Lenjani

VIDEO | Spektakolar Lenjani, shijoni ‘perlën’ që realizoi në Zvicër

Sport Ekspres — Sat, 03 Aug 2019 17:20:36 +0000

Emir Lenjani e ka nisur sezonin e ri në Zvicër në mënyrën më të mirë të mundshme. Mbrojtësi kuqezi është një nga lojtarët më të rëndësishëm të Sionit dhe sot, në javën e tretë të kampionatit, ka shënuar një supergol.

Mëngjarashi merr një top në hyrje të zonës, shikon për alternativa për të krosuar, por është i vetëm. Pa u menduar dy herë, Lenjani provon të ndëshkojë portierin kundërshtar në shtyllën më të largët dhe ia del të shënojë një supergol.

Sion – Zyrih 1-0
Lenjani 8’

VIDEO | Lenjani shkruan histori në Zvicër, ja rekordi i pabesueshëm i shqiptarit

Sport Ekspres — Sun, 07 Apr 2019 19:56:10 +0000

Ermir Lenjani po kalon një formë të shkëlqyer në kampionatin zviceran. Në takimin e ditës së sotme ndaj Lucernës, lojtarit të Sionit u deshën vetëm 11 sekonda për zhbllokuar rezultatin e ndeshjes.

Me anë të një postimi në llogarinë e tij zyrtare në “Facebook”, Lenjani konfirmoi se falë këtij goli ai tani është mbajtësi i rekordit të golit më të shpejtë të shënuar në historinë e futbollit zviceran.

Il ne fallait pas arriver en retard à Tourbillon! Le FC Sion a ouvert le score contre Lucerne après 11 secondes de jeu seulement, grâce à son homme en forme du moment Ermir Lenjani, lors de la 28e journée de RSL. pic.twitter.com/ObEUlQYmjE

— blue Sport FR (@blueSport_fr) April 7, 2019

Forma e frikshme e Lenjanit, në Zvicër “imitojnë” De Biazin

Sport Ekspres — Fri, 05 Apr 2019 16:55:13 +0000

Ermir Lenjani po zhvillon sezonin më të mirë të karrierës së tij në Zvicër me skuadrën e Sionit. Me dopietën e shënuar ndeshjen e së enjtes ndaj Tunit, 29-vjeçari shkoi në kuotën e pesë golave.

Kontributi i shqiptarit nuk ndalet vetëm te golat, por dhe në asiste ku deri më tani ka regjistruar 6 asistime. Me një llogaritje të shpejtë, Lenjani dëri më tani shënon ose asiston çdo 132 minuta për Sionin.

Ce but de Lenjani hier soir ?

Retrouvez le résumé complet sur notre page Facebook ?https://t.co/orFyIr36Xn #FCTSion #HopSion pic.twitter.com/PXiIpE83YR

— FC Sion (@FCSion) April 5, 2019

Kjo prodhimtari e madhe e lojtarit e ka një arsye të fortë nga pas. Gjithçka ka të bëjë me ndryshimin e pozicionit. Lenjani nuk shihet më si një mbrojtës i majtë, por si një sulmues krahu. E kemi parë shpesh teksa e bën këtë gjë me kombëtaren shqiptare, por në rang klubesh shumë pak trajnerë kanë bërë atë që Xhani De Biazi e provoi me sukses për vite me radhë.

Ky “shpërthim” i lojtarit mund të jetë një lajm i mirë edhe për kombëtaren shqiptare. Në muaj e fundit kemi vuajtur në krahët e sulmit. Dëmtimet e Roshit dhe Grezdës kanë ulur fuqinë e repartit të sulmit, ndërsa Abazaj ende nuk është i provuar në nivele ndërkombëtare.

Marini: Lenjani u tregua gjaknxehtë, këtë nuk e ka bërë as Baloteli

Sport Ekspres — Tue, 19 Mar 2019 19:12:31 +0000

Menaxheri i njohur shqiptar, Elton Marini, ka qenë i ftuar në emisonin “Pressing” në “ABC Neës”, ku ka folur në lidhje me veprimin e Ermir Lenjanit për të mos pranuar ftesën e kombëtares dhe statusin e mëpasshëm në “Instagram” të lojtarit.

