. Skuadra e re e 41-vjeçarit do të jetë Liria e Prizrenit.

Lajmi është bërë i ditur nga klubi prizrenas me anë të një postimi në rrjetet sociale. Nikaj ka fituar statusin e një eksperti përsa i përket ngjitjes së ekipeve nga Liga e Parë në IPKO Superliga. Në dy sezonet ku ai ka punuar në Ligën e Parë, skuadra e tij (Flamurtari Prishtinë 2017, Vushtrria 2019) ka siguruar promocionin në elitën e futbollit të Kosovës