Djemtë e Guardiolës kanë mundur me rezultatin 4-1 Uest Hemin. Ata kanë vijuar me formën e mirë që mbyllën edhe sezonin e kaluar. Ishin londinezët që kaluan të parët në avantazh me atë të një penalltie të shndërruar në gol nga Mark Noble.

Gjithsesi, djemtë e Guardiolës kanë përmysur nëpërmjet golave të David Silvës, Lukas Nmecha dhe dopietës së të zakonshmit Stërling. Një nisje bindëse e “Qytetarëve”, duke parë që kanë mundur një kundërshtar jo të vogël, që do e shohin përsëri në Premier Ligë. Ndeshja u zhvillua në Kinë, ku po luhet për trofeun “Premier League Asia”. Një prezantim mjaft cilësor i Rodrit, i cili shijoi për herë të parë një ndeshje me fanellën e kaltër.

Miqësore, “Premier League Asia Trophy”

Mançester Siti-Uest Hem 4-1
Noble (p) ’26 / D. Silva ’34, Nmeca (p) ’36, Stërling ’60 ‘72

Edhe Mançester Junajtid nuk kanë mundur një kundërshtar të rëndomtë, por Lids Junajtid. Dy klubet gëzojnë një urrjetje të madhe e të ndërsjelltë me njëri-tjetrin prej shume kohësh. Ndeshja ka përfunduar me rezultatin 4-0 për ekipin e drejtuar nga Solskjaer. Ata nuk e kanë vënë aspak fitoren në diskutim, duke e dërguar topin në rrjetë nga dy herë për pjesë. Golat janë shënuar Mason Grenud, ku bie në sy asisti i Van Bisakës, Markus Rashford, Fill Xhons dhe Antoni Martial me penallti.

Miqësore

Mançester Junajtid-Lids Junajtid  4-0
Grinud ‘7, Rashford ’27, Xhons ’51, Martial ‘69

Lids Junajtid janë “fatlumët” e radhës. Klubi që aktualisht luan në Championship, por që ka një histori jo modeste në futbollin elitar anglez, pritet të bëhet pronë e familjes mbretërore nga Katari. Siç shkruan “L’Equip”, administratori i deleguar Naser Al Kelaifi është takuar në Doha me Andrea Radrixanin.

Ky i fundi është pronari aktual i Lids Junajtid. Në ditët në vijim pritet të kemi një marrëveshje, ku klubi anglez do të kalojë në pronësi të “Qatar Sports Investmens”. Akoma nuk ka informacione rreth shifrës që do të kryhet kjo blerje.

Leeds United owner Andrea Radrizzani to meet with PSG President Nasser Al-Khelaifi in Doha today as talks continue regarding a Qatar Sports Investments purchase of the Championship club. (L’Éq)

— Get French Football News (@GFFN) June 3, 2019

Lidsi Junajtid kishte nevojë për një fitore sot për të shpresuar në ngjitjen e menjëhershëm në Premier Ligë. Kundër ishte Aston Vila, një nga kundërshtarët më të fortë të divizionit të dytë të futbollit anglez.

Në minutën e 71-të, kur ndeshja ishte 0-0, një futbollist mik qëndron i shtrirë në fushë. Arbitri nuk ndaloi lojën, ndërsa Lidsi nis aksionin nga porta tjetër. Lojtarët e Aston Vilës protestojnë te kundërshtarët e tyre që të nxjerrin topin jashtë.

Vendasit as që duan t’ia dinë, vazhdojnë aksionin dhe shënojnë gol. Një sherr i madh shpërthen në fushën e blertë, ndërsa ka tension edhe midis dy pankinave.

Për të zgjidhur gjithçka dhe për t’i shokuar të gjithë njëkohësisht mendon i çmenduri Bielsa. Trajneri ka diçka për ekipin e tij. Aston Vila duhet të shënojë gol. Është urdhër i prerë! Ashtu ndodh, Lidsi hap portën dhe ekipi i drejtuar nga Xhon Terri barazon.