“Nuk jam dakord fare me statusin e Lenjanit. Nuk e kuptoj përse një trajner duhet të ketë urrejtje. Lojtarët kanë qejfmbetje. Kjo ndodh dhe në kombëtare dhe në klube.”

“Janë disa elementë te statusi i tij që nuk më pëlqejnë, nuk më duket korrekte ky status. Njerëzit s’duhet të marrin vendime në gjaknxehtësi e sipër. Ai është një futbollist karriere, pra ka vite që luan futboll”

“Kemi rastin e Balotelit te Italia. Shumë herë nuk është grumbulluar, nuk mbaj mend që Baloteli të ketë bërë statuse të tilla kundër Kontes”, tha Marini.

https://www.instagram.com/p/BvKHAZ3Ak-x/?utm_source=ig_web_copy_link

Jupi: Lenjani u nxitua! Strakosha? Vendimi i duhur, nga njeriu i gabuar

Sport Ekspres — Tue, 19 Mar 2019 08:01:13 +0000

Ish-futbollisti i kombëtares shqiptare Redi Jupi kreu një analizë të ngjarjeve të fundit të kombëtares shqiptare. Lënia jashtë e Strakoshës, reagimi i Ermir Lenjanit dhe lista e trajnerit Kristian Panuçi kanë qenë temat e prekura nga Jupi në emisionin “Procesi Sportiv”, në “Top Channel”.

STRAKOSHA – “Për mua Strakosha është një lojtar i rëndësishëm në kombëtaren e Shqipërisë, pasi është portieri titullar dhe e tashmja dhe e ardhmja e portës së kombëtares. Për mua është një vendim i drejtë, por i marrë nga njeriu i gabuar”.

“Vendimi i drejtë, sepse disiplina është një mjetet për rregulluar marrëdhëniet brenda një ekipi me 25 djem. Problemi është, që për të krijuar një frymë në një skuadër ka disa elementë. Mua nuk më pëlqejnë shumë gjëra që po bën trajneri, qoftë lista, qoftë mënyra e lojës. Lojtari duhet të ishte më i kujdesshëm, duke ditur natyrën e trajnerit. Nuk besoj se trajneri do të jetë çmendur dhe ndoshta është faji i lojtarit”.

GJENDJA E KOMBËTARES – “Mua më duket se kemi shpenzuar dy vite dhe tani jemi në një pikë të asgjëje. Pavarësisht problemeve, këto dy vite mund të na kishin vlejtur, pasi do kishim fituar kthjelltësinë e nevojshme për të nisur një rrugëtim të ri. Unë e shikoj që atij i mungon kthjelltësia, nuk ka një logjikë në zgjedhjet dhe listat e tij”.

“Ai ka të drejtë kur thotë se pas 2016-ës mund të kemi krijuar një perceptim të gabuar të skuadrës. Por ama para atij evropiani u renditëm të dytët të grup që më pas u kualifikuam, ndërsa më pas dolëm në vend të tretë në eliminatoret e Botërorit. Nuk mund të themi tani se synojmë vendin e katërt në grup. E di që është e vështirë, por në vend të katërt nuk ka logjikë, pasi vijmë nga vendi i tretë”.

REAGIMI I LENJANIT – “Nuk jam dakord me statusin që ka bërë lojtari. Lenjani ka pasur raste që ka qenë pa ekip ose pa minuta dhe është marrë në kombëtare. Në një moment trajneri mund të vendosë të marrë një lojtarë tjetër dhe kjo është e drejta e tij. Ai është djalë i pjekur dhe profesionist. M’u duk diçka e nxituar. Ai ka qenë pjesë e rëndësishme e kombëtares që u kualifikua në Europian”, tha Jupi.

Kaos total, Lenjani: Nuk vij sa të jetë Panuçi!

