Ekipi që kërkon me ngulm shërbimet e tij është Beshiktash. Gjiganti turk është gati të ofrojë 2.5 milionë euro për shërbimet e mbrojtësit të majtë, por Lacio kërkon 4 milionë. Pritet një ofertë e dytë nga gjiganti turk dhe bisedimet mes dy klubeve vazhdojnë.

Siç raporton ‘CalcioMercato’, Ulvs ka ofruar 20 milionë euro për mesfushorin Jardao dhe sulmuesin anësor Neto, që më parë kanë qenë të lidhur edhe me një kalim te Benfika në Portugali. Kjo ofertë, me shumë gjasa do të pranohet nga drejtuesit e Lacios dhe dy futbollistët e taletuar mund të transferohen në ishullin britanik.

Gjithashtu, edhe mesfushori i Kosovës, Valon Berisha, ka lënë pas dëmtimin. “Dardani” vuante që nga muaji prill prej një dëmtimi në menisk, por tashmë është rikuperuar dhe do të jetë pjesë e Lacios. Edhe pse i rikthyer në fushat e blerta, dëmtimi për Berishën ka ende rrezik të rishfaqet, prandaj vështirë se do ta shohim edhe për disa muaj në fushën e lojës.

Inzagi tha: “Ju e dini që unë dua qëndrimin e Saviç te Lacio, por duket shumë e vështirë. Sezonin e shkuar, ia dolëm që ta mbanim, por këtë vit kemi marrë shumë oferta të mira. Jemi në treg për të gjetur zëvendësuesin e tij, por nesë ndonjë kthesë e papritur ndodh, ai është i mirëpritur këtu.

Saviç është një luftëtar, do jetë e vështirë për të gjetur një lojtar si ai në mesin e fushës. Nuk e di çfarë rezervon e ardhmja për të dhe për ne si klub, por jam i bindur se do të jetë diçka e mirë për të dyja palët”, përfundoi trajneri lacial.

Përtej kësaj federata italiane shprehet se ndeshja do të luhet atje ku është vendosur sepse do të respektohet kontrata e firmosur. Ky vendim do të anullohej vetëm në rast të kundërshtimit nga të dy klubet që do luajnë. Deri tani nuk ka asnjë reagim nga Juventusi dhe Lacio. Madje nuk pritet të ketë, duke parë përfitimet e majme që marrin pas kësaj ndeshje.

Talenti ka lindur në Francë dhe aktualisht familja e tij jeton në Zvicër. Aktivizohej me të rinjtë e Levantes dhe më parë ka kaluar kohë në “La Masia” dhe në akademinë e Valencias. Pozicioni natyral i tij është sulmues i majtë, por nuk e ka aspak problem të spostohet në mesfushë, prapa sulmuesve.

Fier et heureux de vous annoncer la signature d’un contrat professionnel de 3ans avec @OfficialSSLazio ???, merci au club et au directeur Igli Tare pour la confiance#forzalazio???? pic.twitter.com/ocPLCTneLZ

— florent shehu (@ShehuFlorent) July 20, 2019

“Vitin e kaluar pata guximin të refuzoja disa oferta të rëndësishme për Milinkoviç-Saviç. Këtë vit pas konsultimit me lojtarin dhe stafin e tij dhe për atë që ai ka treguar, unë kam pak armë në dispozicion për të ndaluar ikjen. Ai dëshiron të plotësojë ëndrrat e tij dhe pritja për këtë ka marrë fund”, deklaroi Lotito.

Në një intervistë të fundit për “Corriere Della Serra”, presidenti i Lacios ka deklaruar se dëshiron ta shikojë klubin e tij kampion të Italisë, ndërsa ka pasur dhe komente për të ardhmen e Sergej Milinkoviç-Saviç dhe planet për stadiumin e ri.

MILINKOVIÇ-SAVIÇ – “Sergej është një lojtar që ka treguar se luan me zemër për klubin tonë. E ardhmja varet nga ofertat. Vitin e kaluar refuzova oferta të shumta, kësaj radhe mund të marr një vendim ndryshe, nëse lojtari propozon se ka ardhur koha për ndryshim. Kushdo që të largohet, Lacio s’do të dobësohet, por vetëm do të fuqizohet. Për këtë të mos keni asnjë dyshim”.

