Mesfushori i njohur la Kukësin në verë, për të kaluar te Teuta, ku u bë edhe kapiten, duke qenë një ndër veteranët e paktë në skuadër dhe duke pasur edhe një eksperiencë të mëparshme në Durrës, duke shkëlqyer.

Megjithatë, tani Lena largohet, pas gjysmë sezoni të dobët për Teutën, që ndoshta mendon se duhet bërë revolucion edhe në skuadër, edhe pse Lena ishte një lojtar me rendiment të lartë dhe një lider në fushë.

Lajmin për largimin e mesfushorit e ka dhënë vetë Teuta në faqen e vet në Facebook, aty ku është postuar edhe një mesazh nga Lena: “Pas një takimi me presidentin e klubit z.Edmond Hasanbelliu me marrëveshje dhe në mënyrë miqësore vendosëm të ndërpresim bashkëpunimin me klubin Teuta.
Për mua ka qenë nder të jem pjesë e Teutës, kjo ishte hera e dytë që luaja për këtë klub.
Më vjen keq që nuk arritëm të bënim më mirë këtë gjysmë kampionati. Uroj që klubi të dalë nga situata jo e mirë që po kalon dhe kam besim se do t’ia dalë.
Faleminderit dhe tifozëve që na kanë përkrahur në çdo ndeshje”.

“Kemi bërë një pjesë të parë shumë të dobët. Kundërshtari ndoshta më shumë për shkakun tonë na ndëshkoi dy herë. Në pjesën e dytë e morëm ndeshjen në dorë dhe realizuam dy herë. U kthyem në ndeshje dhe më pas në minutën e fundit u ndëshkuam në kundërsulm, në tentativën tonë për të mos dalë pa pikë në Kukës.

“Kjo ndeshje mbaroi, do të fillojmë përgatitjen për ndeshjen e radhës. Jemi në lojë për të arritur objektivin që ka shpallur klubi në fillim të sezonit, kualifikimi për në kupat e Europës. Duhet ta harrojmë këtë ndeshje dhe të kthehemi sa më parë te fitorja”.

“Pretendimi se do ishim për titull? Jo, nuk kam thënë saktësisht ashtu, kam thënë që skuadra ka ndryshuar shumë dhe është mjaft cilësore, që mund të pretendojë për lart, por jo për titull.

“Goditëm pak portën? E vërtetë, sot ishim më pak aktivë para porte, por një gol e shënuam dhe do të mjaftonte edhe gjysmë goli për të fituar, do ishim të kënaqur. Nuk i morëm dot pikët e plota, na vjen keq, por rezultati ishte i drejtë, sepse në fund vuajtëm. Nëse fitonim do të ishte perfekte, por nuk ka problem edhe kështu”.

Mesfushori i njohur ka folur për Supersport, ku ka shpjeguar arsyen që ka zgjedhur të vazhdojë me Teutën: “Nuk e pata të vështirë të vendosja për të zgjedhur Teutën. Më ofruan një kontratë dy-vjeçare me kushte shumë të favorshme dhe me presidentin që kanë durrsakët besoj se është shumë e thjeshtë të gjesh gjuhën për të punuar sa më lehtë në sport.”

Lena vjen nga një sezon i shkëlqyer në Kukës, ku fitoi titullin, por këtë verë ka preferuar të kthehet në bregdet, aty ku siguroi kualifikimin në kupat e Europës në sezonin 2015/2016: “Herën e fundit u renditëm të katërtët, tashmë synimi ynë është për më lart, që të rivalizojmë me 3 skuadrat kryesore. Nuk është e thjeshtë pasi dhe ekipet e tjera janë përforcuar por ne kemi besim se mund të bëjmë një kampionat shumë të mirë duke mos ju trembur askujt.”

MAGANI

Trajneri Gugash Magani deklaron para nisjes për në Ohër se skuadra që ka në dispozicion është mjaft cilësore dhe premton një Teutë ambicioze, që do të luftojë për gjëra të mëdha këtë sezon: “Merkatoja ka qenë shumë e kënaqshme, kemi pasur afrime të rëndësishme që besoj se e kompletojnë grupin. Gjithashtu gjatë fazës përgatitore deri në këto momente nuk kemi pasur dëmtime dhe kjo është shumë pozitive dhe tregon dhe punën e mirë të stafit. Tani na mbetet që investimet e presidencës t’i kthejmë në rezultate në fushën e lojës duke synuar objektiva të rëndësishëm. Unë nuk premtoj titullin por them se do të bëjmë maksimumin ndeshje pas ndeshje për të mbërritur te ai.”

