Leister

E konfirmon trajneri, Junajtid vendos rekordin historik

Sport Ekspres — Sat, 03 Aug 2019 11:06:35 +0000

Mançester Junajdit ka hapur thesin për të mbyllur “plagët” e mbrojtjes. Ata pritet të zyrtarizojnë blerjen më të shtrenjtë në histori të një mbrojtësi. Herri Meguajer do të jetë lojtari më i ri i Junajtid brenda pak ditësh.
Këtë e konfirmon vetë trajneri i Leister Sitit, Brendan Roxhers, i cili deklaron se klubet kanë gjetur marrëveshjen dhe mbetet vetëm mbyllja e termave financiare me lojtarin. Meguajer do i kushtojë “Djajve” rreth 93 milionë euro, duke thyer kështu rekordin prej 85 milionësh të vendosur nga Liverpuli për blerjen e Van Dijk.

“Ka një marrëveshje. Klubet kanë rënë dakort mbi një shumë të caktuar. Tani koha e mbetur është për të mbyllur çëshjet financiare me lojtarin. Pas fundjavës do të ketë zhvillime konkrete”, deklaroi Roxhers, që konfirmon kështu largimin e një prej yjeve të ekipit të “Dhelprave”.

Gjendet pasardhësi i Kompani, Siti pranë akordit me “fiksimin” e Murinjos

Sport Ekspres — Mon, 20 May 2019 12:38:14 +0000

Mançester Siti është në kërkim të një qendërmbrojtësi. Largimi i Vinset Kompani, i cili firmosi për tre vite me Anderlehtin si trajner-lojtar, ka lënë një boshllëk për t’u mbushur në prapavijë.

Pep Guardiola e ka një preferencë. Sipas raportimeve të “Daily Mail”, Siti synon të arrijë akordin me Herri Meguajer. Spanjolli u bind përfundimisht për kualitetin e mbrojtësit të kombëtares angleze në fitoren e vështirë 1-0 kundër Leister Sitit në shtëpi.

Meguajer ishte fiksimi i Zhoze Murinjos në verën e kaluar, por “Dhelprat” nuk hoqën dorë nga kërkesa e tyre prej 75 milionë sterlinash. Portugezi tentoi deri në fund për ta transferuar “gjigantin” në Old Trafford, por drejtuesit nuk vepruan.

26-vjeçari mund të transferohet këtë verë në Mançester, por kësaj radhë në kampin e “Qytetarëve”, ndërsa Siti duhet të përgatisë 75 milionë sterlina për kartonin e tij.

VIDEO | Leister pengon “arratinë” e Liverpulit, djemtë e Klop zhgënjejnë

Sport Ekspres — Wed, 30 Jan 2019 21:58:35 +0000

Humbja e djeshme e Mançester Sitit ndaj Njukasëll i dha një shans të shkëlqyer Liverpulit për t’u “arratisur” nga ndjekësit. Megjithatë, presioni i madh për rezultat do të ketë ndikuar shumë te të kuqtë, që nuk shkuan më shumë se një barazim 1 – 1 me vizitorët e Leister Sitit.

Takimi filloi në mënyrë të shkëlqyer për skuadrën e Jyrgen Klop që e pa veten në avantazh pas vetëm 3 minutash falë senegalezit Sadio Mane, por më pas skuadra uli ndjeshëm ritmin dhe Leisteri i ndëshkoi në limitet e pjesës së parë me anë të Meguajër, i cili u la i pamarkuar dhe i vetëm përballë Alison çoi topin drejt rrjetës.

Diferenca me Sitin shkon në pesë pikë, por hapi fals i ditës së sotme sjell kujtime të këqija te tifozët e Liverpulit, që për vite me radhë kanë parë skuadrën e tyre lëkundet në momentet kur presioni për titullin rritet.

Liverpul 1 – 1 Leister Siti
Shënues: Mane 3 / Meguajër 45 +2′

VIDEO | Totenhemi “harron” derbin dhe konfirmohet forcë e tretë

Sport Ekspres — Sat, 08 Dec 2018 21:41:35 +0000

Totenhemi reagoi pas humbjes në derbin kundër Arsenalit, duke fituar përballë Leisterit në transfertë. Ekipi i Poçetinos fitoi 0-2 me golat e Son Heung-Min dhe Dele Ali.

