Ai përflitet për një kalim prej plot 112 milionë euro nga Interi në “Camp Nou”. Një shifër e çmendur, të cilën 21-vjeçari mund të themi se nuk e ka justifikuar ende. Barcelona ka kohë që e kërkon një sulmues qendre, por si duket Lautaro ka shpërthyer në momentin e gabuar.

120 milionët e shpenzuara për Grizman dhe operacioni “Nejmar” e nxjerrin jashtë loje mundësinë e afrimit të argjentinasit për momentin. Siç mësohet, edhe agjenti i tij e ka përgënjeshtruar një kontakt të Barçës mbi shërbimet e yllit të Inter. Ai është shprehur se nuk e ka kontaktuar askush. Më parë fjalët e tij ishin dyshuese. Kjo me qëllim për të provokuar Interin që nuk i ka kushtuar vëmendjen e duhur të riut.

Beto Jake komenton edhe komplimentet që Lionel Mesi ka bërë për klientin: “Të marrësh elozhe nga lojtari më i mirë në botë është diçka shumë e mirë. Lautaro në këtë mënyra ka edhe më shumë dëshirë për t’u përmirësuar dhe për të arritur objektivat e rëndësishëm. Për momentin mendon vetëm për Interin dhe është i lumtur aty”.

“Askush nga Barcelona nuk më ka kontaktuar. Më kanë ardhur veç zëra, që gjithsesi nuk kanë rezultuar diçka reale”, shton menaxheri i Martinez, i cili më pas lëshon edhe një batutë. “Po bëj një batutë. Nëse Mesi dëshiron të luajë me Martinez, le të shkojë ai tek Interi. Do ishte diçka e mrekullueshme nëse do të ndodhte”, deklaron Jake për fcinternews.it.

Në fund ai flet edhe për konkurrencën: “Lukaku dhe Xheko? Gjithmonë duhet të ketë konkurrencë, askush nuk e ka të sigurt vendin në formacion. Fusha do tregojë se kush e meriton të luajë. Shpresojmë që ky kampionat të shkojë më mirë se i vjetshme, pasi tani e gjithë bota e di kush është Lautaro”.

Zëvendës presidenti dhe ish-kapiteni legjendar i Interit ka folur në lidhje me këtë çështje, duke zbuluar të vërtetën në prononcimin e dhënë për “Corriere dello Sport”.

“Interi nuk ka marrë asnjë ofertë për Lautaro Martinez. Shpresoj që ai të vazhdojë me këto paraqitje. Lautaro është i rëndësishëm për ne dhe e shoh mirë me bluzën zikaltër mbi supe. Jam i kënaqur me të, në sezonin e parë shënoi 9 gola. Nuk është e thjeshtë dhe ka treguar personalitet, pavarësisht moshës 21-vjeçare. Mesi e ka kërkuar te Barça? Kam një raport shumë të mirë me Leon, më lejoni ta shijoj edhe pak”, përfundon Havier Zaneti duke buzëqeshur.

Në Spanjë kanë publikuar lajmin që klubi katalanas është gati të paguajë klauzolën prej 112 milionë eurosh të sulmuesit zikaltër. Interi nuk dëshiron të heqë dorë nga shërbimet e tij, por gjithçka është në dorë të lojtarit. Rreth kësaj çështje ka folur edhe agjenti i Martinez, Beto Iakue për “Passione Inter”.

“Kam dëgjuar zërat e interesimit të Barcelonës, por askush nuk ka biseduar me ne. Nuk e kam idenë se si do të sillet Interi përpara ofertës së Barçës, pyetini vetë. A është i lumtur Lautaro në Milano? Nuk mund të flas në emër të tij. Askush nuk ka ka thirrur për rinovimin e kontratës. Është logjike që ai dëshiron të luajë sa më shumë”, përfundon agjenti i sulmuesit latin.

Sigurisht gjithçka varet nga Interi, që e bleu 21-vjeçarin verën e shkuar për vetëm 23 milionë euro. Martinez, në Serie A sezonin e shkuar është aktivizuar në 27 ndeshje, por vetëm 13 i ka nisur nga fillimi. Në një moment ai mendoi edhe largimin, për shkak të hapësirave që priste t‘i kishte më të shumta.