ËNDRRA E TITULLIT – “Pse të mos tentojmë titullin. Do të më pëlqente të bëheshim Leisteri italian. Titulli kampion është një ndër shpërblimet që trajneri Inzagi ka në kontratën e tij, nuk e kemi vendosur pa arsye”.

STADIUMI –  “Duhet të kemi shtëpinë tonë. Në këtë mënyrë do kemi mundësi të rrisim të ardhurat.  Duhet t’i bëjmë një propozim administratës bashkiake, por në të njëjtën kohë duhet dhe pak presion nga ana  e klubit dhe tifozëve”.

17-vjeçari luajti sezonin e shkuar për moshat e Kievos, por paraqitjet e mira i dhanë mundësinë të kalojë te skuadra A, ku u grumbullua në 7 ndeshje dhe luajti njërën nga to titullar për 90 minuta. Ndreçka shihet si një mbrojtës me të ardhme dhe jo më kot Tare i ka besuar.

Mbrojtësi i majtë ka luajtur për dy kombëtaret e moshave të Shqipërisë, me atë U-19 dhe me Shpresat U-21. Në Instagramin e tij zyrtare, Ndreçka ka postuar një video, ku shikohet se është në ambientet e klubit të Lacios.

Dëmtimet e shumta dhe konkurrenca e madhe te Lacio bën që 26-vjeçari të aktivizohet më pak se 200 minuta në Serie A. Prej kohësh përflitej nga mediet italiane për largimin e Berishës dhe mesa duket këto lajme ka qenë të vërteta.

Sipas “Corriere Dello Sport”, Berisha dhe rumuni Stefan Radu janë dy lojtarët që nuk janë grumbulluar me skuadrën për fillimin e fazës përgatitore. E ardhmja e Radut duket se do të jetë te Parma, ndërsa fati i lojtarit shqiptar ende nuk dihet.

Junajtid ka vite që e ndjek 24-vjeçarin. PSG është rivali i klubit ishullor për lojtarin e Lacios. Megjithatë, kërkesa prej 80 milionë eurosh e Igli tares e ka bërë të tërhiqet klubin nga Franca. Junajtid do e paguante pa problem këtë shifër pas largimit të Pogba.

Francezi është me një këmbë jashtë, duke parë edhe deklaratat e Mino Raiolës, që u shpreh po punohet për transferimin e Pogba. Juventus ose Real Madrid janë në garë për yllin francez, me Junajtid që nuk e lëshon pa 150 milionë euro.

Presidenti i Lacios, Klaudio Lotito, ka reputacionin për të qenë një biznesmen i zgjuar dhe duket se ky i fundit nuk ka ndërmend të ulë çmimin e mesfushorit, që është vendosur 100 milionë euro. Milinkoviç-Saviç nënshkroi një kontratë afatgjatë me Lacion në shtator, duke e mbajtur atë në kryeqytet deri në vitin 2023.

Ndërkohë, PSG ka disa probleme financiare të FFP-së dhe skuadra franceze nuk mendohet se do e paguajë shumën e kërkuar nga presidenca e Lacios për mesfushorin serb.

Sipas “lacionews24”, Igli Tare ka piketuar zëvendësuesin e 32-vjeçarit. Bëhet fjalë për lojtarin e Ajntrahtit të Frankfurtit, Martin Hintereger. Qendërmbrojtësi shtatlartë është prej disa vitesh pjesë e rregullt e kombëtares austriake.

Për të siguruar kartonin e 26-vjeçarit, Lacio duhet të mposhtë konkurrencën  e anglezëve të Kristal Palas.

Sipas gazetës italiane “Il Tempo”, në zyrat e Lacios ka ardhur një ofertë nga ish-ekipi i Berishës, Salcburgu. Kampionët e Austrisë duan ta huazojnë për një vit 26-vjeçarin.

