Liga e Kombeve

CR7 “presion” Holandës: Nuk i ndjej 34 vitet mbi supe, ju tregoj sekretin

Sport Ekspres — Sat, 08 Jun 2019 13:23:36 +0000

Kristiano Ronaldo shënoi tre gola të bukur kundër Zvicrës dhe dërgoi Portugalinë e tij në finalen e Ligës së Kombeve. Ylli i Juventusit ndihet mirë, në formë, i karikuar dhe i lumtur.

Nesër zhvillohet finalja kundër Holandës dhe Ronaldo me shokë duan fitoren. Ndeshja luhet në shtëpi dhe kjo është një avantazh. 34-vjeçari flet për objektivat dhe sekretet e tij. Pavarësisht se vitet kalojnë, ai përmirësohet dhe shënon gjithnjë e më shumë.

“Është gjithmonë një nder për mua të rikthehem në Portugali. Të jesh pjesë e këtij kompeticioni është speciale dhe të shënosh është qershia mbi tortë. Shpresoj të fitojmë Ligën e Kombeve. Luajmë në shtëpi dhe do të japim gjithçka. Ndihem mirë fizikisht në moshën 34-vjeçare. Koka është gjëja më e rëndësishme. Duhet të jesh i fortë psikologjikisht dhe i lumtur. Mendoj se kam akoma shumë për të dhënë”, përfundon Kristiano Ronaldo.

Finalet e “Nations League”, UEFA përcakton vendin organizator

Sport Ekspres — Sun, 18 Nov 2018 11:29:05 +0000

Në ndeshjen e djeshme midis Italisë dhe Portugalisë nuk luhej për një biletë në fazën finale të “Nations League”, pasi fituesi i grupit do të siguronte dhe të drejtën e organizimit të turneut që do përcaktojë përfaqësueset fituese të të katër ligave A,B,C dhe D.

Turneu do të fillojnë më datë 5 qershor të vitit të ardhshëm dhe do të zgjasë për pesë ditë. 16 (4 për çdo Ligë) përfaqësueset fituese të grupeve respektive do të udhëtojnë drejt Portugalisë, ku do të ndeshen ndaj njëra-tjetrës në ndeshje me një takim, ku fillimisht do të përcaktohen finalistët e më pas në përballjen midis dë skuadrave më të mira, fituesit do të marrin trofetë përkatës dhe një “biletë” për në “Euro 2020”.

Gjithsej do të zhvillohen 16 takime (do të luhet edhe për vendin e tretë), të cilat do të zhvillohen në “Estadio do Dragao” të Portos dhe “Estadio Afonso Henrikes” të Guimaraesh. Fituesi i turneut do të përfitojë 4.5 milionë euro ndërsa vendi i dytë 3.5 milionë euro.

Stadiumi i Guimaraesh

Estadio Dragao

Boateng në qendër të vëmendjes, largohet nga Kombëtarja

Sport Ekspres — Sun, 14 Oct 2018 13:43:49 +0000

Zherom Boateng nuk është në një moment të mirë, diçka çka u dëshmua dhe në ndeshjen e fundit me Holandës. Mbrojtësi i Bajernit të Mynihut është kritikuar jo pak për paraqitjen e tij. Gjithsesi, në sfidën me “tulipanët” jo gjithçka ka shkuar mirë për Boatengun, i cili ka pësuar dhe një dëmtim.

Diçka të tillë e bën të ditur federata gjermane, e cila ka njoftuar përmes në sajtin e saj se mbrojtësi ka lënë grumbullimin, duke humbur në këtë mënyrë ndeshjen e radhës në Ligën e Kombeve, e cila do të jetë ajo me Francën të martën që vjen.

Boateng numëron 86 ndeshje me skuadrën e parë të Gjermanisë që nga vitit 2009, duke shënuar dhe një gol. Pas paraqitjeve të fundit e ardhmja e 30-vjeçarit me bluzën e përfaqësueses është vënë jo pak në pikëpyetje.

Klop shfryn ndaj “Nations League”: Turneu më pa sens në botë

Sport Ekspres — Tue, 09 Oct 2018 09:27:09 +0000

Jyrgen Klop ka lëshuar disa kritika të ashpra për turneun “Nations League”. Trajneri i Liverpulit e konsideroi kompeticionin e krijuar rishtazi nga “UEFA”, si kompeticionin më të pa sens në planet. Sipas tij ky kompeticion shton mbingarkesën te lojtarët dhe dëmton objektivat parësore të klubit të tij si kampionati dhe Champions-i.

