Në një intervistë për “Supersport”, futbollisti ganez u shpreh se prishja e transferimit nuk ka ndikuar fare tek ai dhe si një njeri besimtar, Latif beson se Zoti ka planifikuar gjëra akoma më të mëdha për të.

“Para se të dëgjoja për transferimin nuk dija gjë fare për Bjellorusinë. Unë e di se Zoti ka një plan për çdo kënd. Kam qenë dhe do të vazhdoj të jem i përqendruar te Teuta, s’kam pse të shqetësohem”.

“Zoti ka një plan për gjithçka dhe ndoshta ka një plan të shkoj në një klub më të madh se sa ai në Bjellorusi. Mendoj se Zoti dëshiron të bëj gjëra të mëdha me Teutën, ndoshta do të fitojmë titullin”.

BUSHIÇ – “Jam gëzuar kur mora vesh se do vinte te Teuta. Ai është një sulmues shumë i mirë. Së bashku mund të ndihmojë Teutën”.

KAMPIONATI – “Teuta do të jetë më mirë se gjysmën e parë të sezonit. E nisim me vështirësi dhe njerëzit nuk kishin besim te ne, dhe më pas të gjithë e panë. Mendoj se do të pjesa e dytë do të jetë akoma më eksplozive se e para”, përfundoi Latif.

Nga ana tjetër ka edhe një falënderim për Latif: “Zyrtare| Futbollisti i Teutës Amadu Latif nga sot do të jetë pjesë e klubit bjellorus të Shaktior Soligorsk. 25-vjeçari i cili ka impresionuar në gjysmën e parë të sezonit me Teutën, do të jetë tashmë pjesë e ekipit bjellorus. Faleminderit Amadu Latif, suksese në karrierën tënde futbollistike! KF Teuta”.

Sulmuesi 25-vjeçar largohet nga Superiorja me 18 gola në llogarinë e tij. Gjysmën e shënoi sezonin e shkuar, kurse sivjet bëri edhe më mirë dhe oferta e bërë nga Shaktar Soligorsk i bindi drejtuesit durrsakë për ta shitur Latif Amadu.

Disa orë më vonë, klubi i Teutës i kërkoi tifozëve të mos shqetësohen për largimin e Latif, pasi klubi ka nisur punën për të sjellë në skuadër një sulmues me cilësi shumë të mëdha.

Njoftimi i klubit durrsak:

KF Teuta i bën thirrje tifozeve qe të mos merziten per largimin e golashënuesit dhe sulmuesit më të mire te kampionatit Amadu Latif dhe i siguron tifozët për ardhjen e nje sulmuesi akoma me cilesor qe te ndihmojë ekipin ne arritjen e objektivave.

Klubi falenderon Latif për kontributin e tij dhenë me fanelen e Teutes dhe i uron suksese të mëtejshme.

Katër herë ai ka realizuar nga pika e bardhë dhe në gjysmë sezoni numëron 9 gola, aq sa realizoi vjet në total. Kjo shifër ka bërë që për të të vijë oferta e duhur nga Bjellorusia dhe te Teuta nuk janë menduar shumë dhe kanë vendosur ta shesin.

Latif do të rikthehet në Bjellorusi, aty ku më parë është aktivizuar me Dinamo Brest. Shënonte një gol në tetë ndeshje (2 titullar) me bjellorusët, ndërkohë që tani pritshmëritë janë më të mëdha. Këtë herë nga Shaktar Soligorks, skuadra e re e Latif sipas Supersport. Në Bjellorusi ai do të gjejë Elis Bakajn, me të cilin do të jetë shok skuadre.

Gjatë festës së organizuar nga klubi ka pasur shumë të qeshura, teksa Sidibe dhe Kamara këndonin shqip. Prej vitesh luajnë në vendin tonë dhe gradualisht lojtarët nga Guinea po e mësojnë gjuhën.

Ndërkohë sulmuesi Latif Amadu ka rënë pre e një rrengu të Tefik Osmanit. Korçari ka postuar në “Instagram” edhe videon, ku ganezi ne tentativë për ngjyer hundën me miell merr një të shtyrë nga kapiteni. Të qeshura në lokalin e grumbulluar, por asnjë qejfmbetje. Thjesht një lojë.

“Ndihem mirë, kur ndodhi patëm frikë. Doktorët më thanë se duheshin 18 ditë. Po bëhem gati për ndeshjen me Luftëtarin”, thotë fillimisht për “Supersport” Latif Amadu. Më tej ai lëshon edhe një batutë: “Për ne, siç janë gjëra tani, kemi besim se edhe me Realin po të përballeshim, nuk do e kishin të lehtë. Ne jemi luftëtarët e Superiores për momentin”, shtoi sulmuesi.

Latif nuk ndalet me kaq, teksa mendon se Teuta është për titull.  “E kam thënë që në fillim, e shikoj këtë skuadër si kampione. Mendoj se Teuta do të bëjë surprizën në Shqipëri”, shprehet ganezi i durrsakëve, që nuk ka ndonjë shifër golash si objektiv.

“Golat?  Ju e dini, përpiqesh gjithmonë të bësh më të mirë dhe me ndihmën e kolegëve qielli është limiti”, tha në mbyllje Latif, i cili deri më tani me fanellën e Teutës e ka gjetur rrugën e rrjetës tetë herë në kampionat. Gjysmën e këtyre golave ai  i ka shënuar me penallti.

Për ndeshjen e radhës, atë me Luftëtarin në Durrës, trajneri Bledi Shkëmbi do të ketë gati edhe mbrojtësin Ditmar Bicaj. Lezhjani e ndoqi takimin me Kukësin nga tribuna, pasi ishte i pezulluar pas katër kartonëve të verdhë që kishte marrë.

Por ka një problem dhe lidhet me dëmtimin e sulmuesit Latif Amadu. Ganezi, autor i 8 golave në kampionat, u dëmtua në pjesën e parë të takimit me Kukësin dhe pritet të kryejë disa vizita mjekësore për të mësuar shkallën e dëmtimit.

Shpresohet shumë që golashënuesi më i mirë i kampionatit deri në këto momente të kthehet sa më shpejt në fushë për Teutën, pasi ai është edhe sulmuesi kryesor i skuadrës. Në ditët në vijim pritet që të mësohet edhe gjendje e tij shëndetësore.

Futbollisti nga Mozambiku realizoi me Laçin 18 gola një vit më parë dhe për të kishte disa oferta të rëndësishme. Në fund zgjodhi të shkonte te Kukësi, ku është një ndër më të paguarit në ekip. E nisi mirë, teksa shënoi dy gola ndaj Torpedos në Europa League.

Deri më tani ka shënuar 5 gola, por në pesë takimit e fundit ka gjetur vetëm një herë rrugën e rrjetës. Madje dhe atë gol ia ka shënuar Luftëtarit me penallti. Në ndeshjen e fundit me Kastriotin nuk shënoi dot dhe kështu bëhen takimi i tretë radhazi që Rexhinaldo nuk gjen rrugën e rrjetës.

Këtë sezon është një tjetër lojtar që po spikat me golat e shënuar. Bëhet fjalë për Latif Amadu, i cili është bërë shpesh protagonist me rastet e humbura. Dje i shënoi dy herë Laçit dhe tanimë kryeson listën e golashënuesve.

Në pesë ndeshjet e fundit ai ka shënuar 6 gola, por duhet thënë se në tre raste ka realizuar nga pika e bardhë e penalltisë. Gjithsesi gola janë edhe ato, ndaj në Durrës i gëzohen faktit që sulmuesi i tyre po shënon rregullisht.