Francezët duan ta mbajnë edhe një vit atë për ta lënë më pas të largohet kundrejt një çmimi ta arsyeshëm verën e ardhshme. Arsyeja e këtij vendimi është se për brazilianin tregu nuk ofron zëvendësues dhe deri sezonin e ardhshëm do të shqyrtojnë mundësitë që shfaqen në merkato.

Siç raportohet, Nejmar nuk ka kërkuar aspak kohë të mendohet. Ai është shprehur se është shumë vonë për këtë. Kjo marrëveshje duhet të kishte ardhur më herët dhe të ishte më e arsyetuar. Tani ngjarjet kanë arritur kulmin dhe marrëdhënia e tij me bashkëlojtarët dhe me trajnerin Tuhel është ftohur. Radha është e Barcelonës. Atyre do u duhet të bëjnë një ofertë si blerësit e vetëm që janë ofruar.

Braziliani kërkon të largohet nga kryeqyteti francez. Barcelona dhe Juventusi janë të interesuara, pa harruar asnjëherë Realin e Madridit. PSG kërkon të paktën 200 milionë euro për kartonin e 27-vjeçarit, ndërsa palët po monitorojnë situatën për momentin.

Klubet e interesuara presin lëvizjen e njëra-tjetrës, ndërsa kampionët e Francës presin oferta zyrtare në drejtim të “yllit” të skuadrës.

Barcelona mbetet klubi më i avantazhuar për të siguruar shërbimet e lojtarit latin, ndërsa emra si Kutinjo, Umtiti dhe Dembele mund të bëhen pjesë e operacionit gjigant.

“Nuk ka asgjë të re dhe asnjë ofertë konkrete për Nejmar. Ai ka një kontratë me PSG-në dhe vazhdon të jetë një lojtar i joni. E përsëris, nuk ka asnjë ofertë zyrtare për Nejmar. Është e njëjta situatë si para 10 ditësh”, përfundon Leonardo.

Sajti i njohur “parisunited.fr”, ka zbuluar disa nga detajet e bisedës midis dy brazilianëve. Leonardo i ka bërë të ditur lojtarit se ai nuk do të largohet nga kampionët e Francës kundrejt një shumë më të vogël se 300 milionë euro.

Kjo kërkesë e PSG-së është e papërballueshme për Barcelonën. Katalanasit kanë shpenzuar 200 milionë euro për kartonin e De Jong dhe Grizman, çka e bën të pamundur një shpenzim të përmasave të tilla që do të vendoste një rekord të ri botëror.

Media braziliane bën me dije se Nejmar ka në mend t’i bëjë të ditur drejtuesit të klubit francez dëshirën për t’u larguar. Diçka e tillë hidhet poshtë nga njerëzit pranë sulmuesit brazilian. Ndër të tjera në lajm raportohet se Nejmar nuk dëshiron të shkojë në fazë me ekipin.

Ai kërkon që të mos krijojë situata të pakëndshme, siç ndodhi kur u largua nga Barcelona para dy vitesh. Dëshira e sulmuesit është që të përsëritet e njëjta gjë edhe te PSG-ja dhe kërkon që të mbyllë gjithçka që tani, pa shkuar në fazë.

Nejmar më parë ka komunikuar edhe përmes telefonit me Leonardon dhe ky i fundit madje ka pasur një bisedë me drejtuesit më të lartë, të cilëve ua ka bërë me dije se rruga më e mirë do të ishte shitja e sulmuesit. Barcelona është klubi që thuhet se ka arritur një akord me lojtarin, por mbetet të shihet se çfarë do të ndodhë, pasi te PSG e shtyjnë më shumë sulmuesin drejt Realit.

Drejtori i ri sportiv në Paris, Leonardo e njeh mjaft mirë brazilianin, pasi ishte ai që e solli në Milano. Kuqezinjtë paguan plot 35 milionë euro për të bindur Flamengon ta lërë të largohet. 21-vjeçari në një intervistë mohon zërat për largimin e tij nga Italia.

“Zërat për largimin tim janë vetëm spekulime. Jam i lumtur te Milani. Nuk kam shumë që kam ardhur dhr nuk kam pse largohem. Po mundohem të përshtatem. Dua të kem një sezon të mirë në mënyrë që të rritem në karrierën time”, u shpreh ylli brazilian.

Si gjithmonë. Ai është karizmatik dhe njerëzit e duan shumë. Është shumë e rëndësishme që në ekip të kesh një lojtar të ri e pozitiv si ai. Ai ka shumë kualitet, ka gjithçka”. Kështu, Leonardo na bën të kuptojmë, se lojtari francez dhe PSG mund të kenë gjetur gjuhën e përbashkët për të vazhduar bashkëpunimin.

Kujtojmë se kontrata e kampionit të botës me ekipin francez përfundon në vitin 2022. Për një lojtar si Mbape, i lakuar nga ekipet më të mëdha europiane, është gjithmonë mirë të kesh garanci për të ardhmen e tij ne ekip. Reali është klubi që e do më së shumti, ndërkohë që edhe vetë lojtari shpesh ka lëshuar sinjale që dëshiron të provojë një eksperiencë të re.

Ku do fokusohet merkato e  PSG-së?  

“Na duhet një mesfushor shkatërrues dhe ndoshta një lojtarë tjetër për të rritur numrin e qendërmbrojtësve. Në sulm kemi shumë alternativa. Do të jetë gjithashtu e rëndësishme që të shikojmë më shumë lojtarë të rinj që i bashkohen ekipit të parë. Megjithatë, s’duhet të lë pa përmendur një faktor shumë të rëndësishëm: Fair play financiar. Rregullat dhe kriteret e vendosura duhet të të respektohen.

S’keni dëshirë të përforconi skuadrën me një portier?

