PSG interesohet për 32-vjeçarin, por në lojë është futur edhe një klub anglez. Sipas raportimeve të “Corriere dello Sport”, Mançester Siti dëshiron të transferojë Bonuçin në “Etihad Stadium”.

Mbrojtësi mbetet një dëshirë e hershme e Pep Guardiolës. Juventusi nuk do ta pengojë të largohet, por kërkon 50-60 milionë euro. Gjithçka është në dorën e Bonuçit, i cili pritet të zgjedhë midis qëndrimit në stolin bardhezi apo do të largohet drejt ishullit për të provuar një aventurë të re.

Bonuçi bashkë me gruan dhe dy djemtë ishin në stadium për t’i plotësuar dëshirën birit të madh të familjes. Mbrojtësi bardhezi postoi një foto në rrjetet sociale. Prania e tyre duket se e bekoi skuadrën e drejtuar nga Valter Maxarri dhe Belotin.

Sulmuesi dhe kapiteni i ekipit granata është lojtari i preferuar i Lorenzos dhe falë babait të tij ai ka pasur nderin ta takojë. Djaloshi stërvitet me moshat e Torinos. Ai e merr babain shumë shpesh për ta ndjekur në stërvitje, por edhe për të parë ndeshje në “Olimpico”.

Leonardo Bonuçi i trazoi më shumë gjakrat pas ndeshjes. “Faji është 50 me 50. Ken e kërkoi vetë”, u shpreh mbrojtësi i Juves. Kundrejt kësaj deklarate ka reaguar një tjetër mbrojtjes juventin, më saktë ish-futbollist.

Lilian Turam sot lufton fort kundër racizmit dhe është treguar i ashpër kundër italianit. Ai shpjegon gjithçka, ka një mesazh për Ken dhe të gjithë lojtarët me ngjyrë dhe tregon se si zgjidhet kjo çështje tepër delikate.

REPLIKA – “Bonuçi thotë diçka që mendohet në masë: të zinjtë meritojnë atë që u ndodh. Pyetja e duhur që i duhet bërë atij është kjo: çfarë ka bërë Ken për të merituar aq shumë përbuzje? Bonuçi nuk thotë kurrë që tifozët kanë gabuar, por që e kërkoi Ken. Është njësoj si të përdhunosh një grua dhe t’ia vësh fajin veshjes së saj. Për shkak të këtyre lloj njerëzve nuk rregullohen gjërat.”

THIRRJA – “Leonardo nuk është idiot, por ka një ide të caktuar të shoqërisë dhe qëllimet e tij janë të turpshme. Duhet të jemi të qartë sa i përket racizmit. Thirrjet ‘buuu’ përfaqësojnë përbuzje për të gjithë njerëzit, përfshirë fëmijët me të njëjtën ngjyrë lëkure si Ken. Moizes dhe të gjithë njerëzve me ngjyrë dua t’u them që të ndihen krenar dhe të kërkojnë respekt nga njerëzit si Bonuçi, që dëshirojnë t’i përulin.”

ZGJIDHJA – “Gjithmonë thonë që ndeshja e radhës do të ndërpritet, por nuk ndodh kurrë. Kjo çështje nuk u intereson aspak institucioneve të futbollit. Nëse do të ishte me të vërtetë një problem, ndeshja do të ishte ndalur. Futbollistët që nuk pësojnë thirrje raciste duhet të tregohen solidarë me shokët e tyre. Duhet kuptuar se kur ndodh një gjë e tillë, nuk preket vetëm një person, por miliona të tillë. Duhet sqaruar se nuk vazhdohet kështu përpara, por futbolli është biznes. Asgjë nuk do të ndryshojnë institucionet e tij që nuk kanë marrë kurrë parasysh mundësinë e ndërprerjes së ndeshjes.”

“Ken e di që kur dikush shënon një gol duhet të festojë me ekipin e tij, por nuk e bëri. Ky është gabimi i tij. Faji ishte 50-50 tek të dyja palët. Ai e di se ka gabuar. Kishte fërshëllima dhe kore raciste pas festës së Ken dhe Matuidi u zemërua. Ne duhet të japim një shembull. Duhet të rritemi mendërisht për të mos ndodhur më këto gjëra”, ishin fjalët e mbrojtësit të Juventusit pas takimit kundër Kaljarit.

