”Nuk pendohem për asgjë. Është e vështirë të them diçka rreth sezonit të kaluar, por unë e përsëris atë që kam thënë. I besoj këtij ekipi, lojtarëve, stafit trajnues dhe nuk kam asnjë dyshim se së bashku do të luftojmë për gjithçka. Sezoni përfundoi pak i hidhur për mënyrën se si ndodhi, por unë mendoj se ju duhet t’i japim vlerë kampionatit që fituam. Tetë në 11 vjet. Kkjo do të ishte arritje e jashtëzakoshme për çdo klub. Ishte shumë e rëndësishme ajo që u bë. Ndoshta sot ne nuk i japim asaj vlerën që meriton, por disa vite më vonë do ta kuptojmë se sa e vështirë është”, u shpreh Mesi, që është kthyer pas pushimeve me skuadrën dhe është në stol në ndeshjen ndaj Arsenalit.

“Klubi nuk ka projekt, s’ka një model që duhet ndjekur. E vetmja strategji i Bartomeut gjatë viteve të fundit ka qenë shpenzojë para që realisht klubi nuk i përballon dot për lojtarë që kanë dështuar krejtësisht. S’po punojmë më me “La Masian”. Në kohën time kjo ishte diçka thelbësore. Na u desh të ishim të duruar dhe t’u jepnim mundësi shumë lojtarëve”.

“Situata financiare e klubit është delikate. Barcelona gjithmonë ka blerë lojtarët më të mirë, por ka pasur gjithmonë një planifikim financiar. Bartomeu po falimenton klubin. Pse mendoni se është shtyrë projekti për rinovimin e Camp Nou”.

REAL MADRID –“Ata po shpenzojnë shumë të mëdha parash. Duan vetëm suksesin në Champions, nuk u interesojnë fare kampionati ose kupa. Nuk është një model që më pëlqen mua, por s’mund ta mohoj se kanë pasur një sukses të pabesueshëm gjatë viteve të fundit”.

“A të ndihmon stërvitja me Mesin? Ndonjëherë po, e ndonjëherë jo. Mesi është Mesi. Ai mund të të shndërrojë në një portier shumë të mirë, por edhe mund të të bëjë të dyshosh në aftësitë e tua”, u shpreh Cilesen, që këtë verë u transferua nga Barça te Valencia, pas një shkëmbimi me Neton.

https://twitter.com/barcacentre/status/1155604879458615296?s=20

Në video të shpërndara në rrjetet sociale shikohen momentet e panikut që përfshinë futbollistin e famshëm. Menjëherë pas incidentit Mesi o shoqërua jashtë ambienteve të koncertit,

https://twitter.com/barcacentre/status/1155606804811976706?s=20

I këtij mendimi është edhe Samuel Eto, ish-shoku i argjentinasit në dhomat e zhveshjes. Kamerunasi shprehet se niveli i Hazard është pranë atij të Mesit dhe se belgu duhet të fitojë një ditë “Topin e Artë”.

“Hazard duhet të fitojë Topin e Artë. Ai nuk është vlerësuar mjaft, por tani është në një nga skuadrat më të mira në botë dhe të gjithë sytë do të jenë në të. Është afër nivelit të Mesit dhe shpresoj që kur ai të luajë ndaj Barcelonës, të mos jetë në maksimumin e formës së tij”, deklaroi kamerunasi.

Ishte gushti i vitit 2000, kur 13-vjeçari Leo Mesi erdhi për të kryer një provë një javore në klub, gjatë së cilës shkëlqeu dhe mahniti trajnerin Abrahamian.

“Mesi krijoi një impakt që në stërvitjen e parë. Ai ishte shumë i vogël, por mua nuk më interesonte madhësia e tij, por aftësitë teknike, që i kishte me shumicë. Ai ishte mbresëlënës dhe shënoi 12 gola brenda 3-4 ditësh. Lajmërova drejtorin e përgjithshëm të klubit dhe i thashë të vinte të shihte djaloshin, i cili kishte diçka befasuese si: kualitetin teknik, shpejtësinë dhe mënyrën se si i shmangte kundërshtarët.

Drejtuesit duhet të flisnin me të atin për ta sjellë atë në klub. Unë e dëshiroja Mesin te Riveri, por drejtuesit duhet të akomodonin të atin dhe familjen e tij. Nuk mund të shohësh çdo ditë një lojtar si Leo, i cili bënte diferencën dhe ishte i jashtëzakonshëm. Ai luante futboll me gëzim dhe freski, por kishte disa gjëra që duhet të zgjidheshin”, tregon Abrahamian, i cili ishte personi që i ngjiti Mesit nofkën “Pleshti”.

