Për sa i përket kontratës së re të Solarit, ka folur bashkëkombësi i tij, Diego Armando Maradona. “El pipe de oro” ka thënë për mediat në Spanjë, se zgjedhja përfundimtare e Solarit si trajner ishte një zgjedhje e detyruar, pasi nuk kishte alternativa. Gjithashtu legjenda argjentinase shtoi se, Santiago nuk e ka të gjatë në stolin e Realit.

“Mendoj se është një zgjedhje si ajo e Skalonit tek Argjentina. Nuk kishte alternativa të tjera. Gjithsesi, nuk mendoj se do ta kenë të gjatë bashkëpunimin e tyre. Solari nuk do të qëndrojë shumë te Reali. Ky është mendimi im”, përfundoi Maradona.

Rikonstruksioni i “Santiago Bernabeut”, pritet të nisë në fillim të vitit të ardhshëm, siç ka thënë dhe presidenti Florentino Perez. Kostoja e stadiumit të ri pritet t’i kalojë 500 milionë eurot dhe nuk do të ketë një rritje të kapacitetit, por vetëm të komoditetit që do të kenë tifozët.

Në prezantimin e sotëm, tekniku portugez ka bërë një gafë të pafalshme, teksa ka dashur të falenderoj Seltën për mundësinë e dhënë, gabimisht ka falënderuar Deportivo La Korunjën. Portugezi citoi se falënderonte Real Klub Deportivon, kur ndërkohë duhej të thoshte, Real Klub Seltën.

Pavarësisht se Kardozo e kuptoi gabimin e bërë, tashmë ishte tepër vonë. Një gjest që vuri mjaft në siklet dhe presidentin e klubit të Seltës, i cili ishte krah trajnerit të ri, që me sa duket e nisi me “këmbën e mbarë” aventurën e tij të re.

Miguel Cardoso nós sabemos que não foi por mal, mas digamos que trocar o nome do clube por o de um eterno rival não é propriamente a melhor forma de começar… ?pic.twitter.com/jeeKKmnSTG

— Remate Digital (@Remate_Digital) November 13, 2018

Gjithsesi, triumfi i mbrëmshëm, duket se ka pasur një “faturë” të hidhur për të paguar nga klubi madrilen. Naço dhe Kasemiro pësuan dëmtime që të dy dhe ditën e sotme është bërë e ditur shkalla e dëmtimit për të dy lojtarët.

Mesfushori brazilian, Kasemiro do të jetë larg fushave për tre javë, ndërsa për spanjollin Naço, situata paraqitet më delikate. Mbrojtësi do të mungoj për gati dy muaj. Reali do të rikthehet pas ndeshjeve të kombëtareve, për të luajtur kundër Eibarit, përsëri në transfertë.

Betis, gjithashtu sezonin e shkuar bëri një sezon mjaft të mirë dhe merita kryesore për këtë fakt është e trajnerit, Kike Setien. 60-vjeçari erdhi në krye të klubit në vitin 2017 dhe mbrëmjen e kaluar u bë trajneri i parë i dhjetë viteve të fundit që fiton në transfertën e “Bernabeut” dhe “Camp Nout”.

Kike Setien një sezon më parë mori një triumf në javën e pestë, duke befasuar Realin e Madridit brenda në “Santiago Bernabeu”. Ndeshja u vendos në minutën e 94-të, ku ishte sulmuesi Snarabia, i cili çoi në qiellin e shtatë ekipin e tij, me fitoren 0-1. Këtë sezon, ekipi i teknikut nga Santanderi merr një tjetër fitore befasuese, tani në “Camp Nou” dhe shkruan emrin e tij në librat e historisë së futbollit spanjoll.

Katër ndeshje në krye të Realit, katër fitore. Ekipet nuk kanë qenë i një niveli super të lartë, por gjithsesi skuadra duket në rrugën e duhur. Tre fitore në transfertë, 0-4 në kupë, 0-5 ndaj Plzen në Champions, 2-4 së fundmi ndaj Seltës dhe një fitore në shtëpi ndaj Vajadolit 2-0. Bilanci?! Më i miri që nga viti 1929 për një trajner të ri te Reali i Madridit.