Së fundmi Bonuçi kërkon të sqarojë gjithçka dhe për këtë ka bërë edhe një postim në rrjetet socalie. Deklarata e bërë pas ndeshjes solli reagime të ashpra kundër tij dhe mbrojtësi nuk dëshiron ta etiketojnë si një njeri që përkrah racizmin.

“Pas 24 orësh dua të sqaroj gjithçka. U intervistova direkt pas ndeshjes dhe fjalët e mia qartësisht janë keqkuptuar, ndoshta sepse isha shumë i nxituar në mënyrën se si i shpreha mendimet e mia. Orët dhe vitet nuk do mjaftonin për të folur për këtë temë. Unë dënoj me forcë çdo lloj forme të racizmit dhe diskriminimit. Abuzimet nuk janë aspak të pranueshme dhe kjo nuk duhet të keqkuptohet”, shkruan Bonuçi.

 

View this post on Instagram

 

Dopo 24 ore desidero chiarire il mio pensiero. Ieri sera ho parlato alla fine della partita e mi sono espresso in modo evidentemente troppo sbrigativo, che è stato male interpretato su un argomento per il quale non basterebbero ore e per il quale si lotta da anni. Condanno ogni forma di razzismo e discriminazione. Certi atteggiamenti sono sempre ingiustificabili e su questo non ci possono essere fraintendimenti. // After 24 hours I want to clarify my feelings. Yesterday I was interviewed right at the end of the game, and my words have been clearly misunderstood, probably because I was too hasty in the way I expressed my thoughts. Hours and years wouldn’t be enough to talk about this topic. I firmly condemn all forms of racism and discrimination. The abuses are not acceptable at all and this must not be misunderstood.

A post shared by Leonardo Bonucci (@bonuccileo19) on Apr 3, 2019 at 1:56pm PDT

Në intervistën pas ndeshjes Bonuçi tha: “Mendoj se faji për këtë është 50 me 50”. Qendërmbrojtësi kritikoi festimin e bërë nga  Ken që bëri pas shënimit të golit.

Reagimet për këtë deklaratë kanë qenë nga më të ndryshmet. Futbollistë si Rahem Stërling, Mario Baloteli  dhe Jaja Ture kanë kritikuar italianin, ndërsa një mënyrë origjinale për të “thumbuar” 31-vjeçarin ka ardhur nga klubi i Dortmundit.

Në llogarinë zyrtare të skuadrës gjermane është postuar një foto të Bonuçit, teksa driblohet nga Marko Rojs dhe në mbishkrim është vendosur një “emoji” e një majmuni.

? pic.twitter.com/eohgsySvnM

— Borussia Dortmund (@BlackYellow) April 3, 2019

Ndërkohë sulmuesi i Mançester Sitit e ka me deklaratën e Bonuçit pas ndeshjes. Mbrojtësi i bardhezinjve u shpreh se një pjesë të fajit e kishte edhe Kean duke e ndarë në 50-50. Nuk është aspak dakord Stërling dhe i drejtohet direkt Leos: “Faji është 50-50 Bonuçi? E vetmja gjë që mund të bësh është të qeshësh.”

Ndërsa Pol Pogba dhe Depaj e kanë me tifozët dhe bëjnë thirrje për ta luftuar këtë fenomen që vetëm e bën pis futbollin dhe jo vetëm.  “Unë mbështes çdo luftë kundër racizmit. Jemi të gjithë të barabartë.”, shprehet Pogba. I ngjashëm është edhe postimi i holandezit, i cili shkruan: “Duhet të flasim. Jemi të barabartë.”

Këto veprime të tij dhe ultrasve të Kaliarit kanë ngjallur reagime. Leonardo Bonuçi e komenton kështu atë që ndodhi:  “Ken e di që kur dikush shënon një gol duhet të festojë me ekipin e tij, por nuk e bëri. Ky është gabimi i tij. Faji ishte 50-50 tek të dyja palët. Ai e di se ka gabuar. Kishte fërshëllima dhe kore raciste pas festës së Ken dhe Matuidi u zemërua. Ne duhet të japim një shembull. Duhet të rritemi mendërisht për të mos ndodhur më këto gjëra”.

Një reagim më të ashpër ka bërë ish-futbollisti i kombëtares italiane, Daniele Adani. Aktualisht opinionist në televizionin “Sky”, ai u tregua i drejtpërdrejtë: “Bëmë një tjetër figurë m*ti. Është një humbje për të gjithë, është diçka e pështirë”.

