Megjithëse kartoni i tij i përket Realit, e ardhmja e sulmuesit nuk shihet në “Santiago Bernabeu”. Ardhja e Joviç, por edhe forma e ulët e treguar prej tij nuk jep aspak premisa që Zidan ta bëjë pjesë të ekipit. Verën e ardhshme pritet të largohet përfundimisht.

Kontrata e Sadikut me Levanten përfundon në fund të sezonit të ardhshëm, por ka pak gjasa që 28-vjeçari të mbetet lojtari i klubit spanjoll në fund të merkatos së verës. Eksperienca e shqiptarit në huazimin në Zvicër te Lugano dha rezultate të kënaqshme dhe një rikthim në Super Ligën Zvicerane s’do çudiste askënd.

Pak javë më parë u përfol për një interesim të turqve të Trabzonsor, por duket se klubi turk ka ndërruar mendje. Në dy vite qëndrim te Levante, Sadiku është aktivizuar në vetëm 6 ndeshje të La Ligës. Kontribut në këtë numër kaq të ulët kanë dhënë dhe dy dëmtime afatgjata që e kanë mbajtur me muaj të tërë jashtë fushave të blerta.

Momentalisht një propozim të kënaqshëm Sadiku e ka marrë nga Trabzonspori dhe në Turqi raportojnë se futbollisti nga Elbasani edhe ka rënë dakord. Tashmë duhet të bindet Levante, që normalisht kërkon të përfitojë nga shitja e kartonit të tij.

Klubi turk thuhet se i ka ofruar 700 mijë euro në vit Sadikut, ndërkohë që edhe spanjollët e duan një shifër të tillë për kartonin e sulmuesit, madje edhe më shumë. Te Trabzonspori po mundohen të paguajnë më pak dhe kanë këshilluar Sadikun të nisë përgatitjet, pasi e duan në formë të mirë fizike në momentin që të mbyllet marrëveshja.

Levante, nëse nuk do të ketë ndonjë ofertë tjetër më të mirë, do detyrohet ta shesë dhe të kursejë pagën e Sadikut, që shkon në rreth 600 mijë euro. Ditët në vijim do të jenë vendimtare për të ardhmene sulmuesit të kombëtares.

Sfida nisi mjaft mirë për Levanten që kaloi në avantazh pas vetëm gjashtë minutash lojë me anë të Kabakos, ndërsa në minutën e 33-të ishte sulmuesi Roxher Marti, i cili çoi shifrat në 2-0, duke e mbyllur pjesën e parë në mënyrë perfekte.

Pjesa e dytë nisi përsëri në tatëpjetë për Atletikon, pasi Korrea u ndëshkua me karton të kuq në minutën e 50-të. Gjithsesi, edhe pse me dhjetë lojtarë, ekipi i Simeones nuk u dorëzua.

Fillimisht ishte Rodri që shënoi golin që shkurtoi diferencën, ndërsa në minutën e 79-të ishte një debutues heroi i Atletikos. Kamejo shënoi në ndeshjen e tij të parë me fanellën bardhekuqe, duke barazuar shifrat.

? 79′ | 2-2 | ? ¡??????????????!
? ¡¡??????????????!!
? ¡¡??????????????!!
? ?????????????? de Camelloooo???#AúpaAtleti #LevanteAtleti pic.twitter.com/W3AnvwUMDD

— Atlético de Madrid (@Atleti) May 18, 2019

Pikërisht kjo gjë është pasqyruar dhe në takimin e sotëm ndaj Levantes, teksa kur janë luajtur diçka më shumë se 50 minuta, vendasit udhëheqin pastër 2-0, ndërsa Atletiko luan me një lojtar më pak, pas kartonit të kuq të Korreas.

Golat për Levanten janë shënuar nga Kabako fillimisht në minutën e 6-të, ndërsa në të 33-tën ishte Roxher, i cili dyfishoi shifrat.

