lecce

Lapadula ikën nga Xhenoa, mbetet në Serie A

Sport Ekspres — Thu, 04 Jul 2019 21:18:00 +0000

Xhenoa ka arritur ta përforcojë skuadrën me disa lojtarë cilësorë si Zapata, Gumus apo Barreka. Megjithatë, klubit italian i duhet të largojë disa futbollistë për të ulur barrën e rrogave. Ish-sumuesi i Milanit, Xhanluka Lapadula është një prej atyre që bëjnë valixhet gati.
29-vjeçari nuk ka bindur aspak me formën e tij, duke e mbyllur sezonin e shkuar me vetëm një gol të shënuar. Leçe, e sapongjitur në elitën e futbollit italian, është në gjurmët e lojtarit ofensiv. Siç raportohet nga mediet përtej Adriatikut, marrëveshja mes dy klubeve është në hapat e fundit.

Lapadula pritet të huazohet me të drejtën e blerjes në fund të sezonit. Kujtojmë që Xhenoa ka shpenzuar jo pak për të, duke e blerë për 11 milionë euro nga Milani në verën e kaluar. Leçe ka arritur dakordësinë me lojtarin mbi termat financiare. Lapadula e dëshiron shumë një lëvizje në këtë moment, duke parë ngërçin që po përjeton.

GENOA, ITALY – AUGUST 26: Gianluca Lapadula of Genoa CFC reacts during the Serie A match between Genoa CFC and Juventus at Stadio Luigi Ferraris on August 26, 2017 in Genoa, Italy. (Photo by Valerio Pennicino/Getty Images)

Leçe pa stadium, shpërngulet në Kalabri

Sport Ekspres — Fri, 17 May 2019 21:25:23 +0000

Leçe rikthehet në Serie A sezonin tjetër pas shtatë sezonesh në Serie B. Megjithatë, tifozët e klubit nga jugu i Italisë duket se do duhet të presin disa muaj më shumë se të tjerët për të shijuar spektaklin e elitës së futbollit italian.

Arsyeja ka bëjë me punimet që po kryhen për rinovimin e stadiumit “ Via del Mare”. Të detyruar nga rrethanat drejtuesit e Leçes po kërkojnë një “shtëpi me qera” dhe me shumë gjasa ndeshjet e para të kampionatit Leçe do t’i luajë në qytetin e Krotones.

Një udhëtim me makinë nga Leçe drejt Krotones zgjat më shumë se tre orë me makinë. Në Itali nuk është e panjohur praktika e zhvillimit të ndeshjeve në qytete të tjera, rasti më i njohur është Sasuolo që i zhvillon ndeshjet 30 kilometra më në veri në Rexho Emilia.

“Nëse ndodh kjo gjë, do të shkoj në qytetin e gruas me biçikletë!”

Sport Ekspres — Mon, 06 May 2019 14:25:37 +0000

Leçe është vetëm një fitore larg kalimit në Serie A sezonin e ardhshëm. Atyre i duhen tre pikët kundër Specias së vendit të gjashtë për t’u rendituur të dytët pas Breshias, që e ka siguruar tashmë vendin e parë. Nëse e arrijnë këtë, një nga lojtarët e Leçes do i duhet të bëjë 320 kiliometra rrugë me biëikletë deri në shtëpinë e gruas së tij.

Fabio Luçoni ka premtuar se nëse ata zënë vendin e dytë, edhe pse nuk i pëlqen shumë të ecë me biçikletë, ai do të udhëtojë nga qyteti i Pulias deri në Benevento, e gjitha brenda një dite, me mjetin dy rrotak.

“Nëse kjo ndodh, unë do të shkoj me biçikletë deri në Benevento. Është qyteti i gruas sime. Do të më duhet të bëj rreth 320 kilometra. Nuk e kam një biçikletë, por jam i gatshëm ta blej dhe ta bëj rrugën pa ndërprerje brenda një dite”, u shpreh mbrojtësi.

VIDEO | Momente ankthi në Serie B, dëmtim “horror” i mesfushorit italian

Sport Ekspres — Fri, 01 Feb 2019 22:30:21 +0000

Takimi i Serie B midis Leçes dhe Askolit zgjati vetëm pak minuta, pasi një përplasje e frikshme kokë më kokë midis dy lojtarëve bëri që mesfushori i Leçes Manuel Skavone të binte në tokë pandjenja.

Mjekët e pranishëm u detyruan t’i bënin frymëmarrje artificiale në mënyrë që të shmagnin arrestin kardiak. Lojtari u përmend pak momente para se të futej në ambulancë, ku më pas u nis në spital për t’iu nënshtruar analizave të specializuara mjekësore.

Che botta! ?? #Schiavone #LECASC #LecceAscoli pic.twitter.com/Csd9DKUHVL

— Don CRis7iano ???? (@FabioCasalucci) February 1, 2019

Gjithsesi nëse i njëjti rast do të kishte ndodhur në një ndeshje të nivelit amator, do të flisnim për një tragjedi, pasi më e keqja u shmang vetëm falë ndërhyrjes në kohë rekord të mjekëve të skuadrave.

Pasi ambulanca transportoi Skavonen për në spital të dyja skuadrat i kërkuan arbitrit kryesor ndërprerjen e takimit, kërkesë kjo që u pranua për çështje sekondash.