Laporte

Uan Bisaka i gjashti, kush janë mbrojtësit më të shtrenjtë në botë?

Sport Ekspres — Sat, 29 Jun 2019 15:35:05 +0000

Në futboll, para të çmendura janë shpenzuar kryesisht për fazën ofensive, me sulmues që mbajnë ende transferimet më të shtrenjta në botë. Megjitha, vitet e fundit është investuar shumë edhe për prapavijën, me skuadra që kanë shpenzuar shifra të çmendura për të përforcuar mbrojtjen.

Van Dijk mbetet mbrojtësi më i shtrenjtë në botë, me holandezin që i kushtoi Liverpulit 75 milionë paundë në janarin e vitit 2018. Lukas Hernandez u bë mbrojtësi i dytë më i shtrenjtë në botë me kalimin e tij këtë verë nga Atletiko te Bajerni, ndërsa podiumin e plotëson francezi Laporte, i cili u ble 57 milionë paundë nga Mançester Siti.

Në vend të katërt dhe të pestë, renditen dy mbrojtësit e tjerë të Mançester Sitit, Benxhamin Mendi dhe Kajl Uolker. Transferimi më i fundit i Mançester Junajtid, Aron Uan-Bisaka mban vendin e gjashtë, pasi për firmën e tij, Mançester Junajtid i pagoi Kristal Palas plot 50 milionë sterlina.

Virxhil van Dijk (Liverpul) £75m
Lukas Hernandez (Bajern Mynih) £70m
Amerik Laporte (Man. Siti) £57m
Benxhamin Mendi (Man. Siti) £52m
Kajl Uolker (Man. Siti) £50m
Aron Uan-Bisaka (Man. Junajtid) £50m

Befason Deshamp, lë jashtë liste dy yjet e Premier League

Sport Ekspres — Tue, 21 May 2019 14:59:58 +0000

Didier Deshamp vazhdon të habisë me zgjedhjet e tij. Ditën e sotme trajneri i kampionëve të botës zbuloi listën me 24 lojtarët e përzgjedhur për ndeshjet kualifikuese të “Euro 2020” ndaj Turqisë dhe Andorrës.

Bie në sy lënia jashtë e emrave si sulmuesi Aleksandër Lakazet dhe mbrojtësi i Mançester Sitit, Aimerik Laport, ndërsa është rikthyer mesfushor i Totenhem Musa Sisoko dhe sulmuesi i Sevijës, Uizam Ben Jeder. Një ftesë e parë ka ardhur për qendërmbrojtësin e Barcelonës, Klement Longle.

PORTIERË: Hugo Loris (Totenhem), Benzhamin Lekomt (Montpelie), Alfons Areola (PSG), Majk Menjan (Lil)

MBROJTËS: Ferland Mendi (Lion), Lukas Dinj (Everton), Klement Longle (Barcelona), Samuel Umtiti (Barcelona), Rafael Varan (Real Madrid), Kurt Zuma (Everton), Leo Dubua (Lion), Benzhamin Pavard (Bajern Mynih)

MESFUSHORË – Pol Pogba (Man Utd), Tangi Ndombele (Lion), Ngolo Kante (Çelsi), Blez Matuidi (Juventus), Musa Sisoko (Totenhem)

SULMUES – Olivier Zhiru (Çelsi), Kilian Mbape (PSG), Kingsli Koman (Bajern Mynih), Antuan Grizman (Atletiko Madrid), Florian Tovin (Marsej), Uizam Ben Jeder (Sevija), Tomas Lemar (Atletiko Madrid)

Ditë të errëta dhe trofe, Laporte tregon aventurën te “Cityzens”

Sport Ekspres — Mon, 04 Feb 2019 15:42:03 +0000

Amerik Laporte është një nga mbrojtësit më të shtrenjtë në historinë e futbollit. Mançester Siti e mori janarin e sezonit të shkuar nga skuadra e Atletiko Bilbaos, duke paguar klauzolën e tij. Pasi festoi një vit si “Qytetar”, Laporte ka rrëfyer ditët e tij të vështira në “Etihad”, titullin kampion të fituar, punën me Guardiolën dhe shumë gjëra të tjera.

Guardiola është trajneri më i mirë në botë dhe mbrojtësi francez nuk ngurron asnjëherë ta thotë këtë gjë. Siti fitoi titullin kampion sezonin e shkuar duke thyer shumë rekorde dhe duke u konsideruar si skuadra angleze më e mirë e të gjitha kohërave. Vetë Laporte, pati shumë vështirësi me ambientimin dhe me disa dëmtime, të cilët e lanë jashtë fushave për shumë kohë.

