Levizjet e merkatos

Kuadrado prish planet e Juves, Kanselo mbetet në Torino

Sport Ekspres — Sat, 06 Jul 2019 14:27:44 +0000

Ndërsa ishte gati i larguar nga klubi, e ardhmja e Zhoao Kanselos mund të marrë një rrjedhë tjetër për shkak të Huan Kuadrados. Sipas “Tuttosport”, kolumbiani është shumë pranë transferimit në Kinën e largët. Drejtuesit e Shangai Shenua kanë vënë në tavolinë 15 milionë euro për Juventusin dhe një ofertë të parezistueshme për lojtarin.
E gjithë kjo pritet të sjellë largimin pas katër vitesh të Kuadrados, kohë kur erdhi nga anglezët e Çelsit. Largimi i mesfushorit pritet të pasohet nga qëndrimi i Kanselos. Në rast të shitjes së portugezit, Sarri kishte propozuar kthimin në rolin e mbrojtësit të majtë për Kuadradon. Me ikjen e tij anullohet plani dhe Kanselo pritet të jetë në Torino edhe sezonin e ardhshëm.

Për të interesohen Mançester Siti dhe Barcelona. Kohët e fundit negociatat me klubin anglez nuk po evolojnë. Kjo për shkak të kërkesave të larta që kanë drejtuesit e “Zonjës”. Paratiçi kërkon 60 milionë euro për 24-vjeçarin. Edhe Barcelonës si duket do i duhet të mbajë me pahir Semedon, pasi alternativa e luzitanit tjetër bie.

Real fillon të shesë, ylli i mesfushës kalon te rivalët e qytetit

Sport Ekspres — Wed, 19 Jun 2019 17:55:59 +0000

Atletiko Madrid më në fund ka arritur një marrëveshje me Realin për të siguruar shërbimet e Markos Jorente. 24-vjeçari vjen në “Wanda Metropolitano” për të zëvendësuar Rodrin, i cili pritet të kalojë nën urdhërat e Pep Guardiolës te Mançester Siti.
Të dy klubet kanë rënë dakord për blerjen e Jorentes për shumën e 40 milionë eurove. Real synonte të arrinte një arketim prej 50 milionë eurosh nga shitja e tij, por Atletiko nuk e ka pranuar këtë kërkesë. Ditën e sotme mesfushori, i shoqëruar nga xhaxhai, njëkohësisht edhe menaxheri i tij, është parë të hyjë në ambientet e stadiumit të skuadrës bardhekuqe.

Në “Santiago Bernabeu” mund të themi se Jorente ka kaluar një periudhë të vështirë, me shumë pak minuta në dispozicion. Këtë sezon në La Liga ai ka nisur vetëm gjashtë ndeshje si titullar, duke mos pasur mundësinë të ambjentohet plotësisht për të trguar të gjithë potencialin e tij. Në Atletiko është e sigurt se do të ketë shumë më tepër minuta në këmbë.

?? Julio Llorente, representante y tío de @marcosllorente, llegando a las oficinas del Wanda

? ¿Podría haber anuncio oficial en las próximas horas?

?? Todos los detalles en el #Golazo pic.twitter.com/aZQFwp9mmK

— El Golazo de Gol (@ElGolazoDeGol) June 19, 2019

Një tjetër “out” nga Barça, portugezi largohet drejt Premier Ligës

Sport Ekspres — Fri, 14 Jun 2019 19:19:18 +0000

Barcelona është e mbushur me mesfushorë. Klubit katalanas i është dashur të dërgojv në huazim disa prej tyre. Andre Gomes është i huazuar te Everton. Në “Goodison Parc” portugezi ka bërë mjaft mirë dhe është një titullar i padiskutueshëm. Gomes e pëlqen opsionin e një blerje të tij nga Everton për të firmosur më pas një kontratë afatgjatë. Barcelona nga ana e tyre e pranon idenë e shitjes së lojtarit.