“Isha i bindur, që ai mund të luante në nivele të larta dhe i thashë klubit që lojtari ka cilësi të mëdha, por ata më thanë që kanë disa lojtarë si ai në ekip. Riveri nuk e kuptoi që investimi për të ishte pothuajse asgjë. Kur Boka Zhuniors investoi te Maradona, ai luante në kategorinë e parë me Argjentina Zhuniors.

Por, Boka investoi te Diego dhe pagoi për të dhe Riveri duhet të kishte bërë të njëjtën gjë me Mesin”, përfundon Eduarto Abrahamian. Me 17 shtator të vitit 2000, Mesi udhëtoi drejt Barcelonës, për të kryer një test të ngjashëm me atë te Riveri. Ai shkëlqeu në provën e klubit katalanas dhe dihet se çfarë ndodhi më pas, ku ndryshoi historia e Barcelonës dhe e futbollit botëror.

Një mënyrë shënimi që 34-vjeçari ka ngelur pak mbrapa nga Mesi, ndërkohë që ky i fundit e ka çuar në një dimension tjetër këtë model goli. Me rrjetën e fundit juventini shpreson të hapë serinë e shumë të tjerëve për të kapur Leon. Megjithatë në numra të përgjithshëm Ronaldo qëndron akoma më sipër mesit me 55 gola, kundrejt 48 të argjentinasit me goditje dënimi.

“Do të jetë e mahnitshme të luaj bashkë me të. Mezi pres të shoh sesi është ai në jetën e përditshme, çfarë i pëlqen në stërvitje. Dua ta shoh atë që bën në stërvitje dhe të provoj ta përsëris ose ta bëj atë në mënyrën time. Dua ta njoh atë jashtë fushe. Mezi pres që ai të vijë. Nuk jam person i vështirë. Më pëlqen të jem i rrethuar nga njerëz. Jam i sigurt se çdo gjë do jetë shumë mirë”, u shpreh Grizman.

Në një intervistë, Van Dajk na dëshmon se ka filluar t’i pëlqejë ideja se mund të fitojë Topin e Artë, ndryshe nga ç’tha pas finales së Champions League. Mbrojtësi deklaron se është koshient që ka bërë një sezon të madh dhe mendon se ka ardhur koha ta fitojë një mbrojtës atë çmim.

“Është nder që njerëzit flasin për mua në garën për Topin e Artë, por unë nuk kam asgjë në dorë. Nuk e mohoj se kam pasur një sezon të mirë atë të kaluarin, por e vetmja gjë që mund të bëj tani është fokusi në sezonin e ri. E kuptoj faktin se sulmuesit apo numrat ‘10’ fitojnë këto çmime sepse janë më të bukur për t’u parë. Megjithatë, mendoj se ka ardhur koha ta ndryshoj atë”, u shpreh 28-vjeçar.

Në vendin e dytë si lojtari me më shumë çmime “Lojtari i Ndeshjes” është Kristiano Ronaldo me 125. Disi e madhe diferenca mes tyre, duke parë që arritjet e portugezit nuk kanë qenë aspak të vogla.

Dy legjendat janë të vetmit që e kalojnë numrin 100. Në vendin e tretë është Eden Hazard. Ish-ylli i Çelsit numëron 93 herë të ketë qenë lojtari i ndeshjes. Më pas vjen Zlatan Ibrahimoviç e Nejmar. Më poshtë ju njohim me listën e 10 më të mirëve në këtë aspekt:

1. Lionel Mesi – 225
2. Kristiano Ronaldo – 125
3. Eden Hazard – 93
4. Zlatan Ibrahimoviç – 89
5. Nejmar – 65
6. Luis Suarez – 65
7. Garet Bejl – 62
8. Antuan Grizman – 58
9. Arturo Vidal – 53
10. Marko Roish – 50

“Një mik nuk ka gjithmonë të drejtë vetëm për shkak se është një i tillë. Mesi mund ta ketë thënë atë në moment nxehtësie, por unë përsëri nuk pajtohem me fjalët e tij. Së pari, sipas mendimit tim ai ka treguar mungesë respekti ndaj një institucioni si Seleçao.”

“Së dyti, ai nuk ka respektuar ato profesionistë, që lënë gjithë ato gjëra pas për të qenë aty, duke luftuar për ëndrrën e tyre. Unë nuk jam ai shok që tregon gjithmonë të vërtetën kur është e duhur për të. Mendoj se Mesi gaboi kur foli në këtë mënyrë”, deklaroi Dani Alvesh.

“CONMEBOL”, institucioni që qeveris futbollin amerikano-jugor u shpreh shumë i indinjuar me deklaratat e Mesit. Në një komunikatë për shtyp,“CONMEBOL” i cilësoi të papranueshme deklaratat e argjentinasit.

