Ky klub dominon prej dy dekadash futbollin moldav. Mjafton të përmendim faktin që në 19 sezonet e fundit kanë fituar titullin kampion 17 herë dhe trofeu i 18 është rrugës. I mbështetur ekonomikisht nga kompania multimilionere “Sherif”, një konglomerat në pronësi të dy shtetasve rus, kjo skuadër paraqet një realitet krejt të ndryshëm nga pjesa tjetër e futbollit moldav.

Stadiumi dhe kompleksi gjigant përreth tij janë një investim prej 200 milionë eurosh i kompanisë “Sherif”, çka e bën klubin nga qyteti i Tiraspoli të vetmin që ka në pronësi private stadiumin dhe kompleksin e tij.

Megjithatë, duhet përmendur se buxheti i moldavëve është më i vogël se ai i azerëve të Karabak. Sherif është ndeshur disa herë në Europë me klube shqiptare, ku përballja e parë ka qenë ajo ndaj Dinamos në vitin 2011. Moldavët fituan ndeshjen e parë 3-1, ndërsa në Qemal Stafa u mundën 1-0.

Më e freskët është përballja e dy viteve më parë kundër Kukësit. Verilindorët iu afruan shumë kualifikimit, por shtyllat dhe një penallti e humbur e Pero Pejiç i erdhën në ndihmë ekipit moldav. Gjithsesi një shembull i mirë vjen nga Shkëndija e Tetovës, që i eliminoi vitin e kaluar në turin e dytë të Champions League.

Skuadra moldave nuk ka ndonjë futbollist me emër në kontigjent, por mes tyre ndodhet një lojtar që njihet mirë nga ndjekësit e Superiores. Bëhet fjalë për Liridon Latifin. Ish-sulmuesi anësor i Skënderbeut u transferua disa javë më parë te kampionët e Moldavisë dhe tani do rikthehet në Shqipëri pas më shumë se dy vitesh.

Goli u shënuar nga shqiptari Liridon Latifi, i cili nga një distancë e afërt nuk e ka të vështirë të shënojë. Një aksion i shpejtë i miqve gjen të papërgatitur mbrojtjen e Tbilisit dhe Latifi ndëshkon me të djathtë, duke e çuar topin në trekendëshin e portës dhe duke lënë të shtangur portierin.

Vetëm pesë minuta më vonë, Tiraspoli ka shënuar dhe golin e dytë. Një autogol i Mergashvilit rihapi fatet e kualifikimit. Përmbysja e madhe do të vinte që në minutën e 10-të të takimit. Tambe do të shënonte 2 minuta pas autogolit të vendasve dhe gjithçka u barazua.

Një sfidë e çmendur në Gjeorgji, e cila do të përfundonte jo mirë për Latifin dhe skuadrën e tij. Ish-lojtari i Kamzës, Roloviç, do të shënonte në minutën e 59 të sfidës, për të kualifikuar ekipin e tij.

Champions League

Tbilisi – Sh. Tiraspol  1-3  (3-0)
Rolovic 69′ / Latifi 3’, Margeshvili (ag) 8′, Tambe 10′

Skuadra nga Maqedonia e Veriut është më e avantazhuar, por edhe Feronikeli mbetet favorit ndaj uellsianëve pasi dhe një barazim  0 – 0, ose 1 – 1 do i çonte në fazën tjetër, kjo për shkak të rregullit të golit në fushë kundërshtare.

Zhvendosemi në Gjeorgjinë e largët, ku Liridon Latifi dhe Sherif Tiraspol duhet të bëjnë një çmenduri për t’u kualifikuar. Kampionët e Moldavisë befasuan të gjithë teksa u mundën 3 – 0 në ndeshjen e parë nga vizitorët e Saburtalo Tbilisi. Ky takim ka rëndësi të veçantë dhe për Partizanin, pasi skuadra humbëse e këtij çifti do të ndeshet në raundin e dytë të kualifikueseve të Europa League me skuadrën e eliminuar nga çifti Karabak – Partizani.

Shkëndija Tetovë – Nome Kalju (17:00)

Feronikeli – TNS (20:45)

Për të kuptuar sa shokues është ky rezultat mjafton t’u përmendim se në përpara fillimit të ndeshjes fitorja e skuadrës moldave kuotohej me koeficientin 1.28 nga kompanitë ndërkombëtare të basteve sportive, ndërsa fitorja e gjeorgjianëve kuotohej me koeficientin 11.

Futbollisti që zhbllokoi takimin ishte ish-sulmuesi i Kamzës, Ognjen Roloviç. Futbollisti u largua nga Shqipëria gjatë muajit janar për në Gjeorgji, ku fati i ka buzëqeshur dhe po zhvillon një sezon pozitiv.

https://www.youtube.com/watch?v=6wsI-aKOxD8

Ndeshja e vlefshme për fazën 1/8-ve të Kupës së Moldavisë ishte thjesht një formalitet për të dyja ekipet pasi llogaritë për kualifikim ishin mbyllur që në ndeshjen e parë, ku Sherif fitoi me rezultatin 12 – 0.

Ndër tri golat që shënoi ish-sulmuesi i Skënderbeut vlen të veçohet goli i dytë ku 25-vjeçari godet topin fluturimthi dhe e çon në trekëndëshin e portës kundërshtare.

https://www.instagram.com/p/BzJCfrgAjNB/?utm_source=ig_web_copy_link

Eventi do të zhvillohet në qytetin e Newmark, New Yersey, SHBA. Dueli i fundit i Latifit ishte më datë 29 dhjetor, ku u mund nga amerikani Korei Anderson me vendim unanim. Rekordi i tanishëm i Latifit në eventet e UFC-së është 7 fitore dhe katër humbje.

Viti i parë në Hungari rezultoi një katastrofë. Sulmuesi i krahut pati një sërë zënkash me trajnerin Atila Pinter, që detyruan klubin ta çonte të skuadra rezervë. Megjithatë, ajo moment tani i përket së shkuarës dhe Latifi është rikthyer në “shina”.

Tripleta  në Kupë ndaj PAKS ishte sinjali i duhur për të treguar se investim i Pushkash për 25-vjeçarin nuk ishte i kotë. Tanimë Latifi është rikthyer në formacionin titullar pas muajsh të tërë në stol. Hapi i radhës është rikthimi në kombëtare, pasi në krahët e sulmit kemi nevojë për ndihmën e tij, sidomos pas dëmtimeve të Roshit dhe Grezdës.

Me anë të një goditjeje dënimi, Latifi tregon vlerat e tij dhe ndëshkon portierin kundërshtar me një goditje shumë të bukur, që përfundon në trekëndëshin e portës. Ndërsa te goli tjetër, sulmuesi shqiptar depërton mirë në zonë dhe merr një pasim, gjuan me të parën dhe ndëshkon sërish portierin vendas në cepin e largët të portës. Një pasdite për të mos u harruar për 25-vjeçarin kuqezi.

