Lebron James

Rockets thyen Warriors edhe pa Harden, kapitullojnë Lakers

Sport Ekspres — Sun, 24 Feb 2019 09:49:39 +0000

Golden State Warriors nuk ia ka dalë të fitojë ndaj Houston Rockets, edhe pse këta të fundit nuk kishin James Harden. Chris Paul ishte lideri i skuadrës së tij, teksa shënoi 23 pikë dhe shërbeu 17 herë për shokët e skuadrës. Eric Gordon dhe Kenneth Faried realizuan respektivisht 25 dhe 20 pikë për Rockets.

Diferenca prej 15 pikësh e krijuar në periodën e parë ishte vendimtare. Kevin Durant (29 pikë), Stephen Curry (25 pikë, 7 asiste, 9 rikuperime) dhe Klay Thompson (20 pikë, 6 asiste, 4 rikuperime) nuk ia dolën dot të përmbysnin rezultatin dhe t’i jepnin fitoren kampionëve në fuqi.

Milwaukee Bucks likuiduan Minnesota Timberwolves me rezultatin 140-128. Khris Middleton shënoi 28 pikë, kurse Giannis Antetokounmpo një pikë më pak. Greku rikuperoi 10 topa, si dhe asistoi 7 herë për shokët e skuadrës. Los Angles Lakers dështuan të mundin New Orleans Pelicans, pasi këta të fundit me rezultatin 128-115 dolën me kokën lart nga parketi.

Brandon Ingram (29 pikë, 3 asiste, 5 rikuperime) dhe Lebron James (27 pikë, 12 asiste, 7 rikuperime) ishin të pafuqishëm për t’i nxjerrë Lakers fitimtar. Jrue Holiday (27 pikë) dhe Julius Randle (24 pikë) kishin mbështetje më të madhe nga shokët e skuadrës së tyre dhe iu gëzuan fitores.

Russell Westbrook, me 41 pikë të realizuara, nuk ia doli të shpëtonte Oklahoma City Thunder në humbjen e pësuar ndaj Sacramento Kings me rezultatin 116-119. Indiana Pacers dhe Utah Jazz nuk kanë falur, pasi kanë mposhtur respektivisht Washington Wizards dhe Dallas Mavericks.

Philadelphia 76ers-Portland Trail Blazers 115-130
Cleveleand Cavaliers-Memphis Grizzlies 112-107
Atlanta Hawks-Phoenix Suns 120-112
Washington Wizards-Indiana Pacers 112-119
Charlotte Hornets-Brooklyn Nets 115-117
New Orleans Pelicans-Los Angeles Lakers 128-115
Miami Heat-Detroit Pistons 96-119
Chicago Bulls-Boston Celtics 126-116
Oklahoma City Thunder-Sacramento Kings 116-119
Golden State Warriors-Houston Rockets 112-118
Milwaukee Bucks-Minnesota Timberwolves 140-128
Utah Jazz-Dallas Mavericks 125-109

Warriors likuidojnë Utah Jazz, James nuk mjafton për Lakers

Sport Ekspres — Wed, 13 Feb 2019 09:42:01 +0000

Golden State Warriors marshon në NBA. Kampionët në fuqi kanë regjistruar fitoren e 41-të, teksa këtë herë kaluan me sukses Utah Jazz me rezultatin 115-108. Kevin Durant ishte shënuesi më i mirë, teksa realizoi 28 pikë. Stephen Curry me 24, si dhe Klay Thompson me 22 pikë, dhanë kontributin e tyre.

Ndeshja nisi mirë për Warriors në periodën e parë, por më pas Jazz rikuperoi disavantazhin dhe arriti të kalojë në epërsi. Gjithsesi perioda e fundit ishte më e mirë për kampionët në fuqi, që shënuan 10 pikë më shumë dhe arritën të siguronin fitoren.

LeBron James, edhe pse regjistroi “triple-double” me 28 pikë, 16 asiste dhe 11 rikuperime, nuk e ndihmoi dot skuadrën e tij të triumfonte ndaj Atlanta Hawks. Los Angeles Lakers u thyen me rezultatin 117-113. Vendasit bënë mjaftueshëm mirë në periodën e parë dhe të tretë dhe triumfuan.

Atlanta Hawks-Los Angeles Lakers 117-113
Memphis Grizzlies-San Antonio Spurs 107-108
New Orleans Pelicans-Orlando Magic 88-118
Philadelphia 76ers-Boston Celtics 109-112
Golden State Warriors-Utah Jazz 115-108

LeBron James i pafuqishëm ndaj Pacers, Raptors likuidojnë 76ers

Sport Ekspres — Wed, 06 Feb 2019 10:05:35 +0000

Toronto Raptors ka arritur të mundë Philadelphia 76ers me rezultatin 107-119, edhe pse Joel Embiid ishte në një ditë të mirë dhe shënoi 37 pikë e rikuperoi 13 topa. Kawhi Leonard (24 pikë), Serge Ibaka (20 pikë) dhe Kyle Loëry (20 pikë) bashkuan forcën për t’i dhënë triumfin kanadezëve.

Indian Pacers është shumë e fortë për Los Angeles Lakers. LeBron James ishte i pafuqishëm për t’i dhënë fitoren skuadrës së tij, madje arriti të shënojë vetëm 18 pikë, si dhe dha 9 asiste e rikuperoi 7 topa. Pacers në fakt ishin favoritë dhe në fund fituan me rezultatin e thellë 136-94.

Charlotte Hornets janë përmbysur në periodën e katërt nga Los Angeles Clippers, që fitoi 115-117. Kemba Walker shënoi 32 pikë, kurse Jeremy Lamb 22. Gjithsesi në fund ishin Clippers ata që dolën kryelartë nga parketi dhe kjo falë paraqitjes mjaft të mirë të Tobias Harris dhe Lou Williams, të cilët realizuan respektivisht nga 34 dhe 31 pikë.