Në ditët në vazhdim pritet që të merret një vendim mbi pezullimin e “pleshtit”. Rregullorja e “CONMEBOL” është e qartë. Lojtarët ose zyrtarët që lëshojnë deklarata fyese ndaj integritetit të garës mund të dënohen deri në dy vite përjashtim nga eventet e “CONMEBOL”.

Mbetet për t’u parë se sa striktë do tregohen zyrtarët e konfederatës amerikano-jugore, megjithëse shumë ekspertë janë të mendimet se për një konflikt i hapur midis “CONMEBOL” dhe Mesit do sillte dëne të mëdha për të dy palët.

“S’ka asgjë për të shqetësuar, e kemi parë dhe herë të tjera këtë gjë. Gjithmonë them të vërtetë pasi kjo më bën të ndihen më i qetë. Mendoj se kjo ndodhi për shkak të atyre qe thashë, ndoshta ky ishte çmimi që duhet të paguaja. Gjithçka mund të mbyllej aty me vetëm një karton të verdhë”.

PËRSE NUK SHKUAT TË MERRNIT MEDALJEN?

“Ndikuan nga pak të gjitha. Nuk kemi përse të jemi pjesë e këtij korrupsioni, e kësaj mungese respekti për të gjithë turneun. Jemi për më shumë se kaq. Korrupsioni, arbitrat dhe të gjitha këto nuk i lënë njerëzit të marrin pjesë në futboll, në spektaklin e këtij sporti, kështu e rrënojmë nga pak”.

AKUZAT NDAJ BRAZILIT –  “Nuk kam asnjë guxim, e gjitha kjo po bëhet për Brazilin. Shpresoj që VAR dhe arbitrat të mos ndikojnë në finale në mënyrë që Peruja të ketë një shans për të konkurruar. Kanë një ekip të mirë, por e shoh të vështirë”.

MEDEL – “Medel i tillë është gjithmonë, bën çdo gjë deri në limite, ka bërë shpesh sherre. Gjithsesi siç e thashë me një të verdhë gjithçka mund të mbyllej aty”.

Siç zbulon “Sport.es”, dy yjet e futbollit botëror janë takuar për të diskutuar rreth të ardhmes së Nejmar. 27-vjeçari ka konfirmuar dëshirën për të zbarkuar përsëri në Barcelonë. Ndërkohë, Mesi nga ana e tij është munduar t’i shpjegojë se të gjithë në “Camp Nou” e duan ardhjen e Nejmar dhe janë në pritje të tij.

Nëpërmjet kësaj bisede, Nejmar e ka kuptuar se në Barcelonë e duan ende dhe është bindur plotësisht për t’u kthyer. Një prej tridentëve më të frikshëm në histori, “MSN” është në proçes ribashkimi. Presim spektakël!

Pavarësisht kushteve tepër të vështira të fushës, e cila është e mbuluar nga balta, Leo e çon ekipin e tij drejt fitores. Luan kundër kundërshtarëve të betuar të El Toro. Rezultati i pjesës së parë është 0-2 për këta të fundit. Leo bashkë me shokët nuk dorëzohet dhe jep gjithçka në pjesën e dytë, duke e kthyer në 3-2.

Është e njëjta prekje e ëmbël e topit, i njëjti kontroll virtuoz dhe altruizëm si të mos kishte ndryshuar asgjë. Magjik!

Megjithatë, pas kaq e kaq shumë kohësh, ka zhgënjyer dhe vetë ai. Në takimin e “Copa America” ndaj Katarit, argjentinasit iu dha një shans i shkëlqyer për të çuar shifrat në 2 – 0, por si rrallëherë e majta e “pleshtit” e fluturoi topin mbi traversë. Fundja, askush nuk është perfekt.

https://twitter.com/AyodejiX2/status/1142901006952517633

Më shumë nga të gjithë këtë e vuan Leo Mesi. Prej më shumë se një dekade “pleshti” akuzohet nga bashkëkombësit për lojë me dy standarde. Në një intervistë të dhënë së fundmi, Serxho Aguero foli në lidhje me këtë presion që shoqëron Mesin prej vitesh.

“Dua më shumë të fitoj një trofe për Mesin se sa për veten. E them për këtë pasi ai po e vuan këtë prej shumë kohësh. Shpresoj që një ditë të ndodhë. Ai e ëndërron këtë, ashtu si të gjithë ne tek Argjentina”.

Ndërkohë edhe Van Dijk ka bërë një sezon të artë me Liverpulin. Ai ka treguar se është një mburojë e fortë në mbrojtje dhe ka cilësitë e një lideri. 27-vjeçari nuk është dribluar asnjë herë këtë sezon.

