Lewis

Legjenda Lennox Lewis këshillon Joshua-n: Ja ç’duhet të ndryshojë

Sport Ekspres — Tue, 04 Jun 2019 15:42:55 +0000

Legjenda e boksit britanik, Lennox Lewis, foli për herë të parë në lidhje me humbjen befasuese të bashkëkombësit të tij Anthony Joshua ndaj meksikanit Andy Ruiz. Ish-kampioni i peshave të rënda ka sugjeruar që 30-vjeçari Joshua të ndërrojë trajner Robert McCracken. Ndërrimi i trajnerit ka rezultuar një ndër vendimet më të goditura në karrierën e Lewis. Pas humbjes befasuese ndaj Oliver McCall, Lewis filloi bashkëpunimin me trajnerin e kundërshtarit që sapo e kishte mundur, Emmanuel Stewart.

“Nuk mund të shkosh në universitet me mësuesin e klasës fillore. Ai nuk ka përgjigjet për problemet që ndodhin në nivele kaq të larta të boksit. Në këtë moment atij i duhet një “pedagog” i këtij sporti. Ai nuk ishte fare i përgatitur për strategjinë që ndoqi Ruiz”.

“McCracken është një trajner shumë cilësor, por ndoshta ai nuk i përshtatet stilit të cilit Joshua-s i duhet në këtë nivel. Unë ndërrova trajner dhe zgjodha Manny Steward. Ai diti si të shfrytëzonte çdo pikë të fortë që kisha unë si boksier dhe më tregoi gjithçka ç’duhet të tija për të triumfuar”, përfundoi Lewis.

Legjenda Lennox Lewis akuzon Joshua-n: Mendon vetëm për para, jo tituj

Sport Ekspres — Sun, 27 Jan 2019 12:23:28 +0000

Boksieri legjendar britanik Lennox Lewis ka hedhur akuza të forta ndaj bashkëkombësin e tij Anthony Joshua. Sipas tij mbajtësi i katër brezave kampion bote po ndjek shembullin e tij, duke iu shmangur dueleve me kundërshtarët më të fortë.

Sipas 53-vjeçarit, Joshua heziton të luftojë boksierë të kalibrit të lartë si Fury dhe Wilder për shkak të kërkesave të ekzagjeruara financiare, ajo çka e çudit më shumë Lewis është hezitimi i Joshua-s për t’u ndeshur e amerikanin Deontay Wilder, i cili ka të vetmin brez kampion (WBC) që e ndalon Joshuan së qeni kampionati i parë i padiskuteshëm (mbajtësi i çdo brezi madhor), që prej tij në vitin 2001.

Lennox Lewis

“Nuk e kuptoj këtë hezitim të Joshua-s. Unë gjithmonë kam dashur të ndeshem më kundërshtarët me të fortë. Nga kjo gjë kam fituar tituj të shumtë, por në të njëjtën kohë nuk kanë munguar as fitimet nga ana financiare”, tha Lewis.

“Wilder vs Fury”: Tyson, Holyfield dhe Lewis japin parashikimet e tyre

Sport Ekspres — Wed, 28 Nov 2018 16:21:29 +0000

“Staples Arena” do të presë më datë një dhjetor një prej dueleve më historikë në historinë e boksit. Deontay Wilder dhe Tyson Fury do të vihen përballë njëri-tjetrit. Të dy boksierët vijnë në këtë duel me një rekord të pamposhtur.

Amerikani Wilder ka regjistruar 40 fitore, 39 prej tyre me nokaut, ndërsa 27 fitore, 19 prej tyre me nokaut. Përballja midis dy kampionëve të peshave të renda nuk ka se si të mos ngjallë interesin e legjendave të këtij sporti. Mike Tyson, Evander Holyfield dhe Lennox Lewis ka dhënë parashikimet e tyre për duelin që do të zhvillohet pas tri ditësh.

MIKE TYSON – “Megjithëse Wilder ka një grusht shumë të fort, asgjë nuk mund të krahasohet me forcën mendore që Fury ka treguar brenda dhe jashtë ringut. Do të jetë një duel me pak diferenca, por mendoj se Fury mund t’ia dalë”.

EVANDER HOLYFIELD – “Është një duel i përmasave gjigante. Fury është një boksier shumë i zoti, paksa i çuditshëm, por ka krahë të gjatë dhe reflekse të mira. Fury ka gjithashtu avantazhin e gjatësisë dhe peshës. Mendoj se me fuqinë që ka Wilder, dueli mund të përfundojë shumë shpejt, por në Fury ia del të zgjasë duelin, do të hyje në punë eksperienca”.

LENNOX LEWIS – “Nëse dueli do të shkojë drejt raundeve të fundit, atëherë do të fitojë Fury. Nëse do mbyllet në raundet e para do të fitojë Wilder. Mezi po e pres këtë duel”.