Sport Ekspres — Mon, 18 Mar 2019 17:49:08 +0000

Ermir Lenjani ka folur! Mbrojtësi kuqezi ka shpërthyer kundër trajnerit Kristian Panuçi, me anë të një postimi në rrjetet e tij sociale. Futbollisti i Sionit po bën një sezon shumë të mirë, por për Panuçin, nuk ka vend në kombëtare. Kjo gjë e ka acaruar jo pak Lenjanin, i cili i ka dalë haptazi kundër trajnerit italian:

“Që nga viti 2013 jam pjesë e Kombëtares shqiptare dhe ndihem krenar për këtë gjë. Sa herë jam ftuar e kam pranuar ftesën me dëshirën më të madhe, pasi çdo herë kur e kam veshur fanellën kuq e zi e kam veshur me shumë dashuri. Kam qenë gati gjithmonë, kam sakrifikuar shumë, jam gjakosur, kam qarë e kam qeshur si futbollist i Shqipërisë.

Kam pranuar edhe stolin, por jam respektuar gjithmonë. Tani në dy vitet e fundit jam duke kaluar nëpër një formë shumë të mirë, por po injorohem nga trajneri momental i Kombëtares. Nuk kam luajtur asnjë minutë në Ligën e Kombeve, por nuk kam bërë zhurmë dhe kam vazhduar të punoj edhe më fort.

Kur lëndohen 4-5 lojtarë trajnerit i bie në mend që luan dikund Ermir Lenjani dhe më dërgon ftesë. Faleminderit, por JO. Me lot në sy e them se nuk do të grumbullohem më me Kombëtaren sa të jesh ti aty. Kam kontribuar shumë dhe meritoj respekt. Dashuria ime për Shqipërinë është më e madhe se urrejtja jote për mua. Unë kam qenë, jam dhe gjithmonë do të jem djalë i Shqipërisë, ndërsa ti je vetëm kalimtar”, shkroi Lenjani.

Zhegrova debuton në Zvicër, Lenjani spikat me asist te Sioni

Sport Ekspres — Sat, 23 Feb 2019 20:08:26 +0000

Edon Zhegrova ka debutuar me fanellën e Bazelit në përballjen e sotme kundër Ksamaksit. Skuadra e sulmuesit të përfaqësues së Kosovës u gjend në avantazhin e dy golave dhe me një lojtarë më shumë se vendasit. Në këto rrethana trajneri i Bazelit i besoi 10 minuta mëngjarashit duke e aktivizuar në minutën e 83-të.

Bazeli fitoi ndeshjen me rezultatin 2 – 0, ndërsa Taulant Xhaka luajti për 90 minuta në këtë takim. Në krahun e kundërshtarëve Arbnor Fejzullahu e pa të gjithë ndeshjen nga stoli rezervave, ndërsa mbrojtësi i Kosovës Arbenit Xhemajli luajti si titullar.

Ermir Lenjani spikati në takimin midis Sionit dhe St. Gallen. Lojtari i kombëtares shqiptare u aktivizua sërish si sulmues krahu, ku rezultoi efikas duke shërbyer shqiptarin tjetër të Sionit, Pajtim Kasamin, i cili çoi Sionin në avantazh 2 – 1. Megjithatë skuadra e Lenjanit nuk e mbajti dot avantazhin dhe ndeshje përfundoi barazim 2 – 2.

Sioni i Lenjanit shtang Lucernën, 90 minuta për mëngjarashin e kombëtares

Sport Ekspres — Wed, 13 Feb 2019 20:37:02 +0000

Viti 2019 ka nisur mjaft mirë për Sionin e Ermir Lenjanit. Skuadra ku aktivohet lojtari i kombëtares mundi sot në transfertë Lucernën me rezultatin 3 – 1 dhe tanimë e gjen vetes vetëm tre pikë larg vendit të katërt që të çon në kualifikueset e Europa League.

Lenjani mori 90 minuta të plota në këtë ndeshje, ku luajti si sulmues krahu, një pozicion ky që e kemi parë shpesh të luajë për kombëtaren shqiptare, por në nivel klubesh 29-vjeçari është aktivizuar më së shumti si mbrojtës i krahut të majtë.

Në palën humbëse u aktivizuan nga minuta e parë lojtarët e përfaqësueses së Kosvoës, Demhasaj dhe Voca. Të dy futbollistët u zëvendësuan gjatë pjesës së dytë.

