NJOFTIMI – Pas bisedave të gjata është arritur akordi trevjeçar me futbollistin Leonit Abazi. 26-vjeçari, i lindur më 26.05.1993 në Gjilan, futbollistë i krahut të majtë 174 cm i gjatë, ish-futbollisti i Dritës, në korrik të vitit 2013 kishte kaluar në Skënderbeun e Korçës – skuadër kjo me të cilën kishte fituar gjithçka çfarë mund të fitohet duke luajtur edhe në grupet e Evropa Ligës.

123 ndeshje të zhvilluara me Skënderbeun (88 kampionale, 8 të Evropa Ligës, 26 për Kupë, 6 ndeshje në kualifikimet e Ligës së kampionëve dhe 5 për Superkupë) duke shënuar 6 gola (4 kampionat, 2 Kupë) dhe 4 asistime.

“Vendosa për Prishtinën, sepse është klubi më i madh në Kosovë, klubi më i trofeshëm dhe klub me ekip me ambicie shumë të mëdha dhe kjo ishte arsyeja më e madhe e kësaj zgjedhje. Sigurisht që pres titullin kampion me Prishtinën, aty ku e ka vendin klubi dhe sa më lart të ecim në Evropë”.

“ E njoh ekipin e Prishtinës, e kam përcjell edhe sa isha në Shqipëri sikurse edhe kryetrajnerin Josa të cilin e kam pasur trajner edhe në Skënderbe. Është trajner me përvojë dhe kam shumë respekt të madh për të”, ka thënë Leonit Abazi.

Shehi, ky ishte marshi i duhur i Skënderbeut?
-Meqë ma bërë pyetjen sikur po i jep makinës, është një vazhdimësi dhe e nisëm aty ku e lamë me Teutën. Është një marsh, një ritëm i asaj që dëshirojmë të kemi.

Ishit më kërkues në pjesën e parë, ndërsa pjesën e dytë më ndryshe. Çfarë ndodhi?
-E kishim përgatitur ndeshjen vetë ashtu, që të ishim agresiv në minutat e parë. Si fryt i këtij agresiviteti edhe shënuam. Pastaj, duke ditur edhe objektivat që skuadra kundërshtare ka dhefaktin që nuk kishin çfarë humbnin, menduam të ishim në bllok në mbrojtje dhe më pas të shfrytëzonim kundërsulmet.

A është i justifikueshëm veprimi i Abazijt, që u ndëshkua me karton të kuq?
-Është një ndërhyrje që më vjen keq që ndodh. Ai i ka kërkuar falje edhe lojtarit kundërshtar. Me Abazin do të ndalojmë e të flasim kur të jemi më të qetë. Është një situatë që i ka ndodhur shpesh atij, duhet të kontrollojë ndërhyrjet, duhet të kontrollojë intensitetin dhe jo të bëjë ndërhyrje në zona të kota. Një mbrojtës që merr karton të kuq në sulm është diçka e pavend.

Nuk ju kemi parë asnjëherë kaq të qetë, ua ktheu kjo fitore atë ju dhe skuadrës?
-Vinim pas rezultateve jo të mira. Pavarësisht se luanim, krijonim, ndëshkoheshim në situata shumë të korrigjueshme. Sigurisht që të sjell mungesë humori, acarim. Dihet që jemi skuadër me objektiva. Duke marrë një pikë karakteri në Durrës, si dhe duke u rikthyer te fitorja ndaj një kundërshtari direkt si Kukësi, është pozitive. Ku ka më mirë se të kthehesh te gjendja e mirë ndaj një kundërshtari të tillë.

A është Skënderbeu në ritmin e duhur?
-Besoj se po. Pas ndeshjes në Durrës, kjo ishte vazhdimësi. Nuk është vetëm ritmi, është dëshira, është agresiviteti që ka skuadra dhe është gjendja psikologjikë, që është shumë e rëndësishme. Kjo do të jetë një shtysë për të ecur përpara.

Ju dhe Cungut luajtët çdo gur për të marrë rezultatin e dëshiruar. A dolët ju fitues?
-Ne kërkojmë rezultatin dhe ai vjen duke ndryshuar edhe manovra. Kemi ndryshuar skemë dy herë gjatë ndeshjes. Duke parë që edhe ndërrimet i kemi të kushtëzuara, për shkak të të huajve, nisëm të bënim edhe eksperimente. Këto janë mundësitë dhe shpresojmë të na kthehet Bregu në 100%. Shpresojmë gjithashtu që Taipi të pajiset me pasaportë dhe mundësitë do i kemi më të shumta për të bërë zgjedhje.

Nga fundi i lojës, e shikonit orën?
-Unë zakonisht e shoh kot, pasi nuk e di se kur fillon kur mbaron ndeshja. Pyes gjithmonë ndihmësit e mi edhe sa lojë ka. Ndodh sepse skuadra donte tre pikë dhe ku ta gjesh ndaj një kundërshtari si Kukësi. Nuk mbaron me këto tre pikë kampionati, por janë tre pikë shumë të arta që shërbejnë për vazhdimësinë, për besimin e skuadrës. Prandaj doja që këtë ndeshje të mos e humbnim për asnjë lloj arsyeje.

Rikthimi i mbrojtësit të djathtë qetëson trajnerin Orges Shehi, pasi Vangjeli është shumë i rëndësishëm për formacionin e Skënderbeut. Në sfidën me bardheblutë asnjë futbollist nuk u ndëshkua, ndaj nuk do të ketë të pezulluar me kartonë.

Mungesë e sigurt është ajo e Dejvi Bregut. Vlonjati vijon përgatitjet i diferencuar dhe nuk mund të luajë në takimin me Teutën. Sulmuesi anësor shpreson që të jetë gati për ndeshjen me Kukësin, madje edhe në atë takim synohet të behët gati ta nisë nga stoli.

Por në takimin me Tiranën shfaqi probleme mbrojtësi Leonit Abazi, i cili la fushën e lojës i dëmtuar. Mbetet për t’u parë nëse për anësorin e majtë ka ndonjë problem serioz, apo do të jetë i gatshëm që në ndeshjen e radhës me Teutën.

“Është një grup shumë i fortë, kemi edhe lojtarë me eksperiencë dhe duhet ta vazhdojmë këtë rrugëtim. Mendoj se ndeshjen e fundit ndaj Laçit duhej ta fitonim dhe të kishim 9 pikë. Kështu e kishim menduar”, është shprehur Abazi..

Në takimin që barazuan 1-1 kundër kurbinasve, mbrojtësi i majtë u ndëshkua me karton të kuq dhe normalisht që nuk ndihet mirë për këtë: “Është një ndjenjë e keqe, i kam kërkuar falje ekipit. Nuk e kam menduar se do të ndodhte, është kartoni i parë i kuq në karrierën time. Duhet të vazhdojmë, çfarë të bëjmë?!”.

Abazi nuk është dakord kur i thuhet se te Skënderbeu mungon eksperienca: “Në ekipin tonë nuk është se jemi lojtarë të rinj, çdo i ri që është këtu ka të paktën 2-3 vite me Skënderbeun. Ndaj nuk duhet të themi se është lojtar i ri një i tillë”.

Kosova nuk e ka ftuar atë, për Abazi nuk ndjen keqardhje: “Jo, nuk më vjen fare keq për pjesën e kombëtares. Falë Zotit jam mirë dhe duhet të vazhdoj rrugën time. Shumë shpejt besoj se do më vijë edhe ftesa nga Kosova”.