Tiranës i mbyllen dyert, jepen dënimet për sherrin me Laçin

Sport Ekspres — Mon, 01 Apr 2019 18:28:30 +0000

Mbledhja e ditës së sotme e Komisionit të Disiplinës ka qenë e fokusuar te ngjarjet e ndodhura në përfundim të takimit Tirana – Laçi.

Sulmuesi anglez Majkëll Ngo është dënuar me pesë ndeshje pezullim nga aktiviteti, ndërsa te Laçi e kanë pësuar presidenti Pashk Laska (3 ndeshje), i biri i tij Kleo Laska (9 ndeshje )dhe ndihmës-trajneri Klevis Hima (9 ndeshje).

Nuk është lënë jashtë vëmendjes as goditja e gjyqtarit anësor nga një send i hedhur nga tribunat. Ky episod i ka kushtuar shtrenjtë klubit kryeqytetas, që tani i duhet të luajë katër ndeshjet e ardhshme në “Selman Stërmasi” me dyer të mbyllura.

KF “Tirana”, për sjellje të gabuar të spektatorëve duke shkaktuar ndërprerjen e përkohshme të lojës, në bazë të Nenit 66/3/b të KDS, dënohet me zhvillimin e 4 (katër) ndeshje pa spektatorë në stadiumin përkatës.
Lojtari i KF “Tirana”, Majkëll Ngo, për sulm ndaj kundërshtarit të ndeshjes, në bazë të Nenit 48/1/e të KDS, dënohet me 5 (pesë) ndeshje pezullim nga aktivitetet.
Zyrtari i KF “Tirana” , Emanuel Egbo , për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.
Zyrtari i KF “Laçi” , Pashk Laska, për sjellje jo sportive ndaj kundërshtarit të ndeshjes, në bazë të Nenit 48/2/a të KDS, dënohet me 3 (tre) ndeshje pezullim nga aktivitetet. Në bazë të nenit 20 dhe 21 të KDS, zyrtarit i ndalohet hyrja në stadium, në dhomat e zhveshjes dhe territoret përreth fushave të lojës apo stolat e rezervave.
Zyrtari i KF “Laçi”, Kleo Laska, për sulm ndaj kundërshtarit të ndeshjes, në bazë të Nenit 48/2/b të KDS, dënohet me 9(nëntë) ndeshje pezullim nga aktivitetet.
Zyrtari i KF “Laçi”, Klevis Hima, për sulm ndaj kundërshtarit të ndeshjes, në bazë të Nenit 48/2/b të KDS, dënohet me 9(nëntë) ndeshje pezullim nga aktivitetet.
FK “Partizani”, paralajmërohet se në rast përsëritje të sjelljes së gabuar të spektatorëve do të jetë subjekt i masave ndëshkimore që parashikon Kodit i Disiplinës Sportive dhe rregulloret e tjera të FSHF.
KF “Vllaznia”, paralajmërohet se në rast përsëritje të vonesave në fillimin e lojës do të jetë subjekt i masave ndëshkimore që parashikon Kodit i Disiplinës Sportive dhe rregulloret e tjera të FSHF.
Zyrtari i KF “Shënkolli” , Albert Rrusti, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.
Zyrtari i KF “Vora” ,Rezart Maho, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.

Rikthehet çështja Muzaka, Laska dhe Halili pezullohen

Sport Ekspres — Thu, 18 Oct 2018 12:04:05 +0000

Komisioni i Disiplinës ka publikuar vendimet e saj për mesditën e sotme. Ajo që bie në sy është se një ndër pikat e cila specifikohet është ajo e Gjergji Muzakës, për konfliktin me Tiranën. Sipas vendimit të fundit bardheblutë duhet që të shlyejnë pjesën e mbetur të detyrimeve që kanë ndaj mesfushorit. Një çështje e zvarritur prej shumë kohësh e cila rikthehet sërish. Disiplina paralajmëron se në rast se detyrimet nuk shlyhen brenda fatit kohor të një muaji do të ketë penalitete në drejtim të klubit kryeqytetas.

“20. Detyrohet “K.F Tirana” të ekzekutojë pjesës së mbetur të detyrimeve financiare ndaj kërkuesit Gjergji Muzaka sipas vendimit Nr.1 datë 23.01.2017 të DHKZK brenda një afati 30 ditor, duke nisur nga data e shpalljes së këtij vendimi. Paralajmërohet “K.F Tirana”, se me kalimin e afatit 30 ditor, do të merren masat përkatëse në bazë të Kodit të Disiplinës Sportive”.

Sa i përket vendimeve të tjera, në lidhje me klubet apo e Superiores, bie në sy se janë dënuar 2 djem presidentësh, Grent Halili, djali i presidentit të Tiranës është pezulluar me dy ndeshje pezullim për protesta ndaj zyrtarëve të klubit. Po ashtu dhe Kleo Laska është pezulluar për dy ndeshje për të njëjtën arsye. Luftëtari po ashtu është i detyruar që ndeshjen e radhës ta luajë pa tifozë, për shkak të sjelljes së gabuar të tifozëve, ndërsa Kamza është gjobitur vetëm me 50.000 lekë për shkak të mospërmbushjes së detyrimeve për organizim.

“1. Lojtari i KF « Tirana », Grent Halili,për protesta ndaj zyrtarit të ndeshjes në bazë të nenit 56/1/a të KDS,dënohet me 2(dy) ndeshje pezullim nga aktiviteti.

Zyrtari i KF « Laçi », Kleo Laska për protesta ndaj zyrtarit në ndeshjes, në bazë të nenit 56/1/a të KDS, dënohet me 2 (dy) ndeshje pezullim nga aktiviteti. Në bazë të nenit 20 të KDS, zyrtarit i ndalohet qëndrimi në stolin e rezervave, dhomat e zhveshjes dhe territorit përreth fushës
KF “Luftetari, për sjellje të gabuar të tifozeve duke hedhur sende brenda rrethimit të fushës në bazë të nenit 66/3/b të KDS, dënohet me zhvillimin e 1 (një) ndeshje pa spektatorë në stadiumin përkatës.
KF “Kamza”,për dështimin në përmbushjes e detyrimeve për organzimin e ndeshjes,në bazë të nenit 64/d dhe neni 65/a të KDS, dënohet me gjobë në masën 50.000 (pesëqindmijë) lek”.