Klubi blaugrana duhet të shtojë financat për të bërë më pas blerje të mëdha, në mënyrë që t’i përgjigjet investimeve të shumta të Realit të Madridit. Çmimi i fiksuar nga drejtuesit e kampionëve të Spanjës është 30 milionë euro. Everton ka vendosur ta blejë lojtarin, por po negocion për të ulur çmimin e tij.

Juventusi “merr vrull” në merkato, firmos me zbulimin e Serie A

Sport Ekspres — Wed, 12 Jun 2019 17:58:59 +0000

Juventusi është konfirmuar prej kohësh si “magneti” më i fuqishëm i talenteve të Serie A. “Zonja” ka siguruar një tjetër yll premtues dhe ai quhet Hamed Traore.
19-vjeçari këtë sezon është aktivizuar me Empolin dhe ka luajtur të gjitha ndeshjet e kampionatit. Lojtari nga Bregu i Foldishtë ka firmosur me Juventusin një kontratë afatgjatë.

Shuma e transferimit të tij është 15 milionë euro. Duke parë konkurencën e madhe të një ekipi si Juventus, i riu fillimisht do të huazohet në një ekip brenda Italisë.

Sasuolo, Sampdoria dhe Kaliari janë klubet që mund të përfitojnë nga shërbimet e tij sezonin e ardhshëm. Traore është një lojtar shumë inteligjent dhe në të ardhmen pritet të jetë një nga lojtarët kryesor të kampionëve të Italisë.

ALLIANZ STADIUM, TORINO, ITALY – 2019/03/30: Hamed Junior Traore of Empoli Fc during the Serie A football match between Juventus Fc and Empoli Fc . Juventus Fc wins 1-0 over Empoli Fc. (Photo by Marco Canoniero/LightRocket via Getty Images)

Merkato e janarit 2019 | Lëvizje intensive, ja si kanë ndryshuar skuadrat e Superiores!

Sport Ekspres — Wed, 30 Jan 2019 10:16:58 +0000

Pjesa e parë e sezonit është mbyllur dhe skuadrat e Superiores kanë nisur lëvizjet e para në merkato. Momentalisht ka më së shumti largime dhe Kastrioti është klubi rekordmen. SportEkspres.com ju sjell më poshtë lëvizjet e deritanishme të bëra nga klubet e Superiores.

LËVIZJET E MERKATOS SË JANARIT

PARTIZANI
Afrime: Fatjon Jusufi (Renova), Alesio Hyseni (Flamurtari), Lum Rexhepi (KuPS) , Dilly Duka (FC Motown), Hektor Idrizaj (Kamza), Kevin Mobilo (PS Kemi), Tijan Jaiteh (Al Markhiya); Largime: Alma Abo Uakili, Renato Gojkoviç (Mostar), Rron Statovci (Llapi), Senad Hysenaj (Besa), Eneo Bitri (Kamza – huazim), Fatjon Jusufi

KUKËSI
Afrime: Eduart Rroca (Luftëtari), Kristi Joti (Tomori – rikthim nga huazimi), Vasil Shkurtaj (Luftëtari), Faton Xhemaili (Radnik Surdulica), Olsi Teqja (Kamza), Valdet Rama (Yanbian Funde), Maurice Gomis (Spal – huazim) ; Largime: Haris Harba (Slovacko), Dino Shpehar (SKF Sered), Vangjel Zguro (Chattanooga Red Wolves SC), Donjet Shkodra, Shafik Tigruxha, Omer Toure (Juventus – rikthim nga huazimi; Sparti FC), Harallamb Qaqi (Kamza), Arlind Kalaja (Kastrioti – huazim)

TEUTA
Afrime: Erlis Frashëri (Kamza), Tomislav Bushiç (Flamurtari), Renato Arapi (Afjonspor) ; Largime: Bojan Gjorgievski (Kamza), Arsid Kruja (Vllaznia), Jurgen Peqini (Erzeni), Jurgen Vogli (Egnatia), Edison Ndreca (Kastrioti)