C'est terminé ! Première victoire en 2019 ! ????#LUZSION #HopSion pic.twitter.com/xaEfWLBNUH

— FC Sion (@FCSion) February 13, 2019

Pasuesi i Agollit, gjashtë kandidatë për Panuçin

Sport Ekspres — Tue, 12 Feb 2019 21:43:57 +0000

Kristian Panuçi u kritikua jo pak për lënien jashtë të kapitenit të kombëtares Ansi Agolli. Tekniku italian i shtyrë nga 36 vitet që mëngjarashi ka mbi shpinë dhe nga fakti që nuk po luante më rregullisht në Azerbaixhan vendosi t’i mbyllë njëherë e mirë derën e kombëtares kryeqytetasit.

Duket qartë që Panuçi është ende në kërkim të një mbrojtësi stabël për krahun e majtë të kombëtares kuqezi. Alternativat nuk janë të pakta. Për momentin mund të thuhet se Egzon Binaku është favoriti në këtë rol.

Mbrojtësi i Malmos ka qenë titullar në dy ndeshjet e fundit zyrtare të kombëtares dhe me siguri do të vazhdoj të ketë besimin e trajnerit të kombëtares. I dyti në radhë është Ermir Lenjani, i cili ka lënë pas dëmtimet dhe është rikthyer titullar te Sioni në Zvicër. Një tjetër plus për këta lojtarë është dhe fakti që kanë luajtur shpesh në formacion me pesë mbrojtës, një modul loje ky që Panuçi e pranoi se po e shqyrton si një opsion në një intervistë të dhënë pak ditë më parë.

I treti në hierarki është Besir Demiri. Mbrojtësi nga Shkupi aktivizohet prej një viti e gjysmë në Ukrainë te Mariupol, ku e ka blinduar vendin e titullarit. Megjithatë, 24-vjeçari pret ende të debutojë me kombëtaren shqiptare ku ishte grumbulluar gjatë muajit të shtatorit.

Tre opsionet e fundit janë Naser Aliji, Lorenc Trashi dhe Gledi Mici. Aliji i dha fund një periudhe 6-mujore ku qëndroi pa ekip dhe është rikthyer titullar te Dinamo e Bukureshtit në Rumani. Trashi dhe Mici luajnë në kampionate më inferiore se katër lojtarët e lartpërmendur, por të dy kanë spikatur me skuadrat e tyre që tani janë kryesuese të kampioneve përkatëse.

VIDEO | Lenjani dhe Ademi gjejnë golin, minuta ka dhe për Kukelin

Sport Ekspres — Sun, 10 Feb 2019 19:11:43 +0000

Shqiptarët që luajnë në Zvicër janë të shumtë dhe thuajse në çdo javë, nuk mungojnë të bëjnë rolin e protagonistit. Këtë javë, Lenjani ka arritur të gjejë rrugën e rrjetës, duke konfirmuar momentin e mirë që po kalon.

Mëngjarashi kuqezi ishte në vendin e duhur dhe në kohën e duhur për të shtyrë topin drejt rrjetës, barazuar rezultatin. Ky gol i Lenjanit në minutën e 25’ ishte shumë i rëndësishëm për Sionin. Minuta në këtë sfidë pati edhe për shqiptarin tjetër, Blerim Kukeli, që ka lënë pas problemet fizike dhe është rikthyer në fushat e blerta. Mesfushori kuqezi zëvendësoi Aleks Song në minutën e 72’.

Rrugën e rrjetës e ka gjetur edhe Kemal Ademi. Sulmuesi i dha avantazhin skuadrës së Ksamaksit në minutën e 25’, duke i hapur udhë suksesit së skuadrës së tij. Fejzullahu dhe Xhemaili luajtën po ashtu titullarë.

“Ka shumë vend për përmirësim!”, sa shumë kritika për Lenjanin

Sport Ekspres — Sat, 02 Feb 2019 08:14:51 +0000

Ermir Lenjani është një nga futbollistët që është grumbulluar më shpesh në kombëtaren shqiptare të futbollit dhe pas ndeshjeve shumë të mira në fillim me fanellën kuqezi, është dhe një nga futbollistët më të pëlqyer për tifozët shqiptar.