Nijas Lena dhe Kukësi mund të konsiderohen zyrtarisht të “divorcuar”. Mesfushori shtatshkurtër do e vijojë karrierën e tij te Teuta, ku është aktivizuar dhe në të shkuarën. Edhe pse Kukësi këmbëngulte që 31-vjeçari është pjesë e tyre dhe për një sezon, klubi durrsak ka negociuar me verilindorët dhe ka gjetur gjuhën e përbashkët.

Lojtari do të marrë së shpejti lejekalimin nga Kukësi dhe do të vihet nën urdhrat e trajnerit Gugash Magani. Një përforcim me shumë vlerë për “djemtë e detit”, që tashmë do i besojnë çelësat e mesfushës një lojtari me shumë eksperiencë.

PËRGATITJET

Pas fazës përgatitore të zhvilluar në Itali, Teuta është zhvendosur në Durrës. Skuadra do të nisë një tjetër mini-fazë në qytetin bregdetar, për të ruajtur ritmin. Normalisht do të synohet organizimi i ndonjë ndeshje miqësore. Po ashtu dhe merkato mbetet e hapur dhe nëse ndonjë element cilësor do të afrohet, atëherë do e kishte derën e hapur. Teuta do të synojë që në sezonin e ardhshëm do të synojë të përsërisë edicionin e dy viteve më parë, ku me Maganin në krye arriti që të siguronte kupat e Europës.

Jurgen Zela

Në ditën e parë të muajit gusht Kukësi nisi stërvitjen. Edhe pse grupi ishte i mbipopulluar, kryesisht nga elementë të rinj, binte në sy mungesa e tre prej lojtarëve më të rëndësishëm të Kukësit. Enea Koliçi, Izair Emini dhe Nijas Lena “nervozuan” Kukësin për faktin se nuk ishin prezent në nisjen e përgatitjeve të sezonit të ri. Prej ditësh mund të themi se ka nisur lufta mes lojtarëve dhe klubit, i cili pretendon se lojtarët kanë dhe një sezon kontratë. Të kundërtën kanë deklaruar hapur të tre futbollistët që tashmë e ndjenë veten “të burgosur” nga kjo situatë, pasi nuk po mundin që të qartësojnë të ardhmen e tyre. Mëngjesin e djeshëm Kukësi doli në një lajmërim në sajtin zyrtar ku paralajmëroi dhe penalitet: “Klubi i Kukësit ka nisur punën për sezonin e ri 2017-18 nën drejtimin e trajnerit Mlladen Milinkoviç. Të gjithë lojtarët që janë nën kontratë me ekipin kampion të Shqipërisë janë lajmëruar për të marrë pjesë për nisjen e përgatitjeve, më date 1 gusht 2017, në kompleksin sportive “Internacional”, në Pezë. Në kuadër të fillimit të stërvitjes nuk janë paraqitur në seancën e djeshme stërvitore portieri Enea Koliçi, mesfushori Nijas Lena dhe sulmuesi Izair Emini. Klubi i Kukësit e sheh me shqetësim sjelljen e tyre dhe nuk është aspak i kënaqur. Klubi do të marrë masa për 3 lojtarët e sipërpërmendur, edhe për faktin se kjo nuk është një sjellje korrekte për profesionalizmin e treguar nga këto lojtarë”. Nuk ka zgjatur shumë dhe lojtarët janë lajmëruar për gjobat e tyre, e cila ishte një rrogë mujore ose e thënë ndryshe 10% e rrogës vjetore. Një mungesë pa arsye në stërvitje, e barasvlershme me një rrogë mujore, e frikshme kur paralelizmi bëhet me klauzolën e prishjes së kontratës në mënyrë të njëanshme, e cila është 500 mijë euro. Presidenti Gjici është me pushime dhe nuk kthehet deri në datën 10 gusht dhe lojtarët nuk dalin në stërvitje pa u takuar me të. Nëse penaliteti do të jetë së paku i tillë për çdo ditë, atëherë do të jetë e kotë që të diskutojnë për detajë financiare, pasi rroga do të jetë likuiduar në gjobë. Një situatë kaotike dhe e çuditshme, që duket se është destinuar tashmë që të marrë rrugën e gjykatave.
KOLIÇI – I pari që është njohur me masën e Kukësit, ka qenë Enea Koliçi. Nga një “hero” në “armik”, gjithë ky ndryshim në harkun e pak ditëve. Lojtari nuk ka preferuar që të prononcohet, madje as përfaqësuesit e tij, si menaxheri apo dhe avokati, me këtë të fundit që tashmë po shqyrton dokumentacionin për t’i dhënë një zgjidhje situatës. Paqja duket një opsion i largët, pasi bisedimet me presidentin Gjici nuk kanë rezultuar të suksesshme.

