Leonardo Spinazzola

“Asnjë ndryshim mes Romës dhe Juventusit, vetëm se këtu më vodhën”

Sport Ekspres — Tue, 16 Jul 2019 09:20:10 +0000

Duke parë që marrin rroga mjaft të majme, futbollistët vazhdimisht kanë qenë pre e “skifterave”. Ka qenë radha e Spinazolës, që sapo ka zbarkuar në Romë ka rënë viktimë e një vjedhjeje. Mbrojtësi u tranferua nga Juventusi në Romë, ku u shkëmbye me talentin Luka Pelegrini.

Në një intervistë për mediet, ai deklaron se nuk ka shumë ndryshime mes Torinos dhe Romës. E vetmja diferencë është se në kryeqytet i kanë bastisur makinën, duke i vjedhur çantën ku mbante sendet e tij me vlerë.

“Që kur arrita në kryeqytet, nuk kam parë ndonjë ndryshim mes Romës dhe Juventusit në organizim. E vetmja gjë ndryshe është se më thyen xhamin e makinës dhe më vodhën ëantën time të shpinës”, u shpreh 26-vjeçari.

Spinazola te Roma, ja sa do të përfitojë ish-juventini

Sport Ekspres — Fri, 28 Jun 2019 19:40:29 +0000

Ka përfunudar marrëveshja e shkëmbimit mes Juventusit dhe Romës. Leonardo Spinaxola do të shkojë në Romë dhe Luka Pelegrini do të bëjë rrugëtimin e kundërt.

I pari që do të zyrtarizohet pritet të jetë mbrojtësi i Juves. Mediet italiane raportojnë se negociatat me lojtarin kanë përfunduar. Madje del edhe paga që do marrë 26-vjeçari në “Olimpico”.

Spinaxola do të ketë një rrogë ndjeshëm më të lartë. Nga 1.7 milionë euro që mbrojtësi merr nga Juventusi, Roma gati e dyfishon këtë shifër, duke e çuar në 3 milionë në vit. Italiani do të firmosë një kontratë që e mban atë të lidhur me klubin verdhekuq për pesë vitet e ardhshme.

Gati shkëmbimi i mbrojtësve, Juventusi dhe Roma bien në ujdi

Sport Ekspres — Fri, 28 Jun 2019 18:20:33 +0000

Juventus dhe Roma janë gati të bashkëpunojnë këtë merkato. Siç raporton “Sky Sport Italia”, dy gjigantët përtej Adriatikut po përfundojnë shkëmbimin mes Luka Pelegrinit dhe Leonardo Spinaxolas. Të dy lojtarët kanë pozicione të njëjta në fushë dhe aktivizohen si mbrojtës tv majtë. Spinaxola nuk ka arritur të bindë në Torino.
Edhe pse Alegri u mundua t’i jepte mundësi duke e aktivizuar në ndeshje të mëdha, 26-vjeçari nuk ka arritur të lërë gjurmë. Kështu në Torino mendojnë ta largojnë dhe të sjellin një talent, që premton shumë për të ardhmen. Luka Pelegrini që nga janari ishte i huazuar te Kaliari, ku ra në sy me paraqitjet e tij.

Regjistron 13 ndeshje si startues, ku ka arritur të japë edhe dy asiste. Ishte pjesë e Italisë në Kampionatin Evropian për moshën U21. Pritet të shihet nëse Juventusi do zgjedhë ta huazojë apo ta mbajë gjatë sezonit të ardhshëm.