Gjithsesi, aventura e tij me klubin e Sionit ka pasur shumë ulje-ngritje. Kjo gjë nuk i pëlqen aspak trajnerit të tij, Murat Jakin. Tekniku i njohur kërkon më shumë vazhdimësi nga mbrojtësi kuqezi: “Lenjani bën mirë në fashon e majtë sa i takon sulmit, por aspekti difensiv lë për të dëshiruar. Kërkoj stabilitet nga e gjithë skuadra dhe paraqitjet pozitive të një jave, të mi tregojnë edhe në ndeshjet pasardhëse.

Dihen objektivat tona dhe na duhen pikë. Dua që lojtarët e mi t’i kushtojnë rëndësi të gjitha takimeve dhe të përshtaten sa më mirë me sistemin e lojës. Në fillim nuk duhet të pësojmë gola, më pas do të sulmojmë”,- u shpreh Jakin.

Tjetër problem për kuqezinjtë, një mbrojtës largohet nga grumbullimi

Sport Ekspres — Wed, 14 Nov 2018 11:04:22 +0000

Shqipëria ka një ndeshje të vështirë në Ligën e Kombeve, ku do të përballet me Skocinë. Situata nuk është e mirë në kampin kuqezi, me trajnerin që foli ashpër në konferencën për shtyp, duke i sulmuar në një farë mënyre edhe lojtarët.

Sot, skuadra ka vijuar normalisht punën në kompasin “Tropikal” në Durrës, por lajme aspak të mira vijnë për teknikun italian. Ermir Lenjani është larguar nga grumbullimi, pasi ai po vuan një dëmtim që e ka pësuar në ndeshjen e fundit me Sionin. Edhe pse mbrojtësi tentoi që të rikuperohej, mjekët i kanë komunikuar se është e pamundur për të qenë gati për ndeshjen e kësja të shtune.

Në të tilla kushte Lenjani është përshëndetur me shokët sot dhe do të niset drejt Zvicrës, ku do të marrë një trajtim më të specializuar. Për të ardhur keq, pasi Lenjani shihej si një kandidat potencial për të qenë titullar për ndeshjen me skocezët, duke marrë në konsideratë dhe formën e mirë që po kalonte. I diferencuar ka punuar edhe sot Eros Grezda, por lojtari i Rejnxhërsit, pritet që të jetë gati për ndeshjen e fundit të Ligës së Kombeve.

Arlind Ajeti i habit të gjithë, Lenjani asist për Kasamin

Sport Ekspres — Sun, 11 Nov 2018 17:32:08 +0000

Arlind Ajeti i ka habitur të gjithë, teksa sot është parë në fushë për Grasshopers. Mbrojtësi qendror u dëmtua në ndeshjen me Bazelin dhe u tha se do të mungonte deri në fund të dhjetorit. Përplasja me të vëllanë, Albianin, bëri që të luante vetëm 45 minuta në atë takim.

Grasshopers fitoi 2-3 kundër Ksamaks. Arbnor Fejzullahi nuk luajti asnjë minutë për skuadrën e tij, ndërkohë që protagonist ishte Nedim Bajrami. Ky i fundit shënoi golin e dytë për skuadrën nga Zyrihu. Bujar Lika u detyrua ta ndiqte ndeshjen nga stoli.

Fitore për Sionin e Emir Lenjanit, madje me përmbysje. Anësori i majtë i shërbeu skuadrës së tij duke asistuar për Kasamin në golin e barazimit, ndërkohë që në minutën e 78-të u zëvendësua. Për t’u përmendur që në Ukrainë Besir Demiri nuk mori asnjë minutë në ndeshjen që Mariupol humbi 4-0 me Dinamo Kiev.