Autori i 6 golave në kampionat, në Copa America e ka ndihmuar Argjentinën duke shënuar dy gola. Tashmë po flitet sërish për të dhe një transferim te Barcelona sigurisht do të ishte një hap i madh, por varet se çfarë plani kanë katalanasit me të, pasi trajneri Ernesto Valverde ka shumë lojtarë në ofensivë.

Trajneri i asaj kohe filloi ta nxirrte nga zona dhe ta avanconte më përpara. Pak nga pak Lautaro i vogël përfundoi në majën e sulmit. 21-vjeçari zbulon fjalët që i tha Diego Milito para tërheqjes nga futbolli dhe idhullin e tij. Ai është Radamel Falko, kolumbiani i Monakos.

“E nisa futbollin si mbrojtës, por trajneri im filloi të më vendoste më para në moshën 15-vjeçare derisa përfundova sulmues. Mund të them që karriera ime nisi në moshën 16-vjeçare me Rasing. Nuk jam tifoz i tyre, por mbetet një klub që e kam përzemër.

Në momentin që po tërhiqej, Milito më tha: ‘Tani është radha jote’. Jam një person i turpshëm, por kam mësuar nga lëvizjet dhe këshillat e lojtarëve më të mëdhenj. Besoj se i ngjaj Radamel Falkaos për mënyrën se si e sulmoj portën. E ndiqja shumë, sidomos kur ishte te River Plejt. Vazhdoj frymëzohem nga Falkao”, përfundon sulmuesi i ekipiut zikaltër.

E ardhmja e tij- “Kam folur me drejtuesit. Nuk do të ketë asnjë keqardhje në fund. Çdo gjë do të vendoset nga arritja e objektivave. Ka harmoni në grup dhe do të bëjmë maksimumin për të arritur qëllimet tona.”

Postimi në Instagram- “Shkruajta për t’i dhënë rëndësi punës dhe profesionalizmit të lojtarëve. Të qëndrojnë me këmbë në tokë dhe të mendojnë vetëm për të tashmen.”

Lajmet për zëvëndësimin e tij- “Nuk do të komentoj asgjë rreth asaj që është shkruar për stolin e Interit. Mediat shkruajnë shumë gjëra, që mund të jenë edhe gënjeshtra.”

Lautaro dhe Ikardi- “Lautaro është rikuperuar nga dëmtimi dhe është gati për të luajtur. Ai dhe Mauro kanë karakteristika të ndryshme. Mauro është më i mirë në zonën e rreptësisë. Martinez e luan më mirë topin dhe vjen e merr atë edhe mbrapa.”

21-vjeçari ka shënuar gjithsej 9 gola me zikaltrit deri më tani. Në një prononcim për “La Oral Deportivo”, Martinez flet për raportin me Mauro Ikardin dhe faktin nëse mund të luajnë së bashku.

Sulmuesi ka një koment edhe për fitimin e titullit kampion në Argjentinë. Rasingu i tij u shpall kampion dhe ai ndihet i lumtur. Kombëtarja e Argjentinës është synimi i madh dhe Martinez tregon emocionet që provon sa herë vesh atë bluzë…

IKARDI – “Mauro më ka ndihmuar që në momentin e parë që erdha tek Interi. Ai është treguar shumë i aftë për të më lehtësuar përshtatjen me grupin e lojtarëve. Kemi luajtur me disa sisteme taktike, kryesisht me një gjysmësulmues pas sulmuesit kryesor. Kam luajtur edhe bashkë me Mauron dhe jam ndjerë mirë, ai në majë dhe unë pas tij. Numri 10? Unë gjithmonë punoj për të dhënë maksimumin, numri është thjesht për t’u identifikuar. E di rëndësinë e numrit 10 të Interit dhe përpiqem që ta meritoj atë.”

RASINGU – “Jam shumë i lumtur për fitimin e titullit kampion dhe për miqtë që kam atje. Jam tifoz i Rasingut dhe kam marrë në telefon disa shokë për t’i komplimentuar. Dua të krijoj eksperiencë dhe një ditë dua të rikthehem që të luaj në Argjentinë.”

KOMBËTARJA – “Jap maksimumin me klubin tim për të marrë një ftesë nga kombëtarja. Sa herë më grumbullojnë, lumturohem pa masë. Ndjej diçka speciale kur e vesh atë bluzë. Nuk dua të mungoj në listat e ndeshjes së ardhshme, por jo vetëm.”

