Potencë, shpejtësi e frikshme, teknikë, sens goli dhe altruizëm. Francezi zotëron gjithçka për të dominuar panoramën futbollistike, ndërsa drejtori sportiv i Lilës shkon përtej kësaj. Luis Kampos e njeh mirë talentin e madh, pasi më parë ka qenë drejtor sportiv i Monakos, ekipit ku Mbape shpërtheu dhe u bë i famshëm.

Kampos ka folur për “Telefoot”, duke bërë një parashikim për karrierën e lojtarit. Ai po tregohet më vendimtar se kolegu Nejmar tek ekipi i PSG, ndërsa në të ardhmen do të kalojë dhe një “mostër” si Kristiano Ronaldo. Zyrtari parashikon dhe ekipin e ardhshëm të Mbape, që do të jetë Reali i Madridit.

“Aktualisht Mbape është më deçiziv se Nejmari dhe, duke marrë parasysh moshën e tij, një ditë do të bëhet më i fortë se Kristiano Ronaldo, pasi do të fitojë më shumë ‘Topa të Artë’. Mbape është futbolli shampanjë që na pëlqen të shohim dhe jam i bindur që një ditë do të veshë bluzën e Realit, sepse është klubi ku të gjithë duan të luajnë. E imagjinoj vetën shumë shpejt duke u argëtuar me spektaklin që Mbape mund të dhurojë në një ndeshje në ‘Santiago Bernabeu’”, përfundon drejtori sportiv i Lilës.

Kapiteni ka qenë duke luajtur kundër Nantës, ndeshje që PSG e fitoi me rezultatin 1-0. Braziliani është befasuar kur ka mbërritur në shtëpi dhe ka vënë re bastisjen që i është bërë. Për fat të mirë familja e tij ishte nisur për në Brazil për të festuar festat, ndërsa hajdutët kanë arritur të mos dalin duarbosh.

Siç raporton “L’Equipe”, keqbërësit kanë arritur të marrin disa mijëra euro dhe një orë luksoze me vlerë rreth 600 mijë euro. Shtëpia e Tiago Silvës ndodhet në një nga zonat më të sigurta të kryeqytetit francez, por as ky fakt dhe as shërbimi i sigurisë i vendosur nga vetë klubi nuk kanë ndalur dot hajdutët, të cilët janë “zhdukur” me xhepat plot nga banesa e mbrojtësit.

Drejtuesit e kampionëve të Francës kanë hedhur sytë nga Seria A. Siç raporton “Corriere dello Sport”, objektivi i tyre luan me Napolin dhe është Alan. Braziliani është një nga pikat më të forta të mesfushës së Ançelotit dhe një idhull i tifozërisë.

Huan Manuel Gemeli, agjenti i 27-vjeçarit, ka qenë në Romë ditët e fundit në shoqërinë e dy personave të tjerë dhe i ka paraqitur Kristiano Xhuntolit, drejtorit sportiv të Napolit, ofertën prej 50 milionë eurosh të PSG. Përgjigja e drejtuesit të Napolit ka qenë një jo kategorike.

Italianët as që kanë ndërmend të heqin dorë nga shërbimet e Alan dhe kanë refuzuar ofertën prej 50 milionë eurosh. Megjithatë, merkato është gati të nisë dhe PSG pritet të rrisë ofertën e saj. Napoli po reziston dhe nga ana tjetër ka gati alternativën e Alan, i cili është Nikolo Barela i Kaljarit.

Trajneri gjerman zbulon të vërtetën e ngjarjes, lëshon batuta për merkaton, shpjegon mos grumbullimin e Adrien Rabiot dhe e mbyll me rinovimin e kontratës të portierit Areola.

“Nejmari ka shkuar në Brazil me lejen time. Ai kishte disa probleme fizike, sakrifikoi për të luajtur kundër Cërvena Zvezdës në Champions dhe ishte e drejtë të mos e rrezikonim kundër Nantës. Rabiot nuk është grumbulluar? Nuk është një refuzim, por një vendim i domosdoshëm. Draksler bëri një ndeshje të madhe dhe e shfrytëzoi shansin e tij. Rabiot e ka humbur pak vetëbesimin dhe për shkak të situatës së krijuar.”

“Merkato? Dua një tjetër Verrati dhe një tjetër Markinjos. Rinovimi i Areolës? Ai është shumë i rëndësishëm për ne. Gjithmonë më ka thënë që dëshiron të qëndrojë këtu, ky është klubi i tij dhe është e rëndësishme për mua të kem lojtarë të tillë në ekip. Jam i lumtur që do të qëndrojë këtu për shumë vite”, përfundon gjermani i stolit të PSG.

Monako fitoi mbrëmë kundër Lorientit në Kupën e Francës me rezultatin 1-0, ndërsa në kampionat renditet e dyta nga fundit me 13 pikë. Henri nisi eksperiencën e parë si trajner, duke marrë Monakon në një moment të vështirë, por ai nuk po arrin ta largojë ekipin nga kriza.

Vetëm 3 fitore (njëra në kupë), dy barazime dhe tetë humbje në 13 ndeshje, por klubi ka vendosur t’i besojë ish-yllit të Arsenalit. Siç raporton “Canal +”, drejtuesit e Monakos kanë vendosur të ofrojnë Frank Pasi si ndihmës të Henri.

Pasi ka punuar me Bielsën dhe Rudi Garsian te Olimpiku i Marsejës, Pasi është gati të nisë aventurën e re për të ndihmuar trajnerin e ri të Monakosë dhe për t’i dhënë një dorë ekipit, me qëllimin e vetëm për të dalë nga zona e mbijetesës.

Ai është Nikolas Pepe, sulmuesi nga Bregu i Fildishtë i Lilës. 23-vjeçari është një nga zbulimet më të bukura të këtij sezoni në Francë, ndërsa ka shënuar 12 gola në kampionat deri më tani. Afrikani kryeson renditjen e golashënuesve, bashkë me Kilian Mbape dhe argjentinasin Sala të Nantës.