Kjo ka ndodhur prej aftësive të mëdha, por edhe kujdesit, që ai ka për të hyrë në duele një me një. Ndryshe nga Mesi, Van Dijk nuk do kishte arritur gjë pa ndihmën e skuadrës. Fitimi i Champions League e favorizon jo pak.
Rikardo Kaka ka folur rreth kësaj çështje dhe si duket ka parë pak më shumë se ç’duhet Premier Ligën këtë sezon, duke humbur kështu magjitë e Mesit. Ose ngaqë Leo ka një dekadë që mrekullon, tashmë Kakasë nuk i bën përshtypje.

Ai mendon se argjentinasi nuk ka bërë sa Van Dijk për të fituar “Topin e Artë”. “Do të shohim kohën e mbetur se çfarë do të ndodhë. Gjatë bisedave të ndryshme kam analizuar se Van Dajk meriton të fitojë atë trofe individual. Pati një sezon të shkëlqyer dhe fitoi Champions League, duke luajtur në mënyrë të çmendur. Mendoj se ka ardhur koha ta fitojë një mbrojtës”, u shpreh Kaka.

Megjithatë, Taliafiko mundohet ta largojë presionin nga vetja dhe shokët e kombëtares. “Do përpiqemi të luajmë sa më mirë në Kupën e Amerikës, por asnjëri nuk po mendon për fitimin e këtij kompeticioni. Thjesht do shkojmë të japim versionin tonë më të mirë. Kjo kombëtare është në një periudhë tranzicioni dhe qëllimi parësor është të formojmë një grup cilësor.”

Më pas ndalet te Mesi dhe presioni i madh mbi supet e “pleshtit”. Tifozët kërkojnë me ngulm një trofe të munguar që nga vitet e arta të Maradonës dhe Mesi shihet si përgjegjësi kryesor i kësaj thatësire. Taliafiko mendon ndryshe. Thotë se e gjithë skuadra duhet të punojë për të mos peshuar i gjithë presioni mbi kapitenin. Shprehet se Leo duhet të jetë më i lirshëm dhe të ketë mundësi të gëzojë çdo moment.

Më pas lë të nënkuptohet se e ardhmja e tij nuk do të vazhdojë në “Johan Cruyff Arena” pas sezonit të ardhshëm. Gjithsesi, për momentin është i lumtur. 26-vjeçari mendon se është pjesë e një prej skuadrave më të mira të kontinentit dhe është shumë i lumtur me Amsterdamin dhe njerëzit që e rrethojnë në klub

 Argjentinasi nuk mendon kështu. Ai nuk i lë përgjegjësi trajnerit, por shprehet se disfata erdhi nga faji i djemve, që ishin në fushë. Shprehet se ka qenë tepër e vështirë për të marrë veten pas asaj humbje. Trofetë indivudualë nuk janë pjesë e mendimeve të tij. “Pleshti” dëshiron të çojë një trofe tjetër në shtëpi për të gëzuar sadopak tifozët.

PAS LIVERPULIT- “Ka qenë shumë e vështirë për t’u ngritur pas asaj disfate. Është parë në ndeshjen pas Liverpulit, që mu desh të luaja. Goditja ishte shumë e madhe, vërtet. Tani vjen një finale dhe mundësia për të bërë dopietë. Ta mbyllim mirë pavarësisht sesi shkuan gjërat. Si në të gjitha finalet ku shkojmë ne do mundohemi ta fitojmë dhe këtë.”
KRITIKAT NDAJ VALVERDE- “Nuk kam lexuar shumë rreth kritikave ndaj trajnerit. Mendoj se ka bërë një punë të mrekullueshme sa ka qenë këtu. Ndaj Liverpulit nuk ka qenë faji i tij. Nuk mund të kalojmë te rasti i njëjtë i Romës, por luajtëm një tjetër ndeshje për të ardhur keq. Kemi lënë një imazh jo të mirë në dy vite rresht. Të ishim në finale nuk do ta lejonim kurrsesi të ndodhte kjo.

Trajneri ka një pjesë të tij, por gabimi më i madh ishte joni. Dua që Ernesto të vazhdojë. Ndoshta disa nuk e duan, por ne kemi fituar dopietën. Njolla e tij tek tifozët është mënyra sesi jemi eliminuar në Champions këto dy vite. Tani luftojmë për një tjetër dopietë, që nuk është sukses i vogël. Pjesa dërrmuese e sezonit ka shkuar shumë mirë për ne.”

LARGIM?- “Eliminimi nuk më bën të mendoj të lë Barçën.”

PREMTIMI-“Unë premtova se do fitojmë Champions-in? Nuk më vjen turp për këtë. Thashë se do të bëjmë çdo gjë, që është e mundur për të sjellë atë trofe këtu, jo do e sjell.”

