Il Messaggero raporton se Lacio ka gati një ofertë prej 10 milionë eurosh për kartonin e 30-vjeçar, por Sportingu kërkon rreth 15-20 milionë euro. Dost ka zhvilluar 16 ndeshje me kombëtaren e tulipanëve, ndërsa ka shënuar 93 gola me klubin nga Lisbona.

Igli Tare nuk do ta ketë aspak të thjeshtë të sigurojë shërbimet e tij, pasi rivaliteti është i madh. Shalke, Sevija, Fenerbahçe dhe Bordo e pëlqejnë shumë holandezin dhe pritet të paraqesin ofertat e tyre te Sportingu.

Të dy kanë firmosur marrëveshje 5-vjeçare, që i mban në “Molineux Stadium” deri në verën e vitit 2024. Marrëveshja është kryer për shumën e 20 milionë eurove për të dy talentet.

Jardao luan si mesfushor dhe është vetëm 20 vjeç. Pedro Neto është sulmues anësor. Dyshja më parë ishin të lidhur me një kalim te Benfika.

Corriere dello Sport raporton se i preferuari është Fernando Lorente, të cilit i përfundoi kontrata me Totenhemin. 34-vjeçari është një lojtar i lirë, por akordi me të duhet arritur sa më shpejt pasi për të po interesohet edhe Fiorentina.

Për sulmuesin spanjoll mund të bëhet fjalë për një rikthim në Serie A, sepse Lorente u aktivizua me Juventusin gjatë viteve 2013-2015.

Për fat të keq sezoni nisi dhe përfundoi keq. Dëmtime, dy operacione në gju dhe vetëm 508 minuta aktivizim në 14 ndeshje. Tani është ndryshe, Berisha është i karikuar në maksimum dhe mund të jetë “surpriza” e këtij sezoni.

26-vjeçari i lindur në Malmo kreu disa teste mjekësore ditën e mërkurë dhe gjendje e tij fizike është optimale. Berisha nuk është akoma gati për lojë. Ai sapo ka nisur vrapin, ndërsa Simone Inzagi shpreson ta ketë sa më shpejt të gatshëm për lojë.

28-vjeç, shok skuadre te Serbia me Sergejn, kapiten i Kristial Palas, “ xhol” në mesfushë dhe sens goli. Kontrata me klubin e Premier Ligës i përfundon verën e ardhshme dhe as që ka ndërmend të rinovojë.

Kartoni i tij vlerësohet rreth 20 milionë euro, por fakti që kontrata i skadon verën e ardhshme mund t’i përgjysmojë çmimin. Milivojeviç shënoi 12 gola dhe dhuroi 2 asiste sezonin e kaluar me Kristal Palas.

Debutuesit e Breshias do të udhëtojnë drejt Kaljarit, ndërsa Fiorentina-Napoli është një nga kryendeshjet e javës së parë. Juventusi po ashtu do të luajë në transfertë, përballë ekipit të Parmës, që u ngjit këtë sezon në Serie A.

Interi do ta nisë disi më lehtë, pasi pret në “San Siro” ekipin e Leçes. Roma pret Xhenoan në “Stadio Olimpico”, ndërsa Lacio e nis në transfertë përballë Sampdorias.

Kalendari i plotë i javës së parë në Serie A:

Ndërsa java e dytë, ka siguruar sfida luksi. Juventusi pret Napolin në “Allianz Stadium”, një sfidë që është shndërruar në “derbi” vitet e fundit. Lazio përplas “brirët” me Romën, në derbin e famshëm të kryeqytetit italian. Milani pret Breshian në “San Siro”, ndërsa Interit udhëton drejt Kaljarit.

Kalendari i plotë i javës së dytë:

“Djajtë e Kuq” do të derdhin 80 milionë euro në arkat e klubit italian për 24-vjeçarin. Gjithçka është e kryer dhe në ditët në vazhdim ylli ballkanas do të fluturojë drejt Mançesterit për t’iu nënshtruar vizitave mjekësore.

