Lampard

VIDEO | “Thriller” në miqësore, talenti Mount nderon Çelsin

Sport Ekspres — Sun, 28 Jul 2019 16:41:47 +0000

Çelsi dhe Riding zhvilluan një miqësore emocionuese ku u shënuan shtatë gola. Në fund fitorja u takoi londinezëve të cilët triumfuan më rezultatin 4 – 3.

Protagonisti i takimt ishte talenti anglez Mejson Maunt, i cili realizoi një dopietë golash. Maunt luajti vitin e kaluar në huazim te Derbi Kaunti, ku trajner pati Frenk Lampard, tani 20-vjeçari do ketë mundësinë të tregojë veten në Premier League.

https://youtu.be/VStbv5-U1MM

Lampard: Kam mësuar nga më të mirët, Hazardin nuk e zëvendësojmë dot

Sport Ekspres — Thu, 04 Jul 2019 16:40:00 +0000

Frenk Lampard ka folur për herë të parë si trajneri i Çelsit në një dalje për shtyp të zhvilluar ditën e sotme në Londër. Ish-mesfushori legjendar i “bluve të Londrës”, tregoi se ndihet i privilegjuar për mundësinë që iu dha pavarësisht eksperiencës së pakët si trajner.

EKSPERIENCA SI TRAJNER – “E kuptoj pyetjen. Pas një viti si trajner më është besuar stoli i Çelsit, është një mundësi që nuk i jepet kujtdo. Në karrierën time si lojtarë kam mësuar nga shumë trajnerë të mëdhenj, them se kjo gjë do të më vijë në ndihmë. Përjetova një vit fantastik te Derbi, ku mësova akoma dhe më shumë”.

LARGIMI I HAZARD – “Humbëm një lojtar të madh pa dyshim, por më duhet të shikoj nga lojtarët që kam në dispozicion. Kemi lojtarë të mirë, në një moshë optimale që nuk u mungn talenti. Nuk do e zëvendësojë dikush Hazardin, por prapëseprapë ata mund t’ia dalin të bëhen lojtarë të mëdhenj për këtë klub”.

OBJEKTIVAT – “Sezonin do ta nisim me fitimin për të fituar kampionatin. Nëse nuk do ta thoja këtë, atëherë s’duhet të isha këtu përpara jush sot. Te Çelsi kështu duhet të jetë gjithmonë. Duhet të rikthehemi dhe në Champions League, këto janë gjërat që duhet të shtyjnë për më tutje. Siti dhe Liverpuli janë shkëputur shumë, kam për detyrë ta zvogëloj këtë hendek”.

AKADEMIA – “Sytë do i kemi nga akademia këtë sezon. Nëse do të dalë dikush do më tregojë se mund të bëjë diferencën të jetë i sigurt se unë do t’i jap shansin për të treguar veten”.

Komplikohet kalimi i Sarrit te Juve, Çelsi kërkon miliona

Sport Ekspres — Thu, 13 Jun 2019 08:49:48 +0000

Plot 10 milionë euro kërkon Çelsi për të lënë të lirë trajnerin italian, Maurisio Sarrin. Blutë e Londrës nuk duan të humbasin shërbimet e teknikut që i renditi në vend të tretë në Premier League dhe që i fitoi Europa League, për më tepër që Sarri ka dhe dy vite kontratë në Londër.

Juventusi e dëshiron me doemos Sarrin në krye të pankinës, madje dhe vetë ish-trajneri i Napolit do që të rikthehet në Serie A, por kërkesat e Çelsit janë larta. Sipas mediave britanike, vetëm në rast se paguhen 10 milionë eurot, atëherë Çelsi do e lejojë Sarrin të largohet.

Alegri u largua nga “Zonja e Vjetër” ne fund të sezonit që lam pas, pasi suksesi në Champions League mungoi. Pas pesë sezonesh, te Juventusi kanë nisur një cikël të ri dhe Sarri shihej si trajneri i duhur, por kjo marrëveshje është komplikuar tepër. Nesë çdo gjë konkretizohet me sukses dhe Sarri merr drejtimin e Juventusit, atëherë Blutë e Londrës mund të marrin Frenk Lampard si trajner, duke e rikthyer ish-mesfushorin në “Stamford Bridge”.