Kololli gol dhe asist në fitoren e Zyrihut, Lenjani humbet ndaj ish-skuadrës

Sport Ekspres — Sun, 04 Nov 2018 17:08:51 +0000

Benjamin Kololli ka zhvilluar një ndeshej spektakolare në fitoren 5 – 2 të Zyrihut në trasnfertën ndaj Lucernës. Lojtari i përfaqësues së Kosovës ishte autori i një goli dhe një asisti në këtë takim, duke regjistruar rrjetën e pestë në këtë edicion të kampionatit zviceran.

Taulant Xhaka dhe Albian Ajeti luajtën për 90 minuta në fitoren e Bazelit ndaj Luganos. Mesfushori i kombëtares sonë nuk mund t’i shpëtonte kartonit të verdhë në këtë takim, ndërsa sulmuesi nuk arriti të vendoste emrin në listën e shënuesve të takimit që përfundoi me rezultatin 3 – 2.

Sioni i Emir Lenjanit është mundur në shtëpi nga St. Gallen. Mëngjarashi i kombëtares sonë luajti për 90 minuta në takimin ku kishte përballë skuadrën me të cilën ka luajtur për dy vite e gjysmë në të shkuarën.

Lenjani bën Zvicrën të flasë shqip: Duhet të mësojmë nga gabimet!

Sport Ekspres — Sun, 28 Oct 2018 20:28:32 +0000

Muaji tetor foli mirë për Ermir Lenjanin, i cili gjeti dy herë rrugën e rrjetës. Anësori kuqezi ishte protagonist në ndeshjen e fundit ndaj Jang Bojsit, por kampionët në fuqi gjetën forcën për të përmbysur, ndonëse ishin në disavantazhin e dy golave.

Përmes një postimi në “Instagram”, mbrojtësi kuqezi ka zgjedhur që të reagojë në shqip. Lenjani thekson se ndihet i lumtur që shënoi, por bën apel se nuk duhet që të ndodhë më që të humbasin një ndeshje, kur janë duke fituar 2-0.

“I lumtur me dy golat e shënuar por jo edhe me rezultatin. Nuk duhet ta humbasim takimin pas epërsisë 2:0. Duhet të mësojmë nga gabimet dhe të punojmë më shumë për fitore. Faleminderit o Zot për gjithçka”.

https://www.instagram.com/p/BpfDkMyh2KU/?taken-by=lenjaniermir

VIDEO / Goli i Lenjanit bën xhiron e botës, por vëmendja shkon për asistin fenomenal

Sport Ekspres — Tue, 09 Oct 2018 08:14:55 +0000

Emir Lenjani shënoi golin e parë në takimin midis Ksamaksit dhe Sionit. Goli i mbrojtësit të kombëtares shqiptare ka bërë xhiron e botës, por jo për shkak të finalizimit të mëngjarashit. E veçanta e këtij goli është asisti perfekt i mesfushorit të talentuar Bastien Toma.

Mesfushori 19-vjeçar nxori jashtë loje pesë lojtar të Ksamaksit, duke vertikalizuar një top fantastik që gjeti Lenjanin të vetëm me portierin e skuadrës vendase. Toma është me origjinë nga Kosova dhe për momentin aktivizohet me kombëtaren U21 të Zvicrës.

Lenjani “njeriu asist”, Albian Ajeti sërish protagonist te Bazeli

Sport Ekspres — Sun, 30 Sep 2018 16:41:06 +0000

Mbrojtësi i kombëtares shqiptare, Emir Lenjani, ka zhvilluar një ndeshje mjaft të mirë me Sionin, teksa skuadra e tij ka mundur Lucernën në transfertë me rezultati 3-1. Mëngjarashi regjistroi një asist në golin e dytë të skuadrës së tij, që u shënua nga talenti me origjinë nga Kosova, Bastien Toma.

Taulant Xhaka luajti për 90 minuta në barazimin 2-2 të Bazelit në vizitën ndaj Luganos. Njeriu i ndeshjes ishte padyshim Albian Ajeti. Vëllai i vogël i Arlind Ajetit pati rol vendimtar në të dy golat, pasi asistoi të parin dhe shënoi të dytin.

Goli i Albian Ajetit ?