Jo nuk është një prioritet. Kemi në skuadër Kevin Trap, Alfons Areola, Marsin Bulka dhe një të katërt, Garizon Inosent. Ky është realiteti i sotëm.

A do të jetë Areola portieri i parë?

Të shohim çdo vendosë si do të jetë situata është shumë herët për të folur për këtë.

A është e mundur që De Ligt t’i vijë te PSG?

Jo. De Ligt nuk do të vijë te PSG-ja. Ai ishte një ndër lojtarët që shqyrtuam. Është një futbollist i madh, por nuk ishte momenti i duhur për të bërë një investim të madh. Nuk mund të shpenzojmë 200 milionë euro sikur është një çikërrimë.

A ju intereson Kulibali?

Ai është një lojtar shumë i shtrenjtë. Nuk ka ndonjë plan të posaçëm për momentin. Megjithatë, s’dua të flas shumë për çështje individësh.

E ardhmja e Tiago Silvës?

Tiago ka dhe një vit të mbetur në kontratë. Ai është pjesë e skuadrës prej shtatë vitesh, padyshim një ndër lojtarët më të rëndësishëm që ne kemi.

Na tregoni si vendosët te ktheheshit në Paris?

Kontaktet e mija me PSG-në nuk u ndërprenë kurrë. Gjithmonë ka pasur një afrimitet. Nuk mund ta refuzoja thirrjen që mu bë nga klubi. Kam një marrëdhënie speciale me këtë klub, kam qenë lojtar në vitin 1996, e më pas në rol drejtues në vitin 2011. Megjithëse nuk është se ndenja shumë këtu, u krijua një lidhje e fortë. Jam i lumtur që u riktheva, kjo i përmbledh të gjitha.

Çfarë mësimesh mund të nxjerrim nga dështimet e fundit në Champions League?

Mësimi i parë që kam marrë është që s’duhet të kemi më frikë nga dështimi. Ky do të jetë ndryshimi i parë. Do të kemi plot dështime, por një gjë e sigurt është se PSG-ja është nj ndër klubet që i ka të gjitha komponentët për të fituar Champions-in. Ka ardhur koha për të krijuar diçka të fortë, shumë të fortë. Ndoshta do të na duhet të bëjmë një hap mbrapa për të parë 10 para më pas.

Cilat janë prioritetet e punës suaj?

Jam ndër ata njerëz që besoj te puna e përditshme. Nuk e kam formulën qe do ta japë Champions-in. A ke ndokush? Unë jo. Thjesht dua të jem i qartë për një objektiv: Klubi është një institucion i madh dhe zemra e të gjithë projektit.

A do kërkoni vendosjen e rregullave të reja ?

Nuk jam oficer policie. Çdokush mban përgjegjësi për veprimet e tij. Nëse dëshiron të shkosh në një lokal nate, kjo është unë për ty. Gjithsecili zgjedh vetë si e menaxhon karrierën e tij. Nuk duhet që ndëshkimet të vendosin se çfarë bëjnë e nuk bëjnë lojtarët. Futbollistët duhet të jenë të ndërgjegjshëm për të qenë profesionist. Dua të ndërtoj një grup bazuar në këto vlera, por është më e lehtë ta thuash se ta vësh në zbatim dita-ditës.

Drejtori sportiv i kampionëve të Francës dhe njëkohësisht bashkëkombësi i Nejmar, Leonardo, ka vendosur të bëjë çdo gjë publike në lidhje me situatën aktuale që ekziston midis klubit dhe 27-vjeçarit. Në një intervistë për të përditshmen franceze “Le Parisien”, drejtuesi i lartë i PSG-së ka diskutuar për më shumë se një orë në lidhje me këtë çështje të nxehtë.

Cili është problemi midis Nejmarit dhe PSG-së?

Sot (dje), ai nuk ishte i pranishëm në stërvitje. Supozohej që do ishte kthyer nga Brazili, por nuk ka ndodhur kështu. Ai i dinte se duhej të paraqitej. Do shqyrtojmë se çfarë masash do të marrim, ashtu sikurse do kishim bërë për çdo punonjës tjetër të klubit”.

A ka pasur ndonjë shpjegim nga ana e tij për mosparaqitjen?

Ai ka pasur disa angazhime me një projekt të tijin në Brazil dhe një sponsor, por kjo nuk ishte data që ishte rënë dakord me klubin. Gjithsesi, ai ka luajtur lojën e tij të fundit më 6 qershor. Pushimet mbaronin më datë 8 korrik.

Kur do të kthehet Nejmar në stërvitje?

Nuk e di. Nuk e di akoma. E vetmja gjë që unë di është se ai nuk ishte i pranishëm në datën e planifikuar për fillimin e stërvitjes, 8 korrikun.

A ju ka thënë Nejmar se ku dëshiron të vazhdojë?

Kjo është diçka e qartë për të gjithë tani, por në futboll mund të thuash diçka sot e diçka tjetër të nesërmen. Është diçka e pabesueshme, por ky është realiteti i kësaj industrie ku ne punojmë

Keni mbërritur në 14 qershor në Paris, a keni folur me të?

Po kam folur. S’dua t’u tregoj çdo hollësi të bisedës. Kam folur dhe me babanë e tij. Është diçka që dihet nga të gjithë. Pozicioni i secilës palë është qartë. Megjithatë, në këtë moment që po flasim vetëm diçka është konkrete: Nejmar ka dhe tri kontratë me ne. Përderisa nuk kemi marrë një ofertë s’ka gjë për të diskutuar.

Përse mendoni se ka dëshirë të largohet ?

Iu përgjigja njëherë kësaj pyetje. Kur një lojtar kërkon të largohet nga një klub, po flas në përgjithësi, është diçka mëse normale e jetës së një futbollisti. Përse duhet ta përjetojmë këtë situatë si një përdhosje. Klubi ia ka dalë të bindë shumë lojtarë të qëndrojnë në të shkuarën. Në rastin e Nejmar, nuk është paraqitur në stërvitje, pra është faji tij. Kemi politikat tona të brendshme për raste të tilla. T’i themi gjërat siç janë, në shumë klube ndodh që lojtarët të mos paraqiten në ditën e parë të grumbullimit.