Blake Griffin me 29 pikët e tij udhëhoqi Detroit Pistons në fitoren 92-105 kundër Neë York Knicks. Boston Celtics ka bërë detyrën kundër Cleveland Cavaliers. Takimi mes tyre përfundoi 96-103. Paul George (39 pikë, 3 asiste, 8 topa të rikuperuar) dhe Russell Westbrook (“triple-double”: 16 pikë, 16 asiste, 15 topa të rikuperuar) shkëlqyen në triumfin që Oklahoma City Thunder mori kundër Orlando Magic me shifrat 132-122.

Charlotte Hornets-Los Angeles Clippers 115-117
Cleveland Cavaliers-Boston Celtics 96-103
Indiana Pacers-Los Angeles Lakers 136-94
New York Knicks-Detroit Pistons 92-105
Memphis Grizzlies-Minnesota Timberwolves 108-106
Oklahoma City Thunder-Orlando Magic 132-122
Philadelphia 76ers-Toronto Raptors 107-119
Portland Trail Blazers-Miami Heat 108-118

VIDEO | Bien Warriors dhe Raptors, Lebron James rikthehet fuqishëm

Sport Ekspres — Fri, 01 Feb 2019 10:28:19 +0000

Stephen Curry me 41 pikët e tij, apo Kevin Durant me 25, nuk e kanë shpëtuar dot Golden State Warriors. Kampionët në fuqi janë mposhtur pas 11 fitoreve radhazi nga Philademphia 76ers me rezultatin 104-113. Miqtë bënë diferencën në periodën e tretë, pasi shënuan 16 pikë më shumë se Warriors. Joel Embiid (26 pikë, 5 asiste, 20 topa të rikuperuar) Ben Simmons (26 pikë, 6 asiste, 8 topa të rikuperuar) bënë një paraqitje shumë të mirë për 76ers.

Takim tjetër i rëndësishëm ishte Toronto Raptors-Milwaukee Bucks. Miqtë fituan 92-105 dhe ishin shtatë basketbollistë që realizuan më shumë se 10 pikë. Giannis Antetokounmpo numëroi 19 pikë në këtë takim. Për Raptors spikati Pascal Siakam me 28 pikë të shënuara.

LeBron James është rikthyer dhe i ka dhënë fitoren Lakers kundër Clippers. Një ndeshje e vendosur në shtesë dhe që përfundoi 120-123. “The King” shënoi 24 pikë, ndërkohë që dha 9 asiste e rikuperoi 14 topa. Fitore me mjaft vlera për Lakers

Detroit Pistons-Dallas Mavericks 93-89
Orlando Magic-Indiana Pacers 107-100
Toronto Raptors-Milwaukee Bucks 92-105
San Antonio Spurs-Brooklyn Nets 117-114
Golden State Warriors-Philademphia 76ers 104-113
Los Angeles Clippers-Los Angeles Lakers 120-123

VIDEO | Warriors të pafuqishëm ndaj Lakers, “alarmon” LeBron James

Sport Ekspres — Wed, 26 Dec 2018 11:25:40 +0000

Golden State Warriors kanë ngecur ndaj Los Angeles Lakers, që triumfoi me rezultatin 101-127. Lebron James i është gëzuar fitores, por shqetëson skuadrën e tij për shkak të një dëmtimi të pësuar që e ndali atë pas 21 minutash lojë. “Mbreti” realizoi 17 pikë dhe rikuperoi 13 topa, ndërkohë që dha edhe 5 asiste.

Paraqitje e tij, por edhe e shokëve të skuadrës, ishte e mirë dhe e mjaftueshme për të nxjerrë të mundur kampionët në fuqi. Durant shënoi 21 pikë, kurse Curry 15, të dy të lënë në hije nga Andre Iguodala. Ky i fundit shënoi 23 pikë për Warriors, duke qenë shënuesi më i mirë për të dyja skuadrat.

Një tjetër ndeshje e luajtur sot ishte Utah Jazz-Portland Trail Blazers, që përfundoi 117-96. Fitore e rëndësishme për skuadrën vendase, që u tregua e fortë në grup. Plot 7 basketbollistë realizuan më shumë se 10 pikë, duke bërë që Trail Blazers të dilnin të mposhtur.

Golden State Warriors-Los Angeles Lakers 101-127
Utah Jazz-Portland Trail Blazers 117-96

LeBron James nuk mjafton, Nuggets likuikojnë Mavericks

Sport Ekspres — Wed, 19 Dec 2018 08:28:49 +0000

Brooklyn Nets nuk i ka hapur rrugë Los Angeles Lakers, që i ka mundur me rezultatin 115-110. Diferencë e vogël, me vendasit që ishin më të fortë në grup dhe ia dolën të triumfojnë përballë elementëve cilësorë të Lakers. LeBron James ishte më i miri në parket, teksa veç 36 pikëve të realizuara, asistoi 8 herë dhe rikuperoi 13 topa. Paraqitje e mirë edhe për Kyle Kuzma (22 pikë, 3 asiste, 11 topa të rikuperuar) dhe Lonzo Ball (23 pikë, 3 asiste, 6 topa të rikuperuar).

Nikola Joki? (32 pikë, 4 asiste, 16 topa të rikuperuar) ka udhëhequr Denver Nuggets në triumfin ndaj Dallas Mavericks me shifrat 128-118. Për teksanët spikat Harrison Barnes me 30 pikë të realizuara. Indiana Pacers është befasuar nga Cleveland Cavaliers, në një ndeshje që është mbyllur me një pikë diferenca, pasi përfundoi 91-92. Ka triumfuar sot edhe Atlanta Hawks, që mundi 118-110 Washington Wizards.