LAÇI
Afrime: Edmir Sali (Flamurtari), Irlian Ceka (Sambedetenese), Enis Çokaj (Lokomotiva Zagreb – huazim), Antoni Okpotu (Difaa El Jadida), Klaudio Çema (Dinamo), Malik Mane (Akhaik), David Domgjoni (Kastrioti) ; Largime: Klevis Hasanbelli (Turbina – huazim), Andi Hadroj (Bylisi), Xhevahir Sukaj (Flamurtari), Marjan Altiparmakovski, Erjon Dragoi

SKËNDERBEU
Afrime: Elmir Asani (Mauerwerk Sport Admira), Shqiprim Taipi (Shkëndija Tetovë), Idriz Toskiç (Bisceglie), Marko Pervan (Osijek), Kuasi Sibo (Watford U23); Largime: Realdo Fili (Luftëtari), Almir Ajzeraj (Ballkani – huazim), Saliou Guindo (Bylis), Arnaud Guexh, Benejam Demte, Ardit Hoxhaj (Luftëtari), Fidan Aliti (Kalmar), Reanto Ziko (Apollon Larisas)

FLAMURTARI
Afrime: Lejdi Liçaj (Luftëtari), Xhevahir Sukaj (Laçi); Largime: Alesio Hyseni (Partizani), Kristian Sirgi (Dunarea Kalarashi), Edmir Sali (Laçi), Tomislav Bushiç (Teuta), Goran Siljanovski (Rabotniçki), Muhamed Useini

LUFTËTARI
Afrime: Realdo Fili (Skënderbeu) , Mërgim Neziri (Petrolul Ploeshti), Riste Iljovski (Pelisteri), Angelos Hanti (Aititos Spata), Alvi Ahmetaj, Avernold Qyrani (Korabi – rikthim nga huazimi), Edvan Bakaj (Drita), Dimitris Kotsonis (Panachaiki), Eric Kofi Warden (Sparta), Ardit Hoxhaj (Skënderbeu) Largime: Eduart Rroca (Kukësi), Lejdi Liçaj (Flamurtari), Vasil Shkurtaj (Kukësi), Ivan Jakovljeviç, Vladan Milosavljev (Tyumen), Nemanja Janiçiç (Borac Banja Luka), Romario Cekaj, Balsa Radoviç

TIRANA
Afrime: Jurgen Goxha (Erzeni) ; Largime: Dejan Blazhevski (Rabotniçki), Sedat Berisha (Drita), Shpëtim Moçka (Bylisi)

KAMZA
Afrime: Arbër Shala (Drita – huazim) , Elidon Selaci (Burreli), Hallaramb Qaqi (Kukësi), Bojan Gjorgievski (Teuta) ; Largime: Erlis Frashëri (Teuta), Armand Rami (Kastrioti), Ognjen Roloviç, Mario Kirev (Drita), Xhuljan Turhani (Vora – huazim), Olsi Teqja (Kukësi)

KASTRIOTI
Afrime: Edison Ndreca (Teuta), Armand Rami (Kamza), Brunild Pepa (Gjilani), Adolf Selmani (Iliria), Joan Beçka, Kleo Fejzaj (Elbasani), Erlind Koreshi (Egnatia), Amarildo Çekrezi, Kinglsi Obodike (Tomori), Edi Bojom (Bravos do Maquis), Arlind Kalaja (Kukësi – huazim); Largime: Aleksandros Rahim (Egaleo AO), Pablo Gajego (CD Teruel), Mba Duval (North Karolina FC), Preston Tabertetaka, Enou Nkembe, Klajdi Kuka (Vora), Xhynejt Çutra (Turbina) , Vilson Lila (Gjilani), Sokol Mziu (Besa), David Domgjoni (Laçi), Çarles Atsina, Nikola Stijepoviç (Torpedo Kutaisi), Erblind Mulaj, Leonid Varfi (Burreli), Skënder Lilaj (Liria)

“Fshesa” e radhës te Luftëtari, largime në mbrojtje e sulm

Sport Ekspres — Tue, 22 Jan 2019 20:29:16 +0000

Vazhdojnë largimet te Luftëtari. Ditën e sotme bluzinjtë janë ndarë me mbrojtësin Nemanja Janiçiç dhe sulmuesin anësor Romario Cekaj. Largimi i dy lojtarëve e çon në gjashtë numrin e të larguarve nga gjirokastritët gjatë merkatos së dimrit. Vetëm Kastrioti i vendit të fundit ka një numër më të madh të larguarish në Kategorinë Superiore.