Në një intervistë për sajtin e Levantes, 23-vjeçari shpjegoi ishte hera e parë që derdhte lot pas shënimit të një goli: “Në ato momente isha shumë i përqendruar, pasi e dija rëndësinë e kësaj ndeshjeje, e dija se aty mund të siguronim qëndrimin në La Liga. Ishte një takim shumë i luftuar, e patëm jashtëzakonisht të vështirë. Sa herë që unë shënoj ndihem shumë i gëzuar, por këtë herë ishte ndryshe. Nuk më kishte ndodhur më parë që të qaja në fushë. Festimi me shokët e ekipit më emocionoi shumë”.

AGJËRIMI DHE MUAJI I RAMAZANIT –  “Nuk ha ose pi nga lindja e diellit deri në perëndim. Kur ndjen uri të vijnë në mendje të gjithë njerëzit që s’kanë mundësi të blejnë ushqime. Gjithashtu është mirë për trupin, që kalon një muaj ku spastrohet nga të këqijat që sjell një dietë e keqe. Ka besimtarë që nuk ndihen mirë, por mua më pëlqen dhe ndihem i gëzuar. Nuk kam pasur probleme në stërvitje”.

SEKRETI I GODITJEVE TË DËNIMIT – “Zakonisht nuk flas për këtë, por po bëj një përjashtim. Kur vendos topin, shikoj vetëm nga portieri dhe bëj katër hapa mbrapa, nëse është një largësi shumë e madhe bëj pesë hapa mbrapa. Hap këmbët që të kem balancë dhe gjuaj. Nëse shënoj…plas festa! Gjithsesi nuk jam i vetmi që di të godas goditje dënimi. Kampanja, Hason dhe Roçina gjuajmë mirë gjithashtu, jemi skuadër shumë cilësore. Kur më krahasojnë ndonjëherë me Mesin përsa i përket goditjeve të dënimit ndihem shumë i motivuar dhe filloj të stërvitem akoma më shumë”.

E ARDHMJA – “Në dy sezonet që kam qëndruar këtu jam përmirësuar shumë. Megjithatë, këtë sezon kam pasur disa probleme me dëmtimet e shpeshta. Ndihem mirë këtu dhe besoj se do të qëndroj dhe një vit, ky vend është shtëpia ime e dytë”.

Vendasit humbën një penallti në pjesën e parë, ndërsa Rajo e mbylli ndeshjen me një lojtar më pak. Ndërkohë që rezultati ishte 3-1 për Levanten, Bardhi shënoi golin e katërt në minutën e fundit.

Mesfushori mori një pasim nga Simon dhe lëshoi një të djathtë të pakapshme nga brenda zonës. Miqtë pretenduan për pozicion të parregullt të 23-vjeçarit, por VAR-i e konfirmoi golin si të rregullt.

Kjo ishte rrjeta e dytë e Bardhit për këtë sezon (numëron edhe 4 asiste), ndërsa Levante është ngjitur në kuotën e 40 pikëve.

Pjesa e parë u mbyll pa gola, edhe pse vendasit dominuan. Pjesa e dytë ishte e mrekullueshme për Seviljen, që shënoi plot pesë herë. Ben Jeder hapi serinë e golave në minutën e 48-të, ndërsa më pas erdhën golat e Andre Silvës dhe Vaskez. Sarabia nuk gaboi nga pika e penalltisë në minutën e 78-të dhe Promes vulosi manitën e minutat shtesë.

Me këtë trepikësh Sevilja barazon Realin me pikë, po renditet më lart falë golavarazhit më të mirë. Shuplakë e rëndë për Levanten, që rikthehet te humbja pas fitores me Vajadolidin, por ekipi i Enis Bardhit (u aktivizuar për 76 minuta) qëndron në vendin e dhjetë me 26 pikë.

Sevilja-Levante 5-0
(Ben Jeder 48′, Andre Silva 60′, Vaskez 71′, Sarabia (pen) 78′, Promes 90′)

Klubi i Levantes kërkoi që Barcelona të eliminohej automatikisht nga turneu, por federata spanjolle dhe komisioni i apelit i konsideruan si pavlefshme ankesat e klubit nga qyteti i Valencias.

Duke qenë se në Spanjë nuk gjetën drejtësi, Levante i është drejtuar institucioneve ndërkombëtare, më konkretisht, Tribunalit të Arbitrazhit Sportiv, njohur ndryshe si “CAS”.  Kjo lëvizje e Levantes ka vënë në pikëpyetje organizimin e Kupës së Mbretit, ditën e nesërme, Barcelona do të luajë ndeshjet e parë të fazës çerekfinale ndaj Sevijës.