Plot 15 gola të shënuar, me një mesatare gati katër gola për ndeshje, dhe vetëm dy të pësuar, në ndeshjen e fundit ndaj Seltës. Në katër ndeshjet e para një trajneri të ri te Reali, kjo gjë nuk i ndodhte që nga viti 1929. Fillimi duket i mbarë, ku i dihet, mbase Solari mund të jetë një bast i fituar i Perezit.

Në sfidën ndaj Betisit, katalanasit kanë regjistruar tre rekorde negative, një prej të cilëve ndodhte për herë të parë. Ndeshja e mbrëmshme ishte sfida e parë në historinë e Barçës, kur Leo Mesi shënon dy ose më shumë gola dhe ekipi pëson një humbje.

Blaugranat kanë konfirmuar momentin e tyre të keq në prapavijë teksa kanë pësuar katër gola në shtëpi për herë të parë, prej 15 vitesh. Në vitin 2003, katalanasit pësuan një humbje ndaj Deportivo La Korunjës me shifrat 2-4. Gjithashtu, katër golat e pësuar ndaj Betisit, kanë barazuar rekordin negativ të sezonit 1974-1975, ku në 12 javët e para të kampionatit pësonin 18 gola.

Sezoni i ri ka nisur më i mirë për sulmuesin, teksa numëron plot 7 gola në kampionat pas 11 javësh, ku Sevija mban vendin e tretë. Në një intervistë për prestigjiozen portugeze “A Bola”, Andre Silva ka folur për kalimin e tij në Spanjë, si dhe largimin nga Italia.

“Punoj për t’u bërë më i miri në botë. Nuk desha të largohesha nga Milani, thjesht kisha nevojë për besim dhe minuta, kjo ishte arsyeja që ika nga Italia. Isha në kërkim të një zgjidhje dhe hipoteza e Seviljas më tërhoqi. Tani që jam këtu mund të them që kam bërë vendimin më të mirë të mundshme. Benfika apo Sporting? Nuk do t’i them kurrë “po”, zemra ime i përket Portos”.

“Për mua, ka qenë trajneri më i mirë që kam pasur. Fatkeqësisht, i ka munguar fati, që do të ishte i nevojshëm për të vazhduar të ishte në krye të klubit tonë. Mënyra e tij se si e sheh futbollin, se si ai e përgatit grupin, se si qëndron me lojtarët, të gjitha këto më bëjnë të mendoj që është trajneri më i mirë që kam pasur”.

“E thoja para se të vinte në Madrid, vazhdoj ta them edhe tani që ka ikur, që nuk ka asnjë trajner tjetër që e bën punën më mirë se ai. Nuk po kalojmë momentin tonë më të mirë, por Madridi gjithmonë kthehet. Sezonin e kaluar na kritikuan nga të gjitha anët dhe në përfundim fituam Championsin”, përfundoi mbrojtësi i Realit.

Një sfidë, ku Atletiko hasi shumë vështirësi, sidomos në pjesën e parë, teksa vendasit patën disa rastë të pastra për të shënuar, por u treguan të pasaktë në tentativat e tyre. Skuadrat shkuan në pushim me rrjeta të paprekura, ndërsa pjesa e dytë ishte diçka tjetër.

“Los colchoneros” erdhën në fraksionin e dytë me një ritëm tjetër dhe u shpërblyen në minutën e 69-të, ku Antuan Grizman dhuroi një nga perlat e tij. Supergol nga goditja e dënimit dhe festa ishte e gjitha për madrilenët. Gjithsesi festën e madrilenëve mendoi ta prishte Guido Karrijo, i cili erdhi në fushë në minutën e 72-të dhe pas 10 minutash shënoi.