Këto fjalë kanë ngjallur një debat me presidentin e Kaljarit, Tomaso Guilini. Ai e etiketon Adanin si një moralist dhe mundohet ta mbyllë më lehtë këtë ngjarje në lidhje direkte “Kam dëgjuar tepër moralizma në studio. Po e instrumentalizoni së tepërmi këtë situatë, nuk ndodhi asgjë. Ken gaboi mënyrën e festimit. Ma thanë edhe persona të afërt të Juves.

Është 19 vjeç, mbyllet me kaq kjo histori. Edhe nëse do festonin ashtu Bonuçi apo Bernardeschi, tifozët do silleshin njësoj. Do i fishkëllenin edhe ata, nuk ka lidhje racizmi”. E menjëhershme dhe e ashpër ka qenë përgjigja e Adanit: “Mos më quaj mua moralist. Nuk po sulmoj Kaljarin, por vetëm disa idiotë. Nëse fishkëllen një lojtar me ngjyrë, del nga stadiumi dhe nuk hyn më kurrë, si në Angli”.

Mbrojtësi ka dhënë një prononcim për spanjollen “AS”, aty ku ndalet te Kristiano Ronaldo. Portugezi e ka mahnitur dhe Bonuçi beson fort se me të në ekip Juventusi i ka të gjitha mundësitë për të fituar Champions Ligën. Ky është objektivi madhor dhe 31-vjeçari nuk ka ndërmend të fshihet.

Në fund dhe një koment për dy nga talentët më të mëdhenj të futbollit italian: Zaniolo i Romës dhe Kieza i Fiorentinës. I pari ishte një surprizë e bukur, ndërsa i dyti është përmirësuar shumë kohët e fundit.

CR7 – “Kristiano Ronaldo është një makineri, më i miri në botë. Kur vjen një lojtar si ai, do të thotë që niveli i ekipit është rritur. E vlerësoj shumë qëndrueshmërinë dhe thjeshtësinë e Kristianos. Sapo mbërriti u vu menjëherë në dispozicion të grupit dhe gjen gjithmonë fjalë mbështetëse për shokët e ekipit. Kam mbetur i befasuar nga mënyra e tij e punës: çdo ditë, para dhe pas stërvitjeve, e gjen në palestër. E bëj dhe unë diçka të tillë, por ka raste kur nuk ia del dot ta bësh gjithmonë. Ai është një makineri dhe nuk ndalon kurrë. Atë thjesht mund ta admirosh. Meritonte ‘Topin e Artë’, por jam i sigurt që kjo do të jetë nxitje për ta fituar këtë vit. Objektivi ynë? Fitimi i Champions Ligës dhe nuk duhet e nuk mund t’i fshihemi kësaj.”

TALENTËT ITALIANË – “Kur Mançini grumbulloi në kombëtare Zaniolon, filluam të pyesnim njëri-tjetrin se kush është ky. Megjithatë, i mjaftuan pak seanca stërvitore për të treguar diçka. Talenti i tij po lulëzon. Sa i përket Kiezës, Federiko e ka kuptuar se ku duhet të përmirësohet. Tani është më pak egoist, kërkon më shumë portën dhe shënimin e golit”, ka deklaruar Bonuçi.

Mbrojtësit Bonuçi dhe Kielini nuk do të jenë të gatshëm për këtë ndeshje, ndërsa ka dhe një lajm të mirë. Mario Manxhukiç ka lënë pas krahëve dëmtimin dhe është gati të zbresë nesër në fushë.

Një armë më shumë për bardhezinjtë, me kroatin që është gati të rikthehet te “luftojë” në çdo cep të fushës dhe të bëjë atë që di më mirë, të shënojë gola.

Diferenca me Napolin ndjekës ka shkuar në 11 pikë, por Leonardo Bonuçi ka shqetësuar kampin juventin. Mbrojtësi pësoi një dëmtim në kaviljen e djathtë në minutat e para të ndeshjes, por vendosi të sakrifikojë.

Dhimbjet e mëdha e detyruan 31-vjeçarin t’i linte vendin Kielinit katër minuta përpara fundit të pjesës së parë. Fytyra e Bonuçit tregoi qartë që bëhej fjalë për një dëmtim serioz dhe pas ndeshjes ai është parë me paterica.

