Leonardo Bonuçi ka folur për “Eleven Sports”, duke iu rikthyer dhe njëherë mungesës së Italisë në Botërorin e Rusisë. Një periudhë e errët dhe e dhimbshme, gjatë së cilës mbrojtësi i Juventusit shikoi vetëm dy ndeshje.

31-vjeçari ndalet dhe te miqësorja e së martës kundër SHBA, duke shpjeguar se pse një fitore në këtë takim është aq shumë e rëndësishme për tifozët e kaltër.

RINISJA – “Do të ishte e bukur të ishim në Botëror me shumë lojtarë të rinj gati për të sjellë entuziazëm me vete në valixhet e tyre. Tani është e kotë të merremi me të kaluarën, e rëndësishme është të rinisemi, siç kemi bërë në fushën e blertë me Mançinin. E njëjta gjë duhet të ndodhë dhe jashtë fushe, shpresojmë që presidenti Gravina të bëjë një hap të madh në këtë aspekt.”

BOTËRORI – “E kam përjetuar keq mungesën në Rusi, është një njollë që nuk do të fshihet kurrë nga karriera e një futbollisti. Të mos marrësh pjesë në Botëror për Italinë është me të vërtetë diçka katastrofike. Në muajt qershor dhe korrik mezi pashë dy ndeshje. E di se çfarë të transmeton kupa e botës, ku ke luajtur dy herë, e di se çfarë të transmeton një kompeticion, ku ke luajtur 4-5 herë.”

SHBA – “Do të jetë një atmosferë e bukur, është gjithmonë e veçantë të luash jashtë dhe të gjesh shumë bashkatdhetarë, të cilët mezi presin për të na parë. Shpresoj të ndihmoj kombëtaren të fitojë dhe t’ia dedikojmë atyre, të cilët jetojnë jashtë shtetit dhe nuk presin gjë tjetër përveç këtyre momenteve për të rishikuar magjinë e bluzës së kaltër.”

Verë tjetër, verë e re. Kësaj herë ishte radha për t’u rikthyer mbrapsht. Bonuçi largohet nga kuqezinjtë për t’u rikthyer te Juventusi. “Bëra gabim që u largova te Milani”, shprehej Bonuçi, pasi kishte insistuar që nuk do e linte më Milanin, në asnjë mënyrë, madje duke festuar golin e tij kundër bardhezinjve në Torino, çka solli acarimin e tifozëve të Juves.

Kësaj radhe kritikat ishin më të shumta. Zhgënjim i madh i milanistëve, por dhe shumë juventinë nuk e donin më në ekip. Bonuçi si futbollist është fantastik, ndërsa Leonardo si njeri u tregua shumë i vogël.

Gjatë ndeshjes së mbrëmshme, Milan-Juventus, ishte radha për t’u rikthyer përsëri në Milano. Tifozët e Milanit mezi e prisnin, sigurisht për ta fishkëllyer, sharë dhe ofenduar, por 31-vjeçari bën surprizën e radhës. I kërkon Alegrit të mos luajë në këtë sfidë dhe ndjek nga stoli fitoren e bardhezinjve me golat e Manxhukiç dhe Kristiano Ronaldos.

Në fund të ndeshjes, Bonuçi reagon në rrjetet sociale, duke shkruar: “Këto lloj fitoresh kanë shumë peshë dhe vlejnë dyfish. Duhet të reagonim dhe u përgjigjëm si një skuadër e madhe”. Një postim që nuk i ka pëlqyer tifozëve të “Djallit”, të cilët kanë shpërthyer kundër Bonuçit.

“As juventinët nuk të mbrojnë më, akoma ke kurajë të flasësh?”, ishte njëri ndër komentet më pikantë dhe… realistë. Bonuçi i ka bërë lëmsh të gjithë, mungesë sinqeriteti dhe mungesë guximi për të luajtur mbrëmë. Të paktën të flasë vetëm në fushë, ndërsa jashtë saj të “heshtë”…

Mbrojtësi komenton dhe situatën e shokut të tij të skuadrës, Kristiano Ronaldos, i cili po përjeton një situatë delikate pas akuzave për përdhunim nga Amerika, ndërsa e mbyll me një koment me derbin e Milanos. Lojtari shpreson që të fitojnë kuqezinjtë, ekip me të cilin u aktivizua në sezonin e kaluar.

POLONIA – “Është një ndeshje shumë e rëndësishme, të cilën duhet ta fitojmë. Mua më pëlqen Nation League dhe nuk jam dakord me Klopin. Është një kompeticion që të lejon të luash për tre pikët, duke të dhënë stimuj të rëndësishëm. Shpresoj që dhe tifozët të mendojnë kështu, sepse është gjithmonë bukur të shohësh stadiumin plot.“

MENTALITETI – “Humbja ose barazimi më acaron. Një tjetër problem është pësimi i golit. Duhet të përpiqemi të jemi të ekuilibruar dhe ta mbajmë përqendrimin e lartë. Na duhet më cinizëm përpara në sulm. Kur arrihet në 20 metrat e fundit, duhet t’iu bëjmë keq kundërshtarëve dhe të mos kënaqemi me faktin që arritëm deri aty. Të mërkurën luajtëm bukur, por nuk ishim cinikë. Megjithatë, po bëjmë hapa pra dhe po përmirësohemi. Mendoj se trajneri do të luajë përsëri me tre sulmues të lëvizshëm përpara.”