Një lëvizje që pritej kjo, pasi edhe presidenti Lotito pati konfirmuar se lojtari dëshiron të largohet dhe e ka të pamunduar ta mbajë. Biznes i jashtëzakonshëm i Igli Tares, që e shet me dhjetfishin e vlerës që e solli nga Genk në vitin 2014.

Ardhja e ish-kapitenit të Romës ka rritur entuziazmin e tifozëve. Drejtuesit e Bokës janë gati për goditjen e radhës. Corriere della Sera raporton se objektivi i tyre luan në Serie A dhe është pjesë e Lacios. Flasim për Felipe Kaisedon, sulmuesin ekuadorian të bardhekaltërve.

30-vjeçarit i përfundon kontrata me Lacion verën e ardhshme. Rinovimi nuk ka ardhur ende, ndërsa oferta e klubit argjentinas e tundon. Kaisedo është një sulmues i fortë fizikisht, i aftë për të shënuar, ndërsa Bokës i duhet të gjejë akordin me Igli Taren për transferimin e sulmuesit në Buenos Aires.

Atalanta luajti përballë ekipit të Renate dhe triumfoi bindshëm 6-0. Golat për të besuarit e Gasperinit u shënuan nga Barrou, që shënoi dopietë, Kollei, që po ashtu shënoi dy gola, si dhe Gomez e Muriel.

Miqësore

Atalanta – Renate 6-0
Barrou 1’ 14’, Gomez 9’, Kollei 56’ 77’, Muriel 62’

Ndërsa Lacio u vu përballë skuadrës së Triestinës, që bëri një paraqitje më të mirë se ajo e Renates përballë Atalantës. Lacio triumfoi 5-2, Strakosha dhe Berisha nuk ishin të grumbulluar dhe golat u shënuan nga Imobile (dopietë), Korrea, Kaisedo dhe Adekanje.

Miqësore

Lacio – Triestina  5-2
Imobile 8’ 29’, Korrea 13’, Kaisedo 50’, Adekanje 67’ / Kodromaz 46’, Marzola 86’

Në një intervistë të fundit për “Corriere Della Serra”, presidenti i Lacios ka deklaruar se dëshiron ta shikojë klubin e tij kampion të Italisë, ndërsa ka pasur dhe komente për të ardhmen e Sergej Milinkoviç-Saviç dhe planet për stadiumin e ri.

MILINKOVIÇ-SAVIÇ – “Sergej është një lojtar që ka treguar se luan me zemër për klubin tonë. E ardhmja varet nga ofertat. Vitin e kaluar refuzova oferta të shumta, kësaj radhe mund të marr një vendim ndryshe, nëse lojtari propozon se ka ardhur koha për ndryshim. Kushdo që të largohet, Lacio s’do të dobësohet, por vetëm do të fuqizohet. Për këtë të mos keni asnjë dyshim”.

ËNDRRA E TITULLIT – “Pse të mos tentojmë titullin. Do të më pëlqente të bëheshim Leisteri italian. Titulli kampion është një ndër shpërblimet që trajneri Inzagi ka në kontratën e tij, nuk e kemi vendosur pa arsye”.

STADIUMI –  “Duhet të kemi shtëpinë tonë. Në këtë mënyrë do kemi mundësi të rrisim të ardhurat.  Duhet t’i bëjmë një propozim administratës bashkiake, por në të njëjtën kohë duhet dhe pak presion nga ana  e klubit dhe tifozëve”.

Mbrojtësi me origjinë nga Malësia e Madhe pati fatin edhe të grumbullohej në ndeshjet e fundit të kampionatit të shkuar me ekipin e parë të Lacios dhe tani i është ofruar edhe një kontratë si profesionist.

Kalaj ka nënshkruar së fundmi një kontratë 3-vjeçare dhe është gati për rrugëtimin si profesionist. Mbetet për t’u parë nëse Lacio do e huazojë qendërmbrojtësin në ndonjë ekip tjetër, ku të ketë mundësinë të luajë dhe të rritet si lojtar.