LENA – Një situatë sa e ngjashme, aq dhe e ndryshme, është ajo me mesfushorin Nijas Lena. Dje 30-vjeçar është paraqitur në ambientet e klubit të Kukësit me synimin për të diskutuar me presidentin Gjici, por duke qenë se bosi i Kukësit është me pushime nuk e ka gjetur aty. Menjëherë sapo është paraqitur në zyrat e klubit i është paraqitur fleta e gjobës. Lojtari nuk e ka fshehur dëshirën zgjatjes së bashkëpunimit me Kukësi, por nuk e pranon që të ketë pasur një rinovim automatik. Duke qenë se kjo përplasje me klubin sapo ka nisur Lena kërkon që ta zgjidhë me mirëkuptim dhe situata të mos degradojë që të detyrohet të kërkojë drejtësi në aspekt ligjor.
EMINI – Gjithashtu dhe Izair Emini është në listën e lojtarëve të konsideruar nga Kukësi si “kryengritës”. Tetovari ashtu si “gardiani’ i Kukësi hapur ka kërkuar largimin, por situata është e njëjtë Kukësi kërkon me çdo kusht shërbimet e lojtarit. Edhe sulmuesi e ka kaluar gjithçka në dorë të gjykatatësit të tij, për të ndërmarë hapat e mëtejshmëm ligjor për ta zgjidhur këtë situatë.
Gjoba të majme dhe asnjë mundësi negocimi, Kukësi i pret lojtarët në stërvitje, duke paralajmëruar të tjera masa akoma dhe më të rënda. Vetëm diçka mbetet për të thënë: Nuk është aspak e hijshme që kampionët të jenë në një situatë të tillë.

Klubi i kuq pret ende përforcime me lojtarë të huaj, por ndërkohë sheh nga Kukësi për ndonjë afrim.

EMINI – Izair Emini është synim për sulmin e kuq, por situata e tij është e ndërlikuar. Kukësi nuk e kishte në planet e veta, por paraqitja e shkëlqyer ndaj Sherifit ka bërë që klubi verilindor të mendohet mirë. Situata e sulmuesit është absurde, sepse Kukësi tani pretendon që i ka rinovuar kontratën, pa paralajmërim, në bazë të klauzolave pa fund që i ka futur në kontratë. Emini pretendon se është i lirë dhe ka biseduar me disa klube, Partizani pret që sulmuesi të mbyllë marrëdhëniet me Kukësin.

LENA – Mesfushori shqiptar nga Maqedonia është në shtëpi tani. Paa Sherifit deklaroi se ka mbyllur gjithçka me Kukësin, por pret ofertë, si nga verilindorët, ashtu edhe klubet e tjera. Partizani e ndjek me kujdes, tani sheh një mundësi të mirë përforcimi, por pa nisur ankand.

“Nuk e di ç’duhej të bënim më shumë. I provuam të gjitha, shtyllat, penalltia e humbur, fat i keq, ky është futbolli, jo gjithnjë fiton më i miri. Pjesën e dytë e nisëm me synimin për të kontrolluar me kujdes ndeshjen, sepse u lodhëm shumë në pjesën e parë me presing total. Duhej të menaxhonim situatën, por kundërshtari na shënoi shumë shpejt, duke goditur shumë pak, 2-3 herë, portën. Goli na goditi, edhe lodhja fizike u ndje pak. Në fund i tentuam të gjitha, por nuk ishte dita jonë.

“Pejiç ka gjuajtur kushedi sa penallti, në kampionat i ka shënuar, sot ishte dita ters.

“Dominuam totalisht, është ndeshja më e mirë që ekipi ku bëj pjesë ka luajtur ndonjëherë në kupat e Europës, jam krenar që dominuam ndaj një rivali superior në shumë drejtime.

“E ardhmja? Do të kthehem pak ditë në Maqedoni të pushoj me familjen, sepse kampionati shqiptar fillon në dhjetor a nuk e di kur, sepse shtatori duket shumë larg. Kontrata ime përfundon tani, drejtuesit e Kukësit e kanë në dorë rinovimin, jo unë.