Berisha ka dhe katër vite të mbetura në kontratë me Lacion. Largimi ose jo i Berishës do të vendoset në varësi të afrimeve që Lacio do të kryejë në javët në vazhdim.

Te Lacio duket se kanë humbur durimin dhe janë gati ta lënë të lirë mesfushorin, por vetëm në formë huazimi. Siç raportojnë mediat italiane, Berisha mund të rikthehet te ish-skuadra e tij, Red Bull Salcburg në formën e huazimit 1-vjeçar.

Te skuadra austriake, Berisha do të gjejë një vend titullari, si dhe do të ketë mundësinë të luajë në Champions League. Mbetet për t’u parë nëse mesfushori i “Dardanëve” do të pranojë të rikthehet në Austri ose nëse do të qëndrojë e të luftojë për një vend titullari te skuadra e Serie A.

Sipas medieve italiane Lacio është futur në negociata për sulmuesin e Genk, Mbuana Samata. Sulmuesi 26-vjeçar shënoi më shumë se kushdo në sezonin duke rezultuar kyç në shpalljen kampiont të Genk me 23 gola.

Sulmuesi nga Tanzania ka dhe dy vite kontratë me Genk, por vetë ai e ka bërë të ditur që dëshiron largimit pas nga kampionati belg. Lacio është e gatshme të plotësojë kërkesat e Genk, por vetë lojtari po tundohet nga oferta nga skuadra të ndryshme nga kampionati kinez.

https://www.youtube.com/watch?v=ADwzliGN8G8

Të dy futbollistët shqiptarë kanë bërë sezone të shkëlqyera dhe janë në radarin e disa skuadrave me emër, përfshirë këtu dhe Lacion. Objektivi kryesor i lacialëve mbetet Uesli, sulmuesi i Klub Bryzh, por në rast se nuk arrihet te firma e tij, do të nisin bisedimet me dy sulmuesit shqiptar.

Për Muriqin, interesimi nuk ka munguar që kur është hapur merkato, me shumë skuadra të mëdha turke që kërkojnë shërbimet e tij. Ndërsa për Ajetin, ka pasur interes nga kampionati holandez, por bomberi ka vendosur të qëndrojë te Bazeli deri më tani.

Sipas “Sky Sports”, Tare ka refuzuar ofertën e Milanit. Drejtori Sportiv do t’i mbetet besnik skuadrës ku punon në këtë post prej më shumë se 10 vitesh.

Pavarësisht skepticizmit që e shoqëroi në vitet e para, Tare ka treguar se është një ndër më të mirët në rolin e tij në Itali duke ngritur gradualisht nivelin e Lacios, që vitet e fundit është bërë një ekip që i është afruar pjesëmarrjes në Champions League.

Holandezi Roben e ka shprehur disa herë se dëshiron të luajë edhe një vit në një kampionat elitar, para se të përfundojë karrierën në një kampionat si “MLS” në Amerikë ose Superliga kineze. 34-vjeçari s’ka luajtur kurrë në Serie A dhe në Romë do mirëprisnin krahëhapur. Megjithatë, kërkesat financiare të lojtarit nuk do të jenë diçka e thjeshtë për t’u përballuar nga financat e Lacios.

Spanjolli Moreno ka kaluar dy vite shumë të vështira në Angli, por mëngjarashi është vetëm 26 vjeç dhe te Lacio shpresojnë se mund të rigjejnë lojtarin që shkëlqeu me Sevijën vite më parë. Mosha e madhe e Senad Luliç nuk jep garanci për të ardhmen, ndërsa Durmishi dhe Xhordan Lukaku nuk e kanë justifikuar besimin e ekipit kryeqytetas, ndoshta Moreno do të jetë zgjidhja përfundimtare për këtë pozicion problematik.

Ofertat për ish-mesfushorin s’kanë si të mungojnë dhe e para ka ardhur nga Lacio. E ardhmja e Simone Inzagit duket gjithmonë e më larg Lacios me Juventusin dhe Milanin që po tentojnë të joshin trajnerin italian.