Arsenali ka gati 50 milionë euro për të bindur Lilën, që ka zhvilluar një kampionat fantastik dhe renditet e dyta në kampionat për momentin. Pepe ka dhe oferta të tjera nga Anglia, por Arsenali ndodhet në avantazh dhe dëshiron ta mbyllë sa më shpejt blerjen e zbulimit të këtij sezoni.

Është folur shumë në media për një largim të Nejmarit nga PSG, për shkak të FFP (fair-play financiar), por PSG ka gjetur një zgjidhje. Braziliani është zgjedhur ambasadori i bankës së Katarit. Diçka e tillë nuk është bërë pa qëllim, pasi PSG dëshiron ta “blindojë” 26-vjeçarin.

Banka kombëtare e Katarit është në pronësi të fondit sovran të Katarit, që kontrollon QSI (Investimet Sportive të Katarit), që ka blerë klubin e PSG në vitin 2012. Banka me seli në Doha është një nga sponsorët kryesorë të PSG, kështu që emërimi i sulmuesit ambasador i bankës është bërë brenda… familjes.

Ky sezon ka nisur në mënyrën më të keqe të mundshme dhe italiani nuk ka shënuar ende asnjë gol. Zhan-Pierr Rivere, presidenti i Nicës ka folur për “DAZN”, ku zbulon dhe një detaj interesant për të ardhmen e bomberit të ekipit. Ai nuk do të rinovojë me Balotelin dhe ky mund të jetë sezoni i fundit i 28-vjeçarit me ekipin e Nicës.

“Menduam se Mario do të largohej, prandaj nuk e kreu fazën përgatitore me ekipin. Por, është normale që të gjithë lojtarët që nuk e bëjnë fazën të vuajnë në fazën e parë të sezonit. Tani ndihet mirë, por nuk po arrin sukses dhe një gjë e tillë i shton presionin. Megjithatë, Mario nuk e ka humbur talentin e tij. Rinovimi? Nuk do të ndodhë një gjë e tillë dhe mendoj se do e mbyllim këtu”, përfundon Zhan-Pierr Rivere.

PSG ka vendosur t’i bëjë përsëri një surprizë të pakëndshme klubit katalanas, duke arritur shërbimet e Frenki De Jong. Mesfushori i Ajaksit është një nga talentët më të mëdhenj të futbollit europian dhe për të interesohen shumë klube. Mbi të gjitha, Barcelona dhe Mançester Siti, por garën e ka fituar PSG.

Siç citon holandezja “De Telegraaf”, francezët kanë arritur akordin me Ajaksin dhe 21-vjeçari do të transferohet në kryeqytetin francez në verë. Për kartonin e tij do të paguhen 75 milionë euro dhe ai do të zëvendësojë Adrien Rabiot. Ky i fundit nuk ka rinovuar akoma kontratën me PSG dhe as që ka ndërmend ta bëjë një gjë të tillë.

Barcelona nuk mund të qëndrojë duarkryq dhe është gati të arrijë marrëveshjen me 23-vjeçarin. Duke u rikthyer te De Jong, zbulohet se PSG është bindur nga insistimi i Kilian Mbape. Sulmuesi francez ka mbetur i impresionuar nga paraqitjet e De Jong në Ligën e Kombeve kundër Francës dhe i ka kërkuar klubit të tij të mbyllë tratativat me mesfushorit. U tha u bë! De Jong dhe Mbape do të jenë shokë skuadre, duke nisur nga sezoni i ardhshëm.

Bufon ka folur për “Tiki Taka”, duke iu rikthyer largimit nga bardhezinjtë, oferta e PSG, si dhe komenton ekipin aktual të Juventusit. Xhixhi zbulon dhe të ardhmen e shokut të tij, Kavanit, i cili shihet afër rikthimit te Napoli, por një gjë e tillë nuk do të ndodhë shpejt.

Në fund kombëtarja, dalja jashtë kontrollit në çerekfinalet e Champions-it kundër Realit dhe opinioni i tij për skandalin e tifozëve të Fiorentinës. Ultrasit viollcë kishin shkruar diçka në muret e stadiumit, duke ofenduar 39 tifozët e Juves, të cilët humbën jetën në tragjedinë e Hejselit dhe Shirean, i cili vdiq disa vite më vonë në një aksident.

JUVENTUSI – “Juventusin do të doja ta takoja gjithmonë, përveçse në finalen e Champions-it. Dua ta evitoj në finale, pasi do të ishte një goditje e madhe dhe nuk e di nëse do të isha në gjendje të prisja mirë. Juventusi është një pjesë e rëndësishme e jetës time. Kam kaluar pothuajse 20 vite aty, kam lënë raporte dhe marrëdhënie të rëndësishme dhe kam derdhur çdo pikë djerse për kauzën bardhezi. Por, ka disa momente kur është e drejtë të përqafohesh dhe të kuptosh që është e drejtë të marrësh një tjetër drejtim.”

LARGIMI – “Kam biseduar disa herë me Anjelin dhe mendova se pas një periudhe kaq të gjatë dhe stresuese, kishte ardhur momenti për t’i dhënë fund. Mendova të tërhiqesha, por do e merrja në konsideratë një ofertë për të luajtur në nivele të larta. Nuk e preferoja një kampionat ekzotik. Në maj erdhi oferta e PSG dhe e mora vendimin në bashkëpunim me Juven. U ndamë në mënyrë shumë të bukur dhe ishte një ndarje e ëmbël.”

EKIPI I ALEGRIT – “Më duket Juvja e zakonshme plus Kristiano Ronaldon. Mentaliteti, vlerat dhe grupi historik janë të njëjtët, thjeshtë ka ardhur dhe një lojtar i madh. Pas shumë viteve duke fituar, kishte ardhur momenti për të rikrijuar entuziazëm dhe energji të reja për të vazhduar së fituari. Pas 7 titujve, nuk është e thënë se do të vazhdosh të fitosh, edhe pse je më i forti. Për këtë arsye, e vetmja mënyrë për të rikarikuar energjitë ishte blerja e një lojtari ‘top’.”