Gjest i mrekullueshëm i Marselo Bielës dhe veprim plot guxim. Aq më shumë në një moment kur luhej i gjithë sezoni i Lids Junajtid. Duartrokitje për të çmendurin…

Ekipi i tij kryeson divizionin e dytë të futbollit anglez, ndërsa djemtë e tij siguruan dje një fitore të madhe kundër Aston Vilës në transfertë, duke rikthyer dizavantazhin e dy golave. Benxhamin Mendi luan sot me Mançester Sitin, ndërsa me Bielsën ka punuar tek Olimpiku i Marsejës.

Ai ka vetëm fjalë të mira për trajnerin e famshëm, ndërsa tregon dhe disa detaje interesante për të. Bielsa është një “maniak” i detajeve dhe nuk fal askënd që gabon.

“Marselo na ka përmirësuar shumë te Marseja, por e rëndësishme është dhe mënyra se si ai punon me stafin e tij. Nëse të thotë të vendosësh një kon 10 metra larg dhe ti e vendos 11, ekziston rreziku që të mos grumbullohesh për ndeshjen e radhës. E kam fjalën dhe për stafin, pasi dhe ata duhet të punojnë mirë gjatë javës për… t’u grumbulluar për ndeshje! Njësoj si futbollistët.”

“Ndeshja e parë me Bielsën ishte një miqësore. U paraqitëm në ndeshje me vetëm një doktor, pa zëvendës trajnerin, pa përgatitës dhe pa asgjë. Në pankinë nuk kishte mbetur askush që fliste frëngjisht, sepse askush nuk kishte punuar mjaftueshëm përpara ndeshjes. Por, ai e respekton futbollin njësoj si Guardiola. Ka një mënyrë të shkëlqyer për ta kuptuar atë. Më ka përmirësuar shumë dhe këshillat e tij janë të dobishme dhe tani për mua”, përfundon mbrojtësi i shpallur kampion bote me Francën gjatë kësaj verë në Rusi.

63-vjeçari mori këtë sezon drejtimin e Lids Junajtid dhe objektivi është rikthimi në Premier. Djemtë e Bielsës renditen në vendin e tretë në “Championship”, me 3 pikë më pak se kryesuesit e Noruiçit.

Gjatë stërvitjes, trajneri ka qenë duke provuar një nga skemat e tij. Pasim i gjatë në formë krosi dhe eurogol. Patrik Bamford, sulmuesi 25-vjeçar i Lidsit ka shënuar një gol shumë të bukur dhe Bielsa nuk është përmbajtur.

Vrapim me duart lart nga cepi tjetër i fushës dhe një përqafim i ngrohtë për lojtarin e tij. Goli të gëzon dhe në stërvitje, sidomos kur skema realizohet në perfeksion…

? @Patrick_Bamford pic.twitter.com/4b0VyCfXT6

— Leeds United (@LUFC) November 22, 2018

Trajneri i famshëm për konceptet për futbollin dhe stilin e lojës së skuadrave të tij ka bërë një gjest shumë të bukur në Argjentinë. Ai është një tifoz i zjarrtë i Newell Old Boys, ekip me të cilin ka fituar kampionatin në vitet 1991 dhe 1992, ndërsa dërgoi ekipin në finalen e Kupës Libertadores në vitin 1992, e humbur me penallti me brazilianët e Sao Paolos.

Drejtuesit e klubit argjentinas kanë vendosur t’i vënë stadiumit emrin e Marselo Bielsës, ndërsa ky i fundit ka menduar dhuratën e tij për përvjetorin.

63-vjeçari, i cili konsiderohet nga Pep Guardiola si trajneri më i mirë në botë, i ka dhuruar klubit të Newell Old Boys” një hotel me vlerë 2.5 milionë dollarë. “El Loco” e ka kryer këtë gjest fantastik në nder të përvjetorit të themelimit të klubit. Newell Old Boys feston 115-vjetorin e krijimit me datë 3 nëntor dhe Bielsa ka menduar të bëjë diçka për klubin e tij të zemrës.

Një hotel prej rreth 2 mijë metrave katrorë do të shërbeje për qëndrimin e ekipit në ndeshjet shtëpiake dhe jo vetëm. Hoteli përmban gjithçka të nevojshme për një ekip futbolli dhe është projektuar nga studio arkitekturore e motrës së trajnerit, Maria Bielsa. Hoteli do të inaugurohet me datë 3 nëntor, në ditëlindjen e 115-të të klubit dhe do t’i dhurohet klubit të Newell Old Boys.