Megjithatë, Laporte nuk pendohet asnjëherë që zgjodhi të firmosë për “Qytetarët”: “Kam kaluar një vit me shumë ulje-ngritje, me momente për tu harruar dhe me ato që do t’i kujtoj gjithmonë. Të punosh çdo ditë me Pep Guardiolën është diçka e jashtëzakonshme. Titulli kampion është padiskutim arritja më e madhe për mua.

Më vjen keq që nuk isha me kombëtaren, pasi doja realisht të isha pjesë e atij ekipi fitues. Gjithsesi, e kuptoj se nuk bëra një sezon të mirë, por tani jam rikthyer më i fortë se kurrë. Tani do të luaj në çdo pozicion të fushës dhe më mjafton fakti që trajneri do të ketë besim tek unë”,- u shpreh mes të tjerash mbrojtësi.

Formacioni i javës në Angli, surpriza është një shqiptar

Sport Ekspres — Wed, 14 Nov 2018 08:25:08 +0000

Kampionati anglez konsiderohet si më i forti ndër 5 ligat elitare në Europë. Sigurisht që për të qenë pjesë e 11 më të mirëve duhet që të shkëlqesh në një ndeshje. Ajo që bie në sy është se në 11-shen e përzgjedhur nga “Sky Sports” rezulton dhe një shqiptar.

Më se normale që formacioni i javës dominohet nga lojtarë të 5 skuadrave të para, duke nisur me Loris të Totenhemin që është përzgjedhur si “gardiani” më i spikatur. Në mbrojtje është radha e Tripier, Laporte Alonsos dhe surprizës Shkodran Mustafi, siç dhe vetë sajti prestigjioz e ka konsideruar. Një vlerësim jo i vogël për Mustafin, i cili ndonëse është një lojtar me origjinë shqiptare ka zgjedhur që të përfaqësojë skuadrën e Gjermanisë, ku dhe ka fituar Kupën e Botës.

Në repartet e avancuara nuk mund të mungonin emra si Muhamed Salah, David Silva, Stërling e Sigurdson. Në sulm Hazard dhe Aguero kanë bërë më mirë se sulmuesit e tjerë në javën e 12-të të Premier League-s.

Zbulohet sekreti i Sitit, nuk është Pep Guardiola

Sport Ekspres — Tue, 30 Oct 2018 13:49:32 +0000

Mançester Siti kryeson në Angli falë golaverazhit, ndërkohë që statistikat thonë se në kampionat “Qytetarët” nuk humbin asnjëherë kur Ajmerik Laport është në fushën e blertë. Ka ndodhur këtë sezon në dhjetë ndeshje, por edhe vjet në nëntë të tjera.

I blerë nga Athletik Bilbao për shumën e 65 milionë eurove, mbrojtësi 24-vjeçar po tregon një formë të mirë në Premier League. Këtë sezon, me Laport në fushë Siti ka fituar tetë ndeshje dhe ka barazuar dy të tjera. Skuadra angleze në këto takime është ndëshkuar vetëm tre herë.

Një vit më parë, në nëntë ndeshjet që mbrojtësi ka luajtur, Siti i ka fituar të gjitha ndeshjet. Sikurse shihet, statistikat me të në fushë janë të frikshme: 19 ndeshje, 17 fitore, 2 barazime dhe vetëm 8 gola të pësuar. Sekreti nuk qenka Guardiola…

Ndeshjet e Laporte në dy sezonet e fundit në Premier League

Merkato edhe për kombëtaret, Spanja kërkon të joshë një francez

Sport Ekspres — Thu, 19 Jul 2018 16:03:29 +0000

Epoka e Luis Enrikes te përfaqësuesja spanjolle sapo ka filluar. Një ndër problemet e kombëtares “La Roja” është qendra e mbrojtjes, ku dorëheqja e Zherard Pikes ka lënë një boshllëk.

Por, Enrike ka gjetur zgjidhjen perfekte. Bëhet fjalë për qendërmbrojtësin e Mançester Sitit Aimerik Laport, i cili u transferua te kampionët e Anglisë gjatë merkatos së Janarit për 65 milionë euro.

Lojtari 24-vjeçar akoma nuk është aktivizuar në një ndeshje zyrtare për vendlindjen e tij Francën dhe Enrike kërkon të përfitojë nga ky fakt, pasi Laport vazhdon të snobohet nga Didier Deshamp.