Megjithatë në fund federata spanjolle ka vendosur në favor të klubit katalanas, pasi ankesa e depozituar nga Levante e kishte kaluar afatin prej 48 orësh, që ekziston për të tilla çështja, e si rrjedhojë ankimi i klubit nga qyteti i Valencias u shpall i pavlefshëm.

Ndërkaq, në shortin e orës 6 të pasdites, Barcelona mësoi se kundërshtari në çerek finales e Kupës së Mbretit do të jetë Sevija. Duhet përmendur se ishte pikërisht skuadra andaluziane ajo që i priti katalanasit në finalen e edicionet të kaluar, që u fitua nga Barcelona me rezultatin e thellë 5 – 0.

NDESHJET E FAZËS ÇEREKFINALE TË “COPA DEL REY”

Real Madrid – Zhirona

Getafe – Valencia

Sevija – Barcelona

Espanjol  – Real Betis

Ekipi i Simeones, iu fal golit të shënuar nga Antuan Grizman, i cili dhe një herë tjetër konfirmohet vendimtar për bardhekuqtë. Francezi u tregua i saktë nga pika e bardhë e penalltisë në minutën e 57-të, duke shënuar golin e nëntë për këtë sezon të La Ligës.

Levante më pas, provoi deri në fund, por madrilenët rezistuan dhe iu gëzuan tre pikëve. Javën e ardhshme, Atletiko do të udhëtojë drejt Hueskas, ndërsa Levante do të presë në shtëpi Vajadolidin. Enis Bardhi ishte titullar për 90 minuta për miqtë, ndërkohë Armando Sadiku vijon periudhën e rikuperimit.

Të zotëve të shtëpisë i mjaftuan 18 minuta për të tundur dy herë rrjetën e Barcelonës. Presioni i vendasve nuk ndaloi pas dy golave të parë, por portieri holandez Silesen, i mohoi kënaqësinë e një goli të tretë.

Barcelona ngushtoi diferencën me anë të 11-metërshi në minutën e 85-të. Për të përcaktuar ekipin që do të shkojnë në çerekfinalet e Kupës, do duhet të kryhet dhe ndeshje e dytë, kësaj herë ne “Camp Nou”, ku katalanasit do të kenë mundësinë për të shlyer gabimi e sotëm para fansave të tyre.

Maqedonasi mund të konsiderohet si “macja e zezë” e Barcelonës, pasi ka arritur t’iu shënojë në disa takime. Arsyeja e mungesës së Bardhit për këtë takim flitet të jetë për vendime taktike dhe nuk flitet për një dëmtim.

Ndërsa Armando Sadiku, nuk është rikuperuar ende plotësisht nga ai dëmtim që e mbajti larg fushave për gjatë gjithë sezonit dhe do ta ndjekë këtë takim nga tribunat.

Bomberi kuqezi u dëmtua që në fillim të sezonit, në një miqësore të fituar 3-1 përballë Herenvenit. Ai dëmtim i gjatë bëri që gjysma e parë e sezonit të humbej nga Sadiku, i cili tashmë nuk e ka të qartë as se ku do ta vazhdojë karrierën.

Ofertat për të nuk mungojnë, me Luganon që është në “pole” për shërbimet e tij. Por me zhvillimet e fundit, ka dalë një problem në këtë transferim.

Sipas mediave zvicerane, skuadra e Luganos e ka plotësuar numrin e lojtarëve të lejuar gjatë një sezoni dhe ardhja e Sadikut mund të realizohet vetëm nëse ka ndonjë largim gjatë kësaj merkatoje, ose ka ndonjë dëmtim afatgjatë te lojtarët e grupit.

Ende një mister e ardhmja e Sadikut, të cilit i duhet të gjejë skuadër sa më parë, në mënyrë që të rikthehet në formën e duhur dhe të lërë pas atë dëmtim shumë të vështirë.