Mediat italiane raportojnë se për gardianin shqiptar ka interesim nga Premier Liga. Plot katër klube e pëlqejnë Strakoshën. Njukasëlli e kërkon me çdo kusht dhe pritet të formulojë ofertën zyrtare për Lacion.

Presidenti Lotito e vlerëson 50 milionë euro kartonin e portierit. Përveç “qymyrxhinjve”, Strakosha po monitorohet edhe nga Arsenali, Totenhemi dhe Uest Hemi.

Manuel Pelegrini, i cili mban postin e trajnerin të “çekiçëve”, e pëlqen shumë portierin shqiptar dhe ju ka kërkuar drejtuesve t’ia sjellin në Londër.

Për ta bërë diçka të tillë duhet bindur Lotito dhe duhen plotësuar kërkesat e tij, përndryshe Strakosha do të vazhdonte me Lacion deri në vitin 2022, vit kur i mbaron kontrata me bardhekaltrit.

Ai është Sergej Milinkoviç-Saviç. Klaudio Lotito ka vendosur ta shesë mesfushorin serb për shumën e 75 milionë eurove. Junajtid fiton kështu garën me PSG-në, që i kishte ofruar Lacio 55 milionë euro.

Igli Tare gjendet në Londër për të takuar agjentin e Kaisedos (ka oferta nga Kina), për të biseduar me disa nga objektivat e bardhekaltërve, por edhe për Milinikoviç-Saviç.

Junajtid do t’i ofrojë 24-vjeçarit një kontratë 4 vjeçare (me opsionin e rinovimit për vitin e pestë) dhe 6 milionë euro rrogë sezonale, dyfishin e asaj që përfiton në kryeqytetin italian.

Dëmtimet e shumta dhe konkurrenca e madhe te Lacio bën që 26-vjeçari të aktivizohet më pak se 200 minuta në Serie A. Prej kohësh përflitej nga mediet italiane për largimin e Berishës dhe mesa duket këto lajme ka qenë të vërteta.

Sipas “Corriere Dello Sport”, Berisha dhe rumuni Stefan Radu janë dy lojtarët që nuk janë grumbulluar me skuadrën për fillimin e fazës përgatitore. E ardhmja e Radut duket se do të jetë te Parma, ndërsa fati i lojtarit shqiptar ende nuk dihet.

Siç edhe informon Aston Vila, talenti regjistron 125 ndeshje zyrtare dhe 38 gola. Sezoni i fundit ishte më produktivi, ku e dërgoi plot 13 herë topin në rrjetë. Aktiviziohet si sulmues dhe është shpallur Lojtari i Ri i vitit në Belgjikë. Gjithashtu, braziliani me skuadrën e tij është shpallur dy herë kampion Belgjike.

Uesli ishte një dëshirë e vjetër e Igli Tares. Talenti ndiqej që verën e kaluar nga drejtori lacial. Këto ditë vlonjati ishte në bisedime intensive me përfaqësuesit e lojtarit, po të luajturit në një kampionat si Premier Liga ishte ajo që e tundonte më shumë.

Wesley Factfile…

??Age 22
?? 125 career apps
?? 38 career goals
?? Two Belgian league titles
?? One Belgian Young Footballer of the Year#WelcomeWesley pic.twitter.com/TT4DJx9jhR

— Aston Villa (@AVFCOfficial) July 2, 2019

PSG është klubi më i interesuar për Milinkoviç-Saviç, ndërsa Igli Tare ka piketuar zëvendësuesin e tij. Sipas mediave afër klubit lacial, objektivi quhet Roberto Galjardini.

25-vjeçari ka një kontratë me Interin deri në vitin 2023, por aktivizimi i tij nuk është i sigurt me Antonio Konten në stol. Mesfushori i kombëtares italiane pëlqehet shumë nga Simone Inzagi dhe trajneri i Lacios i ka kërkuar Tares të mbyllë këtë tratativë.

Nëse Leonardo paraqet ofertën e duhur dhe Milinkoviç-Saviç niset drejt kryeqytetit francez, Igli Tare do të niste sulmin për lojtarin zikaltër.