Situata e ofertave?

Nuk kemi marrë asnjë ofertë. Megjithatë është e vërtetë që kemi pasur disa kontakte të thjeshta.

Me Barcelonën?

Po.

Çfarë mund të thoni për strategjinë e drejtuesve të  Barcelonës ?

Ata na thanë që ishin të interesuar të blinin kartonin e lojtarit, por ne u thamë që nuk e kemi në shitje. Nuk e mendojmë që Barcelona është në një pozitë ku mund ta blejë lojtarin tonë.

Me cilat kushte do të pranonte PSG-ja transferimin?

Thjesht na duhet të flasim e të negociojmë. Kjo është e gjitha. Boll me pyetje për Nejmarin, ju lutem.

Një të fundit. A keni vendosur ndonjë afat për këtë çështje?

Kjo është me të vërtetë një çështje shumë e rëndësishme. Janë shumë gjëra në lojë. Së dyti, një rast i këtyre përmasave nuk është vetëm një çështje ndjenjash, është një çështje financiare.

Përfundimisht, a është e mundur që Nejmar të largohet këtë verë?

Nejmar mund të largohet nga PSG-ja, nëse vjen një që gëzon të gjitha palët. Por deri këtë moment, ne nuk e dimë nëse ka ndonjë klub që dëshiron ta blejë atë ose çmimin që mund të ofrojnë. Diçka e tillë nuk mund të kryhet brenda një dite. Kjo është e sigurt.

Pra PSG nuk dëshiron ta mbajë Nejmarin në skuadër me çdo kusht…?

PSG dëshiron të mbështetet në lojtarë që duan të qëndrojnë e të ndërtojnë diçka të veçantë. Nuk duam të kemi lojtarë që i bëjnë ndere klubit me praninë e tyre në skuadër.

PSG duhet të jetë më e pushtetshme se Nejmar, apo jo?

Nuk di ndonjë klub që ka dalë i fituar kur ka pasur një lojtarë të të fuqishëm se vetë klubi. Një klub duhet të ecë përpara, duhet të ketë kontroll mbi gjithçka. Këtu përfshihen edhe lojtarët më të rëndësishëm.

Si do ta punoni në merkato duke pasur parasysh situatën e paqartë me Nejmar?

Nuk ka plan “me Nejmar” dhe plan “pa Nejmar”. Realiteti është që ai ka një kontratë me PSG-në. Për momentin, nuk ka asnjë ofertë konkrete.

Për këto dy lojtarë PSG arkëton 24 milionë euro, ndërkohë që priten edhe të tjera nga shitja e Lo Selso (24 milionë euro, Real Betis), Kryçoviak (10 milionë euro, Lokomotiv Moskë), Jasin Adli (6 milionë euro, Bordo) dhe Gaetan Robail (2 milionë euro, Lens). Në total 66 milionë euro të arkëtuara, duke e kaluar me 6 milionë kushtin e vendosur nga UEFA.

Leonardo, i kthyer te PSG, ka në plan të bëjë edhe të tjera lëvizje në dalje dhe të arkëtojë miliona nga shitja e Stenlej Nsoki dhe Tomas Munie. Këtë të dytin thuhet se e kërkojnë Arsenali dhe Mançester Junajtid. Francezët presin ofertën konkrete dhe janë të gatshëm ta shesin lojtarin e tyre.

Përkundrazi, duket se francezët janë gati për të finalizuar blerjen e parë të këtij afati kalimtar. Sipas mediave spanjolle, Pablo Sarabia pritet që të jetë lojtari i ri i PSG.

Mesfushori i avancuar do të kalojë nga Sevija në Paris, me francezët që do të paguajnë klauzolën prej 18 milionë eurosh. 27-vjeçari ishte prej tri vitesh pjesë e andaluzianëve, me këta të fundit që e kishin blerë nga Getafe për vetëm 1 milion euro.

Leonardo ka nisur nga puna dhe objektivat e parë janë pikasur. Në krye të listës duket se qëndron Sergej Milinkoviç-Saviç. Serbi është një ndër të preferuarit e Leonardos, teksa braziliani provoi ta merrte edhe te Milani, në kohën kur ishte pjesë e kuqezinjve.

Ditët e ardhshme do të ketë një takim mes Leonardos dhe agjentin të Milinkoviç-Saviç, Mateja Kezhman. Problemi i vetëm duket se është Klaudio Lotito, pasi presidenti i Lacios kërkon 100 milionë euro, ndërsa aktualisht PSG ofron 80 milionë (75 + 5 bonuse).

Lotito së fundmi është dorëzuar dhe ka thënë se te Lacio nuk duhet të qëndrojnë lojtarë që nuk kanë dëshirë të luajnë aty. Frazë kjo, që iu referua pikërisht serbit.

Gjithsesi, së fundmi ekipi parizien zyrtarizoi Leonardon si drejtorin e ri sportiv dhe ky i fundit duket se ka plane të tjera për Nejmar. Sipas asaj që raporton “RMC Sport”, braziliani nuk do ta lërë bashkombasin e tij të largohet nga kryeqyteti francez.

Leonardo duket se e konsideron thelbësor Nejmarin për sezonin e ardhshëm dhe sipas gjasave, sulmuesi do të mbetet në Paris.

Ky është një rikthim i Leonardos në Paris, ku ka punuar në vitet 2011-2013, periudhë kjo ku vuri themelet e PSG-së moderne me blerje si Zllatan Ibrahimoviç, Tiago Mota, Marko Verrati dhe Tiago Silva.