Një nga pengjet më të mëdha të futbollit italian analizon mendimin e tij në prononcimin e dhënë për “Tiki Taka”. Kasano e cilëson ish-kapitenin një lojtar goli dhe aspak lojtar skuadre. Ai vlerëson cilësitë e Martinezit, ndërsa tregon dhe dëshirat e Luçiano Spaletit, trajnerit zikaltër.

“Interi luan me skemën 4-2-3-1, pra me një sulmues në majë. Ikardi dhe Martinez nuk mund të luajnë së bashku. Nëse do të varej nga Spaleti, do të luante Martinez, sepse ai preferon sulmues që luajnë për skuadrën. Lautaro po paraqitet mirë, është 20 vjeç dhe duhet të luajë titullar, pasi është më i fortë se Ikardi.

Mauro shënon dhe kaq. Trajnerit i pëlqejnë sulmues si: Xheko, Benzema dhe Levandovski. Ikardi është si Inzagi. Mendoj se Spaleti preferon më shumë një sulmues si Martinez, të cilin do e aktivizonte dhe para Piatekut. Ka lojtarë që shënojnë gola, ka edhe nga ata që shënojnë dhe luajnë për skuadrën.”

Ndeshja nisi menjëherë në malore për Argjentinën, teksa vetëm gjashtë minuta mjaftuan për Rondon, i cili dërgoi në avantazh ekipin e tij.

Në fundin e pjesës së parë, konkretisht në minutën e 44-të ishte Murijo, i cili shënoi edhe golin e dytë për Venezuelën, duke mbyllur pjesën e parë me shifrat 0-2.

Fraksioni i dytë nisi disi më mirë për Argjentinën dhe në minutën e 58-të Lautaro Martinez rihapi gjithçka, duke çuar shifrat në 1-2.

Gjithsesi, ishte Maritnez, i cili u tregua i saktë nga pika e bardhë e 11-metërshit në minutën e 75-të, duke hipotekuar fitoren e kombëtares së tij dhe duke çuar në terr Argjentinën.

Argjentinë 1-3 Venezuelë
Shënues: L.Martinez 58′ / Rondon 6′, Murijo 44′, J.Martinez 75′(pen.)

ÇËSHTJA IKARDI – “Nuk është një situatë e mirë, as për Ikardin, as për ne që jemi në skuadër. Nuk mund të bëjmë shumë. Ai duhet të marrë një vendim me njerëzit që punojnë me të. Ne jemi njerëzit që punojmë me të dhe jemi në dispozicion të klubit. Çfarë ndodh rreth tij duhet të zgjidhet me njerëzit e tij dhe me klubin.”

MOMENTI – “Jam shumë i lumtur se si po shkojnë gjërat. Luajta derbin tin të parë dhe shënova një gol, për më tepër që fituam. Është një sadisfaksion fantastik. Madje, edhe gjumi nuk më ka zënë nga lumturia.”

ÇFARË NDRYSHOI? –  “Minutat mendoj. Gjithmonë jam munduar dhe të përmirësohem çdo ditë. Duhen disa muaj që të ambjentohesh me futbollin evropian. Të them të drejtën, ndihem një lojtar më i kompletuar tani. Futbolli italian është mjaft konkurrues, ku taktikat janë të rëndësishmë në çdo ndeshje. Stërvitjet janë ndryshe.”

Lautaro u pyet më pas dhe në lidhje me spekulimet e merkatos, ku flitet për një shkëmbim Ikardi-Dibala në aksin Torino-Milano. “El Toro” foli për Dibalan, me të cilin ka luajtur në kombëtaren e Argjentinës.

DIBALA – “Ndihem shumë mirë kur luaj përkrah Dibalas. Kuptohemi shumë mirë me njëri-tjetrin.”

IKARDI – “Që në momentin e parë që erdha në Itali, Ikardi më ka ndihmuar shumë. Gjithmonë kaloj mirë me të. Është një përgjegjësi e madhe ta zëvendësosh. Mauro ka bërë shumë për këtë klub. Shpresojmë që çdo gjë të zgjidhet, sepse është i rëndësishëm për ne dhe kemi nevojë për të.”