Vlonjati i Lacios mori një ofertë nga Paolo Maldini për të punuar së bashku te Milani, por e refuzoi. Për hir të Klaudio Lotitos dhe Lacios së dashur.

Në një prononcim të fundit, Igli Tare nuk e fsheh kënaqësinë që një klub legjendar si Milani e kërkoi, por lidhja me Lacion është më e fortë se gjithçka, të paktën për momentin…

“Nuk mendoj se refuzimi i ofertës së tyre do të ketë pasojë në karrierën time. Fakti që zgjodha të qëndroj te Lacio është një akt dashurie, por sigurisht që jam ndjerë i nderuar nga interesimi i Milanit”, thekson biondi shqiptar.

Sipas “lacionews24”, Igli Tare ka piketuar zëvendësuesin e 32-vjeçarit. Bëhet fjalë për lojtarin e Ajntrahtit të Frankfurtit, Martin Hintereger. Qendërmbrojtësi shtatlartë është prej disa vitesh pjesë e rregullt e kombëtares austriake.

Për të siguruar kartonin e 26-vjeçarit, Lacio duhet të mposhtë konkurrencën  e anglezëve të Kristal Palas.

 Braziliani i PSG-së ka bërë gati ofertën e radhës sipas raportimeve të “Messaggero”: 70 milionë euro (65 direkt + 5 në formë bonusesh) dhe kartonin e Leivin Kurzavës, 26-vjeçarit i cili aktivizohet në të gjitha rolet e krahut të majtë.

Lacion nuk e përjashton shitjen e 24-vjeçarit, por kërkon të përfitojë më shumë para. Presidenti Lotito ka nerva të forta, ndërsa pritet përgjigja ndaj ofertës së fundit të Leonardos.  

Shqiptari i bardhekaltërve ka folur për “Le Parisien”, duke sqaruar të vërtetën e këtij interesimi nga kampionët e Francës.

“Nuk kam asgjë për të thënë, sepse nuk ekziston asnjë lloj tratative dhe të gjitha janë zëra merkatoje. Ne kemi kohë boll dhe nuk nxitohemi për ta shitur Sergejn. Oferta e PSG? Nuk ja kam idenë dhe nuk mund të flas për diçka jo reale dhe aspak konkrete”, përfundoi drejtori shqiptar i Lacios.

Sipas gazetës italiane “Il Tempo”, në zyrat e Lacios ka ardhur një ofertë nga ish-ekipi i Berishës, Salcburgu. Kampionët e Austrisë duan ta huazojnë për një vit 26-vjeçarin.

Berisha ka dhe katër vite të mbetura në kontratë me Lacion. Largimi ose jo i Berishës do të vendoset në varësi të afrimeve që Lacio do të kryejë në javët në vazhdim.

55 milionë euro përmban tentativa e parë e klubit nga Franca. Lacio nuk është e kënaqur me këtë shifër dhe synon të përfitojë më shumë. Parisi nuk do të heqë dorë dhe pritet ta ngrejë dorën në mundësinë e dytë që do i jepet. Ndërkohë vetë lojtari është dakordësuar me kalimin te kampionët e Francës.

Tare nuk dëshiron të kapet i papërgatitur dhe ka nisur kërkimet për zëvendësuesin e Milinkoviç. Vlonjati është ndalur në Argjentinë tek emri i Natan Nandez. Mesfushori uruguajan aktivizohet me Boka Zhuniors. Është 23-vjeç dhe luan një rol tepër të madh në sukseset e klubit latin.

Lacio ka vendosur dhe ka zgjedhur të mbajë spanjollin. Luis Alberto tundohet nga ideja për t’u kthyer te Sevija, që është klubi i zemrës. Megjithatë, në kryeqytetin italian mendojnë ndryshe. Të gjithë janë kundër kësaj lëvizje.

Trajneri Inzagi e cilëson njeriun kyç të skemave të tij dhe ka dhënë “urdhër” për mos shitjen e 27-vjeçarit. Ndryshon situata për serbin. Ai është drejt largimit, por Lotito po tenton të përfitojë sa më shumë ekonomikisht. Juventusi po monitoron situatën dhe pret të bëjë lëvizjen finale.