Kontrata midis futbollistëve dhe klubit është prishur me konsensus. Largimi i boshnjakut peshon më shumë, sepse 32-vjeçari ishte një ndër lojtarët me më shumë minuta te Luftëtari ,me 14 aktivizime si titullar. Pas largimit të Janiçiçit, trajneri Gentian Mezani ka në dispozicion vetëm Oltion Rapën dhe Rustem Hoxhën për repartin e qendrës së mbrojtjes.

I riu Cekaj nuk gjeti hapësira te skuadra gjirokastrite, ku gjatë pjesë së parë të kampionatit u aktivizua në vetëm tre takime të Kategorisë Superiore.

Shehi i kënaqur, zbulon afrimin e dytë te kampionët

Sport Ekspres — Fri, 18 Jan 2019 15:06:25 +0000

Skënderbeu dhe Teuta u ndanë në barazim pa gola sot në Durrës dhe tanimë mendojnë për pjesën e dytë të sezonit. Pas takimit, trajneri i korçarëve, Orges Shehi, foli për gjendjen e skuadrës së tij dhe njoftoi afrimin e Shqiprim Taipit në mesfushë.

“Jemi të kënaqur, por duhet të korrigjohemi aty ku kemi probleme. Kemi mungesa, për fatin tonë të keq kemi dëmtime. Kemi marrë Asanin dhe Taipin, ndërkohë që edhe ata nuk kanë ende formën e duhur. Shpresa ime është të kthehen sa më shpejt”.

“Bregu do qëndrojë për disa kohë jashtë. Për Lulajn dhe Krasniqin do bëjmë çmos t’i kemi për ndeshjet me Partizanin. Synimi ynë është të kthehemi skuadra e fillimit të sezonit. Do bëjmë më të mirën që të kthehemi aty ku na takon”, tha Shehi për “RTSH Sport”.

TAIPI – Mesfushori qendror ka pasaportë të Kosovës dhe nuk konsiderohet i huaj. Taipi, vëllai i Gjelbrimit, u largua nga Shkëndija e Tetovës pak ditë më parë. Futbollisti 21-vjeçar nuk kishte hapësira te kuqezinjtë. Këtë sezon luajti pesë ndeshje dhe vetëm një herë e nisi si titullar.

Në të shkuarën në Maqedoni ai është aktivizuar për Turnovon, ndërkohë që Shkëndija e pat huazuar më pas te Shkupi dhe Prishtina në Kosovë. Tanimë ai do të provojë Superioren. Shehi e donte me ngulm mesfushorë qendre dhe në vijim mund të ketë edhe ndonjë afrim tjetër.

Dështon transferimi i Latif, sulmuesi mbetet i Teutës

Sport Ekspres — Tue, 15 Jan 2019 17:26:10 +0000

Klubi i Teutës zyrtarizoi ditën e premte shitjen e sulmuesit Latif Amadu te skuadra e bjelloruse e Shakhtjor Soligorsk. Megjithatë së fundmi, situata ka marrë një kthesë 180 gradë. Sipas “Supersport”, marrëveshja për transferimin e sulmuesit ka dështuar.

Lajmërimi mbi shitjen e Latif Amadu

Shkak për këtë situatë të papritur është bërë një ndryshim i metodës së mënyrës së pagesës së shumës prej 150 mijë eurosh që Teuta kërkonte, ndërsa nuk është gjendur as gjuha e përbashkët midis ganezit dhe klubit të Shakhtjotir për kushtet personale.

Klubi Bjellorus kishte rënë dakord për të paguar 150 mijë euro për kartonin e Latif, por për të shlyer të gjithë shumën, Shakhtjor ka kërkuar që këstet të shtrihet deri në vitin 2020. Nga ana tjetër në kontratën që i është ofruar lojtarit, ka qenë sa gjysma e asaj që ai përfitonte te skuadra durrsake.