Leonardo pason portugezin Antero Henriko, ky i fundit mundi ndërpreu me marrëveshje bashkëpunimin me kampionët e Francës.

? "ANNOUNCE LEONARDO!"

???? OK…

? Welcome back, @leo_de_araujo! pic.twitter.com/8gEyBNjMqw

— Paris Saint-Germain (@PSG_English) June 14, 2019

“Jam shumë i lumtur që po rikthehem te PSG. Ky klub ka qenë shumë i rëndësishëm për karrierën dhe jetën time. Kam kaluar momente emocionuese si lojtar dhe më pas si drejtor sportiv. Sot rikthehem me shumë energji te ku klub që e respektoj nga zemra”, tha Leonardo në fjalët e tij të para si drejtori sportiv i PSG-së.

E ardhmja e Leonardos pritet të jetë në Francë, ku  PSG kërkon ta rikthejë në postin e drejtorit sportiv për të zëvendësuar portugezin Antero Henrike, i cili ka rezultuar një investim tejet i gabuar për kampionët e Francës.

Adminstratori i përgjithshëm, Ivan Gazidis, falënderoi Leonardon me anë të një mesazhi publik: “Leonado iu bashkua Milanit në një moment të vështirë, pak javë para se merkato e verës të mbyllej përfundimisht. Në rrethana tejet të vështira ai punoi me zemër e shpirt duke i përçuar skuadrës ambicien dhe energjinë e tij. I jam shumë mirënjohës atij për gjithçka që ka bërë për klubin tonë të madh dhe i uroj gjithë të mirat për planet e së ardhmes”.

Official Statement: Leonardo ?? https://t.co/FlsTwzzs85

Comunicato Ufficiale: Leonardo ?? https://t.co/RgLZHwFQcw pic.twitter.com/XvCsil9esw

— AC Milan (@acmilan) May 28, 2019

Sipas këtij burimeve të kësaj medie, kundërshtitë midis Leonardos dhe drejtorit të përgjithshëm Ivan Gazidis kanë bërë që braziliani të marrë këtë vendim si pasojë e mungesës së lirisë së veprimit dhe vendimmarrjes në klub.

Braziliani nuk ka përse të shqetësohet, pasi Leonardo është prej vitesh ka ndërtuar një reputacion që gëzon respekt në mbarë botën e futbollit. Federata braziliane  e futbollit ka shfaqur interes për t’i dhënë një post drejtues, ndërsa emri i tij josh shumë klube në Francë si Marseja dhe Monako, por nuk përjashtohet as rikthimi te PSG për të zëvendësuar portugezin Antero Henrike.

Nëse nuk sigurohet Championsi, Milani mund të pësojë një revolucion. Më saktë një largim të gjithë pjesës historike: Gatuzo, Leonardo dhe Maldini. Trajneri nuk e ka të sigurt qëndrimin, madje mediet italiane janë të bindura që kalabrezi po kalon ditët e fundit në Milanelo.

Të njëjtën rrugë mund të zgjedhë edhe dyshja drejtuese. Leonardo ia ka bërë të qartë presidentit Skaroni faktin që është ai përgjegjës për merkaton. Nëse çdo vendim i tij duhet konfirmuar nga Gazidis, braziliani do të ishte gati të largohet.

Në dyshim është edhe e ardhmja e ish-kapitenit legjendar. Largimi i Leonardos mund të ndikojë keq te Maldini, ndërsa është rritur shumë pushteti i Gazidis në klub. Afrikano-jugori është njeriu i besuar i fondit Elliot, ndërsa emra si Okampos dhe Monçi lakohen pranë Milanit.

Milani shpenzoi një shifër prej gati 200 milionë euro në merkato, por pa asnjë rezultat. Ashtu si vitet e fundit, vazhdojnë të lundrojnë në ujërat e Europa League. Kampionati nuk është mbyllur ende, por shancet që Milani të shkojë në Champions janë minimale.

 “La Gazzeta dello Sport” raporton se Milani e ka gjetur drejtorin e ri në Francë. Ai është Luis Kampos, drejtori i Liles. Portugezi ka bërë një punë të madhe në ekipin francez. Edhe pse më një buxhet jo shumë të madh, Lile këtë vit është renditur e dyta direkt pas gjigantëve të PSG.

Këtë sezon ata kanë shënuar një përmirësim të jashtëzakonshëm, pasi në kampionatin e kaluar ata i kanë shpëtuar për pak rënies një kategori më poshtë. Në këtë revolucion tepër produktiv është i pamohueshëm kontributi i dhënë nga Luis Kampos. 54-vjeçari do e pëlqente shumë një lëvizje në një klub të madh si Milani.

Leonardo është në rrezik. Pa Champions braziliani është i larguar. Tanimë gjithçka është në duart e Ivan Gazidis. Strategjia e tij është e qartë: afrim të rinjsh të talentuar, rritje e vlerës së tyre dhe më pas arkëtim i të ardhurave të rëndësishëm. Futbolli është një biznes dhe ish-zyrtari i Arsenalit po punon për të vënë në jetë planin e tij.

Gazzetta dello Sport raporton se synohet një drejtor sportiv i cili të ketë aftësi të mira në zbulimin e talenteve, një i tillë si Luis Kampos i Lilë. Ky i fundit ka punuar në disa skuadra portugeze në të shkuarën, ndërkohë që ka bashkëpunuar edhe me Realin e Madridit si zbulues talentesh.

Te Monako bëri një punë kolosale dhe aty shpërthyen lojtarë si Mbape, Lemar, Fabinjo dhe Bakajoko. Këtë gjë kërkon të bëjë edhe Gazidis, ndaj edhe jo më kot ka dalë ne skenë edhe emri i Igli Tares, i cili në Itali është vlerësuar shpesh për rolin e tij te Lacio.