Një paraqitje ndër më të mirët, tripletë dhe dy asiste, pra vendimtar në çdo gol të fitores 5 – 0 të katalanasve. Vitet ikin, por Mesi qëndron i njëjti, madje mund të thuhet se po përmirësohet edhe pse i ka kaluar të 30-tat.

Në klubin zviceran e njohin mirë dhe vetë presidenti është shprehur qartazi: “Është i pari në listën tonë, por duhet marrë në konsideratë aspekti ekonomik dhe ai teknik”. Këto ishin pak a shumë fjalët e presidenti Renzeti.

https://www.facebook.com/sadikuarmando/videos/784675405213803/

Së fundmi Sadiku ka postuar një video ku tregon gradualisht se dëmtimi është lënë pas dhe kapja e formës po ecën në rrugën e duhur, një sinjal ky për klubin zviceran që sulmuesi mund t;i ndihmojë në arritjen e objektivave.

Te Lugano ia dinë mirë cilësitë golashënuesit të kombëtares sonë, por sigurisht që do të duhet të bindin Levanten. Spanjollët do dëshironin ta shisnin, por në kushtet aktuale huazimi do të ishte një zgjedhje e mirë.

https://www.facebook.com/sadikuarmando/videos/273002276741303/

“Corriere del Citino” shkruan se Sadiku është një ide për Luganon, klub që kërkon të mbijetojë në elitën e futbollit zviceran. Huazimi është mënyra e vetme, pasi zor zviceranët do të paguanin për kartonin e sulmuesit, i cili ka qenë pjesë e tyre edhe në të shkuarën.

Levante për të ka paguar rreth 1 milion euro te Legia e Varshavës. Gjashtë muajt e parë në Spanjë nuk ishin të mira për Sadikun dhe “Ferrari” i sulmit ishte nxjerrë në shitje. Klubi spanjoll mund ta marrë në kosnideratë huazimin e sulmuesit, pasi në Zvicër ai do kishte mundësinë të luante dhe të gjente formën. Sadiku mund të jetë gati për lojë në mars dhe deri në fund të sezonit do të kishte një tjetër vlerësim për të. Zërat e parë të merkatos kanë nisur për të.

Futbollisti 23-vjeçari u transferua te Levante në verën e vitit të kaluar nga skuadra hungareze e Ujpestit. Në sezonin e tij debutues në kampionatin spanjoll, Bardhi spikati fale aftësive të tij në goditjet e dënimit, ku vetëm Lionel Mesi ia kalon për nga saktësia dhe golat e shënuar.

El Francotirador https://t.co/m4D3BHdSNG pic.twitter.com/UbBp3bQUpm

— Levante UD (@LevanteUD) October 23, 2018

Në këtë sezon, Bardhi është aktivuar në tetë ndeshje te La Ligas, ku ka gjendur një herë rrugën e rrjetës, më datë 6 tetor në transfertën ndaj Getafes, ku ekzekutoi me saktësi një goditje dënimi.

Të gjitha pritshmëritë u shumëzuan me “0”, kjo për shkak se Reali pësoi dy gola të shpejtë që në fillimin e sfidës. Skuadra e Lopeteguit u ndëshkua dy herë brenda 7 minutash, saktësisht me Morales në minutën e gjashtë dhe më pas me Roxhër nga pika e bardhë e penalltisë. Asensio arriti që të shënonte, por më pas goli u anulua nga “VAR”.

Pak sekonda para fundit miqtë realizuan golin e tretë, por sërish ishte teknologjia që u hoqi gëzimin e një goli që me shumë mundësi do kishte dhënë garancinë për të marrë 3 pikë. Pjesa e pare nuk dhuroi më gola dhe u mbyll me avantazhin e dyfishtë të Levantes.

https://www.youtube.com/watch?v=dh2t74JzT5o

Pjesa e dytë nisi me futjen e Garet Bejl në fushën e blertë, i cili zëvendësoi Odriozolën. Reali vazhdoi sulmet për të gjetur golin që do të rihapte ndeshjen. Trajneri Lopetegui hodhi në fushë dhe Benzema, ndërsa vendasit arritën të gjenin golin e munguar. Braziliani Marselo shkurtoi diferencën në minutën e 72-të. Braziliani shfrytëzoi një pasim të Benzema dhe goditi fort me të djathtën, duke rihapur ndeshjen.