Koreano-jugori kaloi “Spurs” në avantazh në minutat shtesë të pjesës së parë me anë të një eurogol. Dyfishimi erdhi në minutën e 58-të. Son dhuroi një asist të bukur për Dele Alin dhe ky i fundit shënoi me kokë, duke vulosur fitoren e miqve.

Ky trepikësh e ngjit Totenhemin në vendin e tretë me 36 pikë, gjashtë më pak se Liverpuli i vendit të parë, ndërsa Leisteri qëndron në vendin e nëntë me 22 pikë.

Leister-Totenhem 0-2
(Son Heung-Min 45+1’, Dele Ali 58’)

Funerali i presidentit, Leister zhvendoset në Tailandë

Sport Ekspres — Fri, 02 Nov 2018 18:04:46 +0000

Lojtarët dhe stafi i Leister Sitit nuk kanë se si të mos jenë të pranishëm në funeralin e ish-presidentit Viçai Srivaddhanaprabha. Sipas “Sky Sports”, skuadra do të marrë avionin për në Bangkok menjëherë pas përfundimit të takimit të nesërm ndaj Kardifit.

Tranferta në Uells do të jetë shumë emocionale për skuadrën e Leisterit. Sulmuesi Xhemi Vardi deklaroi se i gjithë ekipi është i motivuar në maksimum për të marrë një fitore për të respektuar kujtimin e presidentit të ndjerë.

“Viçai na thoshte përherë se rezultati nuk është i rëndësishëm, por ne si lojtarë i duam përherë tri pikët. Duhet të jemi të bashkuar. Nuk ishte vetëm një president për ne, e konsideronim si një pjesë të skuadrës. Na ka lënë shumë gjëra që do mbeten gjithmonë në kujtesën tonë”, përfundoi Vardi.

PAMJE TË RËNDA / Dalin pamjet filmike të tragjedisë së Leisterit

Sport Ekspres — Wed, 31 Oct 2018 09:13:27 +0000

Bota e futbollit u trondit nga lajmi i vdekjes së presidentit të Leister Sitit, Viçai Srivaddhanaprabha. Biznesmeni tajlandez humbi jetën së bashku me katër persona të tjerë pasi helikopteri i tij privat u rrëzuar pak sekonda pas ngritjes nga Stadiumi “King Power”.

Mediet angleze kanë respektuar kërkesat e familjes për të mos nxjerrë pamje filmike të aksidentit, por materialet filmike të tragjedisë përhapur në internet me shpejtësinë e dritës. Në videon që ka bërë xhiron e botës, shihet momenti kur helikopteri i del nga kontrolli pilotit dhe bie në tokë par rrotullimeve të shumta në ajër. Ndërkohë, në video dallohet portieri danez i Leisterit, Kasper Shmajkëll i cili ka qenë dëshmitar okular i aksidentit.

https://www.youtube.com/watch?v=G0yU_W8kE6o&feature=youtu.be

Dega hetimore e aksidenteve ajrore ka filluar hetimet për të zbardhur shkaqet e këtij aksidenti tragjik.

Junajtid ndjek Mahrezin, e do si “fishek të fundit”

Sport Ekspres — Wed, 30 Aug 2017 14:03:27 +0000

Kjo është disi e papritur. Mançester Junajtid raportohet se është duke punuar fort që të realizojë blerjen e Riad Mahrezit nga Leister Siti.

“Djajtë e kuq” duan me çdo kusht një lojtar krahu me eksperiencë dhe, meqë Perishiç nuk mund të blihet dot nga Interi, ndryshe nga sa mendohej më parë, algjeriani shihet si alternativa ideale, sidomos kur merr parasysh faktin se po dobëson një ekip rival.

Lajmi vjen nga “SFR Sport”, sipas të cilit Mahrez e ka bërë të ditur se dëshiron të largohet nga “Dhelprat”. Për t’u përmendur është fakti që edhe Roma ka shprehur interes për mesfushorin.