KOMBËTARJA – “Donaruma po bën shumë mirë dhe është e drejtë t’i jepet besim djemve të rinj. Mançini po bën një punë shumë të mirë. Acarimi kundër Realit dhe dalja me të kuqe? Dola jashtë mirësisë së Zotit. Shpërtheva në atë mënyrë, sepse bëhej fjalë për një arritje historike. Nëse do të ndodhte përsëri e njëjta gjë nesër, pas tre orësh do i kërkoja falje të gjithëve.”

KAVANI – “Flasim shpesh për Italinë me Edinsonin. Ai është shumë i lidhur me Napolin për dashurinë e popullit napolitan. Nuk është i pandjeshëm ndaj kauzës, por mendoj se me PSG ka mundësinë të fitojë Champions-in. Nuk është se Napoli nuk e ka një mundësi të tillë, por mendoj se deri në verë, Kavani do ta provojë ta fitojë me ne.

PANKARTA E TIFOZËVE TË FIORENTINËS – “Është një temë shumë delikate. Nuk besoj se një tifoz i Fiorentinës e ka shkruar një gjë të tillë. Një njeriu që është më shumë se 15 vjeç dhe shkruan diçka të ngjashme, dora duhet t’i ndalet menjëherë. Një person që shkruan diçka të tillë është dënuar me kohë nga jeta.”

Siç citon “DAZN”, mesfushori francez nuk e ka pritur mirë mos aktivizimin si titullar për ndeshjen kundër Bordosë dhe mes palëve ka “ngrirë akulli”. Një gjë e tillë e ka acaruar 23-vjeçarin, i cili nuk ka pranuar të takohet me presidentin e PSG, Naser Al Khelaifi, për të diskutuar çështjen e rinovimit.

Barcelona, Juventus dhe Inter janë ndër klubet kryesore që interesohen për shërbimet e Rabiot, ndërsa rriten kuotat e largimit të tij nga PSG që në janar.

Kampionët e Francës nuk duan të ndalen, por kërkojnë t’i japin vazhdimësi rekordit të tyre. Nga ana tjetër, Lila i ka dhënë një “asist” ekipit kryeqytetas. Barazimi ndaj Lionit ka shpallur PSG kampione dimri në Ligue 1, katër ndeshje përpara fundit të fazës së parë.

PSG ndodhet në kuotën e 42 pikëve, ndërsa Lioni ka mbetur me 28 pikë në vendin e tretë. Sipër Lionit ka kaluar dhe Montpelje, që mori trepikëshin e radhës, duke u ngjitur në kuotën e 29 pikëve dhe duke zhytur dhe më shumë në krizë Monakon.

Një festë e vogël për PSG që në ditën e parë të dhjetorit, ndërsa Mbape me shokë do të kërkojnë fitoren e radhës kundër Bordosë, të 15-tën, si asnjë ekip tjetër në kampionatet kryesore të europës, por jo vetëm.

Nëse në fushë po shkon gjithçka vaj, pasi dhe në kampionat PSG numëron 14 fitore në po aq ndeshje, Tomas Tuhel ka marrë një masë të re për ekipin. Trajneri njihet për rreptësinë e tij, është gjerman nuk mund të jetë ndryshe.

Ai ka vendosur të heq pirjen e duhanit brenda qendrës stërvitore të ekipit. Tuhel u ul në verë në stolin e PSG, ndërsa vuri re në fillim se cigarja konsumohej pa problem dhe brenda qendrës së ekipit. Një gjë e tillë nuk i ka pëlqyer dhe gjermani ka vendosur t’i thotë stop.

Një masë e marrë për të mirën e ekipit dhe shëndetit të lojtarëve. Ata që e konsumojnë duhanin, mund të vazhdojnë ta bëjnë, por jo më përpara Tuhelit…

Dëmtimet e Nejmarit dhe Kilian Mbape janë një shqetësim i madh. Braziliani u dëmtua gjatë miqësoren kundër Kamerunit, ndërsa francezi pati probleme me shpatullën e djathtë në miqësoren kundër Uruguait.

Tomas Tuhel, trajneri i PSG ka folur në konferencën për shtyp për situatën e dyshes ofensive. Në kampionat kundër Tuluzës nuk do luajnë dhe shpresa është të jenë gati kundër Liverpulit të Klopit.

“Nuk do të luajnë të shtunën, por me shumë mundësi do të luajnë kundër Liverpulit. Nuk është hera e parë që luajmë pa ata të dy, do të gjejmë zgjidhje, siç bëmë kundër Seint Etienit. Kemi shumë lojtarë të rëndësishëm dhe duhet të tregojnë se janë gati“, përfundon Tuhel.

23-vjeçari kërkohet nga shumë klube europiane, me në krye: Barcelonën, Milanin dhe Juventusin. Siç citon spanjollja “Sport”, palët i ndan vetëm… 1 milionë euro! PSG i ofron lojtarit një rinovim me një kontratë prej 9 milionë eurosh, ndërsa Rabiot kërkon 10 milionë.

Një gjë e tillë nuk është e vështirë për t’u zgjidhur, por, për momentin, asnjë nga palët nuk lëkunden nga pozicionet e tyre. Një gjë e tillë mban me shpresa klubet e tjera, duke uruar që Rabiot dhe PSG të mos arrijnë akord mes tyre.

26-vjeçari flet dhe për Xhixhi Bufon, shokun e tij 40-vjeçar te PSG dhe Sandro Tonalin, talentin e Breshias dhe shokun më të ri 18-vjeçar te kombëtarja. Verrati komenton dhe situatën në grupin e “ferrit” në Champions, ndërsa i rikthehet episodit të pakëndshëm të ndodhur, kur u gje ti dehur në timon. Mesfushori e mbyll me Karlo Ançelotin, trajnerin e Napolit dhe ish-trajnerin e parë të tij te PSG.