Sipas “Sky Sports”, Tare ka refuzuar ofertën e Milanit. Drejtori Sportiv do t’i mbetet besnik skuadrës ku punon në këtë post prej më shumë se 10 vitesh.

Pavarësisht skepticizmit që e shoqëroi në vitet e para, Tare ka treguar se është një ndër më të mirët në rolin e tij në Itali duke ngritur gradualisht nivelin e Lacios, që vitet e fundit është bërë një ekip që i është afruar pjesëmarrjes në Champions League.

Holandezi Roben e ka shprehur disa herë se dëshiron të luajë edhe një vit në një kampionat elitar, para se të përfundojë karrierën në një kampionat si “MLS” në Amerikë ose Superliga kineze. 34-vjeçari s’ka luajtur kurrë në Serie A dhe në Romë do mirëprisnin krahëhapur. Megjithatë, kërkesat financiare të lojtarit nuk do të jenë diçka e thjeshtë për t’u përballuar nga financat e Lacios.

Spanjolli Moreno ka kaluar dy vite shumë të vështira në Angli, por mëngjarashi është vetëm 26 vjeç dhe te Lacio shpresojnë se mund të rigjejnë lojtarin që shkëlqeu me Sevijën vite më parë. Mosha e madhe e Senad Luliç nuk jep garanci për të ardhmen, ndërsa Durmishi dhe Xhordan Lukaku nuk e kanë justifikuar besimin e ekipit kryeqytetas, ndoshta Moreno do të jetë zgjidhja përfundimtare për këtë pozicion problematik.

Nëse ai arrin të fitojë kampionatin, do të ketë një shpërblim shumë të majmë. Gjithsesi, kjo nuk është vetëm në dorën e Inzagit. Bardhekaltërve i duhet një punë e madhe në merkato për të luftuar me Juventusin apo Napolin. Si duket Lotitos i pëlqen shumë të ëndërrojë.

Vlonjati nuk dëshiron ta humbasë këtë rast dhe është gati të punojë përkrah një legjende si ish-kapiteni i “Djallit”.

Lotito e ka të vështirë që ta lejojë Iglin të largohet, por ka filluar të kërkojë për zëvendësuesin e tij. Sipas raportimeve të “Corriere della Sera”, kreu i klubit bardhekaltër po mendon hipotezën Mauro Biankezi, i cili njihet për punën e mirë me lojtarët e rinj dhe zbulimin e talenteve të reja.

Ky i fundit punon prej dy vitesh me Lacion dhe mban rolin e përgjegjësit të sektorit sportiv dhe atë të krye-skautit lacial. Nëse Igli Tare vendos të largohet dhe të vishet kuqezi, Lotito do ta zëvendësonte me Biankezin.

Milinkoviç-Saviç ka treguar një futboll të nivelit të lartë dhe shihet si zgjidhja e problemeve të Juventusit në mesfushë. Më parë për të kishte një interes të madh nga Junajtid. Anglezat tentuan në merkaton e verës së kaluar, por nuk arritën të përmbushin dëshirat e klubit roman. Solskjaer për momentin nuk ka shfaqur asnjë interes për të. Kështu i është hapur rruga “Zonjës” për të negociuar në qetësi. Vlera e serbit në merkato është rreth 70 milionë euro.

ZËRAT PËR MILANIN – “Kjo është pjesë e profesionit tonë, duhet ruajtur një ekuilibër. Janë gjera pozitive deri në një aspekt të dytë. Duhet të dish t’i menaxhosh mirë. Ajo çfarë është kryesorja është se unë jam në një klub të madh dhe në një ambient shumë familjar, e rëndësishme për të patur rezultate pozitive. Përsa i përket të nesërmes nuk mund ta parashikoj, sepse unë e quaj Lazion, një klub shumë të madh. Por duke qenë se jam një profesionist, gjithçka mund të ndodhë në botën tonë.”.