TROFETË PERSONAL-“Nuk mendoj rreth Këpucës së Artë. Nuk është në kokën time. Ne po mundohemi të marrin veten pas asaj disfate dhe nuk mendoj asnjë trofe personal, por të fituarit kupën.”

Është pikërisht “pleshti” argjentinas, që sipas “Fox Sports”, anullon operacionin e blerjes së kampionit të botës. Leo dëshiron diçka tjetër, një golashënues të madh. Ai do yllin e Totenhemit, Herri Kejn. Mësohet se Leo i ka kërkuar drejtuesve të orientohen në blerjen e anglezit.
Gjithashtu i është shprehur Valverdes të organizojë një skemë të re 4-3-1-2. Mesi do të qëndronte para dyshes Kejn-Suarez për t’i dhuruar sa më shumnë topa atyre. Kështu Barça do të kishte dy “vrasës” para portës.

Një intervistë e ish-futbollistit kolumbian Fabian Vargas ka nxjerrë në dritë një veprim të admirueshëm të bërë nga pleshti.

Duhet të kthehemi pas në kohë, në vitin 2010. Vargas luante me Almerian dhe Kolumbia po merrte veten nga një fatkeqësi natyror. Një sezon shirash i pazakontë rezultoi fatal për jetën e 300 kolumbianë. Përmbytjet që gllabëruan gjithë vendin lanë 1.5 milionë vetë të pastrehë dhe sollën një dëm kolosal prej 6 miliardë dollarësh.

Vargas mendoi një ide gjeniale për të mbledhur fonde në ndihmë të bashkatdhetarëve të tij. Në një intervistë për “El Pais”, ish-futbollisti tregoi bisedën që ai dhe “pleshti” patën në tunelet e “Camp Nou” para zhvillimit të një ndeshje.

“Po përgatisja një fushatë për mbledhje fondesh për të prekurit nga përmbytjet në Kolumbi. Përfitova nga fakti që luanim kundër Barcelonës dhe i shkova t’i flisja Mesit para ndeshjes. I kërkova nëse mund të më jepte fanellën e tij, por edhe atë të Ksavit dhe Iniestës, i shpjegova që të tre bluzat do vendoseshin në ankand dhe të ardhurat do shkonin për të prekurit nga tragjedia. Ai më tha: Po patjetër, do të jap dhe të tjera”.

“Megjithatë, u futëm në lojë dhe u turpëruam. Barcelona na mundi  8 – 0. Isha aq i nevrikos pas ndeshjes saqë harrova bisedën për fanellat. Shkova më pas në dhomat e zhveshjes kur pak minuta më vonë, përgjegjësi  i bazës materiale, më thotë me një zë të hutuar: Hej Mesi është jashtë derës dhe të kërkon ty.

“Dola jashtë dhe ai kishte kishte një çantë me vete. Më tha: Kaq mund të të sjell. Brenda secilës ishte fanella e tij sëbashku me atë të Ksavit, Iniestës, Dani Alvesh, Pike dhe Pyjol. S’do ja harroj kurrë këtë veprim. Prandaj shpresoj që të vazhdojë të thyejë çdo rekord të mundshëm”, përfundoi kolumbiani.

Ditën e sotme bëhen plot katër vite nga ai moment. Një ndër mediet më të njohura sportive në botë “Bleacher Report”, ka përkujtuar këtë moment me një fotomontazh në Instagram, ku Boateng shihet të ketë veshur patina, ndërsa fusha e blertë është zëvendësuar me një shtresë akulli.

Në shkrimin që shoqëron foto, shkruhet: Në këtë ditë në 2015-ën, Leo Mesi vuri Zherom Boateng në patina.

Nuk ka munguar përgjigja e Boateng, i cili ka kthyer përgjigjen perfekte: Fatmirësisht nuk i vesha patinat në 2014-ën! Shkroi gjermani duke i kujtuar të gjithëve triumfin në Botërorin e 2014-ës, ku Gjermania mundi Argjentinën në finale.

https://www.youtube.com/watch?v=rIaeGsnHWnA

Barezi i famshëm ka folur në programin “Tiki Taka” për duelin e madh që ekziston mes fenomenit të Barcelonës dhe yllit të Juventusit. Më pas një koment për Interin dhe hera e parë që bie dakord me Uanda Narën, gruan dhe agjenten e Mauro Ikardit.

Fotot e çiftit sollën kritika të shumta, por një tipi si Kasano as që ia ndjen për jetën private të të tjerëve. Rëndësi ka që Ikardi të shënojë gola, ndërsa jashtë fushave mund të bëjë ç’të dojë.