Indiana Pacers-Cleveland Cavaliers 91-92
Atlanta Hawks-Washington Wizards 118-110
Brooklyn Nets-Los Angeles Lakers 115-110
Denver Nuggets-Dallas Mavericks 128-118

Lebron James udhëheq Lakers, Harden i papërmbajtshëm për Rockets

Sport Ekspres — Sun, 16 Dec 2018 09:17:28 +0000

Los Angeles Lakers kanë kaluar me sukses Charlotte Hornets me rezultatin 100-128, ndërkohë që LeBron James dhe Lorenzo Ferguson regjistruan “triple-double”. Mbreti shënoi 24 pikë, asistoi 11 herë dhe rikuperoi 12 topa. Shoku i tij i skuadrës realizoi 16 pikë, ndërsa në llogarinë e tij u shënuan 10 asiste e po aq topa të rikuperuar.

Los Angeles Clippers po kalon një periudhë jo të mirë dhe është mundur sot. Këtë herë mund të shfajësohet për faktin se pati një kundërshtar si Oklahoma City Thunder, që triumfoi 110-104. Paul George, me 33 pikë, zhvlerësoi 28 pikët Danilo Gallinari.

Houston Rockets ka marrë fitoren e 14-të, duke balancuar numrin e humbjeve. James Harden ishte më i miri në parket, teksa realizoi “triple-double”: 32 pikë, 10 asiste, 12 topa të rikuperuar. Edhe Clint Capela bëri mirë, duke shënuar 26 pikë. Rockets mposhtën një kundërshtar të fortë si Memphis Grizzlies, me rezultatin 97-105.

Phoenix Suns ka befasuar Minnesota Timberwolves me shifrat 107-99. Karl-Anthony Towns (28 pikë) dhe Derrick Rose (25 pikë) nuk mjaftuan për Timberwolves, që humbën një mundësi të mirë për të fituar. E njëjtë situata edhe me San Antonio Spurs. Chicago Bulls i mposhti 93-98, madje duke përmbysur gjithçka në dy periodat e fundit. Një ndeshje e ekuilibruar ajo mes Detroit Pistons dhe Boston Celtics, që u fitua në fund nga vendasit 113-104.

Orlando Magic-Utah Jazz 96-89
Charlotte Hornets-Los Angeles Lakers 100-128
Detroit Pistons-Boston Celtics 113-104
Memphis Grizzlies-Houston Rockets 97-105
San Antonio Spurs-Chicago Bulls 93-98
Oklahoma City Thunder-Los Angeles Clippers 110-104
Phoenix Suns-Minnesota Timberwolves 107-99

76ers dhe City Thunders të pandalshëm, Lakers likuidon Mavericks

Sport Ekspres — Sat, 01 Dec 2018 08:14:27 +0000

Fitore e rëndësishme e Los Angeles Lakers, që mundën një kundërshtar si Dallas Mavericks. Takimi u mbyll 114-103, teksa LeBron James arriti të shënojë 28 pikë. Harrison Barnes i Mavericks shënoi një pikë më shumë se “Mbreti”, por skuadra e tij doli e mposhtur.

Boston Celtics ka bërë detyrën kundër Cleveland Cavaliers, teksa ka fituar 128-95. Plot shtatë basketbollistë shënuan mbi 10 pikë, me Kyrie Irving që realizoi 29, më shumë se të gjithë. Philadelphia 76ers ka likuiduar Washington Wizards me shifrta 123-98 dhe ka regjistruar fitoren e 16-të sezonale.

Clint Capela (27 pikë), Eric Gordon (26 pikë) dhe James Harden 23 (pikë) udhëhoqën Houston Rockets në fitoren 105-136 ndaj San Antonio Spurs. Oklahoma City Thunder marshon. Atalanta Hawks ishte kundërshtari i radhës që e mundën 124-109. Fitorja 14-t sezonale.

Përballje e fortë ishte Portland Trail Blazers-Denver Nuggets, që përfundoi 112-113. C. J. Mccollum realizoi 33 pikë për Blazers, por nuk mjaftuan. Brooklyn Nets nuk ia dolën të triumfojnë ndaj Memphis Grizzlies. 125-131 u mbyll i gjithë takimi, ku spikatën Mike Conley Jr. (37 pikë, 10 asiste, 5 topa të rikuperuar) dhe Jaren Jackson Jr. (36 pikë, 2 asiste, 8 topa të rikuperuar.)

Boston Celtics-Cleveland Cavaliers 128-95
Detroit Pistons-Chicago Bulls 107-88
Philadelphia 76ers-Washington Wizards 123-98
Charlotte Hornets-Utah Jazz 111-119
Brooklyn Nets-Memphis Grizzlies 125-131
Oklahoma City Thunder-Atalanta Hawks 124-109
Miami Heat-New Orleans Pelicans 106-101
San Antonio Spurs-Houston Rockets 105-136
Phoenix Suns-Orlando Magic 85-99
Portland Trail Blazers-Denver Nuggets 112-113
Los Angeles Lakers-Dallas Mavericks 114-103

Marshojnë Warriors dhe Raptors, James gëzon me Lakers

Sport Ekspres — Sat, 24 Nov 2018 09:54:26 +0000

Golden State Warriors ka shpartalluar Portlaind Trail Blazers 125-97. Kevin Durant dhe Kaly Thompson morën ekipin për dore, teksa realizuan 32 dhe 31 pikë secili. Një ndeshje që nisi mirë për miqtë, por perioda e dytë deri tek e fundit folën për kampionët në fuqi. Kawhi Leonard (27 pikë) ishte ai që udhëhoqi Toronto Raptors në fitoren 125-107 kundër Washington Wizards. Fitorja e 16-të sezonale për kanadezët, që udhëheqin klasifikimin në Konferencën e Lindjes.

Janë befasuar Milwaukee Bucks dhe Philadelhia 76ers. Të parët u mundën nga Phoenix Suns 114-116. Një ndeshje e balancuar, teksa Giannis Antetokounmpo realizoi 35 pikë. Gjithsesi nuk mjaftuan për të fituar. 76ers e pësoi nga Cleveland Cavaliers, që morën fitoren e tretë sezonale me rezultatin 112-121.