TRAJNERI I KOMBËTARES – “Besoj se është njeriu i duhur, në vendin e duhur dhe në momentin e duhur. Zgjedhja që ka bërë kombëtarja shqiptare besoj se është e duhura. Por çdo gjë është e lidhur me rezultatet, duhet të jenë ato që duhet të japin edhe atij mbështetjen për ta konfirmuar atë çfarë unë thashë. Eksperienca e tij do të jetë ndoshta e çelësi i suksesit për dy vitet e ardhshme”.

“Biseda me Rejën? Kam folur gjatë me të dhe i kam shpjeguar skuadrën, ose i kam dhënë mendimet e mia për individët e kësaj skuadre dhe për perspektivën që ka kjo kombëtare. Jam i bindur se eksperienca e madhe që ai ka do të bëjë diferencën”.

MOSHA E REJËS – “Ka pasur trajnerë në botë që në moshë edhe më të madhe se Reja kanë pasur sukses shumë të madh. Mosha është thjesht një numër, unë e njoh shumë mirë. Ai është një 73-vjeçar që bën jetën e një 40-vjeçari, kështu që ka shumë energji. Është një njeri që i pëlqejnë sfidat, por mbi të gjitha ka një eksperiencë që mund ta ndihmojë këtë skuadër”.

“Zgjedhja për të firmosur një kontratë disa mujorëshe i jep një avantazh FSHF-së që të mos jetë e lidhur financiarisht me një trajner, e nga ana tjetër i jep mundësinë që të studiojë metodologjinë e Rejas në këto 6 ndeshje që ai ka si provë. Nëse do ketë një përmirësim të rezultatit nga fillimi deri në fund të kësaj kontrate, besoj se janë edhe bazat për të bërë diçka edhe për një periudhë 2-vjeçare tjetër”.

EPOKA PANUÇI – “Nuk mund të quhet një trajner i ri, apo i vjetër. Ajo që është më e rëndësishme është se çfarë fryme sjell një trajner në një skuadër. Ndoshta fryma që solli Panuçi në kombëtare nuk ishte ajo e duhura për të ndezur atë shkëndijë të duhur pas një Evropiani të suksesshëm. Fakti që trashëgoi një skuadër pas një suksesi historik dhe tranzicioni nga një skuadër në një tjetër duhet të ishte i shoqëruar edhe nëpërmjet disa rezultateve pozitive”.

“Ai nuk i pati dhe kjo e bën akoma edhe më tragjike qëndrimin e tij në kombëtaren shqiptare. Besoj se zgjedhja e bërë për ta larguar nga skuadra ishte e duhura dhe duhet t’i jepet kohë skuadrës për të gjetur ato ekuilibra të duhur. Besoj se ato kualitete që janë, janë të mjaftueshme për një skuadër, për të luftuar të paktën për vendin e dytë ose të tretë”.

SUPERIORJA – “Fitimi i kampionatit nga Partizani është një gjë shumë e mirë për futbollin, sepse është skuadra më e dashur në Shqipëri. Jam rritur në atë klub, ky fakt me ka gëzuar edhe mua shumë. Gega ka qenë edhe një ish-kolegu im në skuadër. Puna e bërë prej tij ka qenë me të vërtetë për t’u admiruar. Por, mbi të gjitha diferencën e ka bërë mirë-organizimi i strukturës së klubit, me figurat e duhura, sepse Olsi Rama është një drejtor i ri, ka një karakter që është shumë i domosdoshëm për futbollin shqiptar, sepse është njeri i qetë. Ne jemi një vend i vogël, por që kemi shumë talente dhe e vetmja gjë që ka munguar këto vite ka qenë mundësia për të dhënë një vazhdimësi. Deri tani kanë qenë individë, por tani duhet një formë konkrete”, është shprehur Tare në intervistën e dhënë për Top Channel.

43-vjeçari ishte ndër më të kërkuarit në ditët e para të merkatos. Juventusi dhe Milani u interesuan për të, por Lotito dhe Tare vepruan shpejt dhe e bindën që të qëndrojë.