Sipas “Sky Sports”, dyshja Tare-Lotito kanë filluar bisedimet me Gatuzon, ndërsa interes më të pakët për ka dhe nga skuadra tjetër kryeqytetase, Roma. Verdhekuqtë po shqyrtojnë një listë me disa trajnerë, ku është dhe emri i Gatuzos.

Presidenti i Lacios, Lotito, nuk ka ndërmend ta lejojë Inzagin të largohet dhe është gati t’i ofrojë një kontratë të re. Kjo kontratë mësoeht se është 3-vjeçare, me një rritje rroge 1.5 deri në 2 milionë euro. Milani është gati t’i ofrojë Inzagit një pagë 2.5 milionë euro në vit.

Kuqezinjtë kanë vendosur edhe një afat se kur Inzagi duhet të vendosë, që është ditën e martë. Mbetet për t’u parë se çfarë vendimi do të marrë trajneri i Lacios, Simone Inzagi.

Gjatë orëve të fundit pothuajse në të gjithë mediet italiane ka filluar të përhapet lajmi se lojtari ka gjetur akordin me përfaqësuesit e klubit të Juventusit. Kampionët e Italisë i kanë ofruar mesfushorit serb një kontratë 5-vjeçare, ndërsa shifra që ka bindur lojtarin është ende enigmë.

Tani, negociatat kanë filluar në nivel drejtuesish. Dyshja Anjeli-Paratiçi do të ulet në tavolinë me homologët Tare-Lotito. Vitin e kaluar presidenti i Lacios refuzoi 100 milionë euro për kartonin e serbit, ndoshta kësaj here do t’i ketë ulur kërkesat.

Në një postim në rrjetin social “Instagram”, Nesta shkroi:  “Sot mbaron një eksperiencë e pabesueshme që më lejoi të rritem, teksa bëja punën që dashuroj. Falënderoj klubin e Peruxhës, djemtë e mi dhe tifozët bardhekuq që më mbështetën  përgjatë një me pasion e krenari, në stadium dhe në rrugë”.

https://www.instagram.com/p/Bxumqojo1JY/?utm_source=ig_web_copy_link

Mediet italiane kanë filluar të flasin për skenar ku Nesta mund të emërohet si trajneri i skuadrës së Lacios, ekip ku hodhi hapat e parë të karrierës dhe u kthye në një ndër futbollistët më të mirë në Itali.

Simone Inzagi duket gjithmonë e më pranë largimit drejt Juventusit, çka rrit gjasat për këtë lëvizje. Me Peruxhën, Nesta arriti të kapte fazën play-off edhe pse me një buxhet të limituar.

Lacio në krahun tjetër gjeti forca të barazonte në dy raste, por mungesa e motivimit u duk qartazi te lojtarët e Simone Inzagit, i cili mund të ketë luajtur ndeshjen e fundit përballë publikut lacial, zërat për një kalim te Juventusi po bëhen gjithmonë e më të zhurmshëm.

Lacio 3 – 3  Bolonja
Shënues: Korrea 14’, Bastos 59’, Milinkoviç-Saviç 80’ / Poli 50’, Destro 51’, Orsolini 63’

Milinkoviç-Saviç zhbllokoi takimin në minutën e 82-të, ndërsa pak minuta më vonë argjentinasi Korrea shënon golin e nokautit.

Berat Gjimshiti dhe Thomas Strakosha luajtën 90 minuta në këtë takim, ndërsa Etrit Berisha pa gjithçka nga stoli i rezervave, diçka kjo që është bërë rutinë te bergamaskët gjatë muajve të fundit.

Lacio 2 – 0 Atalanta

Incidenti me policin – Një polic është sulmuar nga një tifoz, i cili i ka gjuajtur me një objekt nga një distancë relativisht e afërt. Polici në fjalë ka pësuar një lëndim në vesh. Kështu raporton policia lokale dhe nuk dihet ende nëse është kapur tifozi që ka sulmuar.

Në kuadër të takimit, “Sky Sport” ka bërë me dije formacionet e mundshme, me të dyja ekipet që luajnë gati-gati me të njëjtin modul. Atalanta e Gasperinit vjen me 3-4-1-2 e zakonshëm, ku Gomez është në mbështetje të dyshes Iliçiç-Zapata në sulm.