BERNARDESKI – “Dëmtimi i Bernardeskit nuk është një gjë e bukur, sepse Federiko është një futbollist i madh, po rritet nga dita në ditë dhe është kthyer në një lojtar thelbësor për kombëtaren dhe Juventusin. Italia e sotme është një grup shumë i mirë dhe kush do të zbresë në fushë, do të bëjë që të mos ndihen mungesat.”

ITALIA – “Kombëtarja është shëruar nga goditja e një viti më parë me Suedinë. Më pëlqen filozofia e Mançinit, më pëlqen të luaj me Zhorzhinjon, më pëlqen të kem gjithmonë topin në këmbë. Jemi në rrugën e duhur dhe duhet të vazhdojmë kështu, pa menduar shumë për karakteristikat e kundërshtarëve. Duhet të përqendrohemi te vetja jonë, duhet të krijojmë një identitet të qartë dhe të besojmë deri në fund në një filozofi loje të mirëpërcaktuar.”

PORTUGALIA – “Duhet të përsërisim veten me Portugalinë. Do bëjmë gjithçka për të dalë në vendin e parë, edhe pse kjo gjë varet nga portugezët. Shpresoj të bëjmë një ndeshje të madhe në Milano dhe dua që njerëzit të rikthehen të dashurojnë kombëtaren. Ky duhet të jetë objektivi ynë i parë.”

BUFON – “Xhixhi është i lumtur që ka zgjedhur PSG, stërvitet me entuziazmin e një fëmije dhe i ka infektuar të gjithë. Dëshira dhe pasioni që vë çdo ditë në fushë është i pabesueshëm. Sa i përket kombëtares, ai nuk duhet të tregojë ndonjë gjë, ka dhënë gjithçka për këtë bluzë. Koverçiano është shtëpia e tij dhe nëse do të jetë nevoja…”

TONALI – “Ai vjen nga Seria B në kombëtare, ashtu siç më ndodhi mua. Nuk ka nevojë për këshilla, nëse është këtu, nuk ja ka dhuruar kush. Ka cilësi të rëndësishme dhe po e demonstron me Breshian. Ai është një djalosh inteligjent dhe po i qëndrojmë afër.”

CHAMPIONS – “Ndeshja kundër Liverpulit është një finale për ne. Është e vështirë dhe grupi është vërtetë emocionues. Ndihem mirë në Paris. Ditët e fundit bëra një budallallëk (tërheqje e patentës, sepse u kap i dehur në timon), një idiotësi. Përfaqësoj një klub prestigjioz dhe duhet të sillem mirë. Klubin më ka qëndruar pranë në çdo moment dhe kjo është e rëndësishme për mua. Kam shtatë vite në Francë dhe nuk kam patur kurrë probleme, as me trajnerët. Që kur iku Ibra, unë kam qenë përgjegjës për shumë gjëra, por ndoshta sepse ata më shohin si të rëndësishëm në skuadër.”

ANÇELOTI – “Dëgjova Ançelotin që propozonte ndalesën e ndeshjes, në rast të ofendimeve të vazhdueshme. Jam dakord me të. Jashtë nuk ndodhin këto lloj gjërash. Në Francë ndodh, vetëm kur luajmë në Marsejë… Ka ardhur momenti për të ndryshuar në Itali, vazhdojmë t’i rrisim fëmijët tanë me idenë: nëse fiton je i mirë, por nëse humbet…”

Në verën e vitit 2017, ai la Monakon për t’u transferuar në kryeqytetin francez për shumën e 180 milionë eurove. Lojtari firmosi një kontratë 5-vjeçare, nga e cila përfiton 290 mijë sterlina në javë.

Çmimet e kartonëve të lojtarëve dhe rrogat e tyre kanë shkuar në qiellin e shtatë dhe Mbape e cilëson si “të pahijshme” një gjë të tillë. Ky është sistemi dhe ai tregon se nuk ka çfarë të bëjë, përveçse të përshtatet dhe të tregojë respekt.

“Është vërtetë e pahijshme për mua, që vij nga një familje modeste dhe e ndershme, por tregu është i tillë. Bota e futbollit punon në këtë mënyrë. Unë nuk do të revolucionoj futbollin, jam pjesë e sistemit. Të duhet të dish se si ta respektosh dhe të qëndrosh pjesë e saj”, flet Mbape për “RTS”.

Ai kreu një gjest të mrekullueshëm, duke dhuruar të gjitha paratë e fituara me Francën për bamirësi. Premiot e ndeshjeve, golave dhe fitimit të kompeticionit u dhuruan, një shumë rreth 382 mijë sterlina, siç citon “L’Equipe”, që u dhanë për një organizatë bamirësie, që punon me fëmijët me aftësi të kufizuara.

“Nuk ka nevojë për para dhe premio kur luan me kombëtaren e vendit tënd. Premiot do i dhuroj të gjitha”, u shpreh Mbape gjatë Botërorit të Rusisë dhe në fund e mbajti fjalën, duke dhuruar të gjithë shumën e fituar.

Braziliani i PSG ka folur për “Telegraph”, duke theksuar dëshirën e tij për të mos e mbyllur karrierën pa luajtur në vendin ishullor. “Ideja e mbylljes së karrierës pa luajtur në Premier Ligë nuk është e mundur. Në Angli luhet futbolli më i pabesueshëm në botë. Mbi të gjitha për respektin që tifozët kanë për ne futbollistët dhe pastaj për pasionin dhe intensitetin në fushë. Do të ishte perfekte të kisha mundësinë për të luajtur në kampionatin anglez. Do të ndodhë në një mënyrë, ose në një tjetër“, insiston Dani Alvesh.

Braziliani i skadon kontrata me PSG në qershorin e ardhshëm dhe një gjë e tillë mund të shtyje lojtarin të largohet drejt Premier Ligës, që në merkaton e janarit.