Furia e Realit nuk u ndal, por Levante arriti të mbrohej mirë, duke ruajtur avantazhin deri në fundin e ndeshje. Tre pikë të arta për miqtë, të cilët ngjiten përkohësisht në vendin e shtatë në renditje, me vetëm një pikë më pak se Reali i Madridit. Ndeshja e pestë pa fitore për ekipin e Lopeteguit, i cili rrezikon shumë postin e tij. Antonio Konte është gati dhe nëse Perez vendos të bëjë ndryshime në stol, italiani është favoriti kryesor për stolin e ekipit “merengues”.

Ndeshja nuk pati më gola, ndërsa vendasit e mbyllën ndeshjen me një lojtar më pak, pas daljes me karton të kuq të Portijos në minutat shtesë.

Bardhi u transferua në sezonin e kaluar te Levante nga ekipi i Ujpeshtit dhe shënoi nëntë gola, ndërsa tashmë ka gjetur golin e parë me ekipin e tij. Me këtë fitore Levante ngjitet përkohësisht në vendin e dhjetë, në kuotën e 10-të pikëve, ndësa Getafe numëron një pikë më pak.

Sevilja u rikthye te fitorja në kampionat pas tre javëve. Ben Jeder hapi serinë e golave në minutën e 11-të, ndërsa vendasit barazuan pas një minute me anë të sulmuesit Roxher. Karriko riktheu andaluzianët në avantazh në minutën e 21-të, ndërsa Moralez dështoi të barazonte nga pika e bardhë e penalltisë. Ben Jeder shënoi dhe dy gola të tjerë në fundin e pjesës së parë, duke mbyllur ndeshjen.

Në pjesën e dytë Sevilja shënoi dhe dy gola të tjerë me anë të Andre Silvës dhe Sarabias, ndërsa Levante shënoi në minutën e fundit me anë të Simon dhe ndeshja u mbyll me një rezultat tenistik. Me këtë fitore Sevilja u ngjit në kuotën e shtatë pikëve, pas javës së pestë, ndërsa Levante mbetet në kuotën e katër pikëve.

Levante –Sevilja 2-6
(Roxher 12’, Simon 90’/ Ben Jeder 11’, 35’, 45’, Karriko 21’, Andre Silva 49’, Sarabia 59’)

Spanjolli Roxher shënoi një dopjetë për vendasit, të cilët e mbyllën ndeshjen me 10 lojtarë, mbas daljes me të kuqe të Koke në minutën e 76-të, ndërsa Çerishev dhe Parejo ishin autorët e golave për ekipin e Valencias.

Roxher kaloi Levanten në avantazh në minutën e 13-të mbas një kundërsulmi fantastik. Festa e vendasve zgjati vetëm tre minuta, sepse Çerishev gjeti golin e parë me ekipin e ri. Rusi shfrytëzoi një kros të Soler dhe kërceu fort duke shënuar një gol të bukur me kokë.

Roxher shënoi golin e dytë personal në minutën e 33-të pas një asisti të Enis Bardhit. Sulmuesi uli bukur pasimin e saktë dhe  rikthehu Levanten në avantazh. Miqtë fituan një penallti në pjesën e dytë dhe Pareho u tregua i saktë duke barazuar rezultatin në minutën e 51’.

Levante-Valencia 2-2 (Roxher 13’,33’/Çerishev 16’,Pareho 51’)

Skuadra e Levantes në të cilën bën pjesë edhe sulmuesi i kombëtares tonë, Armando Sadiku, befasoi të zotët e shtëpisë me fitoren 0-3. Fillim më të mirë për valencianët nuk mund të kishte. Rezultati të gënjen disi, pasi  Betis dominoi gjatë pjesës dërrmuese të takimit, por Levante u tregua dinake duke qenë mos falur para porte në të gjitha rastet që iu dhanë.

Një e veçantë e mbrëmjes ishte dhe goli i dytë, ku sulmuesi 31-vjeçar Hoze Morales kreu një mrekulli të vërtetë duke bërë një sprint 80 metra, gjatë të cilit dribloi disa kundërshtarë, një “perlë” që e vetëm futbolli spanjoll na e ofron.