Në portë pritet të jetë Golini, ndërsa treshja e mbrojtjes përbëhet nga Gjimshiti-Mazielo-Palomino. Nga krahët luajnë Kastanje dhe Hateboer, ndërsa De Run dhe Froiler mbulojnë qendrën e mesit të fushës.
Nga krahu tjetër, Lacio i Simone Inzagit luan me 3-5-2 të pastër, ku në majën e sulmit luajnë Korrea e Imobile. Në katërkëndësh është portieri i kombëtares Tomas Strakosha, ndërsa përpara tij në mbrojtje janë Luiz Felipe, Açerbi e Bastos.

Nga krahët luajnë Romulo e Luliç, ndërsa në qendër Parolo e Lukas Leiva. Luis Alberto do të jetë pak më i avancuar, teksa shpesh do të kalojë edhe në mbështetje të dy sulmuesve.

ATALANTA (3-4-1-2): Gollini; Mazielo, Palomino, Gjimshiti; Hateboer, De Run, Froiler, Kastanje; Gomez; Iliçiç, Zapata

LAZIO (3-5-2): Strakosha; Luiz Felipe, Açerbi, Bastos; Romulo, Parolo, Lukas Leiva, Luis Alberto, Luliç; Korrea, Imobile

Thomas Strakosha do të jetë gardiani i bardhekaltërve, ndërsa terk Atalanta pritet ta nisë nga fillimi Berat Gjimshiti. Mbrojtësi po kalon një formë shumë të mirë. Kundër Xhenoas dhuroi asistin e golit të dytë, ndërsa Gasperini e ka provuar edhe si mesfushor i majtë.

26-vjeçari pritet të luajë si titullar në mbrojtjen me tre, ndërsa Etrit Berisha e ka humbur postin e titullarit që prej muajit mars. Atalanta nuk e fiton këtë trofe që prej 56 vitesh dhe do të kërkojë ta ngrejë në qiell për herë të dytë në histori, ndërsa Lacio do provojë ta veshë kupën bardhekaltër për herë të shtatë.

23-vjeçari është pjesë e Xhenoas që nga muaji janar, ndërsa kartonin e tij e zotëron Betis. Sulmuesi është i huazuar në Liguria, aty ku ka shënuar 3 gola deri tani.

Lacio dëshiron ta marrë në huazim dhe e sheh si lojtarin e duhur për të krijuar një dyshe me Çiro Imobilen. Sanabria mendohet si një alternativë shumë e mirë edhe nëse largohet Felipe Kaisedo.

Tani pritet vetëm akordi me ekipin spanjoll dhe sulmuesi, i cili zëvendësoi polakun Piatek, mund të vazhdojë të luajë në Serie A, por tashmë në kryeqytetin italian.

Ky takim u analizua nga ish-trajneri i kombëtares shqiptare Xhani De Biazi gjatë një emisioni sportiv në vendin fqinj. Tekniku italian vuri gishtin te blerjet e verës, që sipas tij kanë rezultuar të gjitha të dështuara, me përjashtim të argjentinasit Korrea.

“Lacio humbi ndaj një Atalanta shumë të mirë, për këtë nuk ka dyshime. Në ndryshim nga viti i kaluar mungon kontributi i disa lojtarëve të rëndësishëm si Milinkoviç-Saviç dhe Imobile. Megjithatë, më duhet të shtoj se blerjet e verës, përjashto Korrean, nuk kanë rezultuar të duhurat për projektin e klubit”, tha De Biazi.

Protagonist në këtë takim ishte padyshim Berat Gjimshiti, i cili ishte pjesë e golit të tretë të Atalantës, me mbrojtësin tonë që detyroi Wallace, të shtynte topin drejt rrjetës së tij. Gjithashtu, në shtypin italian është vlerësuar shumë paraqitja e tij, teksa ka merituar notën e lartë 7.

Gjimshiti 7 “Perfekt në fazën mbrojtëse, ka meritën e madhe se mbylli ndeshjen, duke shkaktuar autogolin që çoi ndeshjen në 3-1, duke vënë nën presion Wallace. I sigurt dhe i vëmendshëm, mbrojtës i shkëlqyer”.