Inzagi ka firmosur kontratën e rinovimit deri në vitin 2021 me Lacion. Rroga e tij është rritur dhe ai do të përfitojë 2 milionë euro në sezon. Klubi bardhekaltër ka konfirmuar gjithçka në faqen e vet në rrjetet sociale dhe i vogli i dinastisë Inzagi është gati të nisë sezonin e katërt në krye të Lacios.

View this post on Instagram

? S.S. Lazio have extended the contract of head coach Simone Inzaghi until 30/06/2021 #Inzaghi2021 #CMonEagles ?

A post shared by S.S. Lazio (@official_sslazio) on Jun 6, 2019 at 1:51am PDT

“Kemi rinovuar kontratën me trajnerin. Nuk u shqetësova kurrë, pasi e njoh mirë Inzagin dhe ne jemi një familje e madhe. Raporti jonë shkon përtej anës profesionale dhe do të vazhdojmë së bashku. Nuk kemi hezituar aspak në këtë pikë”, thekson presidenti i Lacios.

Lotito ndalet edhe te situata e Sergej Milinkoviç-Saviç. Serbi nuk zhvilloi një sezon pozitiv, por e mbylli me një gol në finalen e kupës së fituar përballë Atalantës. Vjet u refuzua çdo ofertë për të, ndërsa sivjet ndryshon gjithçka. Në fund edhe konfirmimi për Çiro Imobilen. Sulmuesi kryesor ka hasur vështirësi, por kualiteti i tij nuk është vënë kurrë në dyshim.

“Vitin e kaluar refuzuam të gjitha ofertat për lojtarët tanë. Sivjet do të bëjmë atë që është e nevojshme, në mënyrë që lojtarët të kenë stimujt e duhur për të qëndruar me ne. Imobile? Nuk e kemi vënë kurrë në diskutim. Ka shënuar një numër golash për t’u respektuar. Vitin e kaluar shënoi shumë dhe ishte kandidat për ‘Këpucën e Artë’, sivjet kishte një rënie. Çiro mbetet një lojtar me vlera dhe do të vazhdojë të jetë pjesë e Lacios”, përfundon Klaudio Lotito.

Pavarësisht se emri i tij u përfol për stolat e klubeve si Juventusi dhe Milani, Inzagi do të vazhdojë aventurën me ekipin bardhekaltër.

Sipas raportimeve të “Sky Sport”, trajneri ka firmosur kontratën e re, që do e mbajë lidhur me Lacion deri në verën e vitit 2021. Rroga e tij ka shkuar në 2 milionë euro në sezon, ndërsa zyrtarizimi i rinovimit do të vijë gjatë ditës së nesërme.

Sipas raportimeve të “Sky Sport”, trajneri do të takohet sonte në mbrëmje me presidentin Lotito dhe Igli Taren, drejtorin sportiv të bardhekaltërve.

Palët kanë gjetur në parim akordin për të firmosur, ndërsa ka mbetur për t’u përcaktuar vetëm aspekti financiar. Dakordësia për këtë aspekt do të ndodhë gjatë takimit trepalësh dhe me shumë gjasa Inzagi do të vazhdojë të ulet në stolin e Lacios.

Ofertat për ish-mesfushorin s’kanë si të mungojnë dhe e para ka ardhur nga Lacio. E ardhmja e Simone Inzagit duket gjithmonë e më larg Lacios me Juventusin dhe Milanin që po tentojnë të joshin trajnerin italian.

Sipas “Sky Sports”, dyshja Tare-Lotito kanë filluar bisedimet me Gatuzon, ndërsa interes më të pakët për ka dhe nga skuadra tjetër kryeqytetase, Roma. Verdhekuqtë po shqyrtojnë një listë me disa trajnerë, ku është dhe emri i Gatuzos.

Pas triumfit në Kupën e Italisë Inzagi kërkoi kohë, për t’u menduar dhe për të parë projektet e klubit.

Dy takime me Lotito e Tare, pastaj edhe një takim final dhe Sky Sport njofton se është gjetur marrëveshja për rinovim.

Trajneri lacial rinovon edhe për një vit, me kontratën që tashmë shkon deri në 2021.