Në zhvillimet e një goditje dënimi ishte Rodrigo Tarin, i cili goditi traversën dhe nga topi i kthyer përfitoi argjentinasi Karrijo, i cili vuri përsëri baraspeshat. Kështu, Atletiko humbet mundësinë e artë që të merrte kreun përkohësisht dhe bën një hap fals. Ndërkohë, Leganes pasi fitoi ndaj Barçës në shtëpi, ndal dhe një tjetër ekip të madh si Atletiko.

Sa i rëndësishëm është kapiteni Ramos?
-Serxho Ramos është kapiteni ynë dhe gjithmonë bën një punë të shkëlqyeshme. Ne jemi shumë me fat që e kemi sepse është një nga më të mirët. Kemi opsione të ndryshme dhe të gjithë janë në gjendje që të luajnë, përveç Karvahal, i cili nuk është i disponueshëm”.

Si është situata me të dëmtuarit?
-Marcelo mori një goditje, por e rëndësishmë është se ai është stërvitur normalisht. Isko është mirë. Ka qenë jashtë për një muaj dhe dy ndeshjet e fundit ka marrë minuta. Mund të nisë nga fillimi nesër, do të shohim.

Cila është gjëja më e rëndësishme në “El Clasico”?
-Nuk duhet të bësh gabime, duhet të kesh besim te vetja dhe aftësitë e tua që të kesh mundësi të jesh mbi kundërshtarin. Të gjitha këto gjëra janë të rëndësishme. Ju shikoni ndeshjen në rrugën tuaj, ne e shikojmë atë një mënyrë tjetër. Të gjithë e shikojnë atë me interesat e tyre.

Po për gjendjen e skuadrës çfarë mund të na thoni?
-Situata është e mirë për ju, gazetarët. Kjo gjë nuk na ndihmon ne. Ajo që më bën të qetë është se ekipi im mund ta kthejë këtë moment në favorin e tij. Jemi në tetor dhe kemi luajtur disa ndeshje të mira. Pavarësisht se ata kanë bërë më mirë se ne, do të jemi gati për një ndeshje si kjo. Mendoj se ekipi është i gatshëm të luajë çdo lloj strategjie që kemi. Sipas këndvështrimit tim kemi bërë mirë në ndeshje të caktuara dhe nesër do të shohim se çfarë strategjie do të zgjedhim”.

Si jetoni me të gjithë këtë vëmendje të medias?
-Gjithçka që mund të bëj është të mendoj për punën time dhe nuk jam i shqetësuar për atë që njerëzit po thonë, por vetëm për ekipin tim. Nuk më shqetëson çfarë thonë njerëzit. Nuk ndikon tek unë ajo që njerëzit flasin. Ne mund të fitojmë në çdo fushë.

A është ndeshja më e rëndësishme e karrierës suaj?
-Është një ndeshje shumë e rëndësishme dhe duhet të përqendrohemi vetëm në sfidën e nesërme. Nuk ka përballje më të madhe se Barcelona-Real Madrid. Është ndeshja me nivelin më të madh, në të cilën jam përfshirë. Çdo sfidë është e rëndësishme, por “El Clasico” është krejtësisht diçka tjetër.

Lojtarët të mbështesin, a ju ndihmon kjo?
-Natyrisht, i besoj atyre dhe ata më besojnë mua. Ajo që ne mund të bëjmë është të vazhdojmë të punojmë mirë dhe këtë gjë t’ua tregojmë dhe tifozëve. Ne jemi të emocionuar dhe të gatshëm për këtë ndeshje”.

A mendoni se ka jetë për Lopetegui pas Clasico?
-Ne do të përqendrohemi, duke menduar për veten tonë. E dimë se kundër kujt luajmë dhe duhet të bëjmë maksimumin e asaj që kemi. Unë nuk mendoj se do të vdes, ka jetë edhe pas “El Clasico”, përfundoi fjalët e tij tekniku spanjoll.

