L’Equipe

E bujshme, Barcelona hidhet sërish në sulm për Grizman

Sport Ekspres — Sat, 16 Mar 2019 21:33:25 +0000

Antuan Grizman ishte një ndër objektivat kryesor të merkatos së Barcelonës në merkaton e verës së vitit që lamë pas.

Klubi katalanas ishte gati për të paguar klauzolën prej 90 milionë eurosh, por ishte vetë lojtari që “hodhi në erë” planin e kampionëve të Spanjës duke refuzuar transferimin. Madje këtë e bëri në një mënyrë të padëgjuar më parë, duke përgatitur një dokumentar enkas për këtë çështje.

Kur dukej se palëve nuk mund të kishte më mundësi pajtimi, një lajm befasues vjen nga Franca. Sipas revistës prestigjioze “L’Equipe” në orët e fundit drejtuesit e Barcelonë i kanë dorëzuar 27-vjeçarit një ofertë “faranike”.

Bëhet fjalë për një kontratë 5-vjeçare prej secilës Grizman do të paguhet 16 milionë euro (neto) në sezon. Në ditët në vazhdim do të fillojnë edhe bisedimet ndërmjet drejtuesve të klubeve për të parë nëse ky transferim mund të kryhet me sukses.

Mediat franceze dhe legjenda e Junajtid “masakrojnë” Pogbanë

Sport Ekspres — Wed, 13 Feb 2019 13:22:22 +0000

Pol Pogba po bënte një sezon shumë të mirë që nga ardhja e Ole Gunar Solskjaer në krye të Junajtid, por në takimin kundër PSG-së, bëri një paraqitje për t’u harruar. Mesfushori francez ishte në hije përgjatë gjithë takimit, si dhe u ndëshkua me karton të kuq në minutat e fundit, pas një ndërhyrjeje kundër Dani Alveshit.

Pas ndeshjes, kritikat ishin të shumta për një nga lojtarët më të shtrenjtë në historinë e futbollit. Francezja “L’Equipe”, i vendosi notën 3/10 Pogbasë, nota më e ulët nga të gjithë futbollistët që ishin në fushën e lojës.

Përveç këtij vlerësimi, Pogba mori kritika edhe nga legjenda e Mançester Junajtid, Roi Kin, me këtë të fundit që tha në studion e “ITV Sport”: “Pogba? Nuk kam çfarë të them. Ai duhet të mësojë sesi të luajë futboll!”

Fjalë shumë të ashpra këto nga irlandezi, i cili ka qenë një nga kritikuesit më të rregullt të Pogbasë, që nga koha kur francezi u rikthye te “Djajtë e Kuq”.

Roi Kin në studion e “ITV Sport”

”Tërbohet” PSG: “L’Equipe”, një media dezinformuese!

Sport Ekspres — Sat, 08 Dec 2018 11:06:48 +0000

Prestigjozja franceze “L’Equipe” kishte raportuar një lajm se PSG do të shiste një nga dy xhevahirët e saj, Nejmar ose Mbape, në mënyrë që të shpëtonte nga një dënim i mundshëm i UEFA-s, si pasojë e shkeljes së rregullave të “fair play financiar”. Lidhur me këtë lajm, duket se klubi parizien është nervozuar në kulm, teksa ka lëshuar një deklaratë të fortë, duke akuzuar “L’Equipe” si një media dezinformuese.

“I mohojmë në mënyrën më të fuqishme këto informacione krejtësisht të gabuara dhe qesharake. Kjo është mundësia e vetme për të rikrijuar një klimë tensioni të madh në klubin tonë. PSG pyet veten edhe një herë në lidhje me ndershmërinë intelektuale të “L’Equipe” dhe motivet e fshehura të linjës së saj editoriale.

Ka shumë shembuj të trajtimit të pabalancuar dhe që kanë për qëllim vetëm të përhapin një atmosferë të dëmshme. Jemi ballafaquar me dezinformata të orkestruara nga “L’Equipe”, që nuk ndalet në përpjekjet e saj të palodhura për të minuar imazhin e PSG, klubit më popullor dhe të suksesshëm në Francë.

Në katër ditët e përgatitjes së ndeshjes, që na pret në Beograd, në Ligën e Kampionëve, PSG fton mbështetësit, tifozët, partnerët, ish-lojtarët…, që të mblidhen më shumë se kurrë rreth bluzës së kuqe dhe blu. Vlerat dhe ambiciet e këtij klubi, lojtarët do t’i mbajnë gjithmonë me krenari. Mbështetja e madhe e tifozëve në rrjetet sociale është jo vetëm për Neymar Jr, Cavani, Mbappé, por për të gjithë lojtarët tanë.

Duke pasur parasysh dezinformatat e orkestruara nga “L’Equipe”, si dhe vendosmërinë e saj për të dëmtuar imazhin e PSG, klubit më popullor dhe më të suksesshëm të Francës, riafirmojmë angazhimin tonë për të ecur përpara dhe ndërvepruar vetëm me bashkëbiseduesit që gëzojnë mirëbesim”.

Communiqué du club

— Paris Saint-Germain (@PSG_inside) December 7, 2018