Kontrollet e para flasin për një ndrydhje të kaviljes së djathtë, që do e mbajë lojtarin një muaj larg fushave të blerta. Dhimbje koke për trajnerin Alegri, pasi lojtari do të humbasë ndeshjen e parë kundër Atletiko Madrid në Spanjë (20 shkurt), ndërsa do të jetë gati për sfidën e kthimit në Torino (12 mars).

Daniele Fusko është një tifoz i thekur i Milanit dhe në vitin e kaluar vendosi të blinte bluzën e Leonardo Bonuçit, ndërsa në fillimin e këtij sezoni vendosi të blinte bluzën e Higuain. Të dy janë larguar dhe kjo gjë e ka trishtuar Fuskon.

Tifozi ka zgjedhur një mënyrë origjinale për të protestuar për këtë fakt. Ai ka postuar në rrjetet sociale dy foto me bluzat e ish-milanistëve. “I kërkoj zyrtarisht klubit të Milanit dëmshpërblimin e dëmeve”, shkruan në mënyrë ironike Fusko. Ai është gati të blejë një bluzë tjetër, por tashmë duhet të mendohet dy herë para se të zgjedhë emrin e ri…

 

View this post on Instagram

 

C’è qualcuno di voi messo peggio?

A post shared by Rompipallone.it (@rompipallone.it) on Jan 17, 2019 at 5:27am PST

Kundër kuqezinjve është gjithmonë një ndeshje e bukur dhe e vështirë. Diferenca mes ekipeve në kampionat është e madhe, por për Maks Alegrin kjo gjë nuk vlen. Trajneri i “Zonjës së Vjetër” ka folur për “Juventus TV”, duke vlerësuar kundërshtarin, por djemtë e tij janë gati t’u dhurojnë tifozëve trofeun e parë për këtë sezon.

Krahas trajnerit kanë folur dhe Leonardo Bonuçi dhe Emre Çan. Mbrojtësi tregon mënyrën se si i dilet përballë ekipit të Gatuzos, ndërsa gjermani i mesfushës është entuziast dhe i karikuar për këtë ndeshje.

ALEGRI – “Do të jetë një mbrëmje dhe një ndeshje e madhe. Do të tentojmë të fitojmë Superkupën në shtëpi, pasi i kemi humbur dy finalet e fundit. Diferenca e pikëve në kampionat nuk vlen në një ndeshje të vetme dhe fitorja ndaj Milanit do të thotë: rritje e vetëbesimit dhe dërgimi i kupës në shtëpi. Formacioni? Jam i kënaqur me gjendjen e Dagllas Kostës dhe Bernardeskit, të cilët po e marrin veten fizikisht dhe psikologjikisht. Kedira po kthehet lojtari që njohim të gjithë. Milani ka entuziazëm pas fitores në kupë dhe kjo është një ndeshje e rëndësishme për ta. Duhet të bëjmë një ndeshje të madhe, midis dy ekipeve historike.”

BONUÇI – “Kemi shumë dëshirë ta fitojmë trofeun e parë të sezonit dhe kemi ardhur këtu me entuziazëm për të arritur objektivin. Nevojitet një Juventus agresiv dhe i kujdesshëm, sepse Gatuzo e ka treguar se është në gjendje ta bëjë Milanin të luajë bukur dhe të na vërë në vështirësi. Nuk duhet t’u lejojmë hapësira, të mos i lejojmë të mbajnë topin dhe të përfitojmë nga gabimet e tyre. Duam të bëjmë një ndeshje të madhe dhe fakti që stadiumi do të jetë i mbushur plot na karikon.”

EMRE ÇAN – “Është një trofe në mes dhe do të jetë një ndeshje e madhe. Nuk kam qenë më parë në Arabi dhe jam i kënaqur që po e përjetoj këtë eksperiencë. Atmosfera është e shkëlqyer, por do të jetë një finale e fortë. Duhet të jemi të përqendruar që nga fillimi.”

Për sfidën e luajtur një natë më parë, si dhe për situatën aktuale te Juventus, ka folur mbrojtësi, Leonardo Bonuçi. 31-vjeçari ka thënë se shikon vetëm Napolin, si rivalin kryesor të “zonjës së vjetër” në garën për titull, duke mos e përfshirë ekipin e Interit.