Denver Nuggets likuiduan me sukses Orlando Magic me shifrat 112-87, ndërkohë që festoi edhe LeBron James. Los Angeles Lakers fitoi ndaj Utah Jazz 90-83 dhe “Mbreti” shënoi 22 pikë për skuadrën e tij.

Fitore e rëndësishme për Los Angeles Clippers, ndaj një rivali si Memphis Grizzlies. 112-107 ishte rezultati i takimit, që u vendos në shtesë. Derrick Rose me 25 pikët e realizuar ndihmoi Minnesota Timberwolves të triumfonte 102-112 kundër Brooklyn Nets.

Houston Rockets është mposhtur 116-111 nga Detroit Pistons, pavarësisht se James Harden bëri një ndeshje të mirë dhe shënoi 33 pikë. Clint Capela gjithashtu shkëlqeu, me 29 pikë dhe 21 topa të rikuperuar, por në fund ishin Pistons ata që festuan.

Boston Celtics bënë detyrën kundër Atlanta Hawks, duke fituar me rezultatin 96-114. New York Knicks ishte në lartësinë e duhur në shtëpi kundër New Orleans Pelicans dhe triumfoi114-109. Josh Richardson ishte në një formë të mirë kundër Chicago Bulls, teksa shënoi 27 pikë. Me rezultatin 96-103 Miami Heat doli me kokën lart nga parketi.

Oklahoma City Thunder është në rrugë të mbarë, pasi kaloi Charlotte Hornets me shifrat 109-104. Russell Westbrook ishte njeriu i ndeshjes me 32 pikë, 8 asiste dhe 12 topa të rikuperuar. LaMarcus Aldridge (33 pikë, 3 asiste, 14 rikuperime) nderoi San Antonio Spurs, që mposhti Indiana Pacers 100-111.

Brooklyn Nets-Minnesota Timberwolves 102-112
Los Angeles Clippers-Memphis Grizzlies 112-107
Detroit Pistons-Houston Rockets 116-111
Philadelhia 76ers-Cleveland Cavaliers 112-121
Atlanta Hawks-Boston Celtics 96-114
Toronto Raptors-Washington Wizards 125-107
New York Knicks-New Orleans Pelicans 114-109
Chicago Bulls-Miami Heat 96-103
Oklahoma City Thunder-Charlotte Hornets 109-104
Indiana Pacers-San Antonio Spurs 100-111
Milwaukee Bucks-Phoenix Suns 114-116
Denver Nuggets-Orlando Magic 112-87
Los Angeles Lakers-Utah Jazz 90-83
Golden State Warriors-Portlaind Trail Blazers 125-97

Zhgënjejnë Bucks dhe Raptors, James udhëheq “Lakers”-at

Sport Ekspres — Thu, 15 Nov 2018 09:39:35 +0000

Los Angeles Lakers tashmë ka një bilanc pozitiv. LeBron James i ka udhëhequr drejt fitores kundër Portland Trail Blazers, edhe pse nisja nuk ishte e mirë. Gjithsesi në fund Lakers triumfuan 126-117. “Mbreti” arriti të shënojë plot 40 pikë, por jo vetëm kaq: 10 rikuperime dhe 9 asiste u regjistruan në llogari të tij. Damian Lillard për miqtë bëri mirë, teksa shënoi 31 pikë, dha 11 asiste dhe rikuperoi 8 topa.

Toronto Raptors është mposhtur sërish. Këtë herë Detroit Pistons u ka shkaktuar humbje kanadezëve me rezultatin 104-106. Kawli Leonard kishte mundësinë t’i jepte fitoren skuadrës së tij, por në sulmin e fundit i iku topi nga duart. Pistons shfrytëzuan rastin dhe Reggie Bullock realizoi dy pikëshin që i dha fitoren skuadrës së tij. Blake Griffin ishte më i miri, me 30 pikë dhe 12 rikuperime.

Marc Gasol (29 pikë) dhe Mike Conley Jr. (26 pikë) arritën t’i shkaktojnë humbjen e katërt Milwaukee Bucks. Memphis Grizlies e nis më mirë, ndërkohë që Giannis Antetokounmpo (31 pikë, 9 rikuperime) e ngushtuan rezultatin më pas, por miqtë ishin në një ditë të mirë dhe fituan me rezultatin 113-116.

Orlando Magic u treguan të papërmbajtshëm në periodën e fundit, duke përmbysur gjithçka në takimin kundër Philadelphia 76ers. Kjo ndeshje u mbyll 111-106. Washington Ëizards kanë kthyer me këmbë në tokë Cleveland Cavaliers, teksa i kanë mundur këta të fundit 119-95.

Dominim total i Boston Celtics kundër Chicago Bulls. Fitorja e tetë për vendasit, që këtë herë e regjistruan triumfin me rezultatin 111-82. Miami Heat është një nga skuadrat që triumfoi sot. 107-120 u mbyll takimi kundër Brooklyn Nets.

Fitore e rëndësishme për Minnesota Timerwolves, që e nisën mirë kundër New Orleans Pelicans dhe në fund me rezultatin 107-100 dolën me kokën lart nga parketi. Paul George, me 35 pikë të shënuara, udhëhoqi drejt triumfit me rezultatin 128-103 skuadrën e Oklahoma City Thunder. Kundërshtari ishte New York Knicks.

Dallas Mavericks kanë turpëruar Utah Jazz, duke i mundur me 50 pikë më shumë. Një ditë e mirë për Phoenix Suns, që morën fitoren e tretë sezonale me një rezultat bindës kundër San Antonio Spurs.