“Mesi dhe Ronaldo janë dy gjëra të ndryshme. Çdokush është me fat që po shijon numrin 10 të Barcelonës. Interi? Zikaltrit nuk janë Barça. Nuk kanë lojtarë që mbajnë topin dhe nuk mund të luajnë me dy lojtarë që nuk mbrojnë. Spaleti ka luajtur gjithmonë me një pykë. Po të isha unë, do i aktivizoja bashkë Ikardin me Martinez.

Fotot e Ikardit? Për herë të parë jam dakord me Uandën. Një person mund të bëjë çfarë të dojë me jetën e tij, mjafton që të luajë mirë dhe të shënojë gola në fushën e blertë.”

Bëhet fjalë për komunën e Rekanatit, vendi ku më shumë se më shumë se 155 vite më parë lindi stër-stërgjyshi i Leos, Anxhelo Mesi, i cili më pas mori rrugën e emigrimit për në Amerikën e Jugut si shumë italianë të tjerë të asaj kohe.

Drejtuesit e Komunës, ndoshta të shtyrë nga paraqitje fenomenale e 31-vjeçarit kundër Liverpulit menduan për një dhuratë të veçantë: Një certifikatë votimi!

Në postën e argjentinasit ka mbërritur ky dokument i nënshkruar nga komuna, që i lejon atij të votojë në zgjedhjet komunale të këtij vite, por edhe në zgjedhjet e vlefshme për parlamentin evropian.

Përveç talentit unik dhe faktit që askush nuk e luan futbollin si ai, 31-vjeçari vlerëson edhe një cilësi tjetër të kapitenit. Më pas zhgënjimi që mban emrin Juventus. Vidal ka luajtur për 4 sezone me bardhezinjtë dhe sivjet i kishte menduar në finale.

Nuk ndodhi kështu, Ajaksi i la në shtëpi dhe diçka e tillë e ka befasuar jo pak lojtarin e Barcelonës.

“Leo është një futbollist i jashtëzakonshëm. Jo vetëm shënon dhe dhuron asiste, por na ndihmon shumë edhe në fazën defensive me presingun e tij. Fakti që luaj përkrah tij më bën të lumtur. Juventusi? Jam befasuar nga eliminimi i tyre. Isha i sigurt që Juvja do të mbërrinte në finale, por qëlloi një zhgënjim i madh”, përfundon Arturo Vidal.

Ylli argjentinas shënoi dy gola në fitoren 3-0, pasi Suarez zhbllokoi shifrat në pjesën e parë. Goli i dytë i Mesit ishte magjik. Për të komentuar një kryevepër të tillë nevojitet komenti dhe ndjesia e një prej atyre që e njohin në perfeksion mjeshtërinë e goditjeve të dënimit.

Aleks Del Piero ka realizuar plot eurogola të tillë, por ai i mbrëmjes së kaluar është special. Italiani i famshëm ka folur për “Sky Sport” për golat e Mesit dhe paraqitjen e tij fantastike në ndeshjen e parë gjysmëfinale.

Thellësisht i mrekulluar me çfarë ka shijuar, ish-kapiteni legjendar i Juventusit gjen kohë të bëjë shaka për numrin 10 të Barcelonës, ndërsa nuk i kursen elozhet për të.

“Çfarë mund të thuash? Mendoj se Mesi ishte i pushtuar nga djalli në këtë ndeshje. Edhe goli i parë i Leos nuk ishte i lehtë. Shikoni me çfarë ëmbëlsie e kontrollon topin që kthehet nga traversa. Sa i përket golit të dytë nga 27 metra, të godasësh me atë preçizion dhe forcë (91 km/h shpejtësia e topit) është çmenduri. Kur ke në ekip lojtarë të këtij niveli, në një mbrëmje Championsi ata ta fitojnë ndeshjen të vetëm. Alison? Nuk u vendos mirë, por sinqerisht mendoj se edhe me një lojtar më shumë në mur, asgjë nuk do të kishte ndryshuar. Mesi analizoi situatën dhe gjeti zgjidhjen. Sërish do të kishte shënuar”, përfundon Aleks Del Piero.

Kjo dekoratë në përgjithësi i akordohet individëve jashtë botës së sportit, por Leo është një përjashtim. Çmimi do t’i dorëzohet Mesit në mesin e muajit të ardhshëm. Motivi i dekorimit të argjentinasit me këtë çmim ishte: “I njohur si futbollisti më i mirë i të gjitha kohërave, Leo Mesi mishëron atribute të mëdha sociale e sporive. Ai simbolizon përulësinë, ndershmërinë, të mësuarit, kreativitetin, shpirtin e ekipit dhe respektin.”