Një pasim perfekt për Vesinon në rastin e golit të parë, duke preferuar të mos gjuante vetë, ishte sinjali i parë se Lautaro është ai që i mjafton Interit, që ka kohë që vajton së tepërmi ish-kapitenin Ikardi. Në pjesën e dytë El Toro tregoi forcë mendore, sepse mori topin për penalltinë dhe shënoi me një qetësi prej veterani.

https://twitter.com/SwypeSports/status/1107386789797474308?s=19

Goli i parë në derbi, kurorëzim në San Siron e veshur kuqezi, duke luajtur një ndeshje perfekte dhe duke fituar duelin në distancë me Piatek.

Ishte ndeshja që i duhet Lautaros, por jo vetëm atij. Vesino konfirmoi se është një lojtar që mund të ketë shumë peshë në mesfushën e Interit, ndërsa De Vrij tregoi se nuk është ai i gafës me Frankfurtin në Europa League. Një fitore edhe për D’Ambrozion, i cili në fund shmangu golin e Kutrones dhe siguroi një fitore me aromë Champions League.

Lautaro Martinez e gjeti golin në minutën e 31-të, që ishte shumë i bukur, por arbitri e anuloi pas konsultimit me teknologjinë VAR, për një prekje me dorë që në fakt është shumë e vështirë të dallohet.

Brozoviç u dëmtua dhe Interi është nën presion të madh, duke mos pasur asnjë sulmues në stol, për të rritur presionin në pjesën e dytë.

Sulmuesi nuk ka marrë shumë minuta nga trajneri Spaleti, por kjo nuk e penguar që të qëndrojë i qetë, të stërvitet fort dhe të presë momentin e tij. Martinez ka vendosur të bëjë tatuazhin e radhës dhe atë e ka bërë publik dhe për fansat e tij në rrjetet sociale.

“Ajo që nuk më vret, më bën edhe më të fortë”, janë fjalët e zgjedhura nga 21-vjeçari për t’i përjetësuar në parakrahun e tij. Një mesazh i qartë për të gjithë, ndërsa numri 10 i ekipit zikaltër shpreson që të mos ndalet më dhe të vazhdojë të luajë e shënojë gola të rëndësishëm.

Protagonist i takimit të sotëm ishte argjentinasi Luataro Martinez, të cilit i mjaftuan vetëm dy minuta lojë për tundur rrjetën e ekipit kundërshtar në minutën e 79-të.

Me këtë fitore Interi shkon në kuotën e 43 pikëve, duke mbajtur diferencën me ndjekësit e Romës e Lacios, të cilët kanë 5 pikë më pak se zikaltërit. Një detaj tjetër interesant mbi formën që po kalon Interi është se ata nuk shënojnë më shumë se një gol që prej barazimit 2 – 2 ndaj Romës më datë dy dhjetor.

Inter 1 – 0 Parma
Shënues: Martinez 79′

SPEKULIMET PËR KALIMIN TE BETISI – “Nuk isha në dijeni aspak për diçka të tillë. E mora vesh nga lajmet që Betisi më kërkonte, por askush në klub nuk më tha gjë në lidhje me këto lajme.”

INTERI – “Gjithmonë kam menduar për Interin, pasi jam shumë i lumtur këtu. Jam i dashuruar pas klubit dhe tifozët. Mundohem të jap më të mirën në çdo mundësi që më jepet dhe dua ta ndihmoj ekipin në arritjen e objektivave”.

MARRËDHËNIA ME SPALETIN – “Çdo gjë mes nesh është në rregull, gjithçka është sqaruar. I shpjegova që babai im ka qenë lojtar dhe jemi një familje shumë e pasionuar. Babai im bëri gabim me atë çfarë shkruajti në twitter, por në fund të fundit ai është njeri. Ai thjesht reagoi për djalin e tij. Unë po stërvitem dhe po pres momentin tim.”

NDRYSHIMI I ITALISË ME ARGJENTINËN – “Sfida ime është që të jap më të mirën në mundësitë që më jepen. Këtu, krahasuar me Argjentinën, ka ndeshje më me shumë kualitet dhe duhet përgatitje shumë. Duhet të stërvitesh shumë. Asgjë nuk i lihet në dorë fatit.”

21-vjeçari ka folur për “La Nacion”, duke e nisur me raportin fantastik që ka me Mauro Ikardin. Martinez ka një pasion tjetër përveç futbollit dhe provon kënaqësi të mëdha kur ndihmon njerëzit në nevojë.