“E dinim se Interi ka lojtarë më aftësi individuale të shkëlqyera, të cilët dhe si grup mund të të shkaktojnë probleme. Ishte një ndeshje e vështirë, ku na u desh të rrezikonim për të shënuar dhe gjithashtu patëm fat në disa raste. Juve vërtetoi dhe një herë tjetër se është i uritur për të fituar”.

“Lamë shumë hapësira, duke bërë disa gabime, që mund të na kishin kushtuar, por u mblodhëm dhe në pjesën e dytë bëmë një paraqitje të mirë mendoj. I dhamë një goditje të rëndë shpresave të Interit për titull, por mendoj se Napoli është i vetmi ekip që mund të na shkaktojë probleme”.

Në një intervistë për “Corriere dello Sport” ai flet për lidhjen e tij me Juventusin, të ardhmen si trajner, raportin me Kielinin dhe Barzaljin. Gjithashtu ai komenton edhe Ronaldon si njeri, jo si lojtar.

Leonardo, si ishte dita kur vendose këmbët në dhomat e zhveshjes së Juventusit? Çfarë ndjesie provuat?
-Ishte një ndjenjë e çuditshme. Isha në një vend të ri, por më dukej sikur nuk isha larguar kurrë. Ky stadium, kjo skuadër dhe ky qytet janë shtëpia ime. “Çdo udhëtim e ka një kthim”. Dhe unë jam kthyer. Kam gjetur të njëjtat fytyra, të njëjtat vende dhe të njëjtat përqafime. Është bukur të kthehesh në dhomash e zhveshjes dhe kur të kthesh kokën të shohësh Barzaljin dhe Kielinin.

Çfarë është BBC për ju?
-Është miqësi, është një eksperiencë, është harmoni profesionale dhe njerëzore. Është sinergji, kjo është e gjitha. E kemi parë në vitet kur fituam së bashku, luajtëm së bashku dhe jetuam së bashku. Ne të tre dhe B-ja e madhe e shtypit që duhet të shtohet, ajo e të madhit Xhixhi Bufon

Ronaldon ne e shohim në fushë, por si është ai si njeri?
-Një djalë i përulur, i disponueshëm, një stimul për të gjithë ne. Kur sheh një lojtar klasi të stërvitet me intensitet, me dëshirë, me qëndrueshmërinë që ka në moshën 33-vjeçare pasi ka fituar pesë “Topa të Artë”, mund ta admironi dhe të përpiqeni ta kopjoni. Në nivelin e qëndrueshmërisë, profesionalizmit, me praninë e tij në fushë dhe në dhomat e zhveshje, Ronaldo mund t’iu mësojë shumë.

Si e imagjinoni të ardhmen tuaj?
-Ëndrra ime është të bëhem trajner i rëndësishëm i një skuadre të madhe, mundësisht i Juventusit. Kjo është arsye pse unë jam duke vëzhguar dhe duke vënë mënjanë sekretet e trajnerëve të ndryshëm. Më pas do përpiqem të marr më të mirën nga vetja ime. Ka shumë njerëz që më thonë: “Ti do bëhesh trajner”. Në fakt kjo ka qenë diçka që unë kam qenë duke e menduar prej vitesh. Do ishte mirë të vazhdoja në futboll kështu, ndoshta te Juventusi im.

Bie në sy prezenca e 6 lojtarëve, të cilët janë aktivizuar sezonin e kaluar në Premier Ligë. Një statistikë aspak e mirë kjo për kampionat anglez të futbollit. Bonuçi gjithashtu është pjesë e formacionit, Uesli Shnajder bie në sy po ashtu, apo dhe braziliani Ganso.

Në portë Karius, i cili besoj nuk ka shumë nevojë për koment pas paraqitjes që dhuroi në finalen e Champions. Mbrojtja me 3, teksa janë vendosur Lindelof i Mançester Junajtid, Bonuçi dhe Hauedes, i cili nga ana tij thuajse nuk zhvilloi asnjë ndeshje me fanellën e Juventus.

Mesfusha vijon me Bakajoko dhe Shnajder në qendër. Nga krahët, braziliani Ganso dhe Ozil. Ganso u transferua me bujë nga Brazili, por ka rezultuar një dështim i madh. Madje këtë sezon është transferuar në huazim tek francezët e Amiens nga Sevilja. Ozil padyshim pjesë e këtij formacioni dhe nga paraqitja e dobët në Botëror, por edhe fakti që Arsenal nuk arriti në zonën Champions ndikon.