Përveç detyrimit për ta bërë këtë gjest, ka dhe premio për një gjë të tillë. Sulmuesit Kavani i pëlqen ta bëjë një gjë të tillë, madje nuk përton të vendoset në rolin e “ultrasit”, duke tundur flamujt dhe një gjë e tillë i sjell 840 mijë euro shtesë në sezon. E njëjta shumë dhe për Di Marian, ndërsa Kilian Mbape fiton 1.2 milionë euro shtesë në sezon, nëse tregohet “korrekt” dhe përshëndetet gjithmonë me tifozërinë e PSG, shifra të zbuluara nga “Envoye Special di France 2”.

Nëse lojtarët refuzojnë ta kryejnë ritualin e përshëndetjes së tifozëve, do të humbasin premion e përcaktuar, që arrin në 375 mijë euro në muaj për Nejmar dhe 33 mijë euro në muaj për Tiago Silvën.

Klubi francez ka përcaktuar mirë dhe detyrime të tjera në kontratat e futbollistëve, të tilla si ajo e sjelljes së paqortueshme brenda dhe jashtë fushës së blertë, për të mbrojtur imazhin e klubit. Pyesni Verratin. U kap i dehur në makinë dhe kubi e dënoi me 40 mijë euro gjobë. Këto para, PSG i dërgon në fondacionin e klubit për bamirësi, por dhe në luftën kundër çdo forme diskriminimi dhe racizmi.

Gjithçka u mbyll në ditët e fundit të merkatos së verës së vitit 2017, me Mbape që kaloi te PSG në huazim me të drejtë blerje për 180 milionë euro. Tratativat midis Realit dhe Monakos u kryen në Los Anxhelos dhe babai i Kilian i kërkoi klubit “merengues” 30 milionë euro për kalimin e lojtarit në Madrid. Kjo kërkesë solli tërheqjen e Kampionëve të Europës në fuqi, duke i lënë rrugë të lirë PSG, që pranoi disa kushte për të firmosur me Mbape.

Një bonus prej 5 milionë eurosh, të ndarë në dy këste, në momentin e firmës, një rrogë vjetore prej 10 milionë eurosh pa përfshirë neto, ndërsa PSG refuzoi klauzolën e fitimit të mundshëm të “Topit të Artë” nga sulmuesi, i cili kishte kërkuar t’i kalonte rroga në 30 milionë euro në sezon, nëse do të vinte dita e fitimit të “Topit të Artë”. PSG nuk pranoi, ndërsa vendosi një shpërblim prej 500 mijë eurosh neto për lojtarin, nëse ai shpallej fitues i çmimit prestigjioz.

Një gjë e tillë ka nisur në vitin 2013 deri në vitin 2018, më saktë në pranverën e këtij viti. Drejtuesit e klubit nuk e mohojnë një gjë të tillë dhe ia lë fajin ish-drejtorit sportiv, Oliver Letang, aktualisht president i klubit të Rene.

Ai së bashku me Mark Vesterlup, ish-kreu i skautëve të klubit kryeqytetas iu kërkonin fëmijëve dhe origjinën e tyre të vërtetë, duke i ndarë lojtarët në bazë etnie. Këta të fundit shigjetojnë klubin si përgjegjës për situatën e ndodhur, një gjë që ka vazhduar dhe me drejtorin e ri sportiv, Antero Henrike.

Ish-mbrojtësi i famshëm, kampion bote me Francën, Lilian Turam ka folur për këtë gjë, duke e cilësuar si një rast tepër serioz. “Fakte shumë të rënda, ndoshta të iniciuara nga disa individë, por të pa censuruara nga klubi”, shprehet 46-vjeçari, ndërsa PSG ka imponuar një kod të ri sjellje, me procedura të vigjilencës etike dhe ka përforcuar promovimin e kulturës etike në të gjithë stafin e klubit.

Trajneri gjerman i PSG ka folur në konferencën për shtyp, ku zbulon dhe faktin që portieri Bufon do t’i nisë nga stoli të dy ndeshjet. Kavani është në dyshim, por vendimi për sulmuesin do të merret sot.

LILA – “Kundër Lilës është një ndeshje e vështirë. Ata kanë cilësi dhe do të jetë një takim i ndërlikuar. Duam fitoren e 12-të rresht në kampionat dhe do bëjmë maksimumin për t’ia arritur. Rinovimi i Di Marias? Absolutisht, ky është një lajm shumë i mirë. Angel është një futbollist shumë profesionist.”

NAPOLI – “Bufon do të luajë në kampionat dhe në Champions. Xhixhi është një lojtar shumë i rëndësishëm për ne dhe i sjell shumë eksperiencë grupit. Kavani? Duhet të vlerësojmë kushtet e tij. Do të shohim se çdo të ndodhë në stërvitjen e sotme dhe pastaj do të marrim vendimin për të.”

Angel Di Maria sapo ka rinovuar kontratën me PSG deri në vitin 2023, por 30-vjeçari e ka mendjen te ndeshja me Napolin. Një humbje do të sillte eliminimin e francezëve dhe Di Maria surprizon me deklaratën e tij. Napoli dhe Liverpuli janë më të fortë se PSG, kështu që nevojitet një ndeshje perfekte për të mbajtur gjallë shpresat e kualifikimit.

“Në kampionat gjërat po shkojnë shumë mirë, por në Europë e dimë se çdo gjë është më komplekse. Kemi dhe tre ndeshje për të zhvilluar në grup. Nëse japim 100% me një shpirt skuadre, do të kualifikohemi, por Napoli dhe Liverpul janë skuadra superiore dhe të vështira për t’u përballur, sidomos në transferta”, përfundon argjentinasi i ekipit francez.

Një gjë e tillë ka sjellë reagimin e lojtarit brazilian, i cili ka sulmuar “AS” dhe “El Mundo Deportivo” me anë të një postimi në rrjetet sociale. Lojtari i PSG ka nxjerrë faqet e para të gazetave spanjolle, duke komentuar me fjalën “shpifje”.