MALDINI DHE GATUZO – Administratori i kuqezinjve kërkon të vazhdojë bashkëpunimin me Leonardo Maldinin, i cili është drejtor strategjik. Një figurë e tillë duhet mbajtur në klub, kjo është shumë e rëndësishme. E ardhmja e Xhenaro Gatuzos është ajo që ende nuk është vendosur, edhe pse ka shumë zëra për Mauricio Sarrin su pasuesin e tij. Gazidisi po mendohet mirë dhe është në mëdyshje. Marrëdhënia e tij me trajnerin e Milanit është korrekte dhe palët janë të drejtpërdrejtë mes tyre.

Për këtë arsye, drejtuesit e Milanit e kanë vendosur që në verë të bëjnë spastrim, duke nisur nga trajenri Gatuzo e duke vazhduar me lojtarë si Bakajako, Çalhanoglu e shumë të tjerë.

Gjithsesi, lojtarët e rinj nuk do të preken dhe në kampin kuqezi kanë shuar çdo shpresë të klubeve të tjera për të rrëmbyer portierin Donaruma dhe qendërmbrojtësin Romanjoli.

Të dy janë lojtarë kyçë për të ardhmen, edhe në aspektin e imazhit, sepse Milani kërkon të ndërtojë një bërthamë lojtarësh të rinj dhe me ndikim edhe te tifozët, që kanë nevojë për disa figurë qendrore në ekip, përveçse presin disa përforcime reale, për të pasur një ekip të denjë të paktën të rivalizojë me Napolin për vendin e dytë në Serinë A, pasi Juve duket vite dritë larg.

Drejtuesit e “djallit” kanë patur një takim kokë më kokë me Gatuzon dhe Bakajokon. Trajneri dhe mesfushori kanë sqaruar gjithçka mes tyre dhe francezi i është bashkuar stërvitjes.

Ai mund të zbresë në fushë të shtunën kundër Fiorentinës, duke llogaritur dhe mungesat e mëdha në këtë repart. Lukas Paketa u ndëshkua me të kuqe, ndërsa Bilja dhe Çalhanoglu janë të dëmtuar. Aktivizimi i Bakajokos do të varet edhe nga rendimenti i tij gjatë javës.

E ardhmja e tij pritet të jetë larg Milanelos. Kuqezinjtë nuk kanë ndërmend të paguajnë 30 milionë euro për kartonin e tij dhe 24-vjeçari do të rikthehet te Çelsi. Një lajm i mirë për trajnerin Sarri. Anglezëve ju është bllokuar merkato dhe trajneri italian do të kishte një opsion më shumë për mesin e fushës.

Leonardo ka folur për rastin në fjalë. Gjithçka do të zgjidhet brenda familjes dhe nuk ka nevojë të bëhet publike. Mesfushori ka gabuar dhe do të paguajë. Më pas një koment për fitoren kundër Bolonjës, trajnerin Gatuzo dhe merkaton e Milanit.

EPISODI – “Rasti i Bakajokos do të diskutohet brenda nesh pa bërë publikimin e masave që do të marrim. Lojtari ka vuajtur shumë gjëra javët e fundit, por gabimet mbeten gabim dhe do të ndërhyjmë. Ka shumë gjëra pozitive, por kush gabon, paguan. Njësoj si gjithë të tjerët. Kanë ndodhur shumë gjëra njëkohësisht, por i kemi zgjidhur brenda nesh me Gazidis, Maldinin dhe Gatuzon. Nuk mund të bëhet çdo rast gjyq publik.”

SITUATA – “Pas derbit ishte një moment shumë i vështirë, por kundër Bolonjës treguam një forcë, që sinqerisht nuk e mendoja se e kishim. Ky Milan ka shpirt dhe shumë gjëra pozitive. Nevojitet qetësi dhe durim, sepse ekipi është në ndërtim e sipër.”

GATUZO DHE MERKATO– “Jemi treguar gjithmonë të qartë me Rinon. Gjithçka po shkon sipas planit, nuk mund të ishte gjithçka fushë me lule. Kemi pësuar ndryshime dhe normal që do të hasnim vështirësi. Nuk jemi në një situatë ekonomike të mirë, por nuk bëhet fjalë për demoralizim. Jemi të bllokuar dhe nuk do të bëjmë goditje të mëdha në verë. Megjithatë, gjithçka varet nga kualifikimi në Champions.”

Humbja në derbi përballë Interit nuk u përballua mirë psikologjikisht dhe pas asaj nisi rënia e lirë e “Djallit”. Gara për vendin e katërt vazhdon dhe i vetmi avantazh i ekipit të Gatuzos është kalendari më i lehtë.

Milani pret Bolonjën në shtëpi të hënën në mbrëmje dhe alternativa e vetme është fitorja. Nëse nuk arrihet objektivi Champions të gjithë rrezikojnë shumë. E ardhmja e Xhenaro Gatuzos është vendosur.

Trajneri do të tentojë rikthimin e kuqezinjve në kompeticionin më të rëndësishëm për klube dhe do të largohet në fund të sezonit. Në rrezik është edhe e ardhmja e Leonardos! Fondi Eliot mund të vendosë të bëjë ndryshime edhe te drejtuesit.

Braziliani është në test dhe rrezikon postin e drejtorit sportiv, ndërsa amerikanët kanë gati edhe zëvendësuesin. I preferuari i tyre është Luis Kampos, drejtori sportiv i Lilës. Portugezi ka bërë një punë fantastike, ndërsa ekipi i tij renditet i dyti në kampionat pas PSG-së.

Kampos u përfol edhe për një afrim te Roma, por ai rinovoi kontratën me klubin francez. Megjithatë, fondi Eliot ka marrëdhënie të mira me Lilën dhe drejtori mund të zbarkojë në Milanelo, gjithmonë nëse kuqezinjtë dështojnë të realizojnë objektivin madhor dhe bie besimi te Leonardo.