Ndërkohë, nga ana tjetër Tomas Strakosha ishte i pafat, me portierin tonë që është vlerësuar mesatarisht në Itali. Notën 6 i ka dhënë Eurosport.it, gardianit tonë.

Në fushë ishte dhe Ronaldo, imazhet me lot në sy të së cilit i prekën të gjithë, por atë pasdite fenomeni i vërtetë ishte një çek.

Karel Poborski barazoi dy herë avantazhet e Interit me anë të Vierit dhe Di Biaxhos, ndërsa Simeone dhe Simone Inzagi vulosnin fitimin e titullit nga ana e Juventusit, që triumfonte në Udine përballë ekipit vendas. Lacio mposhti 4-2 Interin dhe ëndrra titull u kthye në një makth që nuk harrohet as sot.

Tifozët bardhezinj nuk humbasin asnjëherë mundësinë për t’u tallur me ata të Interit. Kështu ndodh çdo 5 maj, njësoj ka ndodhur edhe dje. Të shumta batutat dhe ironitë për një ndër pasditet më të hidhura të popullit interist.

L’#Inter fu: il 5 maggio festeggiato sui social dai tifosi della #Juve ? ? https://t.co/sVvV0qVboQ

— Corriere dello Sport (@CorSport) May 5, 2019

Lukas Leiva është një nga lojtarët kyç të ekipit të Inzagit. Braziliani është ura lidhëse mes mbrojtjes dhe sulmit. Ish-lojtari i Liverpulit ka rinovuar deri në vitin 2022 me Lacion, që ka bërë publik lajmin në faqen e saj zyrtare.

Në një prononcim për “Corsport”, 32-vjeçari flet për të ardhmen dhe mundësinë e rikthimit dhe mbylljes së karrierës në vendlindje. Lukas ndihet i lumtur në kryeqytetin italian dhe mohon në mënyrë kategorike rikthimin një ditë te Liverpuli, aty ku u aktivizua për 10 sezone, përpara se Igli Tare ta vishte me ngjyrat bardhekaltër.

“Është akoma herët për të menduar për ekipin e radhës. Nuk e kam vendosur ende nëse do të kthehem në Brazil për të luajtur apo për të jetuar. Rikthimi te Liverpuli? Jo, familja ime gjendet për mrekulli në Romë. Mund të jetojmë këtu përgjithmonë. Më intrigon kjo ide dhe më pëlqen shumë”, përfundon mesfushori i Lacios.

Pepe Reina ka reaguar ashpër ndaj tifozëve italianë. Ai i quan ata idiotë dhe shprehet se duhet të hapet një faqe e re ndaj këtij fenomeni. Ai përgëzon reagimin e dy lojtarëve dhe është i mendimit se lojtarët nuk duhet ta lënë fushën e lojës në të tilla raste sepse arbitri dhe asistentët e tij janë ata që vendosin.

“Gjatë gjithë ndeshjes dëgjuam kore raciste nga tifozët e Lacios. Kesi dhe Bakajoko meritojnë repsekt, pasi nuk reaguan dhe u përqëndruan vetëm në fushë. Gjyqtarët dhe zyrtarët e tjerë në ndeshje kanë fuqinë ta ndalojnë ndeshjen nëse e shohin të arsyeshme. Nuk mendoj se lojtarët duhet të braktisin fushën.”

“Dy djemtë janë njerëz me mend në kokë dhe ata e dinë se nuk janë të gjithë tifozët njësoj, nuk janë të gjithë idiotë. Duhet të hapim një faqe të re. Të japim një mesazh të fortë kundër racizmit, megjithëse fatkeqësisht duket e vështirë sepse idiotët janë kudo”, u shpreh ashpër portieri i Milanit.

Francezi u bë shkak polemikash për festimin e bërë me bluzën e Açerbit dhe tifozët e Lacios nuk ia kanë harruar. Dy ekipet do të zbresin në fushë, sonte në orën 20:45 për ndeshjen e kthimit gjysmëfinale të Kupës së Italisë. Ndeshja e parë është mbyllur në barazim pa gola.