Igli Tare ka folur në lidhje me këtë çështje. Drejtori sportiv i Lacios konfirmon faktin që Inzagi ka edhe një vit kontratë. Ai dhe presidenti Lotito kanë një dëshirë të përbashkët, që është qëndrimi i trajnerit në kryeqytet.

“Takimet bëhen për të kuptuar shumë gjëra. Inzagit nuk i përfundon kontrata tani. Ai ka edhe një vit me ne. Më duket e ekzagjeruar kjo vëmendje që po krijohet. Ka folur presidenti, po e përsëris edhe unë. Sigurisht që duam të qëndrojë, nuk ekziston asnjë dyshim për diçka të tillë”, përfundon biondi shqiptar.

Pjesa e parë nuk dhuroi emocione, ndërsa në të dytën u shënuan katër gola. Iago Falke zhbllokoi shifrat me anë të një gjuajtje të bukur në zonë, ndërsa Lukiç dyfishoi pas dy minutash.

Kundërsulm perfekt i ekipit granata, që u konkretizua nga mesfushori. Lacio reagoi dhe shkurtoi diferencat me anë të Imobiles. Sulmuesi shënoi një gol të bukur pas asistit të marrë nga Parolo, ndërsa De Silvestri vulosi triumfin vendas me golin e shënuar 10 minuta para fundit të ndeshjes.

Kjo ishte ndeshja e fundit për Emiliano Moretin. Mbrojtësi 37-vjeçar i dha fund karrierës pas mbi 600 ndeshjeve si profesionist. Fitorja ishte për të, ndërsa tifozët i dhuruan emocione të forta.

Torino-Lacio 3-1
(Iago Falke 51’, Lukiç 53’, De Silvestri 80’ / Imobile 66’)

Sipas raportimeve nga mediat italiane, Lacio duket se është shumë pranë sulmuesit të Arsenalit, Dani Uellbek. Këtij të fundit i përfundon kontrata me “Topçinjtë” e Londrës tashmë dhe do të jetë lojtar i lirë.

Nga ky fakt kërkon të përfitojë Igli Tare, i cili është i shquar për goditje të tilla. Për 28-vjeçarin janë të interesuar edhe Everton e Uest Hem, por me sa duket Uellbek tërhiqet nga ideja për të provuar një kampionat tjetër jashtë Anglisë.

Shumë cilësohet e lartë nga bardhezinjtë, të cilët shpresojnë të ulin sa më shumë çmimin e lojtarit. Drejtuesit e “zonjës së vjetër” po punojnë dhe në përforcimin e mbrojtjes. Barzalji dhe Kaseres do të largohen, ndërsa Kielini mbush 35 vjeç në gusht.

Ideja e fundit quhet Markinjos. Negociatat me brazilianin e PSG-së kanë filluar. 25-vjeçari pëlqehet shumë nga Paratiçi, ndërsa emri i tij qarkulloi dhe si zëvendësues i Bonuçit, në momentin kur ky i fundit u largua drejt Milanit.

Sipas raportimeve të mediave italiane, Markinjos është parimisht dakord për t’u transferuar në Torino, por ka një problem. Çmimi i tij sillet rreth shifrës 60 milionë euro, ndërsa PSG  e cilëson të pashitshëm. Katër lojtarë janë të paprekshëm sipas kampionëve të Francës: Mbape, Nejmar, Verrati dhe Markinjos.

Gjatë orëve të fundit pothuajse në të gjithë mediet italiane ka filluar të përhapet lajmi se lojtari ka gjetur akordin me përfaqësuesit e klubit të Juventusit. Kampionët e Italisë i kanë ofruar mesfushorit serb një kontratë 5-vjeçare, ndërsa shifra që ka bindur lojtarin është ende enigmë.

Tani, negociatat kanë filluar në nivel drejtuesish. Dyshja Anjeli-Paratiçi do të ulet në tavolinë me homologët Tare-Lotito. Vitin e kaluar presidenti i Lacios refuzoi 100 milionë euro për kartonin e serbit, ndoshta kësaj here do t’i ketë ulur kërkesat.