Në majë të sulmit janë Vieto dhe Ihenaço, të cilët mbështeten nga lojtari që paguhet më shumë tek Mançester Junajtid, pikërisht Aleksis Sançez. Sezon zhgënjyes totalisht për kilianin me fanellën e “djajve”, ku dhe ka që ne muajin mars pa gjetur rrugën e golit.

“Djemtë ishin të shkëlqyer, pasi po paraqiteshin mirë deri në momentin e largimit të Ronaldos. Pasi shënuam rrezikuam pak, ose fare. Pamë një Juventus që kur duhej të luante futboll e bënte këtë, ndërsa kur u desh të mbrohej mirë e bëri”, është shprehur fillimisht Alegri.

Më tej ka shtuar: “E kuqja e Ronaldos ka marrë vëmendjen e të gjithëve. Unë mund të them se VAR-i mund ta kishte ndihmuar arbitrin për të marrë një vendim të drejtë. Të ngelësh me 10 lojtarë nga minuta e 29-të për një episod, sigurisht që ndjen keqardhje. Kjo pasi rrezikuam shumë”.

Për takimin foli edhe Leonardo Bonuçi, një nga liderët e mbrojtjes së bardhezinjve:“Provuam që jemi ekip, pavarësisht vështirësive. Përballuam ritmin dhe morëm një fitore shumë të rëndësishme”.

Mbrojtësi foli edhe për ndëshkimin e Ronaldos: “Duhet që ne të mos biem pre e provokimeve, por të jemi të fortë ndaj të gjithëve dhe gjithçkaje. Kristiano ishte i zemëruar. Për fat të keq edhe arbitri nuk e pa mirë episodin”.

PSG e kërkon më ngulm, ndërkohë që edhe Befon ua ka sugjeruar mbrojtësin italian francezëve. Menaxheri i Bonuçit po punon për të arritur edhe marrëveshjen me kampionët e Francës dhe nga ajo që raportohet pritet që qendërmbrojtësi të përfitojë dhjetë milionë euro, si dhe do të ketë bonuse në bazë të objektivave të arritura në fund.

Bonuçi nëse transferohet do ketë mundësinë të luajë në Champions, si dhe të luftojë për titullin kampionat. Të gjithë këto e bëjnë atë që të mendohet mirë dhe të pranojë një lëvizje jashtë Italisë, që do të ishte e para për të. Për 31-vjeçarin Milani ka paguar 42 milionë euro vjet, ndërkohë që tanimë ai ka një çmim fillestar prej 35 milionë eurosh. Në fillim të javës së ardhshme PSG do të dorëzojë edhe ofertën zyrtare te kuqezinjtë.

PISTA MORATA  -Të hënën Fasone e Mirabeli kanë qenë në Londër dhe kanë darkuar me Moratan, i cili ka dhënë miratimin për transferimin te kuqezinjë, kjo edhe pse për faktin se Aliçe, e fejuara nga Venecia e spanjollit, pret të lindë dy binjakë. Periudha më e mirë e sulmuesit spanjoll ka qenë te Juventusi, ndërsa te Reali u kthye në rezervë. Edhe më keq te Çelsi, ku pati probleme fizike dhe humbi vendin në formacion, duke pasur rendiment të ulet, çka e la jashtë Kupës së Botës. Kthimi në Itali do ishte i mirëpritur, për të rigjetur maksimumin, sepse Milani i garanton vend në formacionin titullar.

Problem është çmimi, Çelsi kërkon 60 milionë euro. Gjithçka mund të zhbllokohet nga transferimi i Higuainit në Londër dhe nëse Morata i kërkon klubit ta shesë te Milani, çmimi mund të ulet për të shmangur përsëritjen e historisë së Diego Kostës. Milani, nga ana e vet, nuk lëviz dot pa miratimin e pronarëve të rinj, si dhe pa shitur Bonuçin, Suson, apo Donarumën.  Por ka edhe një ie tjetër: Milani mund të propozojë edhe një shkëmbim kokë më kokë Morata-Donaruma, duke qenë se Çelsi po shet belgun Kurtua te Reali.