Lautaro

VIDEO | Bum Lautaro, Argjentina kalon në avantazh!

Sport Ekspres — Fri, 28 Jun 2019 19:25:27 +0000

Argjentina luan në çerekfinalet e Kupës së Amerikës përballë Venezuelës, një sfidë ku bardhekaltrit janë dukshëm favorit. “Abiçelestët” shënuan shumë shpejt, me anë të sulmuesit të Interit, Lautaro Martinez. Sulmuesi gjen rrjetën me një goditje me thembër, duke shtangur portierin e Venezuelës dhe duke kaluar Argjentinën në avantazh.

Kupa e Amerikës, çerekfinale

Venezuela – Argjentina 0-1
Lautaro 10’

Ikardi dhe kombëtarja e Argjentinës, flet Lautaro Martinez

Sport Ekspres — Fri, 05 Apr 2019 20:10:10 +0000

Lautaro Martinez ka folur për mediat argjentinase sot, ku ka prekur disa tema të rëndësishme rreth karrierës së tij. Sulmuesi foli për bashkëkombasin e tij, Mauro Ikardi, si dhe për eksperiencën e tij me fanellën e Argjentinës, kur ishte pjesë e “Albiçelestëve”. Në fjalën e tij, Lautaro tha:

“Ikardi? Si bashkëkombas është shumë i rëndësishëm për mua. Shpresoj që gjithçka të zgjidhet mes tij dhe klubit. Si brenda, ashtu dhe jashtë fushave, unë shkoj shumë mirë me të. Mauros i pëlqen shumë skuadra e Racing. I shohim bashkë disa herë ndeshjet, tani thjesht si tifozë.

Argjentina? Unë vetë dua të jap gjithmonë më të mirën, sidomos kur gjërat nuk po ecin ashtu siç duhet. Sfidat më motivojnë dhe kur kam një mundësi para meje, mundohem ta shfrytëzoj sa më shumë. Kështu është dhe te kombëtarja e Argjentinës. Kur jam në fushë, jap gjithmonë maksimumin, ndërsa në stërvitje vetëm mësoj, nga emra si Leo Mesi e shumë të tjetër, që i shoh me admirim”, përfundoi Martinez.

VIDEO | Inter rikthehet në “shina”, djemtë e Spaletit bindin ndaj Parmës

Sport Ekspres — Sat, 09 Feb 2019 21:26:00 +0000

Interi është rikthyer të fitojë në Serie A pas tre ndeshjesh. Zikaltrit mundën në transfertë Parmën me rezultatin 0 – 1, që është shumë i gënjeshtërt, pasi skuadra e drejtuar nga Luçiano Spaleti dominoi përgjatë të gjithë 90 minutave.

Protagonist i takimit të sotëm ishte argjentinasi Luataro Martinez, të cilit i mjaftuan vetëm dy minuta lojë për tundur rrjetën e ekipit kundërshtar në minutën e 79-të.

Me këtë fitore Interi shkon në kuotën e 43 pikëve, duke mbajtur diferencën me ndjekësit e Romës e Lacios, të cilët kanë 5 pikë më pak se zikaltërit. Një detaj tjetër interesant mbi formën që po kalon Interi është se ata nuk shënojnë më shumë se një gol që prej barazimit 2 – 2 ndaj Romës më datë dy dhjetor.

Inter 1 – 0 Parma
Shënues: Martinez 79′

Shpërthen “El Toro” Martinez: Interi nuk duhet të luajë kështu!

Sport Ekspres — Mon, 28 Jan 2019 19:39:55 +0000

Sulmuesi i Interit, Lautaro Martinez erdhi me shumë bujë në merkaton e janarit te kuqezinjtë dhe ka bërë një sezon me shumë luhatje deri më tani. Por jo vetëm argjentinasi, pasi dhe skuadra e Interit ka pësuar një rënie në ndeshjet e fundit.

Humbja kundër Torinos nuk është pritur mirë në kampin zikaltër dhe një nga lojtarët që nuk është aspak i kënaqur me lojën është Lautaro Martinez. Sulmuesi 21-vjeçar ka folur për mediat italiane, ku tha:

“Interi nuk duhet të luajë kështu. Kemi shumë kualitet dhe cilësi në skuadër dhe na mungon vetëm besimi. Shpresoj të rikthehemi te loja e bukur dhe te rezultatet, pasi Interi nuk e meriton të jetë në këtë situatë”,- përfundoi “El Toro”.

Napoli skuqet në San Siro, një tango ringjall Interin

Sport Ekspres — Wed, 26 Dec 2018 21:32:04 +0000

Barazimi i Juventusit pasdite në Bergamo krijoi idenë se Napoli do të përfitonte, për të shkurtuar distancën me majën e Serisë A, por në San Siro nuk i eci.

Interi fitoi 1-0 në ndeshjen e ditës në Itali, me një gol nga Lautaro Martinez në minutën e 91-të.

SAN SIRO is rocking!!! Lautaro Martínez with a beauty finish against the man down Napoli!!! #tlnsoccer #InterNapoli #SerieA pic.twitter.com/quyTQqfmLp

— TLNTV (@TLNTV) December 26, 2018

Pritej me interesim të madh sfida mes dy skuadrave më të mira në këtë moment në Serinë A, duke lënë mënjanë Juventusin, që luan një kampionat më vete.

Pjesa e parë ishte e Interit, që tentoi pa fund, goditi edhe traversën që në sekondën e parë të ndeshjes me Ikardin direkt nga mesi i fushës (!), por zikaltrit kanë probleme dhe në këtë moment duket qartë që janë nën presion të madh.

Napoli vetëm në pjesën e dytë doli në lojën e vet dhe krijoi lojë, por pak raste. Kulibali doli me karton të kuq pak minuta para fundit, për faj të vet, dhe Insinje e imitoi në fundin e shtesës, ndërsa Napoli humbi një rast të pabesueshëm në fundin e takimit, kur disa gjuajtje rresht u ndalën herë nga portieri Handanoviç e herë nga mbrojtja.

Ishte shenjë, sepse në shtesë Lautaro shënoi golin që bëri të shpërthente festa në San Siro. Fitore qetësie për zikaltrit, ndërsa Napoli dorëzohet përfundimisht në garën për titull. Jo se shpresonte shumë edhe para ndeshjes së sotme…

Të dëmtuar, por Ikardi e Lautaro shkojnë në kombëtare

Sport Ekspres — Sun, 02 Sep 2018 10:36:49 +0000

Një ditë para sfidës kundër Bolonjës Interi mori lajmin e keq të dëmtimit të Mauro Ikardit, i cili nuk ishte në dispozicion për sfidën e së shtunës. Një vendim i vështirë, por i detyruar për trajnerin Spaleti, i cili vendosi të mos rrezikonte.

Vendim i njëjtë edhe për Lautaro Martinez, i cili u ul në stol, pasi një problem i vogël fizik e ka shqetësuar ditët e fundit.

Megjithatë, Argjentina nuk bën asnjë lëshim, dy sulmuesit do të paraqiten rregullisht për dy miqësoret kundër Guatemalës dhe Kolumbisë.

Është së pari një procedurë standarde, sepse Ikardi duhet të vizitohet nga stafi mjekësor i kombëtares, para se të lejohet të kthehet në Itali.

Në krahun tjetër, Lautaro nuk ka probleme të mëdha dhe mund të jetë gati javën e ardhshme, ndaj me shumë gjasa trajneri Skaloni do ta hedhë në fushë në njërën ndeshje.