Mediat spanjolle hapën dhe një sondazh për të mësuar mendimin e tifozëve të Barcelonës, nëse ishin pro idesë së rikthimit të Nejmar në Katalunjë, ose jo. Rezultati i sondazhit ka qenë pozitiv dhe rikthimi i brazilianit do të mirëpritej nga tifozët.

Për temën në fjalë kanë folur dhe zëvendës presidenti i Barcelonës, Xhordi Kardoner dhe trajneri Ernesto Valverde. Të dy kanë mohuar tratativat dhe zërat për rikthimin e Nejmarit në Barcelonë, ekip me të cilin u aktivizua për katër sezone, përpara se të transferohej në kryeqytetin francez.

Palët po negociojnë për rinovimin e kontratës, por siç zbulojnë mediat spanjolle, anësori ofensiv i Kampionëve të Francës ka kërkesa të larta sa i takon rrogës së tij. Di Maria kërkon një rrogë prej 12 milionë eurosh në sezon, por drejtuesit e PSG mendojnë ndryshe.

Ata e konsiderojnë si tepër të lartë këtë rrogë për një lojtar 30-vjeçar. Bisedimet vazhdojnë, ndërsa disa klube po monitorojnë situatën dhe janë gati për të përfituar nëse argjentinasi nuk arrin akordin me klubin. Di Maria pëlqehet shumë në Premier Ligë, ku janë disa klube që interesohen për shërbimet e tij.

Karrierë e gjatë dhe shumë ndeshje, të cilat portieri nuk i harron kurrë, duke filluar nga ajo e debutimit kundër Milanit. Ishte 19 nëntori i vitit 1995, Xhixhi ishte vetëm 17 vjeç dhe debutonte me Parmën në barazimin pa gola kundër kuqezinjve të Kapelos. Dy pritje deçizive për të mbajtur portën e paprekur dhe pjesa tjetër është histori.

“Më mungonte një eksperiencë larg Italisë dhe jam i lumtur me vendimin që kam marrë. Nuk e harroj kurrë ndeshjen e debutimit Parma-Milan. Nuk harroj shumë ndeshje me Parmën, fitimin e Kupës UEFA, Kupës së Italisë dhe Superkupës së Italisë. Me Juventus nuk harroj asnjëherë gjysmëfinalet e vitit 2003 kundër Real Madrid.”

Gardiani i portës së PSG zbulon dhe tre pritjet më të bukura gjatë karrierës së tij. “Një nga pritjet më të bukura është ajo me kombëtaren kundër Paraguait. Më pas në ndeshjen Parma-Inter në rastin e Alvaro Rekobës dhe pritjen kundër Podolskit në gjysmëfinalen e Botërorin e vitit 2006.”

23-vjeçari nuk ka pranuar të rinovojë kontratën, ndërkohë që klube si: Milan, Juventus, Barcelona dhe klube të ndryshme angleze janë të interesuara për të.

Së fundmi lojtari ka refuzuar një ofertë të rëndësishme të kampionëve të Francës. PSG i ka ofruar një rrogë prej 7.2 milionë eurosh në sezon siç citon “bein Sport”, por Rabiot ka vendosur ta refuzojë atë, duke konfirmuar dëshirën e tij për t’u larguar nga ekipi francez.

Kontrata me Kampionët e Francës i skadon verën e ardhshme dhe anësori ofensiv kërkon dhe pak kohë sa i përket rinovimit të saj. Dëshira e tij është të vazhdojë me PSG, që mund të jetë klubi i fundit europian në karrierën e argjentinasit.

“Për rinovimin e kontratës duhet të presim dhe pak. Do të më pëlqente të vazhdoja këtu, shpresoj që PSG të jetë klubi im i fundit në Europë”, thekson Di Maria, i cili e ka shprehur gjithmonë, që dëshiron ta mbyllë karrierën në Argjentinë.

Mario Baloteli nuk ishte i pranishëm në formacionin titullar në këtë ndeshje dhe u aktivizua në pjesën e dytë. Trajneri i Nicës, Patrik Vieira, shpjegon zgjedhjen e bërë dhe komenton humbjen përballë PSG.

“Balotelin nuk mund ta qortoj, por është mbrapa me përgatitjet dhe i duhet të punojë për të gjetur gjendjen më të mirë fizike. Është e vështirë të flasësh, kur humbet 3-0. Nuk dua të fajësoj lojtarët e mi. Ne bëmë shumë mirë në 15 minutat e para, ndërsa goli i tyre i komplikoi gjërat. Më pas u lamë shumë hapësira, duke lënë Rabiot të lirë”, përfundon trajneri i Nicës për “L’Equipe”.

Humbja e fundit përballë St. Etienit ka sjellë zhgënjimin e drejtuesve të klubit dhe zëvendës presidenti i klubit, Vadim Vasiliev. Ky i fundit ka folur për “Canal +”, pas humbjes së fundit, ku ka deklaruar: “Na mungon besimi. Është koha për të shtrënguar dhëmbët, të punojmë dhe të ngremë kokën. Nuk është momenti për të bërë një bilanc. Jam i zhgënjyer, të gjithë jemi të zhgënjyer”.

Të mërkurën, Monako udhëton drejt Gjermanisë për t’u përballur me Dortmundin në Champions dhe klubi francez shpreson që ekipi të reagojë dhe të rikthehet te rezultatet pozitive.

“Në Itali gjithçka ishte bërë shumë e komplikuar. Kisha nevojë të gjëja buzëqeshjen dhe gëzimin për të luajtur futboll. Për këtë shkak, ndodhem këtu. Kemi shumë ambicie, përkundrejt asaj që mendojnë të tjerët për ne. Kam një ide në mendje për t’u rinisur dhe kam dashur të ndjek logjikën.”

“Te Torino kisha ulje dhe ngritje. Sezoni ishte pozitiv nga nëntori në mars, por pastaj gjërat u komplikuan. Në Itali kam luajtur dhe me Milanin dhe kam qenë gjithmonë gati, kur jam thirrur në detyrë.”