Ndërkohë, madrilenët nga ana tjetër nuk duken në formë të mirë, teksa kanë grumbulluar 14 pikë pas 9 ndeshjesh në La Liga dhe kanë marrë një mal me kritika deri tani. Largimi i trajnerit Zidan dhe sidomos Kristiano Ronaldos duket se ka lënë një boshllëk të madh në ekipin e Realit. Gjithsesi dhe Barcelona në këtë sfidë do të vuajë mungesën e Leo Mesit, pas dëmtimit që argjentinasi pësoi në ndeshjen ndaj Sevijas.

Duket disi e çuditshme të shohim një “El Clasico” pa Kristiano Ronaldon dhe Leo Mesin në fushë. Gjithsesi, kjo gjë do të ndodhë pasditen e të dielës, për herë të parë pas plot 11 vitesh. 23 dhjetori i vitit 2007, ishte përballja e fundit mes Barcelonës dhe Realit, ku në fushë nuk ishte as Ronaldo dhe as Leo Mesi. Që nga ajo kohë kanë ndryshuar shumë gjëra, por gjithsesi ia vlen t’u hidhet një sy formacioneve të “El Clasicos” së fundit të luajtur pa asnjë nga dy lojtarët në fushë.

Sfida e luajtur në “Camp Nou”, në atë kohë përfundoi me fitoren e miqve nga Madridi. Një gol i Zhulio Baptistës i dha fitoren Realit, i cili në atë kohë festoi dhe titullin në fund të sezonit. Barcelona nga ana tjetër, e mbylli sezonin në vendin e tretë, pas Vijarealit.                                                                        BARCELONA

                                                                           REAL MADRID

Kur kanë kaluar diçka më shumë se katër muaj nga emërimi i Lopeteguit si trajner i Real, llogaritë dhe rezultatet nuk janë ato që priteshin, madje janë shumë larg pritshmërive dhe shkarkimi i trajnerit duket shumë pranë. Lopetegui zëvendësoi Zinedin Zidan, i cili arriti suksese të shumta me madrilenët, ku fitoi plot tre herë radhazi Championsin.

Pas largimit të Zidan, Florentino Perez provoi të bindte shumë trajnerë të tjerë përpara se të arrinte marrëveshjen me Lopeteguin, teksa më parë pati kontakte me Poçetinon, Alegrin apo dhe me Jurgen Klop e Joakim Lëv. Gjithsesi, tashmë kur gjërat duken keq për Realin dhe Lopeteguin, shkarkimi i teknikut spanjoll duket se do t’i shkaktojë mjaft dëme dhe në anën financiare madrilenëve.

Lopetegui ka një rrogë vjetore që shkon deri në 6 milionë euro, dyfishi i rrogës që merrte te Spanja. Kontrata e tij është e vlefshme deri në vitin 2021 dhe Reali në rast shkarkimi duhet ti paguajë teknikut plot 18 milionë euro në llogarinë e tij. Përveç ecurisë dhe rezultateve negative, Reali tashmë duhet të mendojë edhe për një zgjidhje për sa i përket trajnerit të saj aktual.

Ditën e sotme La Liga shpalli lojtarin më të mirë të saj për muajin shtator. Është pikërisht, kapiteni i Barcelonës, Lionel Mesi. Një vendim që ndoshta ka çuditur jo pak në Spanjë, pasi forma e Barcelonës nuk ka qenë ajo e duhura. Argjentinasi ka shënuar tre gola në pesë prezenca gjatë muajit shtator, duke qenë si gjithmonë një ndër më të rëndësishmit për ekipin e tij.

31-vjeçari numëron plot 11 gola në këtë sezon, ku ka luajtur 9 ndeshje si titullar dhe një ndeshje erdhi nga stoli, ku luajti për 36 minuta në barazimin 1-1, në “Camp Nou”, ndaj Atletik Bilbaos. Në Champions ecuria e argjentinasit ka qenë shumë herë më e mirë se në kampionat, teksa në vetëm dy takime e ka dërguar plot pesë herë topin në rrjetë.