? | Albian Ajeti’s 2-0, enjoy! #LUGFCB #FCBasel1893 #zämmestark pic.twitter.com/FztYsBJWyy

— FC Basel 1893 ?? (@FC_Basel_en) September 30, 2018

Lenjani e Kukeli titullarë, Xhaka jashtë

Sport Ekspres — Sun, 20 Aug 2017 16:31:05 +0000

Sioni barazoi sot 1-1 me Lucernën, me dy gola të shënuar që në pjesën e parë, ku pati edhe një karton të kuq për portierin rezervë të Sionit, që po ofendonte arbitrin nga stoli. Ermir Lenjani dhe Burim Kukeli luajtën 90 minuta, me të parin që mori edhe karton të verdhë. Një lajm i mirë për Panuçin, sepse dy futbollistët po japin formën e plotë fizike para ndeshjeve të kombëtares.

Ndërkohë, po 1-1 barazoi Bazeli në shtëpi ndaj Luganos, por Taulant Xhaka nuk ishte i grumbulluar, pasi ishte i sëmurë.

Në Zyrih më në fund erdhi fitorja e parë e Grasshopersit, 2-0 ndaj Sant Gallenit.

Mesfushori 18-vjeçar Nedim Bajrami ishte titullar te Grasshopers, ashtu si Albian Ajeti për miqtë, ndërsa në stol ishin Albion Avdijaj e Valon Fazliu për vendasit dhe Gjelbrim Taipi për Sant Gallenin.

Kupa e Zvicrës, Xhaka e Lenjani bashkohen me ortekun e golave shqiptarë

Sport Ekspres — Sun, 13 Aug 2017 17:59:45 +0000

Kupa e Zvicrës ka pasur lumë golash sot, ku rekordin e pati Grasshopersi, që fitoi 10-0 jashtë fushe në Romontua, me 7 gola shqiptarë: 3 Fazliu e Kamberaj, një gol Avdijaj.

Bazeli fitoi 2-0 jashtë fushe, duke u mjaftuat me pak, ndaj një rivali modest si Vetsvil-Bonshteten. Taulant Xhaka luajti titullar dhe shënoi një gol spektakolar nga goditja e dënimit, duke zhbllokuar shifrat në minutën e 39-të.

Taulant Xhaka free kick by gazetametro
Edhe Ermir Lenjani ishte titullar dhe gjeti golin sot, në fitoren 9-1 jashtë fushe të Sionit, në Granihen.

Fitoi jashtë fushe edhe Sant Galleni, 8-3 në Baden, ndërsa golin e gjashtë e shënoi me 11-metërsh mesfushori Gjelbrim Taipi.

Tramexani fiton për ditëlindje, debuton Ermir Lenjani

Sport Ekspres — Sun, 30 Jul 2017 16:03:22 +0000

Para 3 ditësh Sioni u turpërua duke humbur 3-0 në Lituani ndaj Suduvas, në Ligën e Europës. Megjithatë, autokritika erdhi sot, sepse Sioni fitoi 1-0 në Lozanë, me një gol të shënuar në minutën e 33-të nga Shnojvli, një ndër afrimet kryesore të verës.

Fitore e rëndësishme për Sionin, që është me pikë të plota pas dy ndeshjeve të para të kampionatit, ndërkohë që në minutën e 69-të trajneri Tramexani hodhi në fushë edhe Ermir Lenjanin, i cili duket se është që tani gati fizikisht, edhe pse ka firmosur vetëm pak ditë më parë.

Një fitore e bukur për Tramexanin, jo thjesht se fshiu humbjen europiane, por edhe sepse ishte ditëlindja e tij e 47-të.

Ndërkaq, Bazeli fitoi 3-1 ndaj Lucernës, me Taulant Xhakën që qëndroi 90 minuta në stol. Ishte fitorja e parë në kampionat për Bazelin, që u mund javën e shkuar.

Fiton sërish edhe FC Zyrihu, 2-1 ndaj Tunit, me përmbysje. Skuadra e Burim Kukelit është me pikë të plota pas dy ndeshjesh dhe Kukeli ishte sërish titullar, duke luajtur mjaft mirë dhe duke marrë edhe një karton të verdhë në pjesën e parë.