lewandovski

Levandovski: Nuk na duhen talente, te Bajerni të vijnë ata që janë gati

Sport Ekspres — Wed, 22 May 2019 14:24:42 +0000

Si rrallëherë më parë Bajerni i Mynihut ka filluar të shpenzojë shumë të konsiderueshme në merkato. Mbrojtësit Pavard dhe Hernandez i kushtuan klubit mbi 100 milionë euro, ndërsa priten dhe blerje të tjera.

Në një intervistë për “BILD”, sulmuesi i Bajernit, Robert Levandovski, u shpreh se i pëlqen kjo strategji. Sipas polakut Bajernit nuk e ka luksin për të marrë talente,.

“Nëse dikush vjen duhet të jetë në gjendje ta na ndihmojë direkt. Nuk kemi kohë të presim dy vite për të zhvilluar një lojtar të caktuar. Kush vjen këtu duhet të rrisë kualitetin e skuadrës. Kemi marrë që tani dy lojtarë shumë të mirë (Pavard dhe Hernandez) dhe jam i sigurt që Bajerni nuk e ka thënë akoma fjalën e fundit përsa i përk”.

“Diskutimi mbi të ardhmen e trajnerit nuk ka rëndësi për ne. Çfarëdo që të ndodhë ne do të bëjmë punën tonë. Tani jemi të fokusuar vetëm te finalja e Kupës”, përfundoi sulmuesi polak

“Pse nuk më pason”, si filloi sherri me Koman dhe Levandovskit

Sport Ekspres — Fri, 12 Apr 2019 19:58:43 +0000

Një sherr midis Robert Levandovskit dhe Kingsli Koman u bë ngjarja më e përfolur nga mediet sportive në Gjermani. Incidenti ndodhi stërvitjen e ditës së djeshme dhe falë faktit që seanca u zhvillua me dyer të mbyllura, sherri nuk u filmua.

Trajneri Kovaç njoftoi ditën e sotme se gjithçka është sheshuar, ndërsa nuk dha detaje mbi arsyet e nisjes së debatit që degjeneroi në grushte midis dy sulmuesve.

Ditën e sotme revista franceze “L’Equipe” ka zbuluar se si filloi përplasje e futbollistëve. Marrëdhënia midis Levandovskit dhe Koman kishte qenë e tensionuar prej disa javësh për shkak se polaku nuk shërbehej shumë nga francezi, i cili preferonte shpesh të driblonte e të godiste portën në vend që t’i pasonte pykës së bavarezëve.

Inati i mbledhur prej disa javësh kulminoi ditën e djeshme, teksa Levandovski filloi ta kritikonte hapur në stërvitje. Koman iu kthye dhe pas ngritjeve të zërit pasuan grushtet.

Blerja më e volitshme në histori, Bajerni s’gjen të dytë si Levandovski

Sport Ekspres — Wed, 10 Apr 2019 15:07:47 +0000

Robert Levandovski mund të jetë blerja më e volitshme në historinë e futbollit. Polaku u bë pjesë e Bajernit gjatë verës së 2014-ës në një marrëveshje me kosto 0.

Bavarezët përfituan nga fakti se kontrata e sulmuesit me Borusian e Dortmundit ishte drejt përfundimit dhe i siguruar vetes një bomber që do ta kishte zili çdo ekip në planet.

Nëse u hedhim një sy statistikave të Levandovskit me Bajernin në këto pesë sezone, kuptohet qartazi se 30-vjeçari e ka merituar plotësisht pagën më të lartë tek ekipi bavarez.

Sezoni, Aktivizimet, Minutat, Golat, Asistet, Asist dhe Gol për minutë

Polaku ka treguar paraqitje fantastike në katër sezonet e tij të fundit me Bajernit, duke e kaluar shifrën e 30 golave në të gjitha kompeticionet, ndërsa nuk kanë munguar as asistimet për shokët e ekipit.

E ardhmja e Levandovskit, menaxheri konfirmon bisedimet

Sport Ekspres — Wed, 10 Apr 2019 13:02:02 +0000

Gati një vit më parë spekulimet se Robert Levandovski do të largohej nga Bajerni drejt Realit të Madridit ishin të shumta. Tashmë, ajo periudhë duket se është lënë pas dhe sulmuesi polak pritet që të rinovojë kontratën me klubin nga Mynihu.

Sipas asaj që thuhet në mediat gjermane, ka qenë vetë agjenti i 30-vjeçarit, i cili ka pranuar se negociatat për rinovimin e kontratës kanë nisur. Kontrata aktuale që Levandovski ka me Bajernin është e vlefshme deri në vitin 2021.

Një rinovim i mundshëm do ta mbante të lidhur polakun deri në vitin 2024 me bavarezët, çka do e bënte sulmuesin të festonte plot një dekadë te Bajerni. Kujtojmë, Levandovski u mor nga Bajerni me parametra zero verën e vitit 2014 nga Dortmundi.