“Kur isha 16 vjeç, hyja në fushë dhe zbavitesha. Ky ishte shkaku që arrija të shkëlqeja, sepse isha i lumtur. Pastaj, pak nga pak, kundërshtarët filluan të më njihnin dhe nuk ishte më e njëjta gjë”, përfundon 24-vjeçari, i cili aktivizohet me kombëtaren e Senegalit.

Trajneri Tuhel, i cili ka punuar me Çupo-Moting tek ekipi i Maincit, u shpreh me këto fjalë gjatë prezantimit të 29-vjeçarit. “Është një futbollist, i cili di të jetë deçiziv, kur niset nga pankina.” Lojtari, i cili ka lindur në Gjermani, por aktivizohet me kombëtaren e origjinës së tij, Kamerunin, ka ardhur të zëvendësojë Kavanin dhe po fillon të japë frytet e tij.

Sulmuesi debutoi në Champions kundër Liverpulit dhe me hyrjen e tij në lojë, PSG gjeti barazimin e përkohshëm me golin e Kilian Mbape. Në fundjavë, Çupo-Moting e nisi prapë nga pankina ndeshjen kundër Rene, duke zëvendësuar Verratin. Ai gjeti golin e parë personal dhe të tretin për ekipin, duke vulosur fitoren e PSG. Lojtari ndihet i lumtur

“Ndihem mirë te PSG dhe të gjithë më kanë pritur mirë. Pak skepticizëm është normale dhe më duhet ta pranoj, sepse te PSG priten të vijnë lojtarë të mëdhenj. I njoh mirë cilësitë e mia dhe e di se mund t’i jap një dorë ekipit”, komenton Çupo-Moting duke buzëqeshur. Ai e di mirë se duhet punojë fort dhe të jetë gjithmonë gati, kur Tuhel ta thërrasë në detyrë.

Mbrojtësi Dante ka kritikuar haptazi shokun e tij të skuadrës, duke pretenduar që ka ardhur momenti që sulmuesi të marrë përgjegjësitë e tij dhe të jetë efikas në sulmin e ekipit.

“I takon atij të bëjë një hap para dhe të marrë përgjegjësinë për të udhëhequr skuadrën në sulm. Mario nuk është fizikisht në formë të mirë, e dimë të gjithë, por gjithçka varet nga ai vetë. Duhet të punojë shumë dhe të stërvitet vazhdimisht për të përmirësuar nivelin fizik. Ai duhet të marrë kontrollin e situatës në dorë.

Është e padobishme të fajësojmë skuadrën dhe të thuash që jemi ne, të cilët nuk arrijmë të marrim me të mirën nga cilësitë e Balotelit. Jo, nuk është kështu. Ka patur momente kur skuadra ka luajtur keq dhe unë i kam mbrojtur shokët, por duhet të jemi kritikët e parë të vetes dhe të pyesim veten në çdo moment, nëse po japim maksimumin tonë”, përfundon 35-vjeçari brazilian, i cili mban postin e kapitenit të Nicës.

Katër tifozë fatlumë kanë parë ndeshjen midis Kaenit dhe Lionit në një vaskë xhakuzi. Thalazur, një kompani lokale e qytetit, në bashkëpunim me klubin vendas kanë nisur një lotari në rrjetet sociale për të shpallur katër fituesit, të cilët do të shihnin të ndarë në çift ndeshjen nga vaska e hidromasazhit. Një ide e veçantë promocionale, ku njëri çift do të shijonte pjesën e parë, ndërsa çifti tjetër pjesën e dytë të ndeshjes.

Kandidatët që kanë aplikuar kanë qenë të shumtë dhe ata duhet të bëheshin pjesë e profilit zyrtar të klubit dhe kompanisë në rrjetet sociale, si dhe të shpërndanin postimin e bërë në faqet e tyre. Fatlumë ata që ndoqën në Xhakuzi pjesën e dytë, ku u shënuan tre gola, por kjo ka qenë një eksperiencë e paharrueshme për të katër fituesit.

Duke llogaritur që qyteti i Kaenit nuk ka një klimë të nxehtë dhe temperaturat po ulen, nuk dihet akoma nëse kjo gjë do të përsëritet përsëri në stadiumin “Stade Malherbe” te Kaenit, por palët ia kanë arritur qëllimit duke marrë një ekspozim të madh në media dhe rrjetet sociale.

Best seats in the house at @SMCaen ??? #SMCOL pic.twitter.com/oaMxLgjlGT

— beIN SPORTS USA (@beINSPORTSUSA) September 15, 2018

“Unë jam gjobitur për mbipeshë? Shihni se çfarë fiziku kam. Më vjen të qesh me komentet për peshën time të madhe. Shkofshi në djall të gjithë ju me shpikjet tuaja.

Jam gjobitur pikërisht tani? Kushdo që e ka shkruar diçka të tillë, duhet të humbasë vendin e punës”, komenton sulmuesi i Nicës në rrjetet sociale, i cili ka postuar një foto montazh, ku shfaqet shumë i shëndoshë.

Forma dhe përballja me Liverpulin – “Shpresoj t’i kem lënë pas të gjitha problemet, jam i lumtur me ndeshjen dhe fitoren përballë Sant Etienit, që do të na shërbejë shumë para ndeshjes me Liverpulin. Vijmë prej gjashtë fitoresh rresht dhe ndihemi plot besim. Liverpul është një skuadër që luan më shumë intensitet, në një stadium të madh. Do të jetë e vështirë, por mund të bëjmë një ndeshje të madhe.”

Grupi i Champions – “Napoli është njësoj si Liverpuli. Në fushën e tyre luajnë me intensitet të lartë dhe me Ançelotin kanë më shumë eksperiencë dhe qetësinë e nevojshme, që vetëm ai trajner ta transmeton. Janë dy kundërshtarë të vështirë, do të luajmë ndeshje të rëndësishme në stadiume të mëdha, por nuk do të jetë e thjeshtë as ndeshja në fushën e Cërvena Zvezdës. Është hera e parë që jemi në një grup me tre skuadra të forta, por nëse kalojmë, do të dalim me më shumë besim.”