Lampard-Terri, një finale miqsh për një vend në tryezën e milionerëve

Sport Ekspres — Wed, 15 May 2019 21:41:47 +0000

Xhon Terri ia doli dje, me penallti, në derbin e madh në Uest Bromuiç Albion, në transfertë. Frenk Lampard ia doli sot, në Lids, duke fituar 4-2, me një ndeshje të madhe, për të përmbysur humbjen 1-0 përsuar në shtëpi.

Ish-dyshja e Çelsit dhe Anglisë janë miq të mirë, takohen shpesh dhe flasin për karrierën e re: Lampard trajner te Derbi Kaunti dhe Terri ndihmëstrajner tek Aston Vila.

Pas disa ditësh do të lënë mënjanë miqësinë,do të përballen në Wembley, në një sfidë të pabesueshme: fituesi shkon në Premier ulet në tryezën e të mëdhenjve dhe merr edhe një çek prej më shumë se 100 milionë sterlinash, sepse finalja play-off në Championship vlen më shumë se çdo finale në botë.

Lampard e mori Derbin në fillim të sezonit, me kontratë 3-vjeçare, por tashmë është një hap Premier Ligës dhe nëse ia del, ndoshta Derbi do të detyrohet t’ia lëshojë Çelsit, që po kërkon një trajner të aftë, por edhe të adhuruar nga tifozët.

View this post on Instagram

Si futbollistë ishin legjenda. Si njerëz ishin miq të mirë dhe mbeten të tillë. Për një ndeshje, për finalen e Championship për një vend në Premier League, Frank Lampard e John Terry do të jenë armiq. Njëri prej tyre do të ngjitet në elitë, Lampard si trajner te Derby, ose Terry si zëvendëstrajner tek Aston Villa. Javën e ardhshme, Wembley! #lampard #terry #derbycounty #astonvilla

A post shared by Sport Ekspres (@sport.ekspres) on May 15, 2019 at 2:44pm PDT

Terri e mori gjatë rrugës detyrën e re, Aston Vila ishte në kaos dhe ai, bashkë me trajnerin Din Smith, e ngritën, e kthyen në një makineri lufte dhe prej shumë javësh Aston Vila është ekipi më në formë në Championship.

Miq të mirë, karaktere të ndryshëm, por identikë në dëshirën për të punuar dhe për të pasur disiplinë në punën e vet. Pas disa ditësh njëri prej tyre do të hedhë hapin e madh të karrierës së re, cili do t’ia dalë?

Përplasen pas katër muajsh, Lampard flet për “spiunin” Bielsa

Sport Ekspres — Sat, 11 May 2019 07:00:17 +0000

Ishte data 16 janar kur trajneri i Lids Junajtid, Marselo Bielsa e pranoi se kishte spiunuar stërvitjen e Derbi Kauntrit, skuadër që drejtohet nga ish-mesfushori legjendar, Frenk Lampard. Pas katër muajsh, Lids dhe Derbi do të përplasen sërish, kësaj radhe në një sfidë jetike, ajo e “Play Off” për t’u ngjitur në Premier League.

Edhe pse e ka spiunuar dhe e ka përdorur këtë gjë kundra tij, Lampard tha se vazhdon të ketë një respekt shumë të madh për Bielsën si njeri dhe për atë që ai ka arritur gjatë karrierës. Në fjalën e tij, numri një i Derbit tha:

“Jo, marrëdhënia ime me Bielsën nuk ka ndryshuar aspak. Tani jam trajner vetë dhe i kuptoj problemet, presionin, vështirësitë. Disa njerëz i zgjidhin ndryshe, disa të tjerë ndryshe. E pranoni ose jo, çdokush bën atë që e mendon. Ai ka një eksperiencë të jashtëzakonshme dhe për mua mbetet një trajner i madh. Unë e respektoj atë si njeri dhe karrierën fantastike që ka”, përfundoi Lampard.