Për këtë arsye, drejtori i përgjithshëm i zonës tekniko-sportive te Milani, Leonardo, ngre krye dhe në një intervistë për Gazzetta dello Sport sulmon ashpër arbitrin dhe federatën italiane, pasi sipas tij ndeshja me Lazion duhej ndalur.

“Nuk po flas për humbjen, ajo ishte e merituar dhe Lazio fitoi në fushë. Dua të ndalem te ato që ndodhën jashtë fushe: Bakayoko e Kessie gabuan me fanellën e Acerbit poshtë tribunës së tifozëve të Milanit, ne ndërhymë për të zgjidhur çështjen dhe i gjobitëm lojtarët, por shmangëm deklaratat publike për të pasur një klimë sa më të qetë para ndeshjes së kupës, edhe pse pa dalë ende ndonjë vendim nga Gjykatësi Sportiv, presidenti i federatës kërkoi të dënoheshin lojtarët tanë, diçka e çuditshme, për të mos thënë e rëndë.

“Natyrisht, ishte e pritshme që ndeshja e kupës të shoqërohej me probleme, ndaj para ndeshjes kontaktuam me federatën, Ligën, drejtuesit e arbitrave dhe policinë. Edhe lojtarëve u kërkuam të tregoheshin sa më gjakftohtë e të përgjegjshëm. Duhej kujdes maksimal, për të ndalur që në fillim çdo lloj situate që mund të ngjallte dhunë, si manifestimi fashist në sheshin Loreto.

“Më pas, ndodhi absurditeti gjatë ndeshjes. Kishte mijëra arsye pse duhej ndërprerë ndeshja. Me rregullat e reja, nuk duhej pritur as kori i dytë apo i treti, mjaftonte i pari për të ndalur lojën dhe për të paralajmëruar për ndërprerjen përfundimtare nëse nuk ndaleshin koret raciste. I dëgjuan të gjithë, u bënë edhe dy thirrje nga altoparlantët, vetëm arbitri Mazzoleni nuk e vuri ujin në zjarr, vazhdoi lojën sikur të mos kishte ndodhur asgjë.

“Ne na kishin garantuar që do ndërhynin në rast koresh raciste. Nuk ishte një situatë e papritur, Mazzoleni kishte përjetuar edhe rastin Koulibaly në Inter-Napoli. Nuk mund të ndalnim ndeshjen dhe të kërkonim pezullimin, sepse do ngjante si një alibi për rezultatin. Duhej të vendoste arbitri, por edhe ai nuk duhej lënë vetëm nga institucionet. Si Milan, kërkojmë respekt dhe drejtësi. Zëvendëskryeministri Salvini kritikoi sërish? Përdori fjalën turp vetëm për lojën e Milanit, por ajo fjalë duhej thënë për episode shumë më të rënda”.

Ecuria negative dhe loja pa ide e ekipit, ka bërë që drejtuesit e klubit të kenë pasur një takim mëngjesin e sotëm në Milanelo. Dyshja Maldini-Leonardo, por edhe Ivan Gazidis, kanë zhvilluar një ballafaqim me ekipin dhe trajnerin Gatuzo.

Në fokus ka qenë forma e dobët e shfaqur si edhe ndeshja e fundjavës së ardhshme në transfertë ndaj Torinos, që është edhe përballja më e rëndësishme për fatet e luftës për Champions.

Edhe pse çmimi nuk është bërë i ditur, thuhet se klubet kanë gjetur marrëveshjen mes tyre, me Gremion që ka kërkuar edhe disa bonuse të tjera, por që nuk ndikojnë.

Me përjashtim të ndonjë rrethane të paparashikuar, pritet që Everton të bëhet “djall” në qershor. Everton Soares është 23 vjeç dhe luan në të dyja krahët e sulmit.

Pavarësisht se është në një moment deçiziv për sezonin, drejtuesit kuqezinj nuk e lënë pas merkaton dhe kanë nisur të shqyrtojnë objektivat. Emrat e përmendur kanë qenë të shumtë, por vetëm spekulime.

Gjithsesi, së fundmi është “France Football” që jep një pistë të re dhe ai quhet Florian Thauvin. Sulmuesi anësor i Marsejës është i pakënaqur në Francë dhe këtë gjë e ka thënë disa javë më parë edhe në media. Nga ky fakt kërkon të përfitojë Milani, i cili është hedhur në sulm dhe thuhet se do të ofrojë 35-40 milionë euro për të siguruar shërbimet e 26-vjeçarit. Thauvin ka shënuar plot 15 gola këtë sezon, duke shfaqur një formë mjaft të mirë. Ndërkohë, sulmuesi ishte pjesë edhe e kombëtares franceze në Kupën e Botës, ku “Gjelat” arritën të ngrinin trofeun.

“Nuk do ta them atë që i thashë Fabrit, por për një arbitër është e rëndësishme të shohë mirë dhe të jetë i sigurt në vendimet e tij, çka nuk shoh ta ketë bërë. Jam i zhgënjyer, pasi u treguam të guximshëm në lojë. I komplimentoj djemtë.

Qëndrimi i arbitrit ishte i papërshtatshëm. Bëri një bisedë të pakuptimtë me Çalhanoglu. Këto raste e acarojnë lojtarin dhe skuadrën. Gjyqtari është aty për të qetësuar dhe jo për të nxitur nervozizëm. Gjithsesi nuk jam këtu për t’u justifikuar”, deklaron braziliani.

Më pas Leonardo konfirmon se ka besim te trajneri Gatuzo dhe pohon se ka pasur kontakte më Juventusin për të marrë Moise Ken: “Kam folur shpesh me Gatuzon. Ne flasim hapur me njëri-tjetrin. Kemi zgjedhur të vazhdojmë me të. Është e vërtetë se në janar kemi biseduar me Juventusin për Ken”.