Skuadra e Latifit kishte humbur takimin e parë si pritës me rezultatin 2 – 1, por falë paraqitjes fenomenale të shqiptarit, skuadra ka siguruar një biletë për në fazën çerekfinale të këtij kompeticioni.

Paks FC 1 – 3 Akademia Pushkash
Shënues: Lenzser 17’ / Latifi 23’, 76’, 82′ (pen.)

Fillimisht, ishte Albian Ajeti që shënoi. Sulmuesit të talentuar iu deshën vetëm nëntë minuta lojë që të gjente rrugën e rrjetës, duke konfirmuar momentin e mirë që kaloi në gjysmën e parë të kampionatit.

Ky gol i Ajetit duket se do të vendoste rezultatin final të sfidës, por me anë të një kundërsulmi në minutën e 87’, Bazeli shënoi sërish me anë të zviceranit Frei, duke dyfishuar.

Akademia Pushkash nuk do të dilte pa gol nga kjo sfidë dhe për të shënuar mendoi ish-ylli i Skënderbeut, Liridon Latifi. 24-vjeçari do të shkurtonte diferencat në minutën e 90’ të sfidës me një gol spektakolar nga gositja e dënimit. Gjithsesi nuk mjaftoi që ekipi hungarez të shmangte humbjen.

Miqësore

Bazel – Akademia Pushkash 2-1
Shënues: Ajeti 9’, Frei 87’ / Latifi 90’

Latifi u transferua në kampionatin hungarez në verën e 2017-ës. Sezoni i parë nuk kishte si të shkonte më keq. Aktivizime të paktë dhe asnjë gol, sikur të mos mjaftonin këto një zënkë me trajnerin e Atila Pinter, bëri që lojtari i kombëtares shqiptare të luante për muaj të tërë me ekipin e rezervë. Sezoni i ri, ka nisur më mbarë, por 24-vjeçari nga Prishtina ende nuk e ka siguruar një vend në formacion, duke u futur më së shumti nga stoli i rezervave.

Një ndeshje që u zgjidh nga Pajtim Kasami, i cili dhuroi spektakël në golin e parë dhe asistoi në golin e dytë. Në minutën e 79-të Bastien Toma, 19-vjeçari shqiptar asistoi për Kasamin, i cili shënoi një perlë të vërtetë, duke zhbllokuar shifrat.

Më pas, në minutën e 96-të lojtari nga Struga, asistoi për golin e dytë të ekipit të tij dhe të gjithë takimit. Ermir Lenjani nga ana tjetër, ende nuk e ka lënë pas dëmtimin, pasi nuk ishte i grumbulluar në këtë ndeshje. Ndërkohë, në kategorinë e dytë zvicerane, sulmuesi ynë Taulant Seferi ishte titullar për 90 minuta në fitoren, që Uinterthur arriti në transfertën e Kriensit.

Largohemi nga Zvicra për në Hungari, ku Liridon Latifi nuk luajti për asnjë minutë në humbjen në transfertë të Akademisë Puskas, të njëjtin fat pati dhe Egli Kaja në Skoci, i cili nuk u aktivizua në fitoren e sotme të Livingston.

Nëse Latifi ia del të fitojë edhe këtë duel, atëherë me shumë mundësi do t’i hapet rruga përballjes me kampionin në fuqi të kategorisë “Light Heavyweight”, Daniel Komier. 35-vjeçari i lindur dhe rritur në Suedi vjen pas dy fitoreve radhazi dhe më një rekord prej 14 fitoresh dhe pesë humbjesh.

OFFICIAL!

Top 10 LHWs meet in Vegas as @LatifiMMA faces @CoreyA_MMA at #UFC232! pic.twitter.com/ePRFExBmjV

— UFC (@ufc) October 16, 2018

Por, me largimin e Pinterit, duket se dyert për Latifin janë hapur sërish. Ish-futbollisti i Skënderbeut është rikthyer të jetë një pjesë e rregullit e formacionit titullar. Megjithëse fillimi i sezonit ka qenë katastrofik për skuadrën në përgjithësi, te Pushkash kanë besim se situata mund të ndryshojë shumë shpejt.

Në postimin më të fundit në rrjetin social “Instagram”, Pushkash ka veçuar një stopim topi “alla-Nejmar” të bërë nga Latifi gjatë një seance stërvitore.

https://www.instagram.com/p/BnlWgdrBWGw/?utm_source=ig_web_copy_link

Në një intervistë për Telegrafin Latifi i kthehet periudhës kur luante te Skënderbeu, por flet edhe për aventurën hungareze dhe të ardhmen e vet.

Malli –  “Më ka mbetur peng fitimi i titullit në vitin e fundit dhe shpesh e kujtoj ndeshjen e fundit në Kukës. Por jam i lumtur që e arritëm qëllimin tonë në Evropë, të futemi në fazën e grupeve. Jo vetëm muajt e fundit, por të gjitha vitet e mia tek Skënderbeu kanë qenë të mrekullueshme. Më mungon Korça, sepse aty dashuria për futbollin është shumë e madhe”

Europa – “Skënderbeun e kam përcjellur vazhdimisht në Evrope dhe mendoj se në çdo ndeshje e kanë nxjerre maksimumin. Ka qenë një eksperiencë e jashtëzakonshme dhe vërehet se çdo vit e me shumë skuadra është më e pjekur.

Hungaria – “Pritja ka qenë shumë e mirë nga të gjithë, si stafi ashtu edhe lojtaret. Kushtet atje janë të shkëlqyeshme.

Kombëtarja – “Është arritja më e madhe e çdo futbollisti ta përfaqësojë kombin e tij dhe gjithmonë e pres me kënaqësi të veçantë ftesën nga kombëtarja. Emocion i papërshkrueshëm kur zbret në fushë me këtë fanellë. Jam krenar me këtë arritje. Me të gjithë lojtarët në kombëtare kam marrëdhënie shumë të mira dhe nuk mund ta veçoj askënd.

E ardhmja – “Momentalisht jam i fokusuar vetëm në klubin tim aktual. Planet e mia janë që të lë gjurmë edhe aty, pastaj ia lë në dorë klubit dhe menaxherit të ardhmen time.

Dëmtimi – “Kam pasur një lëndim që më ka lënë gjashtë javë jashtë fushës, por fatmirësisht tani gjithçka ka kaluar dhe me 5 janar jam plotësisht i gatshëm t’i bashkohem klubit në stërvitje.

Kampionatet – “Sa herë që më jepet mundësia dhe koha e shfrytëzoj rastin t’i përcjell gjithmonë si ligën e Kosovës, ashtu edhe të Shqipërisë. Shpresoj që shumë shpejt edhe klubet e Kosovës të kenë sukses në garat ndërkombëtare” .

Latifi është një ndër futbollistët më në formë të kombëtares dhe këtë verë ka luajtur shumë ndeshje, ndaj fizikisht është në formë perfekte. Duke parë se Armando Sadiku ka probleme, nuk është çudi që Latifi ta nisë titullar, edhe pse nuk është sulmues, ndryshe nga Llullaku, që është më i përshtatshëm për të luajtur i avancuar.

Mesfushori i sapotransferuar nga Skënderbeu në Hungari është një ndër lojtarët më në formë të kombëtares dhe natyrisht shpreson të luajë, por talenti nga Kosova nuk e ka problem edhe nëse nuk luan titullar dhe është gjithnjë gati, pak rëndësi ka roli që i kërkohet.

“Çdo sekondë te karrierës sime kam menduar që një ditë të jem pjesë e kombëtares. Jam i gatshëm në çdo moment për kombëtaren. Shpresoj që aftësitë e mia t’i shpreh edhe në kombëtare. Çdo trajner ka filozofinë e vet, edhe Panuçi ka futur gjëra të reja. Është një trajner i ri që ka të ardhme të shkëlqyer. Nëse mungojnë tre lojtarë kemi shanse më shumë për të luajtur, sepse zakonisht të parët që zëvendësohen janë sulmuesit. Kemi shumë lojtarë ofensivë, secili prej nesh duhet të zëvendësojë Cikalleshin ose Balajt me mundësitë që do t’i jepen Janë dy ndeshje të rëndësishme, por fillimisht duhet të fokusohemi te Lihtenshtejni.”

Latifi flet edhe për kalimin në Hungari: “Akademia Pushkash ka bërë shumë blerje dhe ka një projekt shumë ambicioz. Sigurisht që ka qenë edhe oferta financiare që ka pasur ndikimin kryesor në vendimin tim”.

Këtë verë gjërat ndryshuan. Me siguri niveli i menaxhimit të klubeve ka pësuar transformim. Asnjëherë më parë nuk janë shitur kaq lojtarë me këto shifra. I pari që u largua ishte Ramadani. Nga Partizani te Velje për 200 mijë euro. Më pas lajmi i ditës ishte Tirana. Mervejl dhe Akuah u shitën përkatësisht te Getafe dhe LASK, 650 mijë euro në arkat e një klubi që asnjëherë më parë nuk kish arkëtuar shifra të tillë të çmendura nga transferimet e lojtarëve. Më pas Skënderbeu, që prej 18 muajsh e ka hapur rrugën e këtyre lëvizjeve. Më parë ishin Olajinka, Berisha dhe Zeka. Këtë verë ishte radha e Latifit. 1 milion euro për korçarët nga Akademia Pushkash në Hungari. Mes transferimeve VIP është dhe keqardhja që Hebaj u transferua nga Vllaznia me 0 lek. Hebaj është alarmi që në të ardhmen duhet të ketë sa më pak lëvizje të tilla, ndërsa 4 të tjerët, relativisht në një moshë të re, janë shembulli se si duhen transferuar lojtarët.

Rruga është hapur. Tani kampionati shqiptar vlen aq shumë, sa Kievo solli në huazim një sulmues, Ekuban, që më pas e shiti te Lids për 550 mijë euro. Gjithkush mund të tentojë në tregun e madh të futbollit. Paratë filluan të vijnë.

Latifi duhet theksuar se në skuadrën e re renditet si lojtari i dytë më i rëndësishëm, pasi në krye ndodhet hungarezi Roland Salai, që vlen 1 milion euro. Skënderbeu pritet të zbresë edhe më shumë ditët në vazhdim, pasi kujtojmë që disa ditë më parë “transfermarkt.com” kishte rreshtuar në faqen e Skënderbeut edhe turkun Butuhan Karadeniz, por ky nuk bën pjesë në organikën e korçarëve. Lëvizje të shumta do të ketë në ditët në vazhdim te vlera totale e Skënderbeut, sepse merkato nuk ka përfunduar. Priten të tjera përforcime te bardhekuqtë, që do ta rrisin ndjeshëm vlerën totale.

Nesër do të shtohet edhe Suad Sahiti, që kushton 150 mijë euro, por nuk do të jetë i vetmi. Vlera e Skënderbeut ka rënë për momentin dhe në grupin B të UEFA Europa League, nga vlera sipas “transfermarkt.com”, është në vend të katërt. Në krye është pa diskutim është skuadra ukrainase e Dinamos së Kievit, që vlen plot 83.2 milionë euro. Pas saj janë zviceranët e Jong Bojs, me 27.35 milionë euro, dhe më pas Partizani i Beogradit, me 20.2 milionë euro. Skënderbeu renditet në vend të katërt me vetëm 6.1 milionë euro. Pavarësisht kësaj, në Korçë besojnë shumë që kanë për t’ia dalë.

Talenti i Skënderbeut dhe kombëtares po përjeton një moment të artë: ndihmoi Skënderbeun për të shkuar në grupet e Europa League, është në kombëtare, ka firmosur një kontratë spektakolare, me rreth 30 mijë euro në muaj, si dhe ka pasuruar Skënderbeun, që përfiton thuajse 1 milion euro.

Akademia Pushkash ka një plan mjaft ambicioz për të ardhmen dhe po investon fuqishëm, ndaj Latifi dhe Skënderbeu u bindën menjëherë nga oferta joshëse.

Pas arkëtimit të jashtëzakonshëm nga shitja e Latifit, por edhe milionat nga mbërritja në grupet e Europa League, Skënderbeu ka siguruar shërbimet e mesfushorit nga Kosova, Suad Sahiti, por klubi ka plane shumë ambicioze dhe deri më 31 gusht priten surpriza të mëdha.

Gjithçka e ka shpjeguar edhe vetë ylli i Skënderbeut, në një lidhje direkte në “Zona Gol” në Supersport.

“Zgjodha Pushkash sepse dua t’i hedh hapat e karrierës një nga një. Nuk doja të rrezikoja duke zgjedhur një ekip të madh, pasi mund të ishte e vështirë për të gjetur hapësirat e duhura. Pra, vura anën sportive, para asaj ekonomike apo prestigjit”, deklaroi Latifi.

Tani talenti i kombëtares kërkon të largohet duke e lënë Skënderbeun në grupet e Europa League:  “E ardhmja ime është e qartë tashmë, por unë dhashë maksimumin në Zagreb dhe jam gati të jap gjithçka nga vetja, për të ndihmuar Skënderbeun, të kualifikohet për në fazën e grupeve”.

Një ofertë hungareze, nga Akademia Pushkash, klub i lidhur ngushtë me Videotonin, por edhe me mbështetje të fuqishme financiare, përveçse politike, flitet. Financat nuk janë problem, ndaj Skënderbeu është befasuar nga oferta: thuajse 1 milion euro, ose disi më pak, por me një përqindje kartoni për klubin korçar.

Po Latifi? Në teori Hungaria nuk është hapi i ëndërruar, por Latifi e di mirë që në këtë moment duhet të mendojë shumë gjëra. Në Belgjikë shkoi Olajinka dhe iku në huazim në Çeki, për eksperiencë, rrugë që nuk ka ndërmend ta ndjekë Latifi. Për të flitet se hungarezët kanë gati një kontratë të jashtëzakonshme, rreth 300,000 euro, arsye shumë e fortë për të pranuar. Deri në fund të gushtit ka kohë, Latifi bën gati valixhet, por fillimisht do të luajë kundër Dinamo Zagrebit.

Fatjon Rupi

Shpresat e korçarëve për të pasur edhe sezonin e ri në ekip Liridon Latifin u rindezën, kur presidenti Ardjan Takaj tha se ai do të qëndrojë, nëse Skënderbeu kalon në grupet e Europa League. Dhe Skënderbeu është në garë për kalimin në grupe, por shitja e Latifit tashmë është një fakt i kryer. Mesfushori kosovar mungoi dje në stërvitje dhe, me të gjitha gjasat, nuk ka qenë fare në Shqipëri, por në vendin e ekipit të tij të ri. Nga drejtuesit e Skënderbeut nuk jepet asnjë informacion, ndoshta sepse duan që më parë të hidhet firma në kontratë, por duket se tashmë nuk ka më kthim prapa dhe Latifi do t’i shtohet listës së shitjeve të bujshme të klubit korçar.

MUNGESA – Skënderbeu e zhvilloi dje stërvitjen me dyer të mbyllura, sepse ky ishte vendimi i trajnerit Ilir Daja disa ditë më parë. Në fakt, qëllimi nuk ishte për të mbajtur të fshehur mungesën e Latifit, por sepse trajneri kryeqytetas u druhet përfaqësuesve të Dinamos së Zagrebit për të marrë informacion mbi ekipin e tij. Por, teksa të gjithë lojtarët i drejtoheshin stadiumit “Skënderbeu”, u pa që mungonte Liridon Latifi. Nga sa është mësuar, kosovari nuk ka asnjë problem dëmtimi dhe menjëherë mendja të shkon se bëhet fjalë për zhvillime të reja në mbylljen e marrëveshjes së tij me ekipin e shumëpërfolur europian.

DESTINACIONI – Deri dje ka pasur shumë pista të mundshme për Latifin. Sigurisht, ka pasur interesim konkret nga disa kampionate, ndaj dhe shitja e titullarit të Skënderbeut ishte konfirmuar nga të gjithë drejtuesit e klubit. Belgjika, Rusia, Zvicra dhe Turqia mendoheshin të ishin destinacioni i mundshëm i Latifit, por dje është përmendur emri i ekipit hungarez Akademia Pushkash. Drejtuesit e Skënderbeut nuk kanë dhënë asnjë informacion në këtë drejtim dhe ky ekip mbetet i pakonfirmuar zyrtarisht, aq më tepër që nuk është ndonjë ekip me buxhet të konsiderueshëm në Hungari. Me vetë Latifin ka qenë e pamundur për të komunikuar dje dhe kjo përforcon faktin se ai ka qenë jashtë Shqipërisë. Sot pritet të kthehet në Shqipëri dhe me siguri do të ketë detaje të reja.

1 MILION EURO – Edhe kjo shifër është e pakonfirmuar zyrtarisht, sepse drejtuesit e Skënderbeut nuk i janë përgjigjur interesimit të gazetës, por nga burime dytësore mësohet se bëhet fjalë për një operacion prej 1 milion eurosh. Një shifër e konsiderueshme për klubin korçar, edhe pse ndoshta parashikimet mund të kenë qenë për më shumë, pasi presidenti Takaj kishte thënë se shitja e Latifit do të vinte një rekord në këtë drejtim. Korçarët kanë bërë disa shitje të rëndësishme vitet e fundit, ku veçohet ajo e Piter Olainkës për 1.1 milion euro apo edhe shitja e Bernard Berishës.

Pas fitores ndaj Mladas, në mikrofonin e Supersportit Latifi deklaroi: “Ndeshje jashtëzakonisht e mirë, nata më e mirë e jetës time. Kemi dhënë gjithçka në fushën e lojës dhe e merituam. Besoj e kreva misionin tim, sulmova shumë në krah kur pashë lodhjen e kundërshtarit”.

Takaj nuk do ishte kundér shortit me një klub të madh, por Latifi do kualifikim në grupe: “Shorti është çështje fati. Nëse bie Milani apo jo nuk e di, por shpresoj te një kundërshtar sa më i dobët, sepse duam kualifikimin”.

“Është një ndeshje e vështirë. Mlada ka shumë kualitet dhe luan shumë mirë në grup, por edhe ne kemi kualitetet tona dhe kemi ardhur të luajmë lojën tonë. Pjesë e Skënderbeut janë lojtarë shumë të mirë. E kemi studiuar mirë kundërshtarin dhe e dimë mirë, ku i ka pikat e dobëta. Ne kemi marrë informacionet e duhura për Mladën dhe futemi ne fushën e lojës të qetë dhe me besim se do të arrijmë suksesin që duam. Futbolli shqiptar është në rritje, siç e tregon arritja e kombëtares vitin e shkuar, apo kualifikimi i Skënderbeut në grupet e Europa League”, deklaroi trajneri i korçarëve.

Optimist edhe Latifi: “Kemi parë shumë ndeshje të Mlada Boleslavit në video, ndaj mendoj se jemi të përgatitur. Barazimi është rezultat i mirë, por për ne fitorja mbetet synim në çdo ndeshje”.

Leonard Trebicka

“Do të luaj me Skënderbeun në Europë deri në fund dhe dua të jem sa më gjatë të jetë e mundur, por dua të deklaroj që me skuadrën time të re gjithçka është mbyllur dhe tani pritet të mbyll aventurën time me Skënderbeun dhe pastaj të largohem. Mezi po pres që të kualifikoj së pari Skënderbeun në turin e tretë dhe pse jo edhe më larg…”, ka deklaruar ndër të tjera Latifi në një intervistë të dhënë për “Sport Ekspres” ditën e djeshme, duke zbuluar se e ardhmja e tij sezonin e ardhshëm nuk do të jetë te Skënderbeut. Skuadra e re, mister.

–Latifi, ktheheni në Korçë pas atij rezultati pozitiv në Kazakistan. Çfarë mund të na thoni?
-Të them të drejtën, jemi shumë të kënaqur të gjithë si skuadër për atë që dhamë në fushën e lojës në ndeshjen e parë në Kazakistan dhe me meritë arritëm të merrnim edhe këtë barazim me gola. Është një rezultat pozitiv që na favorizon disi për takimin e kthimit.

–Edhe ju keni zhvilluar një super ndeshje në Almati…
-Së pari dua të them se ishte grupi që funksioni shkëlqyer dhe merita e këtij rezultati nuk është as e imja dhe as e ndonjë individi, por meritë e padiskutueshme e grupit. Gjithsesi dua të them se kundërshtari na ndihmoi shumë për të marrë këtë rezultat. Them kështu pasi Kairat luajti hapur dhe ne shfrytëzuam të gjitha momentet tona. Me pak kujdes mund dhe duhet të kishim marrë më shumë se barazimi 1-1.

–Arritët të barazonit këtë transfertë shumë të vështirë, madje duke qenë në disavantazh…
-Patëm një moment luhatje kur pësuam golin, por e rëndësishme ishte që reaguam të gjithë. Kjo ishte një gjë shumë pozitive, për vetë lojën që zhvilluam. Shënuam në pjesën e dytë dhe e mbyllëm këtë takim me këtë rezultat, që pakkush e priste, madje edhe vendasit se besonin që do të dilnin nga fusha me këtë rezultat.

-Sa shanse i jep Skënderbeut ky barazim 1-1 për të kaluar më tej?
– Barazimi me gola na favorizon ne si ekip, pasi takimin e kthimit e luajmë në shtëpinë tone. Ky rezultat na mundëson që në ndeshjen e dytë të ruajmë edhe një barazim 0-0 dhe na mjafton, por absolutisht që nuk do ta bëjmë një gjë të tillë, pasi e them me bindje që ne do të kërkojmë të shënojmë.

–Me këtë doni të thoni që Skënderbeu do të jetë ekipi që do të kalojë më tej?
-Unë kam shumë besim, por jo vetëm. I gjithë ekipi beson shumë që do të jemi ne ata që do të kalojmë në turin e tretë të Europa League. Sigurisht që na duhet edhe mbështetja e tifozëve dhe unë kam shumë besim që do ta kemi, në mënyrë që së bashku të arrijmë të kalojmë edhe një tur tjetër dhe për të vazhduar padiskutim sa më gjatë.

–Latifi largohet pas Kairatit, apo…
-Dua t’u them diçka. Është e sigurt që këtë verë largohem nga Skënderbeu dhe kjo tashmë është mbyllur, por që kur do të largohem nuk di ta them një gjë të tillë. Unë do të luaj me Skënderbeun në Europë deri në fund dhe dua të jem sa më gjatë të jetë e mundur, por me skuadrën time të re dua të deklaroj se gjithçka është mbyllur dhe tani pritet që unë të mbyll aventurën time me Skënderbeun dhe pastaj të largohem.

–Me këtë doni të thoni që ju mezi prisni që të largoheni nga Skënderbeu?
-Shikoni. Unë mezi po pres që të kualifikoj së pari Skënderbeun në turin e tretë dhe pse jo edhe më tutje, sa më larg të jetë e mundur. Pasi të përfundoj aventurën europiane është 100% e sigurt që do të largohem. Dua ta mbyll me sa më shumë suksese me Skënderbeun, skuadrën që më bëri me kaq emër dhe që më dha kredite të mjaftueshme që të luaj në kampionate me emër në Europë.

–Duke deklaruar që e keni mbyllur, a mund të na thoni se cila do të jetë skuadra juaj e re?
-Emër nuk mund ta them. Mjafton që ju thashë se gjithçka është e mbyllur dhe unë largohem sapo të përfundoj aventurën. Tani dua të mendoj për Skënderbeun për të kaluar edhe këtë tur, pse jo edhe tjetrin.

–Luani të enjten e ardhshme në Korçë ndaj Kairatit. Si e shikoni mendoni?
-Harrova të shtoja edhe diçka që lojtarët e rinj që erdhën te Skënderbeu në merkaton e verës, po përshtaten shumë mirë me grupin dhe për mua ky grup funksionon si jo më mirë. Do të jemi të njëjtët edhe të enjten e 20 korrikut dhe ftoj tifozët që të na përkrahin, pasi do t’i nderojmë me paraqitjen tonë.

–Keni ndonjë fjali të fundit për të thënë?
-Çdo ditë që po kaloj te Skënderbeu po e përjetoj me entuziazëm dhe me dëshirë që të jap maksimalen time deri në fund. Po mendoj që ta kalojmë Kairatin dhe t’i japim shqiptarëve edhe një kënaqësi tjetër të madhe, kënaqësi që ta jep vetëm Skënderbeu dhe asnjë skuadër tjetër.

Skënderbeu i djeshëm ishte fantastik, nuk ka nevojë të zgjatemi me komente e elozhe të tepërta. Kairati ishte i frikshëm dhe mbetet i tillë, për emrat që ka dhe faktin që është në kulmin e sezonit, por asgjë nga këto nuk u pa në fushë. Trajneri Daja kishte hedhur në fushë një skuadër mjaft solide, të organizuar dhe të vendosur në mënyrë perfekte, a thua se kishte vite që ndeshej me Kairatin dhe ia njihte çdo difekt. Detaj tjetër, dhe këtu nuk ka meritë vetëm Daja: Skënderbeu luajti me qetësinë e një skuadre me petk ndërkombëtar, nga ato që shkojnë çdo vit në grupet e Champions apo Europa League. As goli i pësuar shpejt nuk i shqetësoi korçarët dhe ky ishte sinjali se bëhet fjalë për një skuadër profesioniste sidomos në mendim. Ndoshta grupet janë tepër larg për korçarët këtë sezon, por nëse vazhdon në këtë rrugë, herët a vonë edhe grupet do të kthehen në zakon.

NJERIU I NDESHJES – Pa dyshim, Liridon Latifi ishte i mrekullueshëm, duke luajtur një ndër ndeshjet më të mira në karrierë. Ishte perfekt edhe në turin e shkuar, por është tjetër gjë të marrësh me shpulla San Zhulian e vogël dhe krejt ndryshe të dhurosh spektakël në mes të Kazakistanit, ose në Kinë, praktikisht, mijëra kilometra larg Shqipërisë.

Kairati ka në përbërje një si Andrej Arshavin, që është mit në Rusi dhe ka shkelur praktikisht çdo stadium të madh në Europë në ndeshje për Ligën e Kampioneve, atë të vërtetën, jo në turet kualifikuese. Edhe rusi tentoi, vrapoi, tribloi e gjuajti, por dje dukej qartë që Latifi ishte më mirë, më i shpejtë e më shpërthyes, i ftohtë akull dhe mbi të gjitha i uritur si kurrë më parë. E kërkoi golin nga çdo pozicion, i futi drithërimat Kairatit, derisa gatoi golin e Bakari Nimagës. Më shumë se kaq, nuk kanë ç’ti kërkojnë Latifit në Korçë.

TAKAJ – Ishte i lumtur pas ndeshjes presidenti Ardian Takaj. “Super ndeshje, por nuk ka mbaruar asgjë”, shkruan shkurt në telefonin e tij, kur e pyet si ndihet, por nga brenda është vullkan. Verën e shkuar vuajti shumë, këtë verë po ashtu, sepse i hoqën titullin e vjetshëm dhe nuk është shëruar ende plaga e ndeshjes së majit në Kukës, aty ku u vra edhe një kampionat tjetër i mundshëm për ish-kampionët.

E megjithatë, Takaj e ka rigjetur buzëqeshjen. Puron tipike nuk e ndan nga dora, por ka raste që e përdor për të larguar dëshpërimin dhe ka raste kur e përdor thjesht për zbukurim, për qejf. Dje ishte rasti i dytë.

Një arsye e madhe pse Takaj ishte i lumtur quhej “Latifi”. Mesfushori dje ishte i vëzhguari i madh: kalim provimi me nota maksimale. Nëse klubet ruse, që kanë miliona, kishin ende ndonjë dyshim, Latifi u tregoi se ato që bën në Superiore i bën edhe jashtë saj, edhe me kazakët e frikshëm. Është edhe ndeshja e kthimit, por me shumë mundësi këto ditë Takaj do të bisedojë me disa klube. Kush e do Latifin, nuk duhet të presë kthimin në Korçë, sepse nuk i dihet, bën ndonjë gol Latifi dhe shtohen edhe 100.000 euro në kërkesat e Takajt.

Në stadium, shumë menaxherë e vëzhgues

Përballja e Skënderbeut dje në Almati është ndjekur nga shumë menaxherë futbollistësh, ndërmjetës e vëzhgues klubesh, të interesuar për të parë në veprim si lojtarë të Kairatit, ashtu edhe të Skënderbeut. Te Kairati janë disa lojtarë shumë interesantë, duke nisur nga sulmuesi i cili na shënoi, Gohu, ndërkohë që në Rusi flitet se Andrej Arshavin mund të kthehet në Rusi dhe Zeniti interesohet për ta kthyer në shtëpi, gjithnjë nëse Arshavin vazhdon të shkëlqejë, si ka bërë që kur ka shkelur në Almati.

Ndërkaq, Skënderbeu kishte në vitrinë të paktën një futbollist: Liridon Latifin. Shkumbin Qormemeti po mundohet t’i gjejë një klub të mirë, që t’i garantojë një të ardhme të ndritur, por edhe të paguajë një shifër që do të kënaqë Skënderbeun. Latifi e bëri të vetën, ndaj menaxherët e shumtë nga Rusia, por edhe drejtuesit e FC Astanas, kanë mbajtur shënim. Astana, meqë ra fjala, është klubi më i pasur në Kazakistan dhe po shkëlqen edhe në Champions, ku synon grupet, ndaj shifrat që kërkon Skënderbeu i duken kacidhe, nëse vendosin se e duan Latifin. A e do Latifi Kazakistanin? Çështje tjetër kjo, ka kohë derisa ofertat të vihen në tryezë dhe të vijë radha e Latifit për t’u prononcuar. Ndërkaq, Skënderbeu, me shumë mundësi do të ketë bisedime edhe të paktën për një lojtar tjetër: Bakari Nimagën. Maliani 22-vjeçar më në fund duket në formë perfekte fizike dhe dje ishte i shkëlqyer, përtej golit që shënoi. Është shumë i ri, ka ende hapësira të mëdha përmirësimi dhe kjo e favorizon shumë, në krahasim me disa lojtarë të tjerë, që shkëlqyen dje te Skënderbeu.

Gjergji Stefa

Skënderbeu është skuadra me buxhetin më të lartë në Shqipëri. Lojtarët aty paguhen ndjeshëm më shumë se në klubet e tjera. Kujto, për shembull, ç’ndodhi vitin e shkuar. Salihi dhe Vangjeli, bie fjala, marrin aq shumë, sa me paratë e tyre një ekip i vogël mund të kishte tentuar qëndrimin në Superiore. Nuk u fitua as titulli e as kupa dhe në klub pati një lloj paniku. Çfarë do ndodhë me balancimin e shpenzimeve? Sepse te Skënderbeu funksionojnë me Fair-play financiar të brendshëm. Më shumë se 1 milion euro rroga, si do dalin? Dalëngadalë po ia dalin të shkojnë te zero.

Nga kalimi i turit në Europë fitohet diçka te 450 mijë eurot, ndërkohë që të ardhurat dytësore, e drejta televizive, fondi i solidaritetit, apo dhe shitja e biletave, bëjnë bashkë diçka te 350 mijë eurot. Biletat këtë vit kanë qenë një zë i rëndësishëm. Skënderbeu është skuadra që ka pasur numrin më të lartë të tifozëve në stadium në edicionin e shkuar. Llogaritë thonë që janë arkëtuar më shumë se 200 milionë lekë nga shitja e tyre.

Prapë llogaria nuk del? Atëherë shfaqet shitja e Latifit. Ostende, Genk, Sion apo Grasshoppers. Ai do shkojë te një nga këto 4 skuadra dhe klubi do përfitojë më shumë se 500 mijë euro. Kur të mbarojë Europa, talenti kuqezi do lajmërojë lamtumirën. Jo keq. Dhe në rast se korçarët eliminohen nga Kairati, do jenë financiarisht të qetë. Në një vit ku nuk fituan as titull e as kupë, e madje nuk morën as në Champions, të jesh “zero më zero”, është shumë pozitive.

Ashtu si në fundin e kampionatit që lamë pas, lideri i Skënderbeut në fushë është shfaqur sërish Liridon Latifi. Futbollisti kosovar, i cili pritet të konfirmohet si shitja me shtrenjtë e një lojtari të Superiores, shënoi 2 gola në ndeshjen e djeshme dhe 3 në total, duke llogaritur edhe atë të ndeshjes së parë në Korçë. Në 90 minutat e djeshme Latifi ishte i papërmbajtshëm në krahun e tij. Shumë herë ai depërtoi në zonën kundërshtare dhe mund të kishte shënuar më shumë, por kuptohet që emocionet bëjnë të vetën.

REKLAMA – Latifi ia arriti qëllimit të tij të dyfishtë në ndeshjet e turit të parë eliminator të Europa League. Përveçse arriti ta ndihmojë ekipin e tij të kualifikohet me golat e tij, njëkohësisht i rriti vetes vlerat në sytë e menaxherëve të skuadrave të huaja, që po e ndjekin prej kohësh “yllin” e Skënderbeut. Europa League ishte një “vitrinë” e mirë dhe kosovari e shfrytëzoi më së miri rastin. Në ekipin korçar do ta qajnë largimin e Liridonit, por në futbollin e sotëm kështu funksionojnë gjërat. Presidenti Ardjan Takaj dhe stafi i tij kanë “fërkuar” duart, teksa Latifi shënonte në portën kundërshtare. Ata, por edhe vetë lojtari, mezi po presin të konkretizojnë një marrëveshje, që është në të mirë të dyja palëve. Skënderbeu mbush arkën, kurse Latifi përfiton më shumë financiarisht dhe rritet profesionalisht. “Sport Ekspres” ka bërë me dijë pak kohë më parë se në “pole position” është Grasshopersi në Zvicër, por për Latifin janë të interesuara edhe skuadra të tjera të kampionateve prestigjiozë, siç janë ai belg, kroat, rus edhe turk. Me një paraqitje të mirë edhe në ndeshjet e turit tjetër me Kairatin, Latifi mund t’ia shtojë edhe më shumë vlerat vetes. Eshtë në formë të mirë dhe pritet të jete faktor në përballjet me kazakët. Nga këmbët e tij të gjithë presin shumë…

Talenti i kombëtares nuk ka dëshirë të flasë për largimin në këtë moment nga Skënderbeu, por thekson se është i përqendruar te ndeshjet europiane: “Një vit më parë fola shumë se do të largohem sot apo nesër, isha me “valixhe” në duar, por nuk ika. Në këtë moment nuk kam dëshirë të flas për këtë çështje. Jam i përqendruar 100% te Skënderbeu. Dua të them vetëm se kam pasur oferta të shumta, së fundi edhe nga Grasshopers, por më mirë le t’ia lëmë kohës. Mendoj vetëm për ndeshjet e Europës”, – tha dje Liridon Latifi. Shumë shpejt ai do të kalojë në një ekip të huaj dhe Skënderbeu do të përfitojë shumë financiarisht. Gjasat janë që të kalojë në Zvicër, te Grasshopers.

Latifi humbi një 11-metërsh në ndeshjen e fundit në Korçë, por më pas shënoi golin e fitores, duke qenë vendimtar për ekipin e tij. “Jemi 100% ne ata që do të kalojmë më tej, kjo nuk diskutohet”, – theksoi Latifi në lidhje me kualifikimin në turin e dytë të Europa League.

Suksesi 1-0 nuk ishte ai që pritej, sepse pretendohej fitore e thellë, por Latifi premton një Skënderbe ndryshe në Andorrë.

“U mërzita kur humba atë penallti, por ndodhin edhe të tilla raste. Mendova se do të shënoja nga pika e bardhë, por portieri u tregua i saktë. E kishim marrë shumë lehtë takimin. Edhe pse e dinim që kundërshtari do të mbyllej prapa, nuk ishim të saktë në pasimet e fundit. Gjithsesi, them se ishte ndeshja jonë më e keqe kjo ndaj San Zhulia. Kemi humbur edhe shumë raste për shënim, por jemi të bindur se do të kalojmë për më tej. Nuk ka shanse të ndodhë gjë tjetër. Kundërshtari në fushën e vet do të mendojë kualifikimin dhe do të hapet në lojë, kështu që do ta shkatërrojmë. Shpresoj që të gjithë të jemi në ditën tonë më të mirë, kur të luajmë në Andorrë”, – tha pas ndeshjes Liridon Latifi, autori i golit të fitores për Skënderbeun.

Fatjon Rupi

Liridon Latifi është pranë nënshkrimit me zviceranët e Grasshopers. Ky është një lajmi më i fundit që ka zbuluar dje në mbrëmje gazeta “Sport Ekspres” dhe kanë qenë vetë drejtuesit e klubit zviceran që kanë bërë të ditur për gazetën se janë pranë këtij nënshkrimi. Grasshopers është një emër i ri që del në skenë për Latifin, pavarësisht se ka 12 muaj që interesohet për mesfushorin, madje është klubi që ka më shumë mundësi të përfitojë shërbimet e “yllit” të Skënderbeut. Këtë skuadër drejtuesit e klubit korçar e kanë mbajtur të fshehur për muaj e muaj me radhë dhe me të drejtë, pasi për Latifin janë shfaqur shumë emra ekipesh. Korçarët e kanë thënë qartë, që Latifi do të shkojë tek ajo skuadër e cila jep edhe ofertën financiare më të majme, tashmë me Grasshopersin që është pranë nënshkrimit me mesfushorin.

SHIFRAT – Nuk jepen të dhëna në lidhje me shumën që do të kryhet ky transferim, por padiskutim që korçarët pretendojnë mbi 1 milion euro dhe kjo shumë është pranuar edhe nga drejtuesit e klubit zviceran. Në disa ndeshje të Skënderbeut mësohet se kanë qenë edhe drejtuesit e këtij klubi që e kanë ndjekur mesfushorin e Kombëtares, i cili ka marrë edhe pëlqimin e tyre. Gjithsesi, në ditët në vazhdim pritet edhe zyrtarizimi i këtij kalimi dhe burime pranë klubit korçar e quajnë në më shumë se 90% të mundshëm këtë transferim. Të njëjta burime, që dje e konfirmuan lajmin për gazetën, kanë bërë të ditur se ka qenë e vërtetë gjatë kësaj periudhe që për Latifin ka pasur interesim edhe nga disa skuadra në Belgjikë, Turqi dhe Rusi, por duket se më të zotët kanë dalë zviceranët e Grasshopers. E rëndësishme është që lajmin për gazetën të kalimit të Latifit në Zvicër e kanë dhënë burime pranë klubit zviceran dhe kjo të bën të besosh se kalimi është më pranë se kurrë më parë. Latifi tashmë ka një eksperiencë të madhe, sidomos në ndeshjet evropiane. Ai ka disa kohë që është edhe pjesë e kombëtares kuqezi dhe kjo ka bërë që klubi nga Zyrihu të bindet për vlerat e këtij futbollisti.

SHITJA – Ndërkohë që Liridon Latifi është pranë nënshkrimit me Grasshopers, në klubin Skënderbeu janë të bindur që kontrata mund të firmoset pas pak ditësh, por Latifi do të qëndrojë të paktën në dy turet e para të Europa League, pasi është shumë i nevojshëm për Skënderbeun. Nëse korçarët kalojnë edhe më tej, padiskutim që Takaj do të arrijë ta bindë klubin zviceran që të luajë edhe ndonjë tur tjetër, por këto janë vetëm hamendësime. Shitja e Latifit do të sjellë të ardhura të rëndësishme për klubin, ndërkohë që kujtojmë se shitja më e shtrenjtë nga Skënderbeu ka qenë ajo e vitit të kaluar, kur nigeriani Peter Olajinka u transferua për 1.1 milion euro të Genti në Belgjikë. Tani mbetet për t’u parë nëse Latifi do ta thyejë këtë rekord shitjeje. Përfaqësuesit e Grasshopers pritet që gjatë javës së ardhshme, konkretisht në datën 29 qershor, të jenë në tribunën e stadiumit “Skënderbeu” për të parë edhe njëherë formën e kosovarit.

Skënderbeu është zhvendosur në Slloveni prej dy ditësh. Ekipi ka nisur përgatitjet për Kupat e Europës, por presidenti Ardjan Takaj ende nuk ka udhëtuar për të qenë pranë të tijve. Në një intervistë për “Sport Ekspres”, kreu i klubit korçar thotë se do të bashkohet me ekipin pas 2-3 ditësh, ndërkohë që sqaron disa nga çështjet më të rëndësishme të momentit. Ai pohon se Liridon Latifi do të shitet pas ndeshjeve të Europa League. Po ashtu, garanton tifozët për një Skënderbe të madh, që do të shkojë larg. Numri 1 i klubit juglindor bën me dije se po punohet për blerje të bujshme në sulm, për lojtarë që do të vijnë nga jashtë, sepse në tregun vendës nuk ka lojtarë klasi për repartin e avancuar. Ja intervista e plotë e presidentit Takaj…

– Z.Takaj, mund të na thoni pse e keni shtyrë udhëtimin tuaj drejt Sllovenisë, ku ndodhet aktualisht ekipi juaj?
– Jam president i ekipit dhe e rëndësishme është që Skënderbeu ka nisur punën tashmë në Slloveni, ku do të qëndrojë deri më 22 qershor. Pas kësaj faze besojmë shumë se do të jemi 100% gati për ndeshjet europiane. Për momentin, ndodhem në kryeqytet për punët e mia dhe mendoj se pas 2-3 ditësh do të jem në Slloveni, ku do të qëndroj deri ditën e fundit të fazës përgatitore.
– Me shumë interes priten nga tifozët korçarë lëvizjet në merkato. Çfarë po ndodh me Skënderbeun e ri?
– Deri tani kemi afruar dy lojtarë, Shkodrën dhe Ditën. Por ky është vetëm fillimi, sepse ditët e ardhshme presim lojtarë të tjerë dhe nuk do të ndalemi deri në fund. Sigurisht, do të ketë edhe largime, por gradualisht dhe me kujdes do të veprojmë në çdo lëvizje që do të bëjmë.
– Më emergjente për momentin janë afrimet në vijën e parë të sulmit. Keni alternativa?
– Patjetër që po mendojmë shumë për sulmin, pasi aty kemi mungesë lojtarësh. Ju garantoj se do të kemi në të tre repartet përforcime. Merkatoja sapo ka filluar dhe nuk do të nxitohemi për afrimet e tjera në mbrojtje dhe në mesfushë, pavarësisht se në këto reparte kemi lojtarë.
– Mund të na e zbuloni goditjen e tretë të verës për Skënderbeun?
– Do të jetë sulmues, pasi aty e kemi përqendruar punën. Por, përderisa nuk e kemi mbyllur marrëveshjen, nuk mund të them asnjë emër.
– Do të jetë nga tregu i huaj apo shqiptar?
– Po, në tregun e huaj jemi duke punuar, pasi në Shqipëri nuk ka sulmues. Kemi parë me kujdes të gjitha variantet e mundshme dhe tani jemi duke punuar së bashku me menaxherët vetëm në tregun e huaj. Shumë shpejt do t’i shikoni blerjet e tjera, sepse klubi ynë e bën të ditur gjithçka, pasi të jetë mbyllur marrëveshja. Nuk mund të flasim me hamendësi, pa hedhur të zezën mbi të bardhë.
– Thatë që do të ketë afrime në të gjithë repartet. Po largime të tjera, do të ketë?
– Nuk mund ta parashikoj nëse do të ketë apo jo largime të tjera, sepse varet nga afrimet dhe sa efikase do të jenë ato. Kur trajneri Ilir Daja të bindet se afrimet janë të vlefshme për ekipin, do të largojmë ata lojtarë, që nuk janë për Skënderbeun.
– Ka kohë që flitet për Afrim Takun…
– Di që Taku është në SHBA dhe nuk kam çfarë të them më shumë. Nuk e di çfarë vendimi ka marrë vetë lojtari, por këto janë hipoteza merkatoje. Ne jemi klub serioz dhe e quajmë të mbyllur një blerje kur futbollisti firmos.
– Kur do të shitet Liridon Latifi?
– Liridon Latifi do të shitet pas ndeshjeve të Europa League. Është një lojtar që besojmë shumë se do të na bëjë shumë punë në ndeshjet europiane. Aty shpresojmë për një tjetër paraqitje të shkëlqyer të tij dhe më pas do të lërë Skënderbeun për një ekip europian.
– Si e mendon presidenti Takaj Skënderbeun e Europës, por edhe atë të sezonit të ri?
– Një Skënderbe, që do të shkojë larg. Absolutisht e besoj këtë. Do të tregojmë forcën e skuadrës sonë edhe në Europë. Tani është kohë merkatoje dhe jemi duke menduar vetëm për të. Jemi të bindur se do të afrojmë lojtarë cilësorë dhe do të kemi një skuadër super. Sa për Skënderbeun e sezonit tjetër, është shpejt të flasim. Vëmendja është te Europa League.
– Së fundi, diçka në lidhje me shtyrjen e vendimit të Etikës?
– Duhet të flas me nge për këtë temë. Nuk mund të flitet vetëm me një fjali apo më shumë se kaq. Etika ka punën e saj, ne kemi punën tonë. Jemi duke menduar vetëm për Europën në këtë moment.

Vetë Latifi ditën e djeshme, pas humbjes ndaj Tiranës, foli në mikrofonin e “Supersportit” dhe mbi të gjitha tha një fjali domethënëse: “Me siguri nuk do jem pjesë e Skënderbeut sezonin e ardhshëm”. Koha për të marrë fluturimin ka ardhur, nuk duhet lënë të kalojë, sepse nëse një lojtar kalon moshën 25 vjeç në Superiore, zor se bën më përpara jashtë vendit. Interesimi për Latifin nuk ka munguar asnjëherë, Skënderbeu shpreson tek ankandi dhe i gëzohet faktit që mesfushori i talentuar në pranverë shpërtheu, duke shënuar e dhuruar spektakël. Ata që e kanë parë me siguri janë impresionuar nga talenti i djaloshit nga Kosova, që tani ka si prioritet të luajë rregullisht në një kampionat cilësor. Belgjikë, Rusi apo diku tjetër, pak rëndësi ka për të. Nuk ka rëndësi as për Skënderbeun, rëndësi ka që çmimi të jetë i duhuri.