“Në tetë ndeshje kemi grumbulluar 20 pikë. Djemtë fatkeqësisht duhet të ikin të luajnë në “Nations League”, që është kompeticioni më pa sens në botë. Duhet të mendojmë për lojtarët, Henderson ka pasur vetëm dy javë pushim këtë sezon”

“Nëse marr në telefon një trajner kombëtareje dhe i kërkoj të lërë pushim dy ose tre lojtarë të Liverpulit, me shumë gjasa ai do më thotë, e kam vendin e punën në rrezik për shkak të “Nations League”,përfundoi Klop.

Shqipëria në grupin C të Ligës së Kombeve

Sport Ekspres — Thu, 10 Aug 2017 10:24:19 +0000

Jo vetëm Europian dhe kualifikueset e Botërorit. Shqipëria është gati për Ligën e Kombeve. Kuqezinjtë janë të pozicionuar në vazon e dytë të grupit(Ligës) C të Ligës së Kombeve. Kombëtarja e Kosovës është në grupin D, vazo e 2-të të këtij kompeticioni. Dy kombëtaret shqiptare në Europë janë përkatësisht larg njëra-tjetrës. Vetëm disa muaj më parë Shqipëria ishte në vazon e dytë të kësaj renditje. Ndërkohë që kuqezinjtë mund të ngjiten edhe më lart në renditjen e përfaqësueseve europiane. Liga e Kombeve ose kampionati më i ri që do të nisë në vitin në sezonin 2018-2019 dhe që do zgjasë gati një vit është gati dhe quhet Liga e Kombeve. Kampionati do të ketë sfida që do të zhvillohen brenda një harku kohor prej dhjetë muajsh, ndërsa formati do t’i ngjasojë një kampionati kombëtar, me skuadra që grumbullojnë pikë, por edhe me ekipe që do të bien nga kategoria(grupi dhe vazoja). Liga e Kombeve do të përbëhet nga 4 divizione ku çdo divizion do të ndahet në 4 grupe me 3-4 skuadra, kështu ekipet pjesëmarrëse do të ndahen në divizionet A–B–C–D. Projekti i UEFA-s i konfirmuar në Azerbajxhan konsiston në krijimin e katër grupeve në kategori të ndryshme, me ngjitje dhe rënie nga këto kategori, sikundër ndodh në kampionatet normale. Kombëtare të tilla si Italia, Anglia, Gjermania, Spanja, Franca, Holanda dhe Portugalia janë koka grupi. Fitueset e katër divizioneve do të marrin pjesë në një “final four” (katër finalistët), i cili mund të luhet në një vend neutral në verën e një viti pa kompeticione ndërkombëtare. Gjithashtu, fituesit e çdo divizioni, përveçse do të kenë mundësi të ngjiten në kategori, gjithashtu do kenë shansin dhe për të fituar një vend direkt për në Europianin e ardhshëm. Ideja për krijimin e një lige të re lindi rreth 4 vite më parë me qëllim që skuadrat përfaqësuese të kenë më shumë takime mes tyre përveç atyre të kampionateve evropiane, botërore apo miqësoreve.

5.25% mundësi ka Shqipëria të jetë në vazon e dytë të Ligës së Kombeve

94.75% ka shanse ekipi ynë kombëtar të jetë në vazon e tretë të Ligës së Kombeve

Grupi A

Vazo 1: Gjermani, Portugali, Belgjkë, Spanjë

Vazo 2: Angli, Itali, Zvicër, Poloni

Vazo 3: Francë, Kroaci, Islandë, Austri

Grupi B

Vazo 1: Bosnjë-Hercegovinë, Holandë, Uells, Sllovaki

Vazo 2: Ukrainë, Suedi, Irlandë, Rusi

Vazo 3: Irlandë e Veriut, Turqi, Çeki, Hungari

Grupi C

Vazo 1: Rumani, Danimarkë, Greqi, Slloveni

Vazo 2: Shqipëri, Skoci, Serbi, Mali i Zi

Vazo 3: Izrael, Norvegji, Bullgari, Qipro

Vazo 4: Lituani, Estoni, Finlandë

Grupi D

Vazo 1: Bjellorusi, Azerbajxhan, Armeni, Gjeorgji

Vazo 2: Letoni, Kosovë, FYR Maqedoni, Ishujt Faroe

Vazo 3: Kazakistan, Moldavi, Luksemburg, Litenshtejn

Vazo 4: Maltë, Andorrë, San Marino, Gjibraltar