Së shpejti këtë fat “hirusheje” mund ta ketë dhe Makalui Boni, një sulmues 23-vjeçar që aktualisht aktivizohet me skuadrën e Leiton Orient, ekip që militonë në “National League”, që është divizioni i pestë në piramidën e futbollit anglez.

Sulmuesi me origjinë nga Zimbabve, ka shënuar 17 gola në 24 takime dhe përveç Lesterit interes të madh për Bonin ka nga klube të ndryshme të Championship si Noruiç, QPR dhe Notingam Forest. Edhe pse “National League” është një ligë gjysmë-profesioniste, në shkallët e ndeshjeve të këtij divizioni nuk mungojnë skautë të ekipeve të Premier League ose Championship.

Sadio Mane zhbllokoi ndeshjen në minutën e 10-të të takimit. Senegalezi mori një top nga Robertson dhe pasi kreu një lëvizje të bukur në zonë, goditi fort duke kaluar ekipin në avantazh.

Dyfishimi erdhi në fundin e pjesë së parë me anë të Roberto Firminjos në minutën e 45-të. Milner krosoi një top nga goditja e këndit dhe braziliani, i harruar nga mbrojtja e vendasve, shënoi me kokë duke dyfishuar rezultatin.

Lesteri reagoi në pjesën e dytë dhe arriti të ngushtonte diferencën me anë të algjerianit Gezal në minutën e 63-të. Një gabim i pafalshëm i portierit Alison dhe Madison përfitoi duke i rrëmbyer topin. Ai pasoi drejt Gezalit, i cili shënoi me portën e boshatisur.

Disa minuta dhe për Xherdan Shaqirin, i cili u fut në lojë në minutën e 71-të nga trajneri Klop në vend të Salah. Ndeshja nuk kishte më gola dhe u mbyll me fitoren e Liverpulit, që ngjitet në krye të Premier Ligës me 12 pikë.

Sulmuesi, i cili hyri në histori me Lester Sitin e tij, ka folur për “The Guardian” ku zbulon një detaj të rëndësishëm që i ka ndodhur në stadiumin e Totenhemit. Ai  nuk ngopet kurrë dhe shpjegon lidhjen e tij të veçantë me golin.

“Unë makth për kundërshtarët? Ka shumë tifozë të ekipeve rivale që abuzojnë me mua, por unë u përgjigjem me golat e mi. Sezonin e kaluar fansat e Totenhemit këndonin për gruan time, por unë shënova gol dhe që nga ai moment e deri në fund të ndeshjes, ata nuk nxorën më asnjë fjalë nga goja…Nëse kam katër shanse për gol dhe shënoj vetëm një, studioj tre rastet e humbura për për t’u qartësuar se çfarë duhet të bëja për t’i konkretizuar. Jam gjithmonë shumë autokritik dhe dua të shënoj në çdo mundësi që më jepet”, përfundon sulmuesi i Lester Sitit, ekip me të cilin Vardi fitoi Premier Ligën në vitin 2016 dhe u shpall golashënuesi më i mirë i kampionatit.

“Një tjetër biznes në ditën e fundit të merkatos”, shkruan klubi anglez në faqen e tij zyrtare.

31-vjeçari, i cili është gati të nisë sezonin e shtatë me Lesterin, ka rinovuar kontratën deri në vitin 2022. Pra edhe katër sezone të tjera me klubin në të cilin, nën drejtimin e Klaudio Ranierit para dy sezonesh, Vardi me shokët e tij mahnitën botën duke fituar Premier Ligën.

Sulmuesi i kombëtares angleze numëron 205 ndeshje dhe 82 gola me Lester Sitin dhe do vazhdojë të shënojë dhe përmirësojë rekordet e tij.