Elozhet për Havier Zanetin nuk mungojnë, ndërsa ka sqaruar gjithçka me Luçiano Spaletin. Babai i lojtarit e akuzoi para disa kohësh trajnerin, por çdo gjë ka kaluar. Në fund ëndrra e madhe për të siguruar një vend në formacionin e Argjentinës dhe për të luajtur përkrah më të mirit në botë, Leo Mesit.

IKARDI – “Mauro më ka qëndruar afër që ditën e parë. Herën e parë që u takuam më tha: ‘Më telefono për çdo gjë, telefoni im qëndron gjithmonë hapur.’ Ai sillet kështu me të gjithë lojtarët e rinj, jo vetëm me mua që jam argjentinas si ai. Mauro është në dispozicion për të gjithë dhe sillet si kapiten i vërtetë. Raporti ynë ka qenë shumë i mirë që nga dita e parë, brenda dhe jashtë fushës së blertë. Ndonjëherë shohim bashkë ndeshjet e Racingut, pavarësisht se Mauro është tifoz me Newell’s Old Boys. Në të dy së bashku në fushë? Duhet durim dhe qetësi.”

ZANETI – “Dua të krijoj një fondacion që ndihmon personat në nevojë. Kur isha te Racingu kam marrë pjesë në shumë evente bamirësie, madje dhe në qytetin tim në Bahia Blanka. Tek Interi dërguam dhurata në spitalet e Milanos gjatë Krishtlindjeve. Është gjithmonë kënaqësi dhe emocionohem shumë sa herë ndihmoj njerëzit në nevojë. Në këtë aspekt po mësoj shumë nga Zaneti. Ai është historia e Interit dhe një legjendë e klubit. Më uroi mirëseardhjen që ditën e parë dhe çdo ditë më telefon për të më inkurajuar për t’u stërvitur fort dhe për të dhënë maksimumin për shokët e skuadrës, pavarësisht faktit nëse luaj apo jo. Ai më njeh mirë dhe sot ndodhem këtu dhe falë besimit të Zanetit.”

SPALETI – “Kam sqaruar gjithçka me trajnerin. Babai im ka gabuar me deklaratat e tij. Trajnerit i thashë që babai im ka qenë futbollist dhe e di se si ndihem në momentet kur nuk luaj. Gjithçka po shkon mirë, po stërvitem fort për të qenë gati dhe për të shfrytëzuar çdo mundësi që më jepet. Nuk ka menduar të largohem në janar, madje as klubi nuk më ka folur për diçka të tillë. Jam i përqendruar tek Interi, jam shumë i lumtur për mënyrën se si po më trajtojnë njerëzit që punojnë këtu.”

ËNDRRA – “Nuk ka qenë aspak e thjeshtë të largohem nga familja, por Racingu më ka ndihmuar për t’u rritur dhe për t’u pjekur. Nuk do rresht kurrë së falënderuari klubin e Racingut, aty ku kam lënë shumë kujtime të bukura. Jam ndjerë keq nga mos grumbullimi në Botërorin e Rusisë, por jam detyruar ta pranoj atë vendim. Tani po përpiqem të jap më të mirën time për të bindur Skalonin për të më grumbulluar për Kupën e Amerikës që zhvillohet në verë. Shpresoj që Mesi të rikthehet në kombëtare. Ai është futbollisti më i mirë në botë dhe një trashëgimi për Argjentinën. Ka qenë një ëndërr të ndaja dhomat e zhveshjes me të, njësoj siç më ka ndodhur me Militon te Racingu. Nuk e kam patur fatin të luaj me Leon në fushë, por ky është një nga objektivat e mi. Do të ishte diçka fantastike, nëse do të ndodhte.”

Marrëdhëniet mes dy klubeve janë shumë të mira dhe Interi po tenton të ofrojë gjigantin e sulmit, i cili do të zëvendësonte Mauro Ikardin. Kapiteni nuk ka rinovuar akoma kontratën me zikaltrit, por nëse vazhdon të qëndrojë, Spaleti do të kishte në duar një dyshe të frikshme përpara: Ikardi-Zapata.

27-vjeçari është huazuar për dy vite nga Sampdoria tek Atalanta, që ka të drejtën e blerjes për shumë e 26 milionë eurove. Nëse palët arrijnë akordin, Interi është gati të dërgojë Lautaro Martinez në ekipin e Berishës dhe Gjimshitin me Zapatën që do të transferohej në Milanon zikaltër.