Duke parë situatën e krijuar, Teuta dhe Latif kanë vendosur të vijojnë bashkëpunimin dhe ganezi do të vihet sërish në urdhrat e Bledi Shkëmbit.

Largime jo vetëm në mbrojtje, Kamza “ndahet” me sulmuesin

Sport Ekspres — Fri, 11 Jan 2019 17:21:49 +0000

Kamza ka zyrtarizuar largimin e tretë të merkatos së dimrit. Sulmuesi malazez, Ognjen Roloviç, nuk do të jetë më pjesë e skuadrës së drejtuar nga Ernest Gjoka. Lajmi u njoftua nga vetë klubi me anë të një postimi në “Facebook”.

Sulmuesi 25-vjeçari iu bashkua Kamzës gjatë merkatos së verës, pas një eksperiencë të mëparshme në kampionatin maltez. Gjatë qëndrimit të tij disa mujor në Shqipëri, Roloviç u aktivizua në 16 takime në Kategorinë Superiore, 11 prej të cilave si titullar, ku gjeti rrugën e rrjetës dy herë.

Vendin e malazezit në sulmin e kamzalinjve do ta zërë sulmuesi meksikan David Izazola, i cili u prezantua dy ditë më parë në ambientet e klubit.

Firmosin Shkurtaj e Rroca, Gjici paralajmëron rivalët me këtë deklaratë

Sport Ekspres — Thu, 03 Jan 2019 15:19:59 +0000

Kukësi ka prezantuar ditën e sotme dy blerjet e para të merkatos së dimrit. Eduart Rroca dhe Vasil Shkurtaj janë zyrtarisht pjesë e verilindorëve. Akordi për fantazistin ishte arritur para disa javësh, ndërsa transferta e sulmuesit Vasil Shkurtaj u finalizua ditën e sotme.

Presidenti i skuadrës verilindore, Safet Gjici, deklaroi se skuadra është më pranë objektivit të titullit kampion, ndërsa paralajmëroi edhe për përforcime të tjera të tjera në repartin e mbrojtjes.

“Rrocën edhe Shkurtaj jemi më pranë objektivit, që gjithmonë ka qenë titulli. Përforcuam mesfushën edhe sulmin, tani mund të shohim për ndërhyrje ne mbrojtje. Shkurtaj është një sulmues i rallë në kampionatin tonë, edhe kombëtarja duhet ta shohë”.

“Nuk ka rrezik për xhelozi brenda ekipit, të gjitheë janë profesionistë. Ekipi është i kompletuar edhe trajneri nuk ka më justifikime. Ia kemi plotësuar të gjitha kërkesat. Madje duke bërë sforco. Tani e kanë në dorë lojtarët edhe stafi, sepse klubi e ka bërë detyrën”, ishin fjalët e presidentit të kuksianëve.

https://www.facebook.com/313559492122738/posts/1645467858931888/

Sërish lëvizje te Teuta, zyrtarizohet largimi i dytë

Sport Ekspres — Fri, 28 Dec 2018 20:50:03 +0000

Klubi i Teutës ka njoftuar me anë të një postimi në llogarinë zyrtare në “Facebook”, ndërprerjen e bashkëpunimit me futbollistin shkodran Arsid Kruja. Sulmuesi anësor largohet nga skuadra durrsake një vit mbasi u transferua në këtë ekip nga Vllaznia e Shkodrës.

Kruja e filloi mbarë sezonin, duke qenë titullar në tre takimet e para të Teutës në Superiore, por më pas sulmuesi i krahut nuk u përzgjodh më kurrë si titullar dhe gjatë tre muajve të ardhshëm, u aktivizua vetëm pesë herë si zëvendësues.

NJOFTIMI I TEUTËS NË “FACEBOOK”

Ky është largimi i dytë nga skuadra e Teutës gjatë merkatos së dimrit, pasi më skuadra durrsake u largua mbrojtësi maqedonas Bojan Gjorgievski.