“Mjekët më thanë që nuk mund të luaja më futboll, por sot… unë jam këtu. Nuk ndjej presion dhe jam i mbushur plot gëzim. Para një viti gjeta akordin për të luajtur në Angli, por mjekët ma ndaluan të luaja futboll. Ndihem një lojtar i rëndësishëm, jam gati për aventurën spanjolle dhe rrethohem nga njerëz të mirë në një klub perfekt, kështu që jam shumë i lumtur që zoti më ndihmoi që të mos kaloja në Angli. Ai nuk dëshironte që të isha atje atë moment dhe ju siguroj që nuk kam patur asnjë problem me zemrën. Vullneti i zotit është që unë të jem sot te Levante.

La Liga është një nga kampionatet më të mira në botë dhe jam i lumtur që ndodhem këtu, ku do të rritem shumë si njeri, por edhe në aspektin sportiv. Më kërkoi edhe CSKA e Moskës, por më erdhi oferta e Levantes dhe vendosa ta pranoja. Ndihem i lumtur që do të përballem me klube si Barcelona dhe Real Madrid. Tashmë më pret një punë e madhe do të stërvitem fort që të arrij të jem pjesë e formacionit të ekipit”, përfundon sulmuesi 22-vjeçar, Rafael Duamena, i cili numëron dhe tri ndeshje dhe dy gola të shënuar me kombëtaren e Ganës.

Ende nuk dihet e ardhmja, por sulmuesi mund të qëndrojë në La Liga, të paktën deri në janar. Së fundmi klubi spanjoll është përballur me një problem. Emanuel Boateng, një nga lojtarët kryesorë të sulmit, është dëmtuar në ndeshjen miqësore kundër Bornemuth.

Boateng ka kryer testet e para mjekësore dhe është vënë re se ka probleme me meniskun. Të martën ai do të vizitohet nga kirurgu Ernesto Fernandez, i cili do të përcaktojë edhe shkallën e dëmtimit dhe mënyrën e rikuperimit të sulmuesit.

Në rastin më të keq ai mund të qëndrojë rreth tre muaj larg fushave të blerta, ndaj edhe shitja e Armando Sadikut mund të rivlerësohet nga ana e klubit, pasi veç tij në ekip ka mbetur edhe Roxher Marti, pasi sikurse dihet italiani Pazini është larguar.

Në ditën e fundit të janarit Sadiku shkoi në Spanjë, e bleu Levante për rreth 1 milion euro, por si në ndeshjen ndaj Realit të Madridit, ashtu edhe sot në derbin e madh kundër Valencias, sulmuesi kuqezi ka prenotuar një vend në tribunë.

Lista e të grumbulluarve të Levantes është sërish pa Sadikun, i cili gjatë prezantimit tha se ishte në formë perfekte fizike e mendore.

Trajneri e di më mirë, Sadiku kishe javë të tëra pa futboll, por nëse kjo histori vazhdon edhe pak javë kështu, Ferrari do të qajë me lot garazhin.

CONVOCATORIA | Estos son los jugadores convocados para el derbi ante el @valenciacf. #ValenciaLevante pic.twitter.com/2GSjaLtXYn

— Levante UD (@LevanteUD) February 11, 2018

Sulmuesi kuqezi, i cili shkëlqeu në Kampionatin Europian dhe gjithashtu te Lugano sezonin e shkuar, nuk e ka pasur të lehtë në Poloni, në një ambient me presion të jashtëzakonshëm dhe një skuadër jo aq të fortë sa të pretendohej suksesi edhe në Europë. Pikërisht nga Sadiku priteshin gola pa fund, por sulmuesi ynë, edhe pse ka dhënë gjithçka, shpesh nuk është ndjerë rehat me skemat e përdorura te Legia dhe në disa ndeshje e ka nisur nga stoli (vetëm 2 gola në 17 ndeshje kampionati, por 8 prej tyre titullar).

Gjithsesi, tashmë në skenë ka dalë Levante, klubi ku luan edhe Enis Bardhi. Në orët e fundit Levante po mbyll bisedimet për veteranin Xhampaolo Pacini nga Verona dhe tashmë po bisedon me Legian. Mungon vetëm marrëveshja mes dy klubeve, sepse për Sadikun kalimi në Spanjë do të ishte ëndërr.