Orlando Magic – Philadelphia 76ers 111-106
Washington Wizards – Cleveland Cavaliers 119-95
Boston Celtic– Chicago Bulls 111-82
Brooklyn Nets– Miami Heat 107-120
Toronto Raptors – Detroit Pistons 104-106
Milwaukee Bucks– Memphis Grizzlies 113-116
Minnesota Timerwolves – New Orleans Pelicans 107-100
Oklahoma City Thunder – New York Knicks 128-103
Dallas Mavericks – Utah Jazz 118-68
Phoenix Suns – San Antonio Spurs 116-96
Los Angeles Lakers – Portland Trail Blazers 126-117

Warriors rikthehen pa Curry, Toronto nuk di të ndalet! James udhëheq Lakers

Sport Ekspres — Sun, 11 Nov 2018 11:40:17 +0000

Golden State Warriors janë rikthyer te fitorja dhe e kanë bërë diçka të tillë pa Stephen Curry. kampionët në fuqi mposhtën Brooklyn Nets 116-100. Kevin Durant, me 28 pikë e 11 asiste, ishte lideri i skuadrës së tij në fitoren e 11-të sezonale. Quinn Cook me 27 pikë dhe Klay Thompson me 24 dhanë gjithashtu një kontribut të vyer në triumfin e arritur.

Milwaukee Bucks befasisht janë mposhtur në shtesë nga Los Angeles Clippers, që fituan 128-126. Koha e rregullt u mbyll 119-119. Lou Williams, me dy pikët e shënuara në limite i dha fitoren skuadrës së tij. Giannis Antetokounmpo për Bucks bëri një paraqitje të mirë (27 pikë, 18 rikuperime, 4 asiste), por nuk mjaftoi që skuadra e tij të fitonte.

Toronto nuk kanë rivalë dhe kryesojnë Konferencën e Lindjes. Këtë herë kanë mposhtur 128-112 New York Knicks. Fitorja e 12-të për ta, ndërkohë që deri më tani janë mposhtur vetëm një herë. LeBron James ka udhëhequr Los Angeles Lakers drejt triumfit në përballjen kundër Sacramento Kings, që u mbyll 86-101.

San Antonio Spurs kanë kaluar me sukses Houston Rockest, ndërkohë që më në fund rezultat pozitiv edhe për Dallas Mavericks. Teksanët dominuan dhe fituan 111-96 kundër Oklahoma City Thunder. Cleveland Cavaliers kishin mundësinë të merrnin fitoren e dytë sezonale, por u thyen 99-98 nga Chicago Bulls. Sulmi i fundit për dy pikë i Cavs u ndal nga vendasit, që në fund festuan triumfin.

John Wall me 28 pikët e shënuara ishte lideri i Washington Wizard në rezultatin pozitiv që skuadra e mori kundër Miami Heat. Ka fituar edhe New Orleans Pelicans, që kaloi me sukses Phoenix Suns. Vendasit dominuan dhe në fund rezultati përfundimtar ishte 119-99. Memphis Grizzlies në shtesë ia ka dalë të mposhtë Philadelphia 76ers me rezultatin 112-106.

Toronto Raptors-New York Knicks 128-112
Los Angeles Clippers-Milwaukee Bucks 128-126
New Orleans Pelicans-Phoenix Suns 119-99
Miami Heat-Washington Wizards 110-116
San Antonio Spurs-Houston Rock 96-89
Dallas Mavericks-Oklahoma City Thunder 111-96
Chicago Bulls-Cleveland Cavaliers 99-98
Memphis Grizzlies-Philadelphia 76ers 112-106
Golden State Warriors-Brooklyn Nets 116-100
Sacramento Kings-Los Angeles Lakers 86-101

LeBron spektakël në parket, Emili çmend tifozët në tribunë

Sport Ekspres — Fri, 09 Nov 2018 23:50:13 +0000

LeBron Xhejms në Los Anxheles, një kombinim i shkëlqyer dhe ia vlen për çdo tifoz të basketbollit amerikan që të shpenzojë për të parë një ndeshje të superstarit të NBA-së.

Gjithë sytë te LeBron, edhe në ndeshjen e fundit kundër Minesotas, derisa… u shfaq Emili Ratajkovski, e (zh)veshur me një bluzë pa gjë poshtë.

Checking in on boo @kingjames

A post shared by Emily Ratajkowski (@emrata) on Nov 7, 2018 at 11:01pm PST

Aty ndeshja bëhet e zjarrtë, tifozët shohin LeBronin dhe gjysmën e aksionit e humbasin sepse kthejnë kokën nga modelja e famshme.

Emili nuk është se e kishte mendjen fort te ndeshja, por ishte rast ideal për një paradë mode dhe ekspozim të “pronave” të saj, ndërsa më vonë në Instagramin e saj u shfaqën fotot, si rastësisht. Marketing, jo shaka!

Laundry day

A post shared by Emily Ratajkowski (@emrata) on Nov 5, 2018 at 11:03am PST

Feeling myself in the Parisian light ?

A post shared by Emily Ratajkowski (@emrata) on Sep 30, 2018 at 3:32am PDT

Milano

A post shared by Emily Ratajkowski (@emrata) on Sep 22, 2018 at 2:10pm PDT

??

A post shared by Emily Ratajkowski (@emrata) on Sep 16, 2018 at 8:25am PDT

LA I ?? you

A post shared by Emily Ratajkowski (@emrata) on Aug 22, 2018 at 1:24pm PDT

Toronto marshon, bien Nuggets. LeBron James mposht Derrick Rose

Sport Ekspres — Thu, 08 Nov 2018 12:02:59 +0000

Toronto Raptors nuk di të ndalet. Kanadezët regjistruan fitoren e 11-të kundër Sacramento Kings me rezultatin 105-114. Një ndeshje e nisur mirë, teksa në tre periodat e para diferenca shkoi në 16 pikë. Në të fundit vetëm sa u ngushtua diferenca, pasi fitorja e Raptors nuk u vu në asnjë moment në diskutim. Kawhi Leonard (25 pikë; 2 asiste; 11 rikuperime) dhe Pascal Siakam (21 pikë) ishin ata që udhëhoqën skuadrën e tyre drejt fitores së radhës.

Denver Nuggets kanë pësuar humbjen e dytë sezonale. Memphis Grizzlies i ka thyer 89-87, në një ndeshje që ka qenë e ekuilibruar nga fillimi në fund. Mund të mbyllej edhe ndryshe, por në aksionin e fundit Nikola Jokiç nuk ia ka dalë të realizojë në tentativën e tij për tre pikë.