Ky ishte goli i 21-të në kampionat për Piatek, i cili barazon Kualjarelën e Sampdorias në krye të renditjes së golashënuesve. Humbja kundër bardhezinjve ka sjellë trishtim në kampin milanist, aq shumë në nevojë për pikë dhe rezultatet pozitive.

Leonardo, administratori i deleguar i klubit, ndalet te gjykimi. Milanit i mungon një penallti e paakorduar. Aleks Sandro e preku topin me dorë dhe braziliani është i xhindosur me arbitrin Fabri.

“Jemi të mërzitur për rezultatin. Ekipi dhuroi paraqitje, e kishim kërkuar një gjë të tillë dhe morëm përgjigjen e duhur. Është e dhimbshme të largohesh nga kjo ndeshje me zero pikë, na vjen shumë keq.

“Komplimente ekipit, por humbëm për shkak të gabimeve sade të arbitrave. Sjellja e kryesorit ishte e papranueshme dhe ai ndodhet poshtë nivelit të duhur. Gaboi me penalltinë që nuk na dha dhe ndëshkimet me të verdhë. Arbitri kishte nevojë të qetësohej, por ndikoi në ndeshje. Nuk dua të polemizoj, por janë situata që të bëjnë të ndihesh keq”, përfundon Leonardo.

Objekti  i bisedës është sulmuesi anësor, Everton Soaresh. Futbollisti 23-vjeçar po spikat prej disa vitesh në kampionatin brazilian dhe tani konsiderohet momenti i duhur për të bërë kapërcimin gjigant te një ndër klubet më të mëdhenj në Europë.

Prej kohësh klubi brazilian ka kërkuar jo më pak se 80 milionë euro për kartonin e lojtarit, por ky çmim pritet të reduktohet ndjeshëm pasi palët të ulen në tryezën e negociatave.

“Nuk ishte një paraqitje e mirë, por duhet të ruajmë qetësinë, nuk është koha për gjyqe. Jemi ende në vendin e katërt, ky moment duhet administruar sa më mirë”.

“Piatek u ndal me faull nga Andersen, i cili në fillim i prishi ekuilibrin. Bëhet fjalë për një episod që ndryshon ndeshjen, nuk ka nevojë as për diskutim. Edhe Praet e preku topin me dorë në pjesën e parë, më duket e qartë, por i pranojmë me qetësi këto vendime”.

Gatuzo alarmoi të gjithë me fjalët para ndeshjes, duke deklaruar se verë do fliste hapur, por Leonardo largon tensionin: “E ardhmja e tij nuk është prioritet, ka kontratë dhe do doja që të fitonim së bashku një ditë“.

Kesie në stol në Xhenova: “Nuk është ndëshkim për sherrin në derbi, ajo çështje mori fund aty. Në u treguam të qartë, Kesie e Bilia kërkuan falje”. 

Ai është kthyer sot në Milanelo pas ndeshjeve të zhvilluara me kombëtaren e Bregut të Fildishtë (luajti ndeshjen e plotë kundër Ruandës dhe nuk u aktivizua në përballjen me Liberinë).

22-vjeçari ka patur një takim me Leonardon dhe Maldinin, aty ku i është komunikuar dhe masa e marrë: 40 mijë euro gjobë. Lojtari kërkoi ndjesë dhe u pendua për gjestin e bërë, por një reagim i tillë është i pafalshëm për Milanin.

Ekipi kishte mbaruar stërvitjen dhe Kesisë i është dashur të stërvitet i vetëm. Ai nuk është takuar ende as me trajnerin Gatuzo, ndërsa mediat italiane zbulojnë se mesfushori nuk do të jetë pjesë e formacionit në transfertën kundër Sampdorias, ndeshje që zhvillohet të shtunën në mbrëmje.

Bëhet fjalë për një ndër më premtuesit në Brazil, 17-vjeçari Reinier Zhesus Karvajo. Talenti aktivizohet me Flamengon dhe shihet si një ndër lojtarët më me potencial për të ardhmen, ku për të interesohet dhe Reali i Madridit.

Madrilenët kanë avantazhin se djaloshi brazilian, ka si idhull Zinedin Zidan, por nga ajo çfarë thuhet në media, kontakte mes Realit dhe Flamengos nuk ka pasur. Pikërisht, nga ky fakt kërkon të përfitojë Leonardo, i cili do të mundohet të nisë sa më shpejt kontaktet për të përshpejtuar një transferim të mundshëm të Reinier. 17-vjeçari luan si organizator.

? #Milan, interesse concreto per #Reinier Jesus Carvalho, talento del Flamengo, classe 2002. Tanti i top club interessati, tra cui il #RealMadrid (piccola curiosità: il suo idolo è proprio Zidane), ma offerta Blancos per ora NON confermata. E i rossoneri provano ad accelerare. pic.twitter.com/RWiUzNWOEa

— Matteo Pedrosi (@MatteoPedrosi) March 27, 2019

Klubet që interesohen për të janë të shumtë, por Milani dhe Interi kanë qenë më këmbëngulës kohët e fundit dhe sipas gjasave do të kemi një derbi në merkato. Kuqezinjtë kanë nevojë për një anësor në krahun e majtë, pasi Çalhanoglu nuk e ka si pozicion natyral sulmuesin e krahut.

Nga ana tjetër, Interi po përgatitet që sezonin e ardhshëm të jetë pa Ivan Perishiç në ekip dhe Bergvajn shihet si zëvendësuesi ideal, pasi holandezi përveç krahut të majtë, mund të luajë dhe si sulmues i djathtë. PSV ka deklaruar se kërkon të paktën 40 milionë euro dhe tashmë mbetet për t’u parë se kush do ta fitojë derbin e merkatos.

Sipas së përditshmes italiane, fokusi i merkatos së “djallit” do të jetë një sulmues anësor, më konkretisht për krahu e djathtë të sulmit, një pozicion ku Milani po vuan prej disa sezonesh.