Sadiku ka një pagë shumë të lartë në Poloni dhe sipas sport.onet.pl, kostoja mujore e sulmuesit në total shkon rreth 120.000 euro, ndaj Legia kërkon ta shesë sa më shpejt, ndoshta pa përfituar asgjë më shumë në krahasim me rreth 500.000 eurot që shpenzoi në verë.

Me shpërthimin e talentit polak Jarosllav Niezgoda, si dhe afrimin e brazilianit Eduardo da Silva, Legia është gati ta shesë Sadikun, i cili në verë premtoi 20 gola në kampionat, por nëse largohet tani, shpëton veten dhe lumturon Legian.

Sot Zidan preferoi të linte në stol emra me peshë si Isko e Bejl, pa harruar që Varan ishte i dëmtuar, ndaj trajneri francez eksperimentoi dhe përdori Marselon si anësor ofensiv (mori edhe karton të kuq në pjesën e dytë), ndërsa luajtën nga fillimi shumë lojtarë stoli (Teo, Jorente, Lukas Vaskez).

Zgjedhje e gabuar, sepse Levante, edhe pse debutuese, ka treguar në javët e para se ka ekip mjaft të mirë dhe shkëlqeu edhe në Madrid, edhe pse Enis Bardhi u ul në stol, duke parë se luajti dy ndeshje të plota me Maqedoninë.

Që në minutën e 12-të Ivi shënoi për miqtë, duke shtangur Bernabeun, por Lukas Vaskez në minutën e 36-të i dha qetësi Realit, mes protestave të miqve, pasi pretendonin për një faull nga Ramos në aksionin e golit. Ndërkohë, Zidan mori një lajm të keq, sepse Benzema doli nga fusha duke çaluar, i zëvendësuar nga Bejl.

Pjesa e dytë ishte një betejë mes Realit dhe portierit mik Raul, por gol nuk pati më, me Toni Kros që në shtesë goditi shtyllën.

Mesfushori shënoi në miqësoren e parë sezonale para 5 ditësh, por goli më i bukur erdhi dje, në miqësoren fituar 2-1 kundër Kadizit.

Titullar, Bardhi tentoi gjatë gjithë ndeshjes të gjente golin dhe në minutën e 55-të shënoi një perlë direkt nga goditja e dënimit.

Duartrokitje të shumta për 22-vjeçarin dhe elozhe të mëdha në faqen zyrtare të klubit spanjoll, që shpreson shumë te rritja e pandalshme e talentit të blerë nga Ujpeshti.

Një histori suksesi, një shembull për gjithë brezat e rinj, pasi bëhet fjalë për një djalosh që ka sakrifikuar shumë në jetë, luante në fshatrat suedeze, te Prespa Birlik, në vitin 2014.

Në fund të gushtit 2014 shkoi te Ujpeshti hungarez, që i besoi dhe mori një vendim fantastik, që shumë klube ballkanike nuk e marrin dot, për shkak se janë dritëshkurtër dhe nuk i njohin talentet.

Tre sezone tek Ujpeshti, yll absolut në skuadër dhe 12 gola në 29 ndeshje kampionati në sezonin e fundit, duke qenë një mesfushor!

I mrekullueshëm edhe te Maqedonia, duke qenë protagonist i madh në kualifikimin historik të 21-vjeçarëve në Europian, ku shënoi 2 gola.

E pikasi Levante, që sapo është kthyer në Primera. Kontrata e Bardhit mbaronte në vitin 2018, por Levante nuk priti, duke paguar 1.5 milionë euro, për të marrë një supertalent, vtëm 22 vjeç, por me CV prej veterani tashmë. Nën shoqërinë e agjentit të vet Meriton Berisha, Bardhi ka kryer kontrollet mjekësore para firmës, ndërsa Ujpeshti do të mbajë edhe 10% të kartonit në rast rishitjeje me shifra më të larta.

Shqiptari trupvogël, një luftëtar dhe mjeshtër i goditjeve të dënimit, tashmë realizon ëndrrën e jetës.