Los Angeles Lakers ka fituar vetëm në fund kundër Minnesota Timberwolves. Katër pikë diferencë dhe LeBron James me shokë festuan triumfin me shifrat 114-110. “Mbreti” për një asist mund të bënte “triple-double”. Shifrat e tij ishin: 24 pikë, 9 asiste dhe 10 rikuperime. Derrick Rose nga kampi tjetër realizoi 31 pikë.

Oklahoma City Thunder kaloi me sukses Cleveland Cavaliers, në një ndeshje që përfundoi 85-96. Dennis Schröder ishte lideri i Thunders me 28 pikë. Fitore për Detroit Pistons, që theu Orlando Magic 96-103. Tim Hardaway Jr. me 34 pikë udhëhoqi New York Knicks në fitoren 107-112 kundër Atlanta Hawks.

Miami Heat arriti të mposhtë San Antonio Spurs 95-88. Gjiganti Hassan Whiteside ishte i papërmbajtshëm me 29 pikë të realizuara dhe 20 topa të rikuperuar. Indiana Pacers, pavarësisht 36 pikëve të Victor Olapido, është mundur nga Philadelphia 76ers 94-100.

Derbi i Teksasit, Utah Jazz-Dallas Mavericks, ka përfunduar 117-102. Gjithçka u vendos në dy periodat e para, me Jazz që kishin shënuar 23 pikë më shumë. Reagimi i Mavericks ishte i pamjaftueshëm për të ndryshuar fatet e ndeshjes.

Anthony Davis ishte në një formë të jashtëzakonshme, duke shënuar 32 pikë. Gjithashtu ai dha edhe 7 asiste, si dhe rikuperoi 15 topa. Në fund New Orleans Pelicans triumfuan 107-98 kundër Chicago Bulls, duke marrë fitoren e pestë sezonale.

Cleveland Cavaliers-Oklahoma City Thunder 85-96
Orlando Magic-Detroit Pistons 96-103
Atlanta Hawks-New York Knicks 107-112
Miami Heat-San Antonio Spurs 95-88
Indiana Pacers-Philadelphia 76ers 94-100
Memphis Grizzlies-Denver Nuggets 89-87
New Orleans Pelicans-Chicago Bulls 107-98
Utah Jazz-Dallas Mavericks 117-102
Sacramento Kings-Toronto Raptors 105-114
Los Angeles Lakers-Minnesota Timberwolves 114-110

Spektakël në NBA: Warriors marshojnë, Derrick Rose rekord dhe fitore e James

Sport Ekspres — Thu, 01 Nov 2018 09:55:41 +0000

Golden State Warriors ka regjistruar fitoren e tetë. Kampionët në fuqi thyen 131-121 New Orleans Pelicans dhe vijojnë të kryesojnë Konferencën e Perëndimit. Një ndeshje që nisi mirë për Warriors, pasi në tre periodat e para shënuan 15 pikë më shumë se kundërshtari.

Pelicans në periodën e fundit, edhe pse shënuan më shumë, nuk mund të përmbysnin dot. Stephen Curry si zakonisht dha kontributin e tij për Warriors, teksa realizoi 37 pikë. Durant realizoi 24, ndërkohë që edhe Klay Thompson vijon të bëjë mirë. Këtë herë realizoi 18 pikë.

Emocionues takimi Chicago Bulls-Denver Nuggets. Vetëm një pikë diferencë në fund, ndërkohë që u desh shtesa për të përcaktuar fituesin. Rezultati përfundimtar? 107-108. Paul Millsep ishte ai që vendosi fituesin, pasi shënoi koshin e fitores kur kish mbetur edhe 0.1 sekondë nga përfundimi.

Nuggets realizuan katër pikë më shumë në periodën e parë, ndërkohë që gradualisht Chicago Bulls e zvogëloi epërsinë dhe katër periodat e kohës së rregullt u mbyllën me rezultatin 98-98. Në “Over time” miqtë shënuan një pikë më shumë dhe fituan.

Los Angeles Lakers janë rikthyer te fitorja. LeBron James ishte udhëheqësi i skuadrës së tij në fitoren 114-113 ndaj Dallas Mavericks. “Mbreti” ishte më i miri në parket me 29 pikë të shënuara, ndërkohë që ndeshja pati disa tablo. Lakers e nisën më mirë, teksa periodën e parë e mbyllën 38-21.

Teksanët reaguan dhe e ngushtuan rezultatin në mbyllje të gjysmës së ndeshjes. Lakers ishin në epërsinë e 7 pikë dhe e rritën në 13 pas mbylljes së periodës së tretë. Dallas Mavericks nuk u dorëzuan dhe e vunë në rrezik fitoren e Lakers, por në fund një pikë bëri diferencën.

San Antonio Spurs ka kaluar lehtësisht Phonix Suns me 30 pikë diferencë. Një ndeshje ku të gjithë basketbollistët e miqve shënuan pikë, me DeMar DeRozan që regjistroi 25 pikë të shënuara. Një më pak shënoi shoku i tij i skuadrës LaMarcus Aldridge.

Indiana Pacers ka fituar ndaj New York Knicks. Rezultati përfundimtar ishte 101-107 dhe miqtë treguan forcën e tyre në periodën e fundit, kur shënuan 10 pikë më shumë. Domantas Sabonis shënoi 30 pikë për Pacers, duke zhvlerësuar 37 pikët e realizuara nga Tim Hardaway Jr.

Skenën e ka marrë Derrick Rose në fitoren 128-125 që Minnesota Timberwolves mori ndaj Utah Jazz. Plot 50 pikë të realizuara nga basketbollisti i vendasve, që regjistroi edhe numrin më të lartë të pikëve të shënuara në një ndeshje përgjatë gjithë karrierës së tij.