RENDITJA E MUAJIT DHJETOR

Duvan Zapata (Atalanta) 8 gola në 5 ndeshje: 1 gol çdo 54 minuta

Leo Mesi (Barcelona) 6 gola në 4 ndeshje: 1 gol çdo 60 minuta

Fabio Kualjarela (Sampdoria) 6 gola në 5 ndeshje: 1 gol çdo 74 minuta

Timo Verner (Laipcig) 5 gola në 5 ndeshje: 1 gol çdo 90 minuta

Herri Kejn (Totenhem) 5 gola në 6 ndeshje: 1 gol çdo 90 minuta

Mohamed Salah (Liverpul) 5 gola në 6 ndeshje: 1 gol çdo 92 minuta

Pierr-Emerik Obamejang (Arsenal) 5 gola në 6 ndeshje: 1 gol çdo 108 minuta

Argjentinasi ka luajtur vetëm katër herë si titullar gjatë këtij sezoni në Serie A dhe në Spanjë do ta kishte shumë më të thjeshtë për të siguruar një vend titullari.

Gjithsesi, spanjollët s’do ta kenë të lehtë për siguruar shërbimet e 21-vjeçarit, pasi tek Interi nuk kanë ndërmend ta lëshojnë aq lehtë, duke qenë se zikaltrit po luftojnë në të trejh frontet, për kampionat (vendi i katërt), kupë dhe Europa League.

Përveç milionave tifozëve zikaltër goli ka lumturuar pafund dhe të dashurën e 21-vjeçarit, Agustina Gandolfo. Argjentinasja nuk ngurroi të ndante me fansat e saj në “Instagram” emocionet që po përjetonte pas golit që shënoi njeriu i zemrës.

Përveç faktit që nuk po merr minuta sa duhet, për Lautaron duket se fati nuk i ka buzëqeshur dhe jashtë fushe. Ditën e sotme, sulmuesi argjentinas ka përplasur një biçikletë, teksa udhëtonte me automjetin e tij tip “Porsche Boxter”.

Gruaja e aksidentuar është transportuar menjëherë drejt spitalit ku ka marrë ndihmën e parë. Siç thuhet 37-vjeçarja nuk është në gjendje të rëndë. Aksidenti i ndodhur është duke u shqyrtuar nga oficerët e policisë lokale.

Por jo të gjitha këto para shkojnë për Rasing. Familja e lojtarit ka përqindje, sikurse edhe klubi mëmë: Liniers. Në total për klubin argnjetinas mbeten 11.5 milionë euro raportojnë mediat në Argjentinë.

Si kompensim, klubi nga Avellaneda ka ruajtur 10% duke nisur nga 14 milionë euro për një rishitje të mundshme të Martinez nga Interi. Nëse zikaltrit do ta shesin me çmim më të lartë, Rasingu do të përfitojë përqindje mbi diferencën pas 14 milionë.

Nuk është rrezikuar me Lautaro Martinez. Argjentinasi ka pësuar një dëmtim që e la jashtë për ndeshjen me Parmën, ndërkohë që u raportua edhe më parë se është në dyshim për takimin me Totenhemin.

Nuk mund të rrezikohej me të, pasi hematoma nuk i kishte kaluar plotësisht dhe mjekët kanë menduar ta lënë të rikuperohet plotësisht, pasi do të pësonte ndonjë dëmtim më të rëndë që do e linte për një kohë më të gjatë jashtë fushave të blerta. Jashtë për këtë takim është edhe mbrojtësi kroat Vërsaljko.

LOJTARËT E GRUMBULLUAR PËR NDESHJEN ME TOTENHEMIN

Portierë: Handanoviç, Padelli, Berni;
Mbrojtës: De Vrij, Ranokia, Asamoah, Miranda, D’Ambrosio, Shkriniar;
Mesfushorë: Veçino, Nainggolan, Borja Valero, Brozoviç;
Sulmues: Ikardi, Keita Balde, Politano, Perishiç, Kandreva.

ATMOSFERA – Tifozët zikaltër, edhe pse u mposhtën së fundmi në shtëpi nga Parma në kampionat, kanë nxituar të blejnë biletat për ndeshjen me Totenhemin. Janë shitur plot 62500 bileta – në këtë shifër përfshihen edhe 200 biletat për miqtë – dhe kanë mbetur edhe një numër i vogël në shitje.