SITUATA – “Vitin e kaluar ishim në pikën zero, por asgjë nuk ka ndryshuar. Ndoshta gjërat janë përkeqësuar. Shpresoj që me zgjedhjen e presidentit të ri të Federatës, gjërat të fillojnë e të marrin për mbarë. Nevojitet një reformë e qartë, që do të përmirësojë futbollin italian. Kemi nevojë për rregulla të ashpra dhe të mirëpërcaktuara. T’iu jap një shembull. Viterbeze, ekipi i qytetit tim, nuk ka luajtur akoma një ndeshje dhe jemi në tetor. Kjo nuk është normale. Duhet një reformë e rëndësishme.”

CR7 – “E kam parë të qetë gjatë javës, por nuk më takon mua të komentoj dhe gjykoj ngjarje personale. Flas për futbollistin dhe ju them që është një vlerë e shtuar për ekipin tonë, si në fushë dhe jashtë saj. Është emocionuese dhe ekzaltuese të shohësh pesë herë fituesin e ‘Topit të Artë’ të stërvitet me ligësinë e atij që sapo ka ardhur në ekip. Nuk heq dorë kurrë dhe i frymëzon të gjithë për të bërë të njëjtën gjë.”

DERBI I MILANOS – “Shpresoj të zhvillohet një ndeshje e madhe. Jam një dopjo ish, por zgjedh Milanin. Kam lënë shumë shokë dhe një trajner të madh te kuqezinjtë.”

Goli i shënuar ndaj Napolit solli duartrokitjet e para për mbrojtësin, ndërsa qëllimi i 31-vjeçarit është të bëjë tifozët të thërrasin përsëri emrin e tij në kor, ashtu siç bënin përpara se të largohej për një sezon drejt kuqezinjve të Milanit.

Bonuçi ndalet dhe te ekipi aktual, djali i tij Lorenco, i cili është një tifoz i thekur i Andrea Belotit dhe Torinos si dhe e mbyll me largimin e Bepe Marotës nga bardhezinjtë.

Juventusi më i fortë? – “Po, ky është ekipi më i fortë dhe me karakterin më të mirë. Ka ndryshuar mentaliteti i qasjes së ndeshjeve që, të paktën në letër, duket më e thjeshtë. Kemi vendosmëri më të madhe, ‘ligësi’ për të fituar dhe uri. Ky është një hap i mëtejshëm në rrugën tonë të rritjes.”

I biri, Lorenco – “Siç e dini, Lorenco është një tifoz i Belotit dhe simpatizon Torinon. Në fund të sezonit të kaluar bëri një provë te Torino dhe kjo gjë i pëlqeu. Ai ka mbushur gjashtë vjeç dhe mund të regjistrohej në shkollën e futbollit të Torinos. Nuk shoh asnjë problem për një zgjedhje të tillë. Rëndësi ka që ai të zbavitet dhe të mos vuajë nga hija e babait të tij.”

Asisti për Dibala – “Kur arrin të bësh një gjë kaq të vështirë, është lumturi e madhe. Më pëlqen t’i kthej të thjeshta gjërat e vështira, por ndonjëherë bëhen gabime dhe në gjërat më të thjeshta, siç më ndodhi me Napolin. Megjithatë, duhet të rritem dhe përmirësohem, sepse e humbas përqendrimin ndonjëherë.”

Gjendja e skuadrës – “Sezoni është i gjatë dhe do të ketë shumë momente të vështira. Tani duket gjithçka e thjeshtë, por rrugëtimi jonë nuk do të jetë gjithmonë si ky. Duhet të jemi gati fizikisht dhe psikologjikisht, sepse mes marsit dhe prillit do të luajmë gjithçka.”

Largimi i Marotës – “Sa më përket mua, largimi i tij më ka lënë një boshllëk. Kush e ka marrë këtë vendim me siguri do të ketë arsyet e tij, por i uroj fat në të ardhmen.”

Kualiteti i futbollistit nuk vihet në dyshim dhe tifozët nuk e kanë me Bonuçin si lojtar, por me Leon si njeri. Ndërsa mbrojtësi firmoste një autograf, siç citon “SkySport”, një tifoz nuk ka humbur rastin për ta provokuar.

“Kur do të na kërkosh falje për trajtimin e vitit të kaluar?”, e ka pyetur fansi, ndërsa Bonuçi ka replikuar: “Nuk duhet t’ju përgjigjem fjalëve, por duhet të tregoj gjithçka në fushën e lojës”.

Kapiteni i “Djallit” ka kërkuar rikthimin te Juventus dhe drejtuesit e dy klubeve po tentojnë të zgjidhin situatën. Diçka e tillë ka sjellë kritika të mëdha dhe Ventura jep mendimin e tij.

“Kam lexuar që Bonuçi dëshiron të kthehet te Juventus. Jam i befasuar, pasi ai është kapiteni i Milanit. Bonuçi me siguri do të ketë shkaqet e tij, por më ka befasuar. Nuk e di si do përfundojë kjo çështje, por afrimi i tij do rriste eksperiencën në mbrojtjen e bardhezinjve.”

Ish-trajneri i Italisë: Bonuçi më ka befasuar me kërkesën e tij