Ekipi i Valverdes u kualifikua me rezultatin e përgjithshëm 4-0 dhe e rëndësishme është që mbrojtja nuk pësoi asnjë gol në të dyja sfidat. Mesi është treguar modest si gjithmonë, komenton golat dhe fitoren kundër “Djajve të Kuq” dhe flet për kundërshtarin e ardhshëm në Champions, që me shumë mundësi do të jetë Liverpuli i Jurgen Klopit.

“Te goli i parë gjuajta fort dhe shënova, ndërsa te goli i dytë isha me fat. E rëndësishme është që e përmbushëm objektivin tonë. Treguam se kush jemi, minutat e para ishim pak nervozë, por më pas morëm kontrollin e ndeshjes dhe shijuam një mbrëmje fantastike.

Liverpuli apo Porto? Është e vështirë të luash kundër të dyja këtyre skuadrave dhe do të jenë dy gjysmëfinale të mëdha. Do të jetë shumë e komplikuar për të siguruar një vend në finalen e madhe. Duhet të mendojmë për kampionatin, t’i marrim ndeshjet një nga një dhe të jemi gati për dy ndeshjet gjysmëfinale”, përfundon Leo Mesi.

Gjatë karrierës së tij si futbollist profesionist, Mesi, ka shënuar 48 gola me goditje dënimi. Në një studim të bërë nga revista franceze “Onze Mondial”, Mesi mban vendin e 13-të përsa i përket renditjes së përgjithshme të golave të shënuar nga goditjet e dënimit.

Si për ironi mbi të është Kristiano Ronaldo, i cili ka regjistruar 53 gola, por duhet thënë se në shtatë vitet e fundit portugezi ka pësuar një regres të frikshëm, duke shënuar vetëm 10 goditje dënimit, ndërsa në të njëjtën kohë Mesi ka realizuar më shumë se dyfishin e Luzitanit: 24.

Voici le classement des joueurs ayant inscrit le plus de coups francs en carrière ! ? pic.twitter.com/DEOS1bNob8

— Onze Mondial (@OnzeMondial) April 5, 2019

Tri vendet e para të listës i mbajntë tri brazilianë: Ronaldinjo (66), Pele (70) dhe Zhuninjo me një rekord prej  77 golash, ky i fundit njihet si një eksperti numër një i goditjeve të dënimit në të gjithë historinë e futbollit. Janë të shumta rastet kur braziliani nderonte Lionin ose Brazilin me ekzekutime perfekte. Largësia nga porta nuk përbente problem për Zhuninjon, ai dinte gjithmonë si të gjente rrugën e rrjetës.

Në 28 ndeshje “pleshti” ka gjetur 32 herë rrugën e rrjetës, duke qenë lojtari kyç në çdo ndeshje të katalanasve. Kjo ecuri e mirë ka bërë argjentinasi të thyejë një tjetër rekord të Kristiano Ronaldos.

Portugezi ka shënuar 19 gola në Itali, një shifër që do ishte e kënaqshme për çdo sulmues, por  jo për standardet që “CR7” na ka mësuar të shohim në dekadën e fundit. 34 vitet e luzitanit po bëjnë të vetëm, mjafton të themi se në dy sezonet e fundit ai nuk e ka kaluar shifrën e 30 golave.

415 – Messi is now the top goal-scorer ever in the Top 5 European leagues (415), ahead of @Cristiano (414). Legend. pic.twitter.com/JGxyP3Am61

— OptaJose (@OptaJose) April 3, 2019

Me golin që Mesi shënoi ndaj Vijarealit ai kaloi rekordin e Ronaldos përsa i përket golave të shënuar në pesë kampionatet elitare (Itali, Angli, Spanjë, Gjermani, Francë), duke shënuar regjistruar shifrën 415 finalizime. Për të kaluar rekordin e përgjishëm të Ronaldos, Mesit i duhen dhe tri gola të tjera, pasi portugezi ka shënuar në total 417 gola, po të marrim parasysh dhe tri golat e tij në sezonin 2002/2003.

Një goditje dënimi e Leo Mesit u devijua nga Viktor Sançez, i cili dërgoi topin në rrjetën e tij. Në minutat e fundit të takimit ishte përsëri “pleshti” që goditi siç duhet topin e shërbyer nga braziliani Malkom.

Me këtë fitore Barcelona çon në 13 pikë diferencën me Atletikon e vendit të dytë, kur kanë mbetur edhe nëntë javë kampionat.

Në 24 takime të luajtura deri më tani, Mesi kryeson renditjen e golashënuesve me 29 gola, 11 më shumë se Luis Suarez i vendit të dytë. Argjentinasi “sundon” edhe në tabelën e asisteve me 12 të tillë.

Në një grafik dysh ku tregohen golat dhe asistimet e lojtarëve të La Ligas dallohet që Mesi është në një tjetër planet nga të tjerët. Gjithsesi në këtë grafik mund të vërejmë dhe surpriza siç është mesfushori i Alavesh, Xhoni, i cili është lojtari i dytë përsa i përket asistimeve me 9 të tillë.