Dy trajnerët kanë publikuar edhe formacionet e sfidës. Xhenaro Gatuzo ka zgjedhur skemën 3-4-3. Kaldara do ta nisë nga fillimi dhe do të plotësojë treshen e mbrojtjes bashkë me Romanjolin dhe Muzakion. Në sulm, Piatek do të mbështetet nga spanjollët Suso e Kastihejo.

Simone Inzagi përgjigjet me skemën 3-5-1-1. Strakosha si gjithmonë titullar, ndërsa argjentinasi Korrea do të mbështesë Çiro Imobilen në majën e sulmit bardhekaltër.

MILAN (3-4-3): Reina; Muzakio, Kaldara, Romanjoli; Kalabria, Kesi, Bakajoko, Laksalt; Suso, Piatek, Kastihejo

LACIO (3-5-1-1): Strakosha, Bastos, Açerbi, Luiz Felipe; Romulo, Luis Alberto, Leiva, Milinkoviç-Saviç, Luliç; Korrea, Imobile

Bardhekaltrit do të sfidojnë Milanin për një vend në finale, ndërkohë që ndeshja e zhvilluar në kryeqytet përfundoi pa gola. Rikthehemi te tifozët.

Një grup prej 50 anëtarësh të “Irriducibili” kanë shfaqur një pankartë shokuese në rrugët e qytetit të modës. “Nderime Benito Musolinit”, kanë shkruar ultrasit lacialë, duke iu referuar ish-diktatorit italian. Policia ka marrë masat dhe ka arrestuar një pjesë prej tyre.

Mesazhet politike nuk lejohen në stadiumet italiane, ndërsa ekspozimi i bindjeve neo-fashiste dënohet nga ligjet e vendit fqinj.

Rreth kësaj ngjarje ka reaguar kryebashkiaku i Milanos. “Duke u përpjekur edhe që të ç’dramatizoj ngjarjen, nuk mund të mos kuptohet se janë kaluar limitet. Milano mbetet dhe do të jetë gjithmonë një qytet thellësisht anti-fashist”, shkruan në rrjetet sociale Bepe Sala.

HISTORIKU – “Viti i shkuar ka ikur, duhet të shikojmë të tashmen. Kundër Lacios luajmë gjithmonë të barabartë, fillojmë 0-0. Të arrijmë finalen e Kupës është shumë e rëndësishme për ne, por duhet të bëjmë një ndeshje të shkëlqyer”.

NDESHJA – “Jemi shumë të lodhur, kampionati na ka lodhur. Nesër luajmë në shtëpi, do të kemi shumë tifozë. Para dy javësh, kishte shumë polemika, por nesër, do të fokusohem vetëm brenda fushës së lojës”.

INZAGI – “E njohim njëri-tjetrin prej shumë vitesh. Do të bëjmë më të mirën për skuadrat tona, duhet të mendojmë vetëm për marrëdhënien tonë brenda fushave”.

PAKETA – “Dua lojtarë në fushë që më japin garanci. Ai sapo është rikthyer nga një dëmtim, por ka shanse që të startojë si titullar nesër. Ne e vlerësojmë shumë dhe kemi besim te aftësitë e tij”, përfundoi Gatuzo.

Të parët ishin lacialët. “Ty, që na ke dhënë nderin të jemi skuadra juaj e parë: urime, Caput Mundi”, shkruan klubi bardhekaltër në rrjetet sociale, duke mos e përmendur fare emrin e qytetit dhe “armiqve” të së njëjtës tokë. Në vend të Romës kanë shkruar “Caput Mundi” që vjen nga latinishtja dhe do të thotë: Roma, kryeqyteti i botës.

? A te che ci hai donato l’onore di essere la tua Prima Squadra: auguri, Caput Mundi pic.twitter.com/bPHIRU7Y1q

— S.S.Lazio (@OfficialSSLazio) April 21, 2019

Lacio është krijuar në vitin 1900, kurse verdhekuqtë 27 vite më vonë. Të parët krenohen me këtë fakt dhe nuk rreshtin kurrë së përsërituri me zë të lartë diçka të tillë.