Italia – “Kam folur me Mançinin dhe e vendosëm që të mos luaja në këto ndeshje. Doja të isha në 100%, por nuk isha. Në tetor do të jem gati për kombëtaren. Po kalojmë një moment të vështirë, duhet të punojmë dhe të tentojmë të fitojmë ndonjë ndeshje për të rritur besimin dhe për të punuar më të qetë.”

Diçka e tillë i ka kushtuar Balotelit, i cili është gjobitur nga klubi francez. Zham Pierr Rivere, presidenti i Nicës, ka qenë personi që ka zbuluar gjobën për sulmuesin në një prononcim për “Nice Matin”. Megjithatë, kreu i klubit ka besim se SuperMario do të zhvillojë një sezon shumë të mirë dhe sqaron tratativën që solli rritjen e rrogës së sulmuesit.

“Mario e nxori vetën në “pozicion jashtë loje” dhe Nica nuk e ka zakon t’i trajtojë lojtarët ndryshe. Ai do të bëjë një sezon të madh, sepse do ta vendosim në kushtet më të mira dhe për faktin që është një futbollist i madh.

Rinovimi? Në rinovimin dy-vjeçar të sezonit të kaluar, kishim parashikuar një ulje rroge nëse nuk kualifikoheshim në Kupat e Europës. Menduam që mund të ishte larguar, por ai u rikthye me ne. Vendosëm t’i rrisnim rrogën, sepse gjetja e një sulmuesi të tillë do të na kushtonte shtrenjtë. Megjithatë, Mario fiton më pak se në vitin e parë të tij”, përfundon kreu i klubit të Nicës.

Sulmuesi 18-vjeçar, i cili është djali i ish-sulmuesit të famshëm të Milanit, Xhorxh Ueah, ishte pranë transferimit te Lacio, por trajneri gjerman i PSG, Tomas Tuhel, ka bllokuar tratativën dhe ka vendosur të besojë në kualitetin e djaloshit të talentuar, i cili është afër rinovimit të kontratës me klubin francez.

Përveç Lacios, ishin dhe klubet e Salsburgut dhe Gallatasarait, por Tuhel vendosi veton dhe Ueah Jr vazhdon të jetë pjesë e PSG.

Ai ishte titullar në ndeshjet e Francës përballë Gjermanisë dhe Holandës dhe zhvilloi paraqitje të mira. Nga ana tjetër është Xhixhi Bufon, i cili pavarësisht 40 viteve mbi supe, ofron siguri dhe eksperiencë. Në një prononcim për “RmcSport”, Tuhel komenton mbi rivalitetin mes dy gardianëve, duke shpjeguar teorinë e tij.

“Kam bërë një zgjedhje, që nuk është përfundimtare. I thashë Areolës që sipas mendimit tim, ai është në ‘pole position” për vendin e titullarit. Ai është një produkt i klubit, PSG për të është gjithçka dhe ai dëshiron të konfirmohet në ekip. Është një situatë, që kërkon respekt dhe duhet të kapitalizohet. Duhet të ndihemi krenar, që kemi lojtarë të tillë, të cilët shpirtin e PSG dhe mishërojnë klubin”

“Ndryshon situata sa i përket Bufonit. Xhixhi është i pranishëm në çdo pjesë tonën, komunikon me lojtarët dhe përpiqet t’i ndihmojë, gjë që të bën të kuptosh se pse është më i miri dhe ka zhvilluar një karrierë të tillë. Bufon është një legjendë dhe idhulli i Areolës. Të dy kanë personalitet të fortë dhe duhet ta menaxhojmë mirë situatën. Ata e dinë se nëse tregohemi inteligjentë dhe bujarë me të dy, jam i sigurtë që do të shpërblehemi. Jam i sigurtë që Areola nuk do të jetë më i aftë se Bufon, por falë Bufon”, përfundon trajneri gjerman i PSG.

Marseja po pret merkaton e janarit për të trokitur në dyert e klubit torinez siç citon “Le10Sport”. 18-vjeçari shihet si një nga lojtarët e rinj më premtues dhe vështirë që Juventus do të heqë dorë nga shërbimet e tij, por Marseja kërkon përforcimin e repartit ofensiv dhe do të provojë të gjejë akordin me bardhezinjtë dhe lojtarin.

Ai ka karakteristikat e duhura për sulmuesin që kërkon Garsia dhe ardhja e tij në Francë do të shtonte energjinë e sulmit të Marsejës.

Të detyruar nga kërcënimet për sanksion të UEFA-s për shkak të FFP (fair-play financiar), PSG ka shpenzuar vetëm për blerjen e Bernat nga Bajerni i Mynihut (14 milionë euro) dhe Kehler nga Shalke 04 (37 milionë euro), ndërsa Bufon nga Juventus dhe Çupo Moting nga Stoke erdhën si lojtarë të lirë.

Francezët shitën Guedes te Valencia (40 milionë euro), Pastore te Roma (25 milionë euro), Lo Çelso te Betis (huazim një vjeçar), Tiago Mota (u tërhoq nga futbolli), Juri Berçike tek Atletiko Bilbao (24 milionë euro). Drejtori sportiv, Antero Henrike, negocioi dhe me lojtarë si: Zherom Boateng, Felipe Luis, Lobotka dhe Renato Sançez, por pa arritur marrëveshje me lojtarët dhe klubet respektive.

Mbasi i shpëtuan dënimeve të UEFA-s dhe mbyllen një merkato me bilanc pozitiv, PSG është gati për të nisur sulmin për fitimin e kupës me veshë të mëdhenj, duke nisur nga transferta përballë finalistëve të vjetshëm, Liverpulit. Arritja më e madhe në Champions Ligë është në vitin 1995, kur PSG u eliminua në gjysmëfinalet e këtij kompeticioni.