Së fundmi, mbrojtësi i Real Madrid ka dal menduar të qetësojë situatën mes të dyve duke komplimentuar “pleshtin”. I pyetur gjatë një intervistë mbi krahasimin Maradona-Mesi, Ramos ktheu përgjigjen  e mëposhtme:

https://www.youtube.com/watch?v=e_R3W_CgWM4

“E respektoj Maradonën, por në Argjentinë të gjithë e dinë që ai është vite dritë larg lojtarit më të mirë në historinë e Argjentinës, që për mendimin tim është Leo Mesi”, tha Ramos në një intervistë për “goal.com”.

Një milion euro për një miqësore të zhvilluar në kryeqytetin e Rabatit. Mirëpo marrëveshja kishte një kleçkë në kontratën e firmosur mes dy palëve, ekzistonte një klauzolë specifike për Leo Mesin.

Në rast se “pleshti” nuk do të grumbullohej për atë takim, shuma do të përgjysmohej. Për fatin e keq të drejtuesve të federatës argjentinase, Mesi pësoi një dëmtim në ndeshjen ndaj Venezuelës, çka ia bën të pamundur prezencën në Marok.

Megjithatë, mediet argjentinase kanë zbuluar se në kontratën e nënshkruar mes palëve u vunë disa kusht krejt të çuditshme. Gjithçka ka të bëjë me yllin e argjentinasve Lionel Mesi.

Në marrëveshje është paracaktuar se nuk lejohet që futbollistët marokenë nuk mund t’i ndërhyjnë me sparkatë Mesit, ndërsa nuk lejohen as kërkesat për shkëmbimin e fanellës ose fotot me pesë herë fituesin e Topit të Artë.

Leo Mesi qartazi nuk ishte në ditën e tij më të mirë, ndërsa mungesa e mesfushorit brazilian Artur ishte e dukshme, sidomos po të marrësh parasysh paraqitjen zhgënjyese të  Arturo Vidal.

Ky rezultat fut në garën për titull Real Madridin, që tani është e sheh veten në vend të dytë me 6 pikë diferencë nga katalanasit.

Megjithatë, jashtë Argjentinës bëmat e Mesit e kanë justifikuar statusin e tij si lojtari më i madh i të gjitha kohërave. Një koment për këtë çështje ka dhënë legjenda e trajningut Sir Aleks Ferguzon.

Në një intervistë për “The Times”, skocezi dha mendimin e tij në lidhje me këtë çështje. 77-vjeçari mban anën e “pleshtit”, i cili i ka shënuar në të dy finalet e Champion-it, ku Mançester Junajtid është vënë përballë Barcelonës në vitin 2009 dhe në vitin 2011.

“Do të thoja të njëjtën gjë si Souner (analist dhe ish-futbollist i njohur skocez), që Mesi është një lojtar më i mirë se Maradona për këtë fakt. Karriera e Maradonës në maja ka zgjatur shumë pak vite, ndërsa Mesi ka më shumë se një dekadë në këto nivele”, tha Ferguson.

Aktualisht Mesi është në vend të parë me 18 gola të shënuar përgjatë 1437 minutave. Ndjekësi më i afërt është Kilian Mbape. 20-vjecari po zhvillon një sezon fantastik, ku ka shënuar 17 në vetëm 1038 minuta, pra një mesatare e pabesueshme prej një gol në çdo 61 minuta. Sigurisht, duhet përmendur se niveli i futbollit në Francë është më i ulët se sa në Spanjë.

Në vend të tretë ndodhet Mohamed Salah me 16 gola, ndërsa Suarez mban vendin e katërt me 15 gola. Dhjetëshja e lojtarëve me më shumë gola në Europë, plotësohet nga Duvan Zapata, Kristiano Ronaldo, Fabio Kualjarela, Obamejang dhe Herri Kejnë, të pestë me nga 14 gola secili.

Pleshti është lojtari i parë në historinë e kampionatit spanjoll që kap shifrën e 400 golave. Ndërsa po të marrim parasysh pesë ligat elitare europiane, vetëm rivali i përjetshëm Kristiano Ronaldo ia kalon me 409 gola, por argjentinasi e ka arritur këtë objektiv me 63 ndeshje më pak se sa portugezi i Juventusit.

BARCELONA  3 – 0  EIBAR
Shënues: Suarez 19’, 59’, Mesi 53’

ATLETIKO MADRID 1 – 0 LEVATE
Shënues: Grizman 57′ (pen)

ATLETIK BILBAO 2 – 0 SEVIJA
Shënues: Uilliams 23′, 84′