Ndërkohë që paraqitje mbresëlënëse ka bërë edhe Karl-Anthony Towns (28 pikë, 4 asiste, 16 rikuperime). Një ndeshje disi e ekuilibruar, me Timberwolves që ishte më mirë në dy periodat e para, ndërkohë më pas Jazz u mundua të përmbyste rezultatin. Gjithsesi nuk ia arriti dot qëllimit.

New York Knicks-Indiana Pacers 101-107

Minnesota Timberwolves-Utah Jazz 128-125

Phoenix Suns-San Antonio Spurs 90-120

Chicago Bulls-Denver Nuggets 107-108

Los Angeles Lakers-Dallas Mavericks 114-113

Golden State Warriors-New Orleans Pelicans 131-121

Milwaukee Bucks si tank, LeBron James ndalet nga “Spurs”-at

Sport Ekspres — Sun, 28 Oct 2018 09:20:34 +0000

Milwaukee Bucks nuk ndalen: gjashtë ndeshje, gjashtë fitore. “Viktima” e radhës ishte Orlando Magic, që e ka pësuar me rezultatin 113-91. Gjithçka praktikisht u mbyll në tre periodat e para (30-25; 35-26; 28-17), pasi Bucks ishin në avantazhin e 25 pikëve. Në periodën e katërt një lëshim i lehtë, por Magic realizoi vetëm tre pikë më shumë (20-23).

Giannis Antetokounmpo ishte si zakonisht shënuesi më i mirë, teksa realizoi 21 pikë. Jo vetëm kaq, por ai u kursye për ndeshjen e radhës, pasi luajti vetëm 19 minuta. Nikola Vuçeviç i miqve ishte i pafuqishëm të udhëhiqte miqtë për të bërë surprizën ndaj Milwaukee.

Los Angeles Lakers, pas dy fitoreve radhazi është “ritakuar” me humbjen. LeBron James ishte më i miri në fushë me 35 pikë, 11 rikuperime e 4 asiste. Gjithsesi në fund San Antonio Spurs fitoi 110-106. Lakers e nisën mirë, teksa e mbyllën periodën e parë me avantazhin e shtatë pikëve (29-36).

Në të dytën (25-24) Spurs-at shënuan vetëm një pikë më shumë, por gjithçka u përmbys në gjysmën e dytë (33-28; 23-18) të ndeshjes. DeMar DeRozan për Spurs-at bëri një paraqitje të mirë, teksa shënoi 30 pikë, si dhe regjistroi 8 asiste dhe 12 topa të rikuperuar.

Triumfon Philadelphia 76ers, që mundi 105-103 Charlotte Hornets. Festoi Joel Embiid, i cili realizoi 27 pikë dhe rikuperoi 14 topa. Kemba Walker për Hornets shënoi më shumë pikë, 37, por nuk pati mbështetjen e duhur nga shokët e tij për të fituar.

Miami Heat ka likuiduar Portland Trail Blazers 120-111. Nisje e mirë e ndeshjes për vendasit, që realizuan 11 pikë më shumë. Në dy periodat e radhës e thelluan avantazhin, kurse në periodën e katërt ishte e vështirë që të përmbysej. Goran Dragiç ishte shënuesi më i mirë për Miami Heats, me 28 pikë. Dwyane Wade dhe Kelly Olunyk realizuan nga 19. Për Blazers 42 pikët e Damian Lillard shërbyen vetëm për shifrat personale të basketbollistit.

Chicago Bulls kanë fituar në transfertë ndaj Atlanta Hawks 85-97. “Demat” e treguan forcën e tyre në gjysmën e dytë të ndeshjes, kur shënuan 15 pikë më shumë se skuadra vendase. Zach LaVine bëri një paraqitje të mirë, me 27 pikë të shënuara dhe 11 topa të rikuperuar.

Memphis Grizzlies thyen Phoenix Suns 117-96 dhe e nisën vrullshëm ndeshjen. Tetë pikë më shumë në periodën e parë (26-18) dhe 17 pikë më shumë në periodën e dytë (42-25) bënë që ndeshja praktikisht të ishte e mbyllur. Reagimi i Suns në periodën e tretë (19-28) ishte i pamjaftueshëm për të ndryshuar fatet e ndeshjes.

Philadelphia 76ers-Charlotte Hornets 105-103
Miami Heat-Portland Trail Blazers 120-111
Milwaukee Bucks-Orlando Magic 113-91
Atlanta Hawks-Chicago Bulls 85-97
Memphis Grizzlies-Phoenix Suns 117-96
San Antonio Spurs-Los Angeles Lakers 110-106

Nuggets “dorëzohen” para LeBron James, Pistons të pandalshëm

Sport Ekspres — Fri, 26 Oct 2018 08:24:30 +0000

Denver Nuggets kanë pësuar humbjen e parë 121-114 dhe atë ia ka shkaktuar LeBron James me shokët e tij të Los Angeles Lakers. Fitorja e dytë për këta të fundit, që duket se po fitojnë ritmin e duhur. “Mbreti” ishte më i miri në parket, teksa regjistroi “triple-double”. Ndeshja u vendos në periodën e fundit, pasi Nuggets ishin në epërsinë e dy pikëve me mbylljen e tre periodave të para.

James realizoi 28 pikë, ndërkohë që dha 11 asiste dhe rikuperoi 11 topa. Sigurisht rol të rëndësishëm luajtën edhe shokët e tjerë të skuadrës, pasi pesë basketbollistë kanë realizuar më shumë se 10 pikë. Për Nuggets u paraqitën mirë Nikola Jokiç (24 pikë, 3 asiste, 11 rikuperime) dhe Jamal Murray (20 pikë, 1 asisit, 10 rikuperime).

Detroit Pistons deri më tani nuk njohin rivalë, pasi kanë regjistruar fitoren e katërt. Ata kaluan me sukses Cleveland Cavaliers këtë herë. Humbja e pestë për ish-skuadrën e Lebron James, që këtë herë regjistroi disfatë me rezultatin 110-103.