Për të rregulluar këtë problem drejtues i Milanit Leonardo, po mendon të rikthejë në Milano spanjollin Zherard Deolofeu. Futbollisti, i cili tani aktivizohet me Uotfordin në Angli, ruan kujtime të mira nga ekspierenca e mëparshme me Milanin dhe e mirëpret rikthimin në Serie A.

Në rast se tratativat për Deolofeun dështojnë, Milano do të kthejë sytë nga Franca. Talenti i Nicës, Alen Sent-Maksimin është një emër që premton shumë të për të ardhmen, por natyrisht ka dhe risk me vete, pasi i riu francez nuk ka luajtur më parë në të tilla nivele.

Leonardo ka zbuluar më parë emra si: Kaka, Tiago Silva dhe së fundmi Lukas Paketa. Sipas “Gazzetta dello Sport”, tre janë objektivat brazilianë të kuqezinjve të “Djallit”. Në listën e Leonardos gjenden emrat e Everton Souza Soares, sulmues i Gremios dhe dyshja e Korinthiasit: Pedrinjo e Fabrisio Ojia.

I pari është 23 vjeç, bën mirë të gjitha rolat e sulmit, por mbetet problem klauzola e largimit prej 80 milionë eurosh. Edhe dyshja e Korinthiasit pëlqehet shumë. Pedrinjo është 20 vjeç, ndërsa Oia një vit më i vogël. Të dy luajnë në sulm.

Një tjetër emër që preferohet shumë është edhe Reinier i Flamengos. Ai është 17 vjeç dhe aktivizohet në rolin e organizatorit. Për këtë të fundit interesohen edhe Liverpuli, Real Madrid dhe Mançester Siti.

Afrikani, dukshëm i acaruar për zëvendësimin, ia nxori inatin argjentinasit, ndërsa shokët nxituan për të qetësuar situatën. Diçka e tillë ka sjellë tërbimin e Leonardos, drejtorit sportiv të kuqezinjve.

Siç raporton “Corriere dello Sport”, braziliani është futur në dhomat e zhveshjes në fund të ndeshjes, duke i kërcënuar të gjithë se do i mbyllte brenda. “Askush nuk del nga dhoma derisa ta zgjidhim këtë gjë”, ka urdhëruar Leonardo, dukje kërkuar me zë të lartë sqarimin midis dy mesfushorëve.

Të dy lojtarët kërkuan ndjesë për ngjarjen e ndodhur dhe duket sikur ngjarja është hedhur pas krahëve, por një video që po qarkullon në internet konfirmon raportin e vështirë midis dy lojtarëve.

Në ndeshjen e fituar kundër Kievos golat e fitores u shënuan nga Bilja dhe Piatek. Mesfushori latin zhbllokoi ndeshjen nëpërmjet një perle nga goditja e dënimit. Gëzim i madh për të gjithë që vrapojnë pas tij, përveç Kesisë, i cili qëndron afër pikës së penalltisë dhe rikthehet drejt mesit të fushës pa festuar me shokun e tij.

Leonardo e ka nisur punën e tij prej kohësh, madje objektivi kryesor është bërë i ditur dhe ai është sulmuesi anësor i Nicës, Alan Sant-Maksimin, për të cilin ekipi francez kërkon së paku 30 milionë euro. Gjithsesi, nga raportimet e fundit, duket se drejtuesit e “djallit” e kanë alternativën në rast të një dështimi për kalimin e 21-vjeçarit.

Është pikërisht, Dani Olmo, ylli i Dinamos së Zagrebit. Për spanjollin, thuhet se Leonardo ka shfaqur interes dhe ekipi kroat e vlerëson rreth 20 milionë euro. Kujtojmë, Dani Olmo ka dalë nga akademia e Barcelonës dhe shihet si një talent i madh.

Sipas “Sportmediaset”, drejtuesi i lartë i Milanit, Leonardo, ka filluar bisedimet me agjentin e njohur Mino Raiola për të rinovuar kontratën e portierit Xhanluixhi Donaruma. Marrëveshja aktuale e italianit përfundon në vitin 2021, ndërsa Leonardo synon që të arrijë një marrëveshje për tri sezone të tjera.

Negociatat nuk do të jenë aspak të lehtë pasi Donaruma është një ndër portierët më të lakmuar në botë për shkak të aftësive që ka dhe moshës së re. Aktualisht 20-vjeçari është lojtari më i paguar i Milanit me një pagë sezonale prej 6 milionë eurosh në sezon.

Objektivat ku Leonardo do të përqendrohet dhe po punon momentalisht, sipas asaj që raportohet nga mediat italiane duket se janë dy: Sant-Maksimin dhe Everton.

Emri i parë u tentua që në janar, por nuk u gjet marreveshja me Nicën. Gjithsesi, në verë do të tentohet përsëri për 22-vjeçarin, për të cilin, drejtuesit francezë kërkojnë 30 milionë euro.

Emri i dytë është Everton. Për të po përgatitet një operacion “Paketa 2”, pasi sulmuesi luan për Gremion dhe paraqitjet e tij kanë lënë mbresa të mëdha te Leonardo. Tashmë, pritet me interes se si do te shkojnë këto dy pista për merkaton e ardhshme te Milani.

Leonardo ka nisur punën për të sjellë një tjetër talent brazilian në Milani dhe aktualisht, po studion dy emra. I pari është Rodrigo Durado, i cili luan për Internacionalin. Mesfushori është 24-vjeç, por me kontratën e tij që skadon në 2020, do të ishte një blerje e lirë për Milanin.

Përveç Durados, Leonardo po studion edhe sulmuesin Everton, i cili mbron ngjyrat e Gremios. 22-vjeçari po kërkohet edhe nga Mançester Siti dhe disa skuadra gjermane, por Milani mbetet ekipi favorit për të siguruar firmën e tij.