Megjithatë, ky realitet nuk prek vetëm një vend me 1001 probleme si Shqipëria. Në një analizë të fundit të kryer nga media prestigjioze “The Times”, është nxjerrë në pah fakti i keqmenaxhimit të klubeve në futbollin anglez.

Nuk po flasim për Premier League, që është kampionati më elitar i planetit dhe ku vendi i fundit ka të garantuara diçka më shumë se 100 milionë paundë nga të drejtat televizive. Futbolli profesionist në Angli shtrihet deri në divizionin e katërt për nga rëndësia, “League One”.

Shumica e klubeve të Premier League arrijnë të nxjerrin fitime në bilancet e përfundimtare, krejt e kundërta ndodh në ligat e poshtme. 52 nga 72 klube të Championship, League 1 dhe League Tëo” kanë mbyllur sezonet duke regjistruar humbje kolosale, shifra e kombinuar e të cilave është plot 388 milionë paundë.

Jo vetëm kaq, por Boltoni do e nisë kampionatin e ri me -12 pikë. Një dënim i rëndë, ndërsa klubi ka zgjedhur administratorët e rinj. Borxhi shkon në 1 milionë sterlina, ndërsa presidenti Anderson deklaroi javën e kaluar se kalimi i klubit në duart e administratorëve ishte zgjidhja e fundit që i kishte mbetur.

Pol Appleton, Asher Miler dhe Dejvid Rubin janë tre zyrtarët e zgjedhur dhe qëllimi është që klubi i njohur të vazhdojë ekzistencën. Ekipi nuk zbriti në fushë në ndeshjen kundër Bretfordit, pasi lojtarët bojkotuan për mungesën e rrogave.

Tifozët shpresojnë që kjo lëvizje në drejtimin e klubit të jetë pozitive dhe Boltoni i tyre i dashur t’i kalojë vështirësitë dhe ditët e errëta.

Portieri është një nga pozicionet me dyshimet më të mëdha. Megjithatë problemet e mëdha me ndershmërinë finaciare të klubit parizien do të sjellin rinovimin edhe për një vit tjetër me Xhanluixhi Bufon. Sipas “Sport Bild” legjenda italiane e katërkëndëshit do të zgjasë kontratën dhe Kevin Trap do të vazhdojë të jetë i huazuar tek Ajntrahti i Frankfurtit.

Të qëndrojmë në Gjermani, ku nga Frankfurti fluturojmë në Mynih. Tiago Alkantara është dëshira më e madhe e Al-Kelaifit dhe stafit të tij dhe do të ishte i gatshëm të bënte një shtrëngim të madh për ta arritur. Spanjolli do të ishte katalizatori që do e bënte shumë më funksionale mesfushën e Tuhel, repart i cili ka hasur probleme këtë vit. Rreth 70 milionë euro arrin të ofrojë Parisi për të, por pritet një rezistencë e madhe nga bavarezët.

Që të “shpërthejnë” blerjet në Paris duhet të rregullohet çështja e bilancit të hyrje-daljeve të parave dhe shitja e Nejmar do të sillte qetësinë në këtë aspekt dhe do i hapte rrugën blerjëve të shumta për të forcuar të gjitha repartet. 350 milionë është i gatshëm t’i vërë mbi tavolinë Florentino Perez. Megjithatë kjo është një dilemë e madhe për klubin nga Franca, pasi do i duhej të hiqte dorë nga një prej lojtarëve më të mirë të planetit.

Piatek ishte afrimi më i goditur i kuqezinjve, që larguan Higuanin te Çelsi për t’i hapur vend polakut. Megjithatë Piatek nuk ishte synimi i vetëm i kuqezinjve. Talenti i Nisës, Sant-Maksimin ishte shumë pranë trsnsferimit në Milano. 22-vjeçari aktivizohet në kampionatin francez dhe ka shfaqur një nivel të lartë.

Francezi e pranon faktin që ishte pranë skuadrës së drejtuar nga Gatuzo dhe nuk e mohon faktin se mund të transferohet në verë. ”Milani është një klub i mrekulllueshëm. Kam pasur rastin të transferohem në merkaton e dimrin, por nuk u finalizua. Do të shohim se çfarë do të ndodhë në verë, por unë jam gati për të hedhur këtë hap”,u shpreh Sant-Maksimin.

Gjatë ndeshjes së fundit në kampionat, Akinfeva shënoi dy gola dhe riktheu ekipin te fitorja pas 12 javësh. Në karrierë ka shënuar mbi 200 gola, pavarësisht kileve të tepërta. Futbollisti më muskulor në botë po mendon tërheqjen nga futbolli. Jo për shkak të moshës apo se është lodhur. Ai dëshiron të masë forcën e tij në… wrestling!

Në një prononcim për “The Sun”, Akinfeva pohon se është takuar me Duejn Xhonson, i njohur ndryshe si “The Rock”. Sulmuesi është i bindur që mund të fitojë përballë gjigantit dhe zbulon nofkën që do t’i vinte vetes.

“E adhuroj wrestling sepse ju pëlqen shumë fëmijëve të mi. Jam takuar me ‘The Rock’ dhe biseduam ca së bashku. Unë mund ta mposht atë. Emri që do zgjedh? Besoj se bisha”, përfundon Adebajo Akinfeva.

Barton ka marrë drejtimin e Flitvud Taun, ekip që garon në divizionin e tretë të futbollit anglez (League One). Disa vese nuk harrohen lehtë dhe tipat si Barton i qëndrojnë besnik zakoneve të vjetra.

Ekipi i tij ka luajtur të shtunën kundër Barnsleit në transfertë, ndeshje e përfunduar 4-2 për vendasit. Ish-mesfushori i njohur është kapur në tunelin e dhomave të zhveshjes me homologun e tij të Barnsleit.