Një ndeshje e kontrolluar nga vendasit, që në fund lëshuan pak. Andre Drummond ishte “mbreti i ajrit”, pasi rikuperoi 22 topa dhe shënoi 26 pikë. Po kaq pikë realizoi edhe Blake Griffin, i cili gjithashtu rikuperoi 10 topa.

Portland Trail Blazers kaluan me sukses Orlando Magic me rezultatin 114-128. Damian Lillard ishte lart, teksa realizoi 41 pikë. Por edhe McCollum (22 pikë) dhe Jusuf Nurkiç (18 pikë, 10 rikuperime) dhanë një kontribut të vyer për të fituar. Nikola Vuçeviç (24 pikë, 11 rikuperime) i Magic nuk u bëri do t ballë i vetëm miqve.

Oklahoma City Thunder vijon me humbjet. Të katërtën e ka pësuar nga Boston Celtics 95-101. Në fakt “mëkat”, pasi gjysmën e parë të lojës vendasit e mbyllën me avantazhin e 16 pikëve (22-16; 28-18). Celtics arritën që në periodën e tretë (23-40) ta përmbysin ndeshjen dhe më pas në të katërtën (22-27) të ishin sërish më lart dhe të fitonin gjithë ndeshjen.

Orlando Magic-Portland Trail Blazers 114-128
Oklahoma City Thunder-Boston Celtics 95-101
Detroit Pistons-Cleveland Cavaliers 110-103
Los Angeles Lakers-Denver Nuggets 121-114

Curry i papërmbajtshëm, më në fund feston edhe LeBron James

Sport Ekspres — Thu, 25 Oct 2018 08:58:16 +0000

Tjetër fitore e kampionëve. Golden State Warriors mposhtën Washington Wizard me rezultatin 144-122, me një ndeshje që nisi mirë për vendasit. Perioda e parë dhe e tretë ishin ato ku bënë diferencën kampionët në fuqi.

Stephen Curry ishte i papërmbajtshëm me 51 pikë të realizuara. Sigurisht në lartësinë e duhur u paraqit edhe Kevin Durant, që shënoi 30 pikë. Fitorja e katërt për Warriors, që deri më tani janë mposhtur vetëm një herë.

Më në fund ka ardhur edhe fitorja e parë për Los Angeles Lakers, që thyen Phoenix Suns 113-131. Moment gëzimi për Lebron James, i cili shënoi vetëm 20 pikë. Gjithsesi ai rikuperoi 7 topa dhe asistoi 10 herë për shokët e skuadrës.

Milwaukee Bucks nuk dinë të ndalen. Ata kanë mposhtur Philadelphia 76ers 123-108, duke regjistruar fitoren e katërt radhazi. Giannis Antetokounmpo ishte njeriu i ndeshjes me “triple-double”, teksa shënoi 32 pikë, dha 10 asiste dhe rikuperoi 18 topa. Për 76ers Joel Embiid vijon të jetë lart. 30 pikë, 6 asiste dhe 19 topa të rikuperuar prej tij nuk mjaftuan për t’i bërë ballë forcës së Milwaukee Bucks.

Fitore për Sacramento Kings ndaj Memphis Grizzlies, me vetëm pesë pikë diferencë. Një ndeshje që u mbyll me rezultatin 97-92 dhe që u vendos në pjesën e dytë të lojës, me Kings që përmbysën disavantazhin e krijuar në dy periodat e para.

Ka festuar edhe për Indiana Pacers, që ka kontrolluar lojën kundër San Antionio Spurs dhe ka triumfuar në transfertë me rezultatin 96-116. Utah Jazz gjithashtu ka fituar jashtë ndaj Houston Rockets. Këta të fundit e nisën mirë, duke e mbyllur periodën e parë në avantazh, por më pas Jazz reaguan dhe në fund triumfuan 89-100.

James Harden për Rockets spikati me 29 pikët e shënuara, por Donovan Mitchell ishte më lart. Ai arrit të shënonte për Jazz plot 38 pikë dhe shërbeu shtatë herë për shokët e skuadrës së tij.

Houston Rockets-Utah Jazz 89-100
Milwaukee Bucks-Philadelphia 76ers 123-108
Sacramento Kings-Memphis Grizzlies 97-92
San Antonio Spurs-Indiana Pacers 96-116
Phoenix Suns-Los Angeles Lakers 113-131
Golden State Warriors-Washington Wizards 144-122

Lakers nuk i ndahen humbjeve, mbrëmje makthi për Lebron James

Sport Ekspres — Tue, 23 Oct 2018 09:55:29 +0000

Los Angeles Lakers vazhdon ecurinë negative në NBA. Skuadra e udhëhequr nga Lebron James është mundur nga San Antonio Spurs në periodën shtesë me rezultatin 143 – 142. Lebron James arriti ta çonte sfidën në periodën shtesë duke barazuar shifrat në sekondat e fundit të kohës së rregullt me anë të një tri-pikëshi, që e çoi rezultatin në 128 – 128.

Por, Lakers nuk arritën ta mbanin ritmin në pesë minutat e mbetura dhe mbrëmja e James u kthye në një makth, pasi shpërdori dy goditje të lira që do të kishin çuar Lakers tre pikë para me vetëm 12 sekonda lojë të mbetur.

I didn’t wanna do this to you Lebron lmaoo Can’t be my GOAT…Goodnight pic.twitter.com/t21FDuiBht

— abdul (@BBBettyx2) October 23, 2018

REZULTATET E SË MARTËS

Charlotte Hornets 106 – Toronto Raptors 127

Orlando Magic 93 – Boston Celtics 90

New York Knicks 113 – Milwaukee Bucks 124

Indiana Pacers 91 – Minnesota Timberwolves 101

Chicago Bulls 109 – Dallas Mavericks 115

Memphis Grizzlies 92 – Utah Jazz 84

Washington Wizards 125 – Portland Trail Blazers 124 (OT)

San Antonio Spurs 143 – Los Angeles Lakers 142 (OT)

Phoenix Suns 103 – Golden State Warriors 123