Divizioni i dytë më i bukur në botë: Noruiçi kampion, Lampard kundër Bielsas në play-off

Sport Ekspres — Sun, 05 May 2019 14:03:47 +0000

Është mbyllur sot sezoni i rregullt në Championship në Angli, kategoria e dytë në e bukur, më e fortë dhe më e pasur në planet.

Verdiktet ishin dhënë thuajse të gjitha që javën e shkuar: Noruiçi dhe Shefild Junajtid shkojnë direkt në Premier Ligë, ndërkohë që Noruiçi është shpallur kampion, pas fitores 2-1 sot në fushën e Aston Vilës.

? #ncfc pic.twitter.com/di192RBOfw

— Norwich City FC (@NorwichCityFC) May 5, 2019

Ndërkaq, lajmi i ditës ka qenë kualifikimi për në play-off i Derbi Kauntit, që drejtohet nga Frenki Lampard. Me pak vuajtje, Derbi mundi 3-1 Uest Bromin dhe fitoi duelin në distancë me Midëllsbrou, që mbetet jashtë gare për një vend në Premier Ligë.

Pas pak ditësh do të luhen gjysmëfinalet dhe janë sfida të mrekullueshme: Lidsi i Marcelo Bielsës do të sfidojë Derbin, ndërsa Uest Bromi do të ndeshet me Aston Vilën. Fituesit do të ndeshen në Wembley për një vend në Premier Ligë.

Historikisht në play-off ka pasur shumë surpriza dhe favoritët rrallë kanë triumfuar. Lidsi në këtë moment duket i rrënuar fizikisht, Derbi ka shumë entuaziazëm, Aston Vila ka ekipin dhe mesfushën më të mirë, Uest Bromi ka goxha eksperiencë në ekip.

Standings provided by Sofascore LiveScore

Sarri “out”, Abramoviç me sytë nga dy legjendat e klubit

Sport Ekspres — Mon, 11 Feb 2019 12:53:35 +0000

Çelsi pësoi një humbje të rëndë një ditë më parë, teksa u turpërua në “Etihad Stadium” ndaj Mançester Sitit me shifrat tenistike 6-0. Humbja e katërt radhazi për blutë e Londrës jashtë fushe, ku në këto ndeshje ka pësuar plot 13 gola dhe nuk ka shënuar asnjë.

Fajtor kryesor për këtë ecuri shihet pikërisht numri një i pankinës, Mauricio Sarri. Këtë javë, londinezët gjithashtu humbën dhe vendin e katërt, i cili tashmë mbahet nga Mançester Junajtid. Për gjithë këto arsye, mediat raportojnë se shkarkimi i Mauricio Sarrit është çështje kohe. Nga raportimet e fundit, thuhet që Roman Abramoviç po konsideron seriozisht shkarkimin e trajnerit italian dhe vënien në krye të ekipit të njërit prej dy legjendave të klubit, Xhanfranko Zolës, ose Frenk Lampard. Zola është për momentin ndihmësi i Sarrit. Gjithashtu dhe Frenk Lampard shihet si kandidat potencial, por ish-mesfushori është për momentin në krye të Derbi Kauntit dhe marrëveshja mund të jetë disi e vështirë për t’u arritur.

Kupa e Ligës: Arsenali e Çelsi bëjnë detyrën, Lampard pritet si hero

Sport Ekspres — Thu, 01 Nov 2018 00:05:44 +0000

Frenk Lampard është kthyer në shtëpi dhe pritja e tifozëve të tij, sepse në Londër nuk është kurrë një “ish”, ishte mbresëlënëse: koreografi madhështore dhe një parullë kuptimplotë: “Forever a blue, forever a legend”. Fotoja e tij e famshme e duart drejt qiellit, për të festuar një nga golat e shumtë. 13 vite të Çelsi, 211 gola, 3 tituj kampionë dhe një Champions League, ndër të tjera.

Këtë të mërkurë Lampard u kthye në Stamford Bridge, për herë të parë si kundërshtar, duke drejtuar Derbi Kauntin për një sfidë të vlefshme për Kupën e Ligës. Në fund fitoi Chelsea 3-2, me 2 autogola të Derbit dhe Fabregas që shënoi golin vendimtar por Lampard hyri në stadium si hero dhe u largua si i tillë.

ARSENAL-BLACKPOOL 2-1

33′ Lichtsteiner (A), 50′ Smith-Rowe (A), 66′ O’Connor (B)

Smith-Roui, vetëm 18 vjeç, një futbollist që vahzodn të vendosë rekorde. Pa debutuar ende në Premier Ligë, djaloshi i Arsenalit ka shënuar 2 gola. Arsenali mundi 2-1 Blekpulin modest, duke luajtur me 10 lojtarë për shumë minuta e duke vuajtur disi në fund, por kualifikimi u arrit dhe ky ishte synimi kryesor për Emeri.

Smith Rowe doubles the lead for Arsenal. Jenkinson with the assist. 2-0 pic.twitter.com/NUVl5jAyIK

— Terje (@TerjeMediax) October 31, 2018

CHELSEA-DERBY 3-2

5′. aut. Tomori (C), 9′ Marriott (D), 21′ aut. Keogh (C), 27′ Waghorn (D), 41′ Fabregas (C)

Derbi eliminoi Mançester Junajtid në turin e shkuar dhe nuk ka frikë askënd, por dy autogola ishin shumë për të realizuar mrekullinë ndaj Çelsit, që vazhdon rrugëtimin në Kupën e Ligës.

Frank Lampard receives a huge reception as he takes his seat in the away dugout at Stamford Bridge.

Watch on Sky Sports Football & Main Event or follow here: https://t.co/0fgjpaQCgf pic.twitter.com/g5pWiQ63Sm

— Sky Sports Football (@SkyFootball) October 31, 2018

WEST HAM-TOTTENHAM 1-3

16′ e 54′ Son (T), 71′ Lucas Perez (W), 80′ Llorente (T)

Spurs nuk falin në derbi dhe reagojnë pas humbjes së fundit në kampionat. Super ndeshje nga Son, me në fund i zhbllokuar këtë kampionat.

150th appearance tonight for Son Heung-min ?

16' ??
54' ??#COYS #WHUTOT pic.twitter.com/NiBzcFuvK1

— William Hill (@WilliamHill) October 31, 2018

MIDDLESBROUGH-CRYSTAL PALACE 1-0

45′ Wing

“Boro” është ekipi i vetëm i Championship ende në garë në Kupën e Ligës. Ljuis King heroi me fitoren kundër Kristal Palas.

VIDEO | Djaloshi i shtëpisë rikthehet në “Stamford Bridge”, pritje madhështore!

Sport Ekspres — Wed, 31 Oct 2018 20:29:18 +0000

Çelsi luan në këto momente ndaj Derbit, ndeshje e vlefshme për raundin e 1/8-ave të “Carabao Cup”. Një sfidë që ka fituar mjaft vëmendje edhe për faktin se trajner i Derbit, është pikërisht Frenk Lampard. Idhull për shumë tifozë të Çelsit, ku ka kaluar plot 13 vite dhe ka qenë një ndër ikonat e bluve të Londrës.

Pikërisht përpara fillimit të takimit pritja për Lampard ka qenë madhështore, ku duartrokitja për të në momentin që ka hyrë në fushë ka qenë spektakolare. Sfida momentalisht është në barazim 2-2, ku e veçanta është se të katër golat janë shënuar nga lojtarët e Derbit. Çelsi ka qenë dy herë në avantazh nga dy autogola, por është barazuar në të dyja rastet nga Marriot dhe Uaghorn.

? ‘Super, super Frank’ ?

? #CFCvDerby pic.twitter.com/ASOon7bNAt

— Chelsea FC (@ChelseaFC) October 31, 2018