Siç raportojnë mediat angleze, Barton ka përdorur duart mbas fjalëve dhe ka gjakosur me grushte gjermanin Daniel Stendel. Menjëherë ka ardhur policia, që ka prangosur trajnerin problematik. Barton ka nxituar të shkonte drejt makinës së tij për t’u larguar pas sherrit, por policia i ka bllokuar daljen dhe e ka arrestuar.

Askush nuk dëshiron të rrëzohet. Diçka e tillë do të ishte katastrofike dhe një dhimbje e madhe për tifozët. Në divizionin e tretë të futbollit anglez (League One), 13 skuadra po luftojnë fort mes tyre për të shmangur dështimin.

Kjo kategori ka 24 ekipe. Dy të parat kalojnë një kategori më lart, ndërsa vendi i tretë deri në të gjashtin luajnë ndeshjet “play off” për sigurimin e biletës së tretë.

Nga kategoria zbresin katër ekipet e fundit. Nga vendi i 12-të (Plejmuthi) e deri në vendin e 21-të, që përkon me ekipin e fundit që rrëzohet nga kategoria (Ualsall), janë vetëm 3 pikë diferencë.

Dhjetë ekipe ndahen vetëm nga një fitore dhe gara për të shpëtuar sezonin do të jetë e ashpër deri në sekondat e fundit. Deri në fund kanë mbetur edhe tetë “finale” dhe pritet me emocion lufta e fortë midis 13 ekipeve, nga të cilat katër prej tyre do rrëzohen një kategori më poshtë.

There’s only 3 points between 12th and 21st in League One! It’s a THIRTEEN team relegation battle ?? pic.twitter.com/IZMIYEPm49

— Soccer AM (@SoccerAM) March 18, 2019

Skuadra e Sanderlend ka luajtur prej shumë sezonesh në Premier Ligë dhe deri në sezonin 2016-17, kanë qenë pjesë e elitës angleze. Por në atë sezon, nuk arritën të mbijetonin në Premier Ligë dhe u rrëzuan në Championship, liga e dytë angleze.

Megjithatë, pritej që Sanderlendi të ringrihej menjëherë në Premier Ligë, për shkak të financave të shnëndosha që kishte klubi dhe cilësisë së shumë lojtarëve që arriti të ruajë në kontigjent. Por nuk ndodhi kështu: Klubi u fut në borxhe të majme dhe ishte në prag falimentimi.

Shumë lojtarë u larguan dhe Sanderlendi jo që nuk u ngjit në Premier Ligë, por u rrëzua në League One, kategoria e tretë angleze. Në sezonin aktual, Sanderlendi duket se ka lënë disa vështirësi pas dhe shumë shpejt mendohet se do të rikthehet sërish në elitë.

Aktualisht, Sanderlendi ndodhet në vend të tretë dhe shihet si skuadra favorite për t’u ngjitur në Championship, nga ku më pas do të synojnë dhe rikthimin në Premier Ligë. Në rast se Sanderlendi do t’ia dilte të ngjitej në Premier Ligë brenda dy sezonesh, do të ishte skuadra e vetme në histori që brenda katër sezonesh, rrëzohet nga Premier Liga në League One dhe ngjitet sërish në elitë.

“Nuk e kisha parë prej disa kohësh. Është si të kem një lojtar të ri sërish. Ai nuk mund të aktivizohet me ne, pasi regjistrimet rihapen në muajin janar. Ai ka tre ose katër javë për të më treguar se ç’është i aftë të bëjë. Nëse ia dal ta rikthej në ritmin e ndeshjeve, Kaja do të jetë një plus i madh për skuadrën tonë”, tha trajneri i skuadrës që militon në kategorinë e tretë angleze, League One.

Në Skoci, Kaja u aktivizua në gjashtë ndeshje me Livingston, ku vetëm dy herë luajti si titullar. Lojtari i lindur në Kosovë do i duhet të bindë trajnerin Douns gjatë këtyre javëve, përndryshe hapi i radhës së lojtarit mund të jetë një tjetër huazim në një skuadër të një niveli më të ulët.

Diçka të tillë e ka marrë vesh dhe administratori i deleguar i klubit, Gotjer Ganaje, i cili ka vendosur t’i shkruajë një letër Krisit, i cili po vuan, por që nuk heq dorë nga pasioni për Barnslin.

“I dashur Kris, më fal për këtë letër pa ndonjë arsye të dukshme, por kisha dëshirën që të shkruaja dhe të kontaktoja me ty. Kam mësuar nga rrjetet sociale faktin që nuk po kalon momente të mira në kohët e fundit. Nuk jam i sigurt se për çfarë bëhet fjalë, por shpresoj që gjithçka të përmirësohet sa më shpejt që të jetë e mundur. Ke qenë një tifoz i ekipit prej shumë vitesh dhe si rezultat i kësaj, nëse mund të bëjmë diçka për të të ndihmuar, të lutem na trego. Mund të vish këtu në çdo moment. Dera e zyrës ime është gjithmonë e hapur dhe më në fund kemi dhe një aparat kafeje, për të cilën duhet të falënderojmë Alfi Mauson (lojtar që u shit tek Suonsi për 300 mijë euro, në vitin 2016)”.

Letra arriti në destinacion dhe i dhuroi Krisit disa momente gëzimi dhe lumturie. Ky i fundit bëri publike letrën e dërguar nga klubi i zemrës dhe shkroi në “Twitter”: “Ekipi më i mirë në botë”.

Ndonjëherë mjafton një gjest i vogël për të dërguar tifozët në qiellin e shtatë dhe për t’i bërë të harrojnë për disa momente vështirësitë që po kalojnë. Dhe vendi ishullor është gjithmonë një hapa para të gjithëve në këtë drejtim.