Nuk ka munguar urimi i Romës dhe replika me Lacion. “63-i horizontalisht, kryeqyteti i Italisë” dhe një fjalëkryq në të cilin shkruhet fjala Caput Mundi brenda katër hapësirave që do të përmbanin fjalën Roma.

63 orizzontale: la Capitale d’Italia

? admin: pic.twitter.com/LQyBqQVdQp

— AS Roma (@OfficialASRoma) April 21, 2019

Sipas “Tutto Mercato Web”, portieri i kombëtares sonë ka rrëmbyer simpatinë e presidentit Lotito me cilësitë e tij. Lacio e do atë për shumë vite në mes të katërkëndëshit, por cilësitë e tij nuk kanë kaluar pa u vënë re nga klubet e tjera dhe është e pashmangshme të mos ketë oferta për të.

Megjithëse kontrata e tij skadon në vitin 2022. Interes për të kanë shfaqur kryesisht klube nga Anglia. Gjithsesi një pjesë e madhe e së ardhmes së tij varet nga objektivi Champions. Nëse ai do të dëshironte të largohej, kjo do të ndoshte për jo mëpak se 40 milionë euro.

Ishte viti 2008. Vlonjati mori licencën dhe filloi një vit më vonë zyrtarisht detyrën që mban edhe sot. Të gjithë iu turrën Lotitos atëherë, ndërsa kritikët kanë zgjedhur heshtjen sot. Më saktë, nuk kanë se çfarë thonë, pasi flet vetë puna fantastike e drejtorit shqiptar.

Presidenti tregon edhe një detaj në lidhje me trajnerin Inzagi, ndërsa zbulon të vërtetën në lidhje me Marselo Bielsën. Akordi me trajnerin e famshëm argjentinas ishte arritur, por ai nuk i shijoi kurrë emocionet e futbollit italian.

TARE – “Shumë persona nuk e pranuan këtë zgjedhje, por ishte një zgjedhje e madhe. E kishim lënë për t’u takuar dhe për të rinovuar kontratën. Igli erdhi bashkë me agjentin e tij dhe i thashë: ‘Shiko, nuk do ta rinovoj kontratën’. ‘Si ka mundësi, ju më dhatë fjalën, nuk është korrekte dhe as serioze‘, u përgjigj ai. I thashë që kisha qëllim ta bëja drejtor sportiv të Lacios. ‘Si i bëhet, unë nuk kam as licencë’, ma ktheu Igli. I thashë që të mos merakosej për atë gjë dhe se kishte 30 minuta kohë për t’u menduar. U kthye pas gjysmë ore dhe më tha se e pranonte propozimin tim.”

INZAGI – “Kur u bëra president, fillova të thërras lojtarët për rinovimin e kontratave. I ra radha Simones dhe erdhi bashkë me agjentin e tij. Ju ofrova 5.3 milionë euro për 5 sezone. Agjenti u kënaq. ‘U morëm vesh, do ju jap 5.3 milionë për 5 vite?’, pyeta. ‘Në vit?’, tha Simone. ‘Jo, në total’, iu përgjigja unë… Pastaj ndodhi më e bukura. Ai më kërkoi që të flisnim vetëm për vetëm. Çfarë dëshiron që të bësh më vonë e pyeta dhe ai mu përgjigj se dëshironte të bëhej trajner! ‘Do të të bëj trajner të Lacios’, i thashë… ”

BIELSA – “Marselon e largova unë. Kur isha në Francë, Tare më telefononte dhe më thoshte se kishte blerë lojtarët që i pëlqejnë Bielsës, por trajneri ndërronte mendje pas tre minutash. U ktheva në Formelo dhe e morëm në telefon. Tare i fliste dhe ai përgjigjej sikur të ishte ndonjë shkencëtar. Nuk durova më dhe i mora telefonin nga dora Iglit. ‘Dëgjo mister, mori fund, ju duhet të largoheni’. Iglit nuk i mbeti pikë gjaku në fytyrë…”