Në një intervistë për “Supersport”, futbollisti ganez u shpreh se prishja e transferimit nuk ka ndikuar fare tek ai dhe si një njeri besimtar, Latif beson se Zoti ka planifikuar gjëra akoma më të mëdha për të.

“Para se të dëgjoja për transferimin nuk dija gjë fare për Bjellorusinë. Unë e di se Zoti ka një plan për çdo kënd. Kam qenë dhe do të vazhdoj të jem i përqendruar te Teuta, s’kam pse të shqetësohem”.

“Zoti ka një plan për gjithçka dhe ndoshta ka një plan të shkoj në një klub më të madh se sa ai në Bjellorusi. Mendoj se Zoti dëshiron të bëj gjëra të mëdha me Teutën, ndoshta do të fitojmë titullin”.

BUSHIÇ – “Jam gëzuar kur mora vesh se do vinte te Teuta. Ai është një sulmues shumë i mirë. Së bashku mund të ndihmojë Teutën”.

KAMPIONATI – “Teuta do të jetë më mirë se gjysmën e parë të sezonit. E nisim me vështirësi dhe njerëzit nuk kishin besim te ne, dhe më pas të gjithë e panë. Mendoj se do të pjesa e dytë do të jetë akoma më eksplozive se e para”, përfundoi Latif.

Shkak për këtë situatë të papritur është bërë një ndryshim i metodës së mënyrës së pagesës së shumës prej 150 mijë eurosh që Teuta kërkonte, ndërsa nuk është gjendur as gjuha e përbashkët midis ganezit dhe klubit të Shakhtjotir për kushtet personale.

Klubi Bjellorus kishte rënë dakord për të paguar 150 mijë euro për kartonin e Latif, por për të shlyer të gjithë shumën, Shakhtjor ka kërkuar që këstet të shtrihet deri në vitin 2020. Nga ana tjetër në kontratën që i është ofruar lojtarit, ka qenë sa gjysma e asaj që ai përfitonte te skuadra durrsake.

Duke parë situatën e krijuar, Teuta dhe Latif kanë vendosur të vijojnë bashkëpunimin dhe ganezi do të vihet sërish në urdhrat e Bledi Shkëmbit.

Skuadër e re: vetëm 3 lojtarë mbi 30 vjeç, aq sa duhen në çdo ekip që synon të ketë një grup të vogël liderësh, si dhe thuajse 20 lojtarë “under 25”.

Pikë, gola, lojë e bukur dhe më në fund edhe tifozë, sepse ata po kthehen në Niko Dovana dhe kur ndodh kjo, Teuta po bën diçka vërtet serioze.

Lojtarë si Kallaku apo Sidibe janë thesare për të ardhmen, nëse klubi i menaxhon si duhet, por ndërkohë thesari i madh është Latif Amadu.

Kur Teuta e mori në fillim të sezonit 2017/2018, pakkush e vuri re, sepse si zakonisht shohim merkaton e Skënderbeut, Partizanit apo milionat e Flamurtarit.

Megjithatë, djaloshi nga Gana pak nga pak u bë pikë referimi te skuadra durrsake dhe ishte një nga ata që e shpëtoi, praktikisht, sepse shënoi 9 gola dhe bënte gjithçka, sulmues i vetëm përpara, sulmues krahu, edhe mesfushor kur ishte nevoja.

Këtë vit Shkëmbi vendosi ta kthente në një pikë referimi përpara, në sulm, duke kërkuar vetëm gola nga Latif, i cili shënoi sërish 9 gola, një gol çdo dy ndeshje, mesatare që në Shqipëri është shumë e lartë.

Jo rastësisht, trajneri korçar shpesh e ka lavdëruar publikisht sulmuesin e tij, duke vlerësuar lojën, përveç golave, sepse sulmues të tillë nuk është se kemi shumë, përkundrazi, këtë sezon në Superiore askush nuk është në nivelin e Latif.

Teuta e shiti në Bjellorusi, arkëtoi rreth 150.000 euro dhe krejt papritur në Durrës e kanë kuptuar se milionat mund të fitohen edhe nga lojtarët. Çyrbja verën e shkuar, Latif tani, ndoshta Kallaku verën e ardhshme. Buxheti ndërtohet edhe kështu, pa qenë nevoja të sigurohet kualifikim në Europë me çdo kusht. Ndoshta është modeli i së ardhmes, që duhet ta ndjekin edhe klubet e tjera në Superiore.

Latif shnëoi 9 gola për Teutën në gjysmën e parë të sezonit, me një mesatare 1 gol në dy ndeshje, por te klubi durrsak nuk kanë qenë të kënaqur me paraqitjet e ganezit dhe si pasojë, kanë vendosur ta largojnë dhe të mendojnë për një zëvendësues të tij.

Emri më i lakuar është ai i bullgarit Radoslav Vasilev, sulmuesi që aktivizohet në kampionatin bullgar të futbollit me skuadrën e Çerno Mores, ku aktivizohet që nga fillimi i sezonit të shkuar.

Vasilev nuk ka bërë një sezon të mirë deri më tani në Bullgari, pasi në 17 ndeshje, ka gjetur rrugën e rrjetës vetëm tri herë, madje në emrin e tij është dhe një karton i kuq.

-Dy gola, por që nuk mjaftojnë për të fituar…

Jam i zhgënjyer. Detyra ime është të shënoj, por e rëndësishme është, që skuadra të fitojë. Kjo është dita ime më e trishtë si futbollist. Nuk ka problem nëse nuk shënoj unë dhe fiton skuadra. Fatkeqësi është të shënoj dy herë dhe ekipi të mos fitojë.

A mendon se Teuta rrezikon rënien pas këtij barazimi?

Jam i bindur se Teuta do të mbijetojë dhe skuadra do të rikthehet e fortë pas këtij rezultati. Duhet të shohim përpara edhe pas këtij barazimi që nuk është rezultat dhe aq pozitiv.

Është Moçka i vetmi rival i juaji?

Nëse Moçka vjen dhe shënon është mirë për futbollin. Futbolli nuk është sport individual, por është sport kolektiv. Nuk ka rëndësi